انتو شو تشوفون ..!! هذيلا شباب

السلام عليكم ورحمة الله وبركاته ،،،



هـــــــــلا وغــــــــلا .. اشحالهـــــــــم

كل عام وانتو بخيييييير .. وعسااااكم من العااايدين:fa42:



طبعا يحزنني أن أكتب هذا الموضوع ولكن ،،،



يوم السبت ثالث أيام العيد قررت عائلتنا الكريمة أن نقضيها في العين ونتمشى هناك .. منو بعد سوا شرااااتنا .. ماشاء الله ..وأكيد الكل استمتع في العين دار الزين حسنا حسنا ... كيكيكيكيكيكيكيكي

أدري ما قلت شي مهم للحين.. المهم

آخر مكان قررنا نروحه هو العين مول وطبعا الكل يدري إن في مثل هذا اليوم

كانت مبارات منتخبنا العين مع الاتحاد السعودي ،، وكان نص شعب العين يطالعون المباراة فالمول ،، لما خلصت المباراة وخسر فريقنا المول انقلب من الحزن ،، لكن مب هذا الشي الغريب ،،



الغريب والعجيب انه شباب العين كل واحد شعره متر .. كل واحد شعره أطول من الثاني:shutup:



ابصـــــــــــراحة ،، أنا متعوده اشووووف ناس شعورهم طوال بس مب جذه أو حتى إذا بشوف بيكونو ثلاثة او أربعه من خمسين لكن هني .....:fa46:



يعني معقولة كل واااحد يطول شعره شبر شرا البنت ..!!:fa38:

أنا مب قصدي أحط على شباب العين .. ولا حد يحط فخاطره من صوبي ..!!



نسيت أخبركم شي لما المول انقلب جيه

خالي كاااانت عنده حالت طوارىء من صوبنا يسويلنا اخلاء من المول

كيكيكيكيكيكي





أترك لكم الموضووووع للنقااش ..؟؟

والسمــــــــــــوووحة


محبتي :
أمـــــــــــريــــــــــ ن

ابويه يوم سافر عشان يكمل دراسته .. كان شعره طويل لين كتفه :fa56:

هب شرط هل العين .. يعني العرب قديما كانت شعورهم طويله

و سنه .. حتى انهم كانوا يعقصون شعورهم

و شرات الكحل .. سنه .. الكحل العربي طبعا ..

بس حاليا ما ادري اذا كانوا يتبعون عادات العرب و السنه :glare:

او انها

" تقليعه " جديده !!

يبون يلفتون الانظار بها !!

انا شفت في بوظبي شباب مطولين شعرهم

لين خصرهم و اطول ..

بس كانوا ينعدون عالاصابع ..

و تسلمين عنوني عالموضوع

::

::

ملك

:fa41:

:fa56: :woot: :fa56: :woot: الحين هالشبااب اللي طريتيهم يا ملك شعوورهم اطول من شعري :woot: :fa56: :woot: :fa56: ؟؟
يالفضيييحه ...

عاد قلنا طولواا بس مب ليين نص الظهر ؟؟
الله يهديهم بس..

اهلين المتفيزرة

العجيب

انه في بنات تقص شعرها بوي ..

:glare:

ما يعرفون هالشباب و البنات شو يسوون

محتارين ..

انا اقول لو يقرعون مرة وحده

عالزيييرووو

:tounge:

احسن و اريح و عملي اكثر

:wow:

ملك

يمكن ناااس يطولوووونه لحدمعقوووووول
ولكن يووووصل للظهر
:wacko:

تسلمين غنااااااتي على مرورج.. لا عدمناااج

المتفيزره عالعرقووب

وانا بعد شرااااتج .. فشيييييلة والله
شعوووووورهم أطول من شعووورنا:shutup:


تسلمين غناااااتي ولا عدمناااااااااج

ملك

أنا وياااااااااااج بالرااااااااااي
عالـــــــــــــــزيـــــ ــــــــــــروووو أريح وعملي أكثر

مشكور إختي عالموضوع وهي موضة وبتعدي ما عليج

ولد الشحووووح

مووووضة ... بس تلوع الجبـــــــد
ما أدري منو قص عليهم وقالهم جيه حلو

سبحان الله يقولون سنة

ونسوا القزع ..هو قص بعض اجزاء الشعر ...

وانما الاعمال بالنيات ..مااظن احد من الشباب مطول شعره عسب يقتدي بالرسول عليه الصلاة والسلام ..السنة

خاصة شعورهم طويلة ولحاياهم مسلخه ..


الله يهديهم بس

ألحين الاولاد يطولون شعرهم

و

البنات يقصرن شعرهم

هيل الشباب هفات تيهم

هب بس شباب العين حتى شباب بوظبي
وخاصة شباب الغربيه انا يوم سرت البدع شفت كم واحد شعره طويل لين جتفة
بس ماعليج فتره وتعدي

احم احم شفيه الشعر الطويل
وعلى فكره الشعر الطويل مب سنه .. بس عاده العرب ... طبعا الكل الحين يقول بس ليش ما شفنا آباءنا يسوووونه ( مع انه أبوي كان شعره طويل يوم كان يدرس في أمريكا )... لانه المجتمع كان رافض هالشي .. وانا اشوف صراحه ما فيها شي انه الواحد يطول شعره ... والا يت علينا احنا الشباب .... :fa55: والبنات يقصون شعرهم على كيفهم :fa52:
... طبعا انا ما اقولكم اني مع كل الي مطولين شعورهم ... لانه في منهم اصلا اشكالهم مب راكبه مع الشعور الطويله وفي منهم ما يغسله شهر وفي منهم الي قصده مب شريف( التشبه بالنساء ) والسموحه الغالين ... مجرد رأي ..

أخوكم سي آر إكس :fa42:

لو شعرهم نعيم ويطولونه زين

بس فيه واحد شعره خرووووووفي وامطولنه

:shocked:

اتقولين داس فيل عن يودونه حديقة الحيوان
:nerd:

نبراس الليل

طرفوشة

الدلووووعة

سي أر إكس

نملة الواحات


وبعدين صح في بنااات يقصووون شعوووورهم وبوووووياااات ،،، لكن هيه فترة وتعدي
ويمكن الاولاد يغايضون البنااااات والعكس:fa42:
أو تكوووون موووضة ولهاااا دووووور:fa42:



أشكر مروووركم اخواااااني ولا عدمنااااكم ..


أمرين

. . وعليــكم الســلام والرحمــة . .

× × ×

أولا هـــاردلك ..

ثــانيــا .. شو الســالفة طالعه موضــة يديده عندكم هالأياام
الخـــــــــــــط متغيـــــــــــــــــــر

-------

نرجع لموضوعنــا

بالنسبــة للشعــور الطويلــة
أنــا أشوف إنه الفئة إللي ترمسين عنهم مصخـــوهــا واايــد لأنه مب شي
حـــلاة الشــاب يوم يكون شعــره قصيــر وإذا بيــطوله ..
إيكــون شعره فـ ( حدود المعقووليه ) على قولت داود حسين فـ مسرحية بو متيح ..

وبراايي أنــا كـ شاب .. ما أحب الشعر الطويــل بهالطريــقة
وخــاصة إذا كــان مثــل ما قــالت وحده من العضــوات مب ناعم ...

^__^

وان شاء الله فترة واتعــدي
وبيظهــرون لنــا بموضــة يديدة .. عقب كم يــوم ..

^__^

ومشكــورة أمريـــــــن عـ الموضـــوع
هــا ما قمتـــي اتنقعيـــن هالأيـام

:fa51:

خــّطاب

أشكـــــــــر مرورك الحـــلو

وشوووو هالموضة اللي ترمس عنها...

الله يستر بس

هذا يعتمد على شخصية الولد نفسه،، وشوه الغرض من إنه يطول شعره،،

هل هيه:

سنـــّـــه... (( شرات ما قال -ملك-))
أم إنها حركة للجذب..
أم موضه انتشرت بين الشباب،،؟؟

أم أنه الشعر الطويل يحليهم؟؟

واحتمال يكون (( للدراجـــــــــــــــــــ ــااااات)).. :) عشان يوم يركب الدراجه ويسرع بها يطير شعره!!

ويمكن يكون فارس.. وراعي خيل.. يحب يطول شعره!!!!!!!!!

والاحتمالات كثيره،، وكل واحد وهدفه في تطويل شعره!!!!!

وهاي مب عادة هل العين بس.. بالعكس هيه موجوده في كل الإمارات،، ومب بس الإمارات،، إلاّ العالم بكبره،،!!

أم سلطان.. رهيفة القلب

أم سلطان.. رهيفة القلب

تسلمين الغالية على مرورج وكلامج
بس حتى ولو بيتدلع بشعره
مب جيه يطوله .

يكون لحد معقول وما عليه كلاااااااام

آسف لأن ردي متأخر لكن حبيت أرد على الموضوع:laugh:

بصراحة أشوف أن الشعر الطويل حرية شخصية لكن المشكلة إن هذي المسألة بالتحديد و في دولنا العربية تعتبر ضد الذوق العام لمجتمعاتنا و الشاب نفسه في كل مكان يكون موضع إنتقاد ... طبعا في شباب قلوبهم قوية و طموحين بشكل كبير لمستقبل أكثر إشراقا و ازدهارا مثل شباب مدينة العين:laugh: طبعا ما يهتمون لرأي أي شخص لأن فنظرهم الريال مب فشعره القصير الريال بفعاله الكبيرة اللي تخليه يقول عن نفسه ريال و الناس تعرفه بهذا الشي

و شكرا:laugh:

عادي امرين الموضه وحليلهم قاصين على عمارهم
ترا الشباب مخبل شافو فلان وعلان وسو شراتهم

وعلة قولة نمله لو نعيم مب مشكله لكن الواحد شايل ياعد فوق راسه ليش
صدق منظر باااايخ واذا حد من اخواني سوا هالحركه انا باحلقله 000000000000

وتسلـــــــــــــــمين الغاليه على الموضوع

أنا اشوف لاعيب في تطويل الشعر ولكن كما ذكر الى الحد المعقول
ويمكن لان البعض يطول شعره لانه يعرف انه يوم يوصل 35 او 40 شعره بيطيح وبيقرع :fa56:
فيبغي يتمتع بشعره في هالفترة :fa42:
عالعموم ماشوف انه هناك اي عيب في التطويل وخاصه انه هو منتشر في كل العالم وليس فقط في دولتنا الحبيبه
وشكرا

مافيها شي لو كان مرتب ومطولنه بحدود المعقول . .

تسلمين اختي امرين على الموضوع

بس مثل ما قالوا موضه وبتروح بس نتريا شوي
وصدقهم لو شعر الولد ناعم ما عليه يطوله
مب شرات من ايام وانا طالعه من الامتحان
شفت ولد شعره لين جتفه ولا مسشورنه ومسونه كيرلي
مب بس لاعت جبدي
بس بصراحه تمن البنات كلهن يضحكن عليه :fa56:
ولا مستانس نازل من السياره

كـل شـيء زاد عن حـده يقلـب لضـده

:Oo:


أشكـرك أختـي أمريـن على الموضوع..