جاوبوني بصراحة

انا من السعودية....
وعشان انا احب الشعب الإماراتي....
ودي اعرف وبدون اي مجاملات.....
وش رايكم في الشعب السعودي؟؟؟؟؟؟؟
وارجوكم عطوني رايكم بصراحة....
مهما كان الكلام جارح....
بس رجاء بدون اي إهانة:look:
ويعطيكم العافية

اممم الصراحه انا لهجتكم تعيبني وااااايد و احاول اقلدكم بس مافي فايده

ولي عوده

بالنسبه لي ما شي حساسيه بينا و بينكم..

يعني الشعب الاماراتي والسعودي اخواان..

بس عاد خلونا ناخذ اللقب الاسيوي الاثنين الياي ..

السلام عليكم ..,,

أولا مرحبابك يا الكتكوت المرعب بين اخوانك وخواتك ..,,

من نحايتي انا أحب الشعب السعودي وعندي ربع من السعوديه وهم واايد طيبات ..,,

وهذا اللي حببني فالسعوديه أكثر وأكثر ..,,

انا كنت عادي عندي الاهل السعودي

لاكن عقب الحركة النذله اللي سواها اربيع اخويه السعودي فيه كرهتهم


اربيعك ويهكر على كمبيوترك واخويه هاك اليوم كان داخل من كمبيوتر البيت وتعال وهكر عليه
وكان يتجسس على كل شي واخويه قاله امسح الملف قاله ان شاءالله فالك
يب عقب شهر قال لخويه انتو محطين صور الاهل وماعرف شو ماعنه نحن اصلا مكنا محطين غير صور اخويانهي والاولاد واختيه الصغيرة صدق من هاي الحركة كرهت السعودين وحسيت انه فيهم عرق نذاله

سمحلي اخويه على هاي الرمسة ( وطبعا هب الكل )

مشكورين اخواني وخواتي ......
اولا لمشاركتكم.....
وثانيا عشان مشاعركم كانت صريحة معاي.....
وانا اتأسف لك يا الدلوووعة واتمنى انك تزيلين الكره اللي علينا لأن احنا ناس طيبين والله ونحبكم ونحترمكم....
على فكرة:
تدرون ان اكثر الشباب عندنا حاطين على سياراتهم صورة شيخكم وشيخ الجميع زايد الله يرحمه...
وهذا ابسط دليل على معزتنا لكم.........
مشكورين مرة ثانية

شعــب طيب

ودامكم اتحبــونا اكيــد نحن بعد انحبكــم وانعزكم :inlove:

وكلنــا اخــوان ومــايفــرقنــا شــي

والسمـوحه
...

يعطيك العافية حبوبة....
ومشكورة على المشاركة....

الشعب الاماراتي والسعودي اخواان
وكلنا شعب وااااحد
والله يديم المحبة


محبتــي:
أمــــــــــريـــــــــــ ــن

الله يديم المحبـــه بين الجميــــع :)

ومبــروك عليكم العيــــد مقـــدما

أفا عليك يالكتوكوت المرعب \ أهل الخليج تراهم عائلة وحده مهما صار أو بيصير \ أذكر مره كنت مع صديق لي من الامارات \ و ركبنا تكسي من عند الحرم عشان يوصلنا العزيزيه طبعا لما نزلنا و جينا بندفع طلب السايق مبلغ كبير فثار صديقي ليش تطلب هالمبلغ مب مسأله بخل إنما استغراب يقول صديقي ليش انتوا جيه اسعاركم مرتفعه نحن الاسعار عندنا نازله و كان جواب السايق نحن عندنا الحرم و انتوا ما عندكم الحرم خرجنا انا و صديقي نضحك على جوابه الي لا يمكن نحن نجاريه (( ياخي انتوا عندكم الحرم و عندكم المدينه )) فحبكم فطري في قلوبنا \ بلا شك ان في كل دولة تلقى الزين و تلقى الشين \ فأنت بتلاقي إلي ما يحب السعوديه و بلاقي الي ما يحب الامارات \ و هذا الشاذ في نظرته و الشاذ لا حكم له و كل عام و انت بصحه وسلامه

بسم الله الرحمن الرحيم ..

مثل ما قال الأخ خنفروش : محبتكم فطرية ..

ربي يحفظكم ويرفع من شأنكم ..

ينقل لواحة الاصدقاء كونها الأنسب مع وجود ضابط بعدم طرح تلك المواضيع ..

عدم طرح مشاركات لا تحمل أي مضمون جدي ..

عذرآ ..

حبيت اشكر الجميع على المشاركة الفعالة...........
بس عندي سؤال لمحب الشيخين...ليه تعتقد إن الموضوع ما له مضمون جدي؟؟؟؟؟؟؟
لأنه بالنسبة لي مهم واااااااااايد إنه نعرف راي الأخوان الإماراتيين عنا......
لأن على حسب اعتقادي احنا شعب مو محبوب كثير في الدول الثانية.....
بس من خلال هالموضوع اكتشفت إن احنا ناس محبوبين عندكم ..........
ومشكوووووووووووووووورين مرة ثانية........
وعلى قولكم:
والسموحة

و الله انكم

عسل و فن و ذوق

:fa42:

بسم الله الرحمن الرحيم
أخي الكريم هذه ابتسامه لك
:)
شوف يالغالي اتخيل حد من الأخوه دخل الموضوع واتكلم بنوع من التوبيخ وقال بأن شعب السعودية متكبر وغير هذا ودش واحد ثاني من الأخوه السعوديين وجرح الأخ اللي قال هذا الكلام ورد واحد ثاني منا وفينا وجرح السعوديين ورد الثاني وقدح فيه
فممكن تقول شو الهدف من الموضوع ؟!
:fa36:
هذا اللي اشوفه ولاتاخذ كلامي محكم وصائب كوني من الأداره لا اخي العزيز
هذا اللي اشوفه مثل ماقلت والسموحه كل السموحه من شخصك الكريم

أنا برأي الشعب السعودي أخوان لشعب الاماراتي

و هذا رأيي بصراحة و بدون مجاملات

أخي العزيز،،

جميع أفراد الشعب السعودي هم أخواننا في الإسلام،،
وهم جزء لا يتجزأ من دول الخليج العربي،، وجزء لا يتجزأ من قلوبنا ..

فأنتم أحبابنا،، ولا نستطيع عد محاسنكم،،

أما للمساوئ.. فلكل شعب مساوئ!! ولكن القلوب الكبيرة لا تنظر لهذه الأمور البسيطه!!

تمنياتي لك بالتوفيق ,, وتمنياتي لجميع الشعوب الخليجية والعربية والإسلامية بدوام المحبة والتآلف،،والله لا يفرق قلوبنا!!

أختك

**رهيفة القلب** :fa41: