خطبني وملج على غيري ورد يبيني..؟!؟!؟!

السلام عليكم ورحمة الله وبركاته ،،

الله يسلمكم هااااي سالفة بين اثنين مخطوبين من الواقع اللي نعيشه.. وبختصرها لكم (راح اتكلم بأسماء مستعاااارة)



أحمد وحليمة مخطوبين لبعض صار لهم 4 شهووور.. ومرة صار موقف انه

بنت خالها منى ( أخت أحمد) قاعدة مع بنت عمها شجوون ويسولفون تقول لها أخوووي أحمدووه يحب ريموووه بنت خالت أميه شجووون انصدمت قالت: وحليمة ليش نسى إنها خطيبته..!!

قالت أحمدووه كل يوم يرمسها وهي بعد مب مقصرة هذا غير لما اتييه بيتنا والهدايا .. أنا متضايجة وهم بعد أميه ..وأبوووي ما يدري بالسالفة فقلت أخبرج لأنه ما ادري شو معناة اللي يصير فبيتنا

حليمة لما واجهته وخبرته بالسالفة ،، أحمد نكر كل شي.. قالها لوما أبيج ما كنت خطبتج .. وأدري انه منوووه الدبة هي اللي قالت لج ياويلها مني.. وبعدين ما أبيج تصدقين أي رمسة تنقال عني ...

المهم حليمة أكيد بتصدقة .. ومشت على كلااااامه وعقب فترة أحمد خطب ريم ولما بغت تعرف منه السالفة قالها: انا من خطبتج أخوووج معاديني ويوم يشوفني جنه يشوف كلب.. وكل ما كلمت اهلج عن الملجة قالوا لي البنت بعدها صغيرة خلها تخلص دراااسة بالاول.. هذا معناه أبوج ما يبيني وأمج ما تبيني.. حليمة مستغربة شو اللي يصير أحمد يتخيل ويفسر أشياء على كيفه والحقيقة انه اللي يقوله مب صحيح شقايل اميه وأبوي واخوي يكرهووونك ..ليش تقول جيه...



وبعــــــد فتـــــرة ،،



أحمد ملج على ريم وعقب الملجة كانت دوم تصير مبينهم ومشاكل وبعد شهر طلقها..



المشكلــــة هني ..!!



وألحين يبا يرد يخطب حليمة مرة ثانية بس هيه ما تبيه ليش باعها فالبداية ..؟؟ ليش خذا ريم؟؟ ماتدري ..؟؟!! تبيه ..؟؟ تحبه ..؟؟ تكرهه..؟؟ وهيه من سمعت خبر خطوبته بريم وهي حالتها حالة..؟؟!!



أتمـــنى من الجميع مشاركتـــى ومناقشت هذه المشكلة ،،،



كـــــــــل الــــــــود:
أمــــــــــــــــــريـــ ــــــــــــــــن

صراحة لو انا مكانها ما برمي نفسي على ريال ما يستاهل ما دام باعني في البداية اكيج بيسوسيها وايد ةصراحة فالهزمن الريايل ما لهم امان عبالهم بنات الناس لعبة

السلام عليكم ورحمة الله وبركاته

الصراحه قصه أحزنتني من الخاطر ومحد تضرر فيها غير حليمه

وحرام تربط مصيرها بمصير انسان مستهتر وأناني مثل أحمد أذا هو اللي يبالها على قولته يرمس ريم وياخذ منها هدايا وبينهم علاقه عيل كيف يوم أنه ما يباها شو كان بيسوي ؟؟؟ّ!!!!


الدنيا ما لها أمان والوحده ألزم ما عليها نفسها لا ترخصها لمثل هالأشكال


الله يجدم اللي فيه الخير
بس رايي الشخصي بتكون مسكينه اذا وافقت عليه

الاستخارة أفضل شي ....

السالفه مب سالفة خيانه او هي عاقه عمرها عليه

الزواج قسمه ونصيب ، كان يبغي يتزوج حليمه لكن الظروف اللي ذكرها "من اخوها يوم يشوفه نفس الكلب ومن تأجيل الملجه خلته يغير رايه"

وسار يبغي يخطب ريموووه لكن اكيد شاف فيها شي مب زين فغير رايه ويوم غير راييه اكتشف انه حليمه واااااااااايد احسن من هالبنات كلهم وقرر يخطبها مره ثانيه عشان يصلح خطأه

المسأله مافيها كبر او شي من هذا القبيل ومثل ماقال احد الاعضاء صلي الاستخاره

الحرمــــه في طبيعتهــا دايما اتضحي عشان خاطر زوجهــا..
فكيف اذا كانت اتحبه و عقب اتزوجتــه..
بس في حالة احمد.. هو اناني.. و ما يستاهل الاحترام حتــى... يمكن هي تتغاضى عن وايد اشيــاء لو ما كان مالج ع ريم..بس الصراحـــــه.. خل يولي احــسن..
و في اكيد مليون غيره.. و عسى ان تكرهوا شي و هو خير لكم.. و عسى ان تحبوا شي.. و هو شر لكم..

و بعدين سالفة الزواج .. انا اشوفها نصيب.. و قدر مكتوب .. في وين ما الله كاتب لها بيكون خير..

و احمد خل يولي..

مجرد رأي..

الريال صاحب قرار, وهالانسان من وجهة نظري *اللي ممكن تكون ناقصة* هب صاحب موقف وقرار

بس لو هي تفكر في الموضوع تصلي صلاة الاستخارة ..
ولو خلّص الموضوع بالنسبة لها , تصكّر الصفحة
ومثل ما قالوا، الزواج قسمة ونصيب والمسألة معقدة

بس سؤال: ليش أكيد العيب فالبنية *ريم* وما يكون العيب فيه؟
و*حليمة* ما حست بفضول تعرف سبب الطلاق *من طرف محايد*؟! يمكن اذا عرف السبب بطل العجب, وتعرف شو السبب اللي خلاه يودرها وشو في باله

بس شكلها متمسكة فيه . ولا غيرها بتقول يولي من زمان

بس أبا اقول لها لا تستعيل .. و*هـوو* هب نهاية الدنيا!!!
ولو صلّت الاستخارة لااا تطنّش شرات وايد بنات :rock: ال وحدة منهن تصلي الاستخارة عقب اطنش الرؤيا بـإنّ الزواج بيفشل . عقب يندمن

والسموحه

ثمن عمري

ما أتوقع كل الرياييل نفس الشي

والسمووووحة

الجنيه

أنا وياااج تقريبا فالرااااي

بس أتوقع انه لما رجع يبيها اكيييد ندمااان على ما صاار


وتسلمين الغلى على مرورج

المزوحي

اكيد الاستخارة أحسن شي
لكن ،،،
حسب اللي عرفته انها صلت استخااارة أكثر من مرة بس ماتبين شي


تسلم على مرورك

شخابيط

اتوقع ان السالفة فالبداية كانت فيها كبر من طرف احمد
لكن الندم على ما صار
خلى البنت حليمة
هيه اللي ترد ألحين وتتكبر على احمد


تسلم اخوي على المرور

.
.
.
.

لــــي عودة انشــــاء اللـــــــه

شمه

البنت صح انجرحت فالبداية لما ودرها وخطب غيرها
لكن رجوعه لها.. يمكن غير اشياء واااايد
هني يبين انه هو ندم

آي ثنك ذاااات


تسلمين الغلى على مرورج

ورديّـه

الكل يشوووف ان العيب في البنية لأنها هيه اللي تحبه وحاولت تتقرب منه
ولكن انا معاااج ان احمد هم بعد فيه عيب

وسبب الطلاااااااق

انه البنت من بعد الملجة انقلبت عليه.. هي كانت تعرفه وترمسه
قبل الملجة .. وعقبها......... قلبت عليه مره وحدة تبا رايه هو بس اللي يمشي
يعني مثل ما نقوووول : " تتمسكن لين ما تتمكن "


وتسلمين على مروووورج ... لا عدمناااج

وعليــكم السـلام والرحمه

الغـاليـة أمرين

بقولـج جملـه حطيها دوم فبالج

اللي مايباني مره ما أباه مليـون
واللي يبيعني مره أبيعه عشـر
...

وودامه باعها أول مره أكيد بيبيعها مره ثانيـه
وخليه يتحسف والله يعوضها بواحد يستاهلها ويقدرها
..
وهـذا من رأيي في الموضـوع
والسـموحووو طويلـة العـمر
:fa48:

السلام عليكم ورحمه الله وبركاته

أنصحها ما تبني مستقبلها مع انسان مزاجي ممكن يهدمه في أي لحظة..الزواج استقرار وأمان وتفاهم

دمعة شوق

بس ما تفتكرين انه المسامح كريم...؟؟
يمكن البنت ما تحبه شرااات حبها الاولي
بس مشكلة ثانية .. شو بتسوي اذا اجروووها اهلها عليه
خاصة أمها.. لأنه ولد أخوها.....
تسلميييين الغالية على مروووورج

طير الحب

ليش ما يكووون المزاجي خلااااص اعتدل
الكل يطلع اللوم فيه.. صح هو الغلطااان .. بس ما أدري
رجوووعه يمكن بيكبره بعينها...

يسلمووووو عالمروووور حبوبة

أوكيــه ما أختلـفـنا المسـامح كـريم
بس لين متى بتـم أسامح هالشـخص
وشدراج يمكن يعيدها مره ثـانيه
ويـرجع بـعد يقول والله انا تبت..!!
:fa52:
واذ اهلها غصبوها تحاول تفهمـهم
وتصـلي صلاة الاستخاره وتشوف،،،
وأحسن وقت لصلاة الاستخارة هو
آخر ثـلث من الليل
..
وبـالتـوفيـج غنــاتي
والسموحووو

دمعة شوق

تسلمين غناااتي على كلااااامج
وصح السالفة معقدة وشكوووك

الله يهون علينا

أمـــــــريـــــــــن