تحويل المسجات الى الممري !!

اخواني خبراء التلفونات .

بغيت حد يقولي كيف انقل المسجاات من المبايل للممري .

يستوي ولا ؟؟ واذا يستوي كيف اسويه؟؟


ممكن حد يساعدني !

السلام عليكم ورحمة الله وبركاته

هلا اخوي مسافر للجفا

شو نوع تلفونكـ...؟!

ممكن تشغل في الموبايل ميموري الهاتف , أو ميموري البطاقة ( لو بغيت مثلا تغير التيلفون وتحتفظ بمعلومات مثال الارقام والمسجات )

امنى اكون فهمت قصدك . وها تحصله فالقائمة في ضبط الهاتف اظن

الملكه الدلوعه ..

نوع مبايلي 6600 ...

ورديه

انا ابا اسوي فورماات حق المبايل وابا المسجات الي في المبايل

انا الحين امخزن كل المسجات في المبايل ..

ابا احوله على ميموري البطاقة

بس كيف ما اعرف ؟؟؟ :fa36:

احيد كان عندي برنامج اوكسجين , كان عندي موبايل وغيرته وشريت واحد يديد والمسجات تمت في هالبرنامج ما انمسحت .. وطرشت بعضها لـ موبايلي

فجرّب هالطريقة مع برنامج مناسب وشوف الباجيين لو عندهم طريقة احسن : )
والسموحه

هلاااا أخوي مسافر للجفا

ما يحتاااي برنامج

انت سوي مثل ما بقولك وانشاءالله يينتقلن عندك المسجات للميموري..؟؟

:fa42: :fa42: :fa42:

الرسائل >> خيارات >> الضبط >> أخرى >> 3 وحدة الذاكرة المستخدمة (غير من ذاكرة الهاتف للميموري)


وجيه راح يتسيفن كلهن عالميموري
:laugh:


اتمنى اكون فدتك:

أمـــــريــــــن

هيه صح شرات ماقلت اختيه امرين ومايبلها لابرنامج ولاعوار راس

نفس طريقة امرين ..

اما اذا كان نوع الموبايل 6260 .. ماتقدر تنقلهن على الميموري

والسموحــــــــه

الي اعرفه هاي الطريقه ما تنقل المسجات ..

لكن تستقبل المسجااات ع الممري ..

يعني احول الرسايل ع البطاقة ومنها اقدر استقبل المسجات ع الميمري
بس ما اظن اقدر انقلهن

:fa54:



انا عندي مسجات امسفنهن في الهاتف ( تقريبا 200 ) مسج :fa46:
وابا انقـــلهن على ميمري البطاقة :nerd:

عادي يستوي لني احيد مره سألت اخويه عن هاي السالفة وقالي عادي بس مساحة الممري تقل

مسـافر .. انا كنت بـرد عليك بنفس
الطريقة الي ذكرتهـا أمرين ..
بس مـرة جربـت احيـد وماستوالي فاستغربت
لان مـرة ولد خالتي مسونها ويوم سألته
عطاني هالطريقـة ..!
هممم مادري والله .. اذا عرفت طريقة أحسن
او استوتلك هاي .. خبرنـييي .. (=
نستفيد من وراك لوول ..

الدلوعه

انا كل مره احول الرسايل بس ما يستوي انقل الرسايل من الهاتف للممري بها الطريقه

يستوي استقبل الرسايل ع الممري لو حولته بس ما اقدر انقله :fa36:

ماشي طريقه ثانيه يا ناس ؟:fa43:

ماعرف والله يمكن تيلفون 6600 مايستوي

ايلس اكتب المسجات كلها في نوتا صغيرة وبعدين يوم بتفرمت مبايلك ارد اكتبهم في اليلفون ^_^

أول شي صح يمكن هالنووع 6600 ما تمشي وياااه هالطريقة..

الدلووووعه

أسميج نكته .. شو يكتب المسجااات على نووووته...

خخخخخخخخخخخخخخخخ

السمــــــــــــــــوحة


امـــــــــريـــــــــن

ترا اذا يبا المسجات ومايبا يمسحهن ماله غير ها الطريقة اذا الطريقة اللي قلتيها ماستوت ^_^

اوكيك فديتج بس لا تعصبين
أسولف ويااااج...!!!
@_@


أمــــــريــــــــن

انا روحي كنت أبحث عن نفس الطريقة، وأظن 6230 مايستوي .. لأنه يوم اسير الرسائل وخيارات والضبط الآخر مايظهر إلا حجم الخط ... أما عن تيلفون 6100 عندي برنامج هاندست منجر نزلت المسجات لكن ماقدرت اردهن في 6230 للأسف ! محل بلاجس إن في الغرير قالوا بنسوي لكن لازم يكون عندهم الجهاز يوم كامل ...
طبعا رفضت !

حتى انا عندي مسجات في موبايلي ال 6600 و ما فريته بسبتهــــــن ما ينتقلون ع الموبايل اليديد..
ولا ينتقلون ع الميموري..

:(
شمــــــه

استانست يوم شفت العنوان ..

لأنه عندي نفس المشكلة ( 459 مسج)مخزنتهم في ملف من غير المسجات الثانية كلهم تقريبا 800 وابغي انقل المسجات ع الممري ومب عارفة كيف ..

جربت الطريقة اللي قلتوا عنها بس ما استوت ..


بنت الساحل ..