تعذيــيييب ( فضفضة بالصـور والحرطمه ) .. !

S$a||||||||aM'Zz @ll

http://www.w6w.net/upload2/12-10-200...311c1ba9ba.jpg

ياخـي شـ سمه يعني انا معصبه الحين وميهـوده وهلكانه ولايعة جبدي
وكل شي .. احس ناس جـي تمشي فـ داخي وتتدااعم من الغصه ..

يعنـي شـ سمه والله حرااام عليهم كرفـونا

اتخيلـوا .. كل يـوم امتحااان شـ طوله وشـ كثر المعلومات اللي فيه
نحن بشـر بعد < حسـّوا فينا حسحسـونا > :fa54:

مب حاله هاي قسم بالله .. !

برمـس عن حالتنا فـ رمضاان وبطنش الي قبله :fa52:
اتخيلـوا جدولنا من بدا رمضـان كيف !!
ماشي رااحه مول
من أول أسبوع كل يوم امتحااان امتحااان امتحااان
انرد من المدرسـه نريـح شـوي وجـي
احتمال نذاكر قبل الفطور واحتمال عقب على حسـب > اليوع كافر:fa43:
المـ ـهـ ـم ..
عقـب يبــدا الكراااف والتعذيـب ..
تحـضير 7 مواد + مراجعة الدرس الي طاف + حل واجبات
+ ترتيـب دفاتر وكراسات + مذاكرة امتحانات .. الخ
وفـي أشيا نقـدر نطنشهاا مثلا .. !:fa36:
بـس بعـد وااايد كل يوم امتحااان ..

هـا جـدول امتحانات هالاسبوعين ..!:fa56:
علمـا ان الاسبوع الياي كله متروس:shocked: .. والي عقبه لين الاثنين مادري الثلاثا:Oo:
http://www.w6w.net/upload2/12-10-200...018d652949.jpg


اسمحـولي عاد .. خط مال قهر .. :blush:
لول

.
.
وهالكـتب كل يوم لازم تنفـتح عسب تكون ملحقين عـ المنهج
وفاهمين شـ السالفه من الحينه .. ( في 4 كتب بعد مش فـ الصورة ) ..:fa52:

http://www.w6w.net/upload2/12-10-200...54ac0cc045.jpg
.
.
( الرياضيـات ) ..
حـلي الواجـب .. اختبار قصير بداية الحصـة .. حلي شي من التمارين العامه

http://www.w6w.net/upload2/12-10-200...1813941bdd.jpg

.
.
( الفيزيا ) ..
اقري الدرس الي طاف .. افهمي واحفظي عدل .. حلي صفحة الدرس
الموجوده فـ الكراسه ..
http://www.w6w.net/upload2/12-10-200...485bf85097.jpg
.
.
( الكيميا ) ..
ذاكري الدرس الي طاف .. افهمي واحفظي عدل .. اذا شي مسائل حليها
كلها .. احتمال تكون عندج ورقة عمل حليها بعد ..
http://www.w6w.net/upload2/12-10-200...4916a8d0c1.jpg

.
.
( EnGli$H ) ..
مافـجّه مووليّه ..:tounge: الا اذا في هوم وورك ..
الحمدلله اوكي فـ الانجلش (=
بس فـي بنات يعني .. يراجعون الكلمات الي خذوها .. يقرون الدرس
يلاقون صعـوبه فـ فهم الماده فـ يحتايون انهم يدرسونها كل يوم ..
http://www.w6w.net/upload2/12-10-200...17da072f34.jpg

.
.

( اللغة العربية والتربية الاسلامية ) ..
نـادرا مافجـهم .. يوم تـدق فـ راسي واحضـر
وبالنسبه للدين .. استحالة نحتج على حفظ ايات واحاديث مثلا !!
وهي أصلا خفيفه .. ! .
والي يقهرني فـ العربي هالـثلاث اربع صفحات ورا كل قصيده او مقاله
ياربـّي ـيييه .. نفس الرمسه وكلاااام كثيرن كثيرن لول ..
http://www.w6w.net/upload2/12-10-200...154c4a4977.jpg

.
.
( الأحيـا ) ..
ذاكري الدرس الي طاف .. اذا شي واجب حليه
واذا تفـيجتي عاد عقب خذي فكره عن درس الحصة اليايه ..
http://www.w6w.net/upload2/12-10-200...142fa8c832.jpg
.
.
( الجيولوجيا ) ..
لول .. يا ربي شـ كثر هالـ مس جي مادري كيف .. لول > جان فهمتوا ههه
عـادي تدخل فـ نص الحصة .. ابلة وينج ليش اتاخرتي
نسيت ان عليكم حصه .. بس الي يشفعلها ان شرحها اوجـييه > اوكيه
اقري الدرس .. حضري جان تفجيتي لول .. حلي الدرس على الكراسه
واذا له مسائل ف تقويم الكتاب حليها > حتى ف الجيولوجيا مسائل !
http://www.w6w.net/upload2/12-10-200...1527ac4d1e.jpg
.
.
وفـ النهااايه .. عاد يلـسي ذاكري ( الامتحـان ) الي عليج !!

http://www.w6w.net/upload2/12-10-200...40a9c45097.jpg

.
.
احنـا مش محتجـين على الامتحانات .. امتحنونا كيفكم .. :fa44:
بـس عـ الأقل عطونا يوم واحـد فـ الاسبوع راحـه .. جي مانروم
والله تعذيــب .. يعني احنا بشـر بعـد .. كله مذاكره مذاكره مذاكره
3 اسابيع ونص .. امتحان يوم بـ يوم .. يوم واحد من هالـ3 اسابيع
الا وفيه امتحااان !! .. مش معقوله جي .. !:crosseyed
جي نفسية الواحـد تتعب مابيروم يستوعب شي زياده بيعيف الكتب اكثر عن
ماهو عايفنهـا لول .. بتستوي عنده حالة تشبع جـي .. والله تعذييييييب:wow:
واتـي كل مـس ترمس عن الماده وتحـتج وتبى يوم حق مادتها عسب تمتحنا
جنـه نحن ماندرس الا مادتها هي بـسسس !! :fa44: .. مايقـدرون
طبعا مش كلهن ..
وخـصّه الحين فـ رمضان تخيلوا نسـوي هاا كله .. ماشي وقت والله
رمضان يعني زيادة عباده و الي تبى تدش المطبخ تدش والي بتطاع التيلفزيون
لو شويّه والي واللي .. وانتوا ادرى !!
وقلنـا بنرتاااح فـ الويك اند من عقب هالاسبوعين
طلع علينا امتحان رياضيات بكل الي خذناه يوم السبت
يعني عسب نخفف نذاكر الخميس واليمعه وشكلي بذاكر اليمعه بس
احس جــيي .. :glare:
والله تعــــــــــــــــــــــب
نحـن ثانويه عامة ومحتايين ناس ترفع معناوياتنا وتريح نفسيتنا
مب نـاس تكرفنا كراااف وتسـد نفسنا من الحينه .. :fa44:
اذا توه أول شهر يخلص ونحن جـي ملينا بسبة هالكراف كله .. كيف
علـى اخر أيام .. الوحدة وين بيتم فيها حيل بعد !!:ghostface

http://www.w6w.net/upload2/12-10-200...102fd50e58.jpg
.
.
بتقـولون .. ليش كل هالتحضير والمراجعه دامه مب محسوب
المسأله مش مسألة مش محسـوب .. بس من الحينه الوحدة تبدا
أحسـن .. والمذاكره أول بـ أول تفيــدنا .. حتى لو كان عدنا شهر شهرين
نذاكر فيهم قبل الفاينـل .. :fa44:

http://www.w6w.net/upload2/12-10-200...456e8c73ae.jpg

.
.
شـ سوي يعني ؟؟
أجلع واير الكيبورد وأزغــد عمري به !!
:fa43:

http://www.w6w.net/upload2/12-10-200...1813f4d68a.jpg

.
.
سمحولي .. رمست وايد ..
يارب ما يعلق او يختفي الموضوع ..
يارب ماينغلق :tounge:
.
.
:sad: الله كريم :fa36:


اختكم
http://www.w6w.net/upload2/12-10-200...04d9734d38.jpg

عــدج أول ثانــوي :woot:

واحيــد أيــام الأول ثانوي .. من كثــر المواد تتبهدل في الامتحانات ,,

وانتوا زين يوم انه وقت الكلاس مخفض بسبة رمضان ,,

نحن انداوم شرات الــ ( الله يعزكم عنه ) ليــن اربع ولا اربع ونص وما شي تخفيض :wacko:

موفقـــة وانتي لهـــا :unclesam:

والسموحه

..

.. السلام عليكم ورحمة الله وبركاته ..

.. بلوة حلوة ..

شدي حيلج اختيه ..

وماعليج من الثانوية عامة..

سهلـــه ..بس يبالها مذاكرة اول بأول ..

يالله الله كريــم

وبالتوفيــق يارب..

والسموحه

أحلى منصـوري
تندوري:fa56:

http://www.w6w.net/upload2/12-10-200...57105890ae.jpg

ثااااااالث وعلمـييييييي :fa44:
شو أول ثانوي :oh: .. أعضك الحيييين :vampire:
.
.
خفضـوا وقت الحـصص وزاادوا الامتحانات شـ الفايده .. :fa44:

.
.
شكرا تنــدوري .. بالتوفيج خـيـّـو ..:fa51:

صمـت الدموووع ..

انا ماشتكيـت من الثانويه العامه
بالعكـس الحمدلله .. واتريا هالسنة من زمااان:woot:

كنت اتشـكى .. من الامتحااانات الزايده والتعذيب هذا :sad:
والشكوى لغير الله مذله ..:fa52:


شكرا الغاليـه ..
بالتوفيج ..
ادعي لي ..

حـي الله بـــح :inlove:

والله حسسييييت فيـــج .. حلييييلج والله " تدرين ان الياهل يزعـل من هالكلمة عند البدو :fa52: "

بس ليش انتـوا سبع حصص .. نحن ندرس خمس حصص نظام الساعـات واحس بعـد الحصة الثالثة مخي مقفـل > اصلا هـو من الصبح مقفل خخ < عـاد لو سبــع .. ده يبـأى اعدام بطيئ !

نحــن مب أحسـن عنكــم .. والله احمدي ربج حالج أهـون بوااايـد

الهـلاك اللي عندنـا شو .. كـل مس تبا لهـا فايـل ورتبــوه وعـدلوا وسووا ..
وغيـر هذا تبـا نشـاط > هالنشـاط ودرجـاته العـشـر أسخـف ما اخترعـوه في المدرسه <
لا وأبيـخ شـي لو الله بـلاج واستـويتي رئيسة مجمـوعة غصـبا عنـج ..
عـاد لازم تحـاتـيـن منو سوت ومنو ما سـوت ، لازم نهتـلك في الحصة يا بنـات الناس شاركن وياهـا
لو المجـموعه رقـاااد وما منهـا فـايـدة بينصـب على راسـج ..
والأبيـخ من ده كلو انهـا ع اليومين تعالوا في الفسحة أباااكـم ..
يا خي الا هي ثلث ساعة خلينـا نتهنى فيهـا :fa43:
لا والأبيـخ لو البنــات اللي ويـاج باردات وما منهـن فايدة.. ما يتحـركن الا بالدز :fa43:

ياخي صيحتيني .. ذكـرتينـي بأسـوأ شـي ممكـن إنـي أتذكـره !!


لا واللي يحبــط أكثـر .. معاملة المســات

مثل مس الرياضيات .. تحسس الوحـدة انهـا غبيــة بشكــل اففف منه :Oo:
ولا مس العـربي شو تقــول .. تدري بنـا شاردين من الأدبي لأن العربي من 300
يـت عنــدنـا عقـب ما مـر شهـر تقولنـا انه العربي من 200 في الادبي..
لا وبعـد ما امتحنا تقـول ترانـي أحاسب بنـات العلمي في الامتحـان على كل شـي ،
وبنـات الأدبي عـادي أتغاضى عن وايـد أشياء .. انتوا بنـات علمي لازم تحلون بشكل دقيق
تقهـــررر والله .. عـاد كل اللي رمت أقولهـا ايـاه " ما تبينـا نحل بشكـل طحيـن بعـد :fa43: "
يعنـي في العـربي مفـعـول انـي " حفيـدة أحمد الفراهيـدي " مووول مب نافـع :fa55:


فـوق هـذا كله .. ولا علامـة امتحــان محتـرمة وترفع المعنـويات .. كله زي الزفت:fa55:


بس بس ..

بدل ما اواسيـج فضفضت بعــد ..

يالله ما علييييش يا بــح .. هــانــت

الا هـي هالسنــة وبتعـدي على خيــر ان شاء الله ..

تعـرفين شو تسـويين ؟

حطـي جامة جدامج وانتي تذاكرين .. زخي كتاب وحطي كتاب ثانـي جدام الجامه ، جيه بتذاكرين مادتين في نفس الوقــت ..

وابتسمــي انتي في رااااك .. لا اتمـي مبـوزه ، عشان اتييبين نسبة أوكـي

نباااااااج الأولى ع الدولة ان شاء الله .. شدي حيلج

ســوووري وايـد طولت .. باي

:vampire:

مرحبا الغالية
اشحاالج ؟ واا عليه عنج .. احس بمعاناتج .. صح هالسنه حلوة .. بس متعبه للي يبا نتيجه حلوة ..
الله يوفقج الغالية ..
بس الحمدلله نحن كانت ادارتنا واايد طيبه واتسهل عليج امورج .. اتسوي لنا جدول امتحانات للتقويم ..
وما تيج ابلة اتقول عليج امتحان والثانية تي واتقول عليج امتحان ..
الحمدلله
بس ان شاء الله كل شي بيكون سهل .. والله يوفقج
اما عن دوامنا الحين في الجامعه .. فوالله اني مرتاااحه والحمدلله ..
كل اسبوع عندي يوم اجازة ما اداوم ..
وكل يوم عندي كلاس وساعات كلاسين في يوم .. بس بسرعة اخلص .. اسير اخر وحده وارد قبلهم كلهم ..
الحمدلله مرتاحه في جدولي مال الجامعه ..
فان شاء الله انتي بترتاحين ..
والسمووحه الغاليه على الاطالة ...

http://upload.bindubai.com/download/6eer/nnnn.gif

وحليلج صدق اتعانين
بس اتعرفين أحس إنهم يعوضون الوقت القصير ف ارمضان بالامتحانات

وحتى احنا بعد ما بدا كرافنا إلا ع ارمضان
الله يعين ويرحم

وربي يوفقج اف دراستج إن شاءالله ويسهل عليج ^_^

http://upload.bindubai.com/download/6eer/6eerline.gif

والله حنيت لهالأيام
صدق تعـب وكراف والحالة النفسية تنزل في الحضيض:glare: ومحاتاة وسهـر وتحضير و مراجعة و كوّزات و امتحانات وسوي وودي وحطي ..بس عقب كل هالتعب ببتنسينه يوم بتاخذين النتيجة ان شاء الله :inlove: ..
تبين اتخففين عن نفسج .. نصيحتي لج خذيلج مشوّة كل يوم بعد العشا او حتى قبل على البحر او في مكان اتحبينه انتي وحد من اهلج.. بترتاحين نفسياً .. او حتى امشي فـ بيتكم :fa56: خذي لفة في الحوي ..
من ناحية الحصص وزيادتها ،ها اكثر شي كرهته في المدرسة:fa44: ،خاصة ابلوات الفيزيا والرياضيات ،ما يمر يوم الا وهم متضاربين عشان حصة :shutup: بس والله مب ذنبهم يعني، المنهج يباله اعادة نظر ووقت الحصص بعد يبالها تمحيص وتفحيص من يديد ،والمدرسة تبا مصلحتكم >>اونه يعني:fa46:

وعشان ما تملون ،انتوا غيّروا جو الحصة .. سوو ازعاج :fa56: واستوو شياطين ، ودقوا سوالف ويا الابلوات .. احلى شي اصلاً الوقت يوم يضيع على السوالف البطالية:woot:
وعشان تفتكون من سوالف الامتحانات. سووا شراتنا تموا اجلوا اجلوا اجلوا ليين ما تخلص السنة:fa56: صدق كل يوم كنا نتلعث بشي ، مرة مب فايجين،مرة مب مذاكرين بضميير .. ساعات انقولهم وقت الحصة ما يساعد اونه .. وجيي لي ما يطفرون:fa46:


ادري وايد هذربت .. بس صدق مشتاقة للثانوية:sad: للمدرسة بكبرها :nerd:

موفقة خيتو..
..

الله يعيينا ويعينج ع العلمي ..,,

مادري كيف بنذاكر الأحياء والجلوجيا والفيزيا والرياضيات والكيميا الكتاب كله آخر السنه ..,,

يالله الله كريم ..,,

بلوة الحلوة

هونيها و تهون

لازم تي فترات يكون فيها الضغط زايد

بس بعد آخر سنة في المدرسة "غير"

::بالتوفيق ان شالله::

كتبي في صفحة راي الناس في الاتحاد وسجلي فالشكوى اسم المدرسة والمرحلة الدراسية اول ثانوي *عاد شوفي الحشرة اللي بتستوي كل مس بتيي تباغم منوووو سوتها منكن :fa56: ولييييش وكيف !! وردكن هو : ماعرف شييي:fa43:. . احيد بنات من دفعتنا سوّنها في مدرسة رياضيات الله يستر عليها ويااات حشرت الصف منو وشووو هاااد هيهي :fa54:

الله يعينكم خويتي كلنا كنّا في وضعكم ( :ghostface ) . .
بس شي ناس اطنش وناس تكرف وناس تشتكي والقصة مكملة !

بس عطوا بعض المدرسات ملاحظات في مكتبهن لأن جدام الصف ما يبون يبينن عمرهم ضعيفات شخصية :fa36: ويبون يراونكن منو المس هنيه ومنو تقول هيه و لأ!
.
.

الله يعينكن

والله يا بلوة انتوا مرتاااحين والله نحن قبل رمضان بأسبوع يوميا امتحان لا وبرمضان زاد الكراف عندج اليوم ثلاث امتحانات كل امتحان اطول من الثااااااااااني شو بنقووول وطبعا حظكم انكم بنات والله في اهتمام من الأبلات لو تجوفون مدرسينا وتدريسهم ما اظني بتنجحون هخهخهخه يالله ربج كريم والله يعينا كلنا يا رب
سلااااااااااااام

تبين الصدق نحن كانوي يكرفونا قبل الرمضان يعني صدق صدق كنا ننكرف قبل ارمضان
تعرفين انا كنت انش عالساة 5 من ارقاد ابدأمن الساعة 5ونص لين الساعة 9 او تسع ونص وانا
مجابله ها الكتب وها كله بعد ماشي امتحانات بس الامتحانات اللي خذناها قبل رمضان كانت درجاتي عال العال
لاكن من يوم ينا رمضان مديرتنا وايد مهتمة بالثانويه يعني ابد مايضغطون علينا وايد شرات قبل والمدرسة بكبرها بدت متحانات من الاسبوع اللي طاف ونحن ماخذنا غير امتحانين فرمضان ومتحانيني وعادي يعني هب صعبات

بس عا ها الاسبوع بيبدأ الكراف بعينه بيكون الاسبوع والاسبوع الياي كله امحتانات ماعدا يوم واحد من الاسبوعين ماشي امتحان فيه ( عاد اسمينا بنهلك ) بس تعرفين يعين اذا يوم واحد مارديتي تراجعين اللي خذتيه وخاصة المواد العلمية نسير فيها وخاص الاحياء

بس يله الله يعينا ويعينج إلا هي ها السنه وبفتك من عوار الراس ( بس تعالو انتو كيف ترضون امتحانيني فيوم واحد لو انهم هب وايد صعبين المواد نحن لو القبر مارضينا ) بس اللي يقهر فرمضان انه الابلوات يوم تبين تسوين تجربة يسونا او مايسونها ويقوللج تعالو فالفسحة بنسويها ليش الفسحة كم ساعة إلا هي 10 دقايق فرمضان نحن بسير نتمشى ولا بنسير نكتب اللي مازرينه عالصبورة ولا بنيج نسوي تجربة شو بنسوي وشو بنخلي

شكلي واد رمست بس خلاص ما ازيد والله يوفقج ويوفقنا وياج

عاد اتصدقيين يا بــح

انه لو اقوولج كيف جدولي بتصيبييني بعيييين قويه

يالله بالتوفيييج انشالله و كلنا تعبنا ومحد اترتاااح بهالسنه .. بس والله احلى سنه

وبعدين ((لكل مجتهد نصيب))

عجـب جـبـ ووونه ..

نحـن 7 حصص بس كل حصه 45 دقيقه ف الايام العاديه
وعلى اخر السنة تستوي 50 عادي .. لول
وايام رمضااان 40 دقيقه ..
وعلى طاري النشاط والبـوس مال المجموعه .. عادي تستوي ويااانا
وعـن الفايل تدرين شو سوينا العام .. قمنا نطنش الموضوع لان شفنا ان
كل مـس تبااا ملف انجاز .. ونحيد هالسوالف حق الادبي .. فـ يوم شافوا
ان مامنا فايده غير بنتين ثلاث .. كنسلوا الموضووع .. لول ..
وعلى سالفة الفسـحه .. اخييييج والله اكرههم يوم ياخذونا منها
يعني شـوفي احنا لو تأخرنا عن حصتهم دقيقه بس طاعي الحشره
عيل هـم يأخرونا عن فسحتنا .. مسااات اخر زمن لوول..

بالنسبـه لمعاملة المسـّـات .. الي يقهرني مرات
انهم واثقين انهم الصح ونحن الغلط حتى لو كنتي متاكده انج صــح !!
ماتعترف بغلطتهااا .. مثلا مس الانجليزي هي تنطق كلمة غلط
وانا صلحتلها اياها .. ماقتنعت قالت لي اتاكدي ف الدكشنري .. قلتلها مابتاكد
لاني متاكد مايحتاي .. عقـب كلاسيـن قالت لي اني انا الي كنت انطقها
غلط وهي تنطقها صـح ( يعني العكس) .. ويوم كلمت بنات ثانيات من صفي
قالت لهم انها هي الي غلطت وان الكلمة الي قالتها "فلانه" هي الصـح
شـ معنه يعني ؟؟ \= .. وغيروه كتــيييير !!


يالله .. الله كريـــــم ..!
وايد رمست لاه ؟؟ ههه

بالتوفيج حبوبه .. شـدي حيلج







عنود الريف

انا بخيــر بدون هالأرف والتعذيب ^^"
جيف حالج انتي ؟!
حبيبطي .. عن سالفة جدول الامتحانات هذا ..
سويناه العام .. قاموا يتبادلون ايام .. ويستغلونـا ان نحن مانقدر
نقوللهم لا .. فـ ياخذون اليوم الي فيه راحه بحجة "ماشي وقت" \= ..!
ويوم نرمس الاداره يوقفون ويا المسّات ويطنشونا نحن !!
يالله .. ان شالله يتعـوض تعبنا بـ شي يرفع الراس (=




طير الغرام

تعبانيــن وبسسسس )'=
والله أرف هالامتحانات .. مانبى شي .. بس
يوم واحد من الاسبوع نكون فيه فاضيين )'=
حبيبطي .. الله كريم الغاليه .. ربي يعينج ويعينـا ..
بالتوفيج خيتـووو ..






عافـك الخاااطر ..

منو قالج مانسوي حشــره .. عيزنا ونحن نسولف ونحتشر ..
هاللي مصبرنا لووول ..
بيني وبينج شي مسات راسهم يااابس مايأجلووون .. لول ماينفع وياهم شي
اشتاقي فديت روحج اشتاقي .. لول والله أرففف ..




بــرب
ارقااااد :fa52:
باجر بكمل ..

اناستازيـا ..
عـادي فديتج .. الي قبلج ذاكروا وشدوا حيلهن ويابن نسبه عاليه..
شو ينقصنـا نحن ؟!
شدي حيلج وبالتوفيج (=



أنشودة المطر
اختـي .. اوكي ضغط زياد بس مب جـذييي !!
تعذيييب والله ..
يالله .. بالتوفيج حبوبه ..
بلوة حلوة مش الحلوة:tounge:


بنكيـّه .. ورديه

اقتباس:

---

والمرحلة الدراسية اول ثانوي

---

ثالث ثانوي انا .. :fa44:
انزيـن عطيناهم ملاحظتنـا بينا وبينهم مش جدام الصـف كله
بس بعـد نفس السالفه كله يقولون نبى نحطلكم درجات
نبى نخلص المنهج .. يعني حججهن زاهبه
بس خل نحن نتعـذر بـ شي .. هئ .. ولا يقبلوون :fa44:
وعن رأي الناس .. ماظني يفيد فيهم .. مـ حججهن زاهبه :glare:




الدلوووعه
نحـن كانوا يمتحنونا قبـل رمضـااان .. وعقـب رمضاان نفس الـشي ..
قبل رمضان يوم كنا نحـتج قالوا عشان ترتاحون فـ رمضان
ويوم يـا رمضان .. الحاله اشــد !!

(

اقتباس:

---

بس تعالو انتو كيف ترضون امتحانيني فيوم واحد لو انهم هب وايد صعبين المواد نحن لو القبر مارضينا )

---

1. الانجليـزي يكون paragraph او function أو Grummer بس ..
يعني مـش بـ كل شي .. فـ يكون سهل حتى مايحتاي مذاكره ..عسب جي نحطه ويا ماده ثانيه
2. نبـى نحصل يوم فاضـي فـ ندمج المادة السهله الي مايبالها غير 5 دقايق ويا الصعبه أو السهله الثانيه وجــييي ..
وعن سالفة الفسحـه .. ها اكره شي عنديـيييي .. أخيييج .. هاللي ماحبه انا
ياخذونا منها او يعطونا منها بس دقيقتين شرات اليوم :glare:
انزين عندج حصتج ماخلصتي بس انزين لازم تكملين يعني؟ حبـكت ؟؟ :glare:
ههه ع العموم حبوبه شدي حيلج .. بالتوفيج ..



ولد الشحوووح
من ناحيـة الامتحانات والله مكـروفين وايد .. كل يوم .. يوم فاضي ماشي
بس من ناحية الاهتمام من المدرسين او الاهتمام من المدرسات
يفـرق واايد عند المعظم .. خـصّـه الاساتذه فـ مدرسة ( _ _ _ ) ..
يالله .. الله يعينك ولد العـم ..:fa43:


المتفيزره عـ العرقوب ..
متفيزره عـ الكتب انا :fa44:
علمـوج "بـح" انتي بعد .. خخخ:laugh:
هـــــــــــــب .:oh: لهالدرجه جدولج مريحنج لوووول اسولف حبوبه
يالله .. مصيرنا نرتاح عقب كل هالتعب ..
وشـرات ماقلتي .. ( ان الله لا يضيع أجر من أحسن عملا ) .. :fa51:


مشكـووورين كلكم على المــرور والـرد ..
اختكم ..
ضحيـة دفعة 2006 .. :fa44: لول
بلوة حلـوة ..

وخخخ اتحراج اول ثانوي ><

احيد ثالث ثانوي راحه :nerd: يلا آخر سنة :devil:

كم انت عجيــــــــــــــــبه :laugh:

عيبني توقيعج .. استانست عليــــــــــــــه


ممممممم

ماشاالله عليج وايد مرتبه .. و خرايطج رهيــــــــــــــــــــبه :fa42:

ذكرتيني بأيــــــــام الدفاتر والكتب والامتحانات والأبلات والمقلمة والواجب والتهزيئ والشرده

وبكل ايام

الثانويــــــــــــــــــ ـه :fa54: العامــــــــــــــــــــ ه

هالسنه ابصراحه مادخلت مزاجي ابدن ابدن.. حتى ماكنت اداوم مممممم وحاسبيلي فوق ال40 يوم غياب

وعقب اضطريت اداوم :fa48: عشان مايحرموني من الامتحانات النهائيه

بس صدق كانت معاناة .. والعلمي يكرفونا بالرياضيات كراف قبل الطابور والفسحه ويوم الخميس

وحصص الرياضه + حصص الفراغ + الحصص اليوميه


هااي دراااسه هاي ؟؟؟؟ :mad: .. تعذيب ومعاناة وطريقة تدريس متخلفة

بس يتحلمون طبعا ماداوملهم الخميس :fa55: بس اكون انا الخسرانه طبعا !!


بس اقوولج مثل ماكانت امايه اتقولي دوووم

الثانويه العامه شرات الحرمة افشهرها التاسع .. تمشي وتتحرك وهي تعباانه

لكن في النهايه بيي يووم وبتربي وبتفرح فيه بالياهل :fa34:

وانتي نفس الشي بيي يوم وبتفتكين وبتفرحين بالنتيجه ان شاالله

وماعليه كلنا مرينا بهالسنه .. وهاي سنه مميزه لكل حد مر فيها

سواء اذا ماتعب عمره بالدراسه .. بيتعب نفسيا من كثر مايزنون عليه ادرس وادرس !!

سوي اللي عليج ولا تضغطين على عمرج وحاولي تفهمين مب تحفظين

لانه وايد بيسهل عليج ..

وعن الضغط والكراف اللي يكرفونج اياه في رمضان

ماعندي شي اقووله غير :fa36: ماباليد حيلة

كلنا مشتركين في نفس الحالـــــــــــه


الله يوفقج ويسهل عليــــــــــــــج واتيبين النتيجه اللي تبينها :fa51:


تحياتي لج

والسموحه جان طولت عليج

الــســـلام عليــــــــــكـــم

آآه ياحزني
اسـميـج مرره يتي ع الـعـوق
:fa55:
يابوج لاتتخبرين مرررررره مررره ،،حشى ماشي احساس بس سمحوليه اقولكم مع كل احترامي انتوا ناس بليا ضميــر ،، عنبووه من بدأ رمضان ونحن نكرف كراف في هالارف حشى هب عيشه كل يوم امتحان يوم ورا يوم والكميــه اففف رهييبه تشجع الواحد يـدرس من الخاطر
:fa42:
لااااا لااا وهذا من غير الملفات والانشطه وملف الانجاز والبحـوث والتقارير والدفاتر والملزمات
( ياخي من متى اطورتوا عسب اطلبون بحوث وتقاير ....؟!!)
يعني قولوا نحن ندرس 12 مادة تقــريباً اللي أذكرهم الحينه
يعني قولوا 12 ملف و 12 ملزمه و 6 دفاتر وتقريباً 5 ملفات إنجاز
جي نحن مكاين ومانــدري
:fa36:
خــافوووووووووا ربــكم نحن بــشر،،، بشــر we ara a
يعني ضغط بمعنى الكلمة الملفات والملازم يوم السبت تسـليمهن // والبحـوث يوم الثلاثاء آخر يوم
وومادري شوه بعد في الطريج هيه والدفاتر بعد \\ واللي ماتسـلم بحطلها صـــفــر جي حاااف //
ولا يوم نرمس ابـلـــــــــــــــه علينا امتحان وزحمه
جي انتوا يوم عليكم امتحان ماتدرسن المواد الثــانـيـه...؟!!
:fa43:

لاااا وبعــد اللي تغيب عن الامتحان ماشي اعاده
واذ هـ هـ هـ عادته ألـنا نص الدرجة
:glare:
.........
الله يعــيــنا ويصـبرنا ولكل مجتهد نصــيب إن شاءالله
بس تـدرين شدي حيلج ماشي باقلج ألا كمن شهر وعقب بتأجزون وبتدرسن
يالله هالله هالله ماوصيج بالرمسه والأستـكـرات تراها تاخذ مفعولها في النفـسيه المتهدمه
:fa32:
.......
يالله وسمحيليه الغاليــه وايد هذربت بس ماعليه رمسه بخاطريه
وبالتوفيج ياربيه
السـموحوووو

السلام عليكم

تبدلين وياي تين الجامعة وانا ارد الثانوية :fa35: ؟؟
لاحقين لاحقين ع التعب الصدقي .. خلوا الحرطمة حق السنة الياية :fa54:
ارفع معنوياتكم المفرووض :fa44:
.
صدق الثانوية ما في احلى عنها
ولا تحاتون الامتحانات ماشي اسهل عنها
انتو بس ذاكروا شويتين و بتيبون النسبة الحلوة
وما عليكم من كلام المدرساات اللي يوتر :fa52:
.
عندي كلاس لازم ابند :fa36:
الله يوفقكم و يسهل عليكم :)

ههههههههههه

والله الموضوع مب مستاهل..... هو صح التجربة تزيغ... بس u will overcom it .. ^_^

بالتوفيق ..

بس درجة الفصل / التقويم مهمة . .

ما تبينهم عفاريتوووو يصيحون على عمرهم *اسم الله عليكم* :fa44: وتقول الوحده منهن عقب آخر السنة: لازم اييب أقل شي B في النهائي عسب انجح الفصل :nerd: !!.. واسعى يا عبد وانا اسعى معاك :alien:

> تضمن درجات الفصل :fa48: > عقب الامتحان

ورديّـه ..
اي راحه أي بطييخ :fa44:
\\
الدرجـات مهمه عسـب احدد مستواي مثلا أو شي جـي
بس فـ النسبه النهائية مش محسوبه
المحـسوب بـس امتحانات نهاية الفصـل الثاني .. :fa36:



الغاليه..

اقتباس:

---

عيبني توقيعج .. استانست عليــــــــــــــه

---

فداج .. لول :fa56:

اقتباس:

---

ماشاالله عليج وايد مرتبه .. و خرايطج رهيــــــــــــــــــــبه :fa42:

---

جان استحـييي .. :blush: > ماشي خرايط ها رسم بياني مال معادلات المعايره ف الكيميا:fa44:
هالترتيـب والالوان لازم كله على شااان تنفتح نفسيتي وانا اذاكر .. :woot:


========

اقتباس:

---

الثانويه العامه شرات الحرمة افشهرها التاسع .. تمشي وتتحرك وهي تعباانه

لكن في النهايه بيي يووم وبتربي وبتفرح فيه بالياهل :fa34:

---

ههه والله أهـون عن ها كله لوووول :fa56:

شـوفي حبيبطي .. أنا من النوع الي مايضغط على عمـره مووول
أذاكر اللي علـي وما أتم اوسوس ولا ازيغ ولا اتوتـر
بس رغم ها كله .. بعـد تعب .. !
والحمدلله افهم اكثر من ما حفـظ .. حتى الحفظ أيلس احفظ النقاط بـطريقة قصة ولا ربط
مثل هالاشيا يعنـي..
يالله الله يعين .. وربي يسمع منج ..:woot:


========

دمعة شـووق
تصدقين عقب هالكراف والضغط كله ..
قمنـا انييب درجات مب حلوة .. قاموا هم يعيدون الامتحانات .. مش قهر ؟؟:fa39:
انزين اولا.. مش محسوب .. ثانيا..البنية الي درجتها مش حلوة تنتبه وتفهم عشان المرة
الي عقبها .. او يمكن الغلط منها لانها مش مذاكره .. شو هالحاله :fa44:
ومثل ما قلتي .. موول مايقـدروون ظروف الطالبه
اللي يبونا سوووه انتوووا :fa43:

يالله مثل ماقلتـي كلها سنة وتعـدي بس يالله نوصل اخر السنة
ونحن بعدنا فينا حيل من عقب ها كله !!:fa38:

========


عفاريتووو

اقتباس:

---

صدق الثانوية ما في احلى عنها
ولا تحاتون الامتحانات ماشي اسهل عنها
انتو بس ذاكروا شويتين و بتيبون النسبة الحلوة
وما عليكم من كلام المدرساات اللي يوتر :fa52:

---

.

يا ماما .. انا ما قلت اني متوتره عشانها اخر سنة ولا
زايغه عشان الفاينل .. انا قلت
تعبـونا وهـدّوا حيلنا بكل هالامتحانات الي ماتخلص .. :fa36:
بالتوفيج سيسوو ..:fa56:


==========


عناد

اقتباس:

---

والله الموضوع مب مستاهل..... هو صح التجربة تزيغ... بس u will overcom it .. ^_^

---

بعـد مرة بعيـد .. انا مش متوتره وضاغطه على عمري
عشاان الفاينل .. ياناااس..
انا كنت اتشـكى من الامتحانات الزايده هاي الي ماتخلص .. :glare:


=========


ومشكورين عـ المرور
:ghostface

حالج من حالي والله العظييم

بس الفرق اني ادبي وانتي علمي

ع الفكره الادبي اصعب بلييييييييف مي

يعني انتوا 7 موااد ونصها علميه .. افهمي بتحليين اما احنا

10 مواااااااد علميه وادبيه يعني حفظ وتحضير وفهم يعني صدق صدق كارفيناااا

ولا القهر انه مانقدر ندخل التخصصات العلميه مع انه درس نص المواد العلميه

احنا نغمض والله .. عقووولتج ضحايا دفعة 2006

والسمووحه حبوبتي

شتشوووته

صدقج والله .. بس من سنتين ثلاث
قاموا يـدخلون إلكم الكيميا والفيزيا والاحيـا ..
مـع انها مواد علميه ..
والبنات شاردات من هالمواد وداخلات الادبي بسبتها ..!
ايوون ويحطون إلهن اياها .!
حكم القوي عـ الضعيييف


الله يعينج حبوبه .. شدي حيلج

بالتنوفيق انشالله

ويـــــه خلصنا و افتكينــــا,.,.
و انتوا بعدكم اونكم الثانويه العامه معذبتنكــــــم..:glare:
يالله عن الدلـــــــــــع.. مرحله و بتعدي..
سري الجامعـــــــه و عقب اتشكي من الثانويـــــه..:shutup:
و عقب ما اتخلصين الجامعــــه بتشوفيـــن انها ولا شي... جدام المجتمع اللي بتواجهينـــه و المسؤوليــه اللي بتتحملينــــها..:vampire:

فذاكري.. كلنــــــــا ذاكرنا و نجحنــــــــــا و يبنــــا نسب .. اونــه تعذيــب.. :fa56:

:)
شمــــــــه