عرض للطباعة
سلام عليكم ورحمه الله وبركاته
بغيت منكم مساعده؟؟ممكن اتساعدوني؟؟
اللي في جامعه زايد تعطيني معلومات عنها وشو الايجابيات والسلبيات فيها
واللي في التقنيه نفس الشي ابغي معلومات عنها
وبعد فرايكم دراسه منو أحسن جامعه زايد والا التقنيه؟؟؟
الصراحه انا محتاره بين هالاثنينه بس حاطه اختياري الأول جامعه زايد ما أدري أحسها أحسن
ممكن تعطوني رايكم ؟؟؟
أكون شاكره لكم مشاركتكم في موضوعي ومساعدتكم لي في اختيار الأفضل
//شيخة البنات//
if you wanna have fun in studding go to dmc
if you are really do care about your education .. go to zu
(dmc= hct) =D/=S
انصحج التقنيه لانه اللغه عندهم توب..
بس لازم تكرفين كراف وطبعا الكراااااف ما بييج فاول سنه..
ويوم تتخرجين التقنيه بتساعدج عسب تحصلين شغل يعني ما تنساج ..
وبل مره سجلي عسب نتلاقى اهناك ...
انا انصحج بالجامعه
صح ان التقنيه واايد يهتمون باللغه
بس تظل شهادة الجامعه غير
يعني في الجامعه اربع سنين وبتحصلين بكالوريوس انشالله
اما في التقنيه عندج دبلوم + دبلوم عالي + بكالوريوس
بس الشي الأوكي في التقنيه ان دراستها اسهل
والتخصصات متوفره بشكل اكبر
وفي الاخير يبقى الراي لج
للتوضيح فقطاقتباس:
المشاركة الأصلية كتبت بواسطة بنت الدلع
حتى في التقنية, اربع سنين و بنحصل باكالوريوس,
اذا عدينا التأسيسي (foundation)
نفس الكلام ينطبق على الجامعة اذا ما دخلتتي تأسيسي
----------
ثانيا
شهادة الجامعة في شو غير,
يعني لأنه شهادة الجامعة معتمدين فيها على الجانب النظري اكثر من الجانب العملي ؟؟؟
اذا كان هذا هو السبب, فهذا هو الي يخلي خريجين التقنية افضل من خريجين باقي الجامعات في المجال الوظيفي
----------
التقنية دراستها اسهل !!!
ما ادري كيف استنتجتي هالكلام و على اي اساس
التقنية دراستها ابدا مش سهلة, لكن في نفس الوقت مب صعبه
الفرق بين التقنية و الجامعة هو انه التقنية تتبع النظام البريطاني في التدريس و الجامعه تستخدم النظام الامريكي
في الجامعة يستخدمون نظام الساعات المعتمدة الي يسمحلج انج ترتبين المواد في جدولج على حسب حاجتج, لكن في التقنية الكلية هي تحدد المواد و الجدول الدراسي
انا ما اقول انه التقنية احسن من جامعة زايد
لكن قصدي انه التقنية مش اقل من جامعة زايد, و غلطان الي يستهين بكليات التقنية
و السموحة
مشكورين كلكم عالردود
بس منو قالكم ان الجامعه ما تهتم وايد باللغة
بالعكس انا سامعه انهم وايد يهتمون فاللغة
اتصدقون ياني احباط كلكم تنصحوني بالتقنيه الا بنت الدلع اتقول ان الجامعه احسن
وانا حاطه فبالي اسير الجامعه
عالعموم مشكورين على ابداء رايكم واعطائي هالمعلومات الجيدة
//شيخة البنات//
ليش ياج احباط !؟
الي نصحوج بالتقنية هم طلاب التقنية و محد يقول "دبسي حامض" :fa46:
انتي شوفي شو التخصص الي تبغينه, و عقب اختاري الجامعة بناء على التخصص المطلوب
بالنسبة لي شخصيا, انا افضّـل الجامعة بالنسبة للبنات و لو كان عندي اخت جان نصحتها انها تدخل جامعة زايد
من خلال تجربتي في التقنية..
لو مستواج الانجليزي مرتفع(يعني لا باس فيه) بتمشين عدل..
واللي اعرفه عن تقنية الشارجة النظام فيها مستويات. والمعلمين التوب يحطونهم للمستويات العالية واللي هم صفوف ال a,b,and c
والصفوف الادنى مستويات يحطون المدرسين الميح ..
وبصراحة "لاني كديت بها التقنية" قاموا يرقعون المدرسين .. يعني المدرس يدرس المادة اللي مو من اختصاصه ؟؟ والمهم انه أجنبي مب الاختصاص نفسه ..
ونظام الكلية شرى المدارس .. الجداول والصفوف وحتى الشهادة ..
اما الانجليزي .. التقنية تساعدج فيه وايد ..
و مضمون التخصصات وايد مفيد .. ويحتوي على مواضيع شاملة ..
والكلية ساعدتي بتكوين شخصية مستقلة و حرية الراي ..
هذا من وجهة نظري ..
نصور / صدى جوفي مشكورين على الرد وابداء رايكم
انا الحين قررت ان شاء الله بدخل جامعه زايد
لان التقنية عشان اخذ البكالوريوس لازم ادرس زياده على الدبلوم العالي 3 سنين
الصراحه وايد انا لو بدرس طب جان خلصت
أما جامعه زايد دراستهم من 4 لين 6 سنين وهذا يعتمد على الطالبة
والتخصص اللي اخترته نظم معلومات شو رايكم في هالتخصص اوكي والا؟؟؟؟
//شيخة البنات//
السلام عليكم
جامعة زايد > سمعة
الكلية > الدراسة فيها احسن بس عيبها مثل ما قلتي
.
امم
التخصص اللي اخترتيه واييد اوكي :fa42:
من احسن التخصصات اللي موجودة في جامعة زايد
كنت قبل محتارة بين هالتخصص و تخصصي
.
الله يوفقج
تبين دبلوم ودبلوم عالي سيري الكلية . .
اذا تبين بكالريوس *وطبعا هب بالسهل تعلو المراتب O.o* سيري جامعة زايد
وصلاة الاستخارة انصحج فيها
البكلوريوس يتطلب سنه وحدة زياده فوق الدبلوم العالي,
غلطان الي قالج 3 سنين, يمكن 3سنين اذا كان عندج دبلوم !!
البكارليوس 4 اسنين بالضبط لو مـااا دخلتي تأسيسي :)
أنا اختي فالتقنيه لازم تدرس فوق الدبلوم العالي 3 سنين عشان تحصل البكالوريوس
الصراحه وايد
وانا اكيد مفكره عالاقل اخذ البكالوريوس
وان شاء الله اختياري لجامعه زايد يكون موفق
//شيخة البنات//
بـ التوفيــــق . .
وانـــا اشــوف نظــام الجـــامعه أريـــح عن التقنيـــة بعـــد . .
:: السلام عليكم ورحمة الله ::
المعذره ،
بس أنا أنصـح إنج تختارين جامعة زايـد .. سمعه ؟؟ نعم سمعه ثم دراستها قويّـه .
إن كان السبب فـ لا تقارن التقنيه والجامعه .. :fa52: السموحه لعيال التقنيه .. فـ الجامعه أفضل .
:fa42: ومن يهتم فالـ fun كل واحد يشوف مستقبله عقب يسوي fun .
:inlove: السموحه .
:: المقاتل ::
صح دوااامااات الجااامعه أرحم مليووووون مرة من دواااامااات التقنية
لكـــــــــــــــن
دراااسة التقنية أحسن من الجامعه ..
خاااصة الـــ ENG
على فكرة،،،
إلتزامات الجامعه ما تسوى شي يدام التقنية
السمووووووووحة
أمـــــــريــــــــــن