سؤال دار في بالي؟؟!!

..بسم الله الرحمن الرحيم..

.. السلام عليكم ورحمة الله وبركاته..

في سؤال دار في بالي وحبيت اسألكم عنه..


منو منا ما استاوله موقف خلاه يصيح؟؟

منو منا ما استواله موقف خلاه يركض شارد منه؟؟

منو منا ما حس ان الدنيا مسوده في ويهه والدموع بروحها تنزل من عينه ؟؟

اكيد اذا مب كلنا معظمنا استواله جذه..
بس سؤالي هو وين تسير يوم تصيح؟؟وشو تسوي؟؟

انا عن نفسي.. يو اتضايق واحس عمري ابغي اصيح..اسير اترس الحوض ماي وايلس فيه واصيح ..
واذا كنت محتاحه ارمس ويا حد؟؟ ارمس ربيعتي متربيه وياها ومثل اختي وارتاحلها وايد..
بس احب اني اتسبح واصيح اكثر..لاني احس اني واسيت عمريhttp://smileys.smileycentral.com/cat/36/36_1_58.gif..

وابغي اعرف انتوا بعد يوم تتضايقون والا تصيحون شو تسوون؟؟ ووين تسيرون؟؟


ابغي اجوبه صريحه.. مهما كانت غريبه http://smileys.smileycentral.com/cat/350.gif..

اتمنى من الكل المشاركه..

والسمووووحه


الجنيـــــــــ الحلوة ــــــــة http://smileys.smileycentral.com/cat/36/36_22_24.gif

بس سؤالي هو وين تسير يوم تصيح؟؟وشو تسوي؟؟

بصراحة ما احب احد يشوفني و انا قاعد اصيح لانه منظر بشع لشخص عنده كبرياء و عزة نفس اذا كان و لا بد ادخل غرفتي و احاول ابكي بدون صوت يوم تنتهي هذي الحالة القذرة اسير الحمام اغسل ويهي و كل شي يكون انتهى و طبعا هالاشياء يوم كنت صغير و لاسباب مختلفة لكن الحين احيانا فلم سينمائي او مشهد حزين يخلي عيني تدمع لكن هذا الشي اي شخص يقدر يتغلب عليه بدون ما احد يلاحظه لكن البكاء مشكلة إذا كنتي بتبكي انتبه لازم محد يشوفك او يسمعك لأنك ريال:laugh:

مرحبا الغالية الجنية الحلوة
جواب سؤاالج ..
احيانا هالمواقف تكون مؤلمة .. بحيث انها تكسر كبريااائج ... وتخلييييج ضعيييفة
فانا يوم اصيييح اسير الحجرة .. واخلي دموووعي تنزل لين ما تجف وارتاح نفسيا
بس حجرتي هي اقرب شي .. بس اذا ابغي حد يواسيني .. فاشكي للبحر .. او اكتب في دفتري معاناتي
بس ما اشكي لانسان .. لان الشكوى لغير الله تعالى مذلة .. بس انا اشكي للبحر .. بس ما اشكي لانسان باجر اذا صار شي اتخذ هالشكاوي سند له ضدي ..

اخوي الثعلب الرمادي ..
انا معاك .. ما احب اشووووف ريال بكامل هيبته ورجولته .. يصيح ... لان ما ابغي صورته تهتز في نظري .. لان الريال يقدر يتماااالك نفسه ويتحكم بعواطفه اكثر عن الحرمة ..

تسلمين اختي
والسموووحه

عن نفسي يوم فيني صيحه وبصيح اسير حجرتي اقفل الباب لو الجو حار يعني في الصيف انخش في الكبت واصيح عشان محد يسمعني لانه حجرتي عدال حجرة ابويه واذا الجو حلو اطلع على البلكونه واصيح .. ومعظم الوقت تليفوني وياي واصيح وارمس ربيعتي :)

بس لو حد في البيت يزعلني ويصيحني اسوي مناحه في البيت
اطلع مبوزه واركب الدري بصوت عالي جي امشي تقولون في الجيش عشان يسوي صوت لانه بيتنا كله صدى بعديين اصارخ ماحبككككككم وابند باب حجرتي بالقو بعدين انقع من الضحك في حجرتي خخخخخخخخ وادش النت
واتريا لين ما ابويه يرد البيت ويوم يرد البيت اصيح عنده وبعدين يشترولي هديه ويراضوني D: ذكــــاء صح؟؟

وعليــج السلام ورحمة الله وبركــاته

هممم مافــي شخــص ما مـر بمــوقف خلاه يصيح ولا تدمع عينه !! :fa52:

والصــراحه حبيت جــوابج وانا احيــانا اسـوي شـراتج :blush:

شمعــه امــل : الصــراحه انتي فــن :woot:

جــواب الســؤال :

مكــاني الـوحيد يوم احــس بظيجه ولا فيني همــوم وابا اشلهــا من قلبــي ( البحــر ) :inlove:
واحــس بــراحه نفسيه الصــراحه :fa42:

وتسلميــن ع ســؤالج الفنتــك ..

والسمـوحه

:: الجنيه الحلوه ::


عني انا ادش حجرتيه واقفل الباب >>> وسيده تحت اللحاف ..

مب عسب محد يسمعني .. لاني آوريدي يوم اصيح ما اطلـّع صوت http://www.elislam.net/up/pic/87696.GIF.. تشوفون عيوني مركزه
ع شي وكلها دمووع *بدون صوت * ..


فديتني http://www.elislam.net/up/pic/865.GIF ! حتى دوم يقولولي ( انتي آخر شي بتنفجرين )
بس الحمدالله من زمان ما اتضايجت من شي << الحمدالله الحمدالله هههه


ثانكس حياتي ع السؤال


.
.
.

بصراحه ما صيح :s الله وكبر علي

بس يوم احرج قوو اباغم واهدد واتوعد عقب اغطس فالماي وارقد اذا انجرحت لول

بس

نادر ما اصيح ... اكثر شي اعصب .. واذ صحت احب اصيح و انا في حضن اخويه .. عقب ارتاح ..

الصيــــــــاح عندي أنا وايــد منه ، بســ المــكان اللي أنــا ألجأ لــه
وقـــت الحــزن والضيج ، أكيــد هي غرفــتي..
أدخـل الحجره واسكــر الباب وأيلســ اصيح لي مــا أشبــع
عقــب أغسـل ويهي ، وأخلي ملامحـي ترجع شرات مـاكانت..
ولاكـأنه شي صـــــــار...

والمــكــان اللي أحبــه :
البحــــــــــر ، يعــني هالبحــر فضيـــع
يــريح اللي مايرتــاح..بس مب دوم أقـدر اسيره

الجنيه الحلوه..
ثانكـس على هالسؤالــ

هــموم

انا الصراحه ..... اسير اخش عمري تحت اللفراش واصييييييييييييييييي ..
او اني ايلس اكتب في دفتري الخاص
والسموحه

شو هالموضوع الجناوي

الصراحه مواقف وايده أتصيرلي اتخليني اصيح وأنا على طولة لساني تراني صياحه نمبر ون ما أحب حد يشوفني أصيح ولا أحب حد يدري ليش أصيح بس أحيانا غصب عني اصيح واكبرمثال الاسبوع اللي طاف سرت السنما أشوف فلم هندي قطع القلب ما قدرت امسك نفسي تميييييييييت اصييييييح واختي تنفتن عليه اونه فضحتينا ..
أوقات كثيره مايهمني من يشوفني اويسمعني المهم اصيح واطلع الي بخاطري ..


الثعلب الرمادي ... ما أحب أشوف ريال يصح منو ما كان أحس دمعة الريال غاليه وما تنزل الا على شي كبير ... انا اذا شفت واحد يصيح عادي اصيح وياه ..
الله لا ييب اليوم الي يبكييك ...

تحياتي الجناويه

.. الثعلب الرمادي..

..انا وياك الصراحه دمعت الريال غاليه.. صعب انك تشوف ريال يصيح..
خاصه نحن البنات نشوف الريايييل مثل الدروع القويه http://smileys.smileycentral.com/cat/7/7_1_106v.gif ..
والصراحه ما اتمنى اشوف اي شخص يصيح خاصه لو كان ريال..
والله لا يبكيك.. ومشكور عالمرور انت الريال الوحيد اللي شارك http://smileys.smileycentral.com/cat/36/36_1_11.gif ..


الجنيـــ الحلوة ــــة http://smileys.smileycentral.com/cat/36/36_22_24.gif

.. عنود الريف..

مشكورة اختي عالمرور.. بس الصراحه انا ما احب اكتب الاشياء اللي تضايقني.. لانها ممكن تطيح في ايد حد ما يكون موضع ثقه.. بس حلو موقفج ويا البحر.. والله لا اييبلج هم..


الجنيــــــ الحلوة ــــــة http://smileys.smileycentral.com/cat/36/36_22_24.gif

.. شمعة امل..

ههههههههههههههههه حلوه حركتج.. بس جربتها ويوم سرت عند ابويه ما عطاني ويه:fa46: ..

مشكووورة اختي عالمرور..


الجنيـــــــ الحلوة ـــــــة http://smileys.smileycentral.com/cat/36/36_22_24.gif

.. حبوبة دبي..

انا كان البحر اقرب شي لي بس الحينه تحولنا والبحر استوى وايد بعيد عن بيتنا.. لكن الحوض موجود دايما فالبيت.. ومشكورة الغاليه عالمرور..


الجنيــــــــ الحلوة ـــــــة http://smileys.smileycentral.com/cat/36/36_22_24.gif

.. الياه..

هيه والله صدق عقب بتنفجرين.. اعرف وحده كانت شراتج.. والحينه على ادنا شي تصيح وتصارخ..
تحملي على عمرج الواحد يحتاج بين فتره وفتره يطلع اللي في خاطره..
ومشكورة عالمرور..


الجنيــــــــــ الحلوة ـــــــة http://smileys.smileycentral.com/cat/36/36_22_24.gif

.. ورديه..

الصراحه ما الومج.. حلو الرقاد عقب السبوح..
ومشكورة حبوبه عالمرور..


الجنيــــــ الحلوة ـــــة http://smileys.smileycentral.com/cat/36/36_22_24.gif

..اهلاويه للأبد..

مشكورة اختي عالمشاركه والله يخليلج اخوج..


الجنيـــــــــ الحلوة ـــــة http://smileys.smileycentral.com/cat/36/36_22_24.gif

..هموم الحب..

الله لا يبكيج انشاالله.. بس الصراحه انا اشوف الصياح مريح..
ومشكورة حبيبتي عالمرور..



الجنيــــــــ الحلوة ــــة http://smileys.smileycentral.com/cat/36/36_22_24.gif

.. كشكوشه..

مسموحه الغاليه.. ومشكورة عالمرور..


الجنيـــــــــ الحلوة ــــــــة http://smileys.smileycentral.com/cat/36/36_22_24.gif

.. الجنيه..

سلمج الله هالموضوع خذته من كتاب حكيم الجن جنجون..
وما عليج من الصياح الوايد ترا هذا الشي منتشر بين الجنيات..
ومشكورة حبوبه عالمرور الجناوي العجيب..


الجنيـــــــــ الحلوة ــــــــــة http://smileys.smileycentral.com/cat/36/36_22_24.gif

هـلا

اممم الصراحة اللي دار في بالي انه ليش ما يعيبكم تشوفون الريـال يصيـح ..
ليش هـو مـب إنسـان وله أحاسيس ومشاعر مثل ما للإنـاث ؟

لو الصيـاح بيفـرج همـومه ويريحه خل يصيح من اليوم ليـن باجـر ! ومـالــــوووو ؟

السموووووحـه منكـم ..

:wacko: كل المشاركات من البنوتات :woot: صياحااااااااااااات،،،

وين الاولاد :fa51:

أنا ابصراحة على طول أكلم اختي الغالية.. الله يطول بعمرها.. أقوللها كل إللي في خاطري ما أخلي شيء.. أتمنى للكل إن اتكونلكم اخت مثلها.. تسمعني وتنصحني ودايما" تتمنالي الخير... وتهمها سعادتي قبل سعادتها.. الله يخليها.

مشكورة اختي عالسؤال :)

.. العجيبه..
ما قلنا جذه.. لازم كل شخص له مشاعر واحاسيس.. ومب عيب ان الريال يصيح..بس صياح الريال غير عن صياح البنت.. يعني مثلا لو شفتي ريال يصيح في مكان عام.. بتنصدمين وبيتقطع قلبج عليه.. لان نحن مب ظارين نشوف رياييل يصيحون.. معروفين الرياييل بالهيبه وبالقوه والشده.. لكن اذا شفنا ريال يصيح جدامنا لازم بتهتز صورته..ممكن الريال يطلع اللي في خاطره يوم يكون بروحه او ويا شخص يعزه وهذا مب عيب.. والسموحه..





.. لبن مثلج..
شو نسوي الصياح من طبيعتنا..




.. اخت اختي..
الله يخليلج اختج.. ولا يحرمج منها...




ومشكووووووووورين عالمشاركه..



الجنيــــــــــ الحلوة ـــــــــة http://smileys.smileycentral.com/cat/36/36_22_24.gif

مشكووووره على الموضوووع الرائع مواقفكم اضحك بس عن نفسي
احم احم
انا عن نفسي يوم ابي اصيح ادش داخل الحمام واطالع نفسي ف المرايه
وفي الاخير يعني بعد مااخلص صياح اضحك على نفسي
هههههههههههه

الجنيه الحلوة

.

سؤال يفرضـ نفســـهـ وبكل قوه ؟

من منــا ما مر عليـه موقف وخلاص يصيـــح .. ؟

بصراحــه .. انا اغلــب الاوقــات لي اكون فيهــا متضــايقــه اصيــح ..

وشو طقوسيــه يومـ اصيــح فـ هيه .. انيــه ادخل حجرتيـه واقفل البــاب

اذا كان ممكـن ارمس الشخص لي يريـحني ارمســه واخبره باللي في خاطري .. بس لازمـ اصيح وانا ارمـس ..

همممـ وانتوا في الموضوع اطرقتوا لموضوع مهــمـ

.

صيــاح الريــال

بصراحـه لكل منـا احاسيس ومشاعر .. وحتى الريال يتأثر لو انه اغلب الاوقات ما يبين عليـه بس في خاطره واحيانا من نبرة صوته نحس انه فيـه شي وهب طبيــعي ..

بس لو صــاح تراه يظهر لي في خاطره من ضيق ..

وبنظريـه انه الريال لو صـاح يصيـح لشي اكيد كبيــر وهب تافـــه

بس الدمـعـه بعيـون ريال .. تخلينــا نتأثر أكثر بوايد اذا شفناهـا بعيون حد ثاني .. :fa51:

.

ومشكوره الغلا ع السؤال

.

بنت ابدوي

..كتكوت..
والله ما فكرت اطالع عمري فالمنظرة واصيح.. بجربها..واهم شي انك تضحك آخر شي:fa34: ..
ومشكووور اخوي عالمشاركه..



..بنت ابدوي..
مشكورة اختي عالمشاركه..



الجنيـــــــــــــ الحلوة ــــــــــةhttp://smileys.smileycentral.com/cat/36/36_22_24.gif

عوده جناويه

العجيبه جذبني ردج وقلت لازم أعقب

الله يسلمج نحن ما قصدنا أنه الريال مب من حقه يصيح أو أنه الصياح ينتقص من رجولته لا أبداً بالعكس على كل اللي أحس فيه اذا شفت ريال يصيح يكبر فعيني لأنه ما أعتبر الصياح عيب ...
أنا عن نفسي يوم قلت ما أحب أشوف الريال يصيح قصدت أني من أستويت على هالدنيا واللي أعرفه أنه الرياييل منشأهم غير يعني تلقينهم شديدين ويعرفون يتصرفون وبالنسبه لنا هم سندنا سواء كان أب ، أخ أو زوج فكيف أشوف دمعته دون ما أتأثر ؟؟؟ ما أعرف كيف أشرح لج بس أنا اللي أبي أوصله مش عيب يصيح الريال ولا عيب أنه نحن أنشوفه يصيح بس دمعة الريال غاليه ...

تحياتي الجناويه

صح لسانج اختي الجنيه...

:fa51: مرحبـــا الســــاع .. الجنيـــه :fa46: موضوع غاوي ماشاء الله وإن شاء الله أكون ضيف خفيف لهـون !!

أمممم :fa36: ويــــن أسيـــر يوم أصيــــح :ohboy: والله مـــادري .. نسيت من متـــى ما صحـــت .. :rock: بس أحســـن مكــــان الحمـــــام إذا صحــت .. :fa56: بس بعـــد مافي فايـــده .. خشمـــي يحمر الله يخــس بليـس .. فضيحه هاه هههههههه !!

:Oo: بس لصيـــاح شي عجــيب يا جمـــاعه الخير الويه يعتفس والبوز ينــزل على تحت ولعيــون تصغر :fa44: عسب جيه ما أحب أصيــــح .. يوم تيني الدمعـــه أضرب ولـــد الخــاله الله يخليه خخخخ !!

:::

أما عن الريـــــال .. :fa52: يوم يصيــــح صراحـــه نضحـــك عليه من الخـــاطر لأنه نعتبــره دلـــوع :fa43: إنقــوله سر عند ماما صيح .. بس هب معناته ضعــف بالطبـــع بس في أوقــات الريال ينجبـر إنه يصيح إذا في مواقف كبيره تحصــل .. بس هب على أشيا مالـ دلع ..

:fa51: أتمنـــى إنـــي أفـــدتـــج يا أستـــاذتنا الجنيــــه الحلـــوه ..

إعذروني على الإطالـــه

بوعلووه :Oo:

..المقاتل..

مرورك وايد حلو وخفيف.. هيه والله صدقك الصياح يخبص معالم الويه..

ومشكوووور عالمشاركه..

:blush:

الصراحه يالجنيه

:blush: اغوص في حضن بعض الناس يعني ماي هاسبند و اطلع اللي فخاطري كله

اطلع دموووووع و كلاااااااااام و قرصااات و ظرب

الله يعينه بس والله لا يحرمني منه

خدافس

:Oo:

بالنسبه لي انا


لين احزن بشكل كبير


احب اكون على البحر


وغالبا

ما يظهر علي الحزن



بس اكون في صمت فضيع

..عمة العيم..
الله يخليلج اياه.. ولا يحرمج منه..



..كتكوت..
الله لا ايبلك حزن انشاالله.. ومشكور عالمشاركه الحلوة..

حلو هالموضووع ابصراحه .. واكتشفت انه لله في خلقــــــــــــه شؤوون :fa46:

اللي ينخش في الكبت واللي يملي الحوض ماي واللي مادري شوو

ابصراحه انا بعد يبالي اسويلي طقووس يوم اصيح :tounge: ..


انا شرات بعضكم عقب ماصيـــــح لااازم اطالع عمري في المنظره .. يعيبني يوم اشيك على ويهي

وهاي اتكون اخر مرحله من مراحل الصيـــــــــاح وعقب اضحك على شكلي وتنتهي الازمه..

الســلام عليــكم ورحمة الله وبركــاته

صــدق ماشي غير بنوتــات
:fa56:
بصراحه انا يوم اضايج وتكون فيه صيحه صدق من الخاطر
اسير واسكر عليه باب حجرتيه واقعـد على الشبريه واطلع
اللي في خـاطريه بس لو أموت ماأشكي لأي شخص
نفس ما قالت عنودي الشكوه لغير الله مذله
ويوم احس عمريه بنفجر والله ازخ دفتريه واكتب اللي فخاطريه
وعقب اخشه تحت الشبريه عسب محد يشوفه
:fa34:
::::
ولا يوم اسيــــــــــــــر البـــحر
وياويل حااااااليه يوم اسيــر البحـــــــــــر
اسميني استهوي واقعد بالساعات
اسميه رقيـــــــــــــــص سيرة البحر
:::::

يالله شـكراً على الموضوع
والسمـووحووووه
::::::