السلام عليكم ..
وشحالهم الحضور ..
.
(نسخه جديدة)
.
اليوم مادري شو اللي خلاني أتصفح خربشاتي الجديمة وحصلت من
بينهم هالفضفضة الغريبة شوي اللي نسجت كلماتها من وحي
الــخــيــــال بتـاريـخ 3/5/2004 بعدما تعشيت وشربـت
نسكافيه وكان مزاجي رايق وحبيت أشارك بها
في هالواحة الغنية بالفضفضات المتميزة
ويمكن فيها شوية غموض بس
المعاني واضحه للي
بيتعـمــق
:fa52:
.
غربة بلا عنوان .. والسبب فيها إنسان .. أراد إكمال مشواره .. فأجبر
البعض على قراره .. والغربة بعنوان تهون على الخلان .. وكلمة
الغربة سهلة على اللسان .. وتحمل في طياتها الكثير
من الأحزان .. ولايشعر يثقلها إلا من يعيشها
في غربة الأوطان .. فهل السفر
نسيان ؟ .. وهل الفراق
حرمـــان ؟
الجواب موجود .. ولكن يصعب على صاحبه أن يبوح به .. لأنه لا يريد أن
يتألم .. ويبقى على ذلك الأمل الموعود .. الذي عاش عليه وقت
الشدة كالمولود .. وحاول أن يتناساه في الرخاء المعهود ..
فلكل حادثة حديث ممدود .. وهو حديث يطول
في شرحه .. وخير الكلام ماقل ودل ..
فوصفــه وقـــت الحــدوث
سيعطيه جــل
فرحه
.
***
.
اليوم أنا أكتب لمن يعيش في الغربة .. بذلك الخيال المحدود .. وهو كما
تخيلته .. شخص إستطاع رغم تلك القيود .. التي أضعها لنفسي
أن يخترق هذه الحدود .. دون أن أشعر .. ويدخل إلى
أعماق قلبي بكل برود .. وفجأة عندما
أحسست بهذا الشعور الغريب ..
الذي ينتاب الشخص
عندما ينبض قلبه .. وجدت نفسي أسير ذلك الشخص العجيب ..
وكأنني عنده كالدمية في علبه .. ولا جدوى من المقاومة ..
لأنه نمكن مني بقوة .. وحتى الجيوش العارمة ..
لن تستطيع تغيير شيء .. ومن هنا تبدأ
القصة .. حيث أنه ظهر فجأة ..
وأثر علي بشكل
كبير .. وتغلغل إلى واقع حياتي العسير .. وغير الشيء الكثير .. ولم
أعد أعقل ماأراه .. فكل شيء أمامي إنحاز إلى الغموض ..
فكأنّي لَسْتُني .. ولا أعرف ما دهاني .. فأحيانا
أتمنى لو عرفته قبل ذاك .. وأحيانا
أشعر بأني لا أستحقه ..
فأتمنى لو أني
لم أعرفه قط .. فتارة أجده غريب الطباع .. وتارة أرى بأني أنا من
يستغربها .. أسلوبه الجذاب يسلبني .. وكلماته الرائعة
تأسرني .. ولكن أفعاله كثيرا ما تجرحني ..
هل أصارحه أم أجاريه
أم أسامحه
أم أراضيه .. هل يريد تقويمي أم يريد تحطيمي .. احترت معه
وهو بين تلك الأفكار .. يسكن في عقلي .. ويتغذى
من مشاعري .. وهو من خيالي .. وليس
له وجود .. ولكنه أحيانا يخالجني ..
ويأخذني إلى عالم بعيد ..
فيجرحني
ثم يعالجني .. ويلتأم الجرح من جديد .. ودوام الحال من المحال ..
فبعدها إنقلب الحال .. وبدأ النقيض بالظهور .. وإنكشف
عن كل شيء الغطاء .. وأزيلت كل الأقنعة ..
وظهرت الوجوه على حقيقتها ..
وإنفجرت النقطة
السوداء
:ghostface
.
***
.
ليش بعدما عطيتك كل إحساسي تجافيني
ليش بعدما خليتك أغلى ناسي تعاندي
أنا شـ سويت لك يا بعد ناسي
أنا شـ سويت لك يا كل إحساسي
أظن في حد علي غيّرك
أظن في حد بأفكاره سيّرك
سو اللي أنت تبيه
سو اللي يريح بالك
بس لا تتهمني أنا فيه
أنتبه ترا هذا قرارك
بظل أوفي لآخر العمر
بظل أذكرك طول الدهر
أعرف إني غلطت فحقك
أعرف إني تماديت شوي
بس جيتك وأعتذرت لك
جيت وأنت قسيت علي
تحسسيني بإني بعيد
تحسسني بإني غريب
تحسسني بإني وحيد
تحسسني وتحسسني
بأحاسيس ماحسيتها ياناس
أحس بأني عديم الإحساس
أحس بأني شوي مغرور
هذا اللي حسيته بالهوجاس
هذا اللي حسيته بالشعور
مادري شو اللي جرى لي
مادري شو صار فيني
غيرت كل أحوالي
غير الحلم اللي يجيني
الحين تحاول تخليني
الحين تحاول تواسيني
ضيعت كل ما فيني
ضيعت عمري وسنيني
مايفيد اللي تسويه
مايفيد إنك تنسيني
ضاع عمري بما فيه
ضاع الحلم اللي يعنيني
باقي العمر أنا مابيه
خله يمر بأي صورة
وأنت عمرك أتسلى فيه
وعيش وقت بـ هالصورة
خذ وقتك مع الأيام
خذ وقتك يا أناني
عيش حياتك بـ الأوهام
عيش حياتك بشكل ثاني
إنساني وإنسى الغرام
إنساني بكل المعاني
أهديتك أحلى الكلام
وليتني أهديت إنسان ثاني
بعدما عرفت نص الحقيقة
مايهم أعرف النص الثاني
مايهمني بأية طريقة
المهم أختصر كل الثواني
صدمة وحده وكانت عميقة
بس ماقدْرت تهز كياني
لا تجامل بالإحساس
لا تجامل بالشعور
عيش حياتك مع باقي الناس
عيش حياتك وأنت معذور
أدري ظلمتك باللي سويته
أدري إني تعبتك وياي
عيشتك فـ قلبي اللي ربيته
سنين ومحد (ن) معاي
أستاهل أنا اللي صار
أستاهل وهذا قدر
جزاي هذا بإختصار
جزاي إهدار العمر
صدق الصديق يخون رفيقه
ويقول هو المال عَمَاني !
ولكن نهاية كل لقا فراق
وبعد الفراق يبين الشاطر
فبعد الفجر مع الإشراق
بغير حياتي من الخاطر
لأن هالمره في إختلاف
لأن هالمره الوضع غير
تعلمت درس فالإسعاف
واليوم أنا أساعد الغير
ممكن يغلط كل إنسان
وقليل من التجربة من يتعلم
من زمان علمني الزمان
من يعيد التجربة لازم يتألم
وكفايه عليه هالمره
أتعلم بدون ماعيد الكره
وكل شي في الخيال البعيد
يكون حلو بألوان الطيف
وراح تعيشه وأنت سعيد
وبتكتشف إنك في زيف
هذا إن كان خيالك واسع
ويستقبل الأفكار والعجايب
تراه مثل الفضاء الشاسع
منه الستالايت يلقط الغرايب
.
والسموحه على الإطالة وتراني كتبت هالكلام فنص الليل فلا تلوموني
على التعقيد والتشابك وخاصة إني تنقلت بين كذا فكرة
بدون مابين هالشي بشكل واضح فأتمنى
تقبلكم لفضفضتي الخيالية
المتواضعة
:blush:
.
الاســـطــــوري
أخوكم
