بعض الكلمات من<<رمستنا>>

السـلام عليكم ورحمة الله وبركااااته

عندي بعض الكلمات الموروثه اللي من رمستنا الحلوه واللي البعض مايفهم معناها

شوفوها وان شالله بييبلكم اكثر ان شالله ========ترقبوا
عندي كم كلمه


الحرامي (عفد) من اليدار....يعني نقز.............

مبروك عليكم الحاسر... "الحاسر" هي البنت

و مبروك عليكم الطارش ... " الطارش" هو الولد


الكاشحه : مرض يصيب الانسان بين الخاصره والضلوع ويوسم الشخص للعلاج منه

حدر : نزل من مكان مرتفع

البعض يقول ماحيدك ( غتير) عن هذي الرمسه...
غتير : ماتعرف ..

ما عندنا حياده ..
يعني ما عندنا فكره او علم..

لايم الباب..
يعني لا يغلق الباب او يتركه مفتوح.. نص نص..

تحياتي
فدا الخور
:blush:

وعليكم السلام والرحمه
يا هلا الغاليه ..
فكرة حلوة يا اختي انج تعرفين الكثير اللي ما يعرف رسمتنا ..

وانا بدخل وياج شراكه .. شراكه في تكوين معجم تراثي الغاليه والسالفه ما فيها بيزات .. :laugh:


حطي لي طشونة .. طشونه تعني : شويه ..

صه : اسكت

اشتر لي نمكي من الدكان :
نمكي: بفك (( يمدحونه ويا الداقوس))
الدكان : البقالة (( واايد اسمع ناس اتقول عن الدكان بقالة .. انا ما استخدم غير الدكان ))

فج الباب: تعني افتحه

في جعبتي الكثير.. بس ما اتذكر واايد منهن الحين ..
يوم بتذكر بيي وبزيد رصيدي ..
والسمووحه

عنود الريــف
تسلمين حبيبتي ع المشاركه الطيبه..
واتمنى من الجميع يشارك ويانـــــا..

تسلمون على الموضوع القيم ..

ونشالله لي عوده في كتابة المعاني ...بس خلوني ايمع م كلمه .....

افا عليج الغاليه .. حاضرين للطيبين ..
وانا بعد اتمنى هالشي ..
اليوم عندي كلمتين .
الكلمة الاولى :
جسموا اللحم على الفريج .
جسموا يعني: وزعوا

الكلمة الثانية :
غديتي يابسة يا فدا :fa56:

غديتي يعني: استويتي او صرتي ..

والسموووحه

هيه والله يقولون غديت يابسه خخخخخخخخ

تسلمـــــووون ع تواصلكم وياي في الموضوع
بـــــــــس وين باجي الأعضاااء؟؟!!
نتريااكم

حلو الصراحه ....
كملو كملو .. اتريا انا

السلام عليكم ورحمة الله وبركاته


شكرا لكن أخواتي على هذه الكلمات الجميله من " رمستنا"

بارك الله فيكن

بسم الله الرحمن الرحيم

الصراحه موضوع حلو.. انا بشارك..

ماريته: ما شفته..
رقيت الدري: ركبت الدري..
النقا: الرمل..
الطوي: البير..
امغط كراعك: مد ريولك..
القف القبه: امسك الكره..
الزويه: مكان السبوح..
المهفه:المروحه اليدويه..
البنكه: المروحه..
المجبه: اللي يغطوبها الاكل..
الخرس: شي يحطون فيه ماي الشرب..
السعن: يحفظ الماي بارد..
الزوليه: السجاده اللي تستخدم داخل البيت..
الحصير: السجاده اللي تستخدم فالرحلات أو تنحط فالحوي..

هذا اللي في بالي الحينه.. ولي رجعه ثانيه انشا الله..

الجنيــــــــ الحلوة ـــــــة http://smileys.smileycentral.com/cat/36/36_22_24.gif

لايم الباب..

يعني أغلق الباب مب افتح الباب

يسلمووو ع المداخلات الكووول


ربي يحفظكم

فديت رمستنا "" الرمسة "" يعني اللهجه...............
الله يحفطكم ماقصرتواا نرتقب المزيد

مشكوره اختي على الكلمات ويعطيج العافيــــه :)

بس انا احيد لايم معناتها لا تسكره بالكامل .. يعني خل فجه صغيره بحيث ان الواحد يقدر بفتح الباب بالدز ..

اقتباس:

---

المشاركة الأصلية كتبت بواسطة الزرعوني

بس انا احيد لايم معناتها لا تسكره بالكامل .. يعني خل فجه صغيره بحيث ان الواحد يقدر بفتح الباب بالدز ..

---

يعني لا يغلق الباب او يتركه مفتوح.. نص نص.. >>
نص نص تفسر نفس الكلام الي انت كاتبنه :glare:

نص نص يعني مفتوح يا بنت الناس


انا اللي اطريه يكون شكله مسكر بس ما يكون مقفول .. يعني يفتح بالدز "-.-

والله صح كلامك يا الزرعوني :k_icon9:

بسم الله الرحمن الرحيم ..

هلا اختي ..

والله من كم يوم ف بالي اطرح شرات هالموضوع ولما دخلت شفت موضوعج ! ..

شيء طيب الصراحه :14: ..

بتكون لي عوده إن شاء الله ..

بسم الله الرحمن الرحيم

،

كعد
سطل

شبريه
سرير

هيه
نعم

غرشه
زجاجه

سامان
اغراض

ماتيوز
ماتترك

هده
اتركه

دختر
مستشفى

اندل
اعرف

السحاره
صندوق

طشونه
شويه

هيد
اصبر

تاير
اطار سيارات

خاشوقه
ملعقه

فوده
منشفه

كنديشن
مكيف

حوي
حوش

ألم ترى
ماعنده سالفه
:biggrin:

،

فديت هالرمسه اللي ارتاح يوم اسمعها
فديتها وليتني اندل بيتها !
:biggrin: