تبـون تكونوا *بلبل* في الإنجليـزي . يعني فلتـة؟ خطوة بسيط

السلام عليكم
شحالكم؟ أوكيـه؟

تبـون نصيحة! أكيـد :fa56:لول .. وصلت خيـر
الخطوات حتى تكون blah-blah-blah أي تتفلس بالانجليزي ان شاء الله .. the following .. visa ve:
.
.

لو سمعتوا كلمة انجليزية يديدة في فيلم .. لا اتبطلوا ثمكم واتموا امبهتيـن! :shocked: ركزوا شوي
وردّدوا هالكلمة بصـوت كذا مرة كذا مرة . وطبعا المعنى لازم يكون معروف

ممممم وحلو لو عندك DVD وتشوفه بترجمة وعقب مرة مرتين تشوفه الفيلم بدون ترجمة

ولو حد من ربعكم قال كلمة ما تعرف معناها . دوّر معنى الكلمة (عندك القاموس/الـ word/برامج ومواقع)
أو إسأل ربيعك/ربيعتج عن معنى الكلمة . هب عيب نكون اغبياء *دقيقة وحدة* . العيب تكون غبي طـول العمـر

..

وبس
لو حد عنده نصيحة حيّـاه بس يعطيني كت كات

والسموحه ع القصووور

أفا علييييييييييييييييج الغاليه
خلااااااااااااااص من اليوم ورايح انفذ
هالخطوات ... بس ها اذا ماستوين بلبل عاد بييج ليما عندج
وبخليج انت اتعلميني...
خخخخخخخخخخخخخخخخخخخخخخخخ

السموحه

الفراشة افا عليج :fa56:!
.
.
.

بس حد يبشّرني لو استفاد ? OK http://oasis.bindubai.com/ubbc/smileys/0176.gif

نتمنـــــــــــى والله ..
بس في الأفلام يرمسوون بســــــــرعه خخخخخخخخ ..
يالله ألقط كلمـــــــــه ..
بس الصراحة هي فكـــــرة حلوة .. وخطوات هائلــــــــــــة ..



بالإضافة مدام إلحين إجازة و صيـــــــــف تقدرون تاخذون دورات محادثـــة بــ الإنجليزي وجي ..
يستفيد الواحد منهاا ..


تسلمين حبوبة ما قصرتـــــــــي ..
حياكم الله

عاد أنا في الكتابة جي :fa42: بس بالمحادثة مب ليه هناك .. وربيعاتي وايد ستفدن من الافلام في تقوية الانجليزي عندهم أما أنا ما أداني الافلام خير شر يبالي أدور على وسيلة ثانية أقوي فيها المحادثة

الشحية لحظة لحظة http://smilies.sofrayt.com/%5E/2/paranoid.gif وين الكت كات! ولا النصيحة ابلاش وانا مادري http://216.150.29.120/main-mask/f120.gif ؟

صح .. الدورات تفيد وايد خصة انهم يعلمون الأساسيات وكلمات بسيطة مهمة *مثلن شو ممكن تستخدمين في المطعم* انا ما جربت بس يمدحونه

والحمـدالله دام الخطوات هايلة وعيبتج
اتريا الكت كات شحيـوو

صدى جوفي زيـن ماشالله!

انا الـ Grammer عندي مشكلة فـ الرايتينغ

يقولج اللي يسمع أكثر يرمس أحسن :woot: واللي يقرا أكثر يكتب أحسن :vampire: والله أعلم *وانا ما حب اقرا وايد خصة in English معني افهمه الحمدالله* بس نشقح في فالكتابة تمشّي . الحمدالله ع كل حال

شكرا على مرورج الشيخة

انا تعلمت اتكلم "بالأكسنت" الامريكي من مسلسل فريندز >>> مدمن , خخخخخخخخخخ :fa56:

و الطريقة ناجحة 100% بس يبالها حد منتبه مب بس تشوفون الفلم و انتوا :shocked: و خلاص

نصووور

جنك قلت نصيحه . ممم كت كات يا جماعة هب باتشي لول

تعال كل يوم

هلالا شيطونه .:laugh:

اوه عاد ويا ها الانجليزي بهدلونا فيه فالجامعه .. انا خذت شهادة الايلتس من اول كورس ولله الحمد
ولكن ما حس اني استاهلها ههههه:fa56: :fa56:
لا حرام بنصف عمري.. يعني ها امشين شوي .. لكــــن:fa36: ..

الحين اتبع ها النظام ..

يعني اتابع أفلام شرات ما قلتي ويوم احس في كلمه تشدني اتم اكررها واسال خواتي عن معناها
وعن كيفية النطق الصحيح والتركيب النحوي للجمله وأسأل عن الحيا وعروقه..
برامج المسابقات والبرامج بشكل عام الي ع mbc4 ما افوتها ..وبرنامج اوبرا ها عجيب عاد..والمسلسلات طبعا .. >> بيقولون هاي عابده الـ mbc عباده ههه شو نسوي للظروف أحكام
وحاليا احاول اقرى قصص انجليزيه بس اتملل منها واايد :fa44: ..
ارمس ويا اللي فالبيت بالانجليزي اوني ههه ويوم استطرب يلست اتسمع الويست لايف:blush:
وفي الجامعه افكر اني استغل اوقات بريكاتي وبيلس ويا المس اللي عطتني انجليزي وبسولف وياها
وبس

وياليت ينفع ها النظام .. لاني انا مب جريئه فالرمسه بالانجليزي
وعندي البرزنتيشن شي مرعب:fa56:
لكنها مسألة تعود .. والخطأ بالأساس من تعليم المدارس :fa44: .. شغلتنا كانت كتيبه فالكلاس

عبرت واايد:look:

والله حيه

الله حيّه

المزيووونة

أقووولج .. !!

ابتسمي في الـPresentation ما عليج .. على كثر ما تبتسمي تاخذي Credit .. !!
أول عرض سويته خذيت ماشالله علي % 97 تف تف أعلى علامة .. عسب كنت ابتسم فالاستاذ قال انتي واثقة من عمرج وتصلحين تغدي موووديييييرااا :fa37:

والاستاذ/المس Sisi شايف ألف بنية شراتج ما بيدقق :fa38: بعد أمرار ما يطالعونا إلاّ يوم نخرّف لولز :vampire: والبناات ربيعاتج ومن سنج .. بس وصيهن ما يتفلسفن وايد عليج :woot:
.
.
شاطـرة ..
10/10 Keep it up Sisi

بالنسبــة للي قلتيــه ،
بصراحة تنفــع .. والحمدلله دوم اطبقها
حتـى صارت عنـدي "عاده" .. لا اراديه :fa46:
،
،
اول شي .. اندوج الكت كات
http://www.nassaucandysouth.com/kit%...g%201.94oz.jpg
،
،
شفتي كيف
مؤدبة أنا :fa46:
،
،
المهــم
نحــن مرات جـي نسـوي فـ البيــت
نحــدد وقت .. نرمـس فيه بالانجلــيزي ويا بعـض
عســب نتعــود ليما نستـوي فلونت فـالانجلش ،
وعقـب مانخـلص نحـدد اخطاء كل واحـد وجي جي جي ليما تقـل :blush:
ان شالله تنفعكم نصيحتـي
والسموحة
6anKo devilOo6y

اللّــه ..
أولاً عسب اللي قلتيه سيس .. فرحتينيه :fa56: !
وما خبّي عليج . فرحتي بالكت كات كتـــير كبيري :fa56:
.
.

Any time KbeeRa n My Own Eyes Pleasure

اقتباس:

---

المشاركة الأصلية كتبت بواسطة كبيرة بعيوني

نحــن مرات جـي نسـوي فـ البيــت

نحــدد وقت .. نرمـس فيه بالانجلــيزي ويا بعـض
عســب نتعــود ليما نستـوي فلونت فـالانجلش ،
وعقـب مانخـلص نحـدد اخطاء كل واحـد وجي جي جي ليما تقـل :blush:
ان شالله تنفعكم نصيحتـي

---

نايـس ون http://oasis.bindubai.com/ubbc/smileys/0176.gif

شيطونه ورديه >> يعيبني نكج :laugh:

انا مرات اقرا قصص
بس وااايد املّ :fa36:

و حلوه ها الطريقه
بس مرات اتهايز اسأل و الا اطلع المعاني
يالله بنحاول
ورانا كليه السنه اليايه ^ــ^
و ترى كبيره من عيوني خلصت الكيت كات
شرده :fa56:


كبيره بعيوني

طريقتج وايد حلوه
بس انا عندي اخوان عفانا الله منهم
على اتفه الاشباب يضحكون :fa44:
بس بحاول اطبقها يوم بسولف في التلفون :vampire:

أوتار القلب *ولد ولا بنية* http://smilies.sofrayt.com/%5E/p/dialog.gif ؟

شكرن نكك الاحلى http://smilies.sofrayt.com/%5E/8/blink.gif ..

وانا بعد مـااا احب اقرا قصص أمِل بسرعه .. وطريقة كبيرة بعيوني حلوة جيه تحاول تسوي محادثة ويّا اخوانك أو خواتك عسب تكون الاغلاط *بينكم يعني بين الأهل* لول :fa46:

والحمدالله الكت كات في بطني احين لول

موفقـ/ـة فالكلية .. Good luck ! :woot:

ثانكس اختي

بس انا بنيه :fa54:

شيطوونه ..

هيهيهي ترا البنات هن اللي يزيغن الواحد .. عافانااالله يشوفنج جنهن اول مره يشوفن ها البنت اللي ترمس
وارتبك والقف عاااد فالرمسه .. ولا المس ماعليه منها اغلط جدامها .. عادي ترا جيه ولا جي ايلس وياها
فالـ office ..

الله كريم ..

وعن القصص الانجليزيه .. ترا في قصص انجليزي عربي .. خذوها وبترتاحون من الدكشناري ..

وووبس ..

حيّهم ..

الصراحه الموضوع شيطوني (( يعني زقرتي )) و الفكره شيطانيه (( يعني كشخه)) و الكاتب شيطونه ورديه (( امييييه )) خخخخخخ \ انزين انا أظن (( مجرد ظن )) أن أفضل طريقة هي المحادثة يعني مثل ما قالت كبيرة بعيوني (( عاد بنات اختي كلهن في مدارس خاصة وعافاني الله لغتهن الانجليزيه احسن عن العربيه " لكن هذا مب موضوعنا " و بالفعل المحادثه في البيت فادتنا في الجرأة في الكلام لأن التنقيع يخلي البعض يتخوف من ضحك الناس عليه و لو انكسر هالحاجز بيكون التعلم اسهل يعني شو فيها لو غلطت و خربطت في الكلمات )) في طريقة ثانيه فادتني انا شخصيا وهي حفظ الكلمات (( مثل ما كانوا يسوون لنا في المدرسة عشر كلمات مثلا كل يومين و الكلمات تاخذها من القاموس و الأفضل اتكون من الكلمات الي راح تحتاجها في مجال دراستك او عملك او تعاملك - طبعا يبالك حد ينطقها صح و يكتبها لك بالعربي بعد " لا تضحكون عشان ما تنصدمون " و حلو إنك تحفظها كتابة و نطقا بالانجليزي طبعا )) لان معرفتك بأي لغة هي عبارة عن معرفتك لأكبر عدد من الكلمات فيها يعني معجمك الشخصي عبارة عن كم كلمة بهذا نعرف قوتك أو ضعفك في هاللغة هالي عندي و ترى الطرق الي ذكروها الاعضاء حلوه بعد يعني انت شوف الطريقة الي تناسبك و نفذها و السموحه

انا هب وايد اوكي في الانجليزي

يعني يبالي بس تعرفين هاي النصيحة اللي قالتي عنها حلوة
حتى مس الانجليزي قالتنا ياها بس انا وحدة ماحب الافلام الاجنبية وماحب اتابعها
وقلت بدخل دورة انجليزي عالاقل نتعلم اشوي

وحلوة فكرت كبيرة بعيوني بس انا جي مرات اخويه واختيه يرمسون انجليزي وانا ايلس اتمسخر عليهم( متغصصة)

والسموحة

الله يزيدهم
.
.

أوتار القلب
it's Ok sis :blush:

المزيوونه ( :fa56: )
هيهيهي حلوة جنهن أول مرة يشوفن البنية . لول

اقتباس:

---

المشاركة الأصلية كتبت بواسطة المزيوونه

ترا في قصص انجليزي عربي .. خذوها وبترتاحون من الدكشناري ..

---

حلو .. *منو حلو؟* :crazy: .. فكرة اقصد
تعالي كل يوم

بو خنفش !!
اذكر الرحمن ما بييك شي من صوبي انشالله * :crazy:*

المشكلة لو بنطلع كلمة او كلمتين إلى خمس كلمات يوميا من القاموس ونكتبهن في Cards ويا مرادفاتها وظروف الزمان المختلفة . هاي اليابانيين يسوونها ودماغهم كبير :fa36: سبحان الله *شخصياً* انا ما روم احفظ . بس اعرف اردد شرا الببغاء لول . جيه يثبت براسي

اقتباس:

---

المشاركة الأصلية كتبت بواسطة خنفروش

ترى الطرق الي ذكروها الاعضاء حلوه بعد يعني انت شوف الطريقة الي تناسبك و نفذها

---

شكرا بن عمي :)

السلام عليكم ورحمة الله وبركاته


شكرا لكِ أختي الكريمه على هذا الطرح الرائع

بارك الله فيكِ

عليكم السلام والرحمة

عذبة الكلام

العفو الشيخة واجبنا

هلا والله .. كلام صحيح اختي ..

مذهلة ^_*