أبغي رايكم.. شي يمس سمعة الدولة!!

السلام عليكم ورحمة الله و بركاته..

ودي أرفع قضية على سهيل عبدول.. تدرون ليش؟؟

لأن يالس يخرب سمعة الدولة!!!
تدرون كيف.. من هالقناة إللي فتحها.. إلا نجوم، وإلا نجوم الخليج!!:fa55:

شو هالقنوات؟!!! و لو لاحظتوا فيها وايد فيديو كليبات very cheap خاصة الفيديو كليبات العراقية إللي ما تشوفها إلا في قنوات سهيل عبدول..!!!

وبعدين>> شو.. ما شي مراقبة عالمسجات؟؟
اتخيلوا.. في مرة واحد مطرش مسج.. عشيقتي كنتي جميلة بين أحضاني!!:eek:

وين الحيا؟؟ وين الحشيمة؟؟

نحن عندنا يهال، و نحن بنات.. هذا مب كلام ينكتب عالتلفزيون... وين الدين؟؟:sad:

السموحة عالإطالة بس ابصراحة منقهرة وايد لأن يوم يسألوني هالقناة مالت منو؟ أو يومم يسألوني من وين صاحب القناة؟؟ أستحي أقول إنه إماراتي!!!:fa36: والله فضيحة يا هل البلاد.. ولا انتوا شو رايكم؟؟

أنا بانتظاركم...

ما عندي اياها . احسها مهرجان هب قناة :$

والسموحه الشيخه

الصراحة ما عندهم سالفة... لا وبعد مسوين مسابقة نجوم الخليج...والله انهم متفيجين.. ليش ما يسوون مسابقة للقرآن الكريم ليش يهتمون بالأغاني .. وما أقول غير الله يهديهم...


اختج: دلوعة دبي

اذا كنتي يا اختي الكريمة تريدين الصراحه مو قناه سهيل العبدول اللي بتشوه سمعه البلاد
بل الفنادق والملاهي والعاهرات هي من شوهت وستظل تشوه سمعه البلاد الى ان تزال
وهاذي هي الحقيقه

مشكورة اختي شيطونة عالمرور..

وعليــكم الســلام ورحمــة الله وبركاته

:fa46: هوه فــي حـــد بيسمعنــا .. :fa38: الحــل إذا كانوا عنــدكم يهــال تحذفون هاي القنـاة من الرسيفر نفسـه أو الـ Card وفكوا عمــاركم :look: واليهــال ما بيلقونها وبشوفولهم شي ثاني يطالعونه .

أمــا من ناحيـة سهيــل العبـدول .... :wacko: شو بنقــول ( والمسجـات حدث ولا حرج ) تراه شات تلفازي

والأغــاني معظمهـــا هابطــه وماجنــه ما تســوى الواحد يطالعها ..

أختصــر برنــامج نجــوم الخليـــج أقصـــد هـر** الخليــج برنــامج لا يعتبـر برنـامج ولا حلقات ولا شي :woot: والدليل إنه بالخير يذيــع برنـامج نجـوم الخليـج لأن أساسا ما حصـلوا فنان يذيـع :fa56:

بس على فــكره يمكن نحن أقليـــه أو يمكن أغراب نعارض البــرنامــج بس الأغلبيـــه إتشــجع ( ولا حياة لمن تنــادي ) ...:fa36:

وبخصــوص سمعــة الإمـــارات .. ( :fa44: )

أشكرج إختي على الموضوع .. لوج مني جزيل الشكر :fa37:

دلوعة دبي.. صدق إن ما عندهم سالفة!!
مشكورة اختي عالمشاركة :)

أخي المبدع.. إن الإعلام هي أسرع طريقة لنشر المعلومات والسوالف..
الفنادق و السوالف هاي.. ترا الواحد يوم ما يسير أنصاف الليالي ما يجوف هالأشياء.. بس في التلفزيون>> أشكره حق إللي يفهم وإللي ما يفهم!!
عالعموم مشكور

مشكور اخويه المقاتل عالمشاركة والاهتمام

اقتباس:

---

اتخيلوا.. في مرة واحد مطرش مسج.. عشيقتي كنتي جميلة بين أحضاني!!

---

تعرفين والله قبل فتـرة كانوا في برنامج حدث ولا حرج أظني في قناة دبي ..
أو برنامج غيره مب متأكدة .. كانوا مستضيفين ضاحي خلفان ..
عشان يناقشون هالقضية .. ونفس الكـلام بالضبط اللي قاله ضاحي اشوفه في موضوعج !

> يعني انتوا شفتوا المسج .. وانا وين كنت :fa56: <

:vampire:

الله يهديهم والله
: سمعت البلاد :
خلاص بتروح على ايدهم
والقنوات اللي يحطونها ..
والبرامج والاغانـــــــــــي
الله يهديهم

اختي العجيبة>> جفتي البرنامج..؟ جفتي الفريق ضاحي يوم كلم سهيل عبدول؟؟ جفتي سهيل عبدول كان يتهرب شوي.. وتم ساكت أغلب الوقت.. ويقولج كانوا يبون يستضيفونه لكن كان مشغول!!! ما أدري أي شغل عنده الساعة 11 فالليل؟؟!!!
المهم مشكورة اختي المشاركة..

صدق إن الله يهديهم..
مشكورة اختي عالاهتمام والمشاركة عزيزة النفس

نحن مابيدنا نسوي شي غير انه نمسح القناه
ولا مابيدنا نسوي شي دام انه الرقابة تشوف شو يستوي وماتسوي شي
نحن ماروم نسوي شي
والسموحة

صح كلامج.. بس تدرين إن شرطة دبي بإمكانهم أن يرفعوا قضية على هذه القنوات.. وإللي شاف برنامج حدث ولا حرج>> بيعرف شو أقصد. . لأن هذا الكلام قاله الفريق ضاحي خلفان تميم.. بس المشكلة إن هل دبي ما يتعاملون مع الشخص مباشرة، أو بالأحرى ما يجبرون الشخص على فعل شيء رغم أنفه>> هاي هي طريقة المرحوم الشيخ راشد بن سعيد الله يرحمه.. مثلا يوم ارتفت أجور الشقق في دبي، لم يجبر التجار على خفض الرسوم، بل بنا شقق وأجرهم بأقل تكلفة.. فأدت هذه الحركة على خسارة التجار.. فاضطروا على تخفيض الأجور.. (سياسة ذكية ما شاء الله عليه).. وأتبع نجله الشيخ محمد بن راشد آل مكتوم هذا النهج بحيث إن يوم ارتفع سعر الاسمنت المحلي قام بإلغاء الضرائب والرسوم على الاسمنت المستورد من الخارج.. ولم يأمر المصانع والشركات المحلية بتخفيض الأجور.. و بأقل عن شهر>> اضطروا التجار على تخفيض الأجور.. وهكذا الفريق ضاحي خلفان، على الرغم إن بإمكانه أن يرفع قضية عليهم، ولكنه لم يستخدم هذا الأسلوب بل أنه يشن حملة حاليا ضد هذه المسجات.. هذه الحملة تستمر لمدة 5 سنوات وفي الوطن العربي بأكمله.. وتهدف الحملة على توعية الشباب من تلك المسجات الديئة والشخيفة والساذجة واستخدام التكنلوجيا بطريقة إيجابية..
والسموحة عالإطالة

ومشكورين عالمرور

بسم الله الرحمن الرحيم ..

وعليكم السلام والرحمة اختي ..

والله الواحد شو بيقول وشو بيسوي واخر شي ما بـ اليد حيله ..

الله يصلحه ويهديه ..

في انتظار جديدك لا عدمناك ..

مشكور اخوية عالمرور.. وين وزارة الإعلام؟!! وين قسم المراقبة في مدينة دبي للإعلام..؟؟؟

السلام عليكم و رحمة الله و بركاته
مرحبا أخت أختي
الموضوع الذي ذكرتيه ناس وايد تحدثوا فيه.:look:
و الكل يعطي النصيحة و الآراء حول هذه البرامج بس الإعلام هو القوي هذه الأيام
و إذا احنا ما سمحنا للعيال بمشاهدة التلفزيون , الجرائد و المجلات ما مقصرة ,
كل الأخبار و المعلومات متوفرة في كل مكان .
بس أن شاء حملة ضاحي خلفان تكون قوية و تغلب هذه القنوات:fa55:
و نرتاح من هذه البرامج السخيفة.

والسموحة
الجديدة

إن شاء الله.. الله يسمع منج..
دام السالفة فيها الفريق ضاحي، اطمني.. ارقدي وانتي مرتاحة :)

الحين انتوا تركتوا القنوات الغنائية الثانية وييتوا على قناة نجوم !!!
على الأقل قناة نجوم اتطلع مواهب شابة وتدعمهم ... وعلى سالفة المسجات تراهم قالوا بيحذفون أي مسج غير لائق ...

وبعدين على فكرة ترا في وايد من الاعضاء هني يتابعون برامج قناة نجوم .. بس أونه جدام الناس ما يبون يظهرون هالشي

والسموووحة منكم

مشكور اخويه عالمشاركة.. أنا خصيت هاي القناة بالذات، لأن رئيس هذه القناة "مواطن".. للأسف الشديد!!!

ومثل ما عودونا شيوخنا الكرام>> هاي مب من عادات هل "الإمارات"!!!

فديت الإمارات وفديت أهلها.. الحمدلله نحن مب جي.. وما عودونا شيوخنا على هالمصاخة الزايدة..

وين العروبة و وين الصالة؟؟؟ وين النخوة العربية؟؟؟

الســـــــــلام عليـــــــــــكم,...

..

بغض النظر عن دنائة هذة القنوات.. و انحطاط المستوى الاخلاقي فيها... الغلط الاكبر ينعق على الاهل اللي يسمحون بوجود هذي القنوات في البيت...

وفي بيوت 24 ساعه حاطين على هالقنوات... أونه ربشه ويتمون يشوفون ويضحكون على المسجات المكتوبه.. و نسوا وجود الصغاريه اللي حواليهم لين ماصار الامر عااااااااااااااااااادي..

فمحد يلوم الصغاريه اذا اخلاقهم فسدت اذا كبروا و شبــــوا..!! دام انهم متعودين على هالخراب...

ولا اتقولون نحن كبار وعادي انشـــوف..!! هالقنوات المفروض تنمسح من كل بيت واعي ...

هذي مب أغاني... هذي أفلام قليلة أدب تحت ستار الفيديو كليب..!

والله صح لسانج..
مشكورة اختي عالمرور والاهتمام

السلام عليكم ورحمة الله وبركاته

اشكرج اختي اخت اختي على طرحج للموضوع اللي من زمان فخاطري و تعبت من السكوت


هووووووووووه قنواااااااات

فنااااااادق

مرااااااااااااقص


خمووور والله العظيم سرت مدينة جميرا كلما نبا ناكل في مطعم شفنا الخمور عفاانا الله
وين عايشييييييييين كل هذا عشان ارضاء الأجانب

و رضا الرب ولا هم مفتكرين فيه

لو فيهم خير جان ماسووا اكبر مخزن خموووووور ماعرف شو في الشرق الاوسط او في العالم مالت عليكم مالت عليكم مالت عليكم

حسبي الله عليهم

لا وهاك اليوم داشين مطعم نتغدا ماعرفنا انه فيه خمر و نحن طالعين والله العظيم شياب مواطنين شيااب ريل في القبر والثانيه على الارض طالبين خمر يصبون لهم


يعني شو اقوووووول بس شو نقوووووووووول


الله يستر علينا بس

و ماقول غير حسبي الله عليهم


و عندي موضوع بقوله

يوم الأساس خربان
كل شي بيخترب

الأسااااااااااااااااااااا س لازم يتعدل

لو الأساس يعرف ربه

الباقين يعرفون ربهم و محد يرضى على كل هالمصخره اللي نحن عايشين فيها

و السموحه


خدافس
:vampire:

الله يستر علينا، فهمت شو تقصدين لكن الأساس ما يخصة..
كل واحد عليه من نفسه!!!
ومشكورة اختي عالمرور..