؟؟؟؟؟؟؟؟؟؟؟؟؟؟؟؟؟
عرض للطباعة
؟؟؟؟؟؟؟؟؟؟؟؟؟؟؟؟؟
والله اسمحلي اخويه ما اعرف شي عن مناطق إيران
بس انا بحاول ادور لك مناطق في إيران ..
وان حصلت بحطهن لك..
والسمووحه
اظن بتلقى معلومات في واحه العلوم و المعارف في موضوع مشروع عيال زايد التعليمي
وان شاء الله بنحاول اندور لك المعلومات ان الله قدرنا
ينقل الى واحه العلوم و المعارف كونها الانسب ..
السلام عليكم ^_^
اخويه هالمناطق انا سرتلها سياحة العام في الصيف و بحاول اساعدك قد ما اقدر . .
يطولي بعمرك ، الطيارة تطير من دبي الى طهران ( عاصمة ايران ) تنزل فيها و تاخذلك طيارة داخلية او سيارة ، على حسب الي انته تحبه لكني افضل لو تاخذ سياره ، لنه ايران تتميز بشي الا وهو البساطة ، يعني في طرقهم الخارجية اتحصل مناطق نفس الي في الرسوم ، اماكن واسعه و خضرا بدون اي سيارة ، حياتهم بدائية ، عالحمير و الثيران !! طهران فيها اماكن حلوه و ملاهي ، و الأحلى المتاحف الي فيها ، و اخص بالذكر متاحف شاه ايران و قصور الملوك القديمة ( لازم تزور هالاماكن ) ، لكن للأسف التصوير ممنوع !
عن شمال ايران ، عندك وايد مناطق . .
زرت قزوين ، جوهم كان حار شرات دبي و رطوبه !!
و زرت المناطق القريبة من روسيا ، اذكر كان ثلج يطيح عندهم . .
و سرت منطقة اسمها كلاردشت ، أجرنا فيها فله . . هالمنطقة عبارة عن قريه بدائية جدا لكن فيها مجمع فلل على نضام الفنادق ، مطعم و تنضيف غرف ... الخ
هالمنطقة ممتازه ، تيلس فيها اسبوعين تقريبا بعيد عن عوار الراس و صدعة الحريم :fa56: و بعيد عن ازعاج المدينه ، الجو حلو جدا و برد فليل ، و الهوا وايد منعش و نضيف مب وصخ ، مافيه ريحة بترول . .
حياتهم بدائية ، معظم الي ينباع في دكاكينهم صناعة محلية ( من لبن و خبز و غيره ) ، و الأحلى انك تعتمد على عمرك ، مب لازم تتريق في الفندق ، تاخذلك خبز من المخبز ويا عسل طبيعي من اليبال و جبن !!
هذا غير الفواكه ، و الجاهي الي عندهم !!
المشكلة الي صادفتنا و عانينا منها وايد ، الا وهي التحدث وياهم ، هناك المشكلة محد يعرف يرمس انجليزي عشان تدبر عمرك او عربي ، لازم بالايراني ، ف لازم يكون عندك مترجم ، نحن كان الدريول الي مأجرينه هو مترجمنا و دريولنا في نفس الوقت . .
و شي ثاني ، يوم يعرفون انك عربي و من دولة الامارات ، ساعات تصادفنا مشاكل لأنهم يكرهون مذبها و يكرهون العرب ، ف مثلا عادي تشتري الماي ب 5 دراهم اليوم ، بالباجر تشتريه ب 8 او 10 !!
حتى الفنادق الكبيره ، او الشرطه !! ف الاحسن انك تتم ساكت ، و تصلي في البيت بدال المسايد . .
امم هذا الي في بالي الحين :)
:)
عجيب الصراحه
لماح اتخيل المكان غاوي
يبالنا انروحه
تسلم عزيزي ع المعلومه
قلوب دبي
والله قالولنا خل نسير ايران < رفعت حاجب ونزلت الثاني!
بس شكلها غـاااوية
على فكرة اذكر من سنيـــن شفت فلم ايراني مترجم ( لياذ الحين ما فاهمة سالفته لول ) مناظر على قولتك شرات الرسوم خضار وممرات واسعه . سبحان الله
بنشاورهم انشالله o.O
بس ما خبرتني مممم كيف لبس البنات عندهم؟ يعني لو شافونا لابسين عبي بيينا الضرب :× أو لو شافوا شعر ظاهر بيستوي شي .. أحس ارهاب عندهم مادري خبرنا بالتفصيل ..
وشكرا اخويه لماح ^_*
السلام عليكم
والله اخوي ساير شمال ايران ، بالتحديد ( كيش ) ايقووول وايد حلوة ، وحتى شيراز وايد حلوة مناظر طبيعيه ، وبعدين هناك البلاد رخيصه وايد ، وان شاء الله بستفسر اكثر وبخبرك.
واخوي لماح ما قصر كفى ووفى ، الشباب ما بيقصرون وياك اخوي البدوي.
اخوك / ولد الحكومة
قلوب دبي ، يبالنا انسير ارباعه :fa56:
شيطونه ورديه ، بخصوص العبي شي عادي جدا ، و حتى لو بشعرج عادي اطلعي لكن لازم تلبسين الشال مالهم ، ممنوع تمشين بدون الشال ، لدرجة انهم يحطون لافتات جدام المطاعم و غيره : ممنوع دخول الغير محجبات .
و الشال ما يغطي كل الشعر شرات الشيله عندنا !
بخصوص الارهاب و هالخرابيط :fa44: لعلمج يعني استغربت يوم سرت !!
يعني مب مثل ما نحن متخيلين حرمه بعباه تمشي بروحها ما يبين شي منها ، لا بالعكس !!
عندهم بنات عادي ، الي تسوق السيارة و الي تسوق الدراجة ، و لبسهن عادي ، جنز مثلا او برموده او اي شي ثاني ، لكن الفرق انهن يلبسن الشال ، و بدال العباه يلبسن شرات قميص البنجابي ( هالطوييل الي لين الركب ) , و عادي يعني شباب و بنات في مطعم ولا في كوفي ، و عندهم مراكز تسوق ( لكن مب شرات الي في دبي ، أرقى واحد عندهم شرات مركز الغرير قبل ما يجددونه ) .
اخويه البدوي ،
انا احيد كانت عندنا لسته كاتبنها المرشد السياحي الي كان هناك ، بحاول ادورها اذا لقيتها بكتبلك كل شي .
لكن في عندهم شارع طويل ، من شمال طهران الي جنوب طهران ، شارع طوييييييييييل ، راقي جدا فيه كل المحلات الي تباها ، كل الماركات ، كل شركات الطيران ، كل المقاهي الراقية .... الخ
و ايران تتميز بالحلاوه و بالمكسرات ، يعني هاي احسن صوغة جان حبيت تاخذ لحد ، و في اليبال و شمال ايران ، احسن شي تاخذه العسل ، عسل اليبل ، و جان حصلت الشمع خذه بعد زين .
في بعضهم يحبون العرب ، و ناس من يعرفون انك عربي او من دوله عربيه تتغير معاملتهم وياك، يعني لا تستبعد هالشي حتى لو كنت في فندق 5 نجوم !!
مرحبا اخوي لماح والله ما تقصر لاني اول مره اسير ولا اعرف شي مول
يعني بتسوي خير ع الاقل نعرف شي
والسموحه
السلام عليكم ورحمة الله وبركاته
البدوى
الطيب ايران حلوه وايد فيها مناطق عندك من طهران وشيراز ... وبندر عسل واصفهان الشمال سبره بروده وبحر قزوين
الاكل صراحه كله طبيعى من خضروات وفواكه واذكر الاسكريم بالماى الورد .. اذكر حديقه فى شيراز من عقب المغرب موليه ماتقدر تيلس من البرد السخان من سرت لين روحت مشغلنه هذا الجو الحلو
عندك سوق بزار وكيل فى شيراز كل لى فى خاطرك فيه موجود من مكسرات والاشغال اليدويه
ان شاء الله تحصل معلومات كافيه ولك فى درب السلالالالالامه
بحر الموده
مرحبا اخوي بحر الموده ما تقصر اخوي ومنكم نستفيد
والسموحه يالغالي
اخوك
الكتبي
مرحبا ملايين
البدوي
موضوعك في وقته
وعن ايران واايد حلوة
انا سايرتنها من فتره طوييله
سرنا شيراز واايد حلوة
وبساتينهم رووعه
في كل بستان شي وادي يمشي ويالله على بروودته
والفواكه طازجه تقطعهن من الشير واتغسلهن وتتهنى بهن
مرحبا اختي بنت الدلع
الموضوع صح في وقته لان الصيف ومحد يقدر ييلس في الحر
يمدحون شمال ايران واايد
قلت خلنا نسير نشوف بس الي سار قبل يعرف وبفيدنا بالمعلومات الي عنده
وثانكس ع المرور
والسموحه
اخوكم
الكتبي
حمستونا لـ إيران ! :fa56:
يزاكم الله خير
مرحبا شيطونه ورديه
ثانكس ع المرور
والسموحه
اخوج
الكتبي
مرحبا
لو حد بعد يعرف شي يفيدنا
الصراحه كلامكم يخلي الواحد يفكر يزور هالمنطقه المشكله في الشيعه هناك ما يحبون السنه و يمكن ما يعاملونهم زين
اختي خسوفه
صح الشيعه واايد بس لا تسويلهم سالفه ولا ترمسينه مالج شغل بحد ...
بسم الله الرحمن الرحيم
اللهم صل على سيدنا محمد واله الطيبين الطاهرين
السلام عليكم ورحمة الله وبركاته
تتميز ايران باختلاف الاديان والمذاهب فمثلا يكثر اليهود والنصارى وعبادة النار وبعض الملل الغير مسلمة فى طهران وبعض المناطق الكبيرة فيها بالاضافة الغالبية العظمى من المسلمين على اختلاف
مذاهبهم وايضا توجد الاقليات العربية والكردية والافغانية والبنجلاديشية.
وبالنسبة لكرهم للعرب فهذا صحيح ولكن حاليا لا توجد اي مشكلة من هذه الناحية حتى انا كونى
شيعى اتعرض لبعض المشاكل معهم ولكن كان بالسابق حيث كرس الشاه ايران بإت الفرس هم
الافضل ... ومع الاطاحة بالشاه وجاءت الحكومة الجديدة حتى اصبحت الدولة فى حرب مع العراق
وكان اكثر الدول العربية مع العراق ضد ايران وتنظر لهذا اصبحت الحساسية الكره للعرب ولكن الان كما قلت تغير الحال بنسبة كبيرة جدا .
وبالنسبة للمذاهب الاسلامية الغير شيعية حيث تتركز فى بستك ولار وعوض وخور وجزير ولنجه
وقشم وبندر عباس وكونج وغيرها من المناطق المطله على الخليج العربي والمناطق الداخلية.
وبالنسبة لغلاء الاثمان هذا فى كل مكان من الهند الى مصر حيث يعتبرون ان دول الخليج العربي
كلهم اغنياء.
وبالنسبة للمناطق فعلا هناك مناطق جميلة فى ايران مثل شمال ايران واصفهان وشيراز
والبعض اضاف معلومات جميلة عن الشمال ... مع هذا انا افضل ان يكون معكم سائق
معروف او انسان لديكم معه صداقة لكى يسل لكم الامور.
هذه المعلومات طرحتها ليس القصد منها اثارة اي حساسية ولكن القصد منها توضيح بعض
الامور للاخوة الكرام والاخوات الكريمات.
واتمنى لكم رحلة جميلة وممتعة انشاء الله تعالى
والله الموفق
اخوكم فى الله
المفتاح
مرحبا مشكور اخوي المفتاح
والسموحه
اخوكم
الكتبي
والي عنده صور ما يبخل علينا بعد
انا بحثت معلومات والي حصلته بحطه بفيدكم اشوي
طهران
ضواحي طهران وهناك رأينا ميدان آزادي (ميدان الحرية) الذي نراه دائماً في نشرات الأخبار عندما يذاع خبر عن إيران.
http://img2.uploadimages.net/150074TFD99011.JPG
لزيارة منزل من منازل شاه نصر الدين أحد الحكام الصفويين وسكن هذا القصر الشاه الأسبق ومتاحف تضم بعض مقتنياته وسيارته والطائرة الخاصة به ومتحف يضم أقدم اللباس الإيراني الحربي والسلاح القديم.
http://img2.uploadimages.net/924246TFA02042.JPG
http://img2.uploadimages.net/440005TFA02044.JPG
ويقع هذا المنزل في حديقة كبيرة ذات جو لطيف.
وفي الطريق للشمال شاهدنا مزراع الأرز والسد الكبير لمياه الأمطار ومناظر جميلة
وهذه صورة لمزارعي الأرز وصور للطريق من طهران للشمال :
http://img2.uploadimages.net/130921GZB9901A.JPG
http://img2.uploadimages.net/768515MIB99011.JPG
http://img2.uploadimages.net/986626MEB06031.JPG
http://img2.uploadimages.net/936129MFB01061.JPG
http://img2.uploadimages.net/596881MLB06011.JPG
فندق رامسر (وهناك قسمان قديم وجديد) :
http://img2.uploadimages.net/655203RamsarHotel.gif
بعدنا ما خلصنا في اماكن ولا في الخيال
والحين بنوصل جالوس وهي جريبه من رامسر صوب بحر قزوين
منطقة (شالوس) وفي الطريق أحسست بشعور لا يوصف وأنا أرى الخضرة الرائعة والغيوم القريبة والطريف أن عيني بدأتا في البحث عن الرمال وكأنهما لا تصدقان أن المنطقة مفروشة ببساط أخضر بديع مع أننا في شهور الصيف .
http://img2.uploadimages.net/126298MZB99011.JPG
محطه التلفريك في جالوس مب غالي ركوب التلفريك 20 درهم اماراتي حوالي
http://img2.uploadimages.net/943917MZB99013.JPG
http://img2.uploadimages.net/066162MLB08012.JPG
http://img2.uploadimages.net/596933MLB08011.JPG
فيه نصف ساعة تقريباً حتى وصلنا لقمة الجبل وهناك شي طاولات تيلس وتراقبنا المناظر من الأعلى ...
سنزور بحر قزوين
واستمتع بالسباحة في مياه بحر قزوين وهناك ما يميز بحر قزوين عن خليجنا العربي (العهدة على الراوي) أن الماء ليس بملوحة الخليج العربي.
http://img2.uploadimages.net/118881VDD99051.JPG
http://img2.uploadimages.net/085983VDD99052.JPG
الجبال سه هزار ودو هزار ( تعني ثلاثة آلاف وألف ) واستمتع بمياه النهر الباردة واجلس في إحدى الجلسات البسيطة قرب المياه...
http://img2.uploadimages.net/921468MLB14011.JPG
http://img2.uploadimages.net/287239MMA02111.JPG
http://img2.uploadimages.net/322471MAB10011.JPG
في الشمال لا تنسى ان تشتري العسل والذي يشتهر به الشمال وسترى المزارعين وكيف يقطفون العسل من خلايا النحل والله طماشه بعد غير ايران ما توقعناها جيه
http://img2.uploadimages.net/499922VZB11011.JPG