انتقادات حول امتحانات الثانوية العامة

السلام عليكم ورحمة الله وبركاته

في كل مرحلة امتحانية نعاني من صعوبة مادة ما
او نفرح لسهولة مادة ما .. وها أنا اكتب لكم رأيي في امتحانات
الثانوية العامة ..

.. الرياضيات ..

الورقة الاولى : مال الى السهولة ولكنه كالعادة طويل، واندمجت
فيه لدرجة انني نسيت ان احذف سؤالا !! :fa46:

الورقة الثانية : مال قليلا الى الصعوبة وخصوصا سؤال الاحتمالات و حذفت
السؤال الذي فيه التكاملات احسست انها صعبة قليلا :shutup: ..

.. الجيولوجيا ..

بين السهولة والصعوبة :fa36: ..

.. اللغة العربية ..

الورقة الاولى : سهل جدا ولكنه قهرني، ذاكرت القراءة والنصوص
وسهرت وتضايقت ومرضت في يوم الاستراحة وبالرغم من ذلك ذاكرت وسهرت
ثم بعد ذلك ياتي الامتحان فقط في 5 دروس ودرسين في المطالعة :fa55:

الورقة الثانية : سهل ولكن الصعب في التعبير .. التعبير الوظيفي مطلوب منا ان
نكتب رسالة وتلخيص والعادة علينا ان نختار بين التلخيص والرسالة وهم لم يوضحوا
السؤال جيدا فانا كتبت الرسالة فقط ولكن جاء الينا استاذ ووضح المطلوب .. والتعبير
الابداعي مطلوب منا ان نكتب قصة عن المربيات وتأثيرهن على الاطفال او ان نكتب عن
مشاهد توسنامي والغريب انهم جمعوا بين مشاهد توسنامي وبين ظلم الاخوان، لا ادري
ما الذي يجمع بين هذا وذاك .. ولكني اخترت توسنامي لاني مملت من كتابة قصة المربية
الاجنبية ففي السنة الماضية كتبت عن المربية وفي نصف هذه السنة كتبت ايضا عن المربية :rock:

.. الكيمياء ..

كنت اظنه صعب وقوي ولكنه والحمد لله سهل
حتى المسائل جاءت مباشرة أي وضع القوانين والتعويض فقط
وليس هناك تعقيدات :) ..

.. اللغة الانجليزية ..

الورقة الاولى والثانية : سهل و..... لا تعليق :cool:

.. الفيزياء ..

الورقة الاولى : دمار وهلاك وضاع أمالي في رفع نسبتي .. قال الاستاذ أن
الامتحان فيه 15 % اسئلة للمتفوقين ولكن كثير من الطلاب اعلنوا رسوبهم بسبب
هذا الامتحان :fa43:

الورقة الثانية : سهل والحمد لله استطعت ان اعوض ما فعلته في امتحان الورقة الاولى
وبعض الطلاب يقولون انه صعب ولكني والحمد لله الدروس التي ذاكرتها هي التي جاءت
في الامتحان " حظي زين " :vampire:

.. التربية الاسلامية ..

سهل ولكني نسيت معنى ( اقررتم ) "اول درس في الكتاب " :laugh:

.. الاحياء ..

مال الى السهولة والدروس التي ذاكرتها
جاءت في الامتحان " الحمد لله " :)

وماذا عنكم ماذا فعلتوا في الامتحانات ؟؟
وأي امتحان أصعب وأيه اسهل ؟؟ وما رأيكم فيه ؟؟
وشكرا لكل من وصلت عينه الى ما بعد النقطة .

اخوكم .. بوهاشم

الحمدالله يعني بشكل عام حليت زين .. احم احم الله يعين اللي عندنا .. انشالله

موفقين

وعليكم السلام

لاني هب فالمدرسه بنتقد امتحانات الكليه

.. speaking ..

سهل ما عليه كلاااام وكان اول امتحااان

..reading ..

الصراحه القسم الاولاني كااااان صعب

بس الثاني كان سهل لانه الاجابات اتحصلها ورا بعض

..writing ..

اول قسم كان اوصف السوق اللي تحبه وكان صعب

والثاني عن مميزات واضرار السياحه فالامارات وكاااان سهل

.. listening ..

يا ويل حاااالي صعب وااايد لانه كان فالكمبيوتر

والمس مطوله عالصوت فوول

وانا متوقعه الرسوب فيه واصلا ولاوحده قالت انه سهل

.. math ..

كان سهل بس استوت لي سالفه لاني سرت متأخره

وظهروني من المسرح وودوني حق السوبر فايسور

وقصيت عليها بكمن كلمه وعقب ودتي كلاس وامتحنت

واتقولي اذا ما خلصت عالوقت بناخذ عنج الورقه

وعادي خلصت قبل الوقت بنص ساعه

السلالالالالالالالالالالا م عليكم ورحمة الله وبركاته،،،

والله ياخـــوي انت وفــرت وكتبت كــل شي ..

ترانـــي شراتـــك ( سيم سيم) فكـــل شـــي ...ماعــدا

فـــي الديـــــن فـــي سؤال كتبت الاجابه غلط..(حتى لا تكون حجه على الأقوام جميعا يوم القيامة )يعني نفيت الاجابة... صج غبــــاء

عالعمــوم الحمــدالله علــى كـــل حـــال


بــــس متــى النتايـــــــــــــــج..؟؟ ؟؟

والسمــــوحه

كل الامتحانات كانت صعبه :fa55: حتى المذاكره ووووععع

و لا كتاب خلصته و اصلا بس كتاب واحد اللي ذاكرته نصه اما الباجي كمن صفحه او كمن درس بس

لكن قدرت احل شويه بس عادي

مهما كانت نسبتي مايخالف :blush: الواسطه تنفع هالايام :fa56:

و خبرني متى النتايج .. حليلي ماقدر ارقد الليل :sad: اتريا نسبتي احس عمري بنفجر من كثر ما اتريا

السلام عليكم

:: شيطونة وردية ::

شكرا على الرد
والحمد لله حليت زين والباقي على رب العالمين

:: يحليلي ياهل ::

تسلمين على المشاركة
والله يعينا على الكلية، وانا احس
ان اصعب شيء هو speaking و listening

والنتايج على حسب معلوماتي 30/6

وعـليكم السلام ورحمة الله وبركاته ..

بالنسبـة للرياضيات - الورقة الأولى -

أسهل امتحان رياضيات كان بالنسبة لـي ..

نفس نماذج الامتحاانات السابقة واسهل بـــوايد ..

رياضيات - الورقة الثانية -

اسـتوت الخبصة

الواحد يقول الحق .. اسئلة التكاملات ما كانت صعبة ، وتنحل بسـرعة ، بس اسئلة الاحتمالات:fa55: مع انه الابلة كانت تقول اضمني درجة الإحصاء والتكاملات في جيبج ، بس للأسف انجلب الحال ضمنا التكاملات و خبصنا ف الاحتمالات:woot:

بس لا تنسون انه في شي حلو في كل الامتحانات وها يساعد الواحد انه يجمع درجات الا وهو حذف السؤال:fa56: ..وهم كانوا مغلسينها في السؤال الرابع اظني ...

بعدين رياضيات يعني شو تبونه ايي سهل بتستوي نكتة الموسم :fa44:

جــيولوجيـا..

الحـمدلله كان سهـل..

بس احنا الله يسامحها الابلة كان شرحها وعدمه واحد :fa36:

من جي في اسئلة خبصنا فيها ..

بس الامتحان بشكل عام سهل ..

اللـغة العـربية -الورقة الأولى-

ها الامتحان اللي سووله يولة .. لأن اكتشفوا عقب الامتحان اخطاء في طريقة وضع الاسئلة :fa55:

بس بعد الحذف ينقذ الواحد

هو صعوبته اكثر للادبي مب للعلمي .. لأن احنا دبرنا حالنا ..

اللغـة العربية - الورقة الثانية -

النحـو كان دمه ثجيل شوي بس ..

النقــد تمام ..

التعبير :fa56:

هو القهر ليش حاطين اجباري كله ، يعني مب كل حد فالح في التلخيص لان هالسؤال الوحيد اللي درجته تضيع بسهولة ، حتى مدرستنا قالت ان مفهوم التلخيص يختلف بين مصحح وآخر فـ عشان جي كانت تحبذ انه نتركه .. بس انجلب الحال:fa54: .. يعني انت وحظك ، ورقتك طاحت في ايد منو .؟:fa56:

بالنسبة لـ تسونامي ، ما ادري ليش سوو هالضجة مع انه الموضوع حلو ! يعني اول مرة اييبون موضوع - حي - الواحد يروم يكتب فيه .. اما بالنسبة لظلم الاخ لاخيه وشو يخصه في تسونامي .. ترى اللي استوى كان غضـب من رب العالمين .. يعني معقولة يصير كل ها من فراغ ..! ومثال الظلم كان "شقفة" من الموضوع عشان يفهمونا ان المطلوب نربط بين غضب الطبيعة واسبابها .. وكيف ان الناس صاروا غافلين عن آخرتهم وهمهم الأكبر حياتهم ..! ف صار الانسان يظلم هذا و يتكبر على هذاك بس لمصالح دنيوية فانية .. مب جني كتبت الموضوع :fa46:

( هذا رايي لا تصفعوني :crazy: )

بس بعد العلمي استفادوا من امتحان هالمادة بشكل أكبر من الادبي..

الكيميــاء ..

فديت هالمادة :blush:

والحمدلله كان الامتحان سهل ، موية على قولة السعوديين :laugh:

اللغة الانجليزية

:fa38: نو كومنتس

فـيزياء-الورقة الأولى-

سهل ممتنع ( صح جي ) ..

انا حليت وخلصت وطالعة وانا شاقة الحلج :woot: واشوف كل وحدة مادة البوز شبر ونص .. ف قلت لازم اسال مع اني ما احب اسال لاني بعرف بيتمون يراجعون الامتحان كله:wacko: المهم راجعت وطلعت عندي اخطاء هني وهناك :crosseyed قتلهم خلاص خلاص التوبة ما اقول عن امتحان سهل مرة ثانية :fa46:

فيزياء - الوقة الثانية -

الحمـدلله أهون من الأولى ..

بس لو تلاحظون انهم ما خلوا شي في الكتاب ماشاء الله عليهم ..

كل القوانين يابوها ..

اصلاً شي فيه كهربا انا ما ادانيه :fa44:

التربية الإسلامية ..

برداً وسلاماً على قولة جريدة الخليـج :laugh: ( يقهرون اتقولهم شي ويكتبون شي ثاني ما يخصه في اللي قلته :fa45: )

الأحيـاء

نسـخ للكتاب بصراحة..

التقاويم منسوخة نسخ في الامتحان والحمدلله :laugh:

الله يوفق الجميع ان شاء الله ..

اهم شي الواحد يحصل نسبة اتدخله المكان اللي يباه .. وبس

وايد هذربت الله يعين اللي بيقرا :fa46:

شكراً خيّو :)

...

.

بس امتحانات هالسنه اسهل بوااايد عن امتحانات السنه اللي طافت لانه كثير من الامتحانات كانت فيها اخطاء

بس فلحنا >>>>>>>>من زين النسبه

السلام عليكم ورحمة الله وبركاته،،

اخوي الملهم .. اللي اعرفه ان النتايج بتاريخ 17-6 يوم الاثنين والله اعلم ..ااذا صج ولا..

والسموحة

.. صمت الدموع ..

اي 17/6 ....

حنا خلصنا الامتحانات 20/6 ^_^

اخوي الملهم

تراها غلطه مطبعيه

قصدي بتاريخ 27-6 يوم الاثنين

والسموحه منك

. ؛ وعليـكم السـلام ورحمـة الله وبركـاته ؛ .

؛

أخـوي الملهــم

حبيب قلبي ، أهنيـك بهالمنـاسبة

وأتمنى إنك تحصل على أعلى الدرجـات

وصدق الأيام إللي طافت كانت ملل × ملل

تقريييبـــا شهــر ونص وأأكثر شوي

بس الحمدلله عدت على خير

وما واجهنا صعوبة في الامتحان

؛ ؛ ؛

وبخبركـم عن الامتحانات إللي مرت علي

وأنا ثالث ثانوي أدبي

؛ ؛ ؛

============

التـــاريــخ

اسئلتــه سهلـه وواضحـة وما واجهنـا فيه أي صعـوبة

والأسئلـة إللي يت في الامتحان كانت من الأسئلــة المبــاشرة

ويالنــا ســـؤال أنا اعتبره بــلاش

صورة عن حكام مجلس التعاون وعليه ثلاث اسئلـة من اسهل الأسئلــة

علم النفس

وبعد كــانت اسئلتــه سهلــه وواضحــة

واشكــره ها إللي حط الامتحــــان ورفع من معنويااتنا

عقب التاريخ واتحمسنا للامتحانات إللي عقبها

اللغة العربية

( 1 )

المجموعة الأولى

مشيــنا حالنـــا

المجمــوعة الثــانية

أخس مجموعة في امتحانات الثانوية العامه بكبرها

بما فيها اسئلة المطالعة والأدب والقراءة

وأنا حذفت الأدب وحليت المطالعه والقرااءة

وإللي توهقت فيه بمعنى الكلمة سؤال القراءة التابـع لـ ( أعرف نفسك )

المجمـوعة الثـالثة

( الخاص بالأدبي )

الحمدلله كان أوكي وما عليه كلام

( 2 )

سهل وعجيب وما واجهنا أي صعووبة

بس الســؤال إللي خـون فيــنا

التعبير الوظيفي

المفروض نه نختار رسالة أو تلخيص

لكن في هالامتحان غيروا الطريقة ووايدين ما انتبهوا

بحيث أصبح التعبير الوظيفي بكبره اجباري

ووايدين ودروا سؤال التلخيص وضااعت عليهم الدرجة

وانا منهم

عاااد عقب هالامتحاان انا اتحطمت وما فيني حيل أكمل

الفيـــزيـــاء

أكرره مادة عندي ، وانا فـ حيااتي ما سررت معهد

لكن سررت عسب الفيزياء .. لأني يوم ييت أذااكر في الإجاازة جني أشووف كتاب يديد

مب فااهم ولا شي ، لأنه استااذنا كان ثوور ما يعررف يشررح والشباب مب مقصرين ويااه

واحيـد إني ليلة الامتحان من الغصة اتصلت في الاستااذ وهزبته هزاااب

هالهررم .. وهقنه وما نعرف شو نذااكر الحين !!

بس الحمدلله الامتحان كان سهل وبدعت فيه

ورفع من معنويااتي

اللغــة الإنجليزية

سهــل وبدعت فيه وسوو وياي مقاابلة صحفية في جريدة الخليج

الريـاضيــات

ولا أروع .. أحلى مادة عندي .. بدعت بمعني الكلمة

وان شاء الله أييب فيه هالمادة الدرجة النهائية

الاقتصـــاد

يـــا ســـلام ... مادة حلوة الصرااحـــة

والامتحان كان سهل وما فيه أي صعــوبة

التربية الإســلامية

الأمتحان سهــل وواضـــح وبسيـــط

بس كان طوييل ( 8 صفحاات ) يعني 8 اسئلـة

نحذف ســؤال وااحــد

بس كان سهـــل

الجغــرافيـــا

بصرااحة ها المادة كنت خايف منها شوي

عسب الخراايط إللي في الوحده الأخييرة النفط وحقوله

ما حفظت منه شي .. والحمدلله ما يانا شي في الأمتحان

والامتحان كان سهل وبسيط

============

والحمـــدلله خلصـــنا الامتحــانات

وافتكيـــنا ... والحينه وقت الراحــة والطلعات والسهرااات

ونحن نتريــه النسبــة الحلــوة بإذن لله

ومشكــور أخــوي الملهـــم على الموضــوع

والله يوفقـــك إن شاء الله ويرفع نسبتــــك

.^_^.

~ خــّطاب ~

:fa38:

http://oasis.bindubai.com/download/6eer/nnnn1.gif

موفقين إن شاءالله
والله يفرحكم بالنسب الحلوه
أحلى أيام مرت عليه >> أيام امتحانات الثانويه العامه وناسه :woot:

وبما إني ف الجامعه
امتحنت والحمدالله ظهرت نتايجيه وكلهن +B :fa46:
والحمدالله ع كل حال


http://oasis.bindubai.com/download/6eer/6eerline.gif

مرحبا
الامتحانات اوكيه مع اني نسيت ورقة كاملة
بس حمدالله على كا حال
ومتى النتايج بسني بانتحر
والسمووحة

السلام عليـ ـكم ورحمة الله وبركاته

سيداتي .. سادتي .. مرحبات كتيرات :vampire:

والله هيه الإمتحانات سهــــــــله .. :fa36: والعربي أخس إمتحــان عرفته فحيــاتي ( أسئلة الإمتحان إستنتاجيــه )

:fa44: السالفه موجه العربي توه يديد والحبيب حاب يتفصح ويخترع أسئله يديده :wacko: ربعي يقولون هالأستـــاذ يا إن ما عنــــــده عيـــــــال ولا ما يخـــــــــاف الله فينا

:look: والفيزياء نص ونص بس الحمدالله حليت تمام

والجغرافيا مثل قالت نانسي عجرم : سهرت الليل لعيونك مع ذلك يا الإمتحان نص ونص .. والله قوم حقول النفط موووول ما ذاكرت الخرايط

وأختصر باجي الإمتحانات روعه

والعموم

:laugh: بوبكر يزاك الله خير على الموضوع

السلام عليكم

:: صمت الدموع ::

شكرا على التعقيب
ضيعتي درجة بس عشان حرفين ^_^
الحمد لله وانتريا النتيجة ..

:: سبايدر مان ::

تسلم على المشاركة
والله يعينك على النسبة ^_^
المهم النجاح ..

والحين اتخربط تاريخ ظهور النتيجة
الاستاذ يقولي يوم الاحد واخوي اللي يشتغل في البيان
يقول يوم السبت وربعي يقولون اخر الشهر وولد اخوي اللي في بوظبي يقول 28/6
المهم انهم بيطرشون لي النتيجة على الموبايل