.:~(( أحـلى مـسجات..لأحلى أعضـاء ))~:.

بسم الله الرحمن الرحيم

السلام عليكم ورحمة الله وبركاته..

عندي لكم مجموعه من المسجات..

وان شاء الله تعيبكم..


معقوله أنساك "فال الله ولا فالك"..
وانا من الشوق بعيوني يشوفونك..
لاتطري الهجر لا يطري على بالك..
إن المشـاعر تتغــير يـوم وأخونــك..
يالله قلـي وعـلمنـي وش أحوالـك.؟
نسيت من فرحتي لاقول وشلونك..

*.*.*

قرب جهاز القلب فالصدر لحظات،،
تطلـع وتــنزل نبضتـه بأمنـيــاتـك،،
يطلع معك تقرير تخطيـط نبضـات،،
نبـضات قلبـي ماتبـي غيـر ذاتـك،،
دقات قلبي فالصـدر عـشر دقـات،،
خمس تبيك وخمس تفدا حياتــك،،

*.*.*

شـرواك جـوده فـوق مـدات "يمنـاه"..
والطيـب شـرب لـك مـع كـل "زادي"..
وبعض البشر نادر تعين له " أشـباه"..
مـثل الأصـابــع تخـتلــف "فالأيــادي"..
احــدن إلـى منـه تــوارى "فـقدنــاه"..
وأحدن كذا اب أو حضر شي "عادي"..
وانــت القلــيل الــنادر بكـل "معــناه"..
مـزروع فيك الطيب وفعلك "حصادي"..

*.*.*

لجــل حبـك عفــت أنا كــل المــلا..
واحتضنت الشوق في ليل السهر..
اللــه اللـه لــي ذكـرت اسـمك أنـا..
يمتلــي كونـي علـى ذكـرك عـطر..
انــت مــحبـــوبــي بهــالـدنـيــا ولا..
أنظـــر لغيـــرك مــن العالــم بشــر..

*.*.*

يارفيق الخير منك "مااشتكيــت"،،
غـالي قـدرك وعنـدي "ماتهــون"،،
عالوفا باقي وعهدي "مانسـيت"،،
والوفى هـيهات ياخلـي "يخـون"،،
لا حشا والـله عنـك "ماسليــت"،،
مــنزلك عالـي وتفـداك "العـيون"،،

*.*.*

يمكن تقول ان الرسايل حكي فاضـي
مجـرد كــلام نكتـــبـه ويتــم الإرسـال
لكن أقسم انك معي حاضر وماضــي
تبقى حبيب وصورتك دايم علـى البـال
افــــرح فـالــدنـــيا اذا صــرت راضـــي
غالي علي واللي خلق شمس وظلال

*.*.*

تدري من انـت.؟
انت الرصيد اللي للأيام مذخـور
وانت الذي لاضاق وقتي عزيتك
وتدري من انـا.؟
انا رفيقك في الليالي المعاسير
وإلا الرخـا كلـن يســد بمكــاني

*.*.*

ان غبت ليله تهـل العــين لـك عــبـره،.
و القلب توقــف علــى فرقــاك دقاتــه،.
والعقل يتلف و حالـي ينتهــي صبــره،.
والصدر فـي غيبــتك يا كـثر ضيــقاتــه،.
شفت الوطن يالطيف الروح وش كبـره،.
تضيق فيني بعــد هــجرك مسـاحاتـه،.

*.*.*

ماعنـك الأيام تبعــد قلبـي الـشـافـي.،
ومعزتك فـي حنــايـا الصـدر ملـفوفـه.،
أسري مـع البــدر وأتبــع كـل براقــي.،
ياعل في نوضته مـن لمعتـك شوفــه.،
وأسهر مع النجم وأطلب ربي الواقي.،
يحفظك من شــرور الوقـت واصـدوفه.،

*.*.*

كــــل الخــصــال الطـيـــبه فـيــك..
يعجز عن وصفـها حــبر الأقلامــي..
لاغبت عنـي أشـغل البـال طاريـك..
ويحرم على عيني لذيذ الـمنامــي..
بموازين الغلا احترت ويش أسميك..
لاقلت (...) قالوا عاشت الأسامـي..

*.*.*

يا حلم وردي لــك مواثيــق ولـزوم،،
مانفـترق إلا فـــي يـــوم مـماتـي،،
ياشمعــة للقلــب يـاورد مشمـوم،،
يانرجس ويابسمة فــي شفاتــي،،
انـت الغـلا لــك فالقــلب مرســوم،،
فيك الحسن وفيك أحلى الصفاتي،،

*.*.*

انت الذهب مهما عـلا فوقـه غـبـار..
يبقـى مـدى الأيـام سلـعـه ثميـنـه..
ومثل المطر مهما المطر هل مدرار..
لو غاب عام صاحوا الـنــاس ويــنــه..
ومثل البحر غلطان من قــال غــدار..
وموجه يعـالـج كـل عبــره حزيــنـه..

*.*.*

مايموت الـود فــي قلــب الكريـم.،
ولاتـمــوت العاطـفه عنــد الكـرام.،
مثل ضي النـور فـي ليـل العتـيم.،
الصـــداقــه باقيــه مـثل الوشــام.،
تحتويني حكمة الشخص الحكيم.،
كـن بيــنـــه والأدب حــب وغــرام.،
كل طير مثـل جنــسه لــه نديــم.،
ماتخاوى الحر مع طـــير الحمــام.،

*.*.*

ويـنــك.؟
يامن رسـت لـك كـل المحـبه رضايـــف،.
وأرخـيـت لـك حرفـن مـن الغـلا مذبــوح،.
ترى الغلا مب شرط تنطـقه الـشفايــف،.
بس شرط تشعر به لو المسافه سفوح،.

*.*.*

يامن عليه أوله وكل لحظه أشتــاق..
وحرف اسـمـه بيـن روحـي نقشـته..
لاضاق بي الكون وحســيت برهــاق..
انسى التعب لامن طرالـي وذكـرتـه..
والــله ماغــيرك تـرى لـلنفــس لاق..
انت العمر كلــه عشــانـك رخصـتــه..

*.*.*

("من عيوني") خذ مراسيل الغرام،،
كان تفهم فـي لغــة حــب العيــون،،
معك انا ماقـدر علــى لفــظ الـكلام،،
من غلاك اللي وصـل حـد الجــنون،،
لاتغلــى تـذبـــح العــاشــق حـرام،،
يارفيق العـــمر خلــك لـي حــنون،،

*.*.*

سافرت ناوي أترك الطيف لحظات،.
لقيت طيفـك بالسفــر محتوينــي،.
حاولت أبعد عن خيالـك مسافـات،.
الله حسيبك وين مارحــت فيــني،.
غيرك نسيته ماطرى كــل حـذات،.
إلا انت دايم كل دقيــقه تجيــنـي،.

*.*.*

أحـ ـ ـبـ ـ ـك..
لاتحسـب كلمتــي زلــة لســان..
الغــلا مايحتمـــل شــك ويقــين..
اللسـان بساعـة الشـده حصـان..
والخجل مايبعـده مسـح الجبيـن..
معك ينساب الحكي حب وحنان..
وكــل شــدة باس قـدامـك تليـن..
مابقى للصمت في صدري مكان..
إيه :: أحـبك :: قلتها والـله يعيـن..

*.*.*

هلا وغلا بك لو مـع الحلـم مريــت.،
لو زار طيفك ناظــري يــوم صدفـه.،
يا واحـد فـــوق الأمانـــي تعليــت.،
قـــدرك بقلبـــي يالغالـي تعــرفـه.،
لو لاك فـي دنـيا البشـر ماتهنــيت.،
الناس في كف وغلاك لحاله بكفه.،

*.*.*

ياللي حرمت القلب مبطـي مـن الصــوت،،
لا تــحـــرمــــه هـالحـــيـن رد الرســالــه،،
أيــام عــمري معـــك لحظــات وتـفـــــوت،،
وش تنـتــظـــر لاضـــاع عـمـــري بـدالـــه،،
يعني عشان اسمك علـى القلب منحـوت،،
ماعـــاد تســـأل لــيـه وش هالقطـــاعـــه.؟


أتمنى ان المسجـات عيبتكم

لكم منى التحايا والسلام/ اخوكم بحر الموده

مشكوور اخوي بحر الموده عالمسجات بصراحه واايد حلوه
يسلموو

تسلم يالشيخ ولاهنت على المسجاات الغاويه"يات في وقتها الجهااز مفضي من المسجات اليديه"

++ السلام عليكم ورحمة الله وبركاته ++

ياويلي ع المسجات الغاويه :fa42:

بصراحه رووووووعه

*

*

نطمع من مزيـــــــــــــد :fa46:

يعطيك العافيه وماقصرت

أخوي بحر المــــــــــــــوده

أختك //

ناعم الصوت

هلا وغلا

فاره مخرفه

العفو ولاشكر على واجب

هزاايم

تسلمين الشيخه على المرور الحلو وربى يخليج وماقصرتى

ياسلاااااااااام ع المسجات
تسلم ايدك حبووووووووووووووووووب


كثر من هالمسجات

تحياتي لك

وعليكم السلام ورحمة الله وبركاته

ناعم الصوت

تسلمين الشيخه على الرد الجميل

وربى يعطيج الصحه والعاافيه دووووووووووووم وماقصرتى

بحور

مرحبا وغلا

خيال الحب

ياحيك والله تسلم حبوب على الرد الاروع

وربى يخليك وماقصرت الطيب

تسلم اخووي ع المسسجات الحلووه .. :fa34:

شماسي ..:fa35:

الله يسلمج من كل شر

يسعدنى تواجدج الحلووو شماسى

ماقصرتى

http://oasis.bindubai.com/download/6eer/nnnn1.gif

شرى ما عودتنا دووم
مسجات حلوه

ربي يوفقك

http://oasis.bindubai.com/download/6eer/6eerline.gif

مشكور على هالمسجات الحلوه

طير الغرام
يخليج ربى ومشكووووووره على الرد الحلو

وماقصرتى

ياحيك الرحيل

مشكووور على المرور وربى يخليك وماقصرت

حــــلوه المسجــــات....
يسلموووووو

لمسه أمل
تواجدكم الاحلى

شكراً على الرد

تسلم على المسجات


ومشكوووووووور ...

أمير القلب
الله يسلمك اخوى

شكرا عالمسجات الحلوة

:laugh:

الــــوردة الحمــــرة
العفو ولاشكر على واجب الطيبه وماقصرتى