:
:
:
:>
عرض للطباعة
:
:
:
:>
اخوي الحساس معلوماتك مش صحيحة :rock:
انا ادرس هذا التخصص الي هو E-commerce
و محد جبرني اني احط صورتي او رقم تيلفوني او حتى إيميلي
المطلوب منا هو انه نكتب بعض المعلومات عنا,
مثل الاسم و العمر و مب شرط تكون صحيحة >>> About me
و سبب اختياري لهذا التخصص
و مش شرط تكون المعلومات دقيقة, يعني كفاية اني احط اسمي الاول فقط بدون اسم ابوي او اسم العائلة
و عن الي حاطين صورهم, بروحهم حاطينها بدون ما حد يجبرهم على هالشيء
ثانيا هالشيء موجود في تخصصنا بس, يعني مش في كل الكليات
اتمنى انه تكون الفكرة وضحت
يجوز شرا ما قلت يا نصور..
بس الشخص الي سالته اليوم يدرس It وخبرني دكتورهم قالهم لازم يحطون..
بالنسبه للمواقع اكثر المواقع من دارسي اختصاصك .. اي كوميرس.. والفيدو الي شفته عن وحده من البنات من وحده من نفس هالتخصص..
وانتوا ادرى بالي يصير بكليتكم... انا نقلتلكم الي شفته اليوم ببعض المواقع ..
اخوي الي يسوون جي هم الي ما يستحون او بالاحرى ما يستحن :fa55:
لأنه الشباب ما فيها شي لو طلعت صورهم, لكن المشكلة اذا البنت حطت صورها في النت :fa36:
يعني اغلب شباب كلاسنا حطوا صورهم >>> كل واحد حاط ايده على خده و متصور, ههههه اونهم رومانسيين :blush: خخخخخخخخخخخخخخخخ
بس انا ما حطيت صورتي >>> حاط صورة عبسي مال عدنان و لينا :fa56: بس عسب ما يقولولي انه موقعك ما فيه صور
الي مستغرب منه منه هو..
- ليش الاصرار ان يحطون صورهن؟؟؟؟ (اقصد من جهة المدرسين)
- واذا كانت بعض التخصصات هب لازم ليش البنت تحط صورها .. لا والادمر هو ان فيديو... وهب اي فيديو .. فيدوا مع اهلهن الجريم وهن يتسوقن!!!
مادري يسون دعايه للبلاد ولا ماادري..
- وحده ماحاطه صورها ولا اسمها ولا شي.. بس نك نيمها ماادري شو كان ( الورده الحمرا او الصفرا شي جي) بس الذكيه نست تمسح اسمها من بروجكتاتها والاسم كامل بعد!!! ياعيني ع الذكاء!!
الحساس
مافي أي مدرس يقدر يجبر الطالبه انها تحط صورها و معلوماتها الشخصيه حتى في ال It لأنه التقييم ما يكون على أساس صحة المعلومات يعني هب لازم نحط معلومات صحيحه و نحن درسنا في التقنيه وتخصص أنظمة معلومات و محد جبرنا على هذا الشي
والله...
مممممم الواقع يقول جي .. بشوف هالي قالي هالخبريه من اي داهيه مظهرنها!!
على اي حال الله يهدي الي عندها موقع بتفاصيلها!
. . .وعليكم السلام ورحمة الله وبركاته. . .
دكتور الواحات
. . .الحساس. . .
:fa36:
هذا الكلام لا يمكن أن يكون صحيح. . .!
وإذا حصل واجبرهم المدرس أنهم يحطون معلوماتهم الشخصية. . .
فـ المفروض يشتكون عليه . . .!
لأنه وبكل بساطة ((هذا شي مش من متطلبات المادة)). . .
ومجتمعنا يفرض الستر على بناته . . .
وهالشي مب خافي عنهم!!
أنا درست كورس E-Commerce . . .
وكان مطلوب علينا نصمم موقعين للمادة ،، الأول شخصي. . .
والثاني يكون عن شركة أو تجارة نختارها. . .
وبالعكس،، المدرس قالنا بعظمة لسانه. . .
أنتو مش مجبرين تحطون أي شي يدل على شخصيتكم. . .
وإذا تبون،، حطوا nick names لكم. . .
وفوق هذا كله،، كل المواقع اللي سوينا لها Publish كانت ضمن نطاق الـ Intranet الخاص بـ WAN كليات التقنية. . .
يعني اللي يستخدمون الـ Internet العادي مستحيل يوصلون لهالمعلومات. . .
وإذا تبا بحطي لك الـ link حق موقعي الشخصي. . .
وأضمن لك أنه ما راح يفتح. . .
:fa55:
عفوا ً. . .
بس اللي ناشرين غسيلهم ،، أكيد كان بإرادتهم . . .
وما أظنيه وحده تخاف على عمرها وسمعتها بتنشر صورها وكل معلوماتها. . .!
والسموحة. . .
دمعة العين
انا مب في الكليه ,,, بس مرت عليه هالتجربة السنه اللي طافت والدكتـــــــــور قالنا لازم اتحطن صوركن داخل الCV .. عشان يكون شغل صح مثل مايقوول..
لين احينــــــــــه مانسيت ,, وهو من احسن الدكاتره اللي مروا عليه.. ويوم قلناله مابنحط صورنا على اساس انه امريكي عربي .. واكيد بيقدر عاداتنا .. قال تحطون صوركم يعني اتحطوون .. ويوم قلتله انا مابحــــــــــط .. قالي بتحطين غصبا عنج وزعل عليه من خااااااااااطره وحسيتبه انجرح لانه حس اني مب واثقه فيه,, وكان دوومه ايي صوبي ويشيك عليه شوو سويت وشوو ماسويت ويمدحني ,, لكن عقب ماقلتله جي ,, ذلني ذل.. شهر تم زعلان ولا يصد صوبي ويشووف شغل كل اللي عدالي ويمر عليه ويسويلي طاف لووول ويوم ارمسه يطالع الصوب الثاني ههههه ,, بس صدق افخاطري كنت اقوول مايسوى على الصورة كل هالانتقام وجان تبا بصفلك عشرصور ولا هالمذله ... لاني صدق كل كلاس عنده تترقرق عينااااي بالدموووع من معاملته ليه :sad: وكانت حرب أعصاب,, الين مافرجها الله وعادت الامور الى مجاريها الطبيعيه ورد مثل قبل واحسن.. وحطينا صورنا وسوينالها دليت عقب التسليم ..
يعني االلي اتقوله صح وويعتمد على مزاج الدكتور ..
السلام عليكم و رحمة الله و بركاته
الأخ الحساس بغيت أعرف من وين لك هالمعلومات و اللنك اللي خلاك تشوف المواقع الخاصة بالطالبات و الطلاب في الكليات
الشيء الثاني الكلام اللي تتكلم فيه خطأ X خطأ لأننا تعاملنا مع المدرسين و ماأجبرونا على إنا نضع صورنا و أسمائنا في المواقع خاصة طلاب It اللي خصيتهم في الموضوع
و أنا مع الأخت دمعة العين في كل اللي كتبته لأنه صحيح كلامها و هذا اللي يحدث في الكليات بشكل عام.
أرجو التأكد من المعلومات قبل نشرها بهذا الفظاعة.
و السموحة.
الجديدة
اختيه الجديده..
ممكن اعرف وين الفضاعه ؟؟ شفتيني جرحت حد ولا تهجمت على حد؟؟ اتمنى نقرين الي اكتبه الف مره بعدين لو سمحتي عقبي تمام...
ثاني شي.. انا عندي المواقع في الهيستروي تبغين اطرش لج موقع واحد على الخاص؟؟؟
ثالث شي الي خبرني ان الدكتور اجبرهم ان يحطون صورهم بنت في اخر سنه بتقنيه دبي للبنات.. ان كنتي تعرفين حد في تقنيه البنات واخر سنه ويدرسن It ارجوا انج تراجعينهم عسبب تتاكدين .. والا لاتين تكتبين ان موضوعي فظيع ومادري شو..
يالس احذركم وخوفي على سمعة البنات والاخت يالسه تتهجم!!شايفتني يالس افضح ولا شي.. خبريني ..
والله حاله هالعالم
هاي الصفحه الرئيسيه من موقع يحتوي على بعض اسماء المواقع لطلاب وطالبات كليات التقنيه بالامارات..
وهم طلاب الي تخرجوا اظن السنه الي طافت او الي قبلها..
وماكتبت اسم الموقع حفاظا على خصوصيه المواقع !!
http://upload.bindubai.com/download/aaa4/dgi.JPG
الحساس ابا اشوف شي من هالمواقع ..
يوم المدرس حطلي درجات على الموقع
حط في باله عدة نقاط
اولا
overall look
ثانيا
استخدام script
ثالثا
لازم يكون عندي صفحة عن الـe-commerce و صفحة تتكلم عني بشكل عام
رابعا
يشوف اذا استخدمنا برامج اخرى بالضافة الى دريم وييفر
مثل فلاش, فوتو شوب, و سويتش
حتى في المقابلة ما يسال عن المعلومات الي موجودة
يعني لو ما احط اسمي, بعد ماله حق يقولي شي
او ينقصني درجات
. . .السلام عليكم. . .
دكتورنا
. . .الحساس. . .
ماله داعي العصبية الزايدة،، وغاليتي الجديدة هدّي أعصابج حبيبتي. . .
الغالية ما كان قصدها تتهجّم عليك سيدي. . .
بس فعلا ً اللي كتبته رفع الضغط حبتين. . .
لأنك جمعت،، وأظنيه معظم اللي عقـّبوا عليك من ضمن طلاب الـ IT ودارسين كورس E-Commerce . . .
ولا حد منهم كان مجبر أنه يحط صورته أو رقم تيلفونه أو حتى إيميله. . .!
وأنا عن نفسي أقدر أثبت لك أنه ولا وحدة من بنات كلاسي حطت صورتها أو رقم تيلفونها أو حتى إيميلها الصجي. . .!
((مع أننا كنا ضامنين أنه محد يقدر يحدرهم من الـ Internet بس لأنه الأولاد في الكليات الثانية يقدرون يشوفون مواقعنا اللي في Intranet كليات التقنية))
ومثل ما ذكر الأخ نصووور في رده ((ما كنا مجبرين نكتب حقائق عن حالنا)) . . .
فما بالك بالصور وأرقام التيلفون والإيميلات. . .!
بس يا دكتورنا بغيت أوضح لك بعض الحقائق واللي يمكن تخفف وتهدّي الوضع شوية. . .
الموقع اللي أنته لقيته خاص بطلاب وطالبات تخصص الـ E-Commerce مش طلاب الـ IT بشكل عام . . .
ومع أننا درسنا كورس E-Commerce إلا أن الموقع مخصص لطلاب التخصص. . .
وعن أنهم يثبتون أنه الموقع من عمل الطلاب/ الطالبات أنفسهم. . .
فـ فيه مليون طريقة يقدرون يتأكدون أنه هالشغل من عمل الطالب نفسه أو أنه مهفوف. . .!
وأرد وأقول،، الأساتذة ما يقدرون يجبرون الطلاب على نشر غسيلهم على الملأ في الـ Internet. . .
وإذا على سالفة الـ CV اللي طرتها الأخت الغالية. . .
ترا فيه Portfolio خاص لكل طالب وطالبة يقدرون يحطون فيه الـ CV وكل معلوماتهم مع شغلهم كله و their Projects also . . .
وها الـ Portfolio محد يقدر يفتحه غير الطالب أو الطالبة نفسها مع الـ Staff والمدرسين الخاصين فيهم فقط. . .!
يعني ماله داعي ينشرون معلوماتهم وبروجكتاتهم في مواقعهم الشخصية. . .
وأنا ما أعرف عن طلاب التخصص وشو المتطلبات من قِبل اساتذتهم ،، بس هذا مش من ضمن أنظمة الكلية وخصوصا ً تخصص الـ IT . . .
:fa55:
هالموقع اللي تتكلم عنه من ضمن مواقع الـ HCT بس ما اعرف صراحة شو الحكمة فيه أنهم يعرضونه على الـ Internet . . .
دام أن باقي مواقع الطلاب على Intranet خاص بكليات التقنية. . .!
دكتورنا وحبايبي البقية. . .
هالموقع تعليمي بحت وخاص بتخصص الـ E-Commerce . . .
وعن أصحاب النفوس الدنيئة،، تراهم يطلعون الفضايح من تحت الأرض. . .
وأنا ويا دكتورنا،،
يعني هالطلاب المتخرجين ع الأقل لازم بعد التخرج يحذفون معلوماتهم الخاصة من هالموقع. . .!
وتسلم يالدكتور على هالموضوع وعلى هالتحذير. . .
شاكرة لك غيرتك على عيال وبنات ديرتك. . .
والله يوفقنا جميعا ً لما يحبه ويرضاه تعالى. . .
والسموحة من الجميع. . .
دمعة العين
. . .مساء الخير. . .
أخوي
. . .نصووور. . .
ياليت لو تشيل اللينك،، لأنه ماله داعي تعرضه. . .
حفاظا ً على خصوصية الطلاب والطالبات. . .
يكفي أنهم مجبرين يعرضون مواقعهم باسمائهم الحقيقية. . .
ومشكور مقدما ً. . .
كل الـــودّ. . .
دمعة العين
الصراحه انا في الكليه وشفت هالشي بس عاد مش فيديو بس صورهم ..ومعلومات عنهم ...وهالشي مش اجباري اعتقد طبعا الوحده الي ما ترضى حق عمرها ما بتحط عنها كل هاي المعلومات ...
وفي بنات عادي عندهم ...
الله يستر علينا يارب
ومشكور اخوي على الموضوع ...
مسحته
نصوووووووووور
مب بس تخصصك الي يطلبون منه هالبروجكت
في كذا تخصص فيه البزنسس وفي ال اي ايه الي منهم سنه ثانيه والدبلوم والدبلوم العالي
كلهم ايسون هالبروجكت
ويوم هم ايحطون صورهم اظن انهم يبون ايسون البروجكت على اكمل وجه واتكون المصادقيه فيه بيرفكت
فهم يتخيلون لو هم كتبوا كل الاشيا صدق ان الاستاذ راح يعطيهم فل مارك او B*
في ناس صدقني ما يقصدون ويمكن مب محطين في بالهم انه في اي حد يقدر يدخل الموقع ع النت
فلا تقول انهن ما يستحن وتظلمهن
هذا راي
او بالاحرى ها الي انا شفته يوم البنات كانن يشتغلن عالبروجكت
انا عن نفسي ما انطلب مني هالبروجكت لان ال my major: Financial Services ans banking
and we don't need to do this project
Miss Chanel
اختيه انا ما ظلمت حد
شوفي المواقع و احكمي على كلامي
اغلب المواقع ما فيها صور
التقييم يكون على جودة الموقع
و الطرق الي صمموا فيها الموقع, عمر التقييم ما كان على اساس المعلومات الي فيه
ولد عمي يدرس نفس تخصصي, و هو واحد من الخريجين الي تخرجوا هذه السنة
الدرجة الي حصل عليها على الموقع كانت A+
مع انه ما كان حاط صورته او معلومات صحيحة بنسبة 100%
السؤال الي يطرح نفسه هو ليش البنات يحطون صورهن و هي مش مطلوبة عليهم ?
ثانيا
في فرق بينا و بين التخصصات الثانية
لأنه تخصصنا الوحيد الي تنعرض فيه مواقع الطلاب على "الانترنت"
يعني حتى لو اتسوين search في الياهو او الـgoogle بتحصلين مواقعنا
في التخصصات الثانية
يسوون مواقع لكنها ما تنزل في الانترنت مثل مواقعنا
اقتباس:
المشاركة الأصلية كتبت بواسطة مس شانيل
اختيه نحن سوينا الويب سايت على مدى سيمستر كامل
اقصد الويب سايت الاساسي, لأنه الموقع هذا بيتم ويانا لمدة ثلاث سنوات مع البكلوريوس
و الموقع يكون في حالة تعديل دام انه نحن في الكلية, يعني تقريبا كل اسبوع يتغير شي في الموقع
المدرسين علمونا كل شي خطوة بخطوة
سوينا الموقع على 10 اجزاء تقريبا و كل جزء من الموقع يعتبر برجكت بحد ذاته
و مثل ما تعرفين في كل بروجكت يعطونا ورقة و فيها شرح للبروجكت و شو المطلوب منا انه نسويه
انا اتحدى اي شخص انه يحصل في ورقة وحدة من هالاوراق جملة وحدة فيها "تلميح" لوضع صورة شخصية للطالبة
يعني كلمة "هم كانوا يتخيلون" ما بتنفعهم في شي لأنه كل شي واضح وضوح الشمس
أنا اصلا ما شفت الى هالحظة اي موقع فيه صور للبنات
لكني اقول انه لو حصل هالشي , بكون هذا هو ردي على هالشيء
و السموحة