عرض للطباعة
السلام عليكم ..
ياجماعه .. تيلفوني ضايع او مسروق .. الله اعلم ... بس المشكله في ان الكرت عندي وايد مهم لان فيه الارقام واذا كنسلته بتضيع الارقام ........... شو اسوي
مع العلم اني حاطه pin code حق الكرت يعني الي ماخذ مايبروم يستعمله
انا محتاره ماعلرف شواسوي؟؟؟؟؟؟ شو رايكم؟؟
بسم الله الرحمن الرحيم
وعليكم السلام والرحمة
:: :: ::
بلغي الشرطه وهم بيعقبون عليه لوجود رقم في النقال واللي يفكر يبيعه بيزخونه عشان الرقم موجود واذا تبغين بعد خلي الشرطه يعطونج اذن انج تروحين الاتصالات ويعطونج اخر المكالمات الصادره لعلى وعسى اللي سرق النقال يكون غبي يمكن استعمل النقال ورمس فيه
:fa36:
:: :: ::
الله يعوض عليج بالأحسن والأفضل
انا مافهمت...
الكرت الحين عندج او لا؟؟؟
اذا الكرت عندج خذيلج موبايل ثاني.. اذا الكرت هب عندج.. سيري اتصالات... بيظهرون لج كرت ثاني.. واطلبي منهم ان ينسخون لج كل الارقام الي بالكرت الجديم في الكرت اليديد لان كل شي مخزن عندهم بالسيستهم بس عليج انج تثبتين انج صاحبة الكرت الي ضايع! .. وهالشي يصير..
تحياتي..
السلام عليكم
الشيخه لو عندج كرتوون الموبايل روحي مركز الشرطه وقدمي بلاغ وعطيهم الرقم الي على الكرتووون
وبســـ,,,
وان شاء الله يرجعون لج التيلفون
محب الشيخين :: نصحوني بهالشي .. بس انا حاسه انه ضايع لانه مغلق من هاك اليوم... قلت بتريا يومين بعد وبشوف
الحساس:: انت متاكد ان الاتصالات عندهم الارقام الي انا امسيفتنها في الكرت ؟؟؟؟؟؟؟؟؟ يستوي
لو يستوي بكنسله وبطلع بدل فاقد
خيال الحب::: انا المهم عندي الكرت .. الموبايل مابغيه
شكلي بسمع كلامكم وبتوكل على الله
بس سؤال :: شو احسن طريقه لحفط الارقام في حالة ضياع الموبايل ... يعني مافي طريقه ثانيه لاسترجاع الارقام الي في الكرت
لبن مثلـج
اكتبيها على ورقه لوول
عليج العوض:fa36:
و الارقام المخزنه تكون فالبطاقه بس مب فكمبيوترات الاتصالات
شرجاوي :: خلاص كنسلت الرقم ، وطلعت بدل فاقد ،، ومثل ماقلت عليه العوض
لكن اتعلمت درس اني انقل الارقام عندي ..
بس سؤال :: صحيح اني اقدر انقل الارقام على السيدي الي يكون مع الموبايل يوم تشتريه؟؟؟؟
السيدي فيه برنامج تقدرين تسوين backup عن طريق البرنامج ....
شرجاوي: الطريقة مشروحة في الكتيب المرفق (الدليل)؟؟؟
السيدي نفسه فيه الشرح
تسلم ياخوي عالمساعدة ....
نخدمك في الافراح :laugh:
اذا تعرفين السيريال نمبر مال جهازج زين .. لأنج جان وديته لهم وقلتيلهم انه مسروق بيدمر الجهاز عند الي سارقنه !!
ام خدود بعدج مصدقه السالفه ؟؟؟؟ تراها خرط ف خرط
العفو اختي لبن
هيهيهيهي ..
عاد يحليلي انا دوم راقده فالعسل !!
>.<"
عليج العوض
لانه ما في طريقه تقدرين تسترجعين منها الارقاام