سكران حادر بيتنا

السلام عليكم ورحمه الله وبركاته

يا جماعة الخير شرطتنا الله يهداهم ما ينفعون صايرين أخس من شرطة الأفلام الهنديه يعني ما يوصلون الا بعد ما يطيح الفاس في الراس ...

اسمحولي بعدني متروعه من اللي صار لي وما تمنى يصير لحد غيري أبد

اليوم أنا مخليني جليسة أطفال وما عندي حد في البيت أكبر ياهل عمره 11 سنه ...
يالسه في أمانة الله وبما أنا في منطقه يديده يمر علينا المخبز كل يوم ونتشرى خبز وهالسوالف ..
عاد طلعت ويالصغاريه ودخلت سيارة المخبز وتشروا وأشوي والا أنه واحد هندي حادر علينا البيت شو السالفه يا جماعه ...
تجدم راعي المخبز منه وراغه برع قالي ماما هذا شارب خمر ...
خمر الجنيه قلبها طاح فبطنها ... ياويلي ويلاه وين أبا شارب خمر وداخل بيتنا الله لا يبارك فيه ...
المهم روح المخبز والريال بعد ... أشوي أشوف حد يدقق الجرس بالقو وبشكل متواصل شو السالفه يوم أشوف الأنتر كوم (الجرس اللي فيه كاميرا يعني الشخص اللي يدق الجرس يبان)
أشوفه نفس الريال السكران يدقق الباب ويفلعه بحصى .. خذت الصغاريه ووديتهم الطابق الثاني ويلستهم في الصاله وأتصلت أطلب النجده أهلي كلهم طالعين وبعاد يعني لين حد منهم يوصل جد هاجم علينا البيت ومذبحنا ....
أتصلت الشرطه وبلغت عليه قالولي خمس دقايق ونحن عندج ....
أترييت .... أترييت وأشوف الدق زاد والشرطه بعدها مرن خمتعشر دقيقه ولا حياة لمن تنادي ... أتصلت بهم مره ثانيه أقوله أخوي أنا روحي في البيت ما عندي حد قالي أنتي متى مقدمه البلاغ خبرته ... جان أقوله بسرعه الله يخليك
أتعرفون شو قالي ؟؟؟؟ أونه أنتي أتريينا عند الباب .. قلت له أنت صاحي أقولك سكران أتقولي أتريينا عند الباب أنت شو ما تفهم ...

وبعد جهد جهيد وصلوا بالسلامه وتوه نسيبي واصل حليله ياي من الشارجه في ربع ساعه وهاييل اللي قراب تأخروا هالكثر ...

الصراحه شرطتنا أبد ما نقدر نتكل عليهم ... الله يستر بس كرهتم والله

الله يعينا عليهم

انا اليوم بعد امي كانت تقولنا سالفة ونحن نتغدا شي رياليل داشيبيت ناس داشين على بناتهم
اخويه على طول من دون مقدمات قال وين التحريات عنهم اكيد ماشي هب متفيجين اونه مباحث مباحث عالفاضي
الله يستر من الياي ماعرف شو بيسون بعد انا احس هاي الايام كثرت ها السوالف ماعرف ليش
لو انا منج يالجنية بخلي اليهال وانا وياهم نفره بحصى من فوق خله يتادب الهرم
والسموحة

السلام عليكم

:fa56: موقف غريب ، ويضحك في نفس الوقت ..... انا اسف يا ختي الجنيه بس ضحكت على الهندي يوم كان يدق الباب...... :fa56:
يعني للاسف الشديد في مواقف تحصل الصراحه مثل هاي ، والمشكله يوم ايبلغون الشرطه ايووون آخر ناس :fa36: ، ( جد الطيور طارت با أرزقهاااا ) .
بس انتي لا تحكمين على هايل بانهم غير اتكالين ، ما تعرفين اظروفهم ، يمكن شيء عرقلهم ... او في مشكله كبيرة صايرة .... الــــخ :fa54: .

بس انتي يالجنيه ليش ما قوامتي هندي .... جان ظربيته :fa46: عشان اتكونين بطلة الفلم.

على العموم الحمدالله محد صارله شيء والقوا القبض عليه.

تسلمين ع الموضوع ويعطيج العافيه :blush:

السلام عليكم ,,,
اشكرج اختي الجنية على هالموضوع ,, واللي هو بالفعل واقع نحن نعيشه ..
احيد من فتره سمعت ان واحد كان يسوق وهو سكران , ويا الحبيب ودعم باب بيت يرانّا ودش عليهم فالحوي ,, و وحليلهم الصغارية كانوا يلعبون فالحوي , بس الحمدلله ما صار بهم شي ..
عاد الشباب ما قصروا زخوه وطاحوا فيه ضرب لين ما قال بس .. وكسروا له سيارته وهو مب داري شو السالفة ,, المشكله انه سكران فا لو شو ما تسويبه ما يحس باللي يصير ...

والسموحة,

الدلووووعة

الصراحه الكلام سهل والفعل صعب يعني أتخيلي نفسج فمكاني :wacko: وايد صعبه يعني بلادنا الحمدلله هالسنين كلها ما صار لنا شي وحاسين فيها بأمان وفجأه يطب علينا هالسكران لا بارك الله فيه ... والمصيبه يعني بروحي في البيت ما عندي غير بشكاره والصغاريه .. خايفه عليهم وعلى نفسي ما أعرف كيف أتصرف وأخواني كلهم برع يعني ما قدرت أتصل فيهم أخاف من العيله يصير شي لا سمح الله ...

أسميهم متحلفين له سايرين مركز الشرطه يبون يضربونه ... يستاهل مسود الويه

ولد الحكومة

صدقت أنا ما أقدر أحكم عليهم بهالشي بس الصراحه اللي تعاملت وياه أسلوبه وايد بايخ يعني ما عندهم فنون التعامل في هالمساءل يعني بدل لايطمني يقولي أترينا برع !!!! غبي والا يستغبى أقوله الريال برع البيت ويفر فر حصى وهو يباني أسير له ...!!! وين صارت هاي ..
وبعدين هاي مب أول مره يوم الأربعاء الصبح ربيعتي بتمر علي عشان أنروح الدوام سوت حادث والهندي الغبي داعمنها عند الاشاره قالت لي أتصلي أنا ما أعرف أتصرف أتصلت عشان أبلغ جان يقول على الصبح حادث لاحول
قلت له على الصبح والا ليل أنت شغلك أتي وأتخلص اللي عليك مب فاضين لك يعني وايد بليييييييدين وأسلوبهم زفت

السلام عليكم.
الله يعينج والله ، حظج دووومه يطلع ويا هايل الاغبياء :fa56:

في ناس حاطينهم على الفاضي ، ما عندهم اسلوب ولا فن التعامل مع الجمهور . المشكلة اغلبيه هايل مش متعلمين يعني الي عنده شهادة اعدادي او ابتدائي ..... :sad: :fa55: .

على العموم مشكورة اختي عالموضوع الغاوي .

السموووحه

اخوووج / سلطان :blush:

صدقج يالجنية اكيد بيكون الكلام سهل لاكن الفعل صعب
المهم ماستوابكم شي
والسموحة

تتحرين شرطتنا شرطه؟؟؟؟

مسكين حاله الي يقول ان عنا شرطه!!

كنت اللعب بملعب مغلق بالليل مع الربع .. ويوم خلصنا وبغيت ارد البيت اكتشفت ان دريشه الموتر مكسوره وبايقين بوكي واغراض بالموتر.. اليوم الثاني سرت عسب هب ابلغ عسب بس يكثفون الدوريات..
قالي الضابط .. اخوي انت شو تبا الحين قتلها لو سمحت تكثفون الدوريات بالوقت الي نحن نلعب فيه.. لانه اكيد بيرد ويبوق موتر ثاني.. تعرفون شو قالي!! قالي ياخوي غيروا مكان لعبكم يعني لازم تلعبون بهالصاله... انصدمت من هالرد وظهرت بليا ماقول مع السلامه.. وهذا اماراتي هب يعني شخص ثاني!!

الله يحفظنا من شرطتنا التعبانه

بسم الله الرحمن الرحيم
:fa56:
الجنيـــه
الحمدلله ع سلامتــكم
انا وياج فكل اللي قلتيه اللى ف نقطه وحده
الشرطــــة
والله ان الحكومة تبذل كل مافي وسعها المهم تريح المواطن والمقيم وبكل المعدات والاجهزه
انا عايش هالظروف اكثر من 7 سنوات في الحوادث ومهنتي مسعف يعني كل يوم اشل ميت ومتكسر
المهم بخبرج نحن اول مايوصل لنا البلاغ واقصد يوم يوصل البلاغ مكتب المخابرة او الاتصالات اللي يخص المكان الحكومي مثل الدفاع المدني او المرور او الاسعافات المدنية المهم يوصل البلاغ وعقب يخبرون الفرقه او المتخصص في هالموضوع وع طول نطلع بدون اي تهاون في العمل ونحن طالعين عدنا احتمال 99% ان يصير لنا شي في الدرب من كثر السرعه ولكن عندي سؤال
ليش نحن مسرعين ونجازف بحياتنا جي ؟!
:fa36:
ادري الجواب موجود لكن الواحد يحسب
للجهه المتخصصه شوتسوي اللحين وشو الاجرائات اللي تتنفذ
عالعموم انا قلت بخبرج بنقطه في بحر من الحياه اليوميه لانا واذا تبغين زود انا حاضر
الحمدلله ع سلامتكم مره ثانيه وربي يحفظكم ويرعاكم
:)
مع السلامة

السلام عليكم

قبل لا انسى ... الجنيه لو سمحتي وتفضلتي لا تعتمدين هذا الخط .. والله اشلقيت وانا اقرا

الموهيم

والله ما ادري شو اقولج ..
بس معظم الاحيان ( إلا هي مره ومرتين ما ادري ثلاث .. في حياتي لول ) .. اذا استوى شي ( مره غرزنا و مره اخويه انصك عليه باب الحمام ومحد رام يفتحه .. ومره دخل بيتنا حرامي )

قبل لا الشرطه يوصلون .. الامن يوصلون

يعني عادي اتشوف واحد داخل بكندورة البيت يقولك والله انا امن ولا ما ادري شو او هنود وبتانيه يتحولون بثواني مواطنين .. معنه اشكالهم ولا توحي !! .. يقولون شو مستوي وجي

ف عن حالتج ..

ذكرتيني بسالفه صارت في وحده من مدارس بوظبي

واحد سكران ( متفصخ ) دخل مدرسة بنات ؟!!!! .. بس اتحلاقو عليه .. حمدلله الله ستر

تحياتي لج يا حلوه

والحمدلله ما صار فيكم شي

عليوي
العفــــــــو
صدقني لو كانوا شباب البيت موجودين جان رقدت وأنا متطمنه
أسمي فيهم نزعه إجراميه عادي يسدحونه في المستشفى ....


ولد الحكومه

حضي ردي من يومه ... والمفروض هاييل الي ما عندهم شهايد يقاعدونهم أو يستغنون عن خدماتهم الصراحه بدل لا يكونون لنا عون يصيرون فرعون

الدلووعه

الحمدلله ما صار لنا شي

الحساس

صدق شرطتنا أحيانا مافي أحسن منهم بس بعد مرات يتصرفون تصرفات بايخه
أتشوه صورة الشرطه بشكل عام ...
الله يهديهم ...

محب الشيخين

الله يسلمك من الشر
أنا وياك فكل اللي قلته وما أقول غير الله يردكم لبيوتكم ساليمن ويبعد الشر عنكم
أخوي أنا مقدرة موقفهم وعاذرتنهم بس إعتراضي على أسلوبهم في التعامل ..
يعني صدقني أنا يوم قدمت البلاغ ومن طريقة اللي رد عليه ما تطمنت وقلت أكيد نحن بنموت وهاييل بعدهم ما يوا الشي اللي خلاني أتصل بأهلي أخواني نسايبي المهم شخص أقدر أعتمد عليه أدري لو أستنجدت به بيلبي ..
وأكيد أنتوا عليكم ضغط أكثر وأشياء وايده وما تتهاونون بس العيب في التعامل مع الموقف... على العموم حصل خير والله لا يحوجنا لهم مره ثانيه ....

أمي ــيييه زيغه !

وزين ان الله ستـــر ،، وما صابــج شي

بس ليش الشرطــه جي بااارده

حتى لو عندهم مشاكل ثانية

اعتقد انه مب مجموعه وحدة فـ الشرطه !!

لازم بيكونون محطــين فـ بالهم ان في اشيا ثانية ممكن تصيــــر !!


الله يعين ويعدل من حااالهم !!

نحن مرة دش علينا حرااامي وكان سكران البيت نص الليل ..
اتخيلي اخوي وصل وطب البيت
وبغا يجتله من كثر الضــرب !!
والشرطه عقب نص ساااعه وصلت او اكثر اعتقد !!

وغيرها وايد .. يوم يتأخرون عن الحـوادث ايي تقريبا نص ساعه بعد !!


الله يعين
.
.
،؛،

تستحجــــــيين السلامه ياختيه

اول شي.. اختي الحمدلله على سلامتكم ..
ثاني شي .. التعامل فن من فنون الادب ..
ما يخصه اذا كانوا شرطه والا مسعفين ..
الانسان اللي يتقن الاحترام ... ما في شك انه بيكون في كل مكان محترم ..
اتمنى الكل ياخذ هالكلام قاعده عنده ..
خل كل واحد يحط مكانه في مكان الشخص الثاني ..
يعني على الاقل الشري يقول اخته الرضيعه طب عليها سكران معقوله ما بيسوي شي ؟؟؟؟؟ ومحد وياها في البيت ؟؟
مب معقوله ..
واختي انتي بدورج .. حطي مكانج مكانهم .. يمكن شي عرقلهم ..
يمكن كانت كل الدوريات بعاد عن منطقتكم .. وخذوا وقت لين ما يوصلونكم ..
على العموم .. شبابنا كلهم فيهم الخير والبركه ..
الغاليه اعطيج حل .. من الحين وساير خلي مسجبه عندج .. وان حدر عليكم سكران مره ثانيه لا سمح الله ..
صوبي المسجبه عليه ورشيها في راسه .. ما وصيج عاده .. خلج صويبه .. مب تشلقين ...
اسوي سوالف ..
والسمووحه

من كـــــــــــــــــــــل قلبي اقولج... الحمد الله ع سلامتكم..!!

بصراحه موقف ما تنحسدون عليه..! والله البلاد استوت زيغه..

أم خدود

ان شاء الله عموه كله ولا تعب نظرج (تلبسين نظاره ؟؟؟!!!)
ما شاء الله ماعليهم كلام بس مرات أيي القصور منهم وما في حد كامل ...
وأنا أعتراضي على فنون التعامل مع الجمهور ما يعرفووووووووووووون أبد


المتفيزره عالعرقوب

الله يسلمج من كل شر ...


عنود الريف

عين العقل ... ما عليج زود حبوبه ...
وأرد أقول أنا عاذرتنهم على التأخير بس الشخص اللي تلقى البلاغ ما عنده
أسلوب أبد يعني أبسط شي ما قدر يقولي لا أتحاتين إن شاء الله بنكون عندج بأقرب وقت ... صدقيني هالجلمتين لهن مفعول سحري يخوز القلق والخوف من قبلج ويبث الطمأنينه ..

شوق القلوب


من كل قلبــــــــــــــــــــــ ــــي أقول الله يسلمج حبوبه