الشوق في مبزره ...

السلام عليكم ورحمة الله وبركاته ..

الشوق لاول مره تعرض رحله من رحلاتها في الواحه التصويريه ..
عاد . العزيمه كانت هالمره على اميه .. فكرت انها تعزم الاهل .. على رحله برع البيت ,, وقررت اتكون هالرحله الى مــــــــــبزره.. ار ض العين دار الزين .... <O:p
وتاريخ الرحله كانت يوم الجمعه 4-3-2005 <O:p

الله يسلمكم من صباح الله خير .. جهزنا العده والعتاد وشيلنا الاغراض .. وكنا نتريا المجموعه اللي في دبي توصل عسب انروح كلنا ويا بعض وعسب انقسم وانوزع الاغراض في السياير .. <O:p></O:p>

طبعا شلينا الاكل/ والسفره / وكراتين الماي / والشاي والقهوه / الفاله / والحصير .. الخ الخ الخ .. هالي اتذكرهم .. <O:p

كنا تقريبا امممم خمس سيايير في دبي .. وثلاث سياييرمن بوظبي ... يعني المجموع ( 8 سيايير ) المهم كان المفروض نتوكل وانروح ع الساعه تسع وشي او 10 .. بس نحن دومنا من المتأخرين في هالامور كلهم اتحركو من البيت 12 وشي الا سيارتنا فطلعنا على الساعه1 الظهر.. وكانت سيارتنا اخر سياره تتحرك من دبي ...واتوكلنا على الله ...

كانت الطلعه حلوه تعرفون اجتمااع الاهل و لمة البنات .. ورزة اليهال ، وتواجد الشبيبه والشياب معانا .. وبالرغم من انا كنا اخر سياره لكن ونحن في الدرب اتلاقينا مع باقي الاهل .. وطفناهم ...

ووصلنا اهناك تقريبا الساعه 2 وشي ..

المهم وصلنا العين ونحن انشووف معالمها وشوارعها ,, وبيوتها .. وعلى دخله مبزره اتحصلون المدخل جداكم .. http://www.arab7.com/up/file/1112811756707.jpg


بتحصلون على باب المدخل صورة بابا زايد .. وفي لوحه فيها اتقول ( طيب الله ثراك بابا زايد ) عاد ابشووفته هذي ماانروم انمر من دون ما نقرى عليه الفاتحه ..

http://www.arab7.com/up/file/1112808810665.jpg
اهني الماي ..وهاك البيت البني صوب الكهرباء .. عاد نحن انخلي راع البلديه اللي ينظف ينظلفنا المكان وعقب نفرشلنا الحصير عداله ...

http://www.arab7.com/up/file/1112808787816.jpg
<O:pوما ننسى الماي وهو يجري .. طيع مجرى الفلج هذا هم امسوينه .. لكن اليهال ما يصدقون
<O:pيتحرونه حوض على طوول يبون يغوصون فيه.

نزلنا وقعدنا وسلمنا على الموجودين .. وسرنا نحن البنات عسب انصلي الظهر .. ورحنا المسيد بس للاسف شكله الماي اللي في الحمام( عزكم الله ) اللي رحناه صابه جفاف .. ماشي ماي ..

فغيرنا طريجنا لمطعم قريب من البوابه نسيت اسم المطعم فيها كباين .. اتوضينا وعقب صلينا في وحده من هالكباين


وعقب بدت رحلتنا الفعليه وحواطتنا في مبزره .. وتعالوا وشوفوا ويايه معالمها الحلوه ..
http://www.arab7.com/up/file/1112808791785.jpg
عيبتني هالصوره لان شكلها مثل محميه ... يعني الترتيب والتنسيق بين كل شيره وشيره .. وثاني النخل وهم من فوق شكلهم غاوي .. كنت اتمنى الصوره اتكون واضحه ,, بس المكان اللي كنت واقفه فيه وانا اصور كان امعاكس ..
<O:p
<O:phttp://www.arab7.com/up/file/1112808730219.jpg</O:p
<O:pاتحصلون اهني بعض الخيم ... عدال بعض .. طبعا هالخيم الواحد يروم ياجره .. بس سمعت انه لازم تدفعون عربون .. وخلاف يردون فلوسكم ..


يتبــــــــــــــــع ...
</O:p
</O:p

بعد العصر قررنا نحن البنات نتمشى ونستكشف هالمعالم الحلوه .. وركبنا الهضبه .. سميتها الهضبه لان الفرق بين الهضبه والجبل ان الجبل لها قمه والهضبه لا .. طبعا هالشي اتذكره في في حصة الجغرافيا .. وصعودنا لها كانت وايد متعبه

http://www.arab7.com/up/file/1112808914234.jpg

وفجاه شفت شي عجيب وحلو شو هو يا ترى !!

http://www.arab7.com/up/file/1112808959472.jpg
حيوان ام قرن .. يااما يكون غزال او صخله . في اعتقادي انها اصخله .. وسميتها ام قرون لان حليلها عندها قرن واحد والقرن الثاني مجلوع .. مب موجود .. غمضتني الصراحه
وفي النهايه نزلنا من الهضبه طبعا النزله رغم انها سهله لكنها صعبه ومحفوفه بالمخاطر .. يعني لازم اتحاسبون وانتو نازلين ...

http://www.arab7.com/up/file/1112808908749.jpg

عقب قررنا نركب هالمدرج .طبعا صورته لكم من فوق .. يوم تركبون هالمدرج راح اتلااحظون شي يلسه اهناكي .. وحوض .. والجو وايد رهيب .. لانكم راح اتشوفون من خلال هالعلو امبزره ابكبرها ومعالمها الحلوه

http://www.arab7.com/up/file/1112808874133.jpgومن بين هالمعالم صورتلكم هالمنظر

http://www.arab7.com/up/file/1112808963276.jpg
وهذا بعد ..

<O:p

<O:pوفي النهايه قررنا نرجع لديارنا .. .. (( دبي دار الحي ))
<O:phttp://www.arab7.com/up/file/1112808668292.jpg</O:p>
<O:p

طبعا الشي الحلو في هالرحله انها تحمل ذكريات حلوه ... ومبزره من المعالم الجميله اللي يت على ايام ابونا زايد الله يرحمه... وكنت اتمنى اعرضلكم الصور الثانيه لمعالمها .. بس ان شاء الله يوم بنزل الصور من موبالي راح اعرضهم...


طبعا من المواقف المضحكه اللي واجهتنا !!! <O:p

ان في طريج الرده .. ضعنا .. كنت الحق الاهل في سيارتي .. وكنت انا وثلاث من بنات اخوي و البشكاره في سياره وحده .. وفجاه .. شكلي لحقت سياره ثانيه وانا اتحراها سيارتنا .. وفي النهايه اتداركت ع الوضع لكن بعد ما شو .. <O:p

بعد ما طاح الفاس في الراس .. ودشينا طريج صناعية العين .. واتوهقنا .. بدل ما ناخذ طريج دبي .. ردينا للعين ولوين للصناعيه . والطريج ظلمه ويخرع ماشي ليتات

قلت في بالي يالشوق ردي من مكان ما ييتي احسن لج .. <O:p

وعاد من عقب اتصالات .. بينا وبين الاهل الين ما دلووونا ع الطريج .. لانهم كانو يتحرونا نحن وراهم .. ما يدرون نحن ضعنا .. <?xml:namespace prefix = v ns = "urn:schemas-microsoft-com:vml" /><v:shape id=_x0000_i1026 style="WIDTH: 21pt; HEIGHT: 21pt" alt="" type="#_x0000_t75"><v:imagedata src="file:///C:\DOCUME~1\NORAA~1\LOCALS~1\Temp\msohtml1\01\clip _image002.gif" o:href="http://oasis.bindubai.com/bin/images/smilies/fa56.gif"></v:imagedata></v:shape>في النهايه الحمدلله اندلينا وكنا اخر الناس االواصلين لدار الحي .. (( دبــــــــــــــي )) <O:p
واتمنى رحلتي البسيطه نالت اعجابكم .. <O:p
واللي يفكر يروووح لا ينسى ياخلذه دليل سياحي معاه .. هيههيهي <O:p

وسلامتكم
خويتكم/ الشوق <O:p

اوه اوه .. الشوق بالعين ..

زين عيل استانستوا وغيرتوا جو..

احلى صوره هاي..

http://www.arab7.com/up/file/1112808908749.jpg


بس زين انج ماطحتي وانتي تصورين :laugh:

يالله لا تبخلين علينا من صور لرحلات يديده..

ودمتي..

ياااربي شوو انذليت بس علشان ارد على موضووعج .. ترا يااالسه على اغبى كومبيوترعلى

وجه الأرض .. .. التوووووبة أيلس عليه

يلا كل شي يهووون لاجل عيوون مبزرة :inlove: ..

آآه يالشوووق .... زااد عندي الشووق ,,,, وفديت مبزره وفديت راعيها ومن سواها وخط

معالمه فيها ,, الله يرحمه رحمة واسعة شاملة يااارب ,,,,

وعلى بساطة وهدووء هالمكان يتم من اغلى الاماكن على قلبي .. احبــه وااااايد

و كل حد زاار مبزرة اكيييد استوتله مواقف حلوووة ماتنسى :fa56:

الشووووق ... شكرا على هالصور الحلوة .. غيرتيلي المووود شويه

هيه صح بغيت اصحح معلومة الخيم .. الخيم من غير رسووم او اجرة
يمكن تقصدين الشاليهات اللي هناك..

وثااانكس يالغاليه :fa35: ..

دكتورنا ( الحساس ))
الصوره عيبتك افا .. حلال لك ما تغلى عليك ..
الا هي صوره .. احتفظ ابها وحطها في الفولدر بعد جان تبي ...

لا الحمدلله .. المكان رهيب والجو غاوي ..
وتسلم على المرور ..
ان شاء الله .. راح اعرضلكم الجديد والجديد من صور رحلات الشوق
بس خلونا انروح قبل رحله ويصير خير

تسلمين الشوق على هاي الر حلة
الغاوية جان عزمتينا عاد
الحمدالله انكم استانستو

يله نتريا الرحلة الثانية

والسموحة

رحتها انا بعد في الويك اند اللي طاف و صورت كمن صوره لكن بيكيمره عاديه و اليوم عطيتهم يحمضونه ..

تسلمين على الصوره الجميله بس ليش جيه طالعات جنهم جدام ..

ماقصرتي اختي و ننتظر المزيد

الغاليه ..
ههيهيه الله يعينج يالغاليه .. عيل انا شو بتقولين شو انذليت لين ما طرحت الموضوع ..
انقهرت كنت بموووت من الغصه وبهون وما اطرح الموضوع ..
كلما ابا اعرض الموضوع .. ما يستوي ..
والقهر اني ما امسيفه اتخيلي وانا اعيد المواقف والكتابات اللي كتبتهم .. صدق قهر ..

وتسلمين يالغاليه .. ايواا .. قصدت الشاليهات .. بس شكلي نسيت اتكلم عنهم ..
امممم في المرات اليايه باخذ صور اكثر عنهم

وتسلمين ..
الشوق

يا سلااااام على مبزرة

عجييييييبه والله ..

من زمان ما سرررت .. يبالنا نسير ..

تسلم يدينج يا الشوق

ورحلتكم وتصويرج ترتوووب .. شكرا لج

الدلوووعه
افاااااااااا عليج الرحله اليايه بعزمج ..
بس ها اتيين وخيلنا نتشاوف اهناك اوكي ..


بنت ناس وعرب ..
المهم انها عيبتكم .. وخلينا انشووف الصور اللي عندج ..
والله ماادري يالغاليه لاني يوم نزلت الصور على السك توب واضحات ..
وحتى هم بعد ما حمضتهم .. زينات بس يمكن من موقع التحميل .. ماادري والله ..

وتسلمون ع المرور ..
شواقه

السلام عليكم

صور حلوة و رحلة احلى
عيشتيانا الجو وياج الشوق
نتريا رحلاتج الياية

مرحبا اختي الشوق ..
صدقتي المبزرة واايد حلوه .. ومكان روعه .. وتغيير جو .
على فكره نحن يوم سرنا هناك .. سرنا نفس الاماكن اللي سرتولها .. حتى التله اللي صعدتوها .. صعدناها .. وصدق تعب لين ما وصلنا .. ويوم نزلنا .. شوي كانت صعبه ...
زين والله يوم محد تدربح فينا .. والا جان استوينا مصخره المبزره ...
على العموم مشكووره الغاليه على الصور ...
والسمووحه

thanks 7bo0o0o0bah 3 al9war al'3awyah

مــاشالله الشـــوق في العيــن ..
الصــور الصراحه ماعليهن كلااااام .. المهم انكم استــانستوا اهنــاك :fa42:
فخــاطري اسييرلها مــن متى احــن عليهم :fa46: مــاشي فايده ..
يالله من شفت الصــور ارتحت اشويه :glare:

وعن الرده زييين انج عرفتي درب الرده :fa44: وديه ثانيه انتبهـــي عدل ..

وخلينا انشـــوف رحلاتج وصــورج الغاويه :blush:

والسمــوحه..

so nice

thank you

:blush: الشوق

مشكورة عالصور الحلوة ، والله مكان حلو الصراحه.

تسلمين اختي ويعطيج العافيه

امووووووووووت في شي اسمه مبـــــــــــــــزره ... تسلمييييين اختي عالرحله الغاوية ..

نتريا رحلاتج الباجيه ............

والسموووحه