:
:
:
:>
عرض للطباعة
:
:
:
:>
هيـــه صــدق وأنــا أتعشـــى شفــت شوي من البرنـــامج
والله يستـــر عــــاد خبـــرنــــا شو بيصيــــر ...
كنت اشوفه و الوالدة يالسة وياي
و جان يشتغل التقطيع و القرظ :fa46:
حليلها علقوا على كل شيء سوته :nerd:
و انا اقهر الوالدة اقولها ليش ما تسيرين تيلسين في فندق و اتيبين هذه البيت :devil:
احلى شي يوم شلت الخواشيق و الصحون بالكلينكس
و يوم تشل الهوت دوغ الي طايح و تحطه في الصحن
المسكينة تخبلت يوم انجب عليها الحليب >>> لازم تسير تبدل ثيابها و تسوي ميك اب يديد عشان تناسق الالوان :fa39:
بصراحة الحلقة ضحك في ضحك :fa56:
الصراحه في بنات دلع
عااااااااااااااااااد دلع لهالكثر مااتوقعت
مااتوقعت انه ابنيه ما تعرف على شغل البيت لهالدرجه مااتوقعت
صحووووون ما اترووم تغسلهم ..
ولا كله صوووب مااتروم اتسخن الحليب ..
خلت اليهال اب بيوعهم مساكين يروحون المدارس .........
حرااااااااااااام ..
ما بعلق لاني مت من الضحك .. هيههيهي
صدق رقيقه .. بس طيووووبه حليلها ...
ههههههههههههههههههههههههه ه
افااا راحت عليه ...
اختكم
حليمه سوااااااالف.... :wacko:
بس غريبه ما قالت..أبي أمي ...أبي أبوووي...أبي زوجي:look:
باااااك..
الصراحه .. الحلقه كلك في كلك!!!!
شرات المصارحه تمثيليه حابكينها اونه على الطبيعه تعالوا شوفوها..
عفانا الله.. بنت متزوجه معقوله حتى سندويشه مثل الناس ماتعرف تسوي؟؟
لا والصحون تمسكهن بالكلينكس !! وين تبا!!
بس الي ثار استغرابي انها قالت عمرها !! عمرها 24 سنه ومتزوجه من 3 سنوات!!
عمري ماشفت بنت تدلع بطريقة هالبنت .. واذا الله ابتلاني بوحده (مع العلم انها طيبه وحبوبه) بوحده شراتها مااظن بتحملها يوم .
البرنامج كله تمثيل ..
حلم الطفوله يمكن نست تقول ;)
لكن وللامانه البرنامج بشكل عام حلو اول مره نشوف شخصيه معروفه في موقع غريب!
مارمت اشوف الحلقه
كان عندي امتحان
لكن زين انكم تقولون اللي صار
ويسلمووونيشن حساسنا
اختكم
عـذ الـروح بـة
افا فاتني ...... كنت ابا اشوووفه وضحك
مابيعيدون الحلقه ؟؟
افـــــــاااا واللـــه .. ما دريت عنـه قبـل ..
ما بيعـيدونه ؟؟
بس خ خ خ شكلها محطيه ميزانيـه خاصه حق الكلينكس .. لزوم المحافظة على الكـريمـات اللي في ايـدينها
خ خ خ يا حي الصحـون اللي ايطيحن تحت يدينها .. دلع وراحة ..
لو بيعيـدونه خبـرونا ..
وسانكيــو
لا لا لا طافني :fa43:
مساؤكم سكر ...
افا والله طافتني الحلقة الممتعة مع حلوووووم ؟؟:fa43:
شفت دعاية البرنامج بس نسيت ... !!!
اكيد دلوعة ورقيقة يعني - بسكوته:blush: - بس وايد بدرجة مبالغ فيها ...
عاد ريلها مستانس ... ما عنده مشاكل:fa52: .. مستانس انها ما تعرف شي ..
يالله نشوف الحلقة الياية مع من بتكون ...:inlove:
افا توني ادري عن البرنامج
ماعرف وين عايشة التلفزيون ماسير صوبة عسب جي
ماعرف اخبار الدنية اخ طافتني الحلقة
بقولكم الحلقه باختصار ...
طبعا هي كانت ضيفه في بيت عايله كويتيه ... وطووول هالوقت قناة ال بي سي كانت امتابعه تصرفاتها ..
في نفس الوقت من اول يوم دخولها لبيت هالعايله .. خلو الابو والام يطلعون من البيت وودوهم الفندق ...
وطبعا الكاميرات كانت موجوده في الفندق عسب الابو والام يطمنون على عيالهم وهم في يد ضيفتهم ( حــــليمه بــــــولند )
اليوم الأول :-
طبعا كان التعارف الاول بين حليمه وبين اليهال وهم كانو عباره عن اربع ابناء ( ثلاث بنات وولد )
عاد استوى المسى .. والحبايب يوعانين .. قامت وراحت المطبخ وطلعت حبتين هوت دوق- وطلعت همبرغر ..
يت الحبيبه وتبي تفتح الغاز .. ما عرفت كيف . يلست تقريبا نص ساعه اتدور على الولاعه الين ما حصلووووها في النهايه يوم حصلوها .. يايه اتولع في الولاعه .. وما عرفت تفتح الفرن .
في النهايه ظهرت الولد (( اخر العنقوود )) والبنت الثانيه اونهم عاد اصغار ما يدشوون مطابخ .. طلعتهم برع المطبخ ..
وتمت ويا البنتين الثانيات .. وجان تعطي الولاعه للبنيه الثانيه تفتح الفرن .. ( ومن هناك ) هي زايغه على عمرها ..
في النهايه .. طبعت ما عرفت اتسوي الهمبرغر حطته يمكن دقيقتين والا ثلاث في النهايه طلع ني .. وحطته في الصحن .. وعقبه حطت حبتين الهوت دوق .. وسوتهم ..
في النهايه اليهال قررو ياكلون الكرواسوون من دون همبورغر .. لانهم ابصراحه ما حبوا يخاطرون اب حياتهم من اكل الهمبورغر .. وووزعوا من بينهم قطع الهوت دوق..
بس كان لازم منها تغسل الصحون .. تمت امبهته في البدايه كيف تتصرف ..
خذت الكلنيكس في ايديها وجان وشالت الصحون واتردهم في المغسله .. اتخيلو ( شلت الصحون اب كلينكس ) ولبست قفازات عسب تغسل الصحون .. تبون الصراحه فرحت اب اول صحن غسلته ..
اليوم الثاني ....
. نشوا اليهال ,, وطبعا الحبيبه تمت راقده .. الين الساعه 11 الصبح .. وفي منهم يلسو يحلون الواجبات ويدرسون وفي نصهم يشوفون التلفزيون والا اللي يلعب بلاي ستيشن .. وتمو يتريونها ويدقون عليها الباب وهي راقده .. الين ما قررروا يسوون فيها مقلب .. يابو فار اصطناعي .. وشكلهم خرعوها بالفار .. وتمت اتلااحقهم وهالسوالف سوالف الدلع ... .. طبعا هي قررت اتوديهم مطعم عسب ياكلون اهناك علشان مااتخاطر مره ثانيه وتتعني في الطبيخ .. وعقب ع المغرب قرروا يروحون حفله عيد ميلاد .. وتميت تتعدل ويابتلها راعية الصالون اتعدلها واهتمت في لبسها .وفي مكياجها .. ومااهتمت اذا اليهال امسرحين شعرهم او لا .. كل اللي وجهته لهم .. ( يالا حاولو اتخلصون لبس علشان نلحق ع الحفله ) ، وردوا من الحفله
اليوم الثالث :-
ووعت اليهال ع المدرسه خلتهم ينشوون على الساعه ست الفجر .. عسب يروحون المدارس طبعا عند حليمه بولند اخدم نفسك في نفسك في اللبس وفي تحضير الطعام وفي كل شي .. حليله اللي غمضني مشعل الصغير .. يعني يباله حد يهتم في لبسه .. وحليله قام يعتمد على عمره ابروحه لبس وعطر عمره وسرح شعره .. والحبيبه في المطبخ اتحاول اتسويلهم ((كورن فليكس ))
طبعا عارفين كورن فليكس ما يحتاي ل شي .. حليب والكورن .. عاد هي لانها ما عرفت تفتح الفرن .. فخلت الكورن فليكس يتاكل مع الحليب البارد ..
في نهايه المطاف .. لانه اليهال ما كلو شكلهم .. عاد يوم حبت اتوصلهم المدارس .. طبعا ما سوتلهم ريوووق .. يا الولد قال انا يوعان وابي سندويشتي .. اتخيلو شو قالت (( حيه ما خبرتوني من قبل )) الحينه ما شي وقت ..
سندويشه يناس .!!! شو يباله غير .. خبز صمون وجبن ..
والحمدلله وصلت اليهال المدارس .. وراحت تتشرى .. واشترتلهم هدايا وبالونات .. وعقب ردت شلتهم من مدارسهم ..
طبعا يلست تلعب ويا ياليهال .. وكانت وايد متعلقه في مشعل .. اتسبحه .. بعض الاحيان .. واترقده وياها .. يعني هالسوالف .. (( عاد في سوالف الرقاد )) ما كانت اتخليهم يسهرون يعني ما ترقد الا بعد ما تطمن انهم رقدو ..
في نهايه المطاف ردو اهلهم البيت .. ورحبو فيهم ..
وسالوها بعض الاسئله ..
ومثل ما قال دكتورنا الحساس .. ردت قالت ابصراحه انا بعدني صغيره يعني عمري 24 سنه (( 24 سنه وصغيره )) وانا امي وابويه وحتى زوجي ما عودوني على هالاشياء .. وانا كنت امأجله سالفة العيال ... واللي كانت خايهمنه في هذي التجربه ان اليهال يصيرلهم شي وعقب تتوهق وما تعرف كيف تتصرف ..
كل اللي ابي اقوووله .. ان يوم هي في هالعمر ما تعرف تتعلم عيل متى راح تتعلم ..
ابصراحه دلعها وايد يقهر ....
انسانه غير مسؤووله ودايما في حياتها حد تتعود عليه .. وهالشي اكبر غلط في حياة الانسان .. والاسره بعد يوم اتعود البنات على هالبزه والدلع
بس خاطري اعرف كيف اتزوجت يوم هي انسانه مب مستعده للمسؤوليه ...
وسلامتكم .. خلصت من التقرير
الشوق
هلا اختي الشوق ..
مشكوووووووووووره وماتقصرين .. هع هع هع .. طلعت الحرمه اوه اقصد الصغيرونه ماتعرف شي .. الحمدلله اعرف اطبخ .. الله يهديه .. مدلعينه والله يعين المدلعين
ورد وعيد ثاني مشكوووووووووره ماتقصرين
اخخخخخخخخخ لو بس لو يعيدونه
اخوج السنافي
للأسف فاتتني الحلقه .. على العموم ان شاء الله يعيدونها واشوفها ..
مشكورين عاد انتوا ما قصرتو
مرحبا اخوي الحساس .. تسلم .. انا ما شفت البرنامج كامل لان كنا لايثين .. واخويه بيسافر .. فما كان عندي وقت اتابعه عدل .. والبارحه كان الثلاثا حاطين الممثل السعودي .. نسيت شو اسمه ..
بس هو كان موجود والحلقه واايد اتضحك وهو واايد يضحك يا حليله ..
واختي الشوق مشكووره على التقرير التام ..
والسمووحه
http://oasis.bindubai.com/download/6eer/nnnn1.gif
صدق كان ضحك >> أذكر هاليوم كنت متغصصه لني تميت ف السكن ومارديت البيت
بس ماجفت الحلقة من بدايتها
وحتى ماعرفت إنه هاي حليمه بولند إلا يوم قالوا اسمها :fa46:
بس صدق ضحك
http://oasis.bindubai.com/download/6eer/6eerline.gif
LooooooooooooooooooooooL
شفت الحلقه وكانت سخيفه في بنت ما تعرف تسووي شي ما اصدق .. :fa37:
شماسي .. :blush:
اففف فاتتني الحلقـــــــــــــــه افا والله !!! :fa46:
بــس الحمدلله عقب التقــرير عرفت شـو استــوى ..
تسلميـــن حبوبه ع الملخــص :fa42:
عــاد قالو غــاويه بس دلعهــا يقهـررر :fa56:
والسمــوحه
:blush:
اوووه شو السالفه
شو هالبرنامج اللي يحطوونه
اوييه انا وين عايشه
والله ولا ادري بشي
اونه من تأثير الامتحانات ماعندي وقت حق التلفزيون
ثانكس عالتقرير النايس