<font color='#F52887'>بسم الله الرحمن الرحيم
الصراحه انا امس قريت هالقصه...ووايد اثرت فيني...
والحين بخليكم تقرونها....
-------
قصة حب روعة في الشارجة لا تفوتكم بسم الله الرحمن الرحيم
عرفتك من قبل ما اتعرف عليك ,,, رسمتك في خيالي حلم غالي
قبل عيني تشوفك والتقيك,,,, احبك يا خيالن في خيال
عبدالله : السلام عليكم
الشباب : عليكم السلاااااام هلاااا عبادي
عبدالله : اشحالكم شخباركم
الشباب : تمام تعال ايلس
عيسى ولد عم عبدالله : وينك بوحميد كل ما اتصل بك تيلفونك مغلق
عبدالله: لا ماشي كنت راقد
صقر : يلا شباب قموا انسير نتمشى
سالم : يلا عالاقل انغير جو
كلهم : يلا
شوق وعاشة بنات عم طالعات ويا ربيعاتهن
هدى اتسوق السيارة
شوق : هدو اوقفي عند أي كفتيريا يوعانه
عاشة : هيه والله انا بعد
وياخذون العشا ويسيرون بحيرة خالد
عبدالله : اف ملل
صقر : عبادي دق على أي رقم خلنا انلعوز الخلق شرات هييج المرة
عبدالله: اوكي
ويدق عبدالله على أي رقم وترد عليه وحدة صوتها ناعم
شوق : الو
عبدالله يسكت منصدم جنه سمع صوت بلبل
شوق : الو منو ؟
عبدالله: الو
شوق : هلا منو وياي ؟
عبدالله مرتبك : اختي تيلفون منو هذا
شوق : انت بغيت منو ؟
عبدالله : انا بغيت صقر
صقر : ههههههههههههههه
شوق : لا اخوي غلطان مب تيلفون صقر هذا
عبدالله : السموحة اختي
شوق : لا العفو ... باي
عبدالله : باي
صقر : خيبة بلاك جي ؟؟
عبدالله وهو يتذكر صوت شوق : لا ماشي بس رحت فيها
عيسى : ليكون تيلفون بنت
عبدالله : بنت ... اااااه لوتسمعون صوتها .. عصفور يغرد
عيسى : ايه عبود بلاك ( ويضحكون الشباب )
في نفس الوقت
عاشة : منو متصل شواقة
شوق : ما ادري واحد يبا صقر اونه
هدى : متفييج
احلام: يلا بنات الساعة عشر خلنا نرد بيوتنا
هدى : تو الناس خلنا نستانس
شوق : لا ما فينا نتأخر
وتوصل هدى كل وحدة بيتها وتروح عاشة ويا شوق وتبات في بيتهم
شوق وعاشة يالسات عالتلفزيون
محمد ولد عم عاشة وشوق وولدخالة شوق في نفس الوقت واخوها بالرضاعة . محمد امه توفت يوم انولد وهو عايش ويا ابوه وهو ولده الوحيد
الساعة 12 في الليل يدش محمد
محمد: السلام عليكم
شوق وعاشة : عليكم السلام
محمد : يالسات ما شاء الله
شوق : غريبة اليوم الخميس ومب طالع ويا ربعك
محمد : لا وين
شوق : تعال شوف الفلم روعة
محمد : لا ساير الحين وين امي خلود ( ام شوق )
شوق : راقدة شو تبا بها
محمد لا بس بسلم عليها .... مب مشكلة انا ساير
شوق وعاشة : الله وياك
وعقب شوي يرن تيلفون شوق ,, تشوف شوق الرقم وتستغرب
شوق : عواش نفس الرقم اللي اتصل في السيارة
عاشة: ردي بنشوف
شوق ترد: الو
عبدالله : مرحبا
شوق: مرحبتين هلا
عبدالله : ممكن اخذ من وقتج شوي
شوق مستغربة: خير
عبدالله مب عارف شو يقول : لا بس حبيت اسلم عليج
شوق : نعم ؟
عبدالله يتجرأ وبدون ما يحس بعمره : بصراحة أنا من أول ما سمعت صوتج ما ادري بشو حسيت
قلبي قام يدق بسرعة
شوق ساكتة ومستغربة
عبدالله : انا ابا اتعرف عليج ومستعد اني اسعدج
شوق : انت واحد ما تستحي على ويهك ( وتبند التيلفون )
شوق اتخبر عاشة بالسالفة كلها
عاشة : والله انه واحد متفييج ,,,, بس تدرين قوية هاي ماتستحي على ويهك
عبدالله يطرش لشوق مسج : تخطي عليه وانا اسامحك واتصبر واسمع حكي منك واداريه واكنه
عاشة : شفتي قلت لج
شوق: انزين شو كنتي تبيني اقول له
عاشة : اوكي اوكي خلنا من هالسالفة انا بسير ارقد مب متفيجة ايلس اسمع سوالفج
شوق : مالت عليج ما تنفعين سيري ارقدي وانا بعد بسير
عاشة : تصبحين على خير
شوق : وانتي من اهله
ترقد عاشة ،،،،، وتيلس شوق اتفكر بالسالفة اللي استوت
يوم الجمعه الساعة الصبح الساعة 10 شوق وعاشة متعودات انهن يتريقن كل جمعة في الكوفي شوب في أي مركز
شوق تسوق ماخذة سيارة امها BMW
شوق : يلا عواش أي مركز انسير
عاشة : شورايج انسير نتريق في الفردان وعقب نتمشى عالبحيرة شوي , الجوي روعة
شوق : الى هناك
وسارت شوق وعاشة الكوفي شوب
وهن يالسات يتريقن رن تيلفون شوق
شوق : عواش نفس الرقم
عاشة : ردي بنشوف شوعنده هالمرة
شوق معصبة وخايفة في نفس الوقت : الو نعم
عبدالله : اسف لأني البارحة متصل في وقت متاخر بس ما حبيت ارقد بدون ما اسمع صوتج
شوق: جنك تعديت حدودك
عبدالله : الله يخليج لا تضايجين
شوق: اخوي عيب اللي اتوونه
عبدالله :غصبا عني
شوق : عن هالحركات وهالسوالف
عبدالله: اوكي عطيني فرصة اقول اللي في خاطري
شوق : لا والله ,, كل هذا وبعدك تبا ترمس
عبدالله : ابا اتعرف عليج والله ما العب عليج والله اني جاد
شوق تبند التيلفون
عبدالله يرمس ولد عمه : عواس شكله ماشي امل
عيسى: حاول مرة اخرى هههههههههه
عبدالله : رح ,,, عمرك ما كنت جاد
عيسى : يا عمي شو تباني اقول لك ,,, خلها تولي
عبدالله : شو خلها تولي انا اباها
عيسى : كيفك انا قلت اللي عندي
عبدالله: ما منك فايدة
شوق : يلا عواش خلنا انرد البيت علو اخوي بيي الساعة 2
عاشة : يلا
شوق عندها اخو واحد اللي هو علي يداوم في الجيش
الساعة 2 الظهر
علي : السلام عليكم
الكل يرد السلام
ام علي : ولدي وصل
علي يحب راس ابوه وامه
علي : اشحالكن بنات
شوق وعاشة : تمام
علي : شواقة وين حمود اتصل به ما يرد؟
محمد يدخل : السلاااااام عليكم
ويردون السلام
محمد: اوه هذا علو
علي : هلا والله بو جسوم ( ويتخاشمون )
علي : وينك كل ما اتصل ما ترد
محمد : لا محول تيلفوني
ام علي : يلا عالغدا
عبدالله : عواس احس عمري غلطت يوم قلت لها هالرمسة
عيسى : وايد مهتم بالسالفة
عبدالله : ما ادري ليش
عيسى : ليكون تحبها
عبدالله : اتخيل
عيسى : اتصل بها
عبدالله : على مسئوليتك
عيسى : يلا اتصل
ويتصل عبدالله
شوق تشوف الرقم وهي يالسة تتغدى والكل يطالعها
علي : بلاج ردي
عاشة فهمت واشرت لها عسب اترد ومحد يشك فيها
شوق ترد : الو
عبدالله : اف ما بغيتي
شوق : هلا والله
عبدالله مستغرب ومستانس : اشحالج
شوق : تمام انت اشحالج ؟
عبدالله فهم السالفة: تمام .. عندج حد؟
شوق تضحك ضحة خوف وارتباك : هلا حبيبتي حد يدق هالوقت
عبدالله : اوكي اوكي فهمت عليج بخليج باي
شوق : باي
عاشة تبا اتغيير السالفة : شو الدوام وياك علو ؟
علي : والله اوكي الحمدلله
عاشة شافت شوق مرتبكة وقالت : اكيد هاي مريوم
شوق : ها هيه
عاشة : ما عندها سالفة
ويكملون غداهم
عبدالله : الله يخس ابليسك شو سويت
عيسى : ههههههههه انا ما يخصني
عبدالله : هيه الحين ما يخصك ,,,, توبة مرة ثانية ما باخذ رايك
عيسى: هههههههههههههه
الساعة 4 العصر
في غرفة شوق
شوق: تدرين عواش بتصل به وبأدبه
عاشة : لا تتهورين
شوق : شو لازم اوقه عند حده
عاشة : كيفج
شوق تتصل وعبدالله شاف الرقم ونقز
عبدالله : الو
شوق : انت شو .,,, شو اقول عنك ماتستحي ؟
عبدالله : والله اسف سامحيني مب قصدي
شوق استحت يوم قال سامحيني : اخوي والله عيب اللي اتسوونه
عبدالله : والله اسف
شوق : اخوي خلاص مافي داعي للاعتذار بس احسن انك ما اتدق على هالرقم
عبدالله : ليش انت قاسية ؟ ليش ما تحسين فيني؟
شوق منصدمة ومستغربة: نعم؟
عبدالله : انا اباج
شوق : يلا باي ( وتبند)
عاشة : شو قال؟
شوق مستغربة اول مرة يصير لها هالموقف
عاشة : شواقة بلاج ؟
شوق تخبر عاشة باللي استوا
عاشة : أي ريال بيذل عمره وبيتحمل وحدة اتقوله ما تستحي وترمسة بهالطريق وتبند التيلفون في ويهه
شوق : انزين شو تبيني اسوي كنت معصبة
عاشة : حتى لو معصبة
شوق : اذا ما سويت جي بياخذ عني فكرة
عاشة: ليش يهمج؟
شوق : انا ما ابا اوسخ اسمي جدام الناس
شوق يوصل لها مسج من عبدالله " اسف"
عاشة : حليله
شوق: والحين شو اسوي؟
عاشة : خلاص بعد شو
يظل عبدالله يتصل بشوق وشوق ما ترد عليه
ويطرش لها مسجات " حني علي يابنت الناس تراني انسان من قلب واحساس"
"قالوا ترى مالك امل في قربها لو يوم
ابعد وجن في دربها هذا هو المقسوم
قلت اتركوني واسكتوا وخلوا العتب واللوم
قدني غرقت فبحرها ولا عاد يفيد اللهم"
عبدالله شاف انه ما شي فايدة وطرش لها اخر مسج "سيلي يادموع عيني واحرقي حتى الجفون وابكي على اللي فارقوني ما اظنهم يردون"
حـــــــــــن قـــــــلـــــــب شـــــــــــــــوق
شوق : عواش ليش ما قام يتصل ولا حتى يطرش مسجات ؟
عاشة: هذا اللي كنت تبينه
شوق : اف بس خليني فحالي
عاشة: طاعوا .. ترمس عقب اتسكتني
في يوم من الايام
عبدالله طالع ويا ربعه قوم سالم ومنصور وصقر
سالم: عيل وين عواس
عبدالله مشغول قال عقب بيي
سالم : يعرف إنا في صحارى؟
عبدالله : هيه خبرته
منصور: هذو وصل
عيسى يسلم على ربعه: وينكم من متى ادور عليكم
صقر : نترياك عسب انسير نتعشى
عيسى: وانت مب هامنك غير بطنك يالدب،،،،،،، يلا نسير
وكل واحد يسولف ويا الثاني
عبدالله يرمس عيسى: عواس من زمان ما سمعت صوتها
عيسى : بعدك ما نسيتها؟
عبدالله : كيف انساها؟
عيسى : عقب كل اللي سوته
عبدالله : هيه يا اخي اكتشفت اني احبها كيف حبيتها بهالسهولة ما ادري؟
عيسى: انت اتحب؟؟ ما اصدق... اوكي اتصل بها
عبدالله: عقب كل هالفترة ؟
عيسى : سبحان الله يمكن ترد
عبدالله :بجرب بس على مسئوليتك
عيسى : يعمي على مسئوليتي بس اتصل
ويتصل عبدالله
شوق في بيت عمها اللي هو ابو عاشة منسدحة على الشبرية ويرن تيلفونها وقامت وخذت التيلفون ويوم شافت الرقم طارت من الفرحة وقالت : عواش هو
عاشة : بسم الله زيغتيني ردي انزين
شوق ترد: الو
عبدالله : اخيرا
شوق مسوية عمرها معصبة : نعم
عبدالله : ليش اتعيشيني في عذاب ،، ليش انا بعينج سراب
شوق : خير شو تبا؟
عبدالله : دخيلج حسي فيه ارفقي بحالي ترى حبج لقيته بالوريد وانتي عادي لو اغيب ولو دوم اتصل
شوق : انا اول مرة اشوف واحد يترجى وحدة ويذل عمره عسب اتسويله سالفة
عبدالله :ليش انا العب .. قلت لج انا جاد والله جاد
شوق: عقب كل اللي سويته فيك ؟
عبدالله : انا احــــــــــــــــبج
شوق شاقة الحلج وساكته
عبدالله : تسمعيني الو
شوق وبــــــكـــــل حنــــــــان: وينك انت من زمان؟
عبدالله مب مصدق عمره : ليش ؟؟ اشتقتي لي ؟
شوق : بصراحة .. هيه
عبدالله طاير من الفرحة وحاس ان ريوله مب شالتنه : والله؟؟
شوق وبرقة: من يوم قطعت عنا وما قمت تتصل وانا اترياك
عبدالله : ما اصدق انا اكيد احلم
شوق تضحك برقة
عبدالله : فديت هالضحكة والله
ويلسوا يسولفون ويسألون عن بعض وما يحسون بالوقت
وتمر الايام على هالحالة
شوق سهرانه عالنت وابوها وامها يالسين يشوفون التلفزيون ( فلم مصري جديم )
وهم يالسين يتصل علي من المستشفى
ابوعلي : الو
علي : ابوي حمود في المستشفى مسوي حادث
ابوعلي يصرخ: ايمستشفى
علي: القاسمي
ابو علي : اوكي يلا الحين انا ياي
ام علي : عبدالله شالسافة
ويخبرها
ام علي : بسم الله على ولدي بسرعة خلنا نسير
بوعلي: شواقة تمي انت هني
شوق : ابوي ابا ايي
ابوعلي : بس خلاص ايلسي
ويطلعون
شوق يالسة بروحها في البيت ومب عارفة شو اتسوي
وعقب شوي تاخذ شوق التيلفون وتتصل بعبدالله
عبدالله: هلا شواقة
شوق وهي تصيح : عبادي حمود مسوي حادث وتخبره بكل شي
عبدالله : وليش اتصيحين شو تباني اسوي ايلس اضحك؟
عبدالله : لا قصدي ان شاء الله بيقوم بالسلامة
شوق : عبادي ليش جي اعصابك باردة؟
عبدالله: شوق حبيبتي ليش خايفة قلت لج ان شاء الله بيقوم بالسلامة
شوق : كيف ما تباني اخاف على انسان غالي علي
عبدالله منصدم
يرن تيلفون البيت وتفر شوق تيلفونها وترقض عسب ترد على التيلفون ويطمنها ابوها على محمد
عبدالله حس بغيرة من محمد ويلس يكلم عمره : لهالدرجة شوق تحبه؟؟ زين انا وين سرت ؟؟ اتبند التيلفون في ويهي عشانه زين ليش جي انا احبها..
ويلس يفسر السالفة الف تفسير
شوق على نياتها تتصل بعبدالله عسب اطمنه على محمد
يرد عبدالله بصوت حزين: الو
شوق : عبادي حمود فديته بخير الحين
عبدالله : الحمدلله على سلامته
شوق حست من صوته انه فيه شي
شوق: عبادي بلاك
عبدالله: لا ماشي
شوق : عبادي ترى صوتك مول مب عايبني
عبدالله: ليش تهمج حالتي؟
شوق : عبادي انت شو اتقول انا متى ما اهتميت فيك
عبدالله:سيري اسالي عن حمود مب غالي عليج
شوق مستغربة : عبادي انت شوتقول ,, عبادي محمد اخوي تعرف شو يعني اخوي
اتربيت وياه ولد خالتي وولد عمي في نفس الوقت ماتباني اخاف عليه؟
عبدالله : اخوج بالاسم بس
شوق : عبادي انت اتغار من اخوي؟
عبدالله بصوت حزين: انت دوم تمدحينه جدامي وتتفدينه وهذا شي يضاجني
شوق : والله ماعرفت هالشي وماتوقعته اصلا
عبدالله : هاي المشكله انج ماتحسين ولا تفهمين
شوق خيبة ليش كل هذا ؟ خلاص اوعدك اني ما اطريه جدامك
عبدالله: المهم سرتيله وشفتيه
شوق: لا.... ليش عادي؟
عبدالله يبتسم: انا ما قلت جي مرة يعني سيري له
شوق فرحانه: الحين بسير له
عبدالله : بس لا تطولين عنده
شوق : هههههههههه ماشي فايدة
( ويبندون عن بعض)
وتسير شوق لمحمد وتتطمن على حالته
ـــــــــــــــــــــــــ ـــــــــــــــــــــــــ
ـــــــــــــــــــــــ
في السيارة
عبدالله يسوق وربيعه صقر يالس وياه
صقر : انزين عبود يعني كيف ما تباه انه يكون غالي عليها وهو اللي اتربى وياها واقرب عيال عمها لها
عبدالله: صقور انت ماسمعتها كيف كانت اتصيح وهي اتخبرني جنه حد اتوفى عدها
صقر : انت وايد مكبر السالفة ,, يعني اخوها اكيد اتحبه اكثر عنك بعد مب انت اتقول انها وياه اكثر من علي اخوها
عبدالله يسكت ويفكر
صقر: بوحميد جنه هاي سيارة منصور ووياه سلوم والشباب؟
عبدالله يبتسم: هيه والله هم
صقر: شو يسوون عند الكفتيريا ... وقف وقف
عبدالله يوقف وينزل هو وصق
الشباب اللي في السيارة الثانية: اوه هذا عبود وصقور__ هيه والله هم
ويصرخون كلهم: ايه عبود صقور
صقر يضحك: شوف الخبال
وينزلون كلهم ويسلمون على بعض مسوين زحمة وحشرة عند الكفتيريا
يطلع راعي الكفتيريا : ايه في ايه اللي ما عندوش حاجة يروح ماتعملوش زحة هنا
منصور يكلم المصري: شوف هذيل الاثنين بس جي واقفين ماعندهم شي (يقصد صقر وعبدالله)
المصري :طيب امشوا واءفين ليه
صقر: جيه شارعك هو
المصري : ياعم الناس عايزة تعدي
عبدالله: صقور قم بنسير ما منهم فايدة
منصور:هههههههههههههههه
صقر: يلا شباب بنحصلكم في الميقا مول
منصور : اوكي عيل
ـــــــــــــــــــــــــ ـــــــــــــــــــــــــ
ـــــــــــــــــــــــــ ـــ
في ع\غرفة شوق
شوق يالسة عالنت اتكلم عاشة عالمسنجر
شوق : عواش كيف تتوقعين يكون شكل عبادي
عاشة : يمكن دب
شوق: لااااا بسم الله على حبيبي لاتقولين جي
عاشة: ههههههههههههههه
شوق : خاطري اشوفه والله
ويلسون يسولفون
عاشة : افففففف ملل
شوق : مالت عليج من بنت عم ,,,, ببند عنج وبتصل بعبادي
عاشة: احسن سيري
عبدالله يرد عليه بسرعة: الو هلا بحبي
شوق : اشحالك
عبدالله: بخير دام اني سمعت صوتج
شوق : اونك ,,,, مشكلة اللي يجاملون
عبدالله : حرام عليج شو اجاملج انا دوم اعطيج في الويه
شوق وعبدالله يضحكون
عبدالله: بعد اشحالج واشحال حمود؟
شوق : اف,,, الحين لازم تسألني عنه
عبدالله: اسأل عنه،،، اطمن عليه
شوق: ما اعرف ما عرف
عبدالله : شواقة انت لاتتحرين اني ما اباج اتكلمين حمود,,, بس هاي شوية غيرة
شوق: ماعندك سالفة, المهم الحين سكر الموضوع لاتيلس اضايج بي
عبدالله : اوكي ولاتزعلين،،،،، اقول شواقة
شوق : هاشو تبا؟
عبدالله: خيبة شو ها بعد ,,, الحبيب يوم يزقر حبيبته باسمها اترد عليه واتقوله عيونها ، امر، تدلل ، مب جي
شوق : اوكي ,, عيون شوق
عبدالله : جي اباج ,, شو بغيت اقولج ,,نحن من متى انرمس بعض؟
شوق : ما ثمن تسع شهور
عبدالله : شفتي ... مدة طويلة ,,,, وماشفنا بعض
شوق: توني يالسة اقول حق عواش عالمسنجر
عبدالله: يعني تبين اتشوفيني
شوق: ابا اعرف شكلك كيف ,,,,عواش اتقول دب
عبدالله:هههههههه شو دب
شوق: عيل كيف شكلك اوصفلي
عبدالله: ليش اوصفلج ,,,, ليش ما اتشوفيني واشوفج
شوق: كييييييف ؟؟؟ لاتقول نطلع ويا بعض
عبدالله : بنتواعد في مكان وبنشوف بعض
شوق: عبادي انت تعرف انت شو تقول ,,,, مستحيل اصلا اواعدك في مكان
عبدالله : اوكي من بعيد لبعيد
شوق عبادي انت اتخوف
ويلس عبدالله يقنع شوق
وبعد الحاح شديد
عبدالله : اوكي انتوا باجر بتطلعون
شوق: باجر الجمعة .... هيه انا وعواش كل جمعه انسير نتريق في أي كوفي شوب
عبدالله : حلو ,, باجر بشوفج هناك, بس أي كوفي شوب؟؟
شوق : باجر اتفقنا انسير الفردان
عبدالله : خلاص مدام انت وبنت عمج بتسيرون انا بعد بسير ويا ولد عمي عوااااس
شوق : اوكي كيف بعرفك؟
عبدالله: انت شو بتلبسين؟
شوق : انا وعواش بنكون لابسات نفس الشي ,,,, شيلة عليها خط ابيض واحمر وشنطة لونها احمر وابيض
ونعال احمر .... بس بعد شو
عبدالله: خلاص عيل الساعة تسع ونص عشر نحن هناك
شوق : اوكي عيل
( ويبندون)
ـــــــــــــــــــــــــ ـــــــــــــــــــــــــ
ــــــــــــــــــــــــ
الساعة تسع الصبح عبدالله يتصل بعيسى وعيسى يرد عليه
عيسى: الو
عبدالله: شو بعدك راقد؟
عيسى : شو تبا انت متصل عالصبح
عبدالله : عواس الله يخس ابليسك نش بنتأخر
عيسى : تو الناس الساعة تسع خلني راقد
عبدالله: شو تستعبط انت نش بسرعة والله ترى بسير عنك
عيسى : اففف منك يلا ناش
عبدالله: عقب شوي بمر عليك
عيسى : اوكي باي
ـــــــــــــــــــــــــ ـــــــــــــــــــــــــ
ــــــــــــــــــــــــ
شوق تتصل بعاشة
عاشة : تراج ذليتينا كل شوي داقة علينا
شوق: خلصينا انت ساعة
عاشة : يلا انزين الحين بخلص
شوق : انا ياية ها
عاشة ك اوكي باي
ـــــــــــــــــــــــــ ـــــــــــــــــــــــــ
ــــــــــــــــــــ
يوم اللقاء
الساعة تسع ونص عبدالله وعيسى يالسين فوق في الكوفي شوب عند الجامة يشوفون اللي رايح
واللي ياي ويتريون البنات يوصلن ,,,, عيسى فيه رقاد غصب يالس ويا عبدالله
عيسى : شفت قلت لك بعده الوقت لاحقين
عبدالله : يالغبي نحن لازم انكون واصلين قبلهم عسب نستقبلهم
عيسى : متفييج
عبدالله مستانس وحاس عمره بيطير من الفرحة لأن اول مرة بيشوف فيها شوق
عيسى : كيف بتعرفهم
عبدالله: اسكت انا الحين اتريا سيارة BM اطوف
عيسى : هذي ها سيارة BM اتبيين
عبدالله متلهف: وين؟؟ هيه والله ,,, ياويلي وصلوا
عيسى : ايه بلاك بلاك شوي شوي فضحتنا جدام الخلق
عبدالله : فتحوا الباب ... اتريا خلها تنزل واتأكد
عيسى: الحمدلله والشكر
اول مانزلوا من السيارة عبدالله قام وقال: عواس والله هي شوق وصلت
عيسى : والله حالة,, ابتلشنا,, مب شوق
تركب شوق السلم المتحرك وعبدالله من اول ماطاحت عيونه عليها ماخوزها بس بعده ماشاف ويهها
عبدالله حب انه يتأكد واتصل بشوق : الو
شوق: تونا دشينا
عبدالله : اوكي باي
عبدالله: عواس هي
عيسى : خلها اتصد هني
شوق لفت عسب اتسير هي وعاشة صوب الكوفي شوب
واول مالفت شافها عبدالله واتبل على جمالها ووقف وهو يطالعها
عبدالله وهو متخبل : عواس هاي هي شوق
عيسى : شت يخبلن عبادي
شوق يوم شافت عبدالله وقف عرفت انه هو ونطقت باسمه
شوق : عبدالله
عبدالله: شوق
واتأكدت شوق انه هو
عيسى : عبادي فضحتنا ايلس
وييلس عبدالله
عيسى: أي وحة فيهن شوق؟
عبدالله : هاي اللي عاليسار
شوق : عواش خلنا انسير من الصوب الثاني استحي ما اروم
عاشة : يلا انزين
عيسى : او لفوا
عبدالله : شت ليش؟
عيسى : شو يستحن؟ عبادي اتصل اتصل بها
عبدالله يتصل
شوق : الو
عبدالله : هاي انت
شوق : وي عبادي ماتوقعت انك بتطلع في ويهي
عبدالله : ليش لفيتوا؟
شوق : شو استحي
عبدالله : انزين بنيلس بنسولف
شوق : لا .. حلوة هاي ... مستحيل
عبدالله : انزين ما شفتج عدل
شوق : خلاص غيرت رايي بسير البيت
عبدالله : اتخسين ... من متى اترياج اتقولين غيرت رايي
شوق : والله استحي
عبدالله : انزين شورايج فيه
عيسى :ههههههههههه ماعندك سالفة
شوق : اصلا انا ما شفتك عدل على طول لفيت
عبدالله: فديتج شواقة والله اتخبلين ماتوقعتج بهالجمال
شوق ساكته
عبدالله: شواقة ترى بزعل اذا ماشفتج
شوق : والله ما اروم ايلس وياج
عبدالله :اوكي شي طاولات وايدة
شوق بعد اصرار من عبدالله : اوكي
عبدالله: يلاعواس يايات
عيسى: عبادي سو ترتيب ... ترى اللي وياها اتخبل بعد
عبدالله مايسويله سالفة: وصلوا
وتيلس شوق ويا عاشة على طاولة شوي قريبة من عبدالله وعيسى بس يعطونهم ظهرهم
عبدالله : اف شواقة ليش يلستي جي
عاشة : يرمسج
شوق : صخي ولا جنا سمعنا شي
عبدالله يوقوم ويسير صوب طاولتهم
عبدالله: ممكن ايلس ؟
شوق منزلة راسها
عاشة : تفضل
شوق تضرب عاشة واتقول بصوت واطي : شو تفضل
عبدالله: شكلها المدام ماتباني اوكي مب مشكلة انا ساير
شوق : لا عبادي ايلس
عبدالله يبتسم وييلس : شخباركن
عاشة : تمام والله انت اشحالك
عبدالله : تمام يعني انت عاشة
عاشة : هيه
عبدالله: شوق جيه صاخة ؟
عاشة : اونها مستحية
عبدالله : في التيلفون لسان هالطول والحين صخة... اوكي عالاقل شوفيني حطي عينج بعيني
شوق اتتم ساكته ومنزلة راسها
عبدالله : اوكي شوفي عواس يالس وراج
عاشة هذا ولد عمك يعني
عبدالله: هيه ..... الحين تلقينه يالس على نار يبا يعرف شو انقول
عاشة : حليله
عبدالله : يلا شو تطلبون؟
شوق : اصلا نحن بنسير الحين
عبدالله : لا دخيلج خلاص انا ساير بيلس عند عواس
ويقوم
شوق : يلا عواش خلنا انسير
عاشة : ليش تو الناس ما كلنا شي
شوق : عواش قومي
عاشة تقوم ويا شوق
عبدالله وعيسى بعد يقومون
عبدالله : وين
عاشة : هاي شوق
شوق تمشي وتمسك ايد عاشة
عبدالله وعيسى يمشون وراهم لين ما وصلوا برع المركز وركبوا السيارة
عبدالله ينزل راسه ويكلم شوق من الجامة
عبدالله: جي اتسوين فيني
شوق : عبادي والله اسمحلي ما اروم
عبدالله:أنا ما صدقت شفتج
شوق : انت شو قلت لي .. من بعيد لبعيد
عبدالله : يعني سايرين الحين
شوق اتشغل السيارة :هيه سايرين
عبدالله يرد ورا : يلا عيل
شوق تطالع عبدالله وهو يطالعها
شوق : باي
عبدالله : باي
ويتم عبدالله يطالعها لين ما ساروا
عيسى : يلا الغالي ليش واقف بعد... خلنا نحن بعد نجلب ويهنا
عبدالله: عواس شفتها
عيسى : هيه شفتها بس فكنا الحين خلنا انسير ابا اكمل رقادي
عبدالله : يلا
ويركبون السيارة ويسيرون
في سيارة شوق
عاشة: شواقة ما شاء الله عليه عبادي وايد حلو
شوق : فديته والله
عاشة : ليش ما كنت ترمسين
شوق : لا والله .. ليش ما تميت وياه بعد احسن
عاشة تستعبط : هيه والله صدق
شوق : بس بس انا اذا تميت اسمع نصايحج بضيع
عاشة تضحك
ويطرش عبدالله لشوق مسجات : اهو هذا اللي احبه اهو هذا اللي ابيه اهو هذا اللي قدرني وانا ما اقدر عليه
ياللي لمتوني تعالوا اخذوا عيني وانظروا ريحوني واستريحوا وانصفوني وانصفوه
قبل اشوفك كنت انا مرتاح سالي ويوم شفتك حالتي صعبة بدونك ... وغيره
ـــــــــــــــــــــــــ ـــــــــــــــــــــــــ
ـــــــــــــــــــــــــ ـــــ
تمر الايام وهم مايشوفون بعض
عبدالله : الو شوق
شوق : هلا عبادي
عبدالله : مشتاق لج
شوق : وانا اكثر
عبدالله : ابا اشوفج
شوق : لا انسى
عبدالله : شواقة والله مشتاق لج والله حرام عليج
شوق : انت ما تحس بالخطورة عبادي انت ريال وانا بنت
عبدالله : افففف بنسمع كلامج شو بنسوي بعد
شوق : ابا اتعرف على خواتك
عبدالله : دوم ارمس اختي عنود عنج خاطرها اتشوفج
شوق : والله؟؟ اوكي عيل عطني رقمها
ويعطيها الرقم
شوق : اوكي باي بسير اتصل بها
عبدالله : خيبة تو الناس
شوق : يلا بسك باي
عبدالله يضحك : باي
ـــــــــــــــــــــــــ ـــــــــــــــــــــــــ
ــــــــــــــــــــ
تتصل شوق بعنود اخت عبدالله
عنود : ألو
شوق : السلام عليج
عنود : عليكم السلام
شوق : اشحالج شخبارج شمسوية
عنود: والله تمام منو وياي؟
شوق: اتوقعي
عنود : والله ما اعرف .. اول مرة اسمع صوتج
شوق : وياج شوق المهيري
عنود : انت شوق ؟؟ شوق شوق !!!
شوق : هيه ليش مستغربة .. خذت رقمج من عبادي توني مرمستنه
عنود : يامرحبا والله اشحالج
شوق : والله تمام
عنود : والله ما توقعت
شوق : خبرني عبادي عنج
عنود : وانا بعد دوم يرمسني عنج
شوق : والله ما شي بس حبيت اسلم عليج واتعرف
عنود : والله يشرفني هالشي وانا بعد حبيت اتعرف عليج
ويتمون يسولفون وكل يوم يرمسون بعض لين ما استووا ربع
ـــــــــــــــــــــــــ ـــــــــــــــــــــــــ
ـــــــــــــــــــــــــ ـ
في يوم من الايام
شوق تتصل بعنود
عنود : هلا شواقة
شوق : اقول عنودوه انا وعواش بني بيتكم اليوم
عنود: والله !!! ياسلااااام والله وناسة ..... بس تعرفين وين بيتنا؟؟
شوق : لا والله انت قولي لي
وتخبرها عنود
شوق : يلا يايين باي
عنود : باي
ـــــــــــــــــــــــــ ـــــــــــــــــــــــــ
ـــــــــــــــــــــــــ
شوق وعاشة يوصلون ويدقون الباب وتفتح الشغالة الباب
عنود : هلا والله هلا
يسلمون على بعض وهاي اول مرة يشوفون بعض فيها
عنود : انت شوق يعني
ويسولفون
عبدالله ياي من برع
يدخل الصالة وينصدم بوجود شوق
ام عبدالله: عبادي وين داش بنات هني
عبدالله: ها.... ما كنت اعرف ( ويسير غرفته)
يتصل عبدالله بعيسى
عيسى : هلا ولد العم
عبدالله: عواس شواقة في بيتنا مب مصدق
عيسى : كيف عرفت بيتكم
عبدالله: أكيد عنودوه خبرتها يلا باي ويبند
عيسى معصب: صدق مايستحي يصك التيلفون في ويهي
ـــــــــــــــــــــــــ ـــــــــــــــــــــــــ
ـــــــــــــــــــــــــ ـــ
عبدالله ينزل من غرفته ويزقر عنود من ورا الباب
عنود: ها ياية
عبدالله يكلم عنود بصوت واطي: عنودو شوق كيف عرفت بيتنا ومتى يت ويتم يسألها
عنود : اففففف عقب بخبرك ( وماتعطيه ويه)
ام عبدالله : يلا عيل انا سايرة ايلسوا سولفوا
عنود : امي وين سايرة ؟؟
ام عبدالله : عند ام حصة ..ساعة وبرد ( وتطلع)
عنود: اف شواقة عبادي يالس يسألني عنج كيف ومتى وماادري شو
شوق : حرام والله ما كنت اباه يعرف
عاشة : عادي .. زين يوم عرف
شوق : وينه هو الحين
عنود : فوق
شوق : بنتصل به ( وتتصل)
عبدالله: هلا بالحب
شوق تضحك : اشحالك
عبدالله : شواقة كيف عرفتي البت ومن متى انت هني
شوق : اهو عرفت وييت وخلاص
عبدالله : زين يوم ييتي .. امي وينها
شوق : توها طلعت... يلا عبادي ببند عنك سايرين نحن
عبدالله : لاااااا تون الناس
شوق : هههههه انت اشلك يالس وياي انت
وتبند شوق عن عبدالله وتسلم على عنود وتتطلع هي وعاشة
ـــــــــــــــــــــــــ ـــــــــــــــــــــــــ
ــــــــــــــــــــــــ
في السيارة
شوق: فديته عبادي شفتيه يخبل وهو متغتر
عاشة : ليش ما كان متغتر يوم كنا في الفردان ؟؟
شوق : كيفه انت اشلج شي راجع له
عاشة : ويييي ما يكشخ لج
شوق : مايخصج
ـــــــــــــــــــــــــ ـــــــــــــــــــــــــ
ـــــــــــــــــــــــ
في بيت عبدالله
عبدالله وعنود وعليا اخته الصغيرة يالسين
ام عبدالله تدخل : السلام عليكم
يردون السلام
ام عبدالله: وين البنات؟؟
عنود : روحوا
ام عبدالله: ما تعشوا؟؟
عنود : لا ما يبون
ام عبدالله: ما شاء الله عليهن جمال واخلاق
عنود تطالع عبدالله: هيه ما شاء الله
ام عبدالله : عبادي شرايك فيهن مب انت شفتهن
عبدالله : انا بصراحة عيبتني هاي اللي كانت يالسة هني
ام عبدالله: كلهن حلوات
عنود: ليش تبينها حق عبادي
ام عبدالله : ليش لا
عليا : وي ما يستاهلها
ام عبدالله : ليش ولدي شو ناقصنه
عبدالله: امي متى بعرس
ام عبدالله : شالسالفة الظاهر ان البنت خبلت بك
ويضحكون
وتيلس ام عبدالله تسأل عن البنت
ـــــــــــــــــــــــــ ـــــــــــــــــــــــــ
ـــــــــــــــــــــــــ ــ
وتمر الايام
عبدالله يكشخ عسب يسير هو وامه واخته يخطبون شوق حقه
عبدالله : يلا امي ما خلصتوا ؟
ام عبدالله : يلا ابوي سرنا
ـــــــــــــــــــــــــ ـــــــــــــــــــــــــ
ـــــــــــــــــــــــــ ـــ
في بيت قوم شوق
ام علي: شواقة امي دخنتي الميلس
شوق هيه
ام علي : يلا يايين الناس
شوق اتسير غرفتها
ويوصلون ويدقون الجرس ويفتح اخوها علي الباب
ويسير عبدالله ميلس الرياييل والحريم في ميلس الحريم طبعا
ويتفقون على كل شي ويحددون موعد الملجة
ـــــــــــــــــــــــــ ـــــــــــــــــــــــــ
ـــــــــــــــــــــــــ ــ
ويي يوم الملجة
عبدالله فرحان وحاس عمره اسعد ريال في الدنيا ويكشخ حق الحفلة
شوق في الصالون وهي بعد فرحانه وكانت تتريا هاليوم
يتصل عبدالله بشوق
شوق : هلا عمري
عبدالله : هلا حبيبتي
شوق : خير؟؟ متصل
عبدالله : مشتاق لج .. حرام الواحد يشتاق حق حرمته
شوق : بعدني مب حرمتك وبعدين شو مشتاق عقب بتمل مني
عبدالله : يمكن انت اتملين بس انا لو ايلس وياج الدهر كله مستحيل اني امل منج
شوق ساكته
عبدالله: اخيرا بتكونين حقي
شوق : عبادي تراك عطلتني ماتخليني اتعدل ولا شي
عبدالله : اتعدلي حبيبتي اتعدلي ابا اشوفج احلى بنت في الشارجة مب بس في الشارجة في الدنيا كلها
شوق : عيل بند
عبدالله: يلا باي
شوق : باي
ـــــــــــــــــــــــــ ـــــــــــــــــــــــــ
ـــــــــــــــــــــــــ ــ
الكل مشغول .. البنات في الصوالين والشباب كل واحد بصوب ويكشخ
وبدوا المعازيم يزيدون
وصلت شوق من الصالون هي وامها وسارت غرفتها
ام شوق : يلا حبيبتي شواقة الناس كلهم تحت
شوق : يلا نازلة
وقبل ما تنزل شوق يرن التيلفون
شوق : الو
محمد : الو شواقة عبدالله سوا حادث وودوه المستشفى
شوق تصرخ مب قادرة تتحمل الصدمة ويغمى عليها
ام علي تصرخ: شوق شوفيج وتزقر عنود وخواتها
عنود: شالسالفة خالو... شو بلاها شوق
ام علي : ما ادري منو متصل وشوقال لها وطاحت
وعرفوا المعازيم السالفة وروحوا بيوتهم وهم يسألون كيف وليش وغيره
سارت ام عبدالله وام علي وشوق وعنود وخواتها المستشفى
ـــــــــــــــــــــــــ ـــــــــــــــــــــــــ
ـــــــــــــــــــــــــ ـــ
في القاسمي
عند العناية المركزة الكل يتريا الدكتور يطلع
شوق اتصيح صياح ومحد يقدر يسكتها امها اتصيح على حالة شوق بنتها
والبنات بعد يصيحون هم وامهم
شوق وهي اتصيح : عبادي امي .. عبادي راح
ام علي : بسم الله عليه امي اعي له يقوم بالسلامة
يطلع الدكتور والكل يسير له( خير دكتور شوفيه؟؟)
الدكتور : حالته وايد صعبة محد يدش
شوق حاسة عمرها بتموت وتيلس عالارض وتصيح
علي يشوف اخته بهالاحالة ويصيح: شوق حبيبتي الحين بيقوم ان شاء الله لا تصيحين
واخوات عبدالله وامهم يصيحون
بوعلي : علو انت وحمود ودوا الحريم البيت
( محد طايع يسير)
بوعلي : انزين عالاقل سيروا ايلسوا
( محد طايع يسير)
االدكتور : محد يدخل
شوق تصيح: دكتور انا بدخل
الدكتور : مستحيل الريال حالته خطرة
شوق : دكتور بموت اذا ما شفته
وتدخل شوق وام عبدالله غصب والدكتور مب راضي
شوق تمسك ايد عبدالله واتصيح وامه طلعت ما قدرت تتحمل انها اتشوف ولدها بهالحالة
السستر اتشوف دقات قلب عبدالله قامت تتباطأ وترقض وتزقر الدكتور
يخل الدكتور ويودون عبدالله غرفة العمليات
الكل واقف عند غرفة العمليات وحالتهم حالة
يطلع الدكتور منزل راسه
راحوا للدكتور: دكتور طمنا
الدكتور: البقية فحياتكم
ام عبدالله صرخت واغمى عليها والبنات مب عارفين يصيحون على امهم والا على اخوهم اللي اتوفى توه
والرياييل انشغوا وساروا يودون ام عبدالله
وعيسى دخ يشوف ولد عمه عبدالله اللي مات ويصيح عليه
شوق صرخت وصوتها وصل لآخر المستشفى وطلعت ومحد عارف وين سارت
الـــــــــــنـــــــــــ ــــــهــــــايـــــــة
<img src="http://oasis.bindubai.com/emoticons/face83.gif" border="0" valign="absmiddle" alt=':f2:'>
<img src="http://oasis.bindubai.com/emoticons/face83.gif" border="0" valign="absmiddle" alt=':f2:'> <img src="http://oasis.bindubai.com/emoticons/face83.gif" border="0" valign="absmiddle" alt=':f2:'>
<img src="http://oasis.bindubai.com/emoticons/face83.gif" border="0" valign="absmiddle" alt=':f2:'> <img src="http://oasis.bindubai.com/emoticons/face83.gif" border="0" valign="absmiddle" alt=':f2:'> <img src="http://oasis.bindubai.com/emoticons/face83.gif" border="0" valign="absmiddle" alt=':f2:'>
<img src="http://oasis.bindubai.com/emoticons/face83.gif" border="0" valign="absmiddle" alt=':f2:'> <img src="http://oasis.bindubai.com/emoticons/face83.gif" border="0" valign="absmiddle" alt=':f2:'>
<img src="http://oasis.bindubai.com/emoticons/face83.gif" border="0" valign="absmiddle" alt=':f2:'></font>
