صبرت ولا قدرت اصبر واتحمل اني اعيش العمر من دونك

<font color='#8D38C9'><FONT color=#8d38c9>
<P align=center><FONT color=#330066>بســـم الله الرحمــن الرحــيم

الســلام عليكم ورحمة الله وبركاته


اول شي حبيت اسلم عليكم واهديكم هاي القصه اللي اتمنا من كل قلبي انها تنال اعجابكم .


القصه فيها ناس وايد والعايلات اللي فيها كبيره اممم يعني اعطيكم نبذه عنها ....... وعلى فكره احم احم تراها اول كتابه لي ... يعني اعذروني لو فيها شي ...


بسم الله الرحمن الرحيم نبتدي ...


طبعا في البدايه حبيت اعرفكم على الشخصيات ....</FONT>

بيت حمدان بن غيث الشامسي


العيال : عبد الله وعمره 20 سنه يدرس في جامعة الامارات راعي اكس فايف بيضا رقم العين ثلاثي .... طويل وعريض وعيونه سود وخشمه طويل وحنطاوي ... وروضه عمرها 19 سنه تتدرس في التقنيه في العين بنت حبوبه وحلوه وكل من شافها شهد بجمالها الطفولي عيونها بنيات وهي بيضا ..... وحمد عمره 17 سنه ثاني ثنوي... ولطوف عمرها 9سنين صف رابع ... ومريومه الدلوعه اللي كانت اصغر وحده في البيت .. الملقبه بلقب ]مي مي [ وعمرها 4 اسنين توها روضه اولى

زوجته : ميره الشامسي بنت عمه


بيت ام حمدان الشامسي
اللي هوه البيت العود بيت غيث الشامسي [الله يرحمه ]
العيال : حمدان العود ومتزوج وساكن عدال بيت ابوه .. يعني بينهم بس كمن بيت .. وشمه عمرها 38 سنه ماخذه ولد عمتها المر الرميثي وساكنه وياه في بوظبي }بين الجسرين { عرست يوم كان عمرها 16 سنه عقب وفاة ابوها باربع سنين ... وبطي عمره 31 سنه يشتغل مدير قسم الاراضي في بلدية العين ... وكان متزوج ساره اللي امه خاطبتله اياها من الخوانيج وعندها منه ولد وبنت عليا وعمرها سنه ونص وغيث وعمره خمس.شهور .... واحمد عمره 28 سنه وكان ماخذ شمسه بنت خالته من دبي وتوهم كانوا معرسين..... ومنصور عمره 24 سنه متخرج من كلية زايد العسكريه ويشتغل ضابط في الجيش راعي كوبي رصاصيه عليها شامل رقم بوظبي احمر رباعي ... وكان حلو ماشاء الله عليه الف وحده كانت تمناه ... الخشم الطويل والطول وهاك الجسم الرياضي... وهند عمرها 23 سنه معرسه ماخذنها واحد من هل بدع زايد مزروعي ... وعندها ولد عمره سنه اسمه خلفان ... وسلطان عمره 22 سنه يدرس وياولد اخوه عبد الله في الجامعه راعي رنج اسود .. عليه رقم بوظبي احمر ثلاثي ... مايروح مول لاايطيح في مكان الا عذب الخلق اللي فيه وكان هالانسان راعي وسوالف وحركات ماخلا بنت ماطيحها من جماله وعيونه العسليات ... .. واولهن ربه اخته ريسه في التقنيه ... وريسه عمرها 18 سنه وكانت الدلوعه لانها كانت اصغر وحده .. وكانت الها اول سنه في التقنيه .....

وامهم : غايه المنصوري من هل دبي ....


بيت المر بن خلف الرميثي

]زوج شمه [
عياله : هزاع وعمره 21 سنه ويدرس في كلية خليفه الجويه في بوظبي ويروح الجمعه ورد يوم الاربعاء عند هله .... راعي بورش صالون اسود عليه رباعي رقم بوظبي ازرق .... ابوه خذاله اياها بمناسبة نجاحه في الثانويه العامه ... وميثه عمرها 17 سنه ثانويه عامه اخر سنه الها وهي كانت سابقه الكل اللي في سنها عسبة انه ابوها محدرنها الروضه يوم كان عمرها 3 سنين .... وبنت حلوه عيونها كبار وخشمها طويل وحنطاويه وشفايفها صغار الكل اللي يشوفها يقولها انه جمالها هب جمال بنات عرب جمالها كان نفس جمال ملكات الجمال الهنديات .... وراشد عمره 15 سنه ثالث اعدادي .. وريم اللي اصغر وحده في البيت ... وعمرها 3 سنين ....




بيت فاضل بن هزيم القبيبسي

قوم فاضل كانوا يران قوم المر في بوظبي


العيال : زايد وعمره 39 سنه وماخذ بنت عمه .. عفراء.. وعنده بنتين وولدين. موزه اول سنه في التقنيه ... ونوره ... رابع سنه في جامعة زايد ... وفاضل وعمره 16 سنه اول ثانوي .... ومحمد و10سنين ....
... ونهيان عمره&nbsp;35 سنه ماخذ وحده اسمها اليازيه .. وهب راضيين هله عليها لانها كانت مطلقه... وعنده منها ولد وبنت ... عزه وعمرها 7 سنين وعلي وعمره 5 سنين .... وسعيد اللي عمره 28 سنه كان خاطب بنت عمت امه ... وكان عرسهم قريب .... وعاشه عمرها 30 سنه ماخذه ولد عمها عندها بنت اسنها عليا وعمرها 16 سنه اول ثنوي في مدرسة شمه ... وعندها بنت ثانيه خوله وعمرها 12 سنه ... والحينه العاش حامل ...
.. وخليفه اللي عمره 24 سنه ماكان في البلاد كان يدرس خاري في استراليا وكان عنده اخر كورس وبيرد البلاد يعني 3 شهور وبيرد ....وجابر كان عمره 22 سنه خقاق ومافي اخق عنه في بين الجسرين بكبرها طوييل وراعي بنات وعنده اكس فايف حمرا عليه رقم بوظبي احمر رباعي .... ويدرس في جامعة عجمان .... ونوف عمرها 20 سمه تتدرس في جامعة زايد ويا بنت اخوها .........

وامهم : عزه



ميثه : الو مرحبا خالتيه شحالج ربج بخير ؟؟
ميره ]ام عبد الله [ : هلا والله هلا ببنتي بخير وسهاله يعلني افداج شحالج وشحال هلج صوبج ؟؟؟
ميثه : بخير وسهاله خالتيه وشحالهم قوم خالي ربهم بخير ومايشكون باس ؟؟
ميره : الحمد لله غناتي كلهم بخير
ميثه : عساه دوم ياربيه ... خالتيه رواضي حذالج ؟؟؟
ميره : لا فديتج قاعده فوق ثواني اتريي يعلني افداج .. بزقرها لج ...
ميثه : ان شاء الله خالتيه ..
ميره : روييييض وريييييض ........ يارووووويض ... وصمخ ياربي تعالي حليلها بنت عمتج ميثه تباج ...
وهذيج اللحظه عبد الله كان قاعد في الصاله يجلب القنوات وكان طايح على ريل امه يدلع الا امه يوم رن التلفون فرت راسه عالمخده وراحت ترد عالتلفون ... ومن سمع طاري ميثه فز قلبه ... وتم مرتز في الصاله ....
روضه : ان شاء الله امايه عاد عن القذا يايه ..... روضه اف يامايه واله امج قذا بالقو بعد ... منوه اللي متصل يعني خير ياطير ليكون اللي متصل زايد بن سلطان ونحن ماندري الا هي ميثون ومن درابها ....
ميره : صص صاه صاه هيهاااء يله عاده كله ولا الميث فديتها ...
عبد الله .: هي والله كلا ولا ميثه ..
تتطالعه رويض وتغمزله غمزه خبيثه ...
روضه : الو مرحبا وسهلا ياحي هالصوت والله ااااه يالله محلاه ..
ميثه : احم احم فديتني استحي تعالي انا اللي من درابي .. ولا انتي .. تنشدي كل البشر منوه ميثه الرميثي بيخبرونج .. ..
روضه : رميثيه ماتنلامين الخقه راكبتنج من راسج لين ساسج ..
ميثه : يله يله جب عن الهذره الزايده متصله اخبرج بنيكم العين هاذا الاربعاء ...
روضه : والله عنلات صداج ... قولي والله .. يااااي يس يس ... وشلت المخده وفرتها على ويهه عبد الله ...
عبد الله : هاي المينونه متاكده انها بنتج ؟؟؟
ميره : ماادري ياولديه ؟؟؟ اتخبر ابوك .... هههههههه ...
روضه : ماعليه ماعليه ياحرمت حمدان ...
ميثه : ايييييييييييه رويييييييض انا امرسج وانتي يالسه تتناقرين ويااااهم .. جلبي ويهج اقول على الصفحه الثانيه خخخخخخ ...
روضه : الساعه كم بتون .. تتدرين انه بيرحون يخطبون حق خالج منصور ... حبيبة القلب عنوووووود ...
ميثه ... ههههههههه ادري يالذكيه عسب جذه نحن بني .. عسب امايه تروح وياهم ...

العنود كانوا عدال بيتكم منصور يحبها ويموت فيها ماكان بينهم غير الرسايل والنظرات واليهال اللي يعطونهم حلاوه ... ويروحون يوصلون الكلام ... يعني مسوين اليهال حمام الغرام ..... بس هل العنود انتقلوا منطقه ثانيه .. غير المنطقه اللي كانوا فيها لانه بيتهم كان ضيق وماكان يكفيلهم كلهم ... وانجلعت روح منصور من مكانها يوم راحت العنود عنهم ... بس كان بعده يروووح عن اخوانها وكل ماايي يحصلها واقفه عند باب الصاله ... وكان واعدنها انه ماياخذ حد غيرها لو يموووووووت وهي بعد .. واعدتنه بالهشي ...


روضه : اف الله يسعدهم والله هذيله قيص وليلي من خمس سنين يحبون بعض واخيرا يعني ..
ميثه : جفتي عاد ... خلاص رويض برايج الحين بروح ارقد عندي دوام باجر...
روضه : خلاص غناتي سي يوه باجر ... في العين ... تعالي بتبابتون كالمعتاد بيتكم يدتيه صح
ميثه : طبعا يعني وين بنبا على راسج مثلا ؟؟؟؟؟؟ هههههههههه ..
روضه .: انا احطج عراسي ووووووووع ...
ميثه : رويض اقول ..
روضه : هلا
ميثه : سكرت التلفون في ويهه روضه عسب تادبها ..
روضه : عنلت صداها هاي الرميثه سكرته في ويهي .. اااخ ويهي يعورني اااااخ ... وتمت تصارخ ..
امها + عبدالله يضحكووو ن عليها ....
ميره : اجدت فيج عيل تقوليلها وع اشعنه ..
عبدالله قام وفر المخده على ويهها ... وشرد برع ... ويقولها ههههه لحفي ويهج عن القفطططه خخخخخخخ ..
روضه: شفتي هاذا الخديه شفتيييييه والله يشووووف ...
وتركض وراه وهو يركض تلحقه ومريومه يوم شافتهم يركوضون تتحراهم يلعبون قامت وشلت المضراب مال الذباب وتركض وراهم في البيت ...
اللي بدشت بو عبد الله ] حمدان [ ... هي هيييييي بلاهم عيالج .... يضاربون تعرفم انته هيله ديج وديايه ...
بو عبد الله يفتن عليهم ووقفوا ... ويصد على مريومه ]مي مي [ بابا ليش تركضين واهم عيب هذيله اخوانج ....
ميمي : لا هذيله مب خوااني هذيله كلهم ذبااااااااااب ...
كلهم يضحكوووووون على ميمي .. ..
المهم راحوا كلهم يتعشووووووون وراحوا ناموا عقب ....

يوم الاربعااااااء
الصبح
منصور : واعي من صباح الله خير امايه امايه ترا اليوم خطبتيه ... ..
ام حمدان : حشا ياولديه ندري ندري والله بروح بس خل شمه اتي من بوظبي وبنروح ...
منصور : امايه كل اللي يببونه قولهم اوكيه اي شي لا ترفضونه حقهم
ام حمدان : يابويه هيله يرانا وان شاء الله مابيردونا .... يله انته روح دوامك عن الخريط من صباح الله خير ..
منصور : ان شاء الله امايه ان شاء الله
شويه بنشة ساره وريلها سلمت على عمتها ووياهتها.. وبطي حب راس امه ..
ساره : منوه كان عندج عمتيه ويا منوه ترمسين ؟؟؟
ام حمدان : هاذا منصور يعلني افداج قاذني قذا ... عسب سالفة خطبته اليوم ..
ساره : ههههههههه ياله ياعمتيه .. خليه جي كم مره بيخطب .. هو ؟؟
ام حمدان : يله اللي يباها بنخطبها له ... كله ولا منصور فديته .. واما اليتيم فلا تقهر وانا مابا اني ارد عيالي في شي ..
ساره : الله يخليج النا ياعمتيه ... يعلني افداج.... عمتيه الا بتخبرج .. يوم يتي تخط بوني شو كان حال بطي .... خبريني فضحييييييه .. وطلع لسانها حق ريلها ..
بطي : امايه لا تخبرينها هاي بنت الخوانيح لا تعقين في سانها شي ...
ام حمدان : لا بخرها سواد ويهك .
بطي : امايه ستري عليه انا ولدج ..
ساره : جب وانا بنتها ..
ام حمدان : فديتكم كلكم الا عيالي .. يابنتيه اول يوم رحنا نخطب قال هاه بشروا وافقوا عليه .. قلناله هيه وافقوا ..
ويوم يا بيشوفج وظهرتي جدامه وشافج لفيتي لفه وروحتي .. ويوم نحن رادين صوب العين اونه انا ماشفتها عدل ليش مايت يلست .... لا بشمه اخته تنقز في ويهه حي بعد والله وين تيلس في حظنك ان شاء الله .... الا بطي يرد عليها عادي انا ريلها ليش ماتقعد في حظني .. مانجب لين ماظربته على راسه عسب يستوعب الكلام اللي يالس يقوله ..
ساره : هههههههههههههه فضحووووه فضحووووووه اجديتي فيه والله ياعمتيه يتادب ..
بطي : ماعليه ياساروه دواج عندي .
وظهر بطي وسرح صوب دوامه ...
ساره قاعده في الصاله وياعمتها يسولفن .. الا بنشة شمسه ...
شمسه : صباح الخير خالتيه وتوايهها ..
ساره : صباح النور بالعروس
ام حمدان : هلا بنتيه اشعنه ناشه من وقت ..
شمسه : تعرفيني خالتيه طاري الرقاد مادانيه خليته لحمد ولدج .... طاحونة رقااااد ..
ساره : حليله سمي بالله عليه
ام حمدان : ههههههههههه من هو ياهل وهاذا حاله شسويبه ؟؟؟ بالني بلا ..
شمسه : فديته ريلي ...
وقعدت شمسه وياهن ... الا بنشة ريسه من الرقاااد .. تربع تربع ..
ام حمدان : طالعوا طالعوا الحمد لله والشكر الناس اتنش اتسلم اتتريق .. وفلانه تربع ادور الدريول ..
ريسه : هااااي حريم اخواني هااي امايه
ام حمدان : عنبوه هالمذهب ..الله عليج .. هاااي . لا الغاليه بااااي
ريسه + شمسه + ساره : ههههههههههههههه
ريسه : القوا علموهن العياييز بببباي .. ويينك ويييينك ياغيث تسمع غايه شو تقول تقول باي .......ههههههههه
ام حمدان : سكتي يله يامسودة الويهه .. روحي عن لا يسكرون باب التقنيه في ويهج .
ريسه : اوكي اوكي ببببباي ماماي ..
ام حمدان : هاي بنت بله عليكم ؟؟
ساره : عمتيه تراها الصغيره لازم بتتدلع ..
ام حمدان : وشو اللي كاسر بيدي غير انها هي الصغيره ..


في بوظبي

الظهر
شمه : يله ياعيااااااااال بنرووووح .. استعيلوا خالكم منصور قاذني من الصبح في التلفونات
ميثه : ماينلام امايه ... يله سرينا .... امايه وهزاع ... ؟؟
شمه: يوم بيوصله الباص بقول حق الطباخ يخبره ويقوله ايي العين ..
ميثه : راااااااشد ريمووووووه يله
راشد : انزييييييين ياااااااين ....
شمه : يعلني افداه المر والله في القنص واله انه الدار عقبه ماهي بمرغوبه ...
ميثه : امايه اوب اووب وينك يالمر تعال وشوف شمه قامت اتعق فيك قصيد
شمه : انطبي انتي انطبي ......
ميثه : هههههههههههههه ... خلاص انطبينا ...
ركبوا السياره الاستيشن مالهم وراحوا صوب العين بييييييت ابو شما .... وصلوا العين ...


في العين منصور يترايهم عند باب البيت .........

منصور : حيا الله هل بوظبي حياهم الله نوروا دار العين
شمه : اااه منك ياللوتي اول مره انا اي العين اللي يقول الحينه اعرف شو وراك
منصور : فديتج ختيه ثرج الا عايتني وطايختني .....
شمه : ولديه تراااااك
منصور : فديت امايه شمه اناااااااااا ويبوسها على راسها ...
ويسلم حمد وميثه وريم ... على منصور ويحدرون البيت.... ريم كاشخه لا بسه تنوره قصيره جنز وبوت لين تحت الركب وبدي عليه باربي ...
منصور : ريمووووه كاشخه فديييييت وحي انا اممممم بوسه بوسه حق خالي هنيه وهنيه
ريم : مابا مابا خلاث انته بث تبا حد يبوثك ...
منصور : هههههههههههه ظاهره على امج ... ورميثيه ماتنلامين
ميثه : احم احم كله ولا الرميثات ..
سلطان : ياي من بعيد ومن درابكم ... ههههههههه .. حيا الله هل بوظبي ..
هل بوظبي : الله يحييييييك ويبجيييييك ....
ويشل سلطان ريم ويقولها واايه فديت الكاشخين يله ارووح العين المول ..
ريم : الاااااه بتوديني مول يله ودني ماماتي انا بثير ويا ثلطان الاين مول ..
شمه : ومابغيتي غير سلطان يوديج هاه الا رمسه الرمسه في مخباه يظهرها ويعقها ..
سلطان : افا يابنت غيث ماهقيتها منج والله ... يله حدروا حدروا ..
حدورا هل بوظبي وسلموا على شمسه وساره وشلوا غيث الصغير اللي كان يالس على ريول يدته ...وحبوه ...

المسااااااااا
ساروا قوم غيث .. بيت هل العنود بيت ......... محمد الكتبي ... وكان منصور مودنهم ....

وسلموا عليهم وقعدوا وياهم وخذوا علووووومهم ... وفتحوا الموضوع وياهم .؟؟؟



ظنكم هل العنوووووود بيوافقون ولا بيرفضووووووون
ظنكم ان رفضوا شو بيكون حال منصور
وشو بيردون عليهم هل العنووووود ...؟؟؟
هيييييييه ولا لااااااااااااااااا




انتظــروا التــكــملـــه <IMG src="http://oasis.bindubai.com/emoticons/fa42.gif" border=0>


أشــواقــي <IMG src="http://oasis.bindubai.com/emoticons/fa35.gif" border=0></P></FONT></font>

<font color='#8D38C9'><p align=center>تفضــلوا وانشاءالله يعيبكو



الجزء الثاني

المهم اتعشوا الجماعه عند بيت قوم محمد الكتبي ....
ام حمدان : فتحت الموضوع ... وطلبت ايد عنود حق منصور
ام العنود : اسمحيلي فديتج بس ولد خالتها من هم صغار يباها ومحيرنها .. والدنيا نصيب
شمه : بس الولد يبا البنت والبنت تباه وانتوا تتدرون بالهشي
ام العنود : الشور ياشمه هب شور البنت الشور شوري وشور ابوها وابوها اكوه في الميلس قاعد روحوا ورمسوه .. وجوفوا رده
ام حمدان : لا ياشيخه نحن من زمان يران وان شاء الله مابيفرقنا شي
ام العنود : ها العشم فيج ...
شمه : ] وبكل عصبيه وميته من الحره على اخوها شو بيكون مصيره [ امايه قومي نظهر .. خلاص برايكم البنت بنتكم.. وبنتكم عندكم ولدنا عندنا ..
ام العنود : هالشي مايزعل ياشمه ...
ام حمدان : لا محد ان شاء بيزعل ومثل ماقلتلج ياشيخه نحن يران وان شاء الله مافي شي بيفرقنا ..
وطلعوا من بيت قوم محمد الكتبي ... وركبوا سيارة منصور .. وردوا صوب البيت ... في السياره...
منصور: بشروا شو صار ان شاء الله وافقوا صح ...
ام حمدان : ودمعتها في عيونها صاخه وماتروم تتكلم ...............................
شمه : منصور انا عندي بنت في بوظبي قبيسيه حلوه قمر الف من يتمناها ...
منصور : انتي تعرفين اني انا احب العنود وواني انا لو تذبحوني لو تجتلوني ماباخذ غيرها ... كيف تبوني اجتل روحي اللي حبت العنود وابدلها بوحده ثانيه.. واخليها اتحل محلها.. محل العنود اللي ملكت روحي من خمس اسنين لا لا لا لو اموت لا لموت ..... انا عرفت الرد خلاص ... والدمعه واقفه في عينه يعض على شفايفه من كثر الالم اللي كان خانق صدره .. كان وده يصارخ جدام هله يصيح باعلى صوته يقول حق الناس كلهم انه خسر روحه خسر قلبه خسر انسانه عاش وياها الحب من اول لتاليه .... عرف الحب على ايدها فهم معاني الحب من حبها ... بس للاسف الحب قاسي ولازم نحن نصارع هالشي ونتغلب عليه .. مهما كان قوي .. عشان نوصل للي نحن ننباه ...
وصلوا البيت وكل اللي في سيارة منصور ساكتين ... ولا حد منهم قدر انه يتكلم او انه ينطق بحرف واحد ... نزلهم منصور عند باب البيت .. وروح ولا حد اجرأ يساله منصور انته وين رايح ... منصور كان في الشارع مثل المينون التايهه اللي مب عارف وين يروح وين يدق براسه في اي مكااااااان ...تم يسوق سيارته لين ماوصل بوظبي على الكورنيش وبدون احساس وقف سيارته .. ونزل من السياره .. وقف على البحر وصرخ باعلى صوت ااااااااااااااااااااااااا ااااااااااااااااااااااااا ااه ااااااااااااااااااااااااا ه يازمن لييييييييييييش لييييييييش قسيت لييييييييييش ؟؟؟؟؟؟؟؟؟؟؟؟؟؟ ... صرخته كانت نابعه من قلب يتالم من قلب ينزف دم ... وكان يشوف امواج البحر اللي كانت تتطلاطم بكل قوه كانها كانت تجاري افكار منصور اللي كان قاعد على البحر ... ليش هالحب قسى على منصور ليش حطم انسان كان كل ذنبه انه حب من قلبه ... ليش مكتوب على الانسان انه اول ماايخطي في درب الحب يكون مصيره العذاب ليش ليش ..؟؟ ..... ليش الحب صرا جريمه يستحق الانسان انه يتعاقب عليها بالججرح والماسي والرفض والرد ....


ضاعت انفاسي وضعت انا في حياتي وقطعت عيوني من الامل كل الحبالي
ارتجيك ياموت انته اخر امالي خذني اليوم ماغيرك دوا لي في زماني ....



ابكي عيون الناس ابكي عيوني صاحت من الطعنه موواويل الاحزان
نار فراق العنود دموع دمعه جنوني من حولها شلت منصور والعزا وهم اكفان
ياغصن ميت ياصحاري ظنوني صار العطي في دنيتي من اليوم عنوان
كيف ارتوي والموت غطا جفوني مات الامل ياكيف ترتاح الاجفان
دمعي كتبها فوق خدي مزوني ورمشي عزف بمفارقة حزن الاكوان
لا ليل .. ليل ولا الصباح بيكويني له فرحة حتى ولو عاش فرحان
]عنود[ العالم ملامح جنوني شعر وفزع ومعاشقة حرف ولسان
وش لي يفيد الشعر يرثي عيوني مات ويعيش الهم في دمي انسان .........


كلمات الشاعره : شمس الغروب


ودي ابكي لين مايبقى دموع ودي اشكي لين مايبقى كلام
من جروح صارت بقلبي تلوع ومن هموم احرمت عيني المنام

انطفت في دنيتي كل الشموع والهنا مايوم في دنياي دام

غربتي طالت متى وقت الرجوع كل عام امني احلامي بعام

ان شكيت الحال ماحد لي سموع وان سكت الناس زادوني ملام


طال صبري والزمن عيا يطوع والرجا باللي عيونه ماتنام

في بيت غيث الشامسي ...

الكل كان متيمع في الصاله يتريون الرد
ام حمدان : السلام عليكم .. وتروح حجرتها والكل يطالعها بدون لا تكلم اي حد .....
شمه : الله ينبطها هي وبنتها مالت عليهم يوم الا يردوم منصور منصور سيد الرياييل والف وحده تتمنااااااه مب هاي المزطه شويخ وبنتها ...
الكل منصدم ليش ليش والكل كام يفكر في حال منصور
شمسه : شمه وين منصور
شمه : سكتي ياشمسه والله انه الريال هب في حاله مايرمس ولا يقول شي اتقولين جابين ماي مجمد على راسه ...
ساره : الله يعينه والله والله مايستاهل حليله كان دوم يقولي بوديج يام غيث بنروح نختار الغرفه حق عنود ... ليله والله مسكين مايستاهل
ميره : لا حول ولا قوة الا بالله حليلك والله ياولديه يامنصور .... ياله يالزمن .. ماعليه كل شي نصيب ... وتقوم تروح تشوف عمتها ..
روضه و ميثه يطالعن بعض وكل وحده عيونها متروسمه دموع على منصور وعلى حب حياته اللي ضاع منه ... فجاه وبدون مقدمات....
ريسه : وهي تصيييييييييح اخوها لانه وايد كانت متلقه فيه ليييييييييش ليييييييييييييييييش ؟؟؟؟؟؟؟؟؟؟؟؟؟؟؟؟؟؟؟؟؟ .............


في غرفه غايه ] ام حمدان [..... عمتيه عمتيه ....
غايه : خير ياميره ..
ميره : ياعمتيه العرس في هالدنيا نصيب وعسى ان تكرهووا شي فهو خير لكم ..... ومحد بياخذ غير نصيه ياخالتيه من هاي الدنيا واللي مكتوب عالجبين لازم ترا العينن بتشفه وانتي انسانه مؤمنه ياخالتيه وعارفه ربج عدل والله في كل شي له حكمته ...
غايه : والله اني ادري بكل هالكلام ياميره لكن ولديه ولديه حشاشة يوفي ... لو جفتي حالته .... اااااااااه ياولديه وينك ... ؟؟؟؟
ميره : ماعليه شر ياعمتيه الحين بتصله .. وتمسك ميره تلفونها وتتصل في منصور ومنصور مايرد على حد .. لانه كان فار تلفونه في السياره ....
غايه : مايرد صح ياميره وتمت اتصيح على حال ولدها ..... اللي حلتبه كارثه قويه كان اسمها الحب ... اعظم كارثه ممكن انها تصيب الانسان وتقسى عليه .... وتخليه يذكرها طول حياته .. لانه اول حب ...
ميره : ان شاء الله يوم بيهدا بيرد خلاص ياعمتيه وقعدوا يهدون في غايه لين ماهدت .. وقامت تصلي ركعتين ...




في بيت محمد الكتبي .........

العنود : وهي تصيح تصيح حب حايتها وقالت اسوي مااسوي .. ماتخلا عنك يامنصور ماتخلا عنك .... راحت عند امها وهي تصيح ليش ليش يامايه ليش حطمتي حياتي ليش رضيتي اني اعيش بدون روح انتي تتدرين اني احب منصور الكل يعرف بحبي انا ومنصور ليش اتسووون فينا جيه ليش ليش يامايه انا هب بنتج انا هب من لحمج ومن دمج ليش ماحسيتي فيني ليش ماقلتي بنتي شو بيحابها اذا خسرت الانسان اللي حبته طول حياتها مافكرتي فيني بكل برود وبكل انانيه فكرتي في نفسج وفي ولد اختج يعله المووووووت يعله المووت ياربي....
شيخه : حست انها بنتها جدامها مينونه ماتعرف شو تقول ماتثمن الكلام اللي هي تقوله ماحست بعمرها الا وهي ماده ايدها على بنتها وبكف قوي .. علة ويهه العنودي هاك الويهه اللي كله ملامح وبراءه وطفوله .. يحصل هالكف ... بس خلاص استحملتج وايد مابتاخذينه ومابتخاذين الا ولد خالتج ... ولا روحي لا انتي بنتي ولا انا امج ليوم الدين ..
ابو العنود : شخصيته شعيفه ريال بس بالاسم الحرمه هي اللي كانت دايره البيت بكل مافيه صغيره وكبيره محد يامر الا هي ومحد ينهي الا هيه واي شي هي تقوله هو يقولها ان شاء الله والله تبينه بيصير ...

العنووود : اضربيني ترومين تجتليني جتليني بعد خليني افتك منج خليني ميته ولا الحال اللي انا فيه ولا انج تخليني جسد بلاروح ...
وركضت العنود غرفتها واطاحت في حظن اختها حصه وهي تصيح حصه كانت اكبر من العنود بسنتين ... هاي من دون احساس هاي ماتحس هاي ليش ام لييييش خبريني ؟؟؟
حصه : خلاص ياعنود خلاص خلاص شو بيدج انج تغيرنه انت بنت ماترومين تسوين شي
العنود : وبكل ثقه بسوي وبتشوفووووووووون
حصه : استهدي بالله
العنووود : .................................................. ......



الصبببببببببببح يوم الخميس .....

في بيت غيث الشامسي ... الكل مانام الكل كان يتريا منصور ...وماتم حد ماتتصل حق منصور ... ومنصور ماير ... وتوهم ناويين يبلغون الشرطه .. لا هو توه داخل ... ولا حد قدر انه يكلمه الكل تم ساكت ... دخل الغرفه .. ونااااااااااااام نومه كنه اول مره ينااام ... ونام لين يوم الجمعه الصبح ...

الجمعه الصبح .........................

نشت شمه ووعت بناتها عسب يسرون بوظبي ....... ونشن البنات وهن مايبن يسيرن ...
ريم : وهي تصيح ماما مابا اثير ابا يوده مابا ا اثير ثيري خلني ..... ماريد اريد يدوه .. يدوه توفي ماما ....
شمه : يله عن الدلع قومي يله بنروح بوديج المارينا بنسير عالم فتون وبيي بابا اليوم يله ..
ام حمدان : الا شمه وينه هزاع ولدج هب الاربعاء ولازم يظهر
شمه : هي يامايه بس حجزوهم هالاسبوع لانه عندهم امتحانات وعقب بيعطونهم اجازه اسبوع ..
ام حمدان: الله يوفقه ياربي
شمه : امين يامايه
ميثه : يله امايه انروح الاغراض كلهن في السياره ... وولدج رشود وياهم بعد ...
شمه : غربل الله بليسج الحين ولديه استوا اغراض ..
ميثه : عادي امايه تراه واحد منهم ...
شمه : يله يله فارقي عن الهذربان هاذا الزايد ..
ميثه : تسلم على يدتها تروح وتركب السياره
شمه : يله فداعة الله امايه وسلمي على البنات وطنيني على منصور ..
غايه : يابنتيه من البارحه وهو ماذاق حايه ... الله يعيني عليه والله يسامحهم على اللي سووه ؟؟؟؟
شمه : ماعليه يامايه بينسى ان شاء الله
غايه : امين يابنتي امين ..



المسا الكل كان قاعد في الصاله في بيت .. غيث الشامسي ..

ظهر منصور ... من الغرفه وشل وياها غرشة بيبيسي وشربها على الريق من دون اي شي ... وهو خاطف بسيارته .. راح واشتراله ملبورو .. باكيت زقاره ... وتم يدوخ .. لين ماخلص نص الباكيت وهو هب حاس في عمره ... مع انه كان يكره شي اسمه زقاره ..

وهو في السياره كان يسمع شلة عبد الله الرميثي ] لاباس يالدنيا [ ...


لا باس يالدنيا انا اللي حريبج دوم
وهذا قدر ربي وهذي مكاتيبي
لي دارت الايام ووزايت حظ القوم
وفارت بيه حظوظي وكثرت متاعيبي
اضحك مع الجلاس لو خاطري مهموم
وبداخلي نارن تزيد اللواهيبي
وعزي لدفهن ماعرف لذته للنوم
يسهر مع نجوم السما لين ما تغيبي
على وليفن في الضماير حبي له مرسوم
وعليه حزني فاق حزن الزير عكليبي
لايام تضمي وعالصبر ما بقت العلوم
وان طالت الفرقا صعيبه نطبيبي
لكن وصيه للنشاما لي بدت لعلوم
وقالوا رحمه الله ما مات من شيبي
لفوني بثوبه وقولوا طلبة المرحوم
ومن عطره المرصوص كثروا التصبيبي
يمكن اشمه لو انا من شوفته محروم
وحفظوا الوصيه ياهل العشق لا تغيبي.....


<a target=_blank href="http://www.alamuae.com/alam/alrumethi/alrumethi_la-baas.ram" target=_blank>http://www.alamuae.com/alam/alrumet...thi_la-baas.ram</a>



انتهى الجزء

ظنكم شو التطورات اللي بتستوي ؟؟؟
ظنكم بيتغير حال منصور للاحسن ولا للاسوء ؟؟؟؟
ظنكم حد بيوقف منصور عند حده ولا بيتم مثل ماهو ؟؟؟؟






اتــريوا التكمله <img src="http://oasis.bindubai.com/emoticons/smile.gif" border=0>
&#60;&#33;-- / message --&#62;</p></font>

<font color='#8D38C9'><p align=center><font color=#ff0000>الجزء الثالث ..</font>

انجلب الحال واتغير حال منصور واتبدل من حال لحال ... هاك الريال اللي يرقد من وقت ويقوم من وقت عشان يروح الدوام ... صار يرقد في النهار وينش فليل .. وحته الدوام عافه وماقام يروح دوامه .. ويوم ينش فليل يشرب بيبسي ويدوخ .. زجاره ... ويظهر من البيت ويروح اماكن الخراب والدمار .. الفادق والمراقص .. ودر صلاته ... ورد عبادته لربه ... انسان خسر كل شي في هالدنيا من بعد ماخسر العنود ...


ان المفروض من منصور انا مايسوي اللي سواه كان المفورض انه يستعين بربه بسبب حال ضيقه ويتوكل على الله لانه كل اللي صار كان بامر رب العالمين ... وهاذا كله كان اختبار حق منصور من رب العالمين بس للاسف منصور في لحظة ضعف والم وضياع استسلم لاشياء ظن انها بتنسيه وبتسليه عن حب حياته ...مع انه كان واثق انه مافي شي في هالدنيا ينسيه هالحب لين ماتنتهي الدنيا ويرحل من الدنيا ويصبح دفين ....


وش بقى لي غير ذكراهم وان ذكرته ماضي سنيني
هلت الدمعه لفرقاهم تفضح اللي بينه وبيني
احلى ايامي كانت وياهم يوم كانت تسكن مهجتي وعيني
وارسم البسمه على اشفاهم واهتبي يون انها تجيني
ينشرح صدري لروياهم وان سالتني قلت يكفيني
ماتمنى ابد حد سواهم والقلب مايسكنه اثنيني
ماخلق ربي بحسناهم ومثل زينه ماشفت زيني
ولا بكل الخود شرواهم وعن بنات الكون تغنيني
يانسيم يحمل شذاهم قلهم باقي الوفا فيني
مانسيت ولا ااقدر انساهم وحبهم يجري بشراايني
والعهد باقي لعيناهم وصار ظلي اللي يخاويني
في سويدا القلب سكناهم وفي ضميري شوقي يدفيني
يعل عمري اليوم يفداهم من حفظته بدنيتي وديني


كلمات الشاعر : دامع العين

منصور كان قاعد في الديسكو اللي في الفندق وياربعه } الشله الفاسده اللي تعرف عليهم { عقب ماود خوان شما رياايل الميالس والخيام ... والقهاوي ... راح رابع شباب ماينعرف اولهم من تاليهم مافي شي هامنهم في هالدنيا غير البنات والسهر طول اللليل ... كانوا قاعدين وربع منصور كلهم يرقصون ... ومنصور مكان متاقلم وايد ويا الوضع الا بدشة .. وحده اسمها داليل لبنانيه .. كاشخه ومتعدله ومن شافت منصور ... رحت واتخبرت عنه ... وعرفت ولد منوه وشو عنده من السياايير .. ويت تتلصق فيه وتسويله حركات وهو كان لا بسنها ... لانه هو متعود على هالجو .. ولها الجو بالنسبه له يديد ... وبعد مرووور الاياام منصور اتعود على هالشي لانه داوم عليه كل يوم فليل ومااقدر يصبر يوم بدون لا يروح ها المكان .. وماخلا بنت في حالها ... واتعود واخترب هاك الريال الحشيم اللي الكل كان يطريه .... للاسف .. ليش ؟؟ ليش يامنصور تخلي حال الزمن يقسى عليك وتستسلم ..؟؟؟


في بنت غيث الشامسي .... الفليل الساعه 12 .. في الصاله كانن قاعدات ساره وشمسه .. ويا عمتهن ويترين ريايلهن .. وريسه نايمه في غرفتها ... وسلطان كان توه ياي حاط قناة دبي الرياضيه ويالس يطالع ... شمسه وساره يسولفن ... عن برمود اللي في العين مول مسوي تنزيلات ... وعن البضايع اليديده اللي منزلنهن ...
وام حمدان ... هب في حال ولدها شال كل تفكيرها ... وتفكر فيه واتفكر بلي حل فيه ...


بطي : هوووووووووود هوووووووود ...
ساره : اهدا بو غيث حياك الله
بطي : السلام عليكم
الكل : وعليكم السلام والرحمه
بطي : الا وين ريسه ؟؟ ...... ووين منصور ؟؟ ........
ام حمدان : ريسوه فديتها راقده .. باجر عندها دوام .. ومنصور اه يامنصور ... منصور ثره ينجاف ...
بطي : وهو معصب .. بس عاد يامايه ولدج وايد مصخها شو يتحرا البيت هاذا فندق ايي ينام ويظهر ... مسوي عمره ياهل .. وخير ياطير حب ورفضوه شو بيسوي ... يقدر يغير من نصيبه شي ؟؟
ام حمدان : وهي تصيح وانا شو بيدي ياولديه خبرني شسويبه ... انا ودي الا ولديه يرد مثل مكان
ساره : ماعليه يابطي الله بيهديه في يوم
بطي : ماعليه بنريا هاليوم
ام حمدان : اميييين يابنتي ياساره
بطي : يله انا بروح عيل بنام باجر ورايه دوام حد يامرني بشي ..
ام حمدان : لا سلامتك فديتك اوبه برايك روح ارقد ..
ساره : وتقوم وتروح ورا ريلها يله تصبحون على خير ...
سلطان + شمسه + ام حمدان : وانتي من هله
سلطان: بطي لا تحر روحك ... صدقها حرمك مصيره في يوم بيطخ ... وبيمل من اللي يسويه ...
شمسه : يله عيل انا استاذن .... تصبحون على خير ...
سلطان : دووومه يطفر في شمسه .. وانتي من هله يام الخير ....
شمسه : انطب انطب انته مايشبع من الهذربان توك ساكت اتشوف المباراه ولازم تنغشني يعني ...
سلطان : هي والله شدراج انتي ... مااروم اجوفج جدامي وماعطيج رايي بصراحه ...
شمسه : وشو رايك ان شاء الله ؟؟؟؟
سلطان : بكل صراحه في خاطريه سؤال ...
شمسه : امر يا ابو الاسئله ..؟؟
سلطان : هاذا ويهه ولا يوم السبت ...خخخخخخخخخخ
شمسه :ليش ماشفت ويهك؟؟؟؟ ..... يوم الاربعاء
سلطان : هههههههههه امايه امايه ضحكي ضحكي تحاول تنكت بنت اختج ... اونه يوم الاربعاء شو بلاه يوم الاربعاء مايعيبه شي اخر يوم في الاسبوع واحلا يوم ... ولا يوم السبت كلهم لا يعه جبودهم منه ...
شمسه : اتفر سلطان بقوطي الكلينس على ريله .. وتشرد في حجرتها ...
ام حمدان : تضحك عليهم .... ياوبه حليلها شو تبابها حرمت اخوك ..
سلطان : خليها تتادب عشان ماتسبني شفتي هي اللي بدت
ام حمدان : ياللوتي انته انا من الصبح ميسله وياكم واخر شي تقول هي اللي بدت ... روح رووح ارقد ... لا افرك بها الجهاز مال تلفزيون ...
سلطان : ههههههههههههههه شو سالفتكم انتوا اليوم الكل ناوي عليه الكل يبا يصوب فيني ...
ام حمدان : عن الخريط روح ارقد اخيرللك باجر وراك جامعه ...
سلطان : هي صح ذكرتيني .. بروح اتصل حق نورووووووه ....
ام حمدان : ومنوه نورووووه من درابها
سلطان : امايه ربيعتيه ...
ام حمدان : وي ربعبك حمار اسود انته وياها في السكه ... وطاحت وماتت ...
سلطان : ههههههههههههههههههه .. احسن عسب افتك منها لانه مهاااااااااا تباني ....
ام حمدان : ومرض ياربي رووح ارقد لا والله انشلك بالعصا وتعرف شو اللي بييك ...
شلطان : ههههههههههههه رايح رايح ....
ام حمدان : مسود الويهه .. ويعترف بعد .....
سلطان : قون نايت ماماي امووووووه ويبوس راس امه ...
ام حمدان : لا تبوس ولا شي روح عند المزطه ملاااتك ....
سلطان : افا والله يا حمدان افاااااااااااااا .. يولن كلهن يعلهن يفدن تراب ريولج ياشيخة الحريم انتي ...
ام حمدان : هي قردن قردن روح ارقد عن الهذره الزايده نصيف الليالي .... ودخل ياطان غرته يرقد ودخلت ام حمدان غرفتها ترقد لانها كانت تتدري انه منصور مابيشرف الا على وقت الصبح .... لانها تعودت خلاص كل يوم هالموال عندهم ... بس باجر لازم اتكلمه خلاص ملت وطفرت ....


بيت المر ... الساعه 6 الصبح ....

شمه : واعيه من الصبح لانه اليوم بيي ريلها .. من القنص .. واوعي العيال عسب دوامتهم ...
شمه : ميثه ميثه يله يله عاد يامايه قومي ثرج عبرتي الرقاد من كثر ماترقدينه يله قومي ..
روضه : انزين يامايه انزين ونشت وتغسلت ولبست ونزلت تحت تتريق ..
شمه : تروح صووب غرفة راشد ،،، راشد راشد قوووووم .. وتمط اللحاف عنه .. وهو لاوي على اللحاف
راشد : امايه ماريد اروح والله كل الاساتذه غايبن عندهم حالت حداد واحد استاذ ميت ومحد بيدوام
شمه : انته مسود الويهه اشعنه تفاول على الريال قوووووم قوووم ياعذابي انا مابحدر الجنه الا من لوعت جبدي وانا كل يوم اوعيك الصبح ...
راشد : ااه يامايه شوفي شوفي حرراتي الف مستويه ...
شمه : منوه قاااااااال الف ياربي شو هاه الفييييييييين تصدق ....
راشد : ياويلي ياماه يله يله عيل خيلني ارقد
شمه : تبا ترقد هاه
راشد : فديتج وغلات المر .. هيه شيختيه برقد
شمه : ان شاء الله وانا كم ولد عندي وحليلكك انته محومود والاستاذ مالكم عاطنكم عمره ... برايك الغالي ارقد ...
راشد : اااااااه هي والله صدقتي
شمه : ماعليه يامسود الويهه وتروح اتييب كوب ماي بارد اتجبه على ويهه .. هاه بويه بشر رب الاستاذ ردت فيه الروح وحرارتك استوت 36 درجه
راشد : وهو يصارخ اييييييييييييييييييييه شو هااااااااااااااااااه
شمه : جب يله عنلات صداك مسوني مقصه عندك يله قووووووووم ....
راشد : اف منج يالشامسيه ملوعه بجبدي .. الا بتخبرج انتي ابويه كيف خذاج
شمه : خذت روحك الحيه ياربي وفكتني منك قووووووووم
راشد : لا حول قمت
شمه: ثواني وابا اشوف رقعة ويهك تحت تففففففففففهم
راشد : انزييييييييييييييييييييين عاد عن القذا
شمه : وهي تنزل عالدري اتشوف بنتها تتريق
ميثه : امايه وينه روشود اخنا عاااااادد
شمه : مسود الويهه انتي تعرفينه عدل هاذا ... هاذا ويهه مدرسه هاذا فخارت رقااااااد ...
ميثه : انزين وابويه متى بيرد ؟؟؟
شمه : اليوم ان شاء الله الساعه 8 بيوصلون ..
ميثه : دقايق وان مايا هاذا ولدج ولا لروح عنه واخليه يسير المدرسه يمشي .....
شمه : روحي رزوحي السياره بروح اشوفه ... شمه وهي واقفه عند الدري رشوووود رشوووووود
راشد : يييييياااااي انا عن الحشره يييياي
شمه : مابغيت اتي جان ماييت ...
راشد : قولي والله اروح ارقد يعني
شمه : مااعرف والله جان تبا هالنعال على راسك رووووووح
راشد : اااااااااف اااااااااف انا اللي بدش منج الجمه من كثر ماروح المدرسه ...
شمه : رووح راحت روح العدوة ختك تترياك وانته قاعد تتشكا حالك جنك عيوز يله فارج
راشد : بببباي ماماي ..
شمه : ......................................
شوييه بييت المر من القنص
المر : هلا وغلا بالشيوووووووووخ فديتهم اتولهنا عليهم ...
شمه : حيا الله بو هزاع شحالك يعلني افداك ...
المر : بخير وسهاله دامي جفت هالويهه ... المر كان يموت في شي اسمه شمه لانه هو اللي مربنها على ايده من كان عمرها 16 سنه .... وعاشت عنده اكثر من ما عاشت عند هلها .....
شمه : الله لا يحرمني منك هب جنكم الا طولتوا هل المره ؟..
المر : لا طولنا ولا شي بس الظاهر انه شوقح زايد بالقو هالمره ....
شمه : وهي قافطه من ريلها تبا تتريق ؟؟؟
المر : حد يحصله ياكل من هاي الايد الحلوه ويقول لا
شمه : بو هزاع ابويه الغالي اشعندك اليوم طايح غزل
المر : حرمتيه اذا ماطحت في حرمتيه غزل في منوه بطيح
شمه : خررررررررريط انته ولد رشود
المر : افا ماهقيتها منج يالشامسيه
شمه : لا والله ....
المر : هيه والله غناتي .... الا وين العيال ...
شمه : وينهم راحوا مدرسهم وهاذا رشود هلكني لين ماقام وراح ...
المر : هاذا مايينش بالزين لا يوم انا هنيه وفتنه وحده من عندي يربع الحمام الا انتي اللي يدلع عليج
شمه : ياله بالستر عيالي هذيله اذا مادلعوا عليع عيالي منوه بيدلع عليه عيل ...
المر : عيل اشعنه تتشكين منهم يوم انه هم عيالج . الا وين ريموه فديتها
شمه : راقده هاي ... ماتنش الحينه ... تسهر فليل اونه انا كبيره والكبار لازم يسهرون ...
المر : خلاص الغاليه انا بروح اتسبح وانتي تتدرين عاد الشركه من كمن يوم محد جابلها ...
شمه : خلاص الغالي ربي يحفظك ... وانا بسرح صوب عزه مرت فاضل من زمان ماشفتها ....
وروحوا الغرفه لبست شمه عباتها وسارت صوب عزه وحدر المر الحمام اللي يعزكم يتسبح ...
في بيت ... فاضل بن هزيم القبيسي ..
بيت هزيم كان اكبر بيت تقريبا في بين الجسرين ... لانه كان بيته وبيت اخوه سالم نفس الحوش بس كل واحد في فله. وفيه فلتين فلة فاضل وفلة سالم حرمته ميته وماعنده غير حريم عياله وماكان عنده بنات ... عنده 3 اولاد ... سعيد ومايد وخالد .... وكلهم كانوا معرسين وقاعدين ويا ابوهم ... وحتى بيت فاضل كانوا كلهم قاعدين نفس البيت لانه بيتهم عود وكلهم عندهم اقسام ... .. وفي داخل بيتهم عندهم ميلس رياييل كبير .. وكله متروس ماشاء الله رياييل ومايخلى الميلس ابدا .... ..


عزه : ادور في الحوش ... عبد السلام عبد السلام ... وعله تعلك ياربي .. تعال عنبوه هاذا بيت ولا مقبره

عبد السلام : جييين جييين ماما شو يريد ...
عزه : الحوش من كم اسبوع هب متنظف ..
عبد السلام : شويه وبيصيح .. ماما والله هازا توه انا ويا كومار يسوي بروش هاذا في هوا برا يجيب رمل ...
اونه عاد هو من الصبح هو وكومار يخمون الحوش واونه في هوا والهوا اللي يايب الرمل في البيت ...
عزه : انزين انزين عن لا تصيح علينا روح ازقر كومار وتعالوا نظفوا البيت مره ثانيه خلاص خف الهوا الحينه ...
عبد السلام : يهز راسه جين ماما ...
وشويه : بنشة عفرا وتنزل وتسلم على عمتها مرحبا عمتيه شحالج .؟؟؟
عزه : بخير امايه يعلني افداج ....
عفرا : اشعندج عمتيه تتحرطين على عبد السلام
عزه : ماشي يامايه شوفي الحوش كيف خايس من الرمل والغبره عنبوه ...
في بيت قم عزه عن الدري اللي في الحوش داخل البيت كانوا مسوين قعده حق الحريم .. قعدن عفرا وياعمتها ....
الا بدشة شمه عليهم
شمه : السلام عليكم ....... ياهل البيت ... وويا خدامتها واكنت شاله الخدامه دلت القهوه وملت الخمير ..
عفرا : مرحبا مرحبا اقربي حياج الله يا هزاع ..
عزه : وايه فديت من ياني .. وانا اقول شو بلاه اليوم البيت منور ثرها ييت غالي ونحن ماندري
شمه : يعلني افداج .. الغالي محد غيرج يام زايد ..
ويتوايهن الحريم ... وقعدت عندهم شمه لين اذان الظهر وروحت صوب بيتها ....



في بيت حمدان الشامسي ............ الظهر..........

روضه : اتحدر البيت توها يايه من التقنيه موصلتنها عمتها ريسه ويا الدريول ... السلام عليكم ياهل البيت ..
كلهم كانوا يتغدووون وعليكم السلام والرحمه ...
ووخت وحبت امها وابوها على راسهم
عبد الله : يقرب راسه منها وانا بعد
روضه : نعععععععععم قتليه وانته بعد تففففففو عليك وانته بعد .......
عبد الله : ماعليه يالعيووووووووز ماعليه انا بروايج .... يا ام اربعه واربعين
حمدان : شبلاكم انتوا عنبوه هب اخوان انته ريال وتتناجر وياها
عبد الله : ياله عاد يااابويه شو استوا ثرها اختيه يعني ويا منوه اتناقر مثلا ..
لطيفه : امايه هي روضه كله تضربني ضربتني البارحه
حمدان : افا ليش ماتستحي ...
روضه : انا ضربتج يالجذابه متى ؟؟؟؟؟؟؟؟؟
عبد الله : هي وانا بعد احيد يوم مطيتي شعرها وشتيها برع البيت ...
روضه : جب انته .......
عبد الله : جب يجبج حمار يلفج .خخخخخخخخخ
مريومه : ليلة عرسك هههي هههي ههي ههههه
ميره : بله عليك الحينه هيله عيال ....
حمدان : شو نسوي الله بلانا ابهم ..........
ميره : صدقت والله
حمد : امايه انا اليوم بروح العين مول بروح شتري الممي كارد حق السوني ماتخزن شي ... هاي مريومه الخبله راحت وعقته في الزباله اونه هاذا شريط صغير مايشتغل في المسجل ..
ميره : ثرها مريومه وايد نظيفه ماشاء الله عليها كل شي في الزباله ...
حمدان : فديت ميمي انا ..........
روضه : طبعا بتتفداها اخر العنقود ولا انا حليلي ضايعه في الطوشه لا اكبر شي ولا اصغر شي ...
عبد الله : فديتني انا ريال البيت انا العود انا البجر .. صح امايه ......
ميره : فديت بجريه انا ........
روضه : وااايه تراب امحق بجر جانك انته البجر ووووووووع امايه ماعندج ذوق ..
حمدان : بس بس يله سكتوا وايد تتكلمون ........



في بيت غيث الشامسي ....... المسااااااااا .......

شمسه كانت رياحه دبي عند هلها ريلها كان مودنها .... وساره كانت رايحه ويا ريلها العين مول عسب تتشرا حق عيالها من مذركير حق عيالها .. حق غيث وعليا ... وام حمدان قاعده تتطالع الاخبار في الصاله ... اروحها .. وريسه قاعده اتكلم هند في التلفون ...
هند : وعلوم منصور الحينه عقب اللي استوا
ريسه : واللله يعلم بحال منصور ... منصور وايد اتغير ياهند وايد ماعاد منصور القبلي ماياكل ولا يشرب وقام يدوخ الحين تصدقين
هند : ياويلي عليك يامنصور .. الله يسامحهم اللي كانوا السبب ....
شويه بظهر منصور من حجرته توه واعي من الرقاد ...
هند : وامايه ماتقول شي ..
ريسه : صاخه ماتروم ترمس بشي لانه منصور في الصاله بيطلع .. انزين وشحال خلفوني فديته ....
هند : الحينه انا ارمسج عن منصور وانتي تسالين عن خلفان ..
ريسه : احم احم ... منصور ماتبا اخلى الخدامه تحطلك عشا ..
منصور سويه ويحس بنغزه قويه وبالم شديد وهو مابا عارف وين هالمكان وقعد يصارخ مثل اليهال .. مب عارف شو يسوي ....
ام حمدان : يااااااااااااله يااااااله ياولدي .. شو بلاك ياولديه رب ماشر شو فيك ؟؟؟
ريسه : تفر السماعه وتربع صوب منصور .... منصور منصور شو فيك وين يعورك ..
دقايق الا انغمى على منصر وماقم يتحرك ...
ريسه : ماااااااااااااااااااااااا ااااااااات ماااااااااااااااااااااااا ااااااات
ام حمدان : قلبها بين ريولها ... كانت حاطه ايدها على قلب ولدها ... تحس بنبضات قلبه .. ريسه قووووووووووومي اتصلي بسلطان خليه ايي قوووووومي ..
وهند عالخط اتصييييييييييييييييح من سمعة صوت مااااااااااااااااااات وقعدت تصارخ ...


ظننكم شو صار في منصور ؟؟؟؟
ظنكم منصور ماااااااااااات ؟؟؟...................



<font color=#ff0000>الجزء الرابع
</font>

<font face="courier new, courier, mono">يا سلطان البيت بما انه محد كان في البيت وبطي واحمد ظاهرين وياحريمهم ..شل اخوه وامه ويركبون السياره .. ويخلون ريسه في البيت ....
ريسه : اتصلت بهند ... وهي تصييح ومب عارفه شو اللي حل باخوها ...
هند : ياربي خبريني شو مستوي انتي تقولين مات وامايه تقول انه قلبه يتحرك خبريبني شو اللي مستوي ..
ريسه : مااعرف مااعرف ..... شو مستوي .... توه يا سلطان وراحوا هو وامايه ودووه المستشفى وسلطان يقول انه مافي شي ولا قالي لا تفاولين عليه ..
ام حمدان : قلبها كان قوي كانت تتحمل كل الصدمات لانها تعرف انه هالشي من حكمت لله و ها الشي الله كان رايدنه يصير وهي في السياره ويا سلطان ... ياولديه انا خايفه عى ولديه .. خايفه والله وتصد ورا وتتطالع منصور الله كان طايح في سيارة اخوه الرنج ورا سلطان اللي كان طايح هالانسان اللي تحطم وضاع يوم فارق حب حياته العنود ...
سلطان : يشل تلفونه ويطلب مستشفى توام من البداله ويقولهم انه هو يايب حاله ضروريه ويحتاج لسرير عشان يدخلون منصور المستشفى ..
الممرضييين والدكاتره كلهم كانوا واقفين عن الباب مال حالات الطوارى ... يتريون منصور ..
وصل سلطان المستشفى ونزلوه هو والممرضين وحطوه على السرير ودخلوه داخل المستشفى . وام حمدان وسلطان يمشون وراه ... دخلوا منصور غرفة الطواري والدكتور يكشف عليه وماعرف الدكتور شو فيه ... لا عقب ماسواله فحوصات دم واشعه .. في كل انحاء جسمه ... اكتشف الدكتور انه مرض الكبد الوبائي .. وطبعا السبب كان الزقاره اللي كان يخلصها اربع باكيتات في اليوم + البيبسي اللي كان يشربه .. وانه ماكان ياكل ... وطلع الدكتور من غرفة الطواري ... وام حمدان وولدها سلطان قاعدين برع يتريون
الدكتور وام حمدان كانت تقرا قران وتتدعي ربها انه ولدها ميكون في شي وان ماستوابه اي شي ....
الدكتور : ................. الحمد لله على سلامته
ام حمدان : بشر يادكتور بشرني ولديه شو بلاه ..
الدكتور: سلامتك يا حجه الود مافيهوش حاجه بس ................... اققولكم ايه دلقوتي ؟؟؟
ام حمدان : وغمضيتيه على ولديه ... وتمت تصيح
سلطان : قول يادكتور وسلطان كان بيموت من الحره شويه وكان بيضرب الدكتور كف على ويهه ..
الدكور : ماتبكيش ياحجه الحمد لله انه المرض اللي في ابنكوا ماتعداش مرحلة الخطر والحمد لله انكم جبتوه عندنا .. بصراحه ياجماعه ابنكم فيه مرض الكبد الوبائي b.. الظاهر انه كان بيدخن زياده عن اللزوم ... وماوصل للمرحله a... ولا كان راح فبها ..
.. .. طبعا هاذا المرض اللي هو مرض الكبد الوبائي كان ثلاث حلات .c...b...a ... واخطر حاله كانت a.. بس الحمد لله انه منصور كان في الوسط كان عنده حالة b ....

ام حمدان : وزاد الصياح .. وماقدرت تسكت تمت تتدعي على شيخه .. وعلى الظلم اللي ظلموه ولدها ..
سلطان : والدمعه في عيونه ماعليه يامايه ماعليه الله كريم وبيشقيه ان شاء الله ..
الدكتور : ماتخفيش ياحجه ان شاء الله حاخليه اليوم وبكره الصبح حيخرج بس مايعودش ايدخن ولازم ياكل كويس ومايكلش اي حاجه
يلست ام حمدان وولدها في الستشفى يتريوم منصور يظهورنه من غرفة الطواري....
ام حمان : اتصل ياولديه وخبر اختك طمنها على خوك ..
سلطان : ان شاء الله يامايه الحينه بتصل ... شل سلطان تلفونه واتصل البيت
ريسه : وهاي طايحه عدال التلفون ويالسه اتصيح وتقول في خاطرها انا قتلهم يطمنوني ون التلفون وشلته بسرعه ... الو
سلطان : الوووو هلا ريسه ..
ريسه : سلطان بشرررني .؟؟؟؟؟؟؟؟
سلطان : الحمد لله بخير هو الحينه في غرفة الطواري وبيودونه غرفه خاصه وبيظهرونه باجر الصبح .. ان شاء الله
ريسه : الحمد له ياربي الحمد لله ... سلطان خبرني شو فييييييه؟؟؟؟ ....
سلطان : قال الدكتور انه في مرض الكبد الوبائي وانتي على مااظن تعرفين شو السبب ....
ريسه : لااااااااااااااااااا هااااااااااااه وحطت ايدها على ثمها ليكون في المرحله a
سلطان : لا الحمد للع ماوصل لهاي المرحله توه b.....
ريسه : الحمد لله ياربي الحمد لله الله يسامح اللي بلوه بالهمرض يعله فيهم ولا فيه
سلطان : ريسه بس عاد عيب يله برايج انا حبيت اطمنج بس عليه
ريسه : لا ولله اخويه وبلوه بالهمرض وانته تقولي عيب اي عيب ؟؟؟ خبرني هاذا هب اخوك ؟؟
سلطان : قولي الله يسامحهم ماله داعيي تتمنينلهم المرض وبعدين الللي صار حق سلطان من الله ...
ريسه : والنعم بالله خلاص عيل برايك يالله باي ..
سلطان : فداعة الله .. باي ...
ام حمدان : طمنت اختك ...
سلطان : هيه امايه يعلني افداج اتصلت وتطمنتها وانتي تعرفينها ريسوه يوم تحتشر جنها عيوز ...
ام حمدان : لا تلومها ياولديه هاذا اخوها
سلطان : الله يلوم اللي يلومها.. مالومها والله يامايه بس اخبرج عنها ...
ام حمدان : متى قالك الدكتور بيظهرون اخوك .. من غرفة الطواري ..
سلطان : قال الحينه عقب شويه ...
وقعدوا يتريونه ...

في بيت غيث طبعا بطي كان توه يايب حرمته من العين مول هي وعيالها وخدامتها ... ساره قابضه عليا من ايدها .. وبطي شال غيث وداشين الصاله .. وريسه كانت بتتصل حق هند عشان اطمنها على منصور ... بطي وساره : السلام عليييييكم ..
ريسه : كانت اروحها قاعده في الصاله ... وعليكم السلام والرحمه
بطي : يطالع في ويهه اخته منصدم من الاحمرار الللي كان غير طبيعي وعيونها الحمرا .. ريسووووووووووه لييييييش تصيحيييييييييييييييين شو فيج ..؟؟؟؟؟؟؟؟؟؟؟؟؟
ريسه : يوم ذكرت السالفه قعدت تصيح ... ريسه ماشي منصور طاح علينا واتصلنا بسلطان يا وشله وراحوا ودوه المستشفى ..هو وامايه
بطي : منصدم منوووووووووووه منصور افا ليييش شو بلاه بطي كان يموت في كل اخونه كان يخاف عليهم لانه كان معتبر نفسه الهم الاخو الكبير والابو من بعد وفات ابوهم لانه هو كان عايش وياهم في نفس البيت يصارخ على ريسه خبريني خبريني اي مستشفى ..
ريسه : مستشفى توام بس الحمد لله مافي شي والحين هم بيطلعونه من غرفة الطواري... الدكتور يقول انه في مرض الكبد الوبائي .. بس الحمد لله لانه حالته b..
ساره : لاحول وللا قوة الله بالله .. .
بطي : بدون تفكير من سمع عن اخوه سار سيده صوب المستشفى ...
ريسه : والله انه كل منهم ياساره كل منهم ...
ساره : الحمد لله يا ريسه على كل حال ... وقل لن يصيبنا شيء الله ماكتبه الله لنا ...
ريسه : ونعم بالله .... صدقتي والله ...... وترد ترفع السماعه اللي سكرتها وتتصل حق هند... بتصل حق هند حليلها من الصبح تترياني ... واكيد حليلها تعبت من المحاتاه ..
ريسه : هلا هند اطمني لحمد لله منصور مافي شي بس الدكتور يقول انه في مرض الكبد الوبائي ...
هند : نععععععععععععععم شوه اتقولين انتي ريسه برايج برايج الحينه يله باي ..
ريسه استغربت من هند مااعرفت شو بلاها المهم قالتها اوكي يله مع السلامه ...
هند : من سمعت هالخبر ماتت من الخوف على اخوها مارمت انها كون بعيده عن اخوها في هالحاله او انها تتطمن عليه بس في التلفون لازم اتشوفه بعيونها عشان ترتاح

في بدع زااااايد ...
هند : توعي ريلها من الرقااااد وتصارخ عليه وهي تصيح ... مطر مطرررررررررر ... قوووووووووم قوم يامطر بسك رقاد ..
مطر : افاااااااااا ام خلفان اتصييييح شو فيج الغاليه رب مااشر .؟؟؟
هند : وهي تصيح .. مااعرف والله مااعرف شو اللي حل بخويه منصور يله يله نش ابا روح العين صوب هليه ....
مطر : ان شاء ان شاء الله بس انتي لا تصيحين خلاص ... ويحط ايده على خدها يمسح دموعها ..
هند : تقوم اتلبس ولدها .. وتحط اغراضها في الشنطه ... وتلبس عباتها وشيلتها وتروح .. بدون ماتحط مكياج مع انه هند كانت تموت في اسمه مكياج ومااتظهر من البيت من غير مكياج بس طبعا مكياج هادي ....
مطر: عقب ماخلص سبوح اتلبس وشل ولده وراحوا يتريون هند في السياره ... ويشغل مطر سيارته البي ام دابليو 745...
وطلعت هند : وشافت عمتها قاعده في الصاله ...
هند: عمتيه انا بروح بيت هليه .. منصور اخويه شويه تعبان تامرينا بحايه ..
ام مطر : رب ماشر يابنتي افا شو اللي ياه ... لا فديج مايامر عليج عدو ان شاء الله .. رببي يحفظكم ان شاء الله وسلمي على هلج وايد .. وان شاء الله انا بتصل في امج بطمن على منصور .. ام مطر كانت وايد تحب هند لانه هند كانت وياها وايد طيبه غير عن حرمة ولدها مبارك ....
هند : تحب راس عمتها ان شاء الله عمتيه يله مع السلامه ...
وتروح وتركب السياره عند ريلها ويرحوون صوب .. العين ... وهند طول الطريق ساكته ماتتكلم من غير عادتها ... وريلها كان مقدر موقفها وساكت عنها ...
مطر : فديتج هند انا بوصلج وبرد انتي تتدرين انه عليه دوام باجر ..
هند : ماعليه مطر ربي يحفظك ...
مطر : وكم يوم بتمين تعرفين انا ماروم ايلس روحي من دونج ..
هند : ان شاء الله مابطول بس 3 ايام ..
مطر : ان شاء الله باذن الله .. بس بتولهه عليكم وايد ...
ووصلوا هند ومطر العين ... هند عطت الخدامه ولدها ونزلته الصاله وقالتلها عطيه ريسه وتمت شويه قاعده وياريلها في لسياره هند كانت اتحب ريلها ... وسلمت عليه ونزلت ... وروح ريلها ولا هو كان بينزل بيسلم بس لانه الوقت كان وايد متاخر وقالها ان يوم بيي يشلهابيسلم على اخوانها وبعدين لانه محد كان من خوانها في البيت ...
ريسه: يالويهه ياهنود وتقوليلي برايج برايج جان خبرتينا خليتينا انرتب غرفتج ...
هند : دخلت ووايهت ساره وريسه ... والله من سمعت اللي حل بمنصور اتخبلت هب عارفه شو فيني وهب رايمه ارمس .. يله ماعليه الحين بقول حق ليزا تنظفها .... ليزا ليزا .... go up and clean my room ....
ريسه : وهي شاله خلفان وتلاعبه اه والله يالمزرايع محلاتهم ايجنووووون يعذبووون ... فديتهم انا ....
ساره : وشحال عمتج هند عساها بخير شحالها ويالضغط والسكر ..
هند : الحمد لله بخير ... احسن عن قبل ..... الا اقول .. سلطان في المستشفى .. وتشل التلفون وتتصل بسلطان
سلطان : الو ............ مرحب .. هلا وغلا ياحي هالصوت
هند : الله يحيك ..
سلطان : خبروج عن منصور صح هاي ريسه مول خريطه ...
هند : الله يخليك انا كنت وياهم على الخط .. وسمعت كل شي ... عذبوني وخلوني ااي العين انا في العين الحينه ..
سلطان : قولي والله وانا اقول شو بلاها دار الزين منوره ...
هند : يله يله ياويهك .. خبرني شو حاله ؟؟؟؟
سلطان : الحمد لله بخير اكوه يشقح وينطح طايح على الشبريه يدلع وامه يالسه ادلعه اكثر ماهو مدلع تعرفين شو يالسه اتسويله ...
هند : شوووووووه فديتها والله امايه ..
سلطان : ااااخ ااااخ يالغصه اه ياغصتييه ااااااه يالسه اتاكله اللي يقول هو مايعرف ياكل الحينه .... وهو اونه يفج حلجه ويسكره رد كبر خلفان ولدج ...
هند : ههههههههههه وعشان جيه انته ميت من الغصه وترمس من ورا خاطرك خذوا مكانك هاه ؟؟؟؟
سلطان : شفتي ياويهج وويهه وانقعلي ياشعرج الحليان كان دوم يقول حق هند ياشعرج الحليان لانها كانت صابغتنه نحاسي ..
هند : ماعليه .. براويك انا يله تعال بسرعه بسرعه تفهم اتي اتشلنيه انا وريسه وساره بني صوبكم المستشفى ..
سلطان : لا والله وين اتون المستشفى كله رياايل و بعدين الا باجر بيظهرونه الحين لو انا جان ماسويتي كل هاذا مالت عليج من اخت ..
هند : انجب يالغبي ولا تفاول على عمرك .. وشو يعني رياايل نحن بنيلس عدالهم يعني .. ؟؟؟
سلطان : انزين ياحشره اول شي المزروعي الصغيروني وينه ؟...؟؟؟
هند : اكوه عن خلاته قاعده اتلاعبه ....
سلطان : قوليلها اتحلف ويها عن لاينصرع حليله ومايرقد اليوم ...
هند : هههههههههههه فديتها اختيه والله انهاا قمر جب انته ليش شايف عمرك في المنظهر تتحراها انته ..
سلطان :ماعليه عقب هالرمسه اركبي وياتكسي خليه اييبج ..
هند : ماعليه يا سلطون انا عادي اكوه الدريول واقف برع اروم اخليه ايبنا .. بس انا اللي مابا احدر المستشفى من دون ريال ... ماعليه بدق حق خويه بطوي فديته ..
سلطان : دقيله انقعلي ولا تتصليبي يام شعر حليان ..
هند : ماعليه يالخام .. انا براويك براويك النجوم بس هب الحينه باجر الظهر ..
سلطان : لا لا خلاص ياي ياي الحينه وبيي وبشلكم ..
هند : صدقهم ياقوالوا ان الريااييل مايون غير بالعين الحمره .. ماغلطوا ..
ريسه وساره : هههههههههههههههه صدقتي والله
سلطان : انزين بس بس انجبي ... ياله عشر دقايق وتكونن جاهزات ...
هند : انزين يله باي ...
ساره : بروح اتلبس وبتصل في بطي اشاوره .. لا هند بتشلين خلفان وياج ؟؟؟
هند : لا لا ياختيه مافيني .. عالقذا بخليه عند ليزا ...
ساره : هيه والله وانا بعد بخليهم عن الما مالتهم .... خلاص عيل دقايق وبييكن ..
ريسه : وانا بعد بقوم البس ..
هند : اوكي انا لابسه بقعد اترياكم ..
تشل هند التلفون وتتصل في شمه اختها
في المستشفى ..
يسكر سلطان التلفون وهو يضحك على خواته .. وخبلاهن ...
سلطان : هذيله بناتج ياغايه مشكله .. .. لو تعقينههن بحر اخير بتقللين من زيادة السكان ..
ام حمدان : شو بلاهن ... بعد شو مستوي ؟؟؟ ..
سلطان : بعد شو مستوي هند يت العين ومتخبله هي وساره وريسه يبن اين المستشفى يشوفن الشيخ منصور ...
منصور : والمغذي على ايده وهو يبتسم .. ..
ام حمدان : خلاص عيل روح هاتهن فديتهن فديتها والله هند من بونها رحومه ...
سلطان: غايه المنصوريه ثرج ممصختها من الصبح انتي هاه من الصبح يالسه ادلعين هالبغل منصور وانا ساكت و دلعين هاي ام اربعه واربعين هنوده ولا لا مااقدر اتحمل انا خلاص بهاجر ...
ام حمدان : يالهويهه : يالغيااااااار انته برايهم عيالي حتى انته ولديه .... هاجر اصلا انته منوه بيرضاك اتعيش عنده .. الناس ماتحب الحشره اللي شراتك ..
سلطان : ماعليه يالعيوز ... انا حشره ... خلاص ماباخذ بنت ختج ... خلي دريولهم ياخذها ...
ام حمدان : عن الحشره روح انته حتى خدامتنا ميري ام ضروس ماتباك .. .. وين بنت ختيه ..
سلطان : ماعليه انتي الوحيده اللي محبطتني في ها الدنيا ... ولا كل البنات يتمنن نظره من عيوني .. ويتخبلن يطيحن في الشارع يوم يشوفوني ..
منصور : ههههههه يالخقاق .. هب زينه الخقه وايد ... روح روح هاتهن تولهت عليهن والله ..
سلطان : هي مسويني دريول انته وخواتك وامك ماعليه كله عشان عيونك الحلوه .. ياصروصور .. ويطلع عنهم سلطان ايروح اييب خواته من البيت ..

في بيت المر ....شمه قاعده تتطالع الاخبار ... وميثه قاعده عدال امها قاعده تتطالع المجله اتشوف الازياء والمكياج ....

يرن التلفون تربع ميثه اتشوف رقم بيتكم يدتها وتشله ..
ميثه : الووو .. هلا وغلا ..
هند : مرحب ميثاني شحالج يعلني افداج ..
ميثه : هلا وغلا هلا بهند شحالج ؟؟؟
هند: بخير وسهاله ..
ميثه : انتي وين بيتكم يدتيه .. ماعليه ليش يايه اليوم تتدرين انه اليوم يوم الاثنين ليش ماييتي يوم الاربعاء عشان اني ونشوفج ..
هند : هههههههه ياله عليج انتي ماشي بس انا بتم لين يوم الجمعه .. هني تتدرين .. عسبة منصور فديته ..
ميثه : افا شو بلاه منصور ... ؟؟؟؟؟؟؟؟؟؟
هند : ماشي حليله طاح عليهم ودوه المستشفى تتدرين انتي .... عسبت الدواخه اللي يدوخها يا مرض الكبد الوبائي ...
ميثه : اووووويه فديتك والله ياخالي امايه لحقي منصور فيه مرض الكبد الوبائي ..
شمه : تنقز من مكانها وتشل عن بنتها السماعه ... هند انتي شووووووو تقوليييييين ...؟؟؟
هند : والله ياميثه هاذا اللي صار بس الحمد لله الحين هو بخير مافي شي بيظهرونه باجر .
شمه : ياويلي عليك ياخويه ماتستاهل اللي ياك والله ... الله يشفيه يارب ..
هند : امييييييين ..
شويه تمن يسولفن هند وياشمه ويابعض الا تسمع هند صوت هرنات عند الباب ..
هند : خلاص شمه برايج هاذا سلطان ياي ايشلنا بنروح المستشفى .. متحاف ان ماركبنا بيخلينا وبيروح عنا ..
شمه : خلاص فديتج يله مع السلامه وانا الحينه بتصل بطمن عليه فديته ...
هند : خلاص شمه يله مع السلامه ..
سلطان : هوووود هووووووود
ساره كانت توها يايه الصاله .... ساره : اهدااااااااا
سلطان : وايه اخته وتخبر عن خلفان وراح شله من عند الخدامه وهو يهددهن انه دقيقه وبيركب عنهن السياره ..
هند : ريسووووووووووووه ريسوووووووه .. وينج يله اكووووه سلطان هنيه يله ... بنروح .. حشا ياختيه هاي ماتشبع من التعديل شو سوي ... ماحيدها يوم تتطلع تتعدل هالكثر ..
ساره : خلاص هاذي يت يله انروح ...
هند : يله .. هاذا الخبله بعد سلطان شال خلفان ويالس يلاعبه برع الحينه عاد من يشوفني لابسه شيله وعباه بيقعد يصيح ... فديتج ريسه روحي خلي الخدامه توديه عند قوم غيث في الحجره ..
ريسه : ليزا ليزاا ..... take khalfan to mdam sara room ... ليزا : اوكي ..
اتشله ليزا خلفان عن سلطان وتوديه ... غرفة ساره ... عن قوم غيث وعليا ..
ركب سلطان .. السياره وركبت هند جدام حذاله .. وريسه وساره ركبن ورا ...
ووصلوا المستشفى ...؟؟
هند : السلام عليكم وتسلم على امها وتحبها راسها وتروح عند منصور اللي كان طايح على السرير وويهه كان شاحب وتعبان ... وتوايهه .. سلامات يعلني افداك ماتشوف شر ...
منصور : الشر ماايج .. ليش تعنيتي ويتيني من بدع زايد حرام عليج ..
هند : جب جب انته اللي حرام عليك ليش اتسوي بعمرك جيه ... ماعليه انا بسكت عنك الحينه لكن عقب ماتتطلع من المستشفى براويك ..
ام حمدان : كلنا بنراويه وبنعلمه ان سكوتنا هب دايم دوم ...
منصور : افا يامايه ادورين ويا هاي هنوده عليه انا ولدج افا ماتوقعت ..
ام حمدان : عسب تتادب ..
منصور . ههههههههه ان شاء الله بتادب ..
ريسه : احم احم عشات تلفت انتباهم ..
سلطان : احم احم وين تبين ... شو ريال يبا يعدل صوته ؟؟؟؟؟؟؟؟؟؟
منصور : فديت هالويهه انا ..
ريسه : يت تربع صوب اخوها وتوايهه وتسلم عليه ...
ساره : ماتشوف شر يامنصور ..
منصور : الشر ماييج يا ساره ..

<font face=arial>وقعدوا يسولفوووووووووون ..
&nbsp;
وهنيه ينتهي الجزء&nbsp;



ظنكم منصور بيخف من المرض اللي فيه ؟؟؟
والعنود بتتدري انه منصور مرض وطاح واتغير حاله ؟؟؟؟
ومنصور ... شو بيسوي الحين بينصلح وبيودر المكان اللي يروحله ... ولا بيسوي شي يديد ؟؟؟

</font>

<font face=arial>انتظـــروا التكمله <img src="http://oasis.bindubai.com/emoticons/smile.gif" border=0></font>
</font></p></font>

<font color='#8D38C9'>

ماأشــوف أقــبال للقصه <img src="http://oasis.bindubai.com/emoticons/down.gif" border=0></p></font>

<font color='#8D38C9'><p align=center><font color=#330033>يالله انا بكملها للي يتابعها

وبليــز قولوا لي جانكم تتابعونها عشان احط حساب

وتفضلــوا التكمله



</font>الخامس

شل سلطان امه وخواته وحرمة اخوه .. وراحوا البيت فليل عالساعه 10 بعد مانتهى وقت الزياره ... وقالوا حق منصور انه بيون باجر الصبح بيشلونه وبيرحون جدا بيتهم ... وصلوا البيت وكل و احد منهم نزل ودخل غرفته عشان يرتاحون ... اما ريسه راحت غرفة هند وقعدن يسولفن .... وساره راحت اتشوف عيالها وتتريا ريلها ......

الصبح يوم الاربعاااااااء ...

سلطان كان راقد الساعه 9 ييته ام حمدان تربع عشان توعيه من الرقاد عشان ايروح اييب اخوه من المستشفى لانه منصور كان ملان ومتضايق من قعدة المستشفى .... وكل ساعه يتصل حق امه عسب ايروحله سلطان واييبه ...
ام حمدان : سلطان قوم ياولديه .. قوم يعلني افداك روح وهات اخوك ... من المستشفى
سلطان فتح عيونه شويه ويلس يستهبل على امه .... عسب يقهرها شويه ...
سلطان : وهو عقب مافتح عيونه كنه حرامي وسكرها .. يقول حق امه .. نوره خليني ارقد جبيبتي انتي ..
ام حمدان : وصل القيج عندها 180 فولت عليه .. يعل النور اللي يفارق حياتك ياربي قووووم قووووووووم ... وشلت المعلاق اللي سلطان كان فارنه على طرف الشبريه ... وتضربه من فوق اللحاااااااف ..
سلطان : وهو ميت من الضحك على امه ومايروم انه يضحك زياده لانه حاس عمره بينفجر ..... امايه بسني والله بسني والله انيه اتمصخر بس خلاص خلاص .. يعور .. يالعيوز ...
ام حمدان: عيز حيلك ياربي وظلم عليك ليلك قووم قام صلبك من مكانه ...
سلطان : افا افا افا يالمنصوريه ماهقيتها منج هاذا كله عشان نوره خلاص خلاص بخلي مها عيل .. هههههههههه ... انتي تحبين مها اكثر اعرف انا
ام حمدان : حبتك القراده ياربي انتي وهي حبها البرص ياربي .. قوم قوووووووم هات اخوك من المستشفى ... حليله من الصبح متملل ويتصلبيه ..
سلطان : ردينا على شغلة الدرايفر ...
ام حمدان : وشوه هاذا من الطبش دريفوووو ... ررر .. ام حمدان ماكانت تعرف تنطق الكلمه عدل لانها كانت صعبه شويه عليها ......
سلطان : ميت من الضحك عليها ... امايه هاذا الدريول ...
ام حمدان : انا ولديه يركب ويا الدريول وبعدين هب حلوه قووم قووووم والله ياسلطان انه ماقمت تعرف شو بيستويبك ...
سلطان : انزين خلاص قايم والله قايم بروح بتسبح وبتكشخ وبتعطر وبدخن يمكن احصل غرشوبه البارحه ماكنت متفيق حقهن هن يطالعني وانا لابسنهن لكن اليوم لا لا ماكون سلطان الشامسي اذا مافرييت روسهن فر .......
ام حمدان : قوم وعن هالرمسه البطاليه عيب عليك ..... هذيله بنات الناس عييييييييب ...
سلطان : ليش يطالعن شو مايورمن يقاومن يعني غزال شراتي جدامهن ..
ام حمدان : نش نش عن الخقه من صبباح الله خير ... وانته الصادق .. اي غزال ..... ؟؟؟ امحق غزال جانك انته الغزال ..
سلطان : امايه امايه بليز ماماتي لا تحبطين معناوياتي من الصبح يكفي اني البارحه راقد وانا منحبط معنويا وبعد اتين تزيديني هيه عسب اتخبل ...
ام حمدان : انته اروحك خبله .. بعد تبا تتخبل زياده يله يله قوم
وتتطلع ام حمدان من غرفة سلطان وهي ميته على ولدها من الضحك .... وتقول الله يهديك ياولديه ...
سلطان : والله انه هاي امايه حفله من دون كيك ويقوم يتسبح ويتغسل ... ويلبس كندورته وغترته ... وظهر من البيت ... وركب سيارته ... وراح صوب المستشفى ...

في المستشقى ........
سلطان : يحدر غرفة منصور ........ سلم عليهم ...
منصور : ههههههههههه .... وعليكم السلام .. يله ياريال خلني اروح صدق متملل انا ..
سلطان : انزين يله سرينا ... ياصرصوري
منصور : صرصور يلدغك ان شاء الله ....
سلطان : هههههههههه الصرصور مايلدغ . كششششششش كشششش خخخخخخخ ...
منصور : ويضربه ضربه خفيفه على جتفه يله قوووم قوم خلنا نطلع .. عن الهذربان من صباح الله خير ..
ويظهرون منصور وسلطان من الغرفه وهم يتمشون في المستشفى رايحين صوب الباب عسب يركبون السيار ويرحون ..
سلطان : اشعندكم انته وامك عليه طايحين فيني ضرب هي من صباح الله خير شاله المعلاق وتظربنيه فيه وانته الحينه تضربني على جتفي ...
منصور : احسن ادبتك زين تسوي فيك .. منصوريه ياريال هاي هب هينه ...
ويكملون منصور وسلطان طريقهم وهم طالعين من المستشفى .... وشويه كانن بنات في المستشفى يتمشن ... من شافن منصور وسلطان يتمشون ويا بعض ..
مهره : ااه ياله مواز شو في هذيله محلاتهم ماشاء الله عليهم .... اف اف شوفي هاذا بو عين عسليه محلاته ... والله انه قمر .. كانت تقصد سلطان ...
موزه : لا هب حلو ابيض هاذا شويه طالعي هاذا الحنطاوي محلاته ياربيب عذاب طالعي جسمه كيف والله واله جنان
مهره : س الناس اذواق خاطريه اعرف وين بيروحون ..؟؟
موزه : والله وانا بعد خاطريه اعرف شو رايج نلحقهم بس بطريقه انهم مايعرفون ...
سلطان : بسم الله من هالشيفه هاي بلاها مبحلقه عيونها وتتطالع جذه مشاكل هب جايفه خير .. ووهاي الثانيه اللي وياها حلوه بس انا مايعبنيه هالجمال ... وككككككك عندي احلى عنهن ...
منصور : اسكت مالك خص في بنات الناس خلنا انروح .. مافينا والله ... منصور كان شايف بس مهره .. وبعده ماشاف موزه يوم صد للثانيه اللي يقصدها سلطان عيبته وقرر انه يتسلى وياها ... ويسوي شي كان محشوم عنه طول عمره ..
منصور : احم احم سلطان هاي الثانيه حلوه .. تعال ابا اشوفها ...
سلطان : منصور هههه ماحيدك راعي هالسوالف شو ياك شو انتقلت العدوه ؟؟
منصور : ياريال شو بنيلس نسوي في هالدنيا من بعد .. ماخسرنا القلب ... وتمينا بلا احساس ومشاعر ... سلطان ابا ارقمها ..
سلطان : ععاااش عاش الشامسي يله عليهن عيل ...
مهره : ايه مواز تعالي تعالي شوفي صدوا علينا مافينا والله مافينا تعالي ندخل الدكان بناخذ حق اسماء عصير وماي حق غرفتها .. اسماء كانت اختهن العوده وكانت مربيه ومرقده في المستشفى ..
موزه : قولي والله اف شكلي عذبته يله ندخل عيل ...
مهره : هههههههه انطمي طالعي هاذا الخقاق بو عيون عسليه مايطالعني .. طالعي طالعي هاذا بو جسم رياضي شو يسوي ... ههههههههه ... الاه فلم هندي في المستشفى ..
صدت موزه ... ومااااتتت من الضحك عليهم .. لانه منصور كان حاظن سلطان وحاط ايده على جتفه ويمشي وياه ... ولاوي عليه جنه حبيبته ...
ودخلوا الدكان وراهن ..
موزه ومهمره كانن واقفات عند الثلاجه اللي فيها الماي والعصير ... ويوا منصور وسلطان .. وقفوا عند مال الحلويات ... والبنات يسمعن اللي منصور وسلطان يقولونه .. بس عاطينهم ظهورهن ...
منصور : ياخي انا احبك اموت فيك فديتك انا ويتم يلوي عليه ..
سلطان : ههههههههه لا تسوي جيه انا استحي ...... جفت عاد انا الحين كيف برقد الليل من دونك ... عطني رقمك عشان ... اتصلبك ولا اتم متعذب ومابات الليل .. واتم اهوجس بك طول اللليل ..
منصور : لا لا الغالي لا تهوجس بي ولا شي من عيوني يله ... سته سته ................ وكمل الرقم ماله.... لا تنسا اترياك ..
سلطان: هيهاااااء ثرك الا سويتني بنيه يله شل ايديك عني خلاص بتصلبك .... يله انروح ..
منصور : حفظته ..
سلطان : طبعا سهل ورد عاد الرقم مره ثانيه ..
وظهروا من المستشفى وراحوا منصور وسلطان صوب سيارة سلطان الرنج السوده ... ولحقنهن مهره وموزه عسب يجوفونهم وين بيرحون لانه كان في خاوطرهن يعرفن وين بيرحون ... واتغشن ومشن وراهم بس من بعيد ...
موزه : مهروه اطالعي شو عنده هاذا بو عيون عسليه طالعي ركبوا رنج ...وطالعي عليها رفم بوظبي بعد رباعي ااخ والله انهم كشيخين ... هب مقلع مثل هيله المقلع .. شكلهم جايفين خير .. وعندهم خير
مهره : انتي ماشفتيهن كيف كانت كنادريهم وغترهم كيف متعصمين فيها اف عذاب عذاب ... ولا نعلوهم انطونيو ... بعد ..
موزه : هي والله صدقتي يله يله انروح عند اسوم عن لا تحتشر علينا .. وتقول وين رحتن .. هالكثر ...؟؟
مهره : يله روحنا ..

وصلوا منصور وسلطان ودخلوا البيت وقعدوا كلهم يتغدون ...
احمد : ماتشوف شر يامنصور ... سلامات والله يالغالي ..
منصور : الشر ماييكك يابو شهاب .. ]احمد [كانوا يلقبونه بابو شهاب ...
شمسه : خطاك الشر يامنصور
منصور : تسلمين والله يابنت خالتيه خطاج اللاش ..
وقعدوا يسولفون وعقب الغدا كل واحد منهم راح ودخل غرفته عشان ايريحون ويرقدون ...


في بيت غيث الشامسي عقب الغدا كلهم كانوا قاعدين في الصاله يشربون شاي ..
ميره : حمدان دريت حليله منصور .. اليوم ظاهر من المستشفى وان شاء الله انا العصر بروح صوبهم ..
حمدان : افا ليش شو مستويبه ........
ميره: حليله في مرض الكبد الوبائي مسكين بس الحمد لله مب الخطير اللي في الوسط يعني في امل للعلاج ...
حمدان : لا حول ولا قوة الله بالله العلي العظيم والله ياميره مايستاهل كل اللي ياه الله يعينه ويهون عليه ...
ميره : اميييييين والله ياحمدان ..
حمدان : خلاص انا بروح اريح الحينه وان شاء الله المغرب بمر عليهم ..
ميره : خلاص عيل انا هب رايحه العصر بروح وياك يوم بتروح ..
حمدان : خلاص ان شاء الله ... عيل ..
روضه : والله وانا مااعرف ليش ان شاء الله ؟؟وانا اقول بلاها ريسه االيوم هب مدوامه ...
ميره : هي حليلها وهند عمتج عندهم تتدرين ..
روضه : قولي والله هند في بيبتكم يدتيه ... الاه وناسه عيل خلينا انروح عندهم ... المغرب .... ان شاء الله باذن الله ... شويه ويرن تلفون .... عبد الله ..
عبد الله : اوووووه هاذا هزاع ظهروهم اليوم ... الوووووووو حيا الله الشيخ هزاع ..
هزاع : هلا وغلا الله يحيك ويبجيك ياربي ... شحالك ..
عبد الله : بخير الغالي وانته شحالك .. ربك بخير ؟؟
هزاع : بخير ونعمه...
روضه : من سمعت اسم هزاع فز قلبها من مكانه لانه روضه وهزاع يحبون بعض من هم صغار ... وهزاع كان مرمس امه بخصوص روضه بس اول مايتخرج ويتوظف ... انه تخطبها له ...
عبد الله : وين انته هاه اليوم افراج افرجوا عنكم عيل .... وليش ماظهرتوا الاسبوع اللي طاف ؟؟
هاع : والله ياعبد الله كانت عندنا امتحانات .. وتمينا وعاد الحينه عاطينا اسبوع كامل اجازه ..
عبد الله : والله زين عيل اسبوع كامل هاه ... اسمينا بنساتنس مابنخلي مكان ..
روضه : وهي ميته من الغصه وتقول في خاطرها هي محد بيخرب هزاع في هالدنيا غير هاذا عبد الله .. يظهره ويخليه يدور ... اف منه غصه خله قاعد .. شو تبابه يحاوط ويشوف البنات اف قههههههر ...
هزاع : ههههههههههه ياله يانته عاد .... انته وحاوطتك مشكله ... هزاع الا بخبرك اليوم الاربعاء وان شاء الله بني العين صوبكم انا وقوم امايه ... انا بركب راشد ويايه وقوم امايه الدريول بيبهم تتدري انته سيارتيه صغيره ماتكفي .... والا بيبهم ويايه ...
عبد الله : مات من الوناسه لانه هو كان بيروح اليوم بيت قوم يدته وميثه بتي هناك يعني بيشوفها ...ماااااات من الوناسه ..
عبد الله : الا تتدري انه منصور حليله اليوم ظاهر من المستشفى ..
هزاع : هيه حليله اليوم يوم ييت ميثه تخبرني عنه .... والله مكسين مايستاهل اللي ياه ...
عبد الله : صدقت والله ..
هزاع : يله عيل ولد الخال تامرني بشي .. انشوفكم ان شاء الله بيتكم يدتيه اليوم المغرب ...
عبد الله : اوكيه عيل ولد العمه باذن الله ان شاء الله .... يله مع السلامه
هزاع : ربي يسلمك ... الغالي . باي
عبد الله : باي ..
روضه : منوه هاذا ؟؟ وشعرفه عن منصور ؟؟؟
عبد الله : شو الشيخه روضه تستهبيلن يعني .. اتشوفيني اقول هزاع .. كم هزاع نحن عندنا .. ومنوه هزاع اللي يعرف منصور ؟
روضه : ههههههههههه ماسمعت انزين انا عدل لاني كنت اطالع التلفزيون مانتبهت حق كل رمستك ..
عبد الله : انزين خلاص انا بروح ارقد المغرب قبل لا تروحون وعيني انزين امايه
ميره : كانت قاعده تقرا الجريده ومندمجه ... هزت راسها
عبد الله : انزيين امايه
ميره : انزييييييين عن القذا اتشوفني اهز راسي يعني فهمت لازم اتكلم يعني
عبدالله : هي عسب اتاكد
ميره : روح روح ارقد اخير ..
راح عبد الله يرقد وميره كملت قرايتها للجريده ... وروضه ربعت صوب التلفون تتصل ... بميثه تعرف متى بيون .؟؟؟

روضه : الووووووو
هزاع : اااه فديت هالصوت في خاطره كان يقول .... الوووو
روضه : قفطت عرفت انه هزاع .. السلام عليكم ..
هزاع : وعليكم السلام والرحمه ياحي هالصوت ..
روضه : الله يحيك شحالك هزاع ربك بخير
هزاع : بخير الغاليه احم احم وانتي شحالج ..
روضه : تمت ساكته شويه وعقب ؟.. ردت عليه والله الحمد لله الا ميثه حذالك
هزاع : في خاطره اف انا ماصدقت اسمع صوتج وانتي تبين ميثه ... هيه لحظه شويه ... ميثاااااااانه ميثااااانه
ميثه : هلاااااااااا شو تبا
هزاع : تعالي تلفوووووووون .. روضه تباااااج .. روضه تباج .. اتعمد انه يقول اسمها مرتين عسب هي تسمعه يوم ينطق اسمها ..
ميثه : هههههههههه والله احم احم قلتلي روضه وانا اقول ليش لاوي على السماعه جيه ..
هزاع : انجبي انجبي ... يله لانه امايه محتشره بنروح بسرعه اتكلمي
ميثه : اوكيه فارج ليش يالس شو تبا تسمع ..
هزاع : مالج خص الصاله صالت ابويه شو تبين انتي .؟؟؟ هب صالتج ..
ميثه : فقدتك...
هزاع : فقت ويهج ..
ميثه : هلا عمري هلا حياتي هلا بروحي رواضي والله هلا فديتج علومج وتظهر لسانها حق هزاع لانه هي كانت تقدر تقول اي كلمه تباها غير عن هزاع اللي ميمع الكلام كل في قلبه ومايروم يقول اي شي ويعبر عن مشاعره ...
روضه : هههههههههه ناويه تعلينينها علينا حرب يعني انتي السيوم شو تبينه يسوي فينا ....... حليله والله حرام عليج .. شحالج يالدبه .. ليش ماخبرتيني انكم بتون العين اليوم ؟؟
ميثه : ههههههههههه لازم اتكونين حفظتي اصلا انا نحن اسبوع انتم في بوظبي والاسبوع الثاني اني عندكم العين ...؟؟
روضه : انزين ومتى ...
ميثه : يله الحين ظاهرين يالسون يحطون الاغراض في السياره ... اها تتدرين انه هند في بيكم يدتيه ..
روضه : هيه فديتها ادري يحلات السيره وهي هناك والله انها فلم .. هي ولدها ....
ميثه : ياربي فديته خلفوني تعرفين انتي المزرايع جمالهم غير اف اف عذاب ..
روضه : هههههههههه بس هب كثر جمال الرميثات وخصوصا احم احم هزاع الرميثي اللي الف وحده تتمناه ..
ميثه : وووووووع وتسوي مالت حق اخوها الحين بله عليج هاذا حلو ...
روضه : ياالغبيه فضحتيني يله يله باي وتسكر التلفون من كثر ماهي قافطه ماعليه انا براويج ياميثوه والله اتشوفين ..
ميثه : هههههههههههه حليلها استحت سكرت التلفون في ويهي ..
هزاع : قالت عني حلو ؟؟
ميثه : جب مالك خص ..
هزاع : ماعليه ويقوم يسحبها من ايدها ويدويها عند امها يفرها عليها .. يوديها هاي .. سيري عن امج ولا اتين تعلبين عند الكبار مره ثانيه .. ويفتن عليها ... يله .. يللللللللللللله ..
ميثه : هههههههههههههه هههههههههههه ماماتي ..
شمه : قومي عن الدلع روحي لبسي شيلتج وعباتج ...
ميثه : انزييييين ياقمر .. سمايه انتي ..
هزاع : يله عيل امايه بنروح قبلكم انا وراشد ويزقر على راشد ..
راشد : كان واقف عند المنظره اللي جدام باب البيت يالس يتسفر ..
هزاع : اوووه اووووووووه حق منوه هاي الكشخه كلها ...؟؟؟
راشد : بس جيه كيفي .... انته ليش محتر لاني ابيض عنك يعني
هزاع : امحق بياض يالمصري ....
راشد : ههههههههههههه احلى عن السوداني ..
شمه : يالله منكم من عيال لازم في كل مكان يتاقرون بس خلاص سكتوا ...
روضه : كانت ماسكه ايد ريم واتنزلها وياها على الدري ....
وركبوا راشد وهزاع .. سيارة هزاع البورش صالون وساروا العين .. وركبن روضه وشمه وريم .. ويا الدريول وراحن .. . وراهمم ...

في بيت غيث العصر قبل الاذان بربع ساعه ..
غيث : يله ياعيال روحنا . وروحوا كلهم بيتكم اليده.... ودخلوا البيت وسلموا عليهم كلهم اللي كانوا قاعدين في الصاله ... احمد وحرمته شمسه .. بطي وحرمته ساره وعياله عليا وغيث ... وهند وولدها .. وسلطان ومنصور وام حمدان ؟؟؟

وبعد خمس دقايق هل العين كانوا واصلين رباعه ... وتوهم نازلين من السياره الا الرياييل اللي كانوا في البيت توهم طالعين كانوا رايحين المسيد يصلون المغرب .... وسلموا عليهم واايهتهم شما كلهم وروحوا ..
عبد الله : شحالج ميثه .. ؟؟؟
ميثه : بخير وسهاله وانته علومك..
عبد الله : علوم الخير ..
ودشت ميثه ويا امها وريم البيت يسلمون عليهم ...ميثه ماكانت تحس بشي صوب عبد الله كانت تعتبره مثل اخوها هزاع .. ماكانت تفكر فيه مثل ماهو كان يفكر فيها .... ودخلوا الصاله وسلموا كل الحريم على بعض ... ريم ولطيفه ومريومه راحن بيت غيث يعلبن باربي على قولتهن ..
ودخلن ميثه وروضه غرفة ريسه اللي كانت مجابله الباب مال الصاله .... وقعدن على الشبريه .. وقعدن الحريم مع بعض ... في الصاله ..
ودخلوا هزاع وعبدالله .. البيت قبل الرياايل .. توه كان داخل هزاع .. هووووود
الحريم : اهدااااا
دخل هزاع وهو كان فاتح باب الصاله وروضه كانت مجابله الباب ..
روضه : ااااااااخ وطاحت من على الشبريه عالارض ........ ياويلي محلاته وهي طايحه عالارض ...
ميثه : وهي تضحك عليها .. خخخخخخخخخ .....ههههههههههههااااي بسم الله عليج بسم الله عليج سكنهم مساكنهم ... عافان الله عوذ بالله .... عاد مافينا باجر الخميس ...
روضه : قامت واتعدلت وظهرت هيه ويا ميثه برع .. سلمن وقعدن .. وهزاع ماشل عيونه عن روضه وكل ماتحس روضه ان هزاع قاعد يطالعها اتم ترتجف وويها يستوي احمر .. واتم تضرب ريل ميثه ...
ميثه : اااااااي شو فيج؟؟؟...........
روضه : مااااتت من القفطه واتحلفت صدق حق ميثه لانها من الصبح طايحه فيها اتقفطها من الصبح ... جدام هزاع ...
قعدن الحريم يسولفن .. والراييل يالسيين وياهم ... لين الساعه 11 فليل .. توهم كانوا بيظهرون قوم حمدان بيرحون البيت .... رن تلفون منصور رقم غريب رن رن رن مارد عليه ... وظهروا قوم حمدان وساروا صوب بيتهم ... منصور يقول حق سلطان هاي اكيد اللي اليوم في المستشفى .......
سلطان : ههههههههههههههههه ثرك يبت راسها يالشامسي والله انك انته هب هين ...
وتمن الحريم قاعدات في الصاله يسولفن .. وقام سلطان طلع برع . البيت لانه ربعه اتصلوا فيه وقالوله ايههم .. في جبل حفيت وراح عندهم .... وحدرت ام حمدان غرفتها عسب تريح ... وتنام لانه الوقت اتاخر ...
وحدر منصور غرفته واتصل بالرقم الغريب اللي كان ياينه ...
منصور : تم ساكت يبا يسمع الصوت
موزه : وهي ساكته ..
منصور ... مابترمسين يعني .؟؟؟؟
موزه : احم احم
منصور : مااااااااات من الضحك عليها يوم سمعها تقول احم احم
وتمت موزه ساكته هب عارفه شو تقول .. . شو بتقول انه هو عذبها وجماله لخبط كيانها ..

منصور : السلام عليكم مع انج انتي اللي متصله والمفروض انتي اللي لازم اتسلمين ...
موزه : وعليكم السلام ورحمت الله وبركاته
منصور : صباح الليل ... وفجاءه حس منصور انه خان حب حياته ان خان العنود اللي كان ... واعدنها انه طول عمره مابيخونها ولا بيعرف غيرها .... بس شو بيده انه يسوي .... لازم يحاول انه ينساها .. لازم ... مع انه واثق انه مافي قوى في الارض تنسيه عنود ...

سهيت بفكري وهلت دموع العين تتناثر سكب دمعي على حظي الردي وكثرت انحاسه
ابد ماتغضي اعياني ابات الليل انا ساهر اسامر ليعتي والحزن اسمع رنة اجراسه
وش اسوي بدنيايه مدامه حظيه عاثر وياللي راسم امالي بقربه غير احساسه
قسوا علينا في حبنا وقفوا ضد المشاعر انسقينا الحب والرقه وسقونا المر من كاسه
اعيش بهم وبغربه طويله مالها اخر غريب بداري ومابين اهلي وجلاسه
حسافه صارت ايامي كئيبه ومالها باكر نعم ضاعت لي امالي واقبل صويبه ياسه


كلمات الشاعر : حمدان الدرعي


وتم منصور يكلم موزه ... بس مكانت تعنيله شي ..... لانها كانت في عينه ... ولا شي .... يعني وجودها كان والعدم في حياته واحد ...

يوم الخميس فليل كانن ... شمه وميثه وهند وريسه يسولفن في الصاله ...
شمه : هاه شو مطر ماقالج شي غريبه يخليج هالكثر يالسه عند امايه
هند : عنبوه هاذا لزقه اللي يخليج مايفج ابدا ..
ميثه : حليله والله هاذا يزاته انه يحبج ..
ريسه : هاي اصلا ماتستاهل انه مزروعي يبحبها هاي حدها بتاني ..
هند : ريسوه عنلات صداج انا الحينه حدي بناتي ... الله يخليج انتي بس حتى دريول البتاني مايباج ...
شمه : ههههههههههه .. ليش البناتي عنده دريول ..
ريسه : الظاهر انه بتاني مطور ...
وقعدن يسولفن ودخلوا منصور وسلطان كانوا ياين من عند و احد من الشباب كان مسوي عزيمه .. ويسلوا وياخواتهم يسولفون...
منصور : هند اقولج جوفي شمه كيف ... والله ينفعون يشغلونها عنا في الجيش ؟...
شمه : هههههههههههه لا والله احلف يشغولني
منصور : هي يقبلونج بيشغلونج ... عادي هم يبون وحده جيه شراتج طول وعرض ,,, خخخخخخخ
شمه : يالخام انا الحينه طول وعرض فديتني والله احلا مربربه عيل العظم مالت وتاشر على هند
هند: ههههههههههههه انا عظم ... حبيبتي هاي الموضه ...
ريسه : اه امحق موضه
ميثه: ميته من الضحك عليهم
سلطان : منصور انا عرفت شو بيشغلون شمه ؟؟
منصور : شو .. بيشغلونها ؟؟
سلطان : هاي اللي ادافع بين الشباب يوم بيضاربون بس اتقولهم وااخ وااااااخ يله هده هده .... وبيفل الريال من يشوفها وبيشرد برع تموا يضحكون طول الليل ومر عليهم الوقت بالسوالف والضحك ...

يوم الجمعه
العصر. ركبوا هل بوظبي وراحو بوظبي..... وصلوا بوظبي ودخلوا ونزل هزاع اخوه راشد وراح صوب ربعه ...

المغرررررب ..

ميثه كانت تبا اتروح اتييب شريط شلات عيضه من السياره .. مالتهم راحت عند الدريول وشلت السويج عنه واتحجبت وراحت توها بتبطل باب السياره شافت سياره يايه اتغشت ....وانخشت ورا السياره .. وهالسياره نزلت واحد جدام باب لبن قوم .. فاضل القبيبسي ... ؟؟؟؟؟

ظنكم شو بيتوي بين منصور وموزه ؟؟؟؟؟؟؟؟؟؟
ظنكم بتتطور العلاقه من بينهم ولا بتنتهي وشو بيقولون في المكالمات اليايه ؟؟؟؟؟؟
ظنكم منوه هاذا الللي شافته ميثه ؟؟؟؟؟؟؟؟
ظنكم شافها وهي منخشه ولا لا ؟؟؟؟؟؟؟؟؟؟؟؟؟ ؟؟


</p></font>

<font color='#8D38C9'><p align=center><font color=#ff0000>الجزء السادس</font>

خليفه ولد فاضل القبيسي كان توه واصل من استراليا وماخبر هله انا بيوصل اليوم لانه حب انه يسويلهم مفاجاه .. وكان ياي مع ربعه من المطار وصلوه البيت وراحوا كل واحد منهم صوب بيته ... ميثه جافت واحد لابس بنطلون وقميص ويالس اينزل اغراض من السياره وتحرته انه هندي... وبعد ماراحت السياره .. ظهرت ميثه واتحجبت وراحت صوب السياره وبطلت الباب بس بدون ماتتطالع الريال كانت تمشي في حالها ... خليفه كان موخي يشل شنطته .. وميثه كانت توها بتسكرباب السياره وبتروح داخل البيت.. رفع خليفه عيونه ورفعت ميثه عيونها وفي نفس اللحظه التقت عيون ميثه ويا عيون خليفه .. واول ماشفته عرفت انه هو مواطن ولابس بنطلون وقميص قامت وعقت غشوتها على ويها ومشت بكل رزانه وهدوء ودخلت باب البيت وسكرت الباب ... وخليفه من شافها وشاف شكلها ... مارام يتحرك وتم سرحان فيها واول ماسكرت الباب وسمع صوت الباب انتبهه .. على نفسه .. انه هو كان سرحان.. خليفه كان يحيد ميثه يوم كانت صغيره يوم كانت تروح بيتهم وتقعد تلعب ويا بنات اخوه واخته جدام باب بيتهم ..قال في خاطره ماشاء الله عليها كبرت واحلوت احيدها من قبل 6 سنين صغيره ... دخل البيت...

خليفه: هوووووود هوووووووووود
وكان في الصاله اخوه زايد وحرمته وبناته .. وحرمة اخوه نهيان وعيالها كانوا راقدين في قسمها ... وسعيد وجابر كانوا قاعدين ويا ربعهم في الميلس.. ونهيان كان في المقهى ويا ربعه .. .. وماشوفوا وهو حادر لانه باب الميلس كان مسكر .. وعاشه كانت في بيت هل ريلها في الفله الثانيه هي وعيالها .. ونوف قاعده تسولف ويا بنات اخوها موزه ونوره ... سمعن واحد يقول هوود .. واتحرنه سعيد لانه صوت سعيد وخليفه كان نفس الشي ..

عزه ]ام زايد [ : اهدااا يابويه محد غريب ..
خليفه : يعني ادخل متاكدين ادخل ....؟؟؟؟
عزه : بلاك ياسعيد ابويه هب صاحي اليوم ولا شوه ولا عسبة انه عرسك الاسبوع الياي ... متخبل .....
خليفه : في خاطره كان ميت من الضحك ومستانس وايد لانه امه ماعرفته .. وفتح باب الصاله وقالهم هااااااااااااااااي.....
عزه : من شافت ولدها خليفه قعدت تصييح وعيونها ادمع .. مب عارفه شو تقول غير انها فتحت ايدها عشان ايي في حظنها ..
خليفه : من شاف امه جيه ربع في حظنها وتم يحظنها ويبوسها على راسها ... تولهت عليج يامايه والله اني تولهت عليج ...
فاضل : كان يتوضا عسبة يصلي صلاة العشااا .. وتوه ظاهر من غرفته شاف ولده يسلم .. عليهم ...
خليفه : مرحبااااااااااااا ملاييين ولا يسدن يعلني افدا هالشوف يابو زايد .. ويروح خليفه عنده ابوه ويبوسه على راسه .... ويوايهه..وياصوب خوه زايد وسلم عليه وعلى اخته نوف وعلى حريم اخوانه عفراء ومريم ...
عزه : افا يابويه اشعنه ماخبرتنا انك انته اليوم ياي جان طرشنا لك اخوك يابر اييبك من المطار ..
خليفه : امايه حبيت اسويلكم اياها مفاجاه ... ليش ماتبوني اي الحين بروح ..
زايد : لا والله ونحن ماصدقنا متغرب عنا 6 اسنين .. ومايتنا غير 3 مرات وتبا تروح بعد .. يله يله قر مكانك ..
فاضل : اصلا انا ماطرشته هناك الا عقب المصايب اللي كان يسويها هنيه .. كل يوم عاقني في مشكله ويابنيه ..
خليفه : احم احم ابويه خلاص عاد الحينه انا استويت ريال عمري 24 وانته عدك تذكر .. والله يعلن سنينهن من بنات خلاص عفتهن شبعت منهن ...
ام زايد : وابويه عليك انا شو بعد هاي الرمسه اونه شبعت منهن ..... عييييييييب .. ثرك شو مسوي عسب تشبع .. ؟؟؟
خليفه : فا ياعزه اهون عليج .. انا اليوم ياي واطيحون فيني خلاص خلاص زايد لا تقول تم بروح انا ..
والكل كانوا يضحكون على خليفه وسوالفه .... والله من كثر ماهو طيب وحبوب وراعي سوالف .. الكل كان يقول ياحيه اللي بتاخذه ... وامه عزه كانت متكلمه في بنت اختها حصه ... حق خليفه ؟؟؟؟؟؟؟
ودخل خليفه غرفته وكانت الغرفه مرتبه لان عزه ماهملت غرفة ولدها في غيابه كانت كل يوم تقول للخدامه ترتبها وتنظفها ..وفصخ البنطلون والقميص .. وعلقهم في العلاقه .. وطلع كندوره نظيفه من كبته ..اللي كان اخوه يابر مفصلنهم حقه وكان يايبنهم البارحه وغسلوها له وكوها وحطوها له في الكبت .. . ولبسها .. وقام يسحي شعره .. شعر خليفه كان طويل شوي يعني كان مسوي امريكي ورافع القصه الللي كانت لين حواجبه ومودنها ورا .. وظهر من الغرفه من دون لا يحط اي شي على راسه ..
وراح صوب الميلس يافاجئهم ... فتح الباب .. وحصل اخوه يابر واخوه سعيد قاعدين وياهم الشباب..
خليفه : ياحيييييييييييييييييييبه الشبيبه
الشباب واخوانه : كلهم كانوا منصدمين من وجود خليفه لان كان قايللهم انه هو بيي يوم الاثنين ...وهم يتريون وصوله في هاذا اليوم ..
خليفه : ههههههههههه شايفين وحش جدامكم ؟.؟؟؟؟؟؟؟؟؟؟؟
نش سعيد ويابر ويايهوا اخوهم وتموا يضربونه لانه ماخبرهم وراح واتجدم خليفه صوب الشباب وسلم عليهم واحد واحد ...
سعيد : انا اقول بلاها الدار منوره اليوووووووووووم ..
جابر : والله انه الدار ماهي بمرغوبه من عقبك ياخليفه .......
خليفه : منوره بوجودك يالمعرس ...... يبور قول والله يعني انته ماكنت ترغب انك انته تعيش في هالدار وانا هب موجود فيها .؟؟ هههههههههه .. تموا يضحكون ويسولفون ... لين الساعه 1 وراحوا الشباب كلهم عنهم وظهر سعيد لانه كان عليه دوام .. وراح غرفته يرقد ...
وتموا قاعدين يابر وخليفه في الميلس ... يسولفون ويوم يت الساعه وحده ونص ...
خليفه : الا يبور انته ماعندك كليه باجر .؟؟؟
جابر : عندي كلاس الساعه 9 بس شكلي بطبه بيلس وياك ..
خليفه : هيهااااء واخترب وارسب وقول حق امايه لاني قعدت وياخليفه هاه روح روح اللي يخليك .. روح خذ الحليبه من عند ماما وروح ارقد ... بس لا تاكل سيرلاك الحينه عن لا يغفي على جبدك ... ومابترقد فليل ..
جابر .: هههههههههههههه ماعليه عنلات صداك يالهيس اوكي انا بروح وخل الخدامه اتي تقعد ويك الحينه يله باااااااي ولاتنسى خلها تفلي شعرك يمكن تحصل في قمله ...
خليفه : هههههههههههه وعععع شدراك انته اننيه فيني قمل اسكت اسكت مافيني امايه اتييب البفباف وترش شعري عقب بستوي يابس ........
جابر : هههههههههههههه تخاف عيل هاه ؟؟
خليفه : يله يله اجلب ويهك روح ارقد اخير .. عن الهذربه الزايده عطني يور مقفا بليز ...
جابر: يور مقفا هاه ياخسارة الدراسه في استراليا 6 سنين ..
خليفه : ليش دفعت من جيبك شي ..
جابر : الكلام ضايع وياك انا بروح انام ابركلي .. ويظهر عن اخوه ..
وخلا خليفه اروحه في الميلس يجلب بين القنوات ... وشويه .. بدون لا يحس فكر في شكل ميثه اليوم يوم شافها ويوم يت عينه في عينها واتغشت عنه . ماشاء الله عليها من بنت ماشاء الله ..الله عليها والله انها قمر .. ياربي انا شو اللي بينومني اليوم .. والله انها احلى بنت شفتها في الدنيا .. ياله وعيونها الناعسه اف اف عذاب .. تم خليفه ايهوجس في ميثه .. ويطالع التلفزيون لين اذان الفجر ... وعلى اذان الفجر قرر انه يحدر البيت وظهر من باب الميلس ...


في بيت المر الرميثي ...

ميثه كانت نايمه عادي وماخطر في بالها خليفه ... ويوم نشت تبا تصلي الفجر .. توها تتجلب تبا تنش فجاء اتخيلت شكل خليفه يوم كان جدامها .. وكشخته كان لابس بنطلون اسود وقميص مجسف لونه ابيض .. جسمه اللي كان لايق لها البس .. ويوم عيونها يت في عيونه .. ياترا منوه هاذا يكون منوه في بيت قوم خالتيه عزه مسافر .. وتمت تفكر تفكر .. عقب اذكرت انه عندهم ولد اسمه خليفه وكان يدرس في استراليا .. وقالت اكيد هاذا هو خليفه ... ميثه ماكانت تعرف اشياء وايد عنهم لانه ماكنت تتطلع من باب بيتهم بس امها كانت تتدري بكل شي لانه امها دوم في بيتهم ... .عقب قالت في خاطرها وانا شو ابابه .. اقوم اصلي اخيرلي والله .
ونشت ميثه وصلت وخلصت ... وماحست الا بريلها كانت تمشيها صوب الدريشه عشان تفتح الستاره وتتطالع بيت فاضل .. بيت فاضل كان مجابل بيتكم المر . . وغرفة ميثه مجابله البيت يعني اذا فتحت الجامه تقدر اتشوف كل شي في بيتهم .... بس طبعا شوي من بعيد...... يوم فتحت الستاره حصلت واحد كان يمشي وتمت تتطالع تتطالع وعرفت انه هاذا هو خليفه اف ياربي محلاته وهو بالكندوره .. ياربي ايجنن ... وتمت تتطالعه لين مادخل البيت ... بس طبعا هي مكان تبين ...... ويوم دخل البيت سكرت الستاره وراحت عشان تنام ونامت عادي ياها النوم لانه مكان في شي ... يحرمها من النوم يعني مكانت اله مشاعر في قلبها مجرد ولد يران وحلو وبس ...


ودخل بعد خليفه غرفته ونام ..


في بيت غيث الشامسي ....

منصوور وسلطان نزلوا من فوق ويا بعض .. وام حمدان وساره وشمسه .. قاعدين في الصاله يتريقن .. منصور وسلطان : صباااااح الخير ..
الكل : صبااااح النوووور والسروووووووور ..
ام حمدان : وين سايرين تعالوا تريقوا قبل خلاف برايكم سرحوا صوب دواماتكم ...
منصور: امايه انا متاخر والله بعد ضابط وتاخرشو خليت للجندين .. عيل . ..
سلطان : امايه وانا بعد اخاف السيرفر مالنا يسكر الباب في ويهي ... ههههههههه ..
منصور : انته رووووووووووحك ويهك مايساعد .. خخخخخخخخخخخ .. هاذا ويهه ولاقلت ادب ؟؟........
سلطان : انا ويهي قلت ادب ...... اوكي اراويييييك .. امااااايه امااااايه ... تعرفييييييين هاك اليوم .. يوم كنا في المستشفى .. هيييييييييه ..
منصور: لااااااا حووووووووه تعال تعال براويك شي برع تعال ويسحبه وياه برع .. جنه يسحب عنزه...
ويوم وصلوا برع عند باب البيت .. ركب منصور الكوبي مالته وشغلها وتم واقف سلطان عند الباب وين قاعد منصور .. ... منصور : انته خبله ولا شوووووووه ؟؟؟
سلطان : يعني بالله عليك ..انا بخبر عليك عن هالشي انته خبله ولا شوووووه ؟؟ انا روح اخس عنك في هالاشيااء ..
منصور : انا اقول بلاه هاذا متخبل من صباح الله خير ؟؟؟
سلطان : ههههههههههه الا تعال بخبرك شو انته وياها الحين اوكي ولا لا ......
منصور : انا عااااادي وياها مااحس بشي تجاهها وجودها مثل عدمه في حياتي ... بس هي بتموووت عليه والله ياريال كل يوم تصيح .. واتقولي انته ماتحبني وانته ماتحس فيني وانته وانته ... وتقعد تتفلسف.. عليه مااعرف شو اقولها انته تعرف انا مااقدر اتعامل ويا حد هي تباني اتعامل وياها بقلب بس انته تعرف يا سلطان اني انا من دون قلب .. من وين اييب لي قلب عسب اتعامل وياها .. وبنات التلفونات شو غير .. اللعب والتسليه ...
سلطان : انا وياك في هالشي بس والله حرام حس فيها شويه حرام يعني مهما كان هي انسانه بعد ...شراتنا ..
منصور : انزين خلاص بحاول بشوف خلاص تامرني بشي الحينه ...
سلطان : لا الغالي سلامتك يله ربي يحفظك ..
منصور: اوكي سي يو عالغدا ..
سلطان : سي يوه توه وراح سلطان صوب الرنج مالته وركبها ...... وراح صوب الجامعه ..

الظهر ...
في بيت المر .. عالغدا ......
شمه : المر ترا اليوم عازمينك عالعشا انته وهزاع وراشد بيت قوم فاضل ...
المر : ليش شو عندهم ؟؟
شمه : ولدهم خليفه جان تذكره اللي يدرس برع البلاد .... امس فليل وصل البلاد ومسوينله عزيمه عشانه نجح .. والله حليله هالولد تغرب وايد عن هله والله بسعده في دنياه وياهم ويعوض عنه كل لحظة فراق فارقهم ..
المر : امين يارب والله والنعم فيه ولد فاضل عيل رفع راس ابوه .. رد ناحج ... لا لا لازم انروحلهم .. ونابركلهم هاذا واجب وواجب الجار على الجار .. بعد ... والفال لك ياهزاع يوم بتتخرج من الكليه يارب ...
شمه : اميييييين . .. واروح اخطبله اللي يباها ...
هزاع : امييييييييييييييييييييييي ييييييييييييييين من كل خاطره ظهرت ..
المر : لا لا ماشي خطبه .. ليش ماتشتغل وتستقر هيج الساعه .. البنت اللي تباها ..
ميثه : ههههههههههه قالوله ... وووووووو اووووواووووووو
المر : الميث سكتي عنبوج ياهل مستويه ...
ميثه : باباااتي ..
هزاع : علااااااتي اللي تعلج ياربي ..واكيد يابويه بشتغل وبخطبها ان شاء الله ...
المر : لا ماخبرتني منوه اللي انته تبغيها ..
شمه : فديته يبغي بنت اخويه .... روضه ..
المر : والنعم والله ياحي مانسبنا والنعم في نسب حمدان والله
هزاع : ماااااااات من الوناسه .... هي والله ابويه القلب ومايهوا ...
ميثه : ههههههههههههه ليش بينكم هوا ونحنا ماندري
شمه : جب جب حشيبم فديته هزاع عن هالسوالف البطاليه ..
هزاع : فديت امايه انا هي والله صدقها امايه انا حشيم عن هالسوالف ......
ميثه : هههههههههه هههههه والله اقول .. قالوا اذا بغيتي تتخبرون عن العروس سالوا امها .....
شمه : اسكتي انتي ام لسان طويل ..
راشد: ابويه هاي ميثه وايد تتكلم تقول بالعه راديوووووو
هزاع : هههههههههه ههههههههههه لقطييييييييييه اكوه طاح في الصحن شوووفي شوفي لقطييه .. ويودي ويهج عدل عن لايطيح الباقي ....هههههههههههههههه اااااااااي .. اه اه والله بطني يعروني ...
ميثه : يعل بطنك الانفجار ياربي ....... ماعليه يارشود يالمصري ...
ريم : ماما انا خلثيت منوه بيغثلنني ......
شمه : ميثوه قومي يله بدال هاي الهذره والمناقر ويا اخوانج قومي غسلي ايد ختج ..
ميثه : لا والله الشيخه ريم بنت المر ليكون انا خدامتج وانا ماادري ....... ؟؟؟
ريم : باباتي ثوفهاااااا ..
المر : فديت حبيبت بابا انا قومي يله غسلي ختج ...
ميثه : تسحب ريم من على الكرسي من ثيابها .. وتوديها تغسلها ..
شمه : شويشوي عالبنت ... لاتكسرينها ..
ميثه : هي بنتج زجاج ونحن ماندري ......
شمه : والله هاي ميثانه اللي يعين اللي بياخذها صدق رميثيه ام لسان ..
المر : بلاهن الرميثيات تراج انتي ماخذه رميثي...
شمه : تراه ولد عمتيه ...
هزاع : راشد قوم قوم نجلب ويهنا شكله الجو الرومانسي بيدا ...
راشد : ياريال وين نسير خلنا نسمع نتعلم شوي عسب اقوله حق حرمتيه تقولي من ويايبنه اقولها سمعت ابويه يقوله حق امايه .... ههههه .........
المر : هي وتغدي كوبي وبيست عيل هاه ...
راشد : اووووووه اوووه علموه الوالد بعد كوبي وبيت اووه خطير المر مافيك حيله ..
المر : هيه شو تتحرا عيل .....؟
وتموا يسولفون لين العصر ..

العصر .......... في بيت فاضل القبيسي .. الحريم كلهن في المطبخ ..... يعابلن ... نوف وموزه نوره ياعبلن الحلويات والسلطات ... مريم تعابل الاكلات الخفيفه ... ام زايد وعفراء .... يعابلن الوجبات الرئيسيه ....... ...

وياالمغرب وقت العزيمه وراحوا كلهم بيت فاضل القبيبسي وحدروا الميلس وسلموا على الراييل اللي هناك ..ويلسوا وياهم ...
خليفه : شحالك هزاع وييييييين ايامك والله ؟؟
هزاع : والله موجودين انته اللي الحمد لله عالسلامه واخيرا يعني .. فارقت الغربه ..
خليفه : جفت عاد ياريال اخيرا افتكينا ... وردينا لبلادنا .... خليفه في خاطره مدام الاخو ماشاء الله عليه جيه غااوي ماتنلام اخته وهي قمر في السما ...


الليل ... في بيت غيث الرميثي...
منصور كان يرمس موزه ...
موزه : منصور ممكن اعرف انته ليش جيه انته ليش جيه تعاملني ليش ماتحس فيني ...
منصور : بس عاد مواز طفرتيني كل يوم انا وياج على هذا الموال كل يوم ماتملين ...؟؟
موزه: وانته ماتمل من كثر ماتعبني ماتمل ....... منصور بسالك سؤال ورد عليه بكل صراحه انته تحبني ؟؟
منصور : اوهووووو لا حول ولاقوة الا بالله العلي العظيم .... تبين الصراحه ..؟؟؟
موزه : هييه ابا الصراحه ...
منصور : .................................................. ...................................
موزه : منصور اتكلم ليش سكتت .؟؟؟
منصور : .............. لا ...........
موزه : نعم واذا انته ماتفكر انك انته تحب وانته مفكر انك تعذبني ليش ييت ورايه ورقمتني ... وتمت تصيييييييييح ...
منصور : انا عقب حبيبتي اللي حبيتها مستحيل أ حب..موزه انتي عايشه ويا انسان وياج في صوته وياج في وجوده بس قلبه وروحه وحياته كلها هب بيده ولا بيدج قلبي وحياتي بيد وحده غيرج انا حبيتها وتمنيتها حبيتها 5 سنين .. بس للاسف الله ينتقم من اللي كان السبب من الللي حكم على روحي ورحها بالعذاب والجرح .. انتي عايشه ويا انسان مجروح انسان بلا احاسيس ومشاعر انسان مافي حد حس فيه .. كيف تبيني احس فيج وانا محد حس فيني ... من وين ايبلج احساس عشان احس بج فيه ... ؟؟ خبريني .. وتمت دموع منصور تنزل وصوته كان يبنن انه العبره خانتقتنه وانه مخنوق وخاطره يصيح بس منصور كان قوي قوي ... كان يصارع نفسه بس للاسف حب العنود كانت اقوا من انه يصارع نفسه ..
موزه : من سمعت كلام منصور حست انه في ناس في هالدنيا بخير في ناس اتحب .. وتمت تصيح واتمنت انه هالحب يتحول حقها وانه منصور يحبها هالكثر ...وتمت تفكر كيف تغير حب منصور حق اللي يحبها ورفضته..حقها .. بس مهما حاولت هاي الانسانه مابتقدر انه تغير هالحب مستحيييييل مستحيييل ... كان غيرها اشطر ..... في هالشي ... لانه الحب... كان اكثر من مجرد حرفين الحب الحقيقي كان عنود ومنصور .........


الصبح ....... في بيت المر .......
عقب ماراحوا العيال كلهم مدراسهم وهزاع بعده راقد في غرفته ..... راحت شمه فوق غرفة هزاع ... وقالتله انها بتروح بيت قوم فاضل ... واذا اي حد سال عنها ... خليه يدقلها على موبايلها ....... هزاع ...و فيه رقاد .. انزين روحي خلاص روحي ..
شمه : لا والله اشتغل عندك انته ولا ياياه اشاروك ...
هزاع : يجلب في لحافه خلاص ابا انام انا ..
شمه : شلت اللحاف وفرته على ويهه .. يله هاه اخمر من الرقاد بعد ......
وظهرت راحت صوب بيت فاضل....
عزه : مرحبا بالغالين ..؟؟؟
شمه : المرحب باجي يعلني افداج وسلمت عليها وقعدن في الصاله اللي تحت يسولفن ....
خليفه كان توه واعي من النوم وكان رايح اييب البورش الفوريل }كايين{ مالته من الوكاله ... اللي كان طالبله اياها اخو سعيد ... لانه مايقدر انه يقعد في البلاد من دون سياره.. وتوه نازل عالدري شاف حرمه قاعده تحت ..
خليفه : هووووووود هووووووود ..
ام زايد : اهدااا اهداااا يابويه محد هنيه غريب خالتك ام هزاع ...
خليفه : السلام عليكم والرحمه خالتيه شحالج ...
شمه : هلا ولديه خليفه شحالك يعلني افداك ماشاء الله كبرت وصرت ريال .. .... يله يله ام زايد يله اندورله بنت الحلال يله عرسيه هو بعد من بعد عرس سعيد ...
خليفه : بخير وسهاله خالتيه .. لا لا ماافكر انا في العرس حاليا يوم بستوي 26 سنه هذيج الساعه ....
شمه : الله يهديك ياولديه ....
ام زايد : قوليله ياشمه .. حليلها حصه بنت ختيه سلامه من زمان تترياه وهو .. اللي راسه يابس ..
خليفه : امايه امايه هيي صوبنا انا بروح .. لو سمحتي بروح انا عن الهذره من صباح الله خير ....
ام زايد : وين مروح توك امس ياي وين بتروح اليوم بعد..
خليفه : امايه بروح اييب سيارتيه ...
شمه : بالبركه ياولديه ....
خليفه : الله يبارك فيج ياخالتيه .....
ام زايد : يله روح واتحمل على عمرك ...
خليفه : يله ان شاء الله امايه .. مع السلامه
شمه وعزه : ربي يحفظك ياربي ..
وظهر خليفه وركب اللكزس ويا الدرويل وراحوا ايبون السياره من الوكاله ........ وهو في يقول ليش مايابت بنتها وياها .. ؟؟ وين بنتها الحين يمكن في المدرسه في الجامعه في الكليه في البيت ؟ اف الله يعلم ... بس شكلها جيه 18 ولا 19 ..
الدريول : بابا انته يقول مشان انا شي . ..
خليفه : ومن درابك انته .. لا لا ماقلت شي ........

الظهر ......... في بيت المر .
ميثه كانت توها يايه من المدرسه . ..وحدرت سلمت على امها واوبها ... وركبت فوق وراحت غرفتها اتبدل ثيابها.. وبعد ماصلت وخلصت فتحت الستاره .. شافت بورش كايين بيضا نازل منها واحد وعرفت انه هاذا الواحد هو خليفه ... تمت اطالعه بكل اهتمام ... يوم هو يبطل السياره ويسكر الباب .. وراح ظهر اخوانه من الميلس .... عسب ايشوفون البورش اليديده مالته يوم شافت انه رياييل وايد جدامها استحت وسكرت الستاره .... مع انه هم مايقدرون يشوفونها بس هي اللي اتشوفهم ... ونزلت تحت تتغدا ... ويا هلها ..
شمه : المر انا عقب شويه بروح الجمعيه اللي حذالنا باخذ شوية غريضات حق البيت ..
المر : انزين برايج روحي ..
ميثه : امايه انا باي وياج ...
ريم : ماما انا بعد اريد الوح الجمعيه ...
شمه : انزين بوديكم وخلصن غدا ...
وخلصن الجماعه غدا وراحت ميثه تتلبس ولبست شيلتها وعباتها ويت عند امها وركب السياره بيروحن ... ودخلن الجمعيه اللي في بين الجسرين ... وخذن عربانه وقعدن يحطن فيها الاغراض...

خليفه كانوا ربعه محتشرين عليه يبونه اييهم القهوه يبون يشوفون البورش مالته ويشوفونه ... وهو طالع من بيتهم جاف الجعيه قريبه منه قرر .. انه ينزل يشتري حق سيارته كلينكس وماي عسب يحطه في الثلاجه وشويت اشرطه ... حدر الجعيه راح واشترا اشرطه وخذ كلينكس توه بيي صوب الثلاجه مالت الماي ... شاف ميثه رافعه غشوتها قاعده تقرا البرجر مال الدياي ولا لحم ...
واتعمد انه ايي جدامها يوم وتم يطالعها وهي مندمجه هب متبهه له قاعده تقرا وتوها يايه بتنزل غشوتها الا جافت خليفه جدامها اول ماشافته عرفت انه خليفه تمت ترتتجف وحالتها لله كانت وايد خايفه وسيده حطت غشوتها على ويهها .. وهي ودها تعرف شو السبب هاذا اللي مخلنها خايفه لهاالدرجه ... من جافها خليفه عدل غير عن اول يوم شافها فيه لانه كان ظلام وكانت شويه بعيده عنه اما الحينه فهي قريبه مافي بينهم غير امتار وبس .. ونسوا ريم عند مال الحلويات وريم كانت واقفه هناك ... تتطالع الحلويات ... وخطف عدالها خليفه وشافها وهو مايعرف انه هاي ريم اختهم وهي تتطالعه وشويه بتصيح يووم انها مالقت حد... قالتله اريد ميثه اريد ماما ... تم يبوسها ويقولها انزين يله اندورهم ومسكته من ايده وراحوا يدوروووون امها .. وشويه الا ميثه في صوب ادور ريم.. وشمه ادور بنتها الصوب الثاني .. راحت ميثه صوب مال الايسكريم كانت ادور ريم هناك .. وخليفه شلها ووصلوا عند مال الاسكريم .. نفس الشي .. ميثه كانت تمشي وبسرعه وماشافت اللي في ايد خليفه ... مشت وبدون قصد دعمته في جتفه وقالتله اسفه وكملت مشيتها .. خليفه كان يطالعها وعرف انها هاي ميثه .. .. مره وحده لفت ريم على ميثه وقعدت تزقرها .. ريم : ميثه ميثه ... ابا ماماااااا ..
خليفه : هاااااااي اختج ؟؟؟
ميثه :رفعت عيونها وشافت ريم وحظنتها وقالتلها وين رحتي حبيبتي وين ...؟؟ ورفعت عيونها حق خليفه .... وشهقت في ويهه .. لانه للمره الثانيه شافها رافعه غشوتها وعيونهها كانت ادمع لانه كانت خايفه على ريم ان يستويبها شي ...ونزلت الغشوه سيده على ويهها ... وقالتله مشكور اخويه وتوها بتروحح الا سمعته يقول ...
خليفه : مممممممره ثانيه لا تخلونها بروحها .. وهاذي الامانه الحلوه وصلتكم .. الا وين امج عنج ؟؟؟؟؟؟؟؟؟؟؟ .. وكان يقول في خاطره فديت الحنونه انا ..
ميثه : بهتت شدراه اني يايه وياامي ؟؟؟؟؟؟؟؟؟؟ ؟؟؟؟؟؟؟؟ وهي تقطع في كلامها .. اددددددور على .. على .. ريييم..
خليفه : اكيييييييه هب هذيج امج خالتيه شمه؟؟؟
ميثه : هاذا ساحر عنبوه ماخلا شي ماعرفه .. ؟؟؟ ميثه كانت تبا تستهبل عليه وتساله منوه هو .؟؟؟ وكيف يعرف امها .. بس هالشي عيب ..عيب انها تكلم واحد هي ماتعرفه .. وسكتت .... عنه .. ويت الام من شافتها ريم ربعت في حظنها ...
ريم : ماما هازا الريال وداني عندكم ... لو هو ماوداني عندكم جان سلقني الحلامي ...
ميثه : انتي يسرقج الحرامي جان زين ... بس بسوط واطي بحيث ان خليفه مايسمعها بس هو سمعها وتم يضحك..
خليفه : حليلها والله ... بعد اذا سرقها الحرامي منوه بيتم عندكم ...
ميثه من القفطه انخشت ورا امها ياويلي ياويلي الله يقطع هالللسان اف اف....... عنبوه هب اذن عليه دوربيل ....
شمه : خليفه ابويه اسمحلي ماعرفتك الا من سمعت صوتك... يعلني افداك يالغالي والله مشكور وين حصلتها ...
خليفه : خالتيه حصلتها عن مال الحلويات .... وقالتلي اريد ماما والله انا مادريبها انها بنتكم .. .. شو اسمج ياحلوه ...
شمه : قولي حق عمي شو اسمج ؟؟؟ ........
ريم: اسمي ليم المل الللميثي ..
خليفه : يارلبي عليج انا اسمج ليم .... انته حلوه وايد ياليم .. مره ثانيه لا تروحين عن ماما بعيد زين.. عشان مايسرقج الحرامي ..؟؟
ريم تهز راسها ..
خليفه : خلاص خالتيه سمحولي الحينه انا بتوكل مواعد الربع ؟؟؟
ميثه : في خاطرها الربع ولا ربيعتك .؟؟؟؟؟؟؟؟
شمه : مسموووح بالحل ابويه ربي يحفظك ويله اتحمل على عمرك ... الا يبتها سيارتك اليديده ؟؟
ميثه وهي منصدمه من امها .. وتقول في خاطرها .. عنبوه ماتم شي مااعرفته ..مالومج شامسيه نشرة الاخبار كلها عندج.... في التلفزيون وفي الفريج ....
خليفه : هي خالتيه يبتها .. ان شاء الله من عيوني .. تامريني بشي خالتيه ..
شمه : لا فديييييتك الغالي ... ربي يحفظك ..
ورواح عنهم خليفه وحاسب الحساب ماله وظهر وراحوا ميثه وشمه عن الكونتر عسب يحاسبون ..
ميثه : عنبوووه يامايه ماتم شي ماعرفتيه منوه هاذا ؟؟؟
شمه : هاذا خليفه يعلني افداه ولد خالتج عزه ...
ميثه : هييييي قالتلي ولد خالتيه عزه ... اممممممم.... وليش تسالينه اذا يبت سيارتك ولا لا .. ليش شو بلاها سيارته ...
شمه : ميثوه عن الاسئله هاي الوايده .. اليوم كنت في بيتهم وكان طالع سالته امه وين بيروح قالها بروح اييب سيارتيه اليديده من الوكاله ... وبس انطمي ..
ميثه : في خاطرها الله يغربل بليسه محلاه ومرتين اليوم جافني من دون غشوه اف اف يالفضيحه ... شو بيقول عني الحينه ؟؟؟ كله من هاي ريموه .. وصدت على ريم اللي قاعده تتامل الحلويات مع انها ماخلت شي ماخذته ... وحطت ايدها على راس ريم وقعدت تكشش شعرها ...
ريم : ماما ثوفيها خلبت ثعلي ..
شمه : عنبووووووكن حتى في الجمعيه صا صااااااا ... اصصص ..
ميثه: اوكي اوكي خلاص سكتنا ...


انتهى الجززززززززززء ..
ظنكم شو اللي بيستوي بين خليفه وميثه ....
ظنكم شو التطورات اللي بتصير بين موزه ومنصور ..
وبتقدر موزه انها تنفذ الكلام اللي قالته في خاطرها ؟؟؟ ولا لا


راااااااايكم و سمحتوا + تعليقااااااتكم ... وان شاء الله يعيبكم هالجزء ...........&#60;&#33;-- / message --&#62;</p></font>

<font color='#728FCE'><p dir=rtl>مشكووووووووووووووووور ة الشيخه.....

تسلم يمناج .....

نتريا التكمله ....

تحياتي....

هتان المنتدى</p></font>

<font color='#8D38C9'>العفو أخوي

وانشاءالله الحين بنزل الجزء

ومشكور ع قرايتك للقصه


تحياتي</font>

<font color='#8D38C9'><p align=center><font color=#ff0000>الجزء السابع</font>


اليوم الاربعاء ... الصبح ..
شمه : الوووو ...
شمسه : الوو.. ياحي هالصوت حي الله ام راشد والله ..
شمه : فديييييييتج شمسه .. الله يحيج ويبجيج غناتي .. شحالكم ؟؟
شمسه : بخير وسهاله والله وانتوا علومكم ربكم بخير ...
شمه: والله الحمد لله كلنا بخير وسهاله .... الا شمسه مابتون عرس قوم يارتيه عزه .. حليلها والله موصتني انه هليه ايون عرس ولدها .
شمسه : والله مااعرف ياشمه .. حليلها والله هي يت عرسي وانا لازم اردلها الزياره .. انا عن نفسي عادي .. اشعنه انتي ماتخبرتي قوم خالتيه جان بيرحون ولا لا ..
شمه : ياختيه كل مايي ابا ارمسها في السالفه انسى والله ..
شمسه : عيل اتريي يعلني افداج بروح ازقرها من خاري ....
شمه : شو تسوي امايه خاري ؟؟
شمسه : ماشي فارشين زوليه وقاعدين انا وخالتيه وساره ...... وحرمة سهيل الكعبي يرانا وبناتها..
شمه : والله يعني عندكم عرب عيل لا هب حلوه ..
شمسه : برايهم هب غرب دقيقه رمسيها وبتردلهم ... انا لازم اعرف اليوم تعرفين عادي انتي اذا انا عندي عرس ولاا شي لازم اعرفه قبل بيوم عسب اجهز عمريه ..
شمه : هههههههههه والله انج انتي معروفه في هالسوالف التعديل والكشخه..هب اخير عن ميثه .. يله عيل روحي زقريها ..
شمسه: ان شاء الله ثواني بس ..
شمسه : خالتيييييه خالتييييييييه
ام حمدان : خيييييييير يامايه شمسه ..
شمسه : خالتيه شمه تباج دقايق في التلفون ...
ام حمدان : سمحوووووولي انتوا هب غرب ثواني برد لكم ..
الحريم : مسمووووووحه ..
راحت ام حمدان صوب التلفون وشلت السماعه وشمسه كانت قاعده عدالها تبا تعرف الرد ........
ام حمدان : مرحبا وسهلا ..
شمه : مرااااحب الغاليه شحالج ...
ام حمدان : بخير وسهاله يعلني افداج وشحال المر وعيالج ؟؟
شمه : الحمد لله يامايه كلهم بخير وسهاله .. الا امايه مابطول عليج بس بغت اعرف جان بتون عرس قوم عزه يارتيه ولاالا حليلها موصتني انكم اتوووووون عرس ولدها .. ومطرشتلكم عندي كروت ....
ام حمدان : حليلها عيل ولدها بيعرس ان شاء الله يامايه بنيكم باذن الله باجر الصبح بنخلي الدريول ايبنا صوبكم ..
شمه : على خيرت الله يامايه ... عيل سمحيلي فديتج انا بظهر بروح اساعد العرب عندهم اليوم زهبتهم ...
ام حمدان : فيج الخير والله يابنت غيث .. مسمووووووحه بالحل فديتج ربي يحفظج حبيلي العيال ..
شمه : ههههههههه تربيتج الغاليه .. ان شاء الله يامايه .. يله مع السلامه ..
ام حمدان : مع السلامه ..
شمسه : الا خالتيه بترحون باجر العرس ..؟؟
ام حمدان : ان شاء الله باذن الله حليلها هاي يارت شمه من زمان .ويت عرسكم من بوظبي .. ولازم نروحلها .. بنروح انا وانتي وساره .. وبنشوف جان ريسه بتي ويانا .....
شمسه : باذن الله ..
وظهرن ام حمدان وشمسه من الصاله وراحوا خاري يقعدن عند الحريم ..... وعقب ماروحن الحريم قالت ام حمدان حق ساره ...وساره كانت مخططه اتروح بيت هلها اليوم بس بما انه بيرحون العرس باجر بتقعد وبتروح وياهن .......


وراحت شمه .. بيت يرانها بيت فاضل ... وقعدت معاهم ايرتبون ويعدلون الاغاراض حق الزهبه فليل عسب ايدونهم بيت لعروس في الليل......


الحصه الاخيره في مدرسة ميثه .. كان عليهم رياضيات وكانت عندهم ابله صعيديه دومهن يطفرنها هي ورببيعاتها .. وميثه كان عندها وايد ربيعات في صفها وخاري صفها .... في شنطت وحده من ربيعات ميثه اسمها ساره كانت معلقه لعبه بنت صغيرونه... وميثه قاعده عدالها اتصد ورا اتقول حق ربيعتها .. وكانن اربع بنات وهن اشطن شي في الصف مع انه صفهم كله كان شيطان ومشاغب .. كانت ميثه وعدالها ساره قاعدين اول شي في السيد اللي في النص ... اما .... ربيعاتها فاخره وامنه قاعدات وراهن .....
ميثه: اقوووول فخووووووور عندج كلينكس ...
فخور : هيييييه في الجمعيه ... في وااااااااااايد ...
ميثه : مالت عليج يالعنز .. ابا كلينكس تمت اصارخ ابا كلينكس ابا كلينكس ..
وقامت وحده من البنات اللي قاعدات ورا وعطتها كلينكس ....... قامت ميثه وشلت شنطة ربيعتها ساره ... وحطتها في نصهن ... وشلت اللعبه وعقتها عالارض ونزلت شويه تحت اونها ترقد اللعبه وعقب حطتها على الارض ولحفتها بالكلينكس ... ساره تتطالعها ..
ساره : ميثوووووووووه حووووووووووه اتخبلتي شوه ..
ميثه : تضحك بخبث هههههههههه ..
وكانن فاخره ربيعتها وامنه يتكلمن .. ويضحكن بسوط عالي .. صدت عليهم ميثه ... اصصصصصصصصصصص وحطت صبعها على ثمها . .. وتاشر على اللعبه اللي راقده .....
امنه + فاخره : يضحككككككككككككن بسووووط عالي ...... هههههههههههههااااااااااي ...
المدرسه : انا قايله من الاول انا مش عايزه ضحك ماتسمعيش انتي وهي وهي وهي .. اخرسوا خالص مش عايزه اسمع نفس ..
ميثه : مس اذا ماتنفسنا بنمووووووت ...
ساره : هيييييييييييه بنموت وانا امايه تبااااني ...
المدرسه : انتوا بنات المستقبل .. لازم ماتعملوش كده لازم تتحترموا نفسكو بكره حيكون عندكو ولاد مين حيربيهم وانتوا كده حيطلعوا لمين ..
امنه : عادي مس بيظهرون على ابوهم وابوهم بيربيهم ...
ساره + ميثه + فاخره : هههههههههههههههههه كفج كفج اموووووووون حلوه يابتها هيه والله ..
المدرسه : ياقليلات الادب يلي ماتخشوش اخرجوا برع برع ....
فاخره : مس قولي والله نظهر برع عادي يعني مابتخبرين علينا الادراه ....
المدرسه : انتي بصيحيييييييييح قمه في الت الادب ...........
فاخره : عادي مس تيكت ايزي انتي ليش معصبه .......
ميثه : مس هب زين للحرمات الكبار انهن يعصبن يرتفع الضغط .....
</p></font>

<font color='#8D38C9'><p align=center>الجزء الثامن

فز منصور من مكانه وشاف التلفون ..
منصور : اوهوووو منوه هاذا المتفيج الحينه خله يولي هب راد ..
مارد منصور عالتلفون رن مره مرتين ثلاث وعقب وصله مسج ... "منصور اباك ضروري رد عليه " شاف منصور المسج ..حس منصور بشي غريب ورد اتصل عالرقم ......
ومن دون نفس ومن ورا خاطر ..
منصور : الووووو
المتصل : ساااااكت ..
منصور : بلا عبط مطرشيلي مسج اباك ضروري عشان تسكتون .. وكان منصور يسمع صوت وحده تصيييح ..
منصور : سااااكت يسمع صوتها وهي تصيح حس بانه شي يجذبه تجاه هالصوت.. و انه هو يعرف هالصوت حس بروحه اللي ماكانت في جسده انها ردتله من سمع هالصوت وتنهد تنهيده قووويه . اااااااااااااااااه ..
عنود : منصووووووووور ..
منصور : ياعيوووون منصور وهو لين الحين ماعرفها ... بس قلبه نطقبها قبل لسانه لا ينطق ابها ... لانه ولا مره سمع صوت العنود في التلفون .. بس احساسه كان اقوى منه ..
عنود : منصور ليش خليتني ليش اتخليت عني وين وعدك انك بتكون دوم ويايه وين حبنا وييييينه بالهسوله هان عليك حب خمس سنين تفره ورا ظهرك وتطوف عنه ..
منصور : ساااااااكت ومنصدم ....... عنووووووووووووووووود فديتتتتتتتج فديت روحج فديت قلبج انتي وين انتي وين عني وينج .. انا لين الحين عند وعدي وبتم دوم وياااج وعمري مابتخلا عنج ياروح منصور... ياروووح منصور انتي اللي ردت من سمع هالصووووووت ..انا مابعت حبج ومستحيل اني ابيعه ابيع عمري وحياتي كلها وهليه كلهم انتي اخر شي افكر اني ابيعه ...... تعرفين شو معنى اخر شي وقعد يصيح وهي تهدي فيه.. بس ماقدرت كان صيااح منصور مثل الياهل اللي يشتكي من شي وهالشي يعوره بقو ومايقدر انه يتحمل الالم .. كيف اهون عليج تنطيقن بالهرمسه قولي كيييييف ؟؟
عنود : من سمعة كلام منصور سكرت وهي ميته من الصياااح تصيح باقوى ماعندها تصيح من قلبها اللي كان يتالم وهو يشوف منصور يصيح عليها مثل اليهال ..
تم منصور ودموعه في عيونه وهب مصدق ابدا اللي صار هاذا كان حلم ولا علم قعد يشوف الرقم ويشوقف وقت الاتضال بس عسب يتاكد ومااقدر انه يتصل فيها مره ثانيه .. لانه مايرديد يزيد عذابه وعذابها .. يسد اللي هم فيه
وكان عالخط الثاني كل شويه تتصل موزه واطرشله مسجات وهو لابسنها يكلم عنود ..
"وينك . ليش ماترد ؟؟؟"
" عندك خط ثاني منوه تكلم في هالليل وماترد عليه هاه ؟؟ "
" يعلها الموت جانها بنت انزييين "
قرا منصور المسجااات وفول عليها من الغيظ كيف تتدعي على حبيبته بالمووووووووت .. اتصلبها وهزبها ..
منصور : اشعنه تفاولين عليها بالموت يعلج الموت قبلها يارب ..... لا تفاولين عليها هاي عمتج وتاج راسج هي تاج راس كل البنات وانتي اللوث امره مول لا اتحرين انج طريتي على بالي انتي لو حشيم جان مارفعتي السماعه وورمستيني .. البنت الحشيم ماتكلم غير ريلها .. يله انقلعي ولا عاد اشوف رقمج على تلفوني والله والله لا ييج شي ماياج طول عمرج ...
مااتت موزه من سمعت هالكلام .. وسكرت في ويهه وهي تصيح معقوله معقوله .. جرحني وايد هو ماعرف انه اللي سويته كله كان علشانه ماحس فيني وهو يجرحني اه ياكلامه والله والله انه سجاجين في قلبي وتمت تصيح طول الليل ..

هلا بك ياامل عمري على الاحزان والاوهام
هلا بلي غلاته وسط جوفي سامين راسي
هلا بك ياعديل الرومح هلا بك فوق صدري وسام
عديل الروح عندي بالجواهر مثل الالماسي
هلا بك شمعه تظوي بعين جفنها مانام
على مد النظر ياكبر شوقي وانته نبراسي
قدومك لملم جروحي قدومك عالج الالام
وصالك ياامل عمري اقوي من هنا باسي
هلا بقدومك لخلك هلا يامحقق الاحلام
هلا بقدوم اعز انسان يملك جوهر احساسي
من الاعماق اهليبك بقربك لي دام
ملكت اغلا الكنوز اللي غلاها فيه نومافي
لعلمك يا امل عمري بنا لو طالت الايام
ترى ماغيرك احد ماكنن في الجوف انفاسي
ابيك تشوف بعيونك شقا عمري عليك العام
صدوق الود لعيونك تربع باعمق انفاسي ..

شعر : الامير محمد بن عبد العزيز ..

ظهرت عنود من غرفتها وهي منهاااااره وتصيح وشافت ابوها في الصاله وييت وقفت عند الممر مال الباب اللي في الصاله وهي تصيح وتناهي .. اباااااه ابااااااه اباااااه وزادت نبرة صياحها بصوووت عالي بموت قوموا عني بموووووت .. مسكها ابوها وهي طايحه في حظن ابوها اباااه ابااااااااه ابا منصوووور منصور بيرووح مني .. حرااام عليكم حراااام ... تذبحونا لييش ليييييش والله حرام حرااام وكانت وتصارخ باعلى صوتها لين مانشت امها على صريخها .. ام العنود تربع ..
ام العنود : شو فيها بنتي شو بلاج شو اللي استوا خبريني شووووووه ..؟؟ليش اتصارخين واتصيحين شو اللي عورج
ابو العنود الدمعه في عيونه كاسره خاطره بنته ومب قادر انه يتحمل يشوفها جذيه ..
عنود: بنتج هههه ضحكتيني اي بنت انتي اصلا عندج احساس بالامومه بنتج اللي ماحسيتي فيها بنتج اللي طعنتي قلبها شو اللي يعروني ليش تسالين شو اللي يعورني وانتي السبب في المي وعوراي انتي السبب انتي .. انتي عايشه تبين اتمشين الكل على كيفج تتحرينا نحن جدامج مثل الالعااااب يمين يمين يسار يسار لا لا .. انا هب لعبه هب لعبه تتدرين شو يعني هب لعبه .. اللي عورني قلبي قلبي تعرفين شو يعني قلب... ولا ماتعرفين كيف بتعرفين شو يعني قلب وانتي مافيج قلب ..
ام العنود : انصدمت من كلام العنود الها كلام العنود كان كله تجريح.. الكلام اللي العنود كانت تقوله .. كبير كبير عليها .. ماحست بعمرها الا بكف على ويهه العنود.. انتي شو جنسج انتي تبيلج شي يوعيج للي انتي قاعده اتقولينه الحيننه .. انتي من ياج الكف هاك اليوم اصطلبتي الظاهر انه تعود ويهج عليه شان تصتطلبين ..
عنود : عادي ضربيني مايهمني لو شو بتسوين فيني اباااه ابااه وقاعده تصارخ في حظن ابوها ......وتضرب ايدها عالارض ..... بكل قوه ..
ابو العنود : بس يا شيخه ببببببببببببس انا ماروم اشوف حشاشة يوفي تتعذب جدامي هو يباها وهي تبااااااه وهاااااي بنتي سكت عنج وايد لكن خلاص خلاص ماتحمل اشووووف بنتي على هالحال ماااقدر .. بتاااخذه الراي رايي انا بتاخذه تفهمين سوي اللي تبينه ...
ام العنود: خذيييه بس اعرفي انج لا انتي بنتي ولا انا امج ليييين يوم الدييييييين .. تفهميييييييين ..
عنود : الام اللي ماتحس في بنتها الام اللي تبا بس راحتها هاي هب ام تعرفين شو هب ام ..
ام العنود : شلها عني.. ظهرها برع والله ان خليتها بجتلها تعرف شو يعني بجتلها ...
عنود : منوه قال اني بيلس وياج اصلا منوه قالج .. منوه يتحمل انه يقعد ويا انسانه مثلج منوه خبريني ؟؟
ابو العنود : عنود بس خلاص روحي حطي اغراضج خلينا نروح عن يدتج ..
وقامت العنود وعيونها متروسه دموع ماتهون عليها امها.. امها اللي ربتها وتعبت عليها . عنود في خاطرها ... سمحيلي يا امايه صبرت وايد عليج وحاولت انج تغيرين رايج بس للاسف انتي راكبه راسج وماتبين تشوفن بنتج مرتاحه... مااعرف ليش تبيني اعاني كيف اهون عليج .. مااقول غير الله يهديج ويسامحج .. اسفه يالغاليه مااقدر مااقدر اني افارق منصور مااقدر ....... وحطت ثيابها وراحت هي واوبها صوب بيت يدتها اللي هي ام ابوها .. ووصلوا هناك عالساعه 2 الفجر...
يدت العنود : هلا بولديه هلا بالعنود شو يايبنكم نص الليل شو مستوي ..
وقالوا حق يدت العنود السالفه كلها ..
يدت العنود : الله يهديج ياشيخه ... لا حول كيف تقدرين تفرقين بين قلبين وقلب من هالقلبين هو قلب حشاشة يوفج ..
وتمت العنود تصيح في حظن يدتها تصيح قسوة الزمن عليها كيف انه امها تقولها جيه كيف انه امها ماحست فيها .. وتمت يدتها تهدي فيها وعقب عالساعه 3 رخصتها ترقد وراحت العنود غرفت عمتها وحطت ثيابها هناك .. وحطت راسها عالمخده ودقت سيده حق منصور اللي كان طايح وفكره عند العنوود وماضيهم ووعدهم حق بعض والحين شو صار ... ومن رن التلفون فز منصور ورد عرف انها العنود من دون لا يشوف الرقم حتى ..
منصور : ...................................
عنود : منننننص.... ور ..
منصور : شو فيج ليش صوتج جذيه رايج شو فييييييييييييييج ؟؟ منصور حس في العنود دون لا يعرف اللي صارلها لانه صوت العنود كان وايد متغير وكان يدل على انها ميته من الصياح وصوتها كان رايح ماينسمع منها غير الهمس ......
عنود: منصور ابويه رمسني وقال انك اتي تملج عليه باجر .........
منصور :شووووووووووووووووووووووو� �وووووووووووووووووو ؟؟؟ كييييييييف .؟؟ منصور هب مصدق الكلام اللي كانت عنود تقوله ..
عنود : منصور ابويه وافق .. بس امايه .. وتمت تصيييح .. وهو ساكت ويسمعها شو بيقولها بيقولها يعني خلي امج تولي برايها لا توافق لا ترضى لا تي عرسنا ... مستحيل هاي امها ..
عنود : عادي مايهمني انته اهم شي عندي في الدنيا انتي كل شي عندي في الدنيا امايه مصيرها في يوم انها ترضى لكن انته انته يامنصور ان رحت عني في يوم كيف بترد لي كيف .. كيف اردك ؟؟
منصور : انا مااقدر اعوضج عن امج يالعنود امج اهم شي في الدنيا .. ارضي امج لا تخلين امج تزعل عليج ..
عنود : انته شو ناوي عليه انا اقولك اخسر الدنيا كلها ... مايهمني انته اللي تهمني انته انته يامنصور تباني اموت ترضالي اني موت جدامك .. وانته تكون سبب موتي ترضا ؟؟
منصور : حوووووووووه عنووووووود .. لا تقولين جذه بسم الله عليج ياربي يعل يومي قبل يومج لا يالغاليه مايرضيني وانتي تعرفين هالشي عدل ..
عنود : خلاص عيل تعال واملج عليه باجر ......
منصور : ان شاء ان شاء الله خلاص اللي تبينه بيصير ..
عنود : خلاص منصور برايك ... اسمحلي جان غثيتك ولا ضايقتك ..
منصور : جب انتي حبيبتي لا تقولين جيه فديت ام حصوصه انا ..
عنود : ههههههه منصور بعدك ذاكر ......
منصور : لاخر يوم في حياتي بتم اذكر ......
عنود : الله لا يحرمني منك يارب ..
منصور : ولا منج خلاص غناتي رقدي واتحملي على عمرج ... وان شاء من باجر بتكونين مدام منصور الشامسي ..
عنود : ههههههههه .. منصور بس عاد استحي انا ..
منصور : انا بتفدى بس اعرف انج بتاكليني بشراع وميداف مجرب .......
عنود : ههههههههههه تعرف شو اللي بييك يعني ؟؟
منصور : ياله اعرفه زيم مازين .. خلاص ماطول عليج يالغاليه .......
عنود : خلاص ماعليه يله مع السلامه ..
منصور : مع السلامه ..

اهواك يا مولافي صادق واقسم قسم فيك الجمال اصنافي وبحسنك محتشم
مهما حصل ياوافي قلبي يخفي الالم ياسيدي بالطافي عندي انته المهم
قلب الغريم صعبه انه ينفهم يابو يديل انطافي يامكسي الجسم
حسنك يفوق اوصافي ومن حبك ماندم اهواك يامولافي صادق واقسم قسم


شعر : الشيخ نهيان بن زايد ال نهيان ..

قام منصور يوم السبت وماراح الدوام ها ليوم اتصل واعتذر ....... وراح الصاله ولقى امه وحريم اخوانه ساره و شمسه ..
منصور : السلام عليكم ..
الكل : وعليكم السلام
ونش منصور وحب امه عراسها ..
ام حمدان : فديتك يابويه .. اشعنه مارحت الدوام اليوم كم مره دقيت عليك وانته هب راضي انك تقوم اشعنه شياك .؟؟
منصور : امايه انا بملج اليوووووووووووم .
ام حمدان منصدمه وقاعده تتطالع ساره وشمسه اللي منصدمات ويطالعن بعض ..
منصور : امايه انا هب ولدج امايه انتي ماتتنمين اني ارد مثل قبل .. ماتتمنين ولدج ترد فيه الروح امايه اذا انا صدق غالي عندج انا بروح اليوم املج عالعنود ابوها اتصلبي وقالي جانك تباها تعال اليوم املج عليها ومتى ماتباها خذها .. امايه والله لا انا في حاله ولا هي في حاله امايه دخيلج داخل عليج بالله يامايه انج توافقين ادري انكم تبون تفرحون فيني وتسولي ملجه بس ان شاء الله كل اللي تبونه سوه في العرس خلوني املج ... بس
ام حمدان : ماعليه ياولديه اللي يوفقك اهم شي اني اشوفكم جدامي فرحانين ومستانسين ومافي شي يهمني غيركم لانه مالي حد غيركم عقب وفاة ابوكم ...
وقام منصور وحب راس امه
منصور : مشكوره يالغاليه مشكوره يااعظم ام في هالدنيا.... وقال في خاطره ليت نص طيبت قلبج تكون عند ام العنود .. ياليت ..
ساره : مبروك منصور مقدما احم احم ولا تنسى الوعد اللي واعدني به ....
منصور : هههههههههههههه .. افا عليج يام غيث ..
شمسه : هاه ثره بينكم وعود وانا ماادري يله يله خبرووووني عاده ...
منصور : امايه هاي شبلاها .. روحي روحي عند خالتج ..
ام حمدان : تعالي تعالي يابنتيه مافيهم خير توالفوا علينا ..
شمسه : ماعليه ياصرصور ..
منصور : حووووه شميييييس ....
شمسه : يالهراااس ..
منصور: اسكتي ام حارب .. تعرفين امايه تشبهه ام حارب اللي في شحفان القطو صح ساره ..
ساره : هههههههههههههه
ام حمدان : الله يقطع سوالفك ... يا منصور ...
شمسه : ماعليه ماعليه ان ماخبرت ريلي عليك انا ام حارب ياشحفاااان ..
منصور : لا ارجووووووج كله ولا تخبرين احمد البارد ههههههههه
شمسه : جب لا تقول عن ريلي بارد ......
وشويه الا بدخلة سلطان عليهم ......
ساره : ههههههاااااااي كملت ..
سلطان : يعيب عليها هههههه كملت .. شو بلاج هب صاحيه اليوم ..؟ ؟ سلم علييييييهم ..
شمسه + ساره + ام حمدان : وعليكم السلام .....
منصور : حيييييييييبه .. وعليهم السلام والرحمه ..
سلطان : امايه شبلاه منصور مستااااااانس اليوم شكله محلو اليوم ..
شمسه : ليش يا كراني انته ماعرفت انه اليوم شحفان بيملج ......
سلطان : شبلاها هاي بعد امايه بلاهن حريم عيالج اليوم شو عاطتنهن من الصبح ...... منوه كرااني ؟؟ ومنوه شحفان ؟؟
ام حمدان : حليلهن يسولفن وياااااكم ......
ساره : طبعا انته كراني واخوك منصور شحفان ....
شمسه : اونه مايعرف عمره ...
سلطان : اسكتي انتي ام حارب ......
منصور: تصدق ياريال توني اقولها انتي ام حارب ماتشبهها ..
سلطان : ياريال الخالق الناطق جنهن خواااااات ؟؟؟ ونحن ماندري ؟؟
منصور : والله ماادري انا شاك الصراحه ؟؟
سلطان : لا والله صدق منصور بتملج ؟؟؟؟؟؟؟؟؟؟؟؟؟؟؟؟؟
منصور : هيييييه الغالي بملج ...
سلطان : رووح روح ياريال روح نقع صواريخ خاري اخير .......
منصور : برايك هب مصدق .......
سلطان : انا ماصدقك فديتها غايه والله يانها ماتجذب عليه صدق امايه ؟؟؟؟؟؟
ام حمدان : هي عنبوه هالسوالف فيهن جذب وصدق .....
سلطان : هل العنووووووووود وافقوا ......
منصور : هي وافقوا بس امها مابتي العرس .......
سلطان : والعافيه ابرك .......
ام حمدان : عييب سلطان ماعليه برايها ربي يحفظها ........
سلطان : الا ويا منوه بتروح تملج عليها ..
منصور : بروووح بروحي اليوم وبملج عليها ......
ام حمدان : حي والله ليش عاد بروحك شل اخوانك وياك ..
منصور : امايه ماله داعي واوبوها يبغي هالشي اني اكون بروحي ..
ام حمدان : برووووووحك ماتروح اخاف يسون فيك شي لا لا مااترووووح
منصور : امايه انا هب ياهل وتوج تقولين انج مابتوقفين في طريقنا والحينه تتحرطمين ........
ام حمدان : انا ماريد اوقف في طريقك بس مايصير ياولديه شو بيقولون العرب عنا ....
ساره : عميه يمكن هم يعني مايبون يشهرون السالفه برايه خليه يروووووح الهم منصور ريال هب ياهل ..
منصور : هالكلام العدل يامايه سمعي ام غيث تعق درر اليوووووم ... يله برايكم انا بروح اتحلق ..
سلطان : مبروووووووك مقدما المعرس ..
منصور : الله يبارك فيك ياربي ..
سلطان : منصور تعال خاري اباك في السالفه ......
منصور : هههههههههه هييييه عرفت يله سرينا ..
شمسه : انا بروح وياكم شو بتقولوون ..
منصور : انتي ليش قرصج نيي ؟؟
ام حمدان : طالعه عليك تراها ... هههههههه .......
شمسه : ههههههههههه واوووووو قالوله ..... وتاشر بصبعها على منصور ..
منصور يطالع شمسه بنص عين ومعقد حياته .
سلطان : ياريال هاي هب صاحيه .. ادعيلها بالهدايه ....
شمسه : الله يخليكم .. مادري منوه اللي يباله الهدايه .... ههههههههه .......
وطلعوا سلطان ومنصور برع الصاله وقفوا جدام الباب عند سيارة منصور .......
شمسه : بلاج في شوه واعدنج منصور ..
ساره : ماشي اني بروح اختارله الاثاث حق غرفته اليديده بس خلاص طاحت الدوده ...
شمسه : ههههههه هيه خلاص الحين اوكي .....
ام حمدان : الله يوفقه ياربي ...... ويهدي امها ...
شمسه + ساره : اميييين يارب......
سلطان : شو السالفه خبرني اياها بالتفصيل .. وشو بتسوي ويا موزه ...
منصور : قال حق سلطان اخوه كل السالفه اللي صارت بينه وبين العنود البارحه وقاله عن حركات موزه وكيف رد عليها .....
سلطان : حرام عليك منصور ..
منصور : شو حرام عليه ... تتدعي على عنوودي عيل .. يعلها بدالها .. فقتها
سلطان : حط نفسك مكانها حليلها بتذكرها في يوم حرام جرحتها يعني ماله داعي لكل هاذا الكلام ..
منصور : تخسي الا هي مره مول ولا طرتلي حتى ... تعرف ناوي اطرشلها حد من الشباب ......
سلطان : بلا حركات النذاله هاي نحن ماتربينا على هالاشياء اوكي نكلم نتمصخر لكن مانسوي نذاله في البنات ... منصور نحن عنا خوات .. وباجر بينك بنات طبها والله يستر عليها يارب .........
منصور: انزييييييين خلاص فكنا منها خلها تنقلع المهم تامرنا بشي سلطووون
سلطان : لا سلامتك يالمعرس الغالي ..
ودخل سلطان الصاله ...

في الشارجه في بيت يدت العنوود ..
يدت العنود : مبرووك عليج يابنتيه .. والله يديم عليكم السعاده والهنا دوم يارب ويعوضج عن حنان امج ياربي .. والله يهديها ان شاء الله .. ترى منصور ريال ونعم الرياايل .. ياحيه ولد غيث والله ..
عنود : الله يبارك فيج يادتيه ماتتصورين اشكثر انا مستانسه والله اني مستانسه وايد وااايد يدتيه تتدرين انا من متى اتريا هاليووووووم من ست سنيين الحينه تقريبا ......
يدت العنود : الله يدومها عليكم من فرحه ياربي ..
عنود : امييييييين يايدتيه .. الا يدتييه هم اليوم بيون
يدت العنود : هي وبيكون عمج سعيد ومصبح .. هم الشهوووود ان شاء الله ..
عنود : هيييه انزين عيل ماعليه ..


المغررررررررب ..
اتصل ابو العنود حق منصور واتواعد وياه وقاله مكان البيت .. وراح منصور صوبهم عقب اذان المغرب .. وملجوا وتمت الملجه على خير.......

وصل منصور البييت ... فليل .. وهله كلهم يتريونه في الصاله يبون يعرفون شو صار ... فتح باب الصاله وهو مستانس ويضحك ..
ربعت ريسه في حظن اخوها ....... وحظنته
ريسه : مبرووووووووك مبروووووووك
منصور : الله يبارك فيج .. خلاص خوج استوا معرس .......
الكل : مبروووك المعرس ..
منصور : الله يبارك فيكم ..
بطي : والله وعرسوا اخواني واستووا رياييل .. وماباقي غير سلطان والفال له قريب ان شاء الله ..
سلطان : نععععععم نععم منوه انا هيهااء بتبطي هههههه ..
ام حمدان : بس صخوا هاه ولديه بشر شو استوا
منصور : ماشي امايه رحنا وملجنا وكانوا الشهود عمامها ...
ام حمدان : قعدت تصيح من الفرحه اتذكرت قبل 4 اشهور يوم راحت تخطب عنود وردوها والحينه استوت عنود حرمة منصور ..
شمسه : شحفان استويت معرس ..
احمد : منوه شحفاان ..
شمسه : اتاشر على منصور هاذا اخوووووك ..
منصور : شميييييييييييس .. ام حارب ..
شمسه : احمد شوفه يقولي ام حارب .. وبكل دلع كانت تقوله اياها
سلطان : ليش تنكرين اونها اونها طالع خوفتنا بريلها ..
احمد : هههههههههههه .. لا تسبون حرمتيه ..
شمسه : هاذا اللي قدرت عليه مامنك فايده ونشت راحت قعدت عدال عمتها .. مافي غيرها الحكووومه .. وحبت خالتها على راسها .
منصور : لا لا خلاص الحينه بنسكت ..
ام حمدان : هاااه كله ولا تغلطووون على بنت ختيه كله ولا شمااسي فديتها وتحظن شمسه ..
ريسه : احم احم امايه انا هنيه ترااني ..
ام حمدان : اووه صح نسينا الغيره كلها .. هنيه ..
منصور وسلطان كانوا محترمين ساره ولا هم ناوين يطيحون فيها بس بما انه ريلها يالس مايرمون يقولولها شي .. وهي عاد هنيه منتهزه الفرصه .....
ساره : الا اقول كرااني انته من منوه تخاف اصلا ..
سلطان يطالعها بنص عين وانخش ورا منصور ويسولها ماعليه ..... عسب بطي مايشوفه ......
ساره ميته عليه من الضحك .......
ام حمدان : الا منصور الحين الغرفه وبترتبها لك ساره .. انزين ومتى بتييب الهنود عسب يشتغلون يصبغونها ويركبون سراميك يديد ومتى حددتوا موعد العرس ؟؟
منصور : امايه حدددوا العرس عقب شهرين .......
ريسه : لا والله يعني لو ماسالتك امايه جان ماخبرتنا ولا فصلنا شي .. امايه باجر اتوديني عند اروشي مالي خص ..
ام حمدان : وين مابيفصلن حريم اوانج وخواتج فصلي وياهن لا طروشي ولا نعوشي ..
سلطان : امايه اسمه اروشي هب طروشي ..
ام حمدان : والعافيه نعوشي شو تبا انته بعد ..
سلطان : ههههههه لا لا مابا شي خلاص ......
شمسه : والله انا مااعرف بروح اشوف في دبي عند واحد من المصممين ..
ساره : وانا بعد بخلي بو غيث فديته يوديني ...
بطي : لا والله هيه ان لا والله هيه ان شاء الله ماعليه اتريي..
منصور : يله المهم برايكم اضاربن هاه لا اوصيكن انا بروح ارقد .. وشويشوي ظهروا كلهم من الصاله وراحزوا يرقدووون ...




في بيت فاضل القبيسي.......
خليفه كان يفكر وهو طايح عالشبريه معقوله هاي هي الانسانه اللي كانت قريبه مني امتار وبس معقوله هاي البنت تفر راسي انا .. وتخليني اتعلق ابها وادور عليها .. لبيش وين ماروح اشوفها ... ليش .. اف ياربي ويعض على شفايفه وهو يتذكر حلاتها والخصل اللي كانت نازله على عيونها ... ياربي مستحيل هاي بشر مستحيل هاي اكيد قمر في صورة بشر ياربي الله يخليها لي والله والله ماتكون لغيري ... معقوله يا خليفه حبيتها وانته طول عمرك تلعب عالبنات معقوله هاي تكون الحب اللي انته ادور عليه من اسنين ولا حصلته الله واعلم ... يمكن هاي هي الانسااانه اللي طول عمري مافكرت احب حد بس عشان احبها مااعرف والله من اشوف عيونها شو يصير فيها فديت العيون الناعسه انا فديتهاااا .... ياربي مااقدر انا شكلي رحت فيها ...


سرى فكري وخلق الله نياما سرج قلبي مشاعر وجد قلبه
جدى من هو سلب فكري وشاما وخطواتي سرت في ليل دربه
كثير الشوق للمغرم هياما متاهات وضياع وهم وغربه
طريقه صعب وعمر ومايراما ويبشر بالوهن من هو يمر به
جموح خيول ورماح وسهاما رموشه كنها طعنات حربه
ضحايا نظريه ياما وياما وتحلم من ترى يحلم بقربه
عيرنه من نظرها يايلاما اذا منه نسى قوته وشربه
بديع ووحنته تجلي الظلاما سطى قلبه على قلبي وحبه

شعر : الشيخ هزاع بن سلطان بن زايد ال نهيان ...

انتهى الجزء ..

ظنكم شو بيصير بين ميثه وخليفه
ظنكم بيستوي عرس منصور ولا لا
وشو من التطورات اليديده بتستوي ؟؟؟ </p></font>

<font color='#8D38C9'><p align=center><font color=#ff0000>الجزء التاسع
</font>


تحدد موعد عرس عنود ومنصور بعد شهر والعنود هالفتره كلها كانت تروح هي واختها يشرن الاغراض حق العرس .... والحمد لله قدرت انها تخلص اغراضها بس بقالها كمن يوم وتخلص كل شي ومابقالها غير الفستان اللي راحت عند المصمم كلاش اللي في دبي وحجزت عنده الفستاان اللي كان بنتهى الروعه والاناقه .. وحجزت في صالون مورا . مكياجها ..


في بيت ام حمدان .. يوم الاربعاء.. الكل كان موجود قوم المر كلهم .. وهند كانت يايه عند هلها .. وكانوا قاعدين في الصاله ..
المر : ماشاء الله عمتيه الحينه الجو روعه ومايتفوت .. ولازم نظهر كلنا صوب البر في هاذا الجو الغاوي بصراحه مايتفوت ..
ام حمدان : صدقك والله ياولديه انا من زمان في خاطريه . خلونا انروح والله شويه انرفهه عن عمارنا عن حكرة البيت شو رايكم انروح باجر دام الكل هنيه موجود..
المر : والله ياعمتيه هاذا اخير شور بما انه باجر الخميس وانا رايي من رايج
بطي : وانا صراحه عن نفسي موافق كله ولا سيرت البر ماتتفوت ..
ساره : وانا ورا ريلي طبعا ..
ام حمدان: والله بنروح وبنطبخ هناك وبنسوي هاك المجبوس الغاوي وبناكله ..
منصور : والله لو تتريوني عقب مااعرس اخير عسب اتكون حرمتيه وياكم ..
المر : ياريال عقب غير روح انته وحرمتك شهر العسل هاذا مالكم كل مكان تبونه .. نحن هب مرتبطين فيك نترياك .. خلنا انروح هالمره والمره اليايه بنروح ويا حرمتك ..
منصور : خلاص شوركم وهداية الله... وصدد صوب الحرمات .. شو رايكن .. ؟؟
هند : انا موافقه صراحه وماعندي مانع وتصد صوب ريلها هاه شو رايك ..
سعيد : والله دام عمتيه تبا هالشي والله انا ماعندي مانع انروح ليش لا ..
المر : هاه سلطان شو رايك .. ولا ليش رايك انته اول واحد بتركب السياره ..
سلطان : ياريال مافيني والله انا دومي في البداير ويا ربعيه مافيني والله .. جانك الا بتخلي حميد اخوك ايي ويانا انا موافق ..
المر : خلاص تم .. الا هو حميد اروم ايبه بسرعه ..
حميد اخو المر هو اصغر اخوان المر وهو الوحيد اللي تام بليا عرس .. نفس حالة سلطان رافض هالشي ...
واتفقوا كلهم على سيرة البر باجر .. وتموا يسولفون.. لين وقت اذان العصر عن السيره والتخطيط .. كيف بيكون ..وظهروا الشباب بعد ماسمعوا الاذان وراحوا يصلون العصر في المسيد . وحدرت ام حمدان عسب ترقد شويه وقت الظهر..
شمه : هيهااااء مصختنها ثركن من الصبح قاعدااااات يله قومن بنروح ... متى تبونا نروح نص الليال عاد انتوا تعرفون دبي والزحمه ..
هند : انزين شميم منوه بيودينا ماشاء الله انتن وايد كيف بتكفيلكن السياره لا وبعد بتمرن علاروضه
شمه : ماعليع بنتراص قومي انتي يله .. دام دروليه هنيه قومن .. وبعدين انا رمسة ميره وانتي تعرفين ميره ماداني تروح دبي بتقعد وقالت بتروح هي وريلها بتشوف شي ... تعرفين ميره انتي ماتفارج ريلها بنمر بس على روضه ..
ريسه : لا والله ادرويلنا نحن هنيه بعد عادي .. اذا مكافا بنروح في سيارتين ..
شمه : لا بيكفي هب كيفج قومن يله .. ثلاث ورا واربع جدام ..
شمسه : وليش اتخلونا عباس على دباس براينا بنروح في سيارتييييييين ..
شمه : ياختيه نحن روحنا ماندل مكان وانتي راعية دبي انتي اللي بدلينا ...
شمسه : هب لا اروحي راعية دبي .. وتصد على ساره وهنيه ماشاء الله ام غيث مابتقصر ..
ساره : لا ياختيه حشايه انا مارحت الا عند مصمم في جميرا يوم عرسيه وفصلت عنده كل شي ولا اللي في ديره مادلهم والله اتخبريني عن عزبه عن شي في الخوانيج في العوير بخبرج لا كن هاك الصوب لا لا غناتي ماروم ..
شمسه : هههههههههه شوركن وهداية الله مثل ماقلت من ساعه بنروح عباس على دباس شو نسوي بعد ..
شمه : يله عاد قومن .. اتحركن ..
هند : هااااه خلاص ييت انا نزلت جهزت لا تاكليني ..
ميثه : ياله انا بعد بدق حق روضه وبخليها تلبس عباتها ... واتصلت ميثه حق روضه وقالتلها تلبس عباتها وانهن بيمرن عليها ..وقامن ميثه وريسه وساره وشمسه ولبسن عبيهن ونزلن .. واتصلن حق الدريول عسبة يشغل السياره ... وهن قاعدات يركبن السياره واتفقن اربع جدام وثلاث ورا.. سلطان كان توه واصل اول واحد ظاهر من المسيد .
سلطان : هههههههههه انتوا مايبالكم استيشن انتوا يبالكم باص .. مثل هالباصات الخضر اللي يودن الهنود من بوظبي لين العين ومن العين لين بوظبي خخخخخخ ,,
ريسه : مالت عليك من اخو بدال ماتتطنز علينا قول بوديكن انا انتوا خواتي امحق اخو..
سلطان :نعم انسه ريسه اسمحيلي الشيخه ماسمعتج هيهااء قطعيها الرمسه يله ليش ليكون انا الدريول الخاص مال ريلج و انا مااعرف .
ريسه : ودك يالشامسي ..
سلطان : هاي الخبله ليش اتودنها وياكم خلي ميري يوم بتروح تشتريلها تنوره حق العرس تشتري حق ريسوه وياها .
ريسه : اخ سلطاان تنكت ههه مابغيت انته الا انا بنت غيث الشامسي البس شرات ميري في الحلم ..
شمه : يله عاده مايحلالهم المواققع الا الحينه ..
وركبن ميثه وريسه ورا .. وقعدت هند و شمه وشمسه وساره في السيت اللي في النص وخلن مكان حق روضه عسب يمرون عليها وتقعدويا ميثه وريسه ورا وهند كانت قاعده عند الدريشه ..
هند : ريووووس تبين اادبه قبل لا نظهر ..
ريسه : فدييييييت انتقميلي جيه انتقام منه والله في خاطريه
هند : ان شاء الله من عيوني .. والله
ريسه : فدييييييت ام خلفاان انا ..
هند : ههههه بس صبري خليني نظهر عند الباب بقوله شي .. اخاف يربع ورايه يصفعني ههههههه
ويوم وصلت السياره عند الباب كان سلطان توه لاف ويهه وبيركب الدري
هند : سلطااااااان ...... سلطه ..
سلطاان : علللللله ان شاء الله ..
هند : تعلك ياربي اقول لا تنسى .. تروح عند ميري تخليها تعطييك السيرلاك مالك خخخخخخ ..
تموا كل اللي في السياره يضحكوووون على سلطان وكيف كان شكله منصدم جنه حد جاب عليه ماي بارد هههههههه ......
شمسه : حليله والله كله ولا كرااني ..
ساره : مسكيييييين حاله والله سلطون ..
ريسه : يتادب عيل انا وميري نلبس نفس الللبس ..
شمه : يله عاد كله ولا سلطون فديته ولديه هاذا ..
ساره : ههههههههه اوب اوب سوري نسينا امه الثانيه تراها ويانا في السياره ..
وصلوا عند باب بيت قوم حمدان وقفوا وركبت روضه السياره .. وراحت ورا ويا قوم ميثه وريسه وسلمت عليهن .. ورحوا كلهم ووصلوا ديره عند المصممين ..
شمه : ماشاء الله وايد مصممييييين هنيه ..
شمسه : عاد كلهم هب لين هناك صراحه المصممين كلهم في كفه والمصمم مابل في كفه هاذوه ..
شمه : والله لها الدرجه ..
شمسه : احلا شي وايدد شي عند هو ..
ريسه : غايته والله هاذا هو المطلوب عيل ..
ونزلن وشافن الموديلات وكل وحده منهن شافت الموديل اللي يعيبها وشو من القطع تاخذله . وخلاف راحن صوب الباقه واتفقن مع مابل انهن بيردنله عقب .. مايشترن القطع وهو ماقصر حجز الموديلات وقاعد يترياهن .. وخذن القطع الل يبنها من عند الباقه وراحن وفرن على مابل القطع واتفقن وياه عالموديل والقياس وكل شي وردن صوب العين .. عالساعه 10 وصلوا العين ..

سعيد كان هلكان واستاذن وراح غرفت هند عسب يرقد وولده خلفان كان هناك راقد . .. ورد المر بوظبي عسب اييب اغراض الرحله وبالمره يخبر اخوه حميد عن الرحله .. وحدرن الصاله شافن منصور وامه قاعدين يشوفون قسم عنود اللي كان حجره وصاله والله يعزكم حمام .. وكان مخلص ومجهز من كل شي ومابقاله شي غير الاثاث الللي بيروح يشتريه يوم السبت ..

ام حمدان : حشا مابغيتن توصلن .. توني كنت يايه بتصلبكن .. تاخرتن وايد عاده ماتدرون باجر ورانا سيرت بر . .
شمه : شسويبهن انا هلكني .. كل ساعه شكل وموديل .. المهم انه افتكينا منهن وخلصنا ..
وراحن وعقن عبيهن ولبسن جلابيات بيت وقعدن في الصاله ..
ام حمدان : هاه ريوس فصلتي عند طروشي مالج ..
هند : شو من الطبش هاذا طروشي ..
ريسه : اللي يسلمج هاذا كان طباخ يطبخ عند امايه ... منوه بعد يعني هاي امج دومها تجلب الرمسه قبل كنت اقكر افصل فستاني عند اروشي وقلتلها عاد ماطاعت وقالت وين بيفصلن خاوتج وحريم اخوانج فصلي ..
ميثه : هههههههههههه يايدتيه مره وحده اروشي استوا طروشي والله لو سمعج انا اظني امنه بينتحر خلاص وبيكسر المحل وبيرد بلاده ..
ام حمدان : صااا صاااء امره اقطعنها الرمسه يله .. اتعيبن عليه مسوات الويهه ..
شمسه : ماعاش اللي يعيب عليج.. فديت خالتيه انا يله يله كيفها خالتيه تبا طروشي بيستوي طروشي عشان خاطر خالتيه بس ..
ام حمدان : فديييييت.. رمستج انا ياله يعلني ماخلا منها ..
شمسه : شفتي عاده انا بناتج مافيهن خير ..
ريسه : يله يله لا تخربين امايه علينا يله ...اقول شميس ريلج من الصبح يرمس في التلفون الله يعلم منوه يرمس ..
وتفز شمسه من مكانها..
شمسه : مسووووود الويهه انا براويه احمدووه احمدووووه ..
دشت شمسه الحجره على ريلها وشافته حليله راقد عسب السيره باجر ..
شمسه : ماعليه يالغياره.... حليليه ريلي فديته راقد ... تخليني اشك فيه حليله .. بروح عند ريلي ابركلي ..
ام حمدان : فديتج شميس اني عاقله الا هذيله المينن بيخربنج ..
راحت ساره غرفتها
ساره : هههههههههه الله يهدين بروح اشوف ريلي اخير ..
هند : امايه انا مينونه ..
ريسه : امايه بناتج مينن ..
ام حمدان : انطبي ثرج انتي اولهن ..
ريسه : مقبوله منج مدام غيث مقبوله ..
ميثه : هند خلفووووون وينه والله ولهانه عليه هالسيلااني ,........
شمه :ا لا بتخبركم هاذا من وين اييب هالرمسه السيلانيه ليكون عندكم عرق وخدامتكم فلبينيه ماترمس سيلاني
هند : اسكتن ماخبرتكن ..
ميثه : ههههههه لا ..
هند : هاك اليوم قاعدييييييييين .. انا وابوه وعمتيه وهو قاعد ويا الخدامه وقاعده تاكله .. شويه يوم صديت عليه الا يقولها .. انته شيتاااااانه .. انته واجد مشكل .. فز ابوه يقول هووووووو منوه ها السيلاني .. ابوه مات من الضحك عليه .. والله عمتيه اتقوله تاال تاال هبيبي تاال مني .. والله حليله وهو منصدم هب عارف شو السالفه ..
ميثه : هههههههههههههه فديته ..
شمه : فديته والله حليله... والله هند تحملي على ولدج .. ههههههههههه
هند : اصلا هاذا كله من اابوه يوديه عند الهنود في المزرعه .. ويوديه عند الشباب في الخيميه .. قال المسكين خلني القط من هنيه ومن هنيه ..
شمه: صدقج والله ..
وانه منصور توه ظاهر من القسم ماله ورايح صوب غرفة سلطان لانه كان يرقد معاه من بدوا يرتبون له القسم..
منصور : هاه الحلوات كلهن قاعدات هنيه وكان يرمس في التلفون .
شمه: بتخبرك انته منوه ترمس من الصبح لاوي عالتلفون ..
منصور : ارمس حرمتيه ..
شمه : والله اجوف عطني اياها ..
منصور : يوديها واقيعها تراها تواقعني ...
شمه: تستاهل هاتها يله ..
منصور : دووووووج .. حشا منكن يالحريم .. والله انكن انتن .. مشااااااكل ..
شمه : هاتها بلا هذره ..
العنود : مرحبا الساع
شمه : مرحبا ملايين ولا يسدن .. شحالج غنااتي ؟؟,..
العنود : بخير يعلني افداج شحالج انتي وعيالج وشحالها امايه ام حمدان .
شمه : بخير وسهاله كلهم بخير .. لا بتخبرج خلصتي .. اغراضج ..
منصور : طبعا خلصت .. فاقرتني تراها ..كل يوم تبا شي
ام حمدان : ويديه عروس لازم ..
العنود : اف هاذا اخوج مسجل كل يوم قالي هالكلمه .. الحمد لله خلصت بس بقالي الصالون والفستان .. وشوية اغراض بسيطه ماتنطرا
شمه : وانته اشعنه قاذي البينيه ... خلها تتشرا وتتعدل عروس تراها
العنود : قولوله ..
منصور : هي اتوالفن عليه بقوم انا يوم بتخلصين ترمسينها هاتي التلفون انا في القسم مالي بشوف الترتيباات
ميثه : منصور انته ماتشبع عنبوه اربعه وعشرين ساعه في القسم ..
منصور : ليش محتره تبين تعالي ويايه ..
ميثه : ههههههههههههه .. هب مستغنيه عن عمري اتروح اتيك الحاله وتتخبل عليه .. هههههه
منصور : سخيفه ظاهره على خالتج ريسه ..
شمه: تسمعينهم كيف يتانقرون.. باجر بتين وبتتعودين عليهم .. بيحشرونج ..
العنود : برايها دامها حشرة هليه والله انتوا هليه ياشما منيه وفيني ..
شمه: من طيب اصلج الغاليه بس الله يهديها امج لو توافق جان والله ماقصرنا فيج جان سوينالج شي في الملجه يشرف وسوينالج احلى زهبه والله اسمحيلنا ..
العنود : افا عليج يا شمه ماتوقعت منج هالكلام انتوا اللي لازم تسامحوني اني انا اللي حرمتكم من هالشي ..
ام حمدان : بس عاده عن هاالسوالف .. الله بيهديها ان شاء الله في يوم ..
العنود : ان شاء الله والله نتمنى ..
شمه : عيل ماعليه سمحيلي الغاليه .. ماطول عليج والله كنا نتمنااااج اتين ويانا البر باجر ...
العنود : ان شاء الله اليايات اكثر .. خبرني منصور ... يله ان شاء الله تستانسون ياربي ..ربي يحفظج غناتي ..
شمه : مع السلامه .. حليلها والله كل بنت ودها تتهنى في عرسها ويكون حالها من حال البنات وتشوف اهلها جدامهاوخصوصا امها توقف وياها وتمشيها الله يسامحج يا شيخه جانج كسرتي بخاطر البنيه . بس والله العنود غير العنود حاربت الدنيا كلها عسبى منصور وحبها له ..
ام حمدان : والله انه قلتلها .. وقالتلي انتي امي .. والله يعلني افداها ان شاء الله بحاول اعوضها عن غياااب امها مع اني واثقه اني مابقدر .. كله ولا الام ..
شمه : يزاج الله خير يامايه ..
ميثه : والله انتي يايدتيه اطيب ام في هالدنيا والله في امهات في هالزمن ماتهمهن مصلحة عيالهم .. اللي يهمهن بس انهن ياخذن اللي البنات اللي خطبوهن حق عيالهم لو حتى الولد مكان يباها ..
ام حمدان : شو الفايده اني اغصبه على وحده انا اباها وهو مايباها باجر ايي يفرها في حلجي يقولي يودي هاي اللي انتي بغيتيها انا مباها وعقب ماينفع الكلام والله .. وبعدين الريال من حقه انه ياخذ الحرمه اللي تكون على هوا قلبه ..
ريسه : صدقتي والله يامايه ..
هند : فديتج رمسة امايه انا والله .. انا بنش عنكم اسمحولي ريلي راقد وولديه راقد وانا قاعده عنكم شسوي ..
شمه : هههه ونحن شو يقعدنا باجر وورانا سيرت بر ..
ام حمدان : ويدي جانا نسينا السالفه لا لا بنروح نرقد يله ..
شمه : لا خبرتي قوم اخويه حمدان ..
ام حمدان : هي امايه خبرتهن مايستوي اروح من دونهم ..
شمه : هييييييه صح خلاص تصبحون على خير . وراحوا كلهم يرقدووووووون .......


يوووم الخميييييييييس ..... الصبح الساعه 8 نشوا كلهم ...

الكل جاهز الحريم كانن كلهن لابسات جلبيات عربيات .. وكل وحده شلتلها شيله بيضا ... عسب يلبسنهن هناك .. والمر توه كان ياي من بوظبي وهو واخوه حميد ..تلفون بيت المر كان يرن . ..
راشد : الوووووووو ..
روضه : مرحبا راشد شحالك ..
راشد : هلا روضه شحالج علومج ربج بخير ..؟؟
هزاع كان متفق وهو وخواله وعبد الله انهم يلبسون كنادير سود وسفره حمرا .. وكانوا مخبرين حميد بانه يطقم وياهم .. وكان قاعد يتسفر بس من سمع صوت راشد ينادي ميثه ويقولها روضه تباج راح وقعد عدال ميثه عالكرسي ..
يت ميثه وشافت هزاع واقف جدام التلفون ..وكانت تمشي بسرعه .. جان ادزه ..
ميثه : اوف ..
سكت عنها هزاع مايبغي يبنين حق روضه انه دوم يهازب ويسوي بس كان متحلف حق ميثه ..
ميثه : هاه يالعنز شووووووووه
روضه : وين انتي ماخلصتوا نحن نتريااااااككم جاهزين نحنا ..
ميثه : يالعنز قاعديييييين يحطون الاغراض ..
هزاع يقرص ميثه في جتفهها ..
ميثه : ااااخ علللللللله ..
روضه : حقي انا العله ..
ميثه : هي حقج الله يخسج .. ويخس ويهج يالصخله .. اليربا ..
روضه : يعلن شكلج يالخايسه انا من الصبح اكلمج وانتي تسبيني وقعدت تتحرطم
ميثه : حوووووووووه انتي يله باي
روضه : يله باي .. وسكرت في ويهها ..
ردت مره ثانيه اتصلت ميثه حق روضه
روضه : هاه يالعنزه شو تبين ..
ميثه : اقووول ..
روضه : وهي تفاتن هاااااااااااااااه ..
وردت ميثه سكرت التلفون في ويهه روضه ..
ميثه : ههههههههههههه انتقمت من حرمتك ..
وقامت من عند هزاع توه بيقوم يلحق وراها يا خاله منصور
منصور : انته ترا بتركب ويانا بنروح ويا حميد سيارتك ماتروح بر لازم كلهم استيشن اليوم ..
هزاع : انزين ان شاء الله .. وظهروا كلهم من البيت ..
ركب المر سيارته هو وحرمته وعياله .. وركب سعيد هو وحرمته هند وخدامته وولدهم خلفان في النيسان اللي كان يبايبنها صدفه بس نفعته لانهم بيرحون البر .. وركب بطي اللكزس مالته وروح هو وحرمته وولده وبنته .. وشل احمد سيارة الدريول بما انه هو كان عنده .. مرسدس . ومايقدر يروح فيها البر .. وشل حرمته واخته وامه .. وركبوا منصور وسلطان وهزاع ويا حميد وعبد الله وياهم كان .. ومروا على قوم حمدان وظهر وراهم حمدان بسيارته .. واستوا 6سيايير وكلهم ورا بعض .. ووصلوا وادي سيجي .. والمنظر كان اكثر من روعه .. جبال ووديان وماي المطر عالاطراف .. روعه والجو المغيم وحطوا اغراضهم ونزلوا الجماعه كلهم ..يلسن الحريم في صوب الريااييل في صوب .. وقامن الحريم ويمعن الحطب وولعن وحطن الجدر يطبخن المجبوس .. وميثه وروضه راحن ورا اليبل ولبسن شيل بيض ونزلن .. وعقب من شافن الحرمات البنيات لبسن راحن ولبسن شيلهن البيض .. ميثه وروضه كانن بعدهن ورا اليبل .. راحت ريسه هي وساره وشمسه .. اما ام حمدان وميره وشمه وهند بدلوا شيلهن البيض في مكانهن وين هن قاعدات لانه الرياييل مايشوفون ..
ريسه : يييناكم شو تسووووون ؟؟
ميثه : عادي تعالوا شو يعني قاعدين انبدل .. شيلنا مانسوي شي عييب .. ريسه تتدرين روضه شو تقول الحينه بروح اخبر عليها هزاع براويها انا ..
ريسه : هههههههه شو قالت لا تخبريننه يمكن مسويه شي ولا قايله شي داهيه يقوم يسوها هي الغدا وناكلها ..
روضه : حليلي والله ماسويت شي انا .. بس قلت اذا مر ريال وشافني بمسكه وبقوله غصبن عنك تاخذني لانك شفت شعري .... هههههههه ..
ساره : هههههههههه امحق اللي يخليج منوه بيطوف هني ..
شمسه : هييييييه والله ........
وراحن ميثه وروضه يتمشن وتمن يتمشن عاليباااال .. وهن يتمشن طاحت ميثه انزلقت كانت حصاه تحتها . ربعت روضه عنها بعيد عن لا اطيح عليها وتمت تضحك.. نشت بتقوم اونها بتوصل عند روضه عسب تضربها ردت انزلقت مره ثانيه عاده هالمره اقوى عن المره اللي طافت ... ومن طاحت ميثه ماتحركت تمت مثل ماهي طايحه .. روضهه ميوده بطنها ..
روضه : هههههههههههههههااااااااي خلاص خلاص لا لا والله ماروووم امسك عمري بطني بينفجر .. هههههههه ..
ميثه : ماعليه يالخايسه ماعليه تعالي قوووميييييني ...
روضه : نعم نععععععععم اقومج .. صبري بزقر خليفه القبيسي يقومج ..
ميثه : يعلج العوووق ياربي .. يعلج العوووق تعالي ..
روضه : ولا اقولج بزقر عبد الله اخويه ايي صبري صبري ..
ميثه : تعالي يالعنزززززه تعاااااالي لا لا خلاص بقوووووم..
روضه : ربعت عنها وكانت تزقر عبد الله اللي كان مع هزاع اللي فوق اليبل ..
وتاشر طرف شيلتها الحقوا الحقوا في بعير هنيه طايح ممكن حد يساعدنا ..
عبد الله : هاي شو تقووووول ..
هزاع : مااعرف والله تعال نروح صوبها يمكن فيها شي ..
ونشت ميثه ومن شافت روضه انه ميثه نشت عرفت انه الحينه ميثه بتنتقم منهها روضه وهي تربع ..
روضه : لا لا هب جدام هزاع عقب عقب مايروووح عقب ..
ميثه : مالي خص لو جدام منوه انا براويج وهي تربع وراها ..
ميثه اتشل الحصا وتفرها طبعا انتوا تعرفون يبالنا حصا صغار وحصا كبار .. واتشل واتفر واتشل وتفر روضه
روضه : لا لا لاااااااااااا يالمينووووووونه هاي عوده راسي بينطر .......
هزاع : لا يالخبلللله تعالي تعالي لا تفرينها بتموووووووووت ..
ومن شافوا اليهال انه ميثه تربع ورا روضه وتفرها بالحصا قاموا يشلون الحصا ويربعون ورا روضه كلهم يلحقونها يفرونها بالحصا وميثه وياهم اتفر روضه ..
روضه : انا بفرج بس المشكله هذيله وراج مافينا ينقع راسهم .... وابتلش في لسان امهاتهن ..
ميثه : ههههههههههههههه .. والله لا اتشوفيبيييييين ..
روضه : والله خلاص خلاص وغلات حرف الخاااء خلاص ..
هزاع : كان بيموت ولا يي شي روضه كان وده يروح يضرب ميثه بس مايقدر لانه الكل كان يشوفهم ..
وقفت ميثه وقالت حق اليهال خلاص خلاص خلوها وكان ميته من الضحك على شكل روضه لانه شكلها كان يفطس من الضحك .. وهي خايفه من الحصا .. وقعدن يعدلن شعرهن اللي كان نازل على ويههن وراحن يلسن فوق اليبل .. على طرف كان طرف من اليبل ظاهر شويه على برع وراحن وقعدن عليه ..
سلطان ومنصور واحمد وبطي والمر وحمدان وعبد الله وسعيد كانوا كلهم قاعدين يلعبون ورقه ..
سلطان : الوووو حميد انته وين ..
حميد : هلا هنيه موجود انا وهزاع فوق اليبل ..
سلطان : ياريال تعال بنلعب ورقه ..
حميد : والله ياينكم عيل خلاص الحينه ييياي ..
سلطان : اوكي برايك يله باي ..
حميد : اوكي يله باي ..
حميد : هزاااااع .. انا بروح العب ورقه بتي ولا لا ..
هزاع : لا خاطري اركب فوق هاذا اليبل بركب وبيك اوكي ..
حميد : اوكي تعال عقب هناك اوكي .
حميد كان يمشي وخطف من عدال قوم .. ميثه وروضه ..
روضه : اف ماشاء الله عليه حميد ايجنن طالعي كيف طوله ياويلي عالعرض يشبهه مباك الخيلي ياويلي هههه .. ياويلي طالعي شعره من ورا اقول ميثوه ازقريه .. هههه شفت غر مكتسي سحر ودلال ماخلق مثله شبيهن في الورا من حسن يوسف خذ اوصاف الجمال .. ياويلي .
ميثه : هههههههههههااااي صبري .. الله يخسج خربتي الاغنيه .. صبري
روضه : الله يلعنج لا لااااااااااااا لا ا يالبقره .
ميثه : جب انتي اللي قلتي .. حمييييد حمييييد ..
صد حميد صوبهم ومن شاف ميثه وروضه يا صوبهم ..
روضه : وهي قاعده تتحرطم جنها عيوز اللي يخسج يارب .. وكانت مستحيه شويه وبتوقف من مكانها هب عارفه شو تسوي .. وشكلها وايد كانت قافطه ..
ميثه : شحالك حميييد ؟؟
حميد : هلا الحمد لله بخير انتي شحالج .. والثانيه شحالج كان يقصد روضه ..
روضه : هااااااه .. هاااه .. .. قامت ميثه ودزتها بكوعها
ميثه : يقولج شحالج ..
روضه : بخير ..
وهو رايح كان قاعد يقول شوفو هزاع وين راكب ..
ميثه : ههههه يتحرا عمره في الهماليا ..
حميد: هههههههه لا بيسوي فلم هندي الظاهر ..
ميثه + روضه : هههههههههههه ..
وروح عنهم حميد.. وروضه من سمعت طاري هزاع خافت وقعدت ادوره .
روضه : وينه اخوج توه كان فوق هاك اليبل وين راح.. ميثوه جنه الا انتحر
ميثه : هههههههههههههههاااااااااا اي عادي يسويها ..
روضه : الله يخسج قومي انطالعه ...
قامن روضه ويا ميثه يشوفونه .. يوم شافهن هزاع قعد يطالع روضه من فوق لين تحت كان بيموت لانه شاف حميد وياهم ..
روضه : اويييييييه طالعي كيف يطالعني ايه حوه انا مالي انتي اللي زقرتيه ..
ميثه : خله ينقلع اوه منه .. نروح يله نتغدى حطوا الغدا وراحوا اتغدور كلهم وركبوا السياره وردوا العيييييييييين ..

</p></font>

<font color='#000000'>مرحباااا حبوبه*دمعة شوق*
تسلمييييييين على القصه
الروووووووووووووووووعــــ ـــه
وبانتظار التكملــــــــــــــــــه ،
أختج*الغرشوووووبه* <img src="http://oasis.bindubai.com/emoticons/012.gif" border="0" valign="absmiddle" alt=':f12'> &nbsp;<img src="http://oasis.bindubai.com/emoticons/022.gif" border="0" valign="absmiddle" alt=':f22'></font>

<font color='#8D38C9'><p align=center><font color=#330066>مرحبا ملااااين في ذمتيه ولايسدن وان سدن لاباس

حبوبتي الغرشوووووبه

الله يسلمج ياربي ومشكوره ع&nbsp; متابعتج للقصه

واتفضلي هذا الجزء واهداء مني لج يالغاليه


تحياتي
</font>






<font color=#ff0000>الجزء العاشر
</font>

يوم الثلاثاء ..
روضه : امايه شو هاذا خلاص؟؟ العرس بعد باجر وانتي عدج ماشتريتي فستانج .. شو ناويه تلبسين ..
ميره : هب لا بسه بلبس جلابيه جديمه وعباه جديمه وبروح شو رايج الشيخه روضه ..
روضه : اماااايه عااااده انا ماتمصخر ...
ميره : مسودة الويهه يعني انا اللي اتمصخر وياج عنبوج شايفتني اصغر عيالج ..
روضه : لا بس ماشوفج خذتي شي
ميره : لا خذت رحت ويا الدريول الصبح يوم كنتي في الكليه وخذت فستان من عند الحريبي ..
روضه : افااااااااااااااااا افااااااااااااا يابنت عمير ولا تخبرييييني .. ولا تراويييني اياه حتى ..
ميره : هب لازم ... يكفي راويت ريلي اياااااه ..
روضه : اف يالهريل اللي ميته علييييييه حشا مايسوى عليج ...
ميره : انطبي انطبي عن هالسوالف .. ولا والله بقوطي الكلينكس هاذا عراسج ..
حمدان : السلام عليكم
روضه : هههههههههههههااااااااي وعليكم السلام .. قتلج اتراويني اياه ..
حمدان : اشعندج تضحكيييييين ؟؟
روضه : مااااشي بروح اتصل حق ميثه انا .........

وظهرت روضه عن امها وابوها اللي كانو قاعدين في الصاله وراحت الصاله الصغيره ترمس ميثه .. وتوها ظاهره شافت عبد الله توه حادر ياي من الجامعه ..وكانت تربع وتشوف وراها ودعمته بالغلط ..
روضه : اااااي وعمى ياربي فج عيونك هالكبر عيون عالفاضي ..
عبد الله : الله وكبر عليج .. يالعيوووووز كسرتي ريوليه يالدبه ..
روضه : مااعرف ريول منوه مكسره ليكون ريول عنتر الزمان ..
عبد الله : غصبن عنج... يالصخله ..
روضه : مارد عاليهال ..
عبد الله : الحمد لله والشكر .. الله ارزق بعض الناس العقل ..

روضه ظهرت لسانها حق اخوها وراحت تربع .. وشاف عبد الله ميمي تلعب باربي وشلها وياه وراح عن قوم ابوه اللي كانو قاعدين في الصاله ...

عبد الله : سلم عليييهم .. على قولة سلطون ..
ميره : هلا ببجريه انا وعليكم السلام والرحمه ..
حمدان : وعليكم السلام ..
مريم (ميمي ) : مايدولون ثلم اليهم الهنود يدولون جذيه دول الثلام اليكم .. عثان تثتوي مواتن ..
عبد الله : ههههههههههه ان شاء الله عمتيه مريم .. السلام عليكم .. اونج عاد عدلتيها الا خبصتيها خبصه الها اول مالها اخر ..
حمدان + ميره : هههههههه .. وعليكم السلام ..


روضه : هلا
ميثه : السلام عليكم ..
روضه : هههههههاااااي شكلج تادبتي ..
ميثه : هااااااه لا تخليني اسب ..
روضه : لا لا انجبي ههههههههه ..
ميثه : عنلات صداج ... هههههههه ..
روضه : شو تسوين ميثوه ؟؟
ميثه : ماشي قاعده اوايق على هوى روحي وقلبي على الغزال القبيسي اللي معذبني وهب حاس فيني ... والله رويض هب رايمه اتحمل والله مااعرف كيف دوم اتلاقا وياه دومي اشوفه وهو هب حاس فيني .. يكون ظاهر من البيت اويكون حادر البيت اتصدقين الحينه توه ياي من الدوام وكان يكلم خالتيه عزه في الحوش وانا متخبله والله يارويض لو شفتيه بتموتين مكانج من حلاته شفتي عمي حميد مايي صوبه حتى .. وانا اللي ميته ودومي اشوفه وهو مايشوفوني ولا حاس فيني ولا يعرف بمشاعر قلبي .. والله احبه ياناس من اشوفه يفز قلبي من مكانه .. مشاعري كله تهيض بكل قوه .. روضه هاك اليوم يوم العرس شفتي عيونه شفتي كيف كان يطالعني كانت عيونه تتكلم كان تقول كلام بس ياليت اعرف وافهم هالكلام يالييييييييييت

روضه : ميثوه شو حبيتي ؟؟؟؟؟؟؟؟ انتي تحبين انتي اللي كنتي تقولين مستحيل احب احد ومابا حب غير ريلي وبس .. لا وتبينه يعرف بمشاعرج بعد ... وبعدين يمكن كان يشوفج لانج كنتي حلوه وانصدم من الجمال اللي جدامه ؟؟...
ميثه : ليته بكيفي بس للاسف انتي تتدرين انه الحب لا بكيفي ولا بكيفج غصبن عني وعنج وعن كل مخلوق في هالدنيا .. الحب يوم ايي يدخل قلبك من دون لا يستاذن .. وانتي تعرفين شو يعني حب انتي مجربه هالشي عدل ... سخيفه ليش يعني هو هب حلو ؟؟ عشان ينصدم فيني ؟؟؟


الا ياوقت وين اللي على بالي يجي ويروح
هذاك اللي ملك قلبي وتفكيري ووجداني
اموت بطيفه اللي لا لمحته ينتشي ويروح
احس اني اذا شفته كاني بعالم ثاني
احبه والامل باني بقلبي من غلاه صروح
حبيبي لو يمر طيفه يجدد ماضي احزاني
احبه حب لو يدري على اللي بخافقي من بوح .............



روضه : ميثه انا ماعرفت الحب الا على ايد اخوج هزاع ..وبعدين انتي لا تقعدين تقارنين بين هزاع وخليفه وبين حبي وحبج .. ميثااني حبيبي هزاع ولد عمتيه وحبنا من طرفين هب من طرف واحد ... وانتي حبج لخليفه من طرف واحد .. يعني لا تتعلقين في امل وباجر تنكسرين ميثه لا تستهينين باول حب في حياتج .. لانه اول حب وبياثر عليج واااايد نفس تربية الام حق ولدها اول ماينولد .. لا تتعلقين في خيط ممكن يوم من الايام انه ينقص ..

ميثه : صدقج واللله خليها على الله.. الله كريم .. يمكن ربج يصير نصيب بعد كل هالعذاب ..
روضه : والنعم فيج هاذا العشم فيج يابنت عمتيه ..
ميثه : يعلني افداج والله تتتدرين لو انتي هب عندي وهب ويايه الله يعلم شو بيكون حالي ..
روضه : وانا بعد والله .. بس ميثه بقولج شي وعبد الله ؟؟؟؟؟؟؟
ميثه : عبد الله شو بلاه عبد الله ... &#33;&#33;&#33;؟؟
روضه : انتي تدرين انه عبد الله يموت فيج ويهواج .. وانا اعرف انج ماتبينه .. وتعتبرينه شرات اخوج هزاع وراشد ..
ميثه : زين يوم انج عرفتي وعلى فكره انا اعتبر عبد الله شرات اخويه من اول مانولدت ولا عمري خطر في بالي انه يوم من الايام بيكون ريلي ...سمحيلي روضه بس الحب هب بغصب ..
روضه : جب بلا هالكلام .. على شو اسمحلج ميثاني لا تنسين انه مثل ماعبد الله اخويه ثرج انتي اختي بعد .. امحق ويهه .. المهم غيري الموضوع الحينه انا ماخذت شيله عسب يوم يحدرون الرياييل شو البس ..
ميثه : هاذا انتي اتميييين ساكته ويوم ايي وقت الشي قلته هاه وهيه انا ماخذت ... لا تخافين انا من قبل مفصله هنتين وحده حقي وحده حقج ..
روضه : ههههه ياويهج انزين كيف شكلهن ووين فصلتيهن ..
ميثه : فصلتهن عن ماي فير ليدي فيهن فصوص على الطرف .. يعني نحن لون فستانا وردي شو تبيني افصل اخضر يعني ؟؟؟
روضه : جب يالعنز شو سيلانيااات ..
ميثه : هههههههه وانا ادري ... باجر بروح ايبهم ..
روضه : انزين وفساتين الريم وميمي وعلايه خلصن ..
ميثه : هي البارحه طرشنا الدريول راح ايبهن ...
روضه : زين ماشاء الله حرمة الشيخ خليفه مرتبه كل شي .. ههههههههه ..
ميثه : هااااااااااه جب يالسخيفه انتي تخلون الواحد ينسى انتي كل ساعه اتيبن طاريه وهو مايقدر يحبس عمره في البيت عشان ماشوفه .. ومحدد مره من اوايق اشوفه جدامي .. ههههههه ..
روضه : ياويلي عالحب انا ...
ميثه : جااااااب اوكيه ... اقول نحن باجر بني انا مابروح المدرسه ههههاااي .. وناسه بغيب لانه بني العين الصبح ... تعرفين عسب الحنا لانه الحنايه بتي الظهر ...
روضه : انزين جلبي ويهج عندي خط مااعرف منوه متصل ..
ميثه : حقيره تتدرين يله فارقي ..
روضه : باي .
ميثه : جااااااو ..

وسكرت ميثه من عند روضه وراحت تربع صوب امها عسب تتخبرها عن الساعه اللي بيرحون فيها دبي ورحت اتحط اثيابها وكل اللي تحتايه في الشنطه ...

يوم الاربعاء الصبح راحوا هل بوظبي العين ...وحدروا وقعدوا وانه الحنايه كانت قاعده وبدت تحنيهم ... وبعد الحنا عالغدا ..

ام حمدان : ها فديتك بشر حرمتك خلصت كل شي ..
منصور : هي امايه خلصت الحينه هي في الصالون عند الحنايه اتحنيها... وهي من يومين ماطيع تكلمني بس توها طرشتلي مسج قالت انا بروح الصالون اتحنا واتصلبها وماترد عليه .. قاهرتني ..اونه اباك تتولهه عليه ..
ام حمدان : احسن زين تسوي فيك ...
منصور : امايه حرام عليج .. خلاص برايكن انا بروح الحلاق وخلاف بروح اشتري غتره .. وساعه
شمه : ربي يحفظك .. هند قومي طرشي الدريول خليه ايروح اييب الفساتين وعطيه الفاتوره ...
هند : لا والله وليش انا يعني .. ريوس قومي يله طرشي الدريول ..
ريسه : اف اف كله انا ..
شمه : اصغر القوم ............. اكمل ولا لا
ريسه : ماعليه يام هزاع ماهقيتها ...
شمه : روحي روحي لا تمين تتفلسفين اونج عاده فقيره الغاليه ..
هند : هههههههههههههه عطيها شوي من هالبارد الغاوي ..
ام حمدان : يله يله كله ولا اخر العنقووووود ... ويا فديتها .. انا ..
ريسه : ههههههههههه شفتوا ........
شمه : هي شفنا روحي عطيه ..... ودقي على ساره وشمسه الباب خليهن يعطنج الفواتير مالتهن ..
ريسه : لا والله كل هاذا اسويه بروحي.. ميثوه يله قومي ويايه اربعه وعشرين ساعه مجابله هاذا ستار اكاديمي وفاجه حلجها .. جنها بقره وشايفه حريجه
ميثه : اوووه خليني اطالع الحينه بشار بيغني ..
ريسه : قومي يله بلا بشار بلا منشار ..
ميثه : اااااف يله قومي وبروح عند روضه انا يوم بتيبون الفساتين امايه خلي الخدامه اتيبهم بيت خالي ..
ريسه : قومي ويايه اول ..
هند : اندوكن شوفن ولديه جانه خاري خلي الخدامه اتحدره .. مزروعي هاذا مايقعد في الحر وايد ...
ريسه : اف الله لا يخليج انا كم مره اقولج لاا تيبين طاري المزاريع ارمسج سيلاني انا ..
هند : ههههههههههه شو تبين مزروعي ياخذج .. ؟؟
شمه : هههههههههههه في الحلم نحنا واحد ومااعرف من وين طب علينا ..
هند : شمييييييم ايه شو قصدج يعني .........
ام حمدان : امه اصلا اللي من شافت بنتيه في العرس راحت تتخبر عنها الحريم ... ولا الحلا من عقبها هند يعلنا افداها ..
هند : احم احم
شمه : امايه شو انا هب بنتج قبل شويه تمدحين ريسه والحينه تمدحين هند وانا
ام حمدان : انتي الزين كله يا م هزاع ..
شمه : اهاه الحينه توج ..
هند : هي تفججي انتي عاده ..
ريسه : ميثوه يله بس خلاص .. قومي
ميثه : ياله اف قذا انتي .... علج بريل ياربي
ريسه : امييييين بس يكون غاااااااوي ..
ام حمدان : حي والله ومن متى بنات العرب يتنقن يله انقلعي برع
ريسه : ههههههههههههاااااااي ..
وظهرن ريسه وميثه وعطن الدريول وقالنله ايروح اييب الفساتين .... وهن توهن حادرات البيت حدر عليهن هزاع كان توه ظاهر من الدوام وراح سيده العين .......

ريسه : هزااااااااع يعلني افداه
ميثه : هي ترا هو اليوم ياي هنه ومخلين ابويه حليله اروحه في البيت ......
ريسه : اتعود ابوج خلاص
ميثه : هي والله فديت ابويه
ريسه : هاااه شو مابتروحين عن روضه
ميثه : لا لا هب رايحه بطرشلها الفستان ..
هزاع : حيببببه البنيات شحالهن ؟؟ ..
ريسه : هلا فديييتك هلا بالغالي .. هلا بالرمييييييثي ..
هزاع : هلا بخالتيه وقام وحب ريسه عراسها ..
ريسه : يعلني مخلا منك ياربي ..
ميثه : ليش اتحبها عراسها وانا منوه بيحبني عراسي يله يله حببببببني ..
هزاع : انا انا هزاع الرميثي احبج انتي الصخله اليربااااااا
ريسه : ههههههههههههاااااااي ..
ميثه : صخله حرمتك يالتيس ........
هزاع : هههههههههه اونه عصبت ..
ميثه : بروووح اشوف ستار اكاديمي ابركلي من مجابل ويهك ..
هزاع : مشكوره عطينا مقفاااااج .. تسوين فينا خير والله ..
ودخلوا هزاع وريسه داخل البيت وسلم على يدته وامه وحريم خواله وخالته هند .. واتصل بسلطان واتخبره هو وين وتواعد معاه يروحله العين مول لانه كان قاعد في ستار بكس هو وربعه .. وظهر عنهن ...وتمن الحريم قاعدات ويابن الفساتين وقايسهن... واحلا فستان كان فستان روضه وميثه ..وتمن سهراناات وخلاف حدرن غرفهن ورقدن ..



الصبح يوم الخميس ..




في بوظبي بيت فاضل القبيسي ..
عزه كانت تكلم حريم عيالها واتفقت وياهن انهن يروحن العرس هي وبناتها وبنات اخوها .. واقترحت انه خليفه ويابر يوصلونهن .. ومسكت التلفون واتصلت بخليفه ..

عزه : الو مرحبا خليفه شحالك ..
خليفه : مرحبا بشيخة بين الجسرين هلا والله وغلا
عزه : فديتك ابويه طالبتنك طلبه .
خليفه : افا عليج يالغاليه وانا كم عزه عندي ؟؟
عزه : ياله يعلني ماخلا منك يالغالي .. فديتك ابويه بغيتك اتوصلنا اليوم العين انا وخاواتك وحريم اخوانك عرس اخو خالتك شمه اليوم ولازم انروحلهم لانها امها حليلها حرمه عوده ويت عرس اخوك ولازم نشاركهم فرحتهم ..
خليفه : العين .. ان شاء الله من عيوني امبوني انا ويابر بنروح العين اليوم واحد من الشباب هناك متخرج من الكليه ومسوي عزيمه وبنروح صوبه .. وبنوصلكم في دربنا ..
عزه : هي يابويه ماروم انا اضرب خطوط نص الليالي ويا الدريول وهو اروحه خديه مايدل مكان ..
خليفه : ان شاء الله يامايه ...

في العيييييييييين ..



الساعه 2 الظهر بعد الغدا .. نشن الحريم وينهن هنتين من باريس غاليري يعدلهن .. وحده مالت الشعر والثانيه مالت الميك اب .. والعنود كانت هالوقت في بيت يدتها وينها هنتين من صالون مورا دبي يعدلنها هي ويا ختها ... وحطت حق شمه ميك اب كحلي وحق ميره بني وحق هند تركوازي وحق ريسه ذهبي وحق ساره اخضر فاتح وحق شمسه بني وحق ميثه وروضه وردي وطبعا حطت حق كل وحده على لون فستانها ... وعالساعه 6 ظهرت ام حمدان ظهرت من حجرتها متكشخه ومتعدله ولا بسه هاك البرقع وهاك الثوب اللي ينضرب به المثل .. راحت الصاله وكان سلطان بيوصلها لانه الدريوليه بيودن البنات وهي بتروح ويا سلطان عسبة اتمر اتييب الباتشي من المحل .... وخلاف بتروح الفندق وكانوا حاجزين في فندق روتانا ...

هزاع وعبد الله وحمد وراشد وسلطان قاعدين في الصاله كانو لانه سلطان بيروح يوصل امه وبيرد عليهم عسب يروحون عرس الرياييل ...


سلطان : وااااااااو منوه هاي ؟؟
هزاع : ياله محلاتها ..
سلطان : الشيخه يعلني افداج *******050.....
عبد الله وهزاع وراشد : هههههههههااااي
حمد : حوووووووه انته هاي يدتيه ...
ام حمدان : مسود الويهه قوم قوووووم بلا هالمصاخه ..
سلطان : من عيوني فديتها الشامسيه انا اخ ياقلبي .. اشهد انج مزيونه ياغايه يوم تتعدلين هب منه مسكين غيث توفى من اللي الجمال اللي شافه ..
ام حمدان : هب هباك الرب صا صا يله صخ عنيه والله انك ماتستحي ولا تخيل عنبوه ابوك متوفي وانته تقول عنه جذه يله نش نش .. الا وينه اخوك منصور واخوانك احمد وبطي وحمدان ..
سلطان : لحظه بقرا السجل مالهم بشوف وين راحوا .. شعرفنيه انا ليكون هم مايظهرون الا بشوري ومايحدرون الا بشوري امايه ليكون انا حرمتهم هم الثلاثه ..
وان شمسه ظاهره وهي متعدله .. منوه هم ثلاثتهم ...

سلطان : بسم الله الرحمن الرحيييييييم وووووووع تتدرين لو شافج اليوم احمد جيه انا اشهد ورقت طلاقج في ايدج عنبوه خلص الكريم الاساس اللي حاطنه عويهج خلللللللص ...
شمسه : انا ماعندي سالفه ارد عليك تغار احلا عنك ..
سلطان : يقلد شمسه وهو يحرك راسه وشعره يتحرك تغارين لانه شعريه احلا عنج طبيعي بلايا سشوار ..
شمسه : امححق اللي يخليك على شوووووه .. عاده بغار .. عمتيه نحن بنتاخر شويه ...
ام حمدان يايه صوبه يايبه وياها عصاة ميثا اللي كانت لافتنها بقطعه نفس قطعة الفستان عسب يرغون اليهال فيها وكانت عند روضه وحده عند ميثه وحده ..
ام حمدان : مسود الويهه انته مابتادبك الا هاي ..
سلطان ينقز من مكانه وهو يربع صوب السياره لا لا خلاص خلاص تعالي بوديج ..
ام حمدان : يالسبال ماتي ثرك الا بالعين الحمرا ..
سلطان : هههههههههههههه احبج ياعيوزي ..
ام حمدان : انجب انجب عيوز يدتك مسود الويهه ..
سلطان : والله غايه اونها بعد علومها تقرض .. وودا سلطان امه الصاله ونزلها هناك وصلت الساعه 7 ورتبت الاغراض مع الخدامات اللي يابهن الدريول .... الساعه 8 وربع ين القاعه ميره وشمه عسبة يساعدن ام حمدان ويوقفن وياها في الاستقبال ... ووصلوا الحريم ... ووصلوا قوم عزه ورحبن فيهن شمه وميره وقعدوهن وين طاولة كبار الشخصيات اللي كانت على اطراف الكوشه الللي كانت من اروع مايكون مثل كوشة الف ليله وليله وكان لونها ليموني وابيض اللي كل شي كان نفس الللون الطاولات والكراسي ولبس العاملات اللي في الفندق .. وكبيره تقريبا كانت شاله نص الصاله من كبرها بس الصاله كانت كبيره ... تسد للكل .. وحدرن هند وشمسه وساره وميثه وروضه وريسه غرفة العروس وعقن عبيهن ونزلت هند وشمسه وساره وريسه تحت وسلمن على الحريم اما روضه وميثه كانن قاعدات فوق لانهن بينزلن ويا العروس يوم بتنزل وكانن ويا العرايس الصغار اللي بيمشون جدام العنود ...



في قاعة الرياييل اللي مجابله عرس الحريم الكل كان مرتبش وكانوا ايولون .. ومنصور مستانس كانت الدنيا هب شالتنه من الفرحه اخيرا ارتحت يامنصور اخيرا ربك حقق مناك وحلمك مع اللي طول عمرك حبيتها وحبيتها من قلب صادق ووافي قلب فكر بنيه صافيه تجاه اللي يحبه قلب نوا يعيش عمره كله مع اللي حبه واللي هواه وعشقه من بد الناس ...



الساعه 10 ونص سكروا الليتات وفتحوا بس الكشافات عسبة ان العروس بتظهر وظهرت العنود من الغرفه كان ايه في الجمال الخصل اللي طايحه على علة ويهها والشعر مرفوع باكسسورات نفس الفستان اللي كان اكثر من روووووعه اللي كان سايد في اللون الليموني والابيض .. والمكياج الطبيعي اللي كانت حاطتلها اياه ايفا عط الله اللي كان وايد مناسب على جمالها الطفولي ..كانت واقفه عند الباب ووقفوا العرايس ريم وميمي وعليا بنت ساره اللي كانن لابسات فستان ابيض سلاسل ليمونيه والطرحه اللي كانت على روسهن وباقة الورد اللي كانت نفس باقة العروس بس اصغر شويه ..... وكانن ميثه وروضه جدامها بمسافه ييسولها طريق عسب تمشي بما انها كانت تمشي روحها واختها كانت واقفه ويا ريسه .. ومشت العنود على انغام اغنية نوال وكانت ميته من الحيا ..


نورت ياحلاها شمس الاقبالي
والعذرا شموع من حواليها
فز قلبي وانشرح بالي
يوم شفت الحسن والزين كاسيها
عروستنا دانة انواراها تلالي
تبهر العين من زود الحلا فيها
يابعد عيني يوم شفتها قبالي
صاح قلبي على الشوق يناديها
يعلم الله حبها في قلبي غالي
اغلا عندي ومن الدنيا ومافيها ..
<a target=_blank href="http://www.dubaimoon.com/songs/arshef/nawret-nawal.ram" target=_blank>http://www.dubaimoon.com/songs/arshef/nawret-nawal.ram</a>


ومشت العنود وركبت على الكوشه وقعدت هي والعرايس والكل كان منبهر بجمالها ونعومتها وابتسامتها .. وقعدن ميثه وروضه يلفن ويسلمن على الحريم ..

ميثه : رويض تعالي بسلم على عمتيه ..
روضه : اي عمه احيدج سلمتي عليهن ..
ميثه : م ريلي يالعنزه ..
روضه : ههاي هي في الحلم ..
ميثه : جب بيتحقق بتشوفين تعالي ..
وراحن ميثه وروضه عند عزه وسلمن عليهن
عزه : ماشااااااء الله عليج ياميثه ربي يحفظج ياربي ...
ميثه : مشكوره يعلني افداج ... امين ..
وراحن عنهن يتمشن في القاعه ..


شمه : الووووووو
منصور : هلا وغلا
شمه : المعرس وينك يله الساعه 11 ونص يله عاده احدر الناس بتروح ..
منصور : لا لا اخاف احدر اروحي لا لا مابا
شمه : ليش وين ابو العنود ..
منصور : روح حليله اونه ماتهون عليه بنته يشوفها ..
شمه : خلاص انزين انا بخليك اتحدر .. بخلي امايه ادخلك ..
منصور : خلاص غايته ..
شمه راحت صوب امها وخبرتها اتروح اتييب منصور من عند الباب لانه كان واقف هناك .. وراحت ام حمدان .. وغطو العنود ودخل منصور على العنود ورفع عنها الطرحه اللي كانت على ويهها وحبها على راسها ووقف عدالها ... وقعدت المصوره اتصورهم وهون طفران مايحب حد يصوره وكل شوي يصد على العنود اللي كانت ميته على عمرها ... من الحيا .

منصور : احبج .
العنود : جب
منصور : احبببج
العنود : ججبب
منصور : وبسوط شوي عالي احببببج ..
العنود : منصور عيب الحريم يسمعن ..
منصور : مالي خص ابا الكل يعرف اني حببج احبج .. تعرفين شو يعني احبج
العنود : اوكي اوكي اسكت ولفت وويها بعيد عنه ...
منصور : عنودي ..
العنود وهي مستحيه : لبيه ..
منصور : لبيتي حايه .. شوفي الكيكه انا طالبنها خمس طوابق وكل طابق يعني كل سنه عشناها مع بعض ..
ابتسمت العنود ونزلت عيونها ع في الارض ..
وطلبوا منهم بعدين انهم يقصون الكيكه وكانن خوات منصور واقفات تحت الكوشه عند الطاوله مالت الكيكه .. ومسكوا السيف الكبير وكانت الكيكه خمس طوابق عدد السنين اللي عاشوها ويا بعض ..

شمه : يله عنود ..
وخلو باقتها على الكرسي وحطت ايدها في ايد منصور ومشت معاه العنود واول ماحطوا السيف على اول طابق غمضوا عيونهم هم الاثنينه .. وتموا يتذكرون كل اللي صار في الخمس السنين ويوم وصلوا لاخر طابق طاحت دمعه من دموع العنود ..


وردوا مره ثانيه لمكانهم وركبت ريسه الكوشه وعطت عنود الكلينكسه ووقفت جدامها بحيث انه محد ينتبه .. وظهروا العرب كلهم .. وزوفوا العروس والمعرس للغرفه .. وراحن الحريم ولبسن عبيهن ولبسن وجهزن العنود وبطلن تسريحتها واتصلوا حق هزاع وسلطان ايون يشلونهم ... لانه الوقت كان متاخر والكل رد البيت عسب يرقد .. هزاع كان متضايق وايد عسب سالفة حميد هاك اليوم يوم كان واقف عند روضه وميثه ..




انتهى الجزء ...........

عسا ايامكم كلها فرح ياربي .........

ظنكم كيف بتكون حياة منصور والعنود ؟؟؟؟؟؟؟؟؟ حد بيخرب حياتهم وبيهدمها ولا بتم مثل ماهي ..
ظنكم هزاع شو بيسوي في روضه ..؟؟
ظنكم بيصير شي مهم بين خليفه وميثه تابعوا ويانا الجزء الياي وبتعرفووووون ..
</p></font>

<font color='#8D38C9'><P align=center><FONT color=#ff0000>الجزء الحادي عشر
</FONT>
الموت كله في عيونك طاغي سحرها يملك القلب
فالصدر صابتني طعونك واصيح لك وانا معذب
ماعيش صدقني بدونك جميلك الوافي ينحب
كنك قمر في وسط كونك مايختفي نورك ورا السحب
وردك تيمع في غصونك والشعر مسترسل مذهب
واذا كسى شعرك متونك خله مع النسمات يلعب
واخذتني والله بهونك وانا عليك اشره واعتب
اخذت روحي من عيونك حرام روحي مالها ذنب ....

شعر : عبد الرحيم السيد الهاشمي ..


كان هزاع توه حادر الصاله هو وخاله سلطان .. واول ماحدروا راح سلطان ووقف ويا خواته وحريم اخوانه اللي كانن قاعدات وهزاع شاف روضه وميثه يدورن شي ضايع كان شعرها طايح على ويهها وكل ساعه ترفعه وتخش راسها تحت الكوشه لانها فصخت نعالها وهب عارفه نعالها وين راح ... هزاع من حبه لروضه نسى السالفه اللي صارت ويا حميد هاك اليوم في البر واعتبرها سالفه عاديه ... لانه كل مايشوفها ينسى كل شي ..


شمه : امايه هزاع دامك واقف روح دور وياهن نعال روضه ضايع حليلها ماتدري وين حاطتنه ..
ميره : هيه هاي بس ماتدري وين حطته.. هاي ماتعرف الله اصلا وين حاطنها ..
هزااع ماصدق مات من الفرحه بيروح صوبها ومحد بيشوفهم .. لانه كانت في عواميد تغطي بين اللي في الاستقبال واللي على الكوشه ..
هزاع : ان شاء الله امايه ..

راح صوبهن ..
هزاع : هاه ميثه شو تسون ..
ميثه : ماشي حرمتك السندريلا ادور نعالها ..
هزاع : فديتها حليلها وواقفه تتطالعينها .. اخبرج عصاة منوه هاي ..
ميثه : وحده مالتيه وحده مالت .. روضه .
روضه وهي مظهره راسها من تحت الكوشه : اف مابغيت احصله توها بترفع عيونها شافت هزاع .
هزاع : هههههههههههااااااااي بسم الله الرحمن الرحيم ... اعوذ بالله منك يابليس .. وهو اصلا كان ميت على جمالها مااعرف شو يقول ..
روضه : جب ليش تضحك عليه ..
هزاع : لها الدرجه انتي قمر وانا ماادري ؟؟؟؟؟
روضه قفطت واستوى ويها احمر ونزلت عيونها في الارض وهو يطالعهها بحناااااااان .. وكل ماترفع عيونها تشوفه يطالعها ..وميثه كانت تتطالعهم بنظرات تفحص ..
ميثه : حووووه روميو وجوليت .. قصدي عنتر وعبله انا وياكم ..
رفعت عيونها اونها تبا تغير السالفه
روضه : اشعنه شال عصاتيه هاتها ؟؟؟؟؟؟
هزاع : مابا اعطيج العصا لين ماتروحين اتيبلي اكل انا يوعان من الصبح ماكلت شي ..
روضه : ليكون انا اشتغل عندك مابا روح ..
هزاع : عيييييييييييييييييييييييي يب
روضه : شو هو اللي عيب ؟؟
هزاع : هيهاااااااااااااااااااااا ء عييييييييييب منقووووود الحرمه اتقول حق ريلها اشتغل عندك ..
قامت روضه وضربت هزاع على جتفه سخيف مستوي اليوم هاذا كله من اليوع بروح ايبلك شي تاكله بس اذا مارديت عصاتي والله تشوف ..
هزاع : انزين ان شاء الله يله روحي ..
راحت روضه ادور اكل حق هزاع وردوا ميثه وهزاع صوب قوم شمه اللي كانو بيتحركون .. هند وساره وشمسه . ساروا ويا ام حمدان البيت .. عشان عيالهم وتمن ميره وبناتها ميمي وروضه .. وشمه وبناتها الريم وميثه وريسه سلطان كانن ياينه تلفون وقالهم انه بيروح السياره يترياهم ...


ميره : هاه حصلت نعالها .. ؟؟
ميثه : هي خالتيه حصلته تحت الكوشه ..
ميره : هاه ماقولج ياشمه هاي زين ماتنسى عمرها في مكان ..
ميثه : هههههههه
شمه : ووينها فديتها الحينه ؟؟؟؟؟
ميثه : راحت اتيب اكل حق هزاع ..
ميره : انزين يله شمه انا بروح اركب السياره وياالبنات ويوم بتي تعالوا .. نترياكم هناك .
.ريسه : شليني وياج والله اني هلكانه ..
ميره : يله روحنا .. وشلت معاها ريسه وميمي والريم وروحوا السياره ..
روضه يايه تربع صوبهم : اف ماحصلت .. ولا شي شسوي يعني ..
هزاع : مابعطيج عصاتج ..
وتمت روضه مستحيه .. وساكته عنه وتتطالعه .. وهو كان قاعد يهمسلها بشفايفه
هزاع وبسوط واطي : فديت عيونج ..
انحرق ويهه روضه بالقو ماتت .. جان تصد عنه صوب شمه ..
روضه : عمتيه شوفي هزاع مايعطيني عصاتي .. يبا يغغصص عليه ..
شمه : ههههههههه اعجاب يعلني افداج هاذا هب غصه ..
روضه تصد صوب ميثه : ياله ياعمتيه جاني يتج اباج ترقعينها قمتي وعميتيها .
هزاع : ههههههههههههههاي والله محد يفهمني غيرج يالشامسيه ..
شمه : مسود الويهه اشعنه ماتعطي البنت عصاتها يله عطها يله ..
هزاع : قومن يله نظهر هب عاطنها... وانتي يالشامسيه كل ساعه ويا حد شو حن حرقج لعرق الشوامس ..
روضه : عادي حتى انا ماباها خلها عندك ذكرى ؟؟
وقاموا كلهم وظهروا من السياره وردوا البيت ووصلوا ميره وبناتها البيت وردوا الباقيين البيت ورقدوا من التعب اللي صار الهم اليوم ....

الصبح يوم الجمعه الساعه 8 ..

نشت ام حمدان من وقت لانه منصور كان قايللهم انهم بيردون الصبح البيت عسب يرتاحون شوي لين يوم السبت عسب انهم بيرحون لندن يقضون فيها شهر العسل هناك .....

ام حمدان : كوماري .. كوماري ..
كوماري : نام ماماه .
ام حمدان : سويتي الخمير والبلاليط واللقيمات والجباب اللي قتلج عنهم ..
كوماري : ايوووه ماما انا واجد تبان انا من ساعه 6 يسوي .. كلاص .. بس هاذا قيمات انه مافي سوي فور .. هاي سميه يسوي معا انا شويه بعدين يروخ ..
ام حمدان : روحي انزين خلصيه وانا بظهرلج الصحون اليداد حطي فيهن ..
كوماري : جين ماماه انا الهين بيروه ..
ام حمدان : روحي انزين اشعندج معلقه الحين بيروح وبيروح روحي ..
نش سلطان هاك الوقت ..
سلطان : اشعندها هاي ام ضروس تتحرطم ؟؟
ام حمدان : هب صاحيه ..
سلطان : حووووووه كومار كومار ههههههههه انته في مجنون وياشر بيده على مخه ويقلها تم باقل ؟.؟؟
كوماري : انا مافي كلام انته في واجد زياده كلام انا بيروخ مطبخ .
ام حمدان : الله وكبر عليج بتاكلين ولديه يله روحي روحي
كوماري : جين ماماه
كوماري خدامتهم تشتغل عندهم من زمان من 10 سنين .. ومتعدوين عليها وهي بعد متعوده عليهم ..
سلطان : هاه امايه المعاريس متى بيون ..
ام حمدان : والله مادري ياولديه يمكن الساعه 11 ولا 11 ونص .
ام حمدان : غريبه انته اشعنه ناش من وقت ماحيدك .. الا بتخبرك الساعه كم رديتوا البيت البارحه وانته الساعه كم رقدت ؟؟
سلطان : يعني الساعه 2 وصلنا البيت وانا رقدت 2 وربع ..
ام حمدان : ماصدق وشبعت انته فخارت الرقاد تنش من وقت
سلطان : امايه عاده جاني نشيت من وقت احتشرتي وان مانشيت من وقت بعد احتشرتي بروح ارقد..
ام حمدان : برايك روح .. ارقد
سلطان: لا بروح اوعي هزاع من الرقاد وبروح البحر وياه ..
ام حمدان : اشعنه اتلعوز الولد خله يرقد .. روح ارووووحك ..
سلطان : لا والله اروح ارووحي هيه عسبت يوم يشفني الغرشوبات يقولن اشعنده هاذا المزيون راعي الرنج بروحه .اشعنه تبين البنيات يتمن في حيره ..
ام حمدان : مسود الويهه ماعليه انته ..عن هالخريط الزايد روح عنيه هب متفيجه حق خاربيطك ..
سلطان : بلاج اتروغين اليوم اول شي رغتي المسكينه كومار وخلاف تروغنيه انا .. انا ولدج انزين ..
ام حمدان : واشعنه تزقرها كومار هي ريال ونحن ماندري .. . سلطون عطني مقفاك والله.. والله بهاذا الواير مال التلفون ..
سلطان : عنبوه ياغايه ريال بلحيتيه وطولي وعرضي والبارحه تلحقينيه بعصا واليوم بالواير مال التلفونياله الحينه لو يشوفني الغرشوبات وانتي تضربينيه ويحط ايده على ويهه ويمسح على لحيته ....
ام حمدان : انته بتخبرك بالع مسجل ماتسكت ؟؟ السكوت عيب عندك ..
سلطان اتجدم صوب امه وباسها عراسها : يله انا بروح .. وراح سلطان وقوم هزاع من الرقاد وراحوا ويا بعض .. البحر . وعالساعه 11 نشوا كلهم من الرقاد وقعدوا ويا ام حمدان في الصاله يسولفون .. وكان سلطان وهزاع توهم ياين من البحر .. دخلت الكوبي البيت اللي فيها منصور والعنود .. ونزلوا من السياره وحدروا الصاله ..
منصور : السلااام عليكم ..
الكل : وعليكم السلام ..
ودخلوا العنود ومنصور وسلموا على الكل ...
سلطان : هلا وغلا حيا الله المعاريس ..
منصور : الله يحيك ..
العنود: شحالكم ؟؟ وصدت صوب سلطان جاااان تضحححححححححك ...؟؟
سلطان معقد حياته ويطالعها ..
سلطان : لا والله .. كلهم اطالعتيهم وقلتيلهم شحالكم وانا من شفتي رقعة ويهي ضحكتي اشعنه ويهي يضحك وانا مااعرف ؟؟؟؟؟؟
شمه : عنبوه هيد عالحرمه توها يايه واستلمتها ..
العنود : هههههههه لا لا بس يوم شفت سلطان اتذكرت يوم كانوا صغار من برع وييقفون التكسي عند باب بيتنا ويركبون من اليدار ويرحون بيتكم ..
سلطان : منصور انته شعنه تاخذها هاي ؟؟ هاي ماتمت فضيحه يوم كنا صغار ماتعرفها .. كل شي تعرف ..
منصور : جب مالك خص في حرمتيه ..
سلطان : هيه هيهااااء الحين منوه بيحط ويايه عليهن انته وعرست وتقولي جب بعد جب يجبك ... هاذا ويهه معرس بالله عليك .. خلاص ام حمدان خطبيلي ابا اعرس ..
ام حمدان : يله هاي الساعه المباركه..
سلطان : ههه انا اعرس مستحيل .. مابعرس لين مافجج راسي وخلاف بعرس .. لا وبعد يوم العرس بييب راشد الماجد لو حتى ايغني وحده ويروح المهم اييبه ... هب هاذا عرس وماياب حد
العنود : سلطون شبلاك على ريلي ؟؟
ريسه :سمحيلنا عنود بس الشيخ سلطان من ينش من رقاد حلات يا معصب يا يضحك اروحه يا تم يغلس ..
هند : الله يعينكم ...
سلطان ايه ماتشوفينهم شو يقولون ..
ام حمدان : صدقك يا سلطان من الصبح وانته ماكله جبديه ..
سلطان : اخ عليكم اطيحون فييييني ؟؟
ميثه : فديييييييت خالي انا شبلاكم عليه ..
سلطان : الااااااه وحده من صوبي تعالي تعالي ..
هزاع : يدتيه اخبرج شو سوا سلطان في البحر ..
سلطان : نقز من مكانه اييييه تعال.. تعال بنروح نتسبح بنروح نصلي قم قمممممم
هزاع :هههههههههههه يله قوم
ونشوا سلطان وهزاع ودشت عنود غرفتها هي وريلها اتشوف القسم مالها وتمت اترتب فيه اغراضها لين وقت الصلاه دخنت ريلها وروحوا الشباب كلهم الصلاه .. ووردوا واتغدوا وراحت شمه بوظبي ورد هزاع دوامه في الكليه ... وعالعصر يا سعيد وشل هند ورجعوا بدع زايد ..


السبت الصبح الساعه 10 كانت طيارة العنود ومنصور حق لندن .. فنشت العنود من الساعه7 وقعدت اترتب الاغراض عسب الساعه 8ونص يظهرون .. وظهروا العنود ومنصور من قسمهم وشل منصور الاغراض وركبهم في سيارة سلطان لانه هو اللي بيوصلهم المطار ..

ام حمدان : اتحملوا على عماركم يابويه منصور هالله هالله على حرمتك ..
منصور يصد صوب حرمته .. ويطالعها ..
منصور : العنود امايه في عيوني من داخل ..
استحت العنود منه ونزلت راسها للارض ..
ام حمدان : الله يخليكم لبعض .. ويرزكم بالذريه الصالحه يارب .
العنود + منصور : امييييييين
ونشوا العنود ومنصور وحبوا ام حمدان على راسها وركبوا سيارة سلطان ..
سلطان : معقوله بالهسرعه اتفججتوا من العيوز .
منصور : هههههههههه ياويهك الحينه لو تسمعك اتقول عيوز والله لاا تنتف شعرك ..
العنود : ايييييه انته اشعنه اتقول عن عمتيه عيوز..؟؟
سلطان : وهو يصارخ عالعنود بمصخره طبعا .. وانا وين ماروح القا عندها مدافعين ..
قامت العنود وضربت سلطان على جتفه ..
العنود : اشعنه تصارخ عنبوه فجك بيطيح .
منصور : هههههههههههههاي عاشت عاشت .. عطييييه .
وكملوا سوالفهم لين ماوصلوا المطار وخلصوا الاجرائات اللازمه وسلطان ماراح عنهم الا يوم ركبوا الطياره .... وخلاف راح سلطان الجامعه لانه محاضرته كانت الساعه 11 ..



بووظبي
ميثه كانت يايه من المدرسه وتوها بتنزل من السياره .. من لفت ويهها شافت خليفه واقف عن الباب يزاعج على اليهال عسب يحدرون يتغدووووون .. كان لابس بنطلون جيشي وقميص عنابي مكتوب عليه بالجيشي .. اول ماشافته ميثه نزلت عيونها ومشت وهالمره ماتغشت عنه .. لانها عطته ظهرها بسرعه وحدرت في البيت .. وهو من شافها .. تم سااااااااكت ومايتكلم ..

محمد : شبلاك عميه ؟؟ توك تواقعنا والحينه سكتت .. ؟؟؟
خليفه : مابلانيه شي يله روح ازقرهم عسب نتغدا ..
محمد : انته ساعه طيب وساعه اتواقع .؟؟
خليفه : وانته شبلاك مستوي جنك بنقالي يله يله دشوا داخل ..
محمد ماشاف ميثه ومااعرف سبب سكوت خليفه ..ربعت ميثه اول ماشافت خليفه فوق صوب الجامه مالتها .. واول مافجت الجامه شافته واقف يرمس ولد اخوه وياشر عاليهال عسب يدخلون البيت ... لكنه رفع عيونه بالغلط على بيتهم ولمح انه في حد واقف ويطالع لانه الشمس كانت ساطعه على الجامه مالت روضه واول ماشفته يطالع ويبتسم شكت في عمرها وسكرت الستاره بسرعه

ميثه : اويييه ليكون شافني شو بيقول عنيه انا الغبيه ليش افتح الستاره كلها مايكفيني يعني افتح شويه منها .. واطالع .. اوه لا لا ماظني انا دوم اشوفه مايشوف يمكن كان يبتسم ورفع عيونه فوق .. هيه شو بعد اكيد ماشافني ياربي شسوي انا وين ماروح اشوف وين مايي اشوفه شسوي في عمري يارب يارب ارحمني والله مااقدر مااقدر .. ليش قلبي دومه يتعذب اه يا خليفه جانه حبك سكن في قلبي من دون لايستاذن حبك سيطر على تفكيري ومشاعريه .. لييييييييش ؟؟ ليييييييييش ؟.؟ وانا اللي طول عمري مافكرت بحب حد .. لييييش ؟؟

حظ عيني لو تشوفك كل يوم حظها وانته لناظرها الظيا
نام فيها نام وانعس لا تقوم بالسعاده ياتباشير الحياه
انته اللي لك انا عمري اسوم وارخص الغالي بلا زيف ورياه
والبقايا مالهم عندي لزوم قلبي وقلبك حبايب اوفياء
غيبتك وجدان واحزان وهموم تتعب افكاري وتسبب لي العيا
ودي بشوفك مع طيب العلوم عن عيوني لا يباعدك النيا ..


شعر:مطلع الشمس


خليفه كان حادر البيت ورايح صوب الخيمه اللي في البيت عسب يتغدا .. وهو سرحان وتفكيره كله كان في ميثه ..
خلييفه : شفتها شفتها شفت انه في وحده كانت واقفه واكيد هي فديتها فديتج يا ميثه.ليتج تدرين بنار اللي ساكنه في قلبي عسب حبج .. حبج ملك قلبي وملك عقلي .. اااااااه ياحبج جانه ماخلا حال في خليفه .. والله اني اهويس بج ليل ونهار ولا في لحظه غبتي عن بالي لكن كيف كيف اوصلج كيف اقولج اني احبج كيييييف ؟؟؟؟ معقول ياميثه انا من ييت الحينه من البلاد صارليه 8 شهور وانا من 8 شهور وانا احبج ... وانتي ماتتدرين ؟؟


ياهناة العين اللي تنظرك دوم تهتني وتزيد من نورك ضيا
في عيونك عيدت من عقب صوم وانهرت فيها تباشير الحياه
من يشوفك بالفعل حظه يقوم ينسى حتى هموم وقته والعيا
ويتمنى العمر في قربك يدوم عنك لحظه مايفارقه النيا
لك غلا يزداد يوم بعد يوم صادق وواضح ولافيه الريا
وان قدرتي بيوم تحصين النجوم بتعرفين وشقد احبج ياضيا
لي متى بيتم حبج لي كتوم لي متى يمنعج عني الحيا
ليش نغرق يالغلا وسط الهموم دامنا في الحب والعشق اوفياء ..

شعر : عبد الله السيد الهاشمي ..

وحدر خليفه الخيمه وقعد يتغدا مع الشباب ..واخوانه .. وعيال عمه .. خليفه كان قاعد سرحان وساكت ومايتكلم ..
سعيد : خلوف توك تهذرب اشعنه صخيت الحينه في شوه سرحان .. ؟ ؟
خليفه : ياريال ماشي .. يعني انا اكل شو تباني اقول ..
سعيد : ماحيدك ..
ويابر كان قاعد عدال خليفه ..
يابر : خلوف حوه انتته شكلك تحب لانك من اول مارديت من السفر وانته هب طبيعي حالك كل يوم ينعفس عن اليوم اللي قبله ..
خليفه : ياريال ...........................
يابر: شو بعد ياريااااااال ؟؟ صدق بعد شوه .. كمل بعدين اشعنه سكتت ؟؟
خليفه : يمكن ربك احب واذا احب شو فيها الحب حرام ..
يابر: خلوف لاتنسى انك محير حق بنت خالك وفي اي وقت يقولوك املج بتملج انته هب غريب تعرف عادات وتقاليد عايلتنا ..
خليفه : والله ماخذت حد غيرها والله ... انا هب عنز اي وقت يقلولي اقولهم ان شاء الله ؟؟...
يابر : خليفه لا تحلم ترا ياما سعيد حلم وماتحقق حلمه وهاذوه جوفه جدامك خذا اللي على شور امه .. وشوف نهيان يوم خذا حرمته بالغصب على مااظن كنت ويانا وشفت المشاكل اللي صارت ..
خليفه : جوف انته لا تحبط معنويااتي اسكت اسكت خلاص ماريد اسمع شي .. انا ريال وشوري في راسي .. خليفه سكت ومااقدر يكمل كلامه لانه كلام اخو يابر كان صدق عاداتهم ماكانت تسمح انهم ياخذون بنت من برع قبيلتهم .. بس قال في خاطره بس ميثه غير ميثه انا ماعرفتها ولا كلمتها ميثه بنت حشيم وهليه يعرفونها عدل اكثر من ما انا اعرفها ... بس والله هب عارف شسوي شقول لو البنت مخلصه دراسه جان رحت والله مافي شي بيودني عنهم ياويلي اذا البنت اتكون محيره حق حد يا والله لا اموووووووووت اموووووت ...


بعد الغدا الساعه اربع في بيت المر ...
ميثه ا مايه شوفي اليوم لا زم توديني المارينا مول لازم اروح ..شفت تنوره عند العنود عيبتني ولازم اليوم اروح اشتريها ..
شمه : لا والله العنود ماخذتنها من العين وانتي الحينه في بوظبي ..
ميثه : امايه عاده هي ماخذتنها من زارا اللي في العين ونحن عنا هنيه زرا في المارينا امايه والله توديني بتخلص ..
شمه : خلاص لا تقذيييييني روحي اتلبسي عشان انروح مافينا على روحات نص الليالي وانا بعد بروح اشتري اغراض من كار فور .. بس قتلج انا مابدور هناك بس محل زارا وكارفور ..
ميثه : اوكيه خلاص انا بروح البس ..
راحت ميثه غرفتها بس قبل ماتفتح الكبت وتلبس ... راحت عند الجامه وفتحت الستاره اتشوف سيارة خليفه بس ماحصلتها ..
ميثه : اف منه مايقر في البيت هاذا ؟؟؟ ولبست ونزلت عن امها وركبوا السياره وراحوا المارينا مول .. ووصلوا المارينا مول نزلوا هناك..

دخلت ميثه وامها زارا .
ميثه : امايه هاذي التنور
شمه : انزين يله خذيها ..
ميثه : لحظه بدور قياسي اوه في منها لون اسود بعد .. امايه طالعي اللون البيج كلهن كبار كلهن قياسهن اربعين وفوق .. خلاص باخذ السوده لاني انا وايد عندي قمصان يبن تنوره سوده .
شمه : خلج انتي عاده ياله اتموتين على اللون الاسود ... يله خذيها ..
ميثه : هاه بعد حصلت قياسي شو ابا بعد . .. وراحوا وحاسبوا التنوه وخذوها .. وظهروا من زارا وراحوا صوب كارفور تحت .. وخذت شما الاغراض واتصلن حق الدريول ..
شمه : الوووو بشير انته وين ؟؟
بشير : انا منيه ماماه موجود ..
شمه : انزين تعال اوقف عند الباب .
بشير : جين ماماه ..
حاول بشير انه يشغل السيار بس مطاعات تشتغل لانه الراديتر مالها احترق ... قام واتصل في شمه . .
بشير : ماماه هاذا سياره مال ردايتر سوي هراق ..
شمه: شووووووووو.. شو تقول انته ؟؟
بشير : هاذا راديتر مال سياره .. في كراب ..
شمه : اخترب راسك ياربي واشعنه تخربه ... الحين منوه بيودينا البيت .. ؟؟ هزاع محد في الكليه .. وباباه مالك نوم داخل البيت واكيد مسكر التلفون ماله ... يله تعال انته شل العربانه بنروح انشوف شو السالفه ..
بشير : جين الهين انا يجي ..
ميثه : شو مستوي امايه ؟؟
شمه : هاذا البغل حرق الراديتر على قولته .
ميثه : لا والله والحين منوه بيردنا البيت ان شاء الله ..
شمه : وانا شعرفنيه يله امشي انتي ويايه بنشوف شو بيصير ..
ميثه : يله بس قتلج انا تكسي هب راكبه والله ماركبته ..........
شمه : هي ماعليه مااعرف بنت منوه انتي ؟؟؟؟
ميثه : بنت المر الرميثي ..
شمه : وهاذي هي الطامه العوده انج بنت المر الرميثي يله امشي بلا هذره..
وراحوا ميثه وشمه صوب السياره وكان بشير ايدز العربانه مالت كارفور في السياره قام وصف الاغراض كلهن في السياره .. وركبن ميثه وشمه السياره وبشير قال انه بيشوف حد يساعده ... وراح يدور حد يساعده ..

شمه : الله يخسه ياربي شو هاليوم المنحوس ..

خليفه كان قاعد ويا ربعه في ستار بكس كافيه .. وخلاف قالهم انه بيروح البيت وبيردلهم عقب المغرب اذا قدر .. وتوه ظاهر شاف سيارة قوم المر موقفه في الباركينج .. والدريول يعدل فيها يطالع .. يا خليفه صوبه ونزل من السياره ..

خليفه : شوفيه شو يسوي انته ؟؟

لمحت ميثه انه في واحد قاعد يكلم الدريول .. فلفت ويها ومن شافته..
ميثه : هااااااااااااه
شمه : وايه بسم الله .. شبلاج فلختيني ... انا كم مره اقولج عن هاي الحركات ..
ميثه : امايه شوفي منوه واقف ويا بشير ...
شمه : منوه هاذا ؟؟
ميثه : مااعرف جنه هاذا واحد من عيال خالتيه عزه ... بس مااذكر شو اسمه بالضبط .
نزلت شمه الدريشه عسب تشوف هاذا منوه ..
شمه : والله هي هاذا خليفه يعلني افداه .. قامت شمه وزقرت خليفه
يا خليفه صوب الدريشه اللي فيها شمه وقامت ميثه واتغشت عنه ..
خليفه : مرحبا خالتيه شمه .. رب ماشر من الصبح احاول القط كلمه من هاذا دريولكم هب فاهم ارمسه انجليزي يجلب عربي ارمسه عربي يجلب انجلويزي ..
شمه : ياولديه هاذا خديه هب صاحي خرب السياره وحرق الردايتر مالها وقعد ..
خليفه : هههههههه وهو يقوليله ردويتير .. وانا مافهمتله .. خالتيه هالراديتر يباله كمن ساعه لين مايتصلح تعالن انا بوصلكن البيت الحينه وخلاف بتصل حق الميكانيكي ايي ويعدلها ..
ميثه من سمعت طاري انه خليفه بيوصلها ومابتكون مسافه بينها وبين خليفه الا امتار وبتركب سيارته ماتت مكانها .. قامت وانزلت ريلها ودزت ريل امها يعني تقصد لا ..
شمه : لا ياولديه برايك روح ربي يحفظك انا بشوف حد مابا اتعبك ولا اعبل عليك ..
خليفه : افا يا خالتيه والله انيه ماهقيتها منج .. تقوليلي ياولديه وتعبيني بعد وين الولد يتعب من امه .. انا هب متحرك من هني الا يوم اوصلكن عيب عليه اروح واخليكن هنيه ..
شمه : من طيب اصلك يعلني افدا روحك انا ... وصدت شمه صوب ميثه اللي كانت متيبسه في مكانها .. يله نزلي ..
ميثه : هااه وين اقوم وين بتروحين ..
قعد خليفه يطالع ميثه بتفحص ..
خليفه : خالتيه اترياج انا في السياره ..
شمه : يالله شو وين تقومين بنروح البيت كله منج مسودة الويهه لو مايبتينا اليوم هنيه جان ماصار هاذا كله يله قومي ..
ميثه : لا لا امايه هب رايحه تعالي بنروح نركب تكسي تعالي ..
شمه : ييله صاصا من الصبح يوم اقولج نركب تكسي تقوليلي لا هاه يله اتحركي بسرعه .. وقامت ميثه ويا امها وركبوا عند خليفه السياره ركبت شمه جدام عسب ماتحسس انه خليفه دريول ومصلنهم وبعدين شمه كانت تعتبر خليفه واحد من عيالها ... وركب ميثه في ورا امها ..

شمه : فديتك ياولديه مشكور الغالي ..
خليفه : افا عليج يا خالتيه انا ماسويت شي ولا تشكرينيه ..
شمه : هاذا كله من ميثه اللي قاعده ورا ...
انصدمت ميثه من كلام امها ... كانت منزله عيونها في الارض من سمعت كلام امهاا رفعت عيونها ورفعت راسها بقو وبدون ماتقصد ..
ميثه : امايه
شمه : وان صادقه لو مالزمتي اني ايي واخذلج التنوره جان ماصار هاذا كله ...
خليفه : ههههههه ماعليه يا خالتيه ... اشعنه معصبه انتي .. ؟؟
ميثه في خاطرها : ماعليه يا امايه اتخلينه يضحك عليه انا انا تخلينه يضحك عليه .. ماتت من الغصه شويه وبتصيح مكانها ...

خليفه كان حاط الافم ام وخلاف شغل شريط عيضه وحط هاي الاغنيه ...

اذا حكم القدر اني احبك انا مالي على الاقدار حيله
تولع قلبي العاشق بقلبك وقلب الحي في الدنيا دليله
غلاك اللي سكني عند ربي مشاعر مالك في الزين زينه
عيوني ياعيوني تبتعدبك ..
<A target=_blank href="http://www.dubaimoon.com/songs/arshef/7akem-algader.ram" target=_blank>http://www.dubaimoon.com/songs/arshef/7akem-algader.ram</A>

ميثه : حست باحساس قوي ان هاذا الاهداء الها ومن دون ماتقصد كحت مرتين بس بسوط واطي ..
شمه : انا ماداني حد من الطربين غير عيضه ..
خليفه : وانا بعد يا خالتيه انا ماحبيت عيضه الا من عقب ماسمعت هالاغنيه ..
ووصلوا البيت ..
شمه : مشكور يا ولديه .. ماتقصر نتعب في عرسك ان شاء الله
خليفه : مشكوره يا خالتيه..
شمه : يله مع السلامه يعلني افداك سلم على امك ..
خليفه : ان شاء الله يا خالتيه سلام يبلغ ..
شمه : ربي يحفظك ..
خليفه يقول في خاطره لازم بتتعبين عرس بنتج لازم بتتعبين .. والله والله يا ميثه لا احارب الدنيا كلها عشانج وعشان عيونج و عشان حبج اللي ساكن في قلبي ومهما تيمعت عليه قوة الدنيا بكبرها ماخليه وماودره ولا ابتعد عنه ... معقوله قمر حياتي كانت عندي كانت ويايه في السياره معقوله لا لا مااقدر اصدق .. ومابيني وبينها غير كمن شبر ... ليتننا كنا انا وانتي بروحنا .. معقوله فهمت قصدي معقوله هي تحس باللي انا احس فيه ليش الظهر قعدت اطالعنيه من الجامه وليش منمن سمعت الاغنيه كحت ... ؟

ظنكم شو بيصييييييييير بين خليفه وميثه ؟؟؟
ظنكم خليفه بيقدر اني ياخذ ميثه .. ولا عبد الله بيخرب عليه ؟؟ وبياخذها عنه ؟؟
ظنكم شو بيكون شعور ميثه عقب ماسمعت الاغنيه ووركبت معاه السياره .. ؟؟؟
</P></font>

<font color='#8D38C9'><p align=center><font color=#ff0000>الجزء الثاني عشر
</font>
تشعل حرايق ناس لي من تكلمت حين انه صوتك للمولع هيااااامي ..


اول ماوصلت ميثه ركضت غرفتها وشلت تلفون امها واتصلت حق روضه ..... مع انها كانت تمشي من دون حاسيه كل اللي كانت اتسويه من دون احساس .. تمت تتصل ميثه على تلفون روضه بس كله كان يعطيها مشغول .. تمت تتصل وتتصل وبعده مشغول طرشت مسج ...
لحققققققققققي علييييييييه بموووووووووت ..
روضه كانت اتكلم ربيعتها غايه في التلفون واول ماوصل المسج حق روضه ماتت ...
روضه : غايه برايج خلاف بتصلبج ... باي وسكرت ..
ميثه : الوووووووو
روضه : هاااااااااااه بسم الله عليج شو فيج شو اللي مستوي خبريييييني بسرررررعه ..؟؟؟
ميثه : كانت اتصيييييح .. ركبت ويااااااااه ركبت ويا خليفه ...
روضه : انصدمت كان حد قبض روحها وتمت سااااكته ومره وحده صرخت عليهاااااااااااااا اشعننننننننننننننننه ؟؟؟ .؟؟؟؟ وكييييييييييييييف ؟؟
ميثه : ههههههههههه يالعنز اعرف وين راح تفكيرج لا يالبقره ركبت وياه انا وامايه لانه سيارتنا اختربت وهو كان في المارينا وشافنا ووصلنا البيت ..
روضه : يلعن شكلج يالسلانيه .... صدق انج سيلانيه ... فهميني السالفه عدل لاتلوميني من صوب هب رايمه اصدق وانتي كاتبه ولحقي عليه بموت والله والله وربي انج سيلانيه ... بالقوووو بعد .. شبلاج متخبله اتصيحيين وتضحكييين ؟؟
ميثه : ههههههههههه مااعرف مااعرف اريد اصيح اريد اضحك اريد اصارخ اريد اسكت هب عارفه شعوري كله متضارب ويا بعضه البعض .. ماتتدرين امايه شو سوت فييييني .. جدامه ..
روضه : شو سوت فييييييييج ؟؟
ميثه : قفطتنيه جدامه ...
روضه : اويييييييييييييه اشعننننه شو قالتلج ؟؟
ميثه : قالت حق خليفه هاذا كله من اللي قاعده ورا يايه تاخذ التنوره اتخيلي والله يا رويض حسيت بانه حد صفعني كف على ويهي زين ماصحت جدامه ...
روضه : ههههههههههههههههههههههاي .. انزين كملي وعقب .. ماقال شي ..
ميثه : مااعرف والله ياروضه بس تتدرين يوم كنا في السياره اول شي قعد يطالعني بنظرات وبعدين اتوقعي حطلي اغنية عيضه حكم القدر وتعرفين شو قال اونه انا ماحبيت عيضه الا من عقب هاي الاغنيه ظنج شو قصده بموووووووت بموووووووووت ارحمني ارحم حالي الله يخسه ان شاء الله دووووومه يتقصدنيه دومه الا يزيد عذاااابي الحينه عاده من عقب ماركبت وياه السياره وسمعني هالاغنيه شو اسوي شو يصبرني قولي قوووووووووووولي ..؟؟؟
روضه : اوووووووووب اوووب يعني استوى الفلم الهندي في البورش كايين ؟؟
ميثه : سيري انقعي بلا بورش كايين بلا نيسان سايين .... اااه قلبي اااااااااااي ااااااااااي ماتعرفيين شو يعني ااااااي ااااااااي ...؟؟
روضه : شو بتربيييين ؟؟
ميثه: خسج الله يالصخله يله يله انقلعي خليني اروح اشوفه .. تعالي لا تنسون عزيمتنا الكم يوم الخميس .. ...
روضه : يالخبله ادري امج دقت وكلمت ابويه حشااااااا اف عله مستويه ؟؟
ميثه : وطبعا بنليس كلنا ويا بعض ..
روضه : طبعا يعني شو اللي بيتغير ...
ميثه : ماشي بس بسوي جريمه مالي خص ..
روضه : حوووووه انتي يالبقره انا مالي خص بتسوين جرايم سويها بعيد عني .. انتي مينونه هب صاحيه واسمحيلي انا ماروح على شور الميانيييييين ...
ميثه : طالعه علييييييج .. اقول رويض جلبي ويهج بشوف هالكبش وين روح ..
روضه : جب اي كبش بعد ...
ميثه : خلوف من غيره ..
روضه : ههههههههههه خلوف وكبش بعد ...؟؟ يوم اقولج هب صاحيه برايج يله باي ...
ميثه : باي ..

وراحت ميثه صوب الستاره وبندت الليت عسب انه محد يشوف وقعدت تتطالع صوب بيتهم يمكن ساعه وخلاف شافت خليفه رايح المسيد يصلي صلاة العشا و يوم رد حدر الخيمه وقعد ويا خوانه وعيال عمه وكان عندهم ربعهم وقعدوا وراحت ميثه تتعشا ...


الساعه 11 في الليل بتوقيت الامارات والساعه 7 في لندن في منطقة كروميل ..
العنود ومنصور كانوا قاعدين في البلكونه ..
منصور : عنود شفتي نصيبي وياج لين وصلنا ؟؟
العنود : حبيبي منصور كل شي في هالدنيا نصيب ... وهاذا كله من عند الله تتدري ليش ؟؟
منصور : ليش ؟؟
العنود : لانك حبيتني من كل قلبك لانك حبيتني بنيه صافيه مافكرت في اي شي همك حبك وحبي وبس . ورب العالمين شو يقول يامنصور يقول اسعا ياعبدي وانا اسعى معاك والحمد لله انته سعيت والله وفقك ..
منصور : الحمد لله اهم شي انه حبيبت قلبي حذالي .. قومي قومي هب مصدق بنتحر ..
العنود : هااااااااااااه لااااااااااااا تعال اباااااااااك وييين تنتحر ... وقامت وصاحت ..
منصور : هههههههههه حبيبي ليش اصيحيين فديتج انا لها الدرجه اتخافين عليه .. واتحبييييني ؟؟
العنود : ياويهك انزييييين ماعليه انا براويك .. قوم قوم وربعت عنه في الصاله ..
تم منصور قاعد يفكر فيها وفي شكلها وهي دموعها في عيونها ودلعها يوم انها تصيييح .. احبهااااا احبهااااا وربع وراها ..


الصبح 8 يوم الثلاثاء
في بيت المر الرميثي

شمه تربع صوب بنتها لانها نامت عنها ونستها بما انه راشد اليوم مريض ومابيروح المدرسه ...
شمه : ميثووووووووه ميثوووووووووه قوووومي نسيتج غربل الله العدو ..
ميثه : هاااااااااه امايه اشويه بس ..
شمه : غربل الله بليسها اشويه اونه قومي الساعه 8 الحيييينه ..
ميثه : والله اويييه وتنقز ميثه من على السرير ليش تنسييييييني .؟؟
شمه : نسيتج شسوي الكبار والصغار كلكم عليه عنبوه جاني بتحملكم كلكم .. قومي يله روووحي لا تمين واقفه جدامي جذه روحي اتلبسي عن لا تتاخرين زياده .. اتحرررررركي ..
ميثه : هيه انتي انسينا وخلاف تعالي وواقعينا ..
شمه : اتحركككي انتي ام لسان طويييييل عنبوه هب لسان هاذا ا يله ..
ميثه : انزيين
وقامت ميثه بسرعه اتلبست وظهرت وركبت السياره وهي توها راكبه السياره وسيارتهم بتتحرك شافت سيارة خليفه توها ظاهره من البيت .. في نفس الوقت قامت وحطت ايدها على راسها ...
ميثه : لا حول ولا قوة الا بالله العلي العظيم اصبحنا واصبح الملك لله شو هاااااا ؟؟
بشير : وين يريد يروح شو يقول مافي يسمع ؟؟
ميثه : راحت روحك وين بروح يعني غير المدرسه روح بسرعه ...
بشير : جيين
ميثه في خاطرها زنت في راسك حصاه ان شاء الله ناقصتنك انا بعد .. خليفه كان طريق دوامه على طريق مدرسة ميثه انصدمت ميثه
ميثه : ليكون هاذا يلحقني ؟؟ لا لا ماظني يمكن طريق دوامه هنيه ..
خليفه شاف السياره وهو اصلا يوم كان نازل من الدري اللي في الببيت شاف ميثه وهي راكبه السياره .. خليفه شاف ويه ميثه لانها كانت متحجبه .. وماشافته ..
خليفه : ااه ياقلبيه صدقهم يوم قالوا الحلو حلو لو نش من النوم .. فديتها اكيد رايحه المدرسه الا الحقها واشوف مدرستها وبعدين هالطريق مايودي غير مدرسة عليا اكيد هي في مدرسة عليا .. لا مافيني تاخذ عنيه فكره ... لا ياخيلفه اعقل .. وراح خليفه صوب دوامه ...
ميثه : يوم شافته راح عنهم اف الحمد لله نفس ماظنييييت اكيد دوامه هالطريق ... ياله ياخليفه تشعل في وسط قلبي حرايق وقت شوفتك .. ونزلت ميثه من السياره ودشت المدرسه وكان عليهم عربي وهي وربيعاتها مطفرينها مس العربي ... ..
فاخره : حوووووه امون وينها ميثوه مايت ليكون غايبه والله بذبحها ...
امنه : لا تخسي ماتروم والله ونتم نحن رقود في حصة هاي العنزه الضايعه ..
المس : امنه وفاخره بس خلاص حكي مابتخلصوا
ساره : ايييه خلصوا يلله سكوووت..
وتوها ميثه كان داشه ..
ميثه : السلام عليكم ..
وفاخره وامنه وساره وباقي البنات اللي وياهن من شافن ميثه شهقن ..
المس : وعليكم السلام وقوموا بوسها وحظنوها شو تستنوا ؟؟
ساره : لا لا عقب هب الحينه ..
المس : بالله شوووه يله اقعدي محلك خلونا نكمل .. وراحت ميثه وقعدت على كرسيها المعتاد اللي كان عدال ساره .. وقعدت ..
فاخره ادق ميثه اللي كانت سرحانه كانت في عالم ثاني عالم اسمه خليفه ..
فاخره : حووووووه
ميثه : هاااااااااه شوه قاعدين في الزريبه مالومج مزروعيه
فاخره : شو هاااه هب عابينج المزاريع
ميثه : يارهم الله
فاخره : هههههههه اتحرا
ميثه : يله عاده امحق ويهه لا تنفخين ريشج وايد
فاخره : جوفي امون شو يايبه ؟؟
ميثه : هههههههه ليكون شلق ؟؟
فاخره : لا لا هب الحينه الشلق .. الشلق في رمضان والامتحانات ..
ميثه : عيل شو يايبه ..
امنه : اللله يسلمج يايبه معجون }صلصال{ بلزقه على الكرسي حق مس الرياضيات
المس : بس اخرسوا من الصبح عمالين تتوشوشوا انتوا التلاته اخر انذار فاهميييييين
امنه : هيييه ماعليه خير ان شاء الله امري انتي بس
صدت المس وكملت شرح ردت ميثه مره ثانيه وصدت على فاخره
ميثه : فخور عطيني بلعب فيه ..
فاخره : هاه يودي ..
ميثه : الااااااااه يجنن صبروا شوفن شو بسوي .. وتاشر على ساره ..
وقامت ميثه وخشت الصلصال في ثياب ساره
فاخره + امنه : هههههههههههه
ساره : نشت من مكانها الله يخسج ..
المس : قاعده تتطالع وليييييييييه اقعدي شو فيييييييه ... شو بكي .؟؟
ساره : مافي شي بيلس خلاص ههه الله يخسج ياميثوه
ميثه : ههههههههه ..
وتمن ميثه وفاخره يلعبن .. في الصلصال .. وخاست ايد ميثه وفاخره وامنه كلها صلصال ..
فاخره : مس بروح اغسل ايدي ..
المس : لا عدي محلللك
فاخره : انزين خلاص بقعد ..
ميثه : مس انا بروح عند الدكتوره ..
المس : لا ماحتروخي
ميثه و امنه و فاخره : ههههههههههههههههه ااااااااااي روخه روخه
المس : انا ماراح اشرح لين ماتتطلعوا برع اطلعوا برع ..
فاخره : قومن يله نظهر ..
ميثه : هههههه تعودنا دومنا برع
امنه : هههههههه استوا الويهه لوح يقولج ..
ويوم توهن ناشات وبيظهرن من الحصه لفت المس عليهن ..
المس : فاخره روحي اتحممي كمان مو بس تغسلي اايد يكي وانتي كمان انسه ميثه لو فيكي كمان تروحي للمستشفى بعد برع المدرسه روحي ..
امنه : اونها بعد علموها
ميثه : الله يخليكن طالعوا منوه ينكت ...... وظهرن من الصف ..
فاخره : الله يخسكن هههههههه


الظهر
خليفه كان راد من الدوام وكان وايد حاير من سالفة ميثه مايقدر ايقولها انه يحبها ومايقدر انه يتقدملها مني والدرب وشو بيقول وكيف بيتكلم وهي بعدها هب مخلصه وحتى هو روحه ماكان يعرف هاي في اي صف ... تم محتار ويفكر عند منوه يسال عنها عند منوه يقدر يحط سره فكر وماقدر انه يحط سره عند حد الا عند اخته نوف ..
خليفه : اوووووووه يانوف وينننننننننح عن بالي من زمان .. انتي الوحيده اللي دوم تفهميني واكيد بعرف عن ميثه كل شي من عندج ..
وصل خليفه البيت شاف امه واخته وحريم اخوانه وبنات اخوه يتغدن ..
خليفه : السلام عليكم ..
الكل : وعليكم السلام ..
ودش خليفه غرفته وبدل ثيابه وظهر من الغرفه .. وراح الخيمه عسب يتغدا هو كان يبا يكلم نوف بس ماقدر يقولها حتى انه هو يباها او انه يبا يكلمها جدامهم .. بعد ماخلص الغدا راح غرفة نوف ودق عليها الباب ..
خليفه : هلا
نوف : وغلا
خليفه : بقولج شي
نوف : قوول اصلا انته من اول مارديت من السفر وانته هب نفس قبل ودوم ابا اسالك بس هب رايمه لاني اتعودت عليك كل مايكون عندك شي اتي تخبرنيه اياه وها انته جداميه يله قول ..
خليفه : بس وعععععععععد يتم بيني وبينج ..
نوف : يالسخيييف ليش من متى بيني وبينك وعد او من متى اتخليني اوعدك شو مافي ثقه ..؟؟
خليفه : لا بس هالسالفه غير عن كل السوالف هاي سالفة هاذا .. وياشر على قلبه وبعدين اذا مافي ثقه مابيي عندج واخبرج
نوف : ياله سالفة هاذا عيل رحنا فيها ههههههه يله قول ..
خليفه : نوف تعرفين بنت خالتيه شمه ؟؟؟ اللي كانت تلعب وياكم هني يوم كنتوا صغار ؟؟
نوف : اي خالتيه شمه يارتناا ؟؟
خليفه : هي يارتنا
نوف : هيه احيدها بنتها ميثه هي ماعندها غير ميثه والريم وبعدين شو تلعب ويانا وماتلعب ويانا البنت استوت حرمه الحينه وماشاء الله عليها يا خليفه لو تشوفها ماشاء ماشاء الله اطيح الطير من السما .. وبعدين تعال لييييش تسال عن البنت شو تبابها .؟؟؟
خليفه : احبهااااااااااا .. وانا الطير اللي هي عقته ..
نوف : تتطالع خليفه وهي منصدمه وفاجه عيونها هاااااااااه تحبهااااااااا ؟؟ ويييين وكيف ومتى ..
خليفه : عنبووووووج اشعدنج اتريي خليني اخبرج ... جوفي اول يوم رديت في البلاد انا كنت قاعد انزل اغراضي من السياره وهي يت وفتحت سيارتهم وشلت شي من السياره ويوم شافتني اتغشت عني ودخلت بيتهم وسكرت الباب بسرعه في ويهي .. ومره رحت الجميعه وشفتها ويا امها وكانت رافعه غشوتها ادور اختها وربج راد اي انا احصل اختها وادور على هلها ويظهرون هم هلها ومره يوم عرس سعيد اخويه انا كنت توني بظهر من الخيمه وهي توها حادره شفتها واول ماشافتني انصدمت من كثر الصدمه قعدت تتطالعني وخلاف اتغشت عني وحدرت الخيمه .. ودومي اشوفها واتعذب وهي هب مفتكره واخر موقف صار اللي هو قبل يومين يوم شفتها في المارينا كانت ويا امها واختربت سيارتهم ووصلتها ويا امها البيت ... والله يا نوف احبها احبها افكر فيها غصبن عني كل ماسال نفسي ليش ماحصل جواب اتخيلي دومي اتصادف وياها دومي كل ماروح مكان اشوفها نوووووف انا في عمري ماكد جربت الحب وماعرف شو هالحب صح انها ماتمت بنت ماعرفتها وسويت وايد مشاكل ورحت استراليا اكمل لكن عمري ماحبيت و تخيلي انا الحين كم عمري .. عمري 24 وتخيلي انا في هالعمر وحبيت مع اني كنت واثق اني برد البلاد وباخذ بنت خالتيه سلامه وبيكون حبي الها لانها بتكون شريكة حياتي لكن الحينه لا سلامه ولا الف سلامه ولا الف بنت في هالدنيا يسوون ظفر من ظفور الشيخه ميثه .. سكنت قلبي شلت كل تفكيري .. ويوم ركبت ويايه السياره حطيتلها اغنية عيضه حكم القدر وقلت انا ماحبيت عيضه الا من عقب هالاغنيه عاد مااعرف فهمت ولا لا ..؟؟ &#33;&#33;&#33;
نوف : الاه ياخليفه معقوله .. انته خليفه اللي ماتمت بنت مالعبت عليها اتحب اتصدق خلوف انا هب قادره اصدق عمري .. احس انه هاذا هب خلوف اخويه اللي جدامي ..
خليفه : عشان اتعرفين يانوف ان هالشي هب بكيفي هالشي صار غصب عني وخلاص طار قلبي جداها وماظن يعود لاي حد في الدنيا ..
نوف : وهي تتدري انك تحبها ...
خليفه : كيف بتتدري يعني هي ؟؟ منوه بيقولها ..؟؟ يعني
نوف : انته تعرف انته اكبر عنها بكمن سنه ؟؟
خليفه : كم ليش هي كم عمرها .. عادي لو حتى 12 سنه بعدني باخذها .. وماتخيل اني في وحده غيرها اتكون حرمتيه ..
نوف : 17 ثالث ثنوي .. يعني انته اكبر عنها بسبع سنين جانك ماتتدري يعني ..؟ ؟ وبعدين اماايه شو بتقوللها انته تعرف امايه ماعندها هالسوالف واللي في شورها بتسويه ماعليلها لا منك ولا منيه ولا من حد ... ولاما تذكر اللي صار لسعيد .. يااخ خليفه ..
خليفه : اذكر .. بس مب اللي ماقدر غير يسويه انا بعد مااقدر اسويه بسويه وبتشوفين .. عادي وشو يعني ماتفرق الا هن 7 سنين في عيني ولا شي ...
نوف : خليفه انته اخويه وانا ماريدك تتعذب ..
خليفه : اذا صدق انتي ماتبيني اتعذب وماترضين انج اتجوفين اخوج جدامج يتعذب خبريها اني احبها واول ماتخلص بتقدملها .. بس المهم انها تتدري بحبي وماتم متعلق في امل نوف انا واصل من استراليا من ثمان شهور تعرفين شو يعني ثمان شهور وانا من اول يوم شفتها فيه وهي هب راضيه اتروح دقيقه من تفكيري واحبها لين يومي هاذا ومستحيل انساها بتم طول عمري بليا حرمه اذا ماخذت ميثه .. بموووت بموووووت تعرفين شو يعني بمووت ان ماخذتها حسي فييييني ارجوووج حسي فييني .,..
نوف : والله ياخليفه انته اخويه وانا مايهون عليه تتعذب جدامي هالعذاب وانا مالي غيرك ... ان شاء الله ياخلوف الله يحقق اللي في بالك ويسعدك فيها ... ويرضي ويهدي امايه يارب العالمين ..
خليفه : امييييين ..
نوف : بس ماخبرتني شو تباني اسوي .. ؟؟
خليفه : ابااااااج اتروحين واتسوين واتقولين اللي بقولج عليه اوكي .. وماتقولين لا مابقول ولا لا عيب خلاص حطيت العيب جدامي 8 شهور بحالهن وهب قادر اتحمل زياده ..
نوف : انزين ان شاء الله ..
خليفه : هاليووومين
نوف : ان شاء الله هاليوومين ..
خليفه : مشكوره يااغلا اخت في هالدنياااااا والله لو هب انتي الله يعلم كيف بيكون حالي ..
نوف : والدموع في عيونها لاتقول جيه ياخلوف انا مالي الا غيركم اخوان ..
وظهر خليفه من عند نوف وراح يرقد في غرفته وراحت نوف عند امها في الصاله ..
نوف : امايه ... خالتيه شمه ماتيكم ؟.؟؟
عزه : الا امبلا البارحه الصبح كانت عندي اشعنه تتخبرين ؟؟
نوف : ماشي يامايه طرت على بالي بنتها ميثه ماشفتها من كبرت الا في عرس اخويه . .. والله خاطري اشوفها قووليلهم يوم بتي اتييب بنتها ..
عزه : انزين ماعليه ان شاء الله .. بخبرها ..
مايد ريل عاشه كان ياي يربع صوب عزه ..
مايد : عمتيه عمتييييه .. هوووود
عزه : لبيه الغالي .. اهداااا
مايد : عمتيه قومي ويانا عويش داقنها الويع جنها بتربي ..
عزه : يله يله هيد عليه بس نوف امايه قومي هاتي عبااتي ..
نوف : ان شاء الله ..
مايد : عمتيه اترياج انا في السياره ..
ويابت نوف عباة عزه وراحت ويا مايد وعاشه مستشفى الكورنيش وربت عاشه ويابت ولد وسموه فاضل على ابوها ...

عالسااااااااعه 8 المغرب
عزه : الحمد لله عالسلامه يابنتيه ..
عاشه : الله يسلمج يامايه .
مايد : اخيرا ياني الولد اللي اباه .
عاشه : هيه يله عاد الحينه اشتغل فيه .. ههههه ..
مايد : الحمد لله يارب ..
واحتلفوا كل اللي في بيت فاضل القبيسي عسب ربا عاشه .. وقومتها بالسلامه ..

يوم الاربعاء الصببببببببح ..الساعه 11
في بيت غيث ..
احمد كان توه يايب شمسه من المستشفى
ام حمدان : هاه يابويه رب ماشر شو فيها ؟؟
احمد : اقووول ولا انتي اتقوليين ..
شمسه : لا انا بقووووول ..
ساره : شمييس حامل صح مبررروك مبروك الف مبروك قتلج البارحه يوم كنتي اتقولين جبدي لايعه قتيلي لا مااظني ..
شمسه : صدقتي يام غيييث .. الله يبارك فيج
ام حمدان : مبروووك يابنتيه الف مبروك تستاهلين ..
شمسه : الله يبارك فيج ياربي يالغاليه ...
احمد : انا ابوه انا مالي مبروك ؟؟
شمسه : لا والله بصمت انه ولد . ..
احمد : هييييييه ولد
ام حمدان : ولد بنت مايفرق ..
سلطان توه كان حادر عليهم ..
سلطان : شو هو اللي ولد بنت مايفرق شو السالفه ..؟؟
ام حمدان : ماقلت مبروك لبنت خالتك حامل ..
سلطان : اويييييه حامل اونه مبرووووووك اكيد ولد احم احم بروح وياه العين مول .. بنغازل المزايين . .
ام حمدان : هب هباك الرب مسود الويهه مقصر .. انته
شمسه : هههههههههه ولديه ولد مطوع مايسوي هالحركات
سلطان : نعم نعم ياختي منوه اللي مطوع وياشر بصبعه على احمد هاذا .. هي اذا هاذا مطوع قوموا عني انا صراحه بنتحر ..واذا هو مطوع مره انا مطوع الف ..
ساره : تعال يالمينووووون وين رايح .؟
سلطان : صبري بنتحر وبرد لج ..
ام حمدان : يوم اقولكم هب صاااحي اتقولولي لا صاااحي الحمد لله والشكر يله هاه اتريي بينتحر وبيردلج تعال انته يالخديه كيف بتنتحر وبترد .. هاذا اصلا من بونه خديه وهاك اليوم بيروح المبزره ايقولي بروووح البحر اي بحر يلي هب صااحي وهزاع بعد وياه يقولي بنروح البحر اي بحر هاذا اللي في العين ..
سلطان : انتي يالعيووز اشعنه اربعه وعشرين ساعه اتقفطيييني ؟؟ هههههه انزين انا قتلج بحر ابا اجوفج تتدرين ان العين مافيها بحر ولا لا .... هههههه كيفي والله بلادي العين انا اقول الماي فيها بحر يعني الماي من وين ايي هب من البحر .. وانتي ليش اتصدقييييني ؟؟
ام حمدان : مسود الويهه اتجوفني كبر يدتك اتقولي عيوز ... واللللللللله شدراني اتحرا سوو فيها بحر وبتروحله انته وهزاع وخلاف يوم قعدت افكر قلت وين هاذا بحر في العييين ؟؟
سلطان : ههههههه مشكلتج مامااااااااااامي
احمد : اشعنه اتسبين يدتيه حليلها في القبر ..
ام حمدان : الله يرحمها ..
سلطان : ترا اليده الثانيه امج ..
شمسه : مالك خص في يدتيه ..
احمد : اوووه ويانا بنت بنتها هني هههههههه........

في التقنيه ..
روضه : ايييييه غايه في خاطرج اتشوفين مزيون ..
غايه : ههههه ادري بتراوني روميو مالج .. شايفتنه ..
روضه : هههههههههه لا لا هب روميو بتااااااعي براويج عمي اللي ارمسج عنه دوم المزيوووون ..
غايه : والله بتراويي شامسي مزيون ..
روضه : هيه نعم براويج اياااااه
غايه : يله راوييني
روضه : حبي ريلي اول ..
غايه : حبج برص ياربي راوييني اياااه بسرعه ابا اشوفه ...
روضه فتحت اللابتوب مالها وراوت غايه صورت سلطان ..
غايه : هااااااااااااااه لاااااااااااا لااااااااااا لاااااااااااا لاااااااااااااااااااااااا اااااا
روضه : بسم الله الرحمن الرحيييييم شو فيييييييييييييييييج ؟؟ خوفتييني .. شو فيييييييج شو بلاه شو مسوي فيج ؟؟


ظنكم نوف يوم بتشوف ميثه شو بتقولها .؟؟؟
ظنكم شو سالفة غايه ربيعة روضه ويا سلطان ؟؟

انتهى الجزززء
























السموووووووحه الجزء قصيييير ... بس ان شاء الله المره اليايه بيكون اطول ..&#60;&#33;-- / message --&#62;
</p></font>

<font color='#000000'>مرحبااا حبوبه
مشكوووووووره على الاهداء الحلو
ونتريا التكمله...
*الغرشوووووبه* <img src="http://oasis.bindubai.com/emoticons/022.gif" border="0" valign="absmiddle" alt=':f22'></font>

<font color='#728FCE'>

تسلم ايدج الغاليه......<img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0>

نتريا التكمله......

تحياتي....</p></font>

<font color='#8D38C9'><p align=center><font color=#990000>الغرشوبه</font>

العفو عيوني
والحين بحط التكمله


<font color=#0000ff>هتان المنتدى</font>

الله يسلمك أخوي
وانشاءالله الحين بنزل الجزء


تحياتي </p></font>

<font color='#8D38C9'><p align=center><font color=#ff0000>الجزء الثالث عشر
</font>

غايه : لا رويض حلفي ان هاذا عمج ليييش ليييييش ... لا مستحييييل مستحيييييييل ...
روضه : يالسباااااله يالهبله شو فييييييييج شو سوا فيج خبرييييني ؟؟
غايه : الجمعه اللي طافت كنت رايحه المبزره ويا هليه وشفته هناك قعد يرقمني ..
روضه : والشرار يظهر من عيونها وقامت اتير شعرها من الغصه .. وفصخت نعالها وقعدت تضرب غايه فيه .. بابقره انتي بقره اتعرفين شو يعني بقره انتي انقوووووووح ... من الصبح مروعتني انا قلت احينه مسوي فيها داهيه خاطفنها ومسوبها شي ... اقول تف عليج ولا مايحتاي ؟؟
غايه : هههههههههههههه ههههههههههههههه الله يخسج ... بسي يعور النعال ...
روضه : تتادبين عافان الله محد صاحي شبلاكم انتوا كله تفلخوني هاك اليوم بنت عمتيه سوت فيني نفس الشي .. واليوم دورج اخر شي .. انا بتعقد بتعقد .........
غايه : صبري بخبرج السالفه ..
روضه : جب لا تقولين ..
غايه : لا بقول اول شي قولي ان هاذا عمج اف ياربي مزيووووون عنده رنج سوده صح ..
روضه : هييييييييه
غايه : انزين اقولج هاك اليوم كنت رياحه ويا هليه المبزره كان هو ووياه واحد بعد حليووو هيييه بس الحين عرفت يشبه اظني روميو مالج ..اللي كان وياه ؟؟
روضه : شووو منوه هزاااااع قولي والله
غايه : هي اظني راويييني الصوره يمكن اتذكر ..
روضه : شوفي هاذا هو ..
غايه : هي والله هاذا هاذا حتى كان لابس كندوره حليبيه وغتره حمرا ..
روضه : هييييه يوم الجمعه يوم صباحية عمي منصور انزييين روميو مالي كان وياه ماعليه انا براويه ان مانتفت ريشه ..
غايه : والله حليله مسكيييييين هو ماسوا شي بس هاذا عمج اللي كان متخبل اقولج كنا نمشي انا وختيه العوده وانا كنت متغشيه .. وهوشافني شاله شنطة ديور جان يقول حق هزاع مالج اتصدق احلا ماركه في الدنيا كلها ديور والاحلى الاحلى القمر اللي شالنها ... وتم ينقل وخلاف قالتله اختيه بس عنبوك حفظتها حفظته روح ...وخلاف قال السموحه وحليله هزاع كان يسحبه ويوم شاف اختيه اتقول جيه روح عنه وخلا اروحه ..
روضه : والله هاذا سلطون مشاااااكل ..
غايه : هههههههههه الاه اسمه سلطان رويض والله انه قمر خليه يخطبني انا في خاطريه ريل شااامسي فديتج فديتج ..
روضه : هههههههههههه راحت عليج الريال خاطبيله ..
غايه : افاااااااا ليييش لييييييييييش ؟؟ وانا
روضه : لو عندي عم اصغر جان خطبتلج اياااااه صح تبين عبد الله اخويه ؟؟
غايه : حلووو نفس عمه اباه ..
روضه : هيييييه حليووووو بس عيونه سود
غايه : لا امحق ماباه ابا عمه عيونه عسليات ..
روضه : الله وكبر كيف شفتيه يام اربع واربعين وانتي متغشيه ..
غايه : هههههه اللي يبا الصلاه ماتفوته ..
روضه : يوم اقولج ..
وتمن يكملن سوالفهن .. لين ماخلص الدوام وردن البيت ..,,


الظهر
في بيت حمدان الشامسي
عبد الله : ابويه عاده يله متى بتخطبولي ميثه تعبت من كثر ماتريا ..
حمدان : خلاص ان شاء الله يابوحميد تامر امر ... باجر ان شاء الله برمس ابوها وامها في الموضوع ..
ميره : يله ان شاء الله الله يوفقكم ويابعض ..
عبد الله : اميييييين .. بس ماعرف امايه احس ساعات انها ماتبااني ..
حمدان : اصلا ميثه وين بتحصل اطيب عنك وواحد يحبها وشرانها وبعدين الحي ابقا منن الغريب ...
ميره : صدقت والله رمسة ابوك هي الصح ياعبدالله ولا هالخرابيط شلها من بالك ..
عبد الله : ان شاء الله يامايه الله يسوي اللي فيه الخير السموحه منكم بستاذن الحينه انا ...
حمدان : مسمووووووح الغالي ..


العصر .. الساعه 4..
في بيت المر الرميثي ..
شمه : ميثه ميثثثثثثثثثثثثثثثثثه ... ميثوووووووه
ميثه هاذا الوقت كانت تتطالع خليفه اللي كان قاعد يلعب مع ولد اخوه علي في الحوش وهو كان حاس انه ميثه اتشوفه مع انها ماشفها لانها ماكانت تبين .. وكان قاعد يسوي حركات ..الا يرفع شعره عن ويهه وميثه مسكينه كانت رايحه فيها .. كل ماسوى حركه ..
ميثه : احبك احبك احببببببببك ..
الريم: ماماتي تباج انتي ماثماين ...
ميثه : اسمع بييها الحينه روحي عني ..
الريم : بكبر ماماتي اليج ..
ميثه : هاه امايه ...
شمه : عنبوه من الصبح ازقرج ..
ميثه : مامسمعت شو تبين ...؟
شمه : عاشه بنت خالتج عزه ربت جان بتين ويايه ...
ميثه : لا والله ومن متى انا مارحت بيتهم ليش تبيني اروح..
شمه : اليوم الصبح كنت ارمس خالتج عزه في التلفون وقالتلي جان بتون صوبنا هاتي ميثه وياج نوف تباها من زمان ماشفتها ...
ميثه: بعد انا ملانه وخاطري اسولف ويا حد ... ابا حد اسولف وياه بس متى بتروحين ..
شمه : الحينه بنتلبس وبنروح عالساعه 5 بنظهر
ميثه : خلاص ان شاء الله ..
وراحت ميثه غرفتها وشافت سيارة خليفه بس ماشافته .. وكانت اتقول في خاطرها تم لاتظهر من البيت بيي صوبكم ..وقامت ولبسة مخوره عربيه واتعدلت طبعا ولفت شعرها واتعطرت ونزلت عند امها ..
شمه : هاه بنتيه يله خصلتي ..
ميثه : هيه خلصت شو رايج امايه ..
شمه : شو راييي بعد ماشاء الله عليج يله روحنا ..
وراحت ميثه وياامها بيت قوم فاضل واول ماحدروا من الباب خليفه كان ظاهر الخيمه وبيحدر بيت عمه ... فشافهن وميثه كانت متغشيه وامها بعد ..
شمه : مرحبا خليفه شحالك ولديه ..
خليفه : مرحبا خالتيه بخير يعلج الخير شحالكم انتوا ؟...
شمه : بخير وسهاله يعلني افداك امك وينها ..؟؟
خليفه : امايه داخل خالتيه حياج الله اقربي اقربي ..
شمه : حد عنكم غريب ابويه .. ؟؟
خليفه : لا ياخالتيه محد الا امايه وحريم اخواني وختيه .. حياج ..
شمه : الله يحيك ويبجيك ..
وطبعا هاذا كله ميثه كانت واقفه ورا امها وتقول في خاطرها .. عنبوه انا قلت اتمنى اشوفك بس هب اول مادخل اف يالهحظ ....وراحت شمه وبنتها عن خليفه وحدروا الصاله ..
خليفه : يالله يارب ساعدني ساعدني يارب وحنن قلبها عليه يارب الحينه نوف بتكلمها والله يعييين ..
شمه : السلام عليكم ..
عزه : مرحبا الساع مرحبا ملايين بمن يانا وانا اقول شبلاه منور البيت اليوم ..
وقامت شمه واتوايهت مع عزه : منور بهله يعلني افداج ..
وراحت شمه ووايهتهن كلهن .. وميثه راحت وسلمت على عزه وحريم عيالها اللي كانوا قاعدات حرمة سعيد وحرمة نهيان ..

عزه : حيالله بنتيه ميثه وين ماتينا ولا تنشافين احيدج يوم انتي صغيره اربعه وعشرين ساعه في بيتنا والحينه امره مول محد يشوفج ..
عفراء : ماشاء الله ياعمتيه البنيه كبرت واستوت حرمه ...
عزه : الله يخليج يارب
شمه : امين ويخليلج نواف وبنات نهيان وكل اخوانه يارب ..
عفراء : امييين يارب
وقعدن الحريم ياخذن علوم بعض وخلاف راحن عند عاشه اللي كانت قاعده في الغرفه اللي تحت في بيت امها .. موزه ونوف ونوره كانوا داخل عند عاشه في الحجره ..
نوف : عاش من شافج ياميثه وين ويين ياله عاده الحينه بذمتج جان امايه ماقالت حق امج اتيبج وياها جان مايتينا ولا شفناج ..
ميثه : لا والله حرام عليج بس اتعرفين انتي الدراسه ...
نوره : لا لا كلنا ندرس هاذا هب عذر ..
ميثه : حرام عليكم عاد انتوا كلكم الحينه مخلصات انا اخر سنه ..
موزه : هيه والله .. الله يعينج هاذا كان حالي السنه اللي طافت ..
ميثه : الحمد لله بس انج افتكيتي ..
تمن البنات يسولفن لين اذان المغرب وخلاف ميثه قالت انها تبا تصلي وودتها نوف فوق غرفتها وهن راكبات الدري ..
نوف : ميثه اوووه نسيت السياده بروح ايبها وبييج روحي اول غرفه على ايدج اليمين ..
ميثه : لا لا بروح وياج يمكن حد في بيتكم ..
نوف : منوه يعني في بيتنا اصلا اخواني كلهم محد والباقين برع في الخيمه مايحدرون البيت الا يوم يرقدون بس ..

ميثه : ان شاء الله خلاص ..
وركبت ميثه الدري وخليفه كان ياي من المسيد راح غرفته لانه نسى السويج ماله في الغرفه نسا يشله وياه لانه كان بيظهر .. كان يكلم الخدامه عسب تكويله السفره واتيبها السياره وكان بشعره وكان لاف ويهه يطالع الخدامه ..
وميثه كانت تركب الدري ومنزله عيونها وهب منتبهه اول ماوصلت فوق خليفه كان تو ه بينزل واداعموا واجابلوا بالويهه .. خليفه انصدم كان يتحرا هاذا اللي جدامه خيال ميثه هب ميثه ...
خليفه : والله احبج حتى لو كنتي خيال .. مايكفي انج دوم في بالي حتى في خيالي ياميثه ....
ميثه : انصدمت من هالكلمه حست انها خلاااااااص خلااااااااص فقدت كل روحها عقلها قلبها حست انها مجرد انسانه بلا احساس حست باحساس صعب انه ينوصف .. في هالدنيااااا ..
خليفه : هز راسه بس عسب يستوعب اللي صار وخلاف استوعب صدق انه اللي جدامه ميثه هب خيالها ..
انا اسف ..
ميثه : ماصدت صوبه وربعت على الغرفه اللي قالتلها عنها نوف ..
خليفه كان نازل من الدري مصدوم من اللي صار مصدوم من اللي قاله هو كان يتحرا اللي جدامه خيال ماتوقع انه اللي جدامه ميثه ... شاف نوف
خليفه : نوف الحقي ..
نوف : خليفه انته شو تسوي هنيه احيدك برع وماتحدر البيت .. اويه تعال ليكون شفتها ..
خليفه : شفتها قولي شفتها وبس شفتها وقتلها احبج ..
نوف : شووووووووووووووو ؟؟ ليييييييييش ؟..
خليفه : مااعرف ليش ماعرف لا تساليني انا ماعرف شي اصلا .. بس لا تنسين عطيها الرساله .. وراح عنها وماعطاها فرصه انها تكلمه او تقوله شي ..
نوف : هاذا الخبله شو سوا فينا انا برووح ولا بتكلم ولا بقولها يسد الفضيحه اللي سواها ..
دشت نوف على ميثه الغرفه ولا كانها عرفت بشي دخلت عادي بس يوم دخلت شافت ميثه قاعده اتصييييييح ..
انصدمت نوف الله ياخذ بليسك ياخلوف شو سويت في البنيه ؟؟
نوف : ميثه شو فيييج ؟؟
ميثه : لا ماشي ليش ..
نوف : لا فيج شي اشعنه اتصيحيين صار شي ...
ميثه : ومن دون احساس وماكانت تعرف هي شو كانت اتقول او شو بيستوي بعد الكلام اللي بتقوله .. قال الكلمه اللي طول عمري ماكنت اتوقع انه بيقولي اياها رحمني من العذاب اللي انا اتعذبه عسبه ليل ونهار ... يحبني نفس ماحبه يتخيلني حتى في خياله احبه احبه يانوف .. ماعرفت الحب والهوى والعشق الا على ايده هو اول واخر حب في حياتي اول انسان فز له القلب وارتجفت له الايد .. معقوله يازمن معقوله اللي صار نوف انا في حلم ولا علم ..
نوف : ميثه منوه هو خليفه ؟؟
ميثه : هيييييه هيييييييه خليفه ..
وقامت نوف وحظنت ميثه اللي كانت دموعها على عيونها ..
نوف : قومي ياميثه وصلي واستغفري ربج ..ربج يحبج وهاذا الدليل انه خلاكم تتصادفون ويا بعض .. جان ماخيل لخليفه صورة حبيبته اللي من اول مارد البللاد وهو يحبها وسبحان الله هي طلعت تحبه اكثر عن لا هو يحبها ... عسب يقولها الكلمه .. وبيني وبينج اللي كنت بقولج اياها الكلمه بس الله ماراد انها تتطلع من لساني الله راد انها تتطلع من لسانه هو ..
ميثه : شو يانووووووف منوه شو اتقولين اول ماوصل البلاد ...؟؟
نوف : هي ياميثه اول ماوصل خليفه من البلاد ماشاف حد جدامه الاا انتي .. وحبج وبغاج ويطلب منج طلب واحد وبس ...
ميثه : نوف احس انه هاذا كله حلم .. كل شي هب متوقع احس انه كل شي صار بالغصب .. مااعرف مااعرف كيف اعبر .. بس يانوف انا طالبتنج طلبه .. ماريد حد يعرف باللي صار ولا الكلام اللي انا قلته ممكن .. وخصوصا خليفه ولو حتى سالج بينيله اني احبه بس من دون لا تقوليله انه هيه تحبك ممكن ..
نوف : افا عليج ياميثه ماطلبتي وانا بعد واعده اخويه بالهشي ومستحييييل ..
ميثه : نوف يعني خليفه يحبببني يحبنننننيي ؟؟
نوف : يحبج والله ويموت فيج والله ياميثه لا ليله ليل ولا نهاره نهار حاله معتفس من اول مارد لبلاد... وهو يبا منج شي واحد ..
ميثه : شو ..؟.؟
نوف : يباج اتلخصين دراستج وتشدين حيلج لانج اول ماتخلصين بيي يخطبج ..
تمت ميثه مستحيه ومنزله راسها في الارض وراحت وفرشت السياده عسب تصلي ..
نوف : فديت اللي يستحي انا ... عالعموم هالرساله من عند خليفه ..
وشلت ميثه الرساله وخشتها في مخباها ..
وراحن ميثه ونوف الصاله وقعدن شويه .. وخلاف راحت شمه وبنتها البيت .... اول ماوصلت ميثه الغرفه فتحت الورقه وحصلت مكتوب فيها ..

من عرفتك ابتدى عمري وانكتب في الحب ميلادي
ولا قبلك يابعد عمري كان امر الحب لي عادي
جيتني من دون مادري كالقدر من غير ميعادي
وانتشى بالشوق لك صدري كل يوم الشوق يزدادي
ياربيع الورد والزهري ياعطر يافل ياكادي
لك مسلم في الهوى امري لك ملبي قبل ماتنادي

ميثه احبج احبج وغلات الغالي احبج من يوم ماشفتج .... دخيلج اتريني واوعدج اني بكون لج الزوج المناسب .. اللي يريحج ويعطيج عيونه .. ياعيوني .. الغاليه كلام قلبي وايد بس مهما عبرت مابيسدني ولا بيوصل لمستوى حبج بقلبي ...

السموحه منج
خليفه القبيسي


ميثه مسكت الورقه وقعدت اتصيح ومارمت ترقد كل ساعه تفتح الورقه وتقراها .. احبك ياخليفه ومااقدر اقول غير هالكلمه واوعدك مايكون لي زوج غيرك فهالدنيا اوعدك اوعدك ومسكت الرساله وحظنتها ....

لساعه 11 فليل ..
دخل خليفه الصاله وشاف نوف .. نوف كانت تتريا خليفه عسب تبشره .. وتعرف منه الكلام اللي قاله حق ميثه ؟؟
خليفه : مرحبا الساع
نوف : مرحبا ملاييييين تعال تعال اقعد حذالي يله خبرني شو صار ..
خليفه : الله وكبر صبري انزين خليني اقعد ارتاح مره .. لصقت ..
نوف : يله عاد قول ..
خليفه : ماشي شفتها جدامي واتحريتها خيال ماتوقعت انها هي ميثه صدق الا يوم شفتها تربع صوب حجرتج ..
نوف : هههههههههه لالا واقع .. قول عاد شو قتلها ..
خليفه : قتلها احبج لو حتى كنتي خيال جدامي ...
نوف زل لسانها جدام خليفه .... : وانا اقول ليش البنت تصيح ثره ............ ................ وسكتت
خليفه : شوووووووووووووووووووووووو وو ..؟؟ تصيييييح منوه صااااااااحح ليكون ميثه ..
نوف : انا قلت صاااح ياويهك اتمصخر وياك ..
خليفه : جذااابه قولي
نوف : شو ماشي ..
خليفه : والله يانوف ان ماقلتي ياويلج ..
نوف : ماشي دخلت عالبينيه الغرفه وشفتها تصيح وانا ماقلتلها اي شي عنك لانك انته بروحك فضحت عمرك وماكنت اريد افضحك زياده شفتها اتصيح قتلها شو فيج قالت ماشي سكتت عنها ... اغصبها يعني اتقولي ليش كانت اتصيييح ..
خليفه : ليييييييش ماغصبتي عليها اتقول يمكن اتحبببني ؟؟
نوف : مااعرف ماقدر اقولك انها اتحبك .. بس انا قتلها انك اتحبها .. وسكتت ونزلنا تحت ماردت عليه بشي ..
خليفه : مالت علييييييييج برياج انا بروح ارقد... عطيتيها الرساله ..؟؟
نوف : هي عطيتها ...
وراح خليفه غرفته وبدل ثيابه وطاح على السرير ماله ..
خليفه : لا البنت اتحبنني والله انها تحبببببني ....... لو ماتحبني ماكحت هاك اليوم لو ماتحبني مابتقعد تتطالعني من الجامه مالتها دوم .. لو ماتحبني جان ماوقفت جدااامي لو ماتحبني جان ماصااااحت يوم قالتلها ختيه اني احبها ..... اتحبببني اتحببببببني والله انه ااتحببني فدييييييتج ياميثه فدييييييتج والله والله احبج والله ....... لو ماعيبها هالكلام جان ردت على اختيه بشي يوم كلمتها لا لا تحبني والله تحببني اموت فيج ياميثه اموت فيج ..


يوووووووم الخمييس
الساعه 12 الظهر
هل العين وصلوا بوظبي .. سيارة حمدان وسيارة الدريول اللي كان فيها ام حمدان وريسه وهند وولدها .. وساره كانت بيت هلها وريلها بطي قاعد في البيت ... وشمسه بعد راحت عند هلها وريلها كان في الدوام .. وسلطان بعد كان في العين ..

ام حمدان : ياهل البيت ...
شمه : مرحبا السااع .. حيالله من يانا ..
وسلموا على بعض وخلاف دشن الحريم الصاله ودش حمدان الميلس عند المر اللي كان عند ه رياييل ... وراح عبد الله عند هزاع اللي كان توه واعي وكان يشغل سيارته وبيروح يقعد ويا ربعه في ستار بكس ..
عبد الله : هلاااااااا
هزاع : هللا والله بالغالي علووومك
عبد الله : علوم الخير ييعلني افداك .. هاه ويا ابها ؟؟
هزاع : والله اترياك عسب انروح وياك المارينا الربع مقعدين هناك في الكوفي ..
عبد الله : نهيان الهاملي وياهم ولا لا
هزاع : طبعا يعني انته ماتعرفه نهيان اولهم ..
عبد الله : هههههه زين ياريال والله من زمان ماشفته ..
هزاع : عبود تعال ويايه بنروح نسلم على ابووووك .. وتعال سلم على ابويه ..
عبد الله : يله روحنا
وحدروا عبدالله وهزاع الميلس وسلموا على الرياييل وقعدوا عندهم وراحوا خلاف الصاله عسب يسلم هزاع على يدتيه وخالاته وحرمة خاله ..
هزاع : هوووود
شمه : اهدااااااا ابويه ..
وحدر هزاع الصاله وسلم عليهم ...
ام حمدان : مرحبا ولديه هزاع شحالك الغالي وشو الكليه ؟؟
هزاع : بخير وسهاله يعلني افداج ... والله مشي الحال ياله متى بفتك ابا اعرس وصد صوب روضه...
شمه : عنبوه قرصه نيي على العرس ..
ميره : شحالك ابويه
هزاع : بخير وسهاله خالتيه علومكم انتوا ...
ميره : الحمد لله
هزاع : السمووووووحه منكم بنروح نحن ..
شمه : يله اتحملوا على عماركم ولا تتااخر تعال اقعد ويابوك في الميلس ..
هزاع : ان شاء الله
ام حمدان : ربي يحفظك ...
شمه : امايه روضه روحي وعيها هاي ميثه خمرت من كثر الرقاد ..
روضه : الله وكبر لين الحينه ههههههه
وراحت روضه غرفت ميثه وفتحت الباب جافتها طايحه وحاظنه المخده .....
روضه : الله يخسج ياميثوه اكيد تتحسبين المخده خليفه هههههه
قامت روضه وسحبت المخده عن ميثه بقو ..
روضه : هااتي هااتي حبيبي هاذا ...
ميثه : وهي مغمضه عيونها وتتحرا عمرها تحلم لا لا يحبببببني انا وهو بر وحه قالي يبحببببني .. وفجت عيونها وشافت روضه جدامها هههههههههههه الله يخسج انتي شو تسوين هنيه ..
روضه : ههههههههه وايه بالستر الحينه خليفه استوا مخده ... اقول اقول قومي راوييييني وين بيتهم ..
ميثه : بروح اتغسل وبكلمج وبقولج شو صار .. صار شي خطيير ..
روضه : يله يله بسرعه ..
وفصخت عباتها وعلقتها ولبست شيله بيضا ..وظهرت ميثه من الحمام وقالت حق روضه كل السالفه ...
روضه : هاااااااااااه اونه جذاااااابه .. كييييييف هاذا كله صار ... احلفي احلفي .. انتي دوم تصدمييني اتخيلي يقولج احبج لو كنتي خيال اوييييييييه حليله ميثوه شو مسويه بالريال الله يخسج رميثيه ماتنلامييين ..
ميثه : هههههههههه خسج الله يالعنز .. انا بروحي هب مصدقه اللي صار اقولج البارحه مارقدت ..
روضه : وانتي ليش صحتي جدام اخته خبله ولا شوووووو ؟؟
ميثه : روضه اتخيلي استوابج جيه شو بتسوييين ؟؟
روضه : هههههههه سكته قلبيه ..
وشلت ميثه المخده وقعدت تضرب روضه فيها .. وسحبتها من ايدها ...
ميثه : هاه اجوفيين هاذا بيتهم ..
روضه : ماشاء الله بيتهم عود
ميثه : هي لانه ماشاء الله هم وايد عواييل في البيت ..
روضه : زيين زين والله ..
وراحت روضه تتطالع عمرها في المنظره .} المرايا {

يامخرج شمس الاشراقي يابديع الحسن واللوني

قول وش خليت للباقي فيك كل الزين مخروني

ميثه : جووفي تعالي اكووووووه خلوف راكب سيارته ..
يت روضه تربع وطاحات عند الستاره ورفتعها روضه وهي ميته من الضحك عليها
ميثه : هههههههههههه الله يخسج بيروح قومي
روضه : هاه هاه وينه اشوف .. اوووووووووووووووووب قولي والله هاذا هووووووو ياويلي قمر غير عن هاك اليوم يوم شفته يمكن هاك اليوم لاني كنت متغشيه اف اف ياويييييلي طالعي العرضه ... اااااه
ميثه : خسج الله انتي كل يوم تتمدحين في ريال هاك اليوم عمي حميد واليوم خليفه يله يله جب عاده ماسمحلج مالي هاذا ...
روضه : هههههههههه بيذبحني هزاع انا
ميثه : تستاهليييين هههههههه ..
وراحت ميثه ويا روضه تحت وسلموا عليهم ووصلوا هزاع ويا عبد الله وحدروا عند الراييل وتغدوا ...
وعقب الغدا ..
طلب حمدان شمه عسب اتروحلهم الميلس على اساس انه كان يبا يفتح موضوع خطوبة عبد الله وميثه .. وراحتله شمه الميلس ..
حمدان : والله يالمر انا بغيت اخطب بنتك ميثه حق ولديه عبد الله .. والراي الكم والشور شوركم .. وشور البنت طبعا ..
المر : والله والنعم الساع يابو عبدالله وهاي الساعه المباركه ... ولدك هب غريب وولدك ولدنا ..
شمه : والله ومابنلقا اخير عن ولدك نسيب ياخويه ..
حمدان : هاذا العشم فيكم .. تسلمون الله يخليكم ان شاء الله ..

المغرب الساعه 8..
كانوا قاعدين الحريم في الصاله .. واتفقن انهن يتمشن في الفريج وراحن ميثه وروضه يغيرن ثيابهن ويلبسن شيلهن البيض ..واول ماحدروا الغرفه ربعت ميثه صوب الجامه .
روضه : الله يخسج بندي الليت يبين ..
ميثه :.. اقول رويض راويتج رسالة خليفه ..
روضه : لا اونه مال اول رسايل ههههههههه
ميثه : جب اوكي
روضه : هاتيها بشوفها .. اوب اوب الريال مافي حيله امره موول .. يله الله يوفقكم يارب ويعيكم على قد نيتكم ..
ميثه : امييين ... بندي بندي الليييت . ..
بندت روضه الليت وخلاف فتحت الجامه وقعدت تتطالع وماشافت حد كل هله كانوا داخل البيت ومحد غير خليفه كان يتمشى ورفع عيونه صوب الجامه وشافها واقفه ... يوم شافته وتوها بتسكر الجامه اشر عليها يقولها لا لا يعني انها ماتسكر الجامه واتخليها مفتوحه وميثه سوت اللي قالها عليه خليفه وخلت الجامه مفتوحه ..
روضه : ايه يالعنز يلعن شكلج سكري الدريشه ..
ميثه : لا قالي لا تسكرينها ..
روضه : ايييييه شو صايعه انتي سكريها ...
ميثه : صبري ..
راح خليفه وركب السياره وشغل اغنية ميحد حمد ... وطول على المسجل .. واشرلها على اساس انه هالاغنيه اهداااااااء ..

تكلم لا تناظرني تكلم كلام العين مايطفي لهيبي
انا اتحراك طول الوقت واحلم وش احلى من صدى كلمة حبيبي
زماني يوم لاقيتك تبسم وانا صدقت نفسي وهاذا عيبي
انا قلبي كثر حبك تالم متى تلمس جروحي ياطبيبي
احبك للوفا والله يعلم وعمري من دفا قربك يطيبي
تعيش اسنين ياعمري وتسلم تمنيتك من العالم نصيبي
انا احساسي صدق ولا توهم اذا شفتك تفز وتحتفيبي
انا فاهم وطبع الحر يفهم ولكن ودي اسمع ياحبيبي


واول ماخلصت الاغنيه سحبتها روضه ..
روضه : بسج يالخايسه يلعن شكلج نفذتي الجريمه اللي بتسوينها انقلعي داخل فضحتيناااااا
ميثه : ههههههههههههههه احبه احبه احبه ... ماحس اني غلطت وماحس اني سويت شي في فضيحه ... اللي يحب مايحس بلي يسويه .. يعني بالله عليج هو يدري انه هالشي عيب ومايصير بس هو مايقدر يمسك عمره خلاص ياروضه نحن صبرنا وايد 8 شهور حرام والله حرام بس بس ..
روضه : بس جب لا تصيحييييييين قومي خلينا ننزل تحت عسب نتمشى ..
ميثه : انزييييين .....
ونزلن تحت روضه وميثه .. وهند وريسه بيروحن وياها لانه ميره كان راسها يعورها وهم اصلا كانوا بيردون العين بس لانه ميره راسها يعورها ماقدروا يتعبونها زياده .. فماردوا العين واجلوا الروحه لباجر ..

روضه : انا بروح اشرب ماي وبيكم .. عشان مااتعب ..
راحت روضه المطبخ وشافت هزاع توه ظاهر من الميلس ..
هزاع : انته يا حلو
صدت عليه روضه وابتسمتله ابتسامه ذباحه وشردت عنه المطبخ .......
هزاع : اااه ياقلبيه يلعن شكلها ... قرقعت قلبي تقرقيع وربع ورراها ...
روضه : جافته يربع وراها وهي ميته عليه من الضحك ... هيييي هييي حوووه ااشعندك ..
هزاع : ماشي احبج .. ومره ثانيه لا تضحكيلي جيه تفهميييييين ..
روضه : ردت عادت الابتسامه ... كييييفي .. حلجي هب حلجك ..
هزاع : والله اوكي انا براويج.. خلاص انا زعلان بروح ..
روضه : ههههه ربي يحفظك
وظهر هزاع من المطبخ ووقف برع عند الباب مال المطبخ وهي توها ظاهره خوفها ..
هزاع : باااااااااو
صرخت روضه .. وضربته على جتفه ..
روضه : فلختنيه
هزاع : ليش تضربييييني .؟... تعالي تعالي انتي قدها ..
ربعت عنه روضه ودشت داخل ... عض على شفايفه
هزاع : اااه والله احبهاااااااا يلعن شكلها ......

وظهرن من البيت يتمشن وشافن يابر .. راكب سيارته .


انتهى الجزء ............

ظنكم شو بيصير بين ميثه وعبدالله بيتزوجون ؟؟
ظنكم شو بيكون حال خليفه اذا عرف انه في واحد خاطب ميثه وبيعرف ولا لا ؟؟
ظنكم ميثه يوم بتعرف انه عبد الله خطبها من عقب ماعرفت بحب خليفه الها ..؟؟ شو بتسوي ...... </p></font>

<font color='#8D38C9'><p align=center><font color=#ff0000>الجزء الرابع عشر</font>

يابر كان توه مشغل السياره وظاهر من البيت ولف اللفه اللي عند البيت وشاف اربع بنات يتمشن جدامه ويوم شافن سياره يايه من وراهن اتغشن ..
يابر : الحينه لو هندي جان ماتغشيتن .. وفجاه ريسه كان رافعه راسها ومتغشيه ماتشوف شي تحتها اتخرطفت بحصاه تحتها وبغت اطيح من على الرصيف .. بس ماطاحت اتمسكت في هند ختها ..
يابر : هههههههههههه ... والله مشاكل تستاهلن اشعنه تتغشن عنيه ..
ريسه: هييييييييي
هند : شعنددددددج ؟؟؟؟؟؟؟؟؟
ميثه : ههههههههههههههههههههههههه هه........
روضه : هههههههه شوفي تحتج الحينه لو طحتي جدام هاذا راعي الاكس فايف .. والله اسمينا بننفضح ..
ريسه : يخسي الا هو اصلا كله منه هو لو ماخطف جان ماتغشينا ياويهه ..
روضه : ليش شفتي ويهه انا ماشفت شي السياره مخفي شامل كيف شفتيه ..
ريسه : لو هب خسف جان ماحط مخفي شامل .... ههههههههه
ميثه : الله يخسكن وين خسف هاذا احلا ولد في بين الجسرين واكبر خقاق فيها هاذا يابر ولد خالتيه عزه ..
هند : ويه خسكن الله شو تبنه الريال .. يقوم خلاف يستوي عليه شي يله صكن الدعنه ...
ريسه : ههههههههه
وتمن يتمشن ويسولفن لين ماردن البيت ..

الساعه 12فليل ...
في الصاله في بيت قوم المر
كانن ريسه وميثه وروضه قاعدات عالارض عند التلفزيون ... وهند وشمه وميره قاعدات عالكراسي اللي شويه بعيد عنهن ... وهزاع وعبد الله محد في البيت وام حمدان واليهال نايمين ... والمر وحمدان راحوا ميلس ريال ..
ميثه : ايييييييه رويض خليه بشار يغني ..
روضه : روحي انقلعي انتي وهو قطعوا بصل ..
وقامت ميثه وشلت الجهاز مال التلفزيون من ايد روضه : اوكيه وييت بنقطع البصل بس خليني اشوفه قبل ..
ريسه : انزين جوفي بشار الحينه باجر عبود مابيخليج ...
ميثه : لا والله وشو يخصه عبود في الرمسه ..؟؟
ريسه : لا والله انتي مادريتي انه عبود اليوم خطبج ... وهلج وافقوا ..
انصدمن ميثه وروضه بس طبعا اكثر شي ميثه وتمت ساكته وصار ويها احمر حست بالموت وقعدت تتطالع خالتها منصدمه وتمت ادمع عيونها وخلاف قامت من مكانها وربعت وراحت غرفتها وصكت الباب وطاحت على الشبريه وقعدت اتصيييح ... اتصيييح ..

الواقع اقسى م القسى جارح وغمده الامتناع
السيف ظامي والزمن يفرض على نفسه الخضوع
لاصوت صوت ولاصدى لا فاد الاستماع
الصمت اقرب للرضى والصبر عادات القنوع

ليييييش ليييييش يارب ارحمنيه كانت احطت ايدها على ويهها واتصييييح واتصيييييح ياااارب يااااارب ارحمنيه ارحمنيه ليتك ياخليفه معايه ياليتك ياليتك ... وتمت اتصيييح في الغرفه ... معقوله الزمن بيكون قاسي بين ميثه وخليفه اللي كان حبهم طاهر حبهم اللي ماصار في شي يغضب الله حب عفيف مالمس سمعة اي حد فيهم .. وكل واحد منهم في قلبه ذكرى الثاني في قلبه .. يالله يازمن لا تفرقهم لا تفرقهم ... بس هاذا حال الزمن الحال يفرق بين الاحباب ويبعدههم عن بعض ... ويكتب لهم خط مصير وهم روحهم مايتوقعونه ولا يعرفونه ...

في الصاله :
شمه : شو فيها ميثه .؟؟
ريسه : مااعرف بنتج شي فيها ؟؟.. شمه مااعرف عيونها تمت ادمع وكانت تبا اتقول شي بس صخت ورلابعت فوق بروح اشوفها ..
روضه : لا انا بروح اشوفها هي مابتقول حق حد الا حقيه ...
ميره : هيييه امايه روحي شوفي بنت عمتج شو فيها ....؟؟
روضه : ان شاء الله ..
وتوها روضه بتظهر من باب الصاله وبتلف لفت الدري انفتح باب المدخل مال البيت .هزاع وعبد الله كانوا ياين البيت .. عبد الله شاف اخته روضه بلا شييله تربع وكان هزاع جدامه ..
عبد الله : رد على ورا لو سمحت هاي ختيه بلا شيله ..
هزاع : اف منننننننك اف ملوع بجبديه
عبد الله : يوم بتعرس بيوز عنك ..

وحدروا الصاله .. وروضه واقفه عند باب غرفة مبثه وادق عليها الباب ..
روضه : ميثااني حبيبي فتحي الباب انا رويض ..
ميثه وصوتها رايح ومتقطع من الصياح : روضه روحي ماريد اشوف حد خلوني بروحي خلوني بروحي ... وتمت اتصيح ..
روضه : والله ياميثوه ان مافتحتي االباب والله اتشوفيييييين .. فتتحي اقولج لا تخليني اصارخ ..
وقامت ميثه وفتحت الباب وشافت روضه واقفه جدامها ..وحظنتها وقعدت اتصيح ..
روضه : بس ميثاني بس تعالي تعالي خلينا ندخل في الغرفه ..
وقامت مسكت ايدها وقعدت وياها على الشبريه ..
ميثه : اشعنه ماخبرتيني اشعننننننه خشيتي عنيه اشعنه ماقلتي انه هو خطبني اشعننننه اشعنننه قولي قووولي ..
روضه : ميثاني والله اني مااعرف ووالله اني انصدمت حالي من حالج .. والله لو كنت ادري تتوقعين اني بخش عنج ومابخبرج ..
ميثه : شو الفايده الحينه خليفه يحبني وانا احبه وعبد الله يباني اشعنه هالشي صار بعد ما خليفه قالي احبج وهو يدري اني بعد احبه خبرييينيه شو حالي شسوي خلاص ضاع كل شي من ايدي انا هب لخليفه زمنا فرقنا فرقنا تعرفين شو يعنا فرقنا ااااااااااه لا لا لا لا تعرفين شو يعني فرقا خليفه يعني الموووت الموووووت انا احبه تتدرين شو احبه اموت فيه ... ليش في هالدنيا كل من يحب يكون مصيره الحزن والالم وليش مكتوب عليه العذاب ليش .؟؟ ليش اتكرر لي عذاب منصور ليش اتكرر فيني ..؟؟ الحينه كيف برده شو بقول حق هليه عبدالله مافيه شي ينعاب بيقولون ليش ماتباه هليه قالوا حق امج وابوج رمسه وانا اروح واكسر رمستهم وافضحهم قوليلي شسوي شسوي وحطت راسها على ريل روضه قعدت اتصيح ..
روضه ودموعها في عيونها وكان قلبها يتقطع على حال ميثه مع انه عبد الله اخوها ووتمناله انه ياخذ اللي هو يباها لكنها ماكنت تقدر تجبر قلبينن على بعض وتفرق بين قلبين .: ميثه عيوووني خلاص والله و خلاص بس فديتج قطعتي قلبيه بس خلاص والله ياميثه بحاول اني افهم عبد الله انج تعتبرينه نفس اخوج وبقنعه وان شاء الله بيقتنع وبيكون الرفض هب من صوبكم من صوبنا بس خلاص خلاص ياميثه ...
ميثه : حرام مايهون عليه عبد الله مايهون عليه شو ذنبه انه حبنيه هاذا هو ذنبه ..
روضه : ذنب عبد الله انه حب وحده بدون لا يعرف انها هي تحبه ولالا او شو تعتبره ؟؟

ورقدن ميثه وروضه وعالصبح الساعه 10 قاموا هل العين من النوم وراحوا العين ..

الظهر بعد الغدا ...
بيت المر ...
شمه : ميثه تعالي ..
ميثه : خير امايه
شمه : شو فيج البارحه اشعنه قمتي عنه جذه شو اللي صار ؟؟
ميثه : ماشي يامايه بس جذه كنت مضايقه من شي ورحت .. ارقد فيها شي
شمه : هييه بس خالتج ريسه قالتليه كلام ثاني ..
ميثه : لا يامايه لا كلام ثاني ولا ثالث اشعنه خير شو قالتلج ...
شمه : قالتلي انج رحتي عنها وعيونج بكبرها دموع ..
ميثه : امايه عاده مافيني شي اي دموع اي خرابيط ..
شمه : لا فيج شي ومن الصبح قاعده مضايجه وساكته ماحيدج .. لا تمين تفكرين في ي شي خلاص شدي حيلج امتحانتج مابقالها شي ولا تنسين يالشيخه ميثه انج اخر سنه ..
ميثه : اوهوووووووو ماشي قتلج ماشي خلاااااص .. وراحت عنها الغرفه ..
شمه : الله يهديج ياربيه ...
وان توه هزاع نازل من الدري وبيروح الكليه ..
هزاع : هلا وغلا شبلاها الغرشوبه اروحها قاعده اهنيه ..
شمه : ماشي قاعده
هزاع : واشعنه جيه اتقولينها ماشي قاعده قوليلي ليش مضايجه خبريني منوه اللي مضايقنج عسب اثور فيه ..
شمه : محد يله روح انته عن لا تتاخر ..
هزاع : لا هب متاخر .. انزين وليش قاعده اروحج وين ميثوه عنج .؟؟
شمه : راحت تتدرس ..
هزاع : هيييييه زين الله يوفقها ...
شمه : امييييييين
هزاع : تعالي امايه خبرني عبوود .. انه خطب ميثاااني ..
شمه : هي خطبها وانا وابوك موافقين مابنحصل اخير عن عبد الله فديته ..
هزاع : وميثه شو رايها ..
شمه : شو رايها بعد اكيد مواقفه بتلقى واحد اخير عن ولد خالها ..
هزاع : هييه زين وانا وروضه متى ..
شمه : اتخرج ويستوي خير ان شاء الله ..
هزاع : انزين مابقاليه شي وبخلص واول ماخلص تخطبينها بس سنه ..
شمه : ان شاء الله من عيوني ..
هزاع : خلاص عيل امايه يله من رخصتج تامريني بحايه ..
شمه : لا بويه سلامتك واتحمل على عمرك وازقرليه رشود من خاري مايهلك من الهياته . حتى في عز القايله عنبوه مستوي اسود ..
هزاع : ههههه ان شاء الله .. يله مع السلامه سلمي على ابويه ..
شمه : ان شاء الله ثره ابوك يقر رميثي اربعه وعشرين ساعه مجابل البحر ..
هزاع : يامايه حمدي ربج يجابل البحر ولا يجابل شي ثاني .,.
شمه : مسود واليهه اشعنه هو يقدر ؟؟ بطلعله عيونه
هزاع : والنعم الساع بالشامسيات ... ثركم الا تربطون الريال رباط .
شمه : هههه عيل شوه طوف انته لا تم تتفلسف وايد روح
هزاع : خلاص ماعليه وظهر برع ......

العصر ...
بيت غيث الشامسي ..
ريسه كان مشغول بالها على ميثه ونظرة عيونها ودموعها البارحه .. وقامت شلت التلفون اتصلت حق روضه تعرف شو فيها ..
ريسه : هلا رويض علوومج ..
روضه : هلا بخير يعلج الخير
ريسه : رويض بتخبرج شو فيها ميثه البارحه ....
روضه : انتي خالتها.. هي سالفة خطبة عبد الله لميثه... من هي وصغيره تحسب عبد الله نفس هزاع اخوها وعمرها مافكرت غير هالشي فيه ..
ريسه : اها جذيه السالفه اتصدقين انا شكيت ..
روضه : انا قلت حق ميثه خلي السالفه عليه بس هب عارفه شسوي ؟؟ ساعديييني دخيلج ...
ريسه : انزين ماعليه خليني افكر وخلاف بخبرج والله انا ماتهون عليه ميثه تاخذ واحد ماتباه لو كان ولد اخويه اتخيلي انتي يغصبونج على ولد خالج وانتي ماتبينه ..
روضه : ووووع منوه سعووووووود لا لا ماتخيل لو اموت ..
ريسه : شفتي فمابالج في وحده تتعتبره ااخوها والله اني من شفتها كسرت قلبيه ..
روضه : فديتها والله ميثانه ..
وان سلطان توه حادر الصاله وقاعد يزاعج ..
ريسه : ميثوه برايج هاذا القذا يا الحينه وبيقذينا..
روضه : ههههههههه حليله والله تولهت عليه ماشفته من زمان ..
ريسه : امحق عاده منوه بتشوفين الا سلطان الشامسي .,..
سلطان : حي والله بتخبرج موه ترمسين وشو فيه الشيخ سلطان الشامسي هب عايبنج ولا شوه ..
ريسه : لا عايبني بس اجلب ويهك ..
روضه : ههههههههه خلاص برايج ..
ريسه : اوكي يعلني افداج مع السلامه ...
سلطان : ريوس وين امايه ..
ريسه : في مخبايه تعال دورها ..
مسك سلطان مخبا ريسه يدور فيه امه .. وان امه واقفه على راسه ..
ام حمدان : حي والله شو دور في مخباها ..
سلطان : اووووه تصدقين كنت قاعد ادورج بس ماتوقعتج تتطلعين بالهسرعه ..
ام حمدان : الحمد لله والشكر عافان الله
سلطان : هههههههه منج ومن بنتج عافان الله ..
ام حمدان : انته اشعنه ماتروم اتصكها الدعنه تعال اليوم اخوك وحرمته بيوصلون المغرب روح هاتهم من المطار
سلطان : لا والله الشيخه غايه ليكون انا الدرويل الخاص مال ولدج وحرمته ..
ام حمدان : لا اخوووك وانته مودنه وانته اللي تيبه ,...
ريسه : هههههههههه شو تبا رد اقوى عن هالرد ..
ام حمدان : سكتي انتي ..
سلطان : هههههههه سوولها تتادبين انتي ياسحيله ام الخلاجين هي هاي العيوووووز ..
ام حمدان : عييز حيلك ياربيه
سلطان : هههههههه انا روحي مافيه حيل ..



في الطياره ..
المغرب يوم الجمعه ..
العنود كانت راقده على جتف منصور في الطياره وهو واعي يطالع التلفزيون .. واعلن الطيار انهم وصلوا مطار بوظبي ..

منصور : عنوووووودي قومي حياتي وصلنا ..
ماقامت ورد مره ثانيه ايهزها : عنووودي
فزت عنود من مكانها واستغربت مكانها شويه ..
العنود : هاااااا
سكت منصور يراقب العنود وقامت وفركت عينها بدلع وهي تتطالعه ..
العنود : وصلنا ؟؟
منصور : هي غناتي وصلنا ..
العنود : انزين اريد اروح الحمام اغسل ويهي ..
منصور : انزين يله روحي
العنود : لا تعال معايه اخاف
منصور : فديت اللي يخاف انا فديته يله روحنا .. ومد ايده الها عشان اتحط ايدها في ايده وراحوا ......
ونزلوا من الطياره ..
وراحوا عند مال الشنط وشافوا سلطان هناك يترياهم ربعه كانوا يشتغلون هناك وخلوه يدخل لين داخل صوب اللي توهم بيظهرون ويشلون شنطهم ..
صد منصور وشاف سلطان جدامه ..
منصور : سلطون حيبه
سلطان : الله يحيك خشمك .
منصور : علووومك
سلطان : والله الحمد لله .. شحالج العروس ..
العنود : هلا سلطان بخير يعلك الخير ..
وشلوا شنطهم من المطار وركبوا سيارة سلطان .. ورواحوا العين .. في الطريق كان سلطان مشغل اغنيه اسكن عيوني .. مالت راشد الماجد ..
العنود : الااااه اجنن ...
منصور : عنووووود
العنود : لبيه
منصور : لبيتي حايه غناتي اهداااااء من كل قلبيه . . الاغنيه ...
العنود : تسلم الغالي
سلطان : اقوووووووول قيس وعبله لو سمحتوا يعني اولا هاذي هب غرفتكم وثانيا وياكم ريال هب معرس ..
العنود : هههههههه وايه نسينا
منصور : مشاااااااكل والله هههههههههه
سلطان : هي بس احترموا نفسكم الا انتوا علوووومكم شو سويتوا ربكم استانستوا
وكملوا سوالفهم لين ماوصلوا البيت . .......


في بيت فاضل ..
الساعه 10
عزه : نوووووووووف وينه اخوووووج
نوف : مادريبه امايه والله وينه ؟؟؟
عزه : انزين ماعليه دقيله عالتلفون جانه الا خاري البيت خليه ايي الحينه بسرعه ..
نوف : اشعنه يا امايه شو مستوي ؟..؟
عزه : خليه ايي يشوف نفسه كيف مفظحنيه جدام العرب ......
نوف هالوقت وقف قلبها اتحرت ان امها درت عن خليفه وميثه : اشعننننننننه امايه شو صاير شو مسوي ثره . ؟؟
عزه : انته اتصليبه لا تقعديين تتخبرين وايد ..
نوف : انزين ان شاء الله
وصدت نوف صوب نوره بنت اخوها : شو فيها اليوم ..
نوره : مااعرف
عزه : يللللللللللللللله دقي
نوف : انزين انزين ان شاء الله ..
وشلت نوف التلفون ودقت حق خليفه اللي كان في المقهى ويا ربعه
نوف : خليفه وين انته
خليفه : انا هنيه في المقهى اشعنه ؟
نوف : تعال امايه تباك شو مسوي انته ؟؟
خليفه : شو مسوي هب مسوي شي
نوف : اتقول مفظحني
خليفه : ليكون شافتني هاك اليوم يوم كنت منزل الجامه وكنت اسمع ميثه اغنية تكلم ؟؟
نوف : هاااه شووو متى اكيد اكيد شافتنك شو انته ماتفتكر
عزه : يله شو بلاج تتصاصرين معاه .
نوف : ماتصاصر معاه يله تعال خليفه هاااااااه
خليفه : يله يااي الحينه
وظهر خليفه من عند ربعه وكان خايف شو بيصير ....... هل هي هيج السالفه ولا شي ثاني ...... وصل خليفه الببت وحدر الصاله
عزه : مابغيت اتشرف ....
خليفه : خير الغاليه شو مستوي .....؟؟؟؟
عزه : الحقنيه حجرتيه ...
خليفه : ان شاء الله
وراح خليفه ورا امه وكان صاد عالعنود اللي كانت منصدمه وتفكر شو اللي مستوي ...
عزه : انا باجر بروح اخطب سلامه بنت خالتك ...... بس خلاص العرب كلهوا ويهي يقولون من 6 سنين محيرتنها حق ولدها .. ولايت تخطبها وولدها راد من 8 شهور ؟؟ عنبوه
خليفه : شووووووو اي سلامه اي خرابيط ماباها انا مالتج هاي سلامه .
عزه : نعم شو قلت وليش ماتباها ؟؟؟ الشور هب شورك ويوم بيكون الشور شورك والراي رايك خلاف ارمس ... عيل على منوه ناوي تظوي .. هااااااه .. على وحده من هالخايسات
خليفه : اذا انا كنت خايس تراني باخذ خايسه .. انزين وانا قتلج ماباها انا ابا وحده ثانيه .
عزه : مابتاخذ غير سلامه انا متى مصبره لبنت ومحيرتنها حقك واخر شي اتقول ماباها . لا الغالي غصبن عنك تباها وبتاخذها انته هب اخير عن اخوانك ..
خليفه : انا هب خروف جدامج وين ماتبين اتمشيني بتشمشيييييني انا ريال تعرفييين شو يعني ريااااال ؟؟؟؟ ..
عزه : الريال يعرف مصلحة عمره ولا انته ياهل ماتعرف وين الله حاطنك .
خليفه : انا هب ياهل انا ريال وهب ماخذنها خلي اي حد ياخذها عقيها في حلج اي حد فاج حلجه ماباها .. انا ابا وحده ثانيه ..
عزه : منوه هاي الخايسه اللي تباها .....
خليفه : لا تقولين عنها خايسه اذا هي خايسه ترا بناتج خايسات انزييييييين ....
عزه : مسود الويهه انته ماتستحي ترمس عن خواتك جذييييه
خليفه : انا قتلج ماباها وبتشوفييييين وظهر عنها من الغرفه وهو ظاهر شاف حريم اخوانه في الصاله طاف عنهن وهو يتحرطم : اونه اخذها لو اتموووت ماختها شو انا خروف ...يوم بكون خروف هيج الساعه بمشي عكيفج الا هب بس بمشي بركض وراج ..
وظهر من البيت ورقع الباب وراه ...
عفراء : شو بلاه ؟؟
نوف : الله يعلمبه

في بيت حمدان الشامسي
الساعه 12 فليل
روضه كانت قاعده في الصاله تتريا عبد الله يرد البيت عسب اتكلمه في الموضوع .. وتوه عبد الله كان حادر البيت ..
عبد الله : السلام عليكم
روضه : وعليكم السلام والرحمه
عبد الله : شو مقعدنج لين الحينه
روضه : ماشي اترياك
عبد الله : انتي تتريييني ماشاء الله ومن متى خير شو مستوي ؟؟
روضه : عبود انته اخويه وانا مارضى عليك باي شي وانا بكلمك بكل صراحه بس لا تزعل الدنيا قسمه ونصيب ..
عبد الله : قولي خير شو مستوي ..
روضه : انته خطبت ميثه .. وميثه طول عمرها عادتنك مثل اخوها هزاع عمرها مافكرت فيك كزوج وكيف تبا تصير زوجها وهي ماتخيلتك يوم زوج الها وتعتبرك اخو وبس وعزيز وغالي ... لازم اتلف حولك صدقني انا اقولك هالكلام وقلبي يتقطع عليك انته اخويه وماتهون عليه بس هاي الحقيقه اتخيل انا كنت اعتبر هزاع مثل اخويه وماباه بترضى اني انا اخذه ..... ؟؟


انتهى الجزززززء ..

ظنكم ميثه بتاخذ عبد الله ؟؟
ظنكم خليفه بيطيع شور امه وبيوافق على سلامه بنتت خالته ؟؟
ظنكم عبد الله بيرخص ميثه ولا بيتم متعلق فيها ومابيطيع يودرها ؟؟
وظنكم هالشي بياثر على روضه وهزاع ؟؟</p></font>

<font color='#000000'>تسلمييييييييين غناتي على التكمله
وبانتظار الباااااااااااااااااااااا ااااااااقي &nbsp;<img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'> &nbsp;<img src="http://oasis.bindubai.com/emoticons/022.gif" border="0" valign="absmiddle" alt=':f22'></font>

<font color='#728FCE'>مرحبا ....

القصه حلوة وااااااااااايد.....زجنان....

بس نتريا التكمله الغلا ...تسلم ايدج ومشكوووووووووووووووووووور ة

اختج .....

هتان المنتدى</font>

<font color='#728FCE'>جنان****
</font>

<font color='#8D38C9'><p align=center><font color=#993300>الغــرشوووووووبه </font>

الله يسلمج ياربي من كل شر
وانشاءالله بنزل الباقي قريب

ومشكوره على تواصلج

تحياتي


<font color=#ff0099>هتان المنتدى</font>


مرحبتين بالغالية
القصه محلوه بوجودكم
وانشاءالله بحط التكمله قريب بأذن الله


تحياتي&nbsp;
&nbsp;
مشكورين للتواصل&nbsp;

<img src="http://www.bubblegumclub.com/characters/anims/anims7/bty.gif">
&nbsp;
</p></font>

<font color='#000000'>يلا مليت وانا اتريا التكمله
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; والله تعبت من كثر ما اتريا
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;بصيييييييييييييييييييي يح... <img src="http://oasis.bindubai.com/emoticons/mad.gif" border="0" valign="absmiddle" alt=':angry:'> &nbsp;<img src="http://oasis.bindubai.com/emoticons/001.gif" border="0" valign="absmiddle" alt=':f1'></font>

<font color='#8D38C9'><p align=center>سمحيلي على التأخير بس والله هب بأيدي

وانشاءالله الحين بحط التكمله <img src="http://oasis.bindubai.com/emoticons/smile.gif" border=0>



تحياتي </p></font>

<font color='#8D38C9'><p align=center><font color=#ff0000>الجزء الخامس عشر</font>



انصدم عبد الله من كلام روضه وتم ساكت يفكر وشكله اتغير .. بس رد وقالها ..

عبد الله : روضه اللي مايباني مره مابا الف .. وبعدين انا غلطت اني حبيتها من دون مااعرف اذا هي تباني ولالا .. الغلط كله من تحت راسي بس شسوي ياروضه يمكن هالشي خيره اليه اني اتعلم درس اني مااتعلق في حد الا اللي اعرف ان هو يباني صدق ويحبني .. وانا مابا اعيش ويا انسانه في تعاسه .. ولو انا ابا اخاذها غصبن عنها ترا اقدر اخاذها بس ماريد اهدم حياتها وحياتي .. المهم المطلوب الحينه ..
روضه والعبره خانقتنها على اخوها : عبد الله انا اسفه بس انته اخويه وانا اتمنالك السعاده ..
عبد الله : والله اني اعرف ياروضه لو ماتهمج سعادتيه انا وميثه جان مادخلتي في الموضوع وزين منج انج خبرتينيه ..
روضه : انتوا اخواني يا عبوووود
عبد الله : انزين وماخبرتيني المطلوب ..
روضه : المطلوب انه الرفض ايي من صوبنا هب من صوبهم يعني اتقولهم انا فكرت في الموضوع وماوافقت ..
عبد الله والحزن كله باين في عيونه .. : برايج خلاص مااعرف جوفي شو تبيني اقول وانا بقول .. يله مع السلامه ..
روضه في خاطرها : والله يا عبد الله ماتهون عليه بس شقول .. لا حول ولا قوة الا بالله .. الله يصبر قلبك .

ورواح عبد الله غرفته وسكر الباب ..

لو دريت انه من الاحساس خالي كان مافكرت لحظه في انتظاره
ليتني ماقلتله يابعد حالي ليت دربي مال عن مجرا مساره
بالوهم صورلي الحب المثالي عشت في حبه وثرني في وسط ناره
ماتوقعته يخيبلي امالي بس خابتبه امالي ياخساره
في عيوني كان مترفع وغالي ماسكن مخلوق في قلبي جواره
جييت له عالي وانا مازلت عالي ببتعد والحر تكفيه الاشاره
في يميني واصبح في شمالي انتهينا عنه واسدينا الستاره


عبد الله وهو كان قاعد في غرفته ويقول في خاطره : لا ياعبدالله لا تذل عمرك ولا تعق عمرك وانا لو اباها اقدر اخذها بالغصب ... بس انا عالي ومابنزل نفسي للي مايباني واللي يعفيني اعيفه ولو كنتي بنت عمتيه .. بس مصيرج في يوم تندمين والله بتندميييييييين انج ماخذتيييني وضيعتيني من ايدج ..


الساعه وحده وونص ..
خليفه كان توه حادر البيت .. والليتات مسكره واول مافتح باب الصاله شاف امه جدامه .. قعد خليفه يطالع امه
خليفه : السلام عليكم وتوه بيكمل طريقه صوب غرفته
عزه : اوقف
خليفه : لا حول ولا قوة الا بالله العلي العظيم . هاه وقفنا ..
عزه : احترم نفسك واتكلم معايه عدل هاذا اللي علموك اياه ياولد استراليا في الجامعات والمدارس .
خليفه : انا هب ياهل
عزه : لا ياهل لانك ماتعرف مصلحة عمرك ..
خليفه : لا والله ومصلحتيه اني اخذ وحده انا ماباها .. انتي تبينها صح . . هاي هي مصلحتيه
عزه : هييييي نعم
خليفه : بتخبرج امايه منوه اللي بياخذها انا ولا انتي ؟؟
عزه : لا تقوليله امايه . لو انا امك صدق جان سمعت شوري لاني اعرف مصلحتك عدل شو اللي غيرك منوه هاي بنت ابليس اللي غيرتك ويوم كنت في استراليا وشاورتك في سلامه قلتليه هي اباها ..
خليفه : لو سمحتتي امايه لا اتقولين عنها بنت ابليس .. خلاص كيفي انا ماباها انتي شو تشوفيني جدامج بنيه تغصبينها انا ريال صدي عليه شوفيني عدل انا ريال ولا بنت ...
عزه: انته هب اخير عن اخوانك ..
خليفه : اذا اخواني استوا جدامج بنات وسمعوا شورج فانا ريال ومابسمع الا شور نفسي .. امايه بس خلاص حرام عليج ليش ماتتمنين النا التعاسه ليش .. ليش ماتتمنين انكون براحه وسلام ..
عزه : لا اتقوليله امايه لا انا امك ولا انته ولديه اذا ماخذت سلامه .
خليفه : لو تنطبق السما على الارض لو يصير مايصير انا هب ماخذنها هاي سلامه .. وباخذ اللي انا اباها .. وظهر عن امه وراح غرفته
عزه : الله يلعنها بنت ابليس الله يعلم شو مسويه فيه جالبتنه فوق تحت ..

خليفه في غرفته كان حاير بنار امه ونار ميثه نار انه يرضى امه لانه رضى امه عليه واجب ونار قلبه اللي ماتشوف في هالدنيا غير ميثه .. وراح صوب نوف في الغرفه اللي كانت راقده ودق عليها الباب ..

خليفه : نوف راقده
نوف : هلا خليفه شو مستوي .. ؟؟
خليفه : امايه تباني اخذ سلامه بالغصب وانا ماباها
نوف : والله ماادري ياخليفه المفروض منك انك تكسب امك يعني فهمها اول شي انك ماتبا سلامه وبعدين شويشوي تتدرج معاها واتخبرها عن ميثه انته لا ماسويت هالشي انته سيده ورحت قتلها انا ماباها انا ابا بنت ثانيه بالعكس هالشي بيخليها اتزيد في العناد لانها ماتعرف منوه اللبنت اللي انته تباها ...
خليفه : انا اخاف على ميثه انا ماريدها تكرهها وتكره خالتيه شمه عسبت هالشي لانج انتي تعرفين عدل امج كيف اتحب خالتيه شمه ..
نوف : صدقك يا خليفه .. بس انته حاول انك تكسبها يعني تعال وياها بالزين اشويه عسب ترضى .. وانته طبعا ماتقدر انك تخطب ميثه من دون روحة امايه معاك .. وهم مابيوافقون اذا امايه هب موافقه صح ولا انا غلطانه ..؟
خليفه : صح بس انتي حاولي معايه ارجوج ساعديني .. ؟
نوف : ان شاء الله يا خليفه انا بسوي اللي اقدر عليه والباقي على الله ثم عليك وربي يوفقك واذا الله رايد انك تاخذها بتاخذها لو منوه وقف في ويهك ..
خليفه : ان شا الله .... الله يسمع منج يله رقدي انتي الحينه ..
نوف : خلاص ان شاء الله تصبح على خير ..
خليفه : وانتي من هله ..

وراح خليفه الغرفه وانسدح على الشبريه وقعد يفكر شو يسوي وكيف يتصرف وكيف يخبر امه عن ميثه .. وكيف مايخليها تخسرهم ..

الساعه 3 ونص
ميثه كانت واعيه .. كانت ماترقد الليل من التفكير اللي كان شاغل بالها .. شو بيرد عبد الله على روضه بيرخصها ولا بيت متعلق فيها ..
ميثه : ليش ياربي ليش تحرم حبنا من انه نكون ويا بعض بالحلال يارب يارب انا ماريد اني انا اللي ارده عسب منوه عسب عبد الله اللي انا اعتبره شرات اخويه ... يارب ارحمنا وساعدنا يارب ان عبد الله يرخصنيه ارجوك يارب ارجوك وقعدت اتصيح حبها لخليفه .. لين الصبح ميثه كان عذابها اشد من عذاب خليفه لانها بنت والبنت مافي ايدها شي كثر الولد .. بس هي ماكنت اتعرف بعد انه خليفه كان يعاني معاها في هاذا كله .. ميثه كانت اتعاني من عبد الله .. وخليفه اللي كان يعاني من سلامه اللي امه فارضتنها عليه ..

الصبح الساعه 7
يوم السبت
في بيت فاضل القبيسي
يت الخدامه عسب اتوعي خليفه ..
نور : بابا كليفه قومي روخي دوام وادق عليه الباب بقو
خليفه : يعلج الماحي اللي يمحيج خلاص روحي بنش ..
نور : مافي يسوي نوم مره تاني جيييييين
خليفه : ان شاء الله عمتيه انقلعي ..
نور : جييين انا في روخ
نش خليفه من النوم وعرف انه امه زعلانه لانها هي اللي دوم كانت اتوعيه من النوم ..
خليفه : الله يهديج يامايه


الساعه 7 وربع ...
في بيت المر
شمه : ميثه امايه نشي ..
ميثه : ان شاء الله بنش
شمه : شو بلاها عيونج جذه ...؟؟
ميثه : ماشي البارحه كانت اتحجنيه وحجيتها وايد ورقدت .
شمه : هيهاااء ياميثه ثرج انتي متغيره وانا ام واحس .. وانا حاسه انج فيج شي واتمنى انج اتين واتخبريني شو فيج ؟.؟؟
ميثه : انزين انزين خلاص بروح انا اتلبس ..
وراحت ميثه تتلبس وظهرت من البيت ..

في نفس الوقت خليفه كان توه ظاهر من البيت وكان موقف سيارته هالمره خاري البيت ... وميثه كانت ظاهره عسب تركب السياره .. اللي كان يترياها في الدريول والخدامه ..

ظهرت ميثه وشافت خليفه جدامها وقف يطالعها وقفت تتطالعه ونظرة خليفه لميثه كانت كلها حزن واسى وندم اذا خسرها وخذ وحده غيرها ميثه حست بنظرة خليفه الها وفجاه وهي تتطالعه نزلت عيونها في الارض وقعدت اعيونها ادمع .. لين ماوصلت السياره وركبت وهو طول الوقت كان واقف يطالعها ولا اتحرك من مكانه ..

اتحركت سيارة قوم ميثه وركب خليفه سيارته وكان مستغرب من دوموع ميثه .
خليفه : والله ياميثه وحياة الدموع اللي نزلن اني ماخذ حد غيرج .. والله لا احارب الدنيا كلها عشانج وعشان عيونج .. اموت واخسر العالم بس ماشوف دمعه من عيونج جدامي لو حكم عليه العالم كله بالاعدام فانا لج وانتي لي ..

الصبح الساعه 11
في بيت غيث الشامسي ..

العنود: صباح الخير امايه ..
ام حمدان : صباح النور هلا بالغاليه ..
وقامت العنود وحبت راس عمتها وقدت ويا شمسه اللي كانت قاعده تتطالع التلفزيون وقعدن يسولفن وخلاف ياهم سلطان وكان توه مخلص محاضره فرد البيت لين الساعه 1 ونص عسب يكمل محاضرته الثانيه مع انه هب من عوايده .. كان دوم اذا كان عنده بريك يروح العين مول ويقعد ويا ربعه ..في ستار بكس

سلطان : سلم عليهم
الكل : وعليكم السلام ..
سلطان : بسم الله انتوا شو تسون قاعدات اهنيه ..؟؟
العنود : نحن هب قاعدين على راسك ..
شمسه : اشعنه تعطينه ويه لبسيه .
العنود : هههههههههه .. ظنج بيتادب
شمسه : طبعا ..
سلطان : انقلعي انتي وهي .. امايه ..
ام حمدان : خير
سلطان : شو علمنج اتشوفين التلفزيون
ام حمدان : وانته اشعندك .. وايه بالستر شو اللي معورنك ولديه ؟؟
سلطان : ماشي الا اقول امايه اربيعتيه تبا ترمسج ..
ام حمدان : ربعبك انته وياها يني ان شاء في السكه على حمار وطحت انته وياها ..
شمسه : ههههههههههههههههههه
العنود : هههههههههههههه تتادب
سلطان : انجبن انتن لا تضحكن ..
مسك سلطان تلفونه واتصل على الاتصالات خدمة 123 مال البريد الصوتي وحطاه على المكريفون .. اونه عاد يغايض امه .. وردة عليه وحده مال الكمبيوتر جان اتقوله مرحبا بك .
سلطان : هلا وغلا فديييييتج انا فديت روحج ..
قالت : عزيزي المتصل ..
سلطان : حوووووووووه قولي حبيبي المتصل ..
وام حمدان طول الوقت فاجه عيونها .... تتسمع ..
ام حمدان : مسودة الويهه الخايسه هاتها هاتها خلني اهزبها الخايسه هاي هب مربايه الله يعلمبها وين مربايه ثرها في زريبه متربيه ماتستحي ولا اتخيل ..
وسلطان والعنود وشمسه : ميتييييييييين عليها من الضحك ....
ام حمدان : ويدي اشعنه اتسكر مسود الويهه بعد متصل فيها لعنت الله عليك وعلى شكلك ..
سلطان : ههههههههههههههههه بموت بموت اه اه عظاميه اتعورنيه ..
شمسه : خالتيه شوووووووو هاذي الحرمه مال الاتصالات مال الكمبيوتر هاذا جذاب حد يصدقه ..
العنود : عمتيه هاذا منوه يباه ؟؟
ام حمدان ساكته وتتطالع سلطان بنقمه وجافت ميري كانت يايبه دلة القهوه والشاي ..
ام حمدان : ميري ماما جيبي هاذا نعال شويه ..
ميري : جييين ماما ..
العنود : هههههههههههه
شمسه : عمتيه على راسه على راسه ..
سلطان : نش يربع خاري وشغل سيارته ورووح العين مول .. وهو ميت من الضحك..
وقعدن يضاحكن عليه في الصاله وخلاف يتهن ساره وخبرنها بالسالفه ...



تصور مارضيت عين الرضا بعد الجفا تبكيك
تخاف الدمع يغسل صورتك وتغيب عني
حبيبي لو رحل صوتك بعيش الحاضر بماضيك
صدى الذكرى ولا واقع يفرق بينك وبيني
ولو ضاع الرجا بك يارجايه مالي الا ارجيك

الظهر الساعه 2
في بين فاضل القبيسي
خليفه توه كان ياي من الدوام وكان ارفان وواصل حده وفي الصاله كانوا امه وابوه قاعدين .. وحدر الصاله ..
خليفه : السلام عليكم ..
فاضل : مرحبا وعليك السلام ..
خليفه : هلا ابويه شحالك ..
وكانت عزه هالوقت تتطالع ولدها بغيض وقهر وكان الشرار ظاهر من عيونها وخليفه يوم حدر الصاله وشاف امه وابوه حس انهم بيتكلمون عن هاذا الموضوع ..

عزه : رمسه خليه ايعرف مصلحته ...
خليفه يقاطع امه : انا هب ياهل عسبة انه حد يرمسنيه انا ريال وكلمتيه كلمة وحده مابثنيها .. واللي تبون اتسونه سووه ... وانا سلامه لو يصير مايصير زواج هب مزوجنها خلي يابر ياخذها اشعنه تبيني اخذها .؟؟
فاضل : ياولديه نحن والديك ونعرف مصلحتك ..
خليفه : على عيني وراسي بس انا هب ماخذنها وقلتلكم وكلام في هالموضوع انا هب متكلم والله والله يامايه ويابويه ان زدتوا رمسه في هالموضوع والله اني ماقعد في البيت دقيقه . بتخبرج اشعنه انتي متروعه قوليلهم الولد مايبا البنت شو بيسون فيج .. بيقصون رقبتج ..
فاضل : خليفه امك هااااااي.. حشم عنبوه انا جدامك قاعد ..
خليفه : انا محشمنها وحاطنها على عيني وراسي بس انا ابا افهم ليش تبا تغصبني اوكي تبيني اخذ البنت باخذها بس والله ورب الكعبه اني ثاني يوم مطلقنها وانتي تعرفين العرب شو بيرمسون عنها ان خذتها اول يوم وطلقتها ثاني يوم ...
فاضل: خلييييييييييفه هب هاذا المذهب اللي انا ربيتك عليه .. خلاص ماتباها لا تاخذها .. عزه خلاص الولد مايباها دوريله وحده ثانيه .. قذيتونا لاعت جبدنا نحن من هالموال ..
خليفه : هي ماباها وماباخذها ...
عزه : انا هب مدوره اي حد ومابياخذ غيرها يفففففففففففهم ..
خليفه : هي ان شاء الله ماعليه اتريي باخذها .. ماعليه.. خذتها اللعنه .. اللي تعلنها .
عزه : لا تتدعي عالبنت ..
خليفه : قتلج انا هب ماخذنها ودام انا وابويه هب موافقين مابيمشينا كلام حريم .. وظهر عنهم وسكر الباب ..
عزه : جفت ولدك ..
فاضل : عزه الولد ريال انتي تتحرين الولد فالهزمن مثل زماني زمانج .. لا الزمن اتغير وكل واحد ينام على الينب اللي يرحيه .. انا ليش ماغصبت الولد عليها لانه ان غصبته بينفذ الكلام اللي هو قاله .. .
عزه : بياخذها ويخسي ايسوي اي شي من الكلام اللي قاله ..



انتهى الجززززززززززء
ظنكم لين متى بيتم عناد ام خليفه .؟؟؟
ظنكم خليفه بيلين وبيوافق كلام امه ولا بيتم متعلق في ميثه ؟؟&#60;&#33;-- / message --&#62;</p></font>

<font color='#8D38C9'><p align=center><font color=#ff0000>الجزء السادس عشر</font>


فاضل : ياعزه استهدي بالله وهب زين اللي اتسوينه هاذا ولدج ..
عزه : شو اقول حق العرب .. ؟؟ افتضح فيهم عسبة ولدك اللي مضيع المذهب ..
فاضل : ترا مثل ماهو ولديه هو ولدج وهو ريال صدقينيه بينفذ اللي في شوره ... وبياخذها وبيطلقها ثاني يوم شو الفايده خلاف ..
عزه : يهبي الا هو يلعب بسمعة بنت خالته ..
وان عفراء توها حادره عليهم الصاله ..... وفاضل كان توه ظاهر بيروح المسيد ايصلي ..
عفراء : السلام عليكم شبلاكم صوتكم واصل لفوق ..
عزه : نحن عنا حد غير خلوف.. اللي مفضحنا جدام العربان .. مايباها سلامه ..
عفراء : ياعمتيه لا تغصبين عالولد هب زين حليله ..
وان توه خليفه ظاهر وشال شنطه في ايديه .. بيظهر من البيت ..
خليفه سمع رمسة امه : انزين انا ظاهر من البيت وهب مفظحنج بخليلج الببيت وبظهر وبترتاحين منيه طول العمر ..
عفراء : لييييييييش يا خليفه ليييييييش ..
وعزه كانت تتطالع ولدها وهي ساكته ...
خليفه : السموحه يله عفراء مع السلامه ..
وكان رايح صوب الباب وشال شنطته في ايده وتوه بيفتح الباب مال الصاله ..
عزه : لاااااااا خليفه ..
خليفه : لبيه ..
عزه : لبيت حايه غناتي اللي تباه بيصير انا ماصدقت اتردليه من بلاد الغربه وعدك تبا تظهر عنيه من البيت ...
خليفه : ادريبج يامايه انج ماتتحملين فقلت خلني اضربها عالصميم ماتهونين عليه اقولج هالرمسه لكن شسوي .. سمحيييييييلي يعلني افداج وحبها عراسها ... انا غلطت عليج بكلام وايد اسف فديتج ... ورد مره ثانيه حبها عراسها ..
وان نوف توها ظاهره ..
نوف : هااااااااااااه اوب اوب ياويلي عالبوووس ياويلي .. ههههههه ........ ماليه نصيب شوه .. هاه عزه ثرهم راضوووج ؟؟
خليفه : ياله امايه هاي السوسه شو تبا ؟؟
عزه : تتطالع عيالها وقعدت اتصيح ياعيالي انا ابالكم السعاده والخير اتمنى اتكونون متوفقين جدامي . انتوا عدكم ماتعرفون مصلحتكم ..
نوف : يله عاد لا تجلبينها نكد ..
عفراء : عمتيه توج تضحكييييين ...
خليفه : هاه ترا ان ماضحكتي بظهر من البيت انا وهب راد يله يله نوف قومي عنيه خليني اظهر ..
عزه وهي تمسح دموعها بشيلتها : تعااال تعاااال .. هب صايحه تعال ....
خليفه : هههههههه هاه ييتج يله حبينيه امايه ..
عفراء : ياويلي انا عالدلوووع ..
نوف : لا لا قتلج لااااااااااااااا انا انا ..
عزه : فديتتتتتكم كلكم عيالي .. بس هاه ياخليفه مابتاخذ اللي تباها بتاخذ اللي انا بخترالها لك ..
خليفه : ام...........
نوف كانت واقفه عدال خليفه وقامت دزت ايدها على جتفه : وخليفه يقدر يقولج لا خلاص سلامه مايباها عاد دوريله وحده ثانيه ..
عزه اتصد صوب خليفه : هاه شو رايك ..
خليفه : اللي تشوفينه ...
عزه : الله يسوي اللي فيه الخير ...
عفراء : امييين ونفرح بك ..
خليفه : ان شاء الله ..
وظهرت نوف عنهم خاري وظهر خليفه وراها لانه غمزتله عسب انه يظهر وراها ..
خليفه : شو تبين ..
نوف : يالعنز وافق خلها اتغير رايها و نحن اليوم بنروح نتمشى مع خالتيه شمه في الفريج واكيد ميثه بتي معانا وان مايت معانا بقول حق امايه خلينا نقعد عندهم شويه وطبعا خالتيه شمه مابتخلينيا نوصل عند باب بيتهم ولا نحدر وانا ييوم بشوفها بقول حق امايه ليش ماتخطبين ميثه افهم ياذكذك ..
خليفه : واااااااااااااااااااااااو شت وين راحت عن بالي فديييييييييييييتج فديتتتتتج نوفووو والله اتفكرين بعد ... صراحه ماعليج كلام ..
نوف : انا نووووف مو حيلااااااااه ..
خليفه : احببببج يالعنز وحبها على راسها وراح عنها يربع الخيمه .. وكان شكله مستانس ..
نوف : الله يديم عليك السعاده واتحصل اللي في بالك ياخلوف .. وحدرت داخل وقعدت مع حريم اخوانها ..


في بيت المر الرميثي

شمه : امايه ميثه تعالي ابوج يبا يرمسج .
ميثه : خير الغالي شو بغيت ؟؟
المر : ميثه ابويه ترا حالي هب عايبنج من راحوا قوم يدتج عنا وانتي حالج منعفس خير شو مستوبج ؟؟
ميثه تتطالع امها وحست ان امها هي اللي مخبره ابوها لانه ابوها مايقعد وياهم وايد كيف بيعرف : لا ماشي عادي
شمه : لا هب عادي فيج شي شو فيج ..
ميثه : مافيني شي عادي ..
المر : ميثه تتدرين انه ولد خالج خاطبنج ولا لا ؟؟
ميثه : منوه عبد الله هي ادري ..
المر : وشو رايج ...
شمه : في شوه شو رايها ولد خالها ومابتحصل اخير عنه ومافي شي يعيبه صح ياميثه ولا ..؟؟
المر : لا اذا هي ماتباه محد بيغصبها عليه شمه هاي حياتها ..
شمه : اوكي حياتها بس اذا كان في شي يعيبه وهو الحمد لله كامل والكامل ويهه الله يسد بس انه ولد اخويه ..
المر : ميثه اشعنه ساكته اتكلمي نحن مابنغصبج والشي اللي ماتبينه بيصير ..
ميثه تتطالع ابوها وتتطالع امها والدمعه واقفه في عيونها : ابويه انا اعرف بهاي السالفه من يوم كانوا قوم خالي هنيه بس انا مابا عبد الله انا اعتبر عبد الله شرات خويه من يوم نحن صغار وعمري مافتكرت فيه انه يوم يكون ريلي ..
شمه : هالشي مايقنع عادي يوم بتاخذينه بتحبينه وبتقتنعين فيه وبيكون ريلج ..
ميثه تتطالع امها وعيونها ادمع : امايه انا حاولت وصليت استخاره مرتيييين بس مارتحت ..
المر : مادام البنت مصليه استخاره مرتين يعني هالشي مافيه خيره النا ونبعد عن الشر ونغنيله اخير ..
شمه : والله الشور شورج وشور ابوج واللي تبونه امرره سوه ..
ميثه : امايه لا تزعلين ..
شمه : لا فديتج اشعنه ازعل اصلا كان يبين عليج انج كنتي متضايقه اكيد يوم صليتي ومارتحتي اضايقتي .. وانا اقول شو بلاج ؟.. لا يامايه عادي .. هاي حياتج يعلني افداج .
ميثه اتاثرت من كلام امها و حست بتأنيب الضمير انها قصت على امها وابوها وهيي اصلا ماصلت استخاره وربعت غرفتها اتصيح .. بس خلاف فكرت انه هالشي لو هي ماقالته جان هلها غصبوها عليه وهي ماتباه ميثه ماغلطت بالعكس ميثه دافعت عن حبها لانها بنت وماتروم توقف جدام هلها .. واتقولهم لا ..خليفه وقف جدام هله وعاند فيهم لين مارضوا بس هي حالتها غير .. وردت مره ثانيه وفرحت .. واتصلت حق روضه .

ميثه: الوووووووو
روضه : هلا بعنزتيه
ميثه : عنزه اللي تخطفج وتفكنيييه منج يارب ..
روضه : هههههههه حليلها هاي العنزه جاد انها اتحبنيه عسبة جذه خطفتنيه ..
ميثه : هي اشدرااااااااج
روضه : ربج بعد ... خخخخخ علومج انتي
ميثه : امممممممم يعني اتريا رد اخوج تصدقين ميثوه رمسة قوم ابويه وامايه وقلتلهم اني ماباه وان اعتبر ه شرات اخويه وامممممممم وقصيت عليهم قتلهم اني صليت استخاره وما رتحت ..
روضه : تعالي وين راحت عن بالنا هالفكره اصلا لو يا الرفض من صوبنا بيجذبونه بيقولون اكيد فيه شي لانه هو كان يحن يباها ..
ميثه : هيه والله .. المهم الحمد لله ان حصلنا حل وتعالي انتي رمستيه ؟؟
روضه : هييييه رمسته ولج البشاره ..
ميثه : اوووووونه رويض فديتج فديتج قولي والله .. يله يله قولي بسررررررررعه شو قال ؟؟
روضه : حليله والله ميثه كاسر بخاطريه اتخيلي يوم عرف تم صاخ وعقب قال اللي مايباني ماباه .....
ميثه : هااااااااا شووووووووو؟؟اويه حليله والله مايهون عليه انتي قلتيله اني اعتبره شرات اخويه .؟؟
روضه : هيه اكيد عنبوه اتخيل بس جي اقوله هي ماتباك بيحط شي في باله ..
ميثه : والله كاسر ابخاطريه .. الله يعوضه بوحده غيري ان شاء الله ..
روضه : ان شاء الله .. انزين علوم خلوف ..
ميثه : فديت هالطاري انا بخير توني شفته يربع وكان يضحك عاده مااعرف شو فيه ؟؟
روضه : اونه شو اتخبل .
ميثه : خبله ريلج يالعنز ..
روضه : ايه يالعنز برايج اسمع صوت ابويه وعبد الله يمكن يرمسون في الموضوع ..
ميثه : هيييه هيييييييه يله روحي شوفي شو بيقولون وسيده تعالي خبريني اوكي ..
روضه : اوكي يله جاااااو
ميثه : باي

ونزلت ميثه تحت ونفس ماتوقعت امها وابوها وعبد الله كانوا قاعدين في الصاله . حمدان كان يطالع التلفزيون وميره توها يايه من المطبخ كانت اتسوي خمير ..

عبد الله كان يطالع روضه : ابويه
حمدان : خير ياولديه بغيت حايه ؟؟
عبد الله : هيه يابويه بغيت اتخبرك رديتوا كلمتوا قوم عمتيه شمه في موضوعي انا وميثه ؟؟
حمدان : لا يابويه ماكلمناهم نتريا ردهم وماردوا علينا ..
ميره : ان شاء الله بتصلبهم باجر وبتخبرهم..
عبد الله : لا يامايه انا بقولكم شي زين انكم مارمستوهم .. ابويه انا في البدايه كنت اباها ميثه وصدق متعلق فيها لكن عقب ماخطبتولي اياها وانا واثق ان قوم عمتيه مابيردوني بس مااعرف احس انيه هب مرتاح من عقب ماخطبتوها ودامنا نحن معاهم عالبر استسمحوا منهم ..
حمدان : انتتتتتتتتته شو اتقوووول شو اتخربط عقب ماخطبنا البنت وهلها وافقوا وقالولي بس بيشاورون البنت وهي اكيد بتوافق واخر شي اتقوليله هالكلام .. لعب يهال ولا شوووووو ؟؟؟؟؟؟؟؟؟؟؟؟
عبد الله في خاطره ياليتها تباني بس للاسف : يابويه ماقدر اخذها ليش تباني اخذها وانعيش انا وهي في تعاسه ..
ميره : لا ليش دام الولد مايباها مافي شي بالغصب هو ريال خلاص هب مرتاح لا تبلي البنت بالولد واتضيع حياتهم مع بعض وايد ناس نفس حالته عقب مايخطبونهم يحسون انهم مايبون بعض وخلاص ..
حمدان : لا لا شو تبين ايقولون عنيه ختيه وريلها ؟؟
ميره : مابيقولون شي اذا هم يبون الراحه والسعاده لبنتهم بيتفهمون الموضوووووع
حمدان : عبد الله اخر كلمه انته متااكد انك ماتباها ؟؟
عبد الله ساكت اشويه : هي يابويه ماباها
حمدان : ماعليه عراحتك ..
عبد الله : مشكور يابويه وحب امه وابوه على روسهم وروح عنهم ..
ميره : ها شو رايج الشيخه روضه ..
روضه : اممم والله انا مايخصنيه اللي يسونونه كيفهم اقول رايي خلاف ايقولون هاذا اللي قالته روضه لا لا ابعد عن الشر وغنيله .. وقعدت وياهم شويه وخلاف راحت واتصلت حق ميثه ..

روضه : الووووو
ميثه : هلا
روضه : اسفه ميثوه انتي تعرفين ابويه ماوافق ..
ميثه : شوووووووووووووو اشعنه شو اللي صار ؟
روضه : اسفه الغاليه بس هاذا اللي صار .. وانا مابيدي حيله كل اللي اقدر عليه سويته ..
ميثه : توها بتصيييييح
روضه : هههههههه حبيبي حياتي قلبي عيووني خلاص انتي لخليفه ان شاء الله ههههههه
ميثه : يالحقييييييره سخيفه ههههههه خوفتييييني هههههههه
روضه : ههههههه يله اصلا الفضل اليه لو هب انا وتفكيري جان ماصار كل هاذا اوكي ..
ميثه : امحق ليل اقول رويض .. جلبي ويهج وسكرت في ويهها
روضه : والله انها حقيره اتسكر في ويهي بعد .. مالومها من الفرحه والله حليلها ميثه اتخيل موقفي في مكانها شو بيكون مصيري .. والله اني بموت .. روضه ساعدت ميثه مع انه عبد الله كان اخوها وكان المفروض انها توقف ويا اخوها بس ماقدرت لانها حطت مكانها وبعدين انه ميثه ماتهون على روضه ..

ميثه كانت ميته من الفرحه طايره وراح خليفه يصلي المغرب ووقفت عند الجامه تتطالعه .. فديتك فديتك احبك احبببببببك وربي الكون احبببببببك فديتك فديت هالطول وهالعرضه فديتها انا ياويلي .....


يامن ملكت الروح عني لا تروح لا تتركه قلبي تداميه الجروح
انته لي باقي ولاحدن ابوح له سرى لي بداخل الروح
لو يزعل الكون كله لك بروح اشكي لك الحالي ياسيد الملوح
ولو تزعل انته بقضي الليلل انوح وبصبح عويج مثل طير يروح
ولو يغرق العالم ببني سفينة نوح وببحر لجل انقذك ياملاك الروح
ولو تسكن القمر بشيدلك اسطوح لجل اشوفك واتمعن في الوجه الصبوح


كلمات : ولد الفلاحي


بعد صلاة العشا
بيت المر اارميثي
شمه : ميثه مييييييييييثه
ميثه : لبيه امايه
شمه : ماشاء الله ردت الفرحه لو ادري انه الفرحه بترد جان من زمان ظهرت منج الرمسه ..
ميثه : امايه عاد
شمه : انزين انزين خلاص عاد ... مابتين ويانا
ميثه : امممم وين امايه ؟؟
شمه : بنروح انا وخالتج عزه وحريم عيالها ونوف نتمشى مابتييين ..
ميثه : لا امايه شو تعرفين انتي روحج خلاص امتحاناتي قربت ومابقالها شي غير 15 يوم يعني مافي تايم اني اروح وارد ان شاء الله خيرها في غيرها .. وانا اريد اخلص كتاب الجغرافيا ..
شمه : خلاص ماعليه هيه درسي درسي اخيرلج ..
ميثه : سلمي عليهن وايد وايد وقوليلهن يوم بتخلص امتحانات ان شاء الله .. بتتمشى وياكم
شمه : يله انزين سلامن يبلغ .. اتحملي على اخوانج
ميثه : ان شاء الله امايه
شمه : و حدري رشود داخل ثره من اصبح خاري ..
ميثه : ان شاء الله
شمه : وشوفي ريماني راقده ..
ميثه : امايه خلاص عنبوه ..
وراحت شمه بيت قوم فاضل وقعدت اشويه عندهم داخل .. وظهرت ميثه خاري اتشوف اخوها راشد وكانت لابسه جلابية بيت وشيله بيضه .. واتحجبت واتلثمت ووقفت تتطالع ادور يمين ويسار . وشافت اخوها راشد .قاعد يلعب كوره .. وخليفه كان يتمشى في الحوي قاعد يتكلم في التلفون خلاف يوم شاف ميثه انخش عنها عسب ايشوفها ويسمع هي شو اتقول لانه شاف امها وهي حادره بيتهمم ..

ميثه : رشووووووود
راشد : هاه انا هنييييييييه دشي داخل بسرعه ماتشوفين الاولاد اهنيه ..
ميثه : جب اونك تتحرا عمرك ريال يله تعال والله بالهنعال على ويهك جدامهم .. امحق ليل جان هذيله هم الاولاد اللي تباني انخش عنهم احدر احدر البيت اخيرلك ..
راشد وهو قافط من ربعه : عادي عادي تتمصخر . ..
ربعه : هيييييه صح شكلها يبين انها تتمصخر ..
ميثه : بتخبرك انته يعطوونك معاش تحرسلهم الفريج..
راشد : هب الحينه عقب روحي روحي ...
ميثه : والله يارشود ان ماحدرررررررررت عللللله يللللله ......
خليفه كان متروع منها ماكان يتوقع انه هالبنت الرقيقه اللي ولا مره سمع حسها وهي تتكلم والحينه اتصارخ .. فحب انه يسوي فيها حركه وظهر جدامها فجاه ..
خليفه : حليله شويشوي عالولد مسكين ..

واول ماشفته فجت عيونها وقعدت تضحك وعطته ظهرها ودخلت بيتهم ..

خليفه : فدييييييت هالضحكه انا فديت هالجمال وربي والله والله ملكة جمال .. فديت الرزين انا فديته ... امووووووووت عالتراب اللي تحت ريولج ..
وميثه كانت تسمع خليفه وهو يقول هالكلام ووخلاف صدت عليه وطالعته باحتقار وصكت الباب في ويهه وهالوقت اخوها راشد
ماكان منتبه لا هو ولا ربعه لانهم كانوا يلعبون على طرف الشارع فمانتبهوا انه خليفه ظهر وماشفوه ..

ميثه : ههههههههههه وانا بعد اموووووت امووووووت فيك .. فديته والله
وان راشد توه حادر ... البيت ... وهي كانت قاعده في الصاله ..
راشد : ميثه انتي ليش جيه سويتي ..
ميثه انصرعت اتحرته شافهم : جب ششو سويت ..
راشد : ليش اتخلين ربعي يضحكون عليه ...
ميثه : عسب اتعرف انه الحينه الساعه 10 وانته وراك مدرسه ومذاكره بالله عليك استاذ راشد فجيت كتاب انته من ييت من المدرسه .
راشد : هي راجعت وطلعت
ميثه : طلعت روحك يالجذاب رووووووووووح هات كتابك ..
راشد : يالشريره انتي محد يحبج انتي فيج جنيه في راسج ..
ميثه : يالسباااااااال اوكي بروح اخبر ابويه ..
راشد : لا تعالي خلاص بروح اتسبح ودرسيني ......
ميثه : انقلع بسرعه
راشد : انا ابا امايه ادرسنيه ..
ميثه : امايه محد وبعدين هب عكيفك تقعد تتشرط اوكيييييييييي
راشد : اوكييييييييي
وراح راشد يتسبح وتمت ميثه قاعده في الصاله تتدرس وخلاف ياها راشد وقعدت ادرسه ...
ميثه : افتح مخك
راشد : انزين فتحته

وظهرن عزه وشمه وحريم عيالها شيخه حرمة سعيد وعفراء حرمة زايد ونوف ويابنتها عاشه يتمشن وقعدن يتمشن ويسولفن وخلاف وصلوا شمه بيتها وهم واقفين عند باب البينت ..
شمه : يله حياكم ...
عزه : لا فديتج الساعه 11 وربع والوقت متاخر وقت ثاني ..
شمه : والله انكن تحدرن برايه محد عنديه غير انا وعيالي والمر اتحيدينه راقد في البيت ...
عزه : لا فديتج اشعنه تحلفين ..
شمه : عاده حلفت مايستوي حليلها حرمة سعيد اول مره اطوف جدام البيت ولا تحدر انتي برايه متعودين عليج ..
شيخه : لا فديتج المره اليايه .. ان شاء الله . برايه عنبوه انا هب غريبه ..
شمه : لا مايستوي حياكن حدرن ..
عزه : يله حدرن كله ولا ام هزاع..
شمه : ليكون شيخه زايغه على ريلج .
شيخه : هههههه لا وين اصلا امبونه اسعيد مايضوي لين 12
شمه : خلاص عيل شو تحاتين ..
ودشن البيت وشافن ميثه قاعده وادرس راشد ..
راشد : امايه عذبتنيه ظهرت روحيه من مكانها ..
شمه : اخير تتادب ..
ونشن ميثه وسلمت عليهن
نوف : اشعنه مايتي معانا هب دراسه هاي ساعه مابيستوي عليج شي .. هههههه
ميثه : عنبوه المره اليايه .
عزه : شحالج ميثه يعلني افداج ..؟
ميثه : بخير غناتي انتوا علومكم .. ؟؟
عزه : والله علوم الخير الحمد لله .
ميثه : عساه دوم ياربيه ..
وراحت ميثه اتيب دلة الشاي والقهوه عسب اتقهويهم ..
عفراء صدت على عمتها : ماشاء الله عمتيه ميثه بنت شمه قمر وماعليها كلام وحشيم اشعنته ماتخطبينها حق خليفه ؟؟؟
نوف : هي والله امايه والله ماشاء الله عليها حرمه . .. وماتتفوت .........
عاشه : ماشاء الله عليها حلوه انا من زمان ماشفتها .. وخليفه ولدج بيخبل عليها ان شافها ..
انتتتتتتتهى الجزء


ظنكم شو بيكون رد ام خليفه ؟؟
ظنكم كيف ام عبد الله وام هزاع بيفتحون الموضوع اللي بين عبد الله وميثه ؟؟&#60;&#33;-- / message --&#62;</p></font>

<font color='#728FCE'>مشكووووورة الغلا....

نتريا التكمله....

تحياتي...

اختج "هتونه"</font>

<font color='#000000'>مسموووووحه الغاليه ، ونتريا التكمله...
&nbsp; &nbsp; &nbsp; &nbsp; &nbsp; &nbsp;ان شاء الله ما يكون الجزء الياي صغير مثل هذا.....</font>

<font color='#8D38C9'><p align=center>السلام عليكم

سمحولي اخواني ع التأخير
وانشاءالله الحين بحط الجزء

تحياتي</p></font>

<font color='#8D38C9'><p align=center><font color=#ff0000>الجزء السابع عشر</font>

وان ميثه توها يايه شاله دلة الشاي والقهوه..
عزه : اسكتن برمسكن عقب ..
واتقهون الحريم وقعدن يسولفن وخلاف ظهرن وراحن البيت وهن في الطريق ..

عزه : هيه والله صدقتوا ماشاء الله عليها اصلا انا اول ماشفت خليفه هب موافق فكرت فيها اول وحده اخطبها له
نوف مستانسه بطير من الفرحه : الاااه امايه والله انها حلوه ..
عزه : وانتي اشعندج جذه متخبله ...
نوف : ماشي امايه بس اباه يعرس بسرعه ابا افصل ابا البس واتعدل ..
عزه : ان شاء الله .. الله يسوي اللي فيه الخير بس برمسه قبل بشوفه مافيني يفضحني بعد اخطبها ويرد ايقول ماباها الله يعلمبها بنت ابليس شو مسوتبه ... ؟؟
عاشه : امايه خلها اتولي هالللي ناقص خلوف يضوي على وحده ماينعرفلها مذهب ولا اهل يهبي ويعقب ...
عزه : عسب جذه انا بخطبله وحده على شوري ..
نوف : خلاص عاد امايه اشعنه حاطين عالبنت خلوها تنفد المهم انه خلاص بيوافق على ميثه ...
عزه : وانتي شدراج انه بياوفق على ميثه ..
نوف : هااه لا بس اقول يعني انه ميثه حلوه والف من يتمناها ..
عفراء : هيه والله
شيخه : تتدرون انا من الصبح احاول افهم رمسه من اللي ا تقولونها ومافهمت شو السالفه ؟
عزه : سالفة خليفه وبنت ختيه سلامه اللي مايباها ..
شيخه : هيييييه والحينه تبون له ميثه بنت شمه ؟؟
عزه : ان شاء الله اذا استوا نصيب ..
وهن توهن داشات الصاله شافن خليفه قاعد يطالع التلفزيون ..
نوف : خلوف خلوف ..
عاشه : نوفوه شو بلاج اعنبوه اتريي اشعنه قرصج نيي جذه ؟؟
عزه: الحمد لله والشكر ماماتي نوافي عن الخبال فديتج .
نوف : تتطالع امها بدلع وهي معقده حياتها : ماماه انزين خلاص يله قولوا انتوا حقه . .
خليفه قاعد يطالعهم : شو ايقولون لي شو مستوي ؟؟
عزه : اسمع انا بخطبلك ميثه بنت خالتك شمه وتسكت وتنجب وماتقول ولا كلمه غصبن عنك بتاخذها ..
عاشه : خلوف لا تفوتها ماشاء الله عليها قمر ..
شيخه : والله وانا اشهد بعد .. ماعليها كلام ..
خليفه : هيييييه هييييه اباها اباها ....
عفراء : وايه بالستر اشعندك جذه مستلغث وهب شايف خير ..
خليفه : هاه لا ماشي بس اقول يعني انه هي احسن عن سلامه ..
عزه : فديتها سلامه ماعليها كلام بس انته الله يعلم شو فيك ..
خليفه : امايه ترا هاه ماباخذها ميثه بعد ..
نوف : هيييه امايه لا تخطبليه اياها خلاص خلاص مايباها ..
خليفه : لا ابااهااااااااااااااااااا
عزه : شو بلاك انته ..؟؟
خليفه : ماشي بس جيه اباها ابا اغايض بنتج هاي العنز السارحه . .
نوف : انا عنز سارحه ؟؟
خليفه : لا انا ..
نوف : اتحرا بعد ..
عزه : يله ان شاء الله .. الله يسوي اللي فيه الخير انا بروح عند امها باجر الصبح وبخطبها ..
خليفه : هيه امايه وشوفيهم ..امايه ابا اشوفها ..
عاشه : هيهااااااااء يله منقووود ماشي اتشوفها ماتشوفهااااااااا ؟؟ منقوووود لين يوم العرس ..
خليفه : لا الله وكبر خيييييييييبه ..
عاشه : هي شو بعد انته اخير عن اخوانك ولا عن ريلي تراهم ماملجوا الا قبل العرس بيومين ..
خليفه : انزين يله انا ابا اعرس في هالصيف ..
عزه : انته خلهم ايوافقون قبل خلاف اتشرط ..
وانه شويه وحادر عليهم سعيد ..
سعيد : مرحبا الساع ..
خليفه : مرحبا ملايين بو عسكور حياك اقرب حرمتك مشارك فعال معانا ..
شيخه : شو تبابها حرمته ... الحينه ؟؟
خليفه : سيري هاتيلي ماي لو سمحتي ..
سعيد : لبييييه الغالي على منوه تامر هاي حرمتيه هكيه اختك امر عليها ..
خليفه : نوفوووووو قومي هاتيلي ماي ..
نوف : اوووونه خدامتك انا ... وانا مادري ..
خليفه : جب قووووووومي
نوف : اف بقوم هاه ..
عزه : بلاك انته مستين ..
عفراء : عمتيه لا تلومينه خاطبيله . .
سعيد : ههههههههههه منوه اللي خطبوله هاذا .. امحق ليل.. اله يعينها اللي بتظوي عليك امها داعيه عليها مسكيييينه ..
خليفه : واشعنه امحق ليل انته روحك اتخطب وتعرس ... هي امها داعتلها بالخير امايه شوفي يغلط على خالتيه هاه ..
سعيد : لا تقارن مافي مجال ...
خليفه : صدقت والله انته وين وانا وين ..
عزه : قومي يله كل واحد غرفته خلوف سير شوف ابوك وينه ... عن هالهذره الزايده ..
خليفه : منوه حرمته انا ولا انتي ..
عزه : طالعوا مسود الويهه شقايل يرد .,.
خليفه : وانا اشهد ماقلت شي غلط ..
عاشه : برايكم انا بين اليوم و ريلي وعيالي اروحهم في البيت بروح برايكم ... وظهرت عاشه وراحت بيتها ..وقام سعيد وحرمته وراحوا قسمهم وراحت عفراء بعد . وعزه ردت غرفتها ..عسب اتنام ..
نوف : هاه يود ..
خليفه :قولي اتفضل لو سمحت انتي ماتعرفين الاحترام .
نوف : خلوف اصطلب احسلك اوكيه ترا انا اللي قلت حق امايه اتخطب لك اياها لا اتخليني اكنسل .
خليفه : ههههههههههههه ماهون عليج .
نوف : زين يوم انك تتدري .. يايويهك ..
خليفه : ويهي فديتني والله مافي بنت ما تتماني انا انتي بس لو شفتي البنات كيف كانن ميتات عليه في استراليا . ونش يطالع عمره في الجامه .. شوفي بالله عليج انا هب حلو والله اعق الطير من السما ..
نوف : مالومك الصراحه هب منك قبيسي الخقه راكبتنك من راسك لين ريولك .
خليفه : فديتني والله .. عاده هب لهاي الدرجه .. يعني استاهل اتكون الغزال الرميثي حرمتيه حلو وهي قمرررررررررر ...
نوف : خلوف انا بسير ارقد باجر ورايه دوام وانته متفيق .. صراحه .. روح عن يبور ..
خليفه : وينه يبور ثره مايظوي اخوج هالوقت مايظوي البيت الا من عقب الثنتين مايخلي بقعه مايطبها ..
نوف وهي قايمه بتروح تنام: وانته اشعنه تغار منه ولا شوه جانك اتغار سو شراته ...
خليفه : ماتنزل فديتج هب انا اللي الحق بنيات الناس وانقل هاي واتخبل على هاي ولا هاي لا الغاليه .. هب خليفه القبيسي .. فديتج محشوم انا عن هاي الحركات خليتها ليبور خوج عفتهن البنات ..
نوف : وايه وووووووايه بالستر ..
وتوه يابر كان حادر الصاله ..
نوف : هاه قلت عيل مابيظوي ..
يابر : منوه اللي بيظوي ..
خليفه : منوه غيرك ماشاء الله الساعه وحده اول مره اتي هالوقت ولا شوه السوق خربان .. اليوم مانفع وياك ...
يابر : انا ماروح الا عند اللي يكون هاه امرره مول متخبل عليه هاه اعطيه ويهه ..
نوف : ماشاء الله اجتمعوا الخاقيقين عاده كله ولا يابر اكبر خقاق في العالم بكبره هب اللا بس في بين الجسرين.
يابر : هاي شو بلاها
خليفه : تبا ضرب
يابر : عليها .
نوف مستعده للشرده : تضربووووني انا ههههههههه وضربتها شرده غرفتها ..
يابر : هاي هب صاحيه ..
خليفه : ههههههه ظاهره عليك وكملوا سوالفم ....


الساعه 10 الصبح
بيت المر الرميثي
شمه : الوووو
ميمي : الوووو
شمه : ميمي حبيبي شخبارج ..
ميمي : بخيل عمووو
شمه : حبيبي وين ماماه
ميمي : عمووه وين ليم ..؟؟
شمه : ريم راقده حبيبي عطيني ماماه بعدين كلمي ريم انزين ...
ميمي : انزين سبلي بزقلها ..
شمه : شاطره ميمي حبيبي
ميره : الوووووو
شمه : مرحبا الساع
ميره : مرحبا الساع بشميم شحالج غناتي ؟؟
شمه : بخير وسهاله يعلني افداج .. شحالج انتي وشحالهم العيال ...
ميره : الحمد لله كلهم بخير وسهاله وشحالهم عيالج ..؟
شمه : بخير وسهاله ... الا ميره اسمحيلي نحن اهل لكن الله ماكتب النصيب بين ميثه وعبدالله ...والبنت استخارت ربها واتقول انها هب مرتاحه .. واسمحيلي والله انيه مستحيه منكم .. وماودي اردكم وانتوا تعرفون عبد الله شو بالنسبه اليه ..
ميره في خاطرها اف الحمد لله يت من صوبكم هب من صوبنا : افا عليج ياشمه نحن مابينا هالكلام والاعتذرات ..افا عليج ياام هزاع نحن وياكم اهل وان شاء الله مافي شي بيفرقنا ..
شمه : مشكوره الغاليه ماتقصرين من طيب اصلج .. يعلني افداج .. واللله يطرح البركه في روضه وهزاع ان شاء الله ..
ميره : امين ان شاء الله .
وقعدن ايسولفن وخلاف دشت عزه على شمه وسكرت عن ميره ..
عزه : شحالج الغاليه .. شو اصبحتي اليوم ؟؟؟
شمه : والله الحمد لله شحالج انتي غناتي ؟؟
عزه: بخير وسهاله .. عاده انا يايتنج اليوم وقاصدنج في طلبه .. هب نفس يياتي كل يوم لج ..
شمه : افا عليج الغاليه من عيوني امري وانا كم عزه عنديه في الدنيا الا وحده ..
عزه : فديتج غناتي ... مشكوره هاذا العشم فيج يام هزاع .. انا يايتنج بغيت ميثه بنتج حق خليفه ولديه ..
شمه : خليفه ولدج ؟؟ اشعنه وسلامه ؟؟
عزه : الله يسلمج الولد موليه مايباها جنه حد مسوله شي عليها حتى طاريها مايدانيه مع انيه يوم شاورته وهو خاري البلاد وافق وقال بنت خالتيه مابحصل اخير عنها وانا اتصلت بختيه البارحه واستسمحت منها وسمحتليه حليلها وقالت انه ولد عمها يحن فيها يباها قتلها خلاص لا تقطعون رزق البنت ويوزها ... وعاده يوم شاروته في ميثه قالها هي اباها عادي ..
شمه : ان شاء الله ياختيه الله يسوي اللي فيه الخير . ولدج هو ولديه ... ومابنحصل اخير عنه عقب ولد اخويه عبد الله .. بشاور ابوها وان شاء الله عقب ماتخلص امتحانات برمسها بتستخير وان شاء الله بنرد عليج خبر ..
عزه : ان شاء الله .. الله يسوي اللي فيه الخير ويجمعنا يران واهل ..
شمه : نحن من زمان اهل يا عزه ..
عزه : هاذا العشم فيج يا شمه ...
وتمن قاعدات يسولفن لين اذان الظهر وردت عزه بيتها ..
الساعه 1 ونص الظهر
المر كان توه ياي من الشركه مالته ..
المر : السلام عليكم
شمه : هلا بالغالي وعليك السلام والرحمه ..
المر : وين الغدا يوعان انا ماشوف من اليوع ..
شمه : ان شاء الله يله ثواني وبيكون غداك زاهب ..
وخلاف نزل المر يتغدا ..
شمه : المر
المر : عيونه
شمه : تسلملي عيونه ... اليوم يونا عرب يبون ميثه ..
المر : عرب...&#33;&#33; ومنوه هالعرب ان شاء الله؟؟.. ماشي ماشي ...
شمه : انته اول اعرف منوه هم العرب وخلاف قول ماشي ..
المر : منوه ؟؟
شمه : خليفه ولد فاضل ..
المر : خلييييييييفه ياحيه الساع دامه الا خليفه واصل ولد الغالي .. وماينرد ماشاء الله شيخ الراييل ادب واخلاق وماعليه كلام وريال اربعه وعشرين ساعه اشوفه في المسيد ..
شمه: عسب جذه انا قربتهم لو عرب غير هب مقربتنهم بس نحن بنسكت اشويه عن السالفه لانيه اليوم مرمسه حرمة اخويه حمدان بيقولون مسرع ماردونا ومسرع مافقوا على غيرنا ..
المر : هي امره مول لا ترمسون لين ماتخلص البنت امتحاناتها وتفتك وخلاف استخيروا ربكم وردوا على العرب وهيج الساعه خبري اللي تبينه ..
شمه : ان شاء الله مايصير خاطرك الا طيب يابو هزاع ..
المر: الا اليوم هزاع بيي ؟؟
شمه : لا ماظني لانه عليهم امتحانات ومابيظهرونهم ..
المر: يله ربي يوفقه هانت مابقى له غير سنه ونص وبيتخرج ..
شمه : امييين ونخطبله اللي يبباها ...
المر : ان شاء الله باذنن الله .. الله يكتب اللي فيه اللي فيه خير ..
وحدر المر الغرفه عسب ينام ... ووصل راشد من المدرسه ... وميثه كانت في غرفتها قاعده تتدرس ...
شمه : يله ياعيالي تعالوا اتغدوا ...
راشد وهو يربع عالدري ياي صوب امه : هاه امايه ييييييت
شمه : اعنبوه اتحمل على عمرك اشعنه تربع شو اللي بيطير عنك ..
راشد: هاه امايه عاده وصلت انا ..
شمه : لا تربع جذه عالدري مره ثانيه ..
راشد : انزين ان شاء الله ..
شمه : ميييييييييييثه .. يا ميييييييييييييثه
ميثه : هاه امايه
شمه: تعالي اتغدي ..
ميثه : لا امايه مارووووووووم مارووووووووم ماخلصت بقالي وايد ومابقا شي مارووووووووو م وقعدت اتصيح طبعا الكل يعرف الحاله النفسيه اللي اتي الانسان قبل امتحانات الثانويه العامه ..
شمه : لا حول ولا قوة الا بالله شو فيج يامايه تعالي تعالي .. وراحت شمه عند ميثه اللي قاعده عالدري وقعدت اتهديها لانها كانت اتعرف بالهالحاله ...
ميثه : ماروم اتغدا اخاف ابا اخلص ..
شمه : تعاالي انا باكلج .. وبعدين روحي درسي 5 دقايق عشاني فديتج ..
ميثه : انزين ان شاء الله وراحت ويا امها عسب تتغدا واتغدت وراحت غرفتها طبعا هالوقت كله ميثه كانت هب مهتمه حق خليفه هاك الزود صح انها كانت اتوايق عليه لكن هب وايد لانها كانت تبا تهتم حق دراستها وتنجح وبشرف عسب ترفع راس هلها فيها ..


العصر
بيت المرحوم غيث الشامسي
ام حمدان وحريم عيالها بطي ومنصور كانن فاراشات الحصير وقاعدات عليه ..
ام حمدان : وينها شمسه اليوم ..؟؟
العنود : مادري ياعمتيه دقيت عليها الظهر يوم حطينا الغدا قالتليه مابغي فيني رقاد ..
ام حمدان : بسم الله رب ماشر يمكن فيها شي الحرمه حليلها .. بروح اشوفها ..
وراحت ام حمدان صوب قسم احمد ودقت الباب على شمسه ..
ام حمدان : شو بلاج امايه من الصبح ماظهرتي من حجرتج .. يعورج مكان تانسين بحايه فيج .
شمسه : هي ياخالتيه بطنيه ايعورنيه ..
ام حمدان : منان هاذا يعلني افداج جنج لا قربتي موعدج ..
شمسه : عمتيه انا طايفه موعد الولاده بيومين ..
ام حمدان : والحينه بشو تانسين ..
شمسه : وييييييع ويييييع ياعمتيه . .بموووووووت
ام حمدان : احمد وينه .
شمسه : ماعرف وينه ظهر من الظهر يمكن في القهوه قاعد مع ربعه ...
ام حمدان : لبسي لبسي عباتج بسرعه .. وظهرت ام حمدان مع شمسه وساره وراحن مستشفى توام .. ووصن العنود تتصل باحمد وتخبره وقعدت العنود هي ويا ريسه مع عيال ساره ..
ريسه : الوووووو احمد انته وين ... ؟؟
احمد : عوذ بالله شو مستوي اهنيه انا
ل ريسه : شو بعد شو مستوي حرمتك حليلها تربي امايه توها ودتها ..
احمد : منوه شمسه ..؟؟
ريسه : سخييييف منوه يعني كم حرمه عندك ..
العنود : هههههههههههه شبلاه ..
ريسه : يستهبل ...
احمد : برايج برايج يله مع السلامه انا الحينه بروح صوبهم في توام صح ..
ريسه : هي طبعا وين يعني .. اوكي باي
احمد : باي
ريسه : اونه منوه ربت شمسه ..
العنود : ليكون عنده حرمه ثانيه ...؟؟ ههههههههه ..
وشويه ان سلطان حادر عليهم ..
سلطان : انتي ليش تضحكييييين ؟؟
العنود : مالك خص ماضحك عراسك انا
ريسه : اقولج مايتنا حرمةة اخو ماتناقره لازم هب منهن حليلهن منه هو ... اللي يبليهن ..
سلطان : انتي شو تبييييين ؟؟ خرده ماعندي روحي هناك صوب المسيد وهاتي ..
العنود : سلطان توه السيلان مطرشيلك رساله ايبها لك ..
سلطان : لا مشكوره انتي وين ريلج عنج .؟؟
العنود : رااااقد اشعنه تباه ؟؟
سلطان : بلوي عليه هيهااااااء اخويه اشعنه اباه يعني ؟؟؟ بسولف وياه عيل اتم وياكن انتن رقيه وسبيجه المخبل ..
العنود : حوووووه سلطون انا خبله ؟؟
سلطان : حووووه عنود ليش توج تتدرين ..
ريسه : لبسيه لا تردين هاذا بغبغاء يوم تسكتين عنه اروحه يصك الدعنه .. انته اشعنه ماتظهر من البيت ماحيدك ...
سلطان : انطمي انتي وين امايه ..
العنود : راحوا المستشفى ..
سلطان : افااااااا رب ماشر
ريسه : اونه عاده يسوي عمره يخاف
سلطان : جب يالهبله اشعنه شو عندهم ..
العنود : راحوا ايدون شمسه بتربي ..
سلطان : هيييه زين زييييييين .. عيل ..

فليل الساعه 9
ام حمدان : الووووووو
ريسه : هاه امايه بشري ...
ام حمدان : الحمد لله ربت حرمة اخوج ..
ريسه : وشو يابت ...؟؟؟
ام حمدان : ولد
ريسه : يله استانس سلطون يابولك ولد ..
سلطان : والله زيييين تستاهل السلامه ..
ام حمدان : يله اتحملوا على عماركم تراني ببات معاها في المستشفى و ساره بترد عندكم ..
ريسه : خلاص امايه خير ان شاء الله مع السلامه ..
منصور : زين ماياهم يستاهل احمد مسكين .. وصد صوب العنود يله الفال النا ان شاء الله انيب غيث الثاني ..
العنود : لا انا ابا بنت ..
سلطان : جب جب يله ماشي بنات بشل البنات كلهن وفرهن في قرقور .. وبعقهن في البحر
العنود : بتخبرك انته اشعنه رزه ..؟؟
منصور : هيييييييييي حرمتيه هاي روح انته عند امك خلها اتيبلك حرمه اتشرط عليها ..
سلطان : ماشي انا قلت اولاد يعني اولاد ......
العنود : بتخبركم انتوا اشعنه تتضاربون اللي يقول الحينه جنه الشور شورك ولا شوره اللي ايي من الله حياه الله ..
منصور : وانا اقول مثل ماتقول حرمتيه .
ريسه : هي تو الناس سيد منصور يوم رايك جذه اشعنه من الصبح تستهبل الغالي .......
سلطان : ابا ولد .. انا بروح اشوفه حد بيي معايه ..
ريسه : انا بروووووووح وياك شلني ..
سلطان : روحي لبسي مقرون بوديج ..
ريسه : لا لا مابا بتغشى ..
سلطان : جب عيل قري في بيتكم ابرك ..
ريسه : ااااااف انا رايحه مستشفى منوه بيشوفني يعني خلاص بروح البس .. لوعت جبد .
سلطان : غصبن عنج انسه ريسه لا تتشرطين يوم بتروحين عند ريلج هييج الساعه ..
ريسه : ادري حفظتها هالرمسه ..انا .. كم مره بالله عليكم اتعيدونها ..
العنود : منصور انا اريد اروح ..
منصور كان سرحان يطالع العنود وهي تتطالع سلطان وريسه يتواقعون : ها حبيبي شو قلت شو تبا ماسمعتك ..
العنود : هههههههه سخيف اشعنه جذه تتطالعنيه فاج حلجك
منصور : تتدري حبيبي انك قمر يوم اتعقد حياتك ..
العنود : اسكت عيب ماتشوف هالياهل واتاشر على سلطان قاعد يطالعك ..
سلطان : لا لا تموا خلوني اتعلم . .
منصور : الله يخليك شو تتعلم انته تعلم بلد ماتتعلم ..

وراح منصور وحرمته الغرفه وردت ساره البيت مع عيالها وخلاف راحت ريسه مع سلطان .. المستشفى يباركون حق شمسه واحمد ..

بعد مرور اسبوع كامل ..
السبت الساعه 6
اليوم الاول من امتحانات الثانويه العامه .
ميثه : امايه اخاف مادرست عدل ..
شمه : بس عاده ودري هالخوف تراج ان كنتي جذه خايفه مابتحلين شي ثرج اتحملي ركزي .. اقري السؤال كمن مره والسؤال اللي مابتعرفينه خليه وحليه خلاف هب اتوقفين عننده يله روحي اتلبسي والله يوفقج ..
ميثه : امايه ادعيلي ..
شمه : يله بروح ازهبلج شي تاكلينه مسودة الويهه انتي مول ماتكلين شي
ميثه : اه يامايه خاطري اغمض عين وافتح عين واحصل عمري خلاص افتكيت ..
شمه : يله ان شاء الله بتفتكين وبترتاحين ..
ميثه : اه امييييييييييين يارب ..

وراحت ميثه لبست وكلت وظهرت من البيت .. وحدرت قاعة الامتحان ..

</p></font>

<font color='#8D38C9'><p align=center><font color=#ff0000>الجزء الثامن عشر</font>

مالي عزا من دونه لي تيمني هواه كل الحسن في عيونه في ويهه ومحياه
الناس مايسوونه لعالي مستواه قلبي فضا مضنونه وارجوك لا تنساه

الاربعاء
اخر يوم من ايام امتحانات الثانويه العامه
ميثه كانت في المدرسه ويا ربيعاتها ..
فاخره : لا ماتخيل ااااااني خلصت خلاااااااص خلاااااااااااااااااص اخيرا ...... هههههه حليلهم علمي بعدهم ماخلصوا .. يعني مابجوووفكم خلاص لا لا ماقدر ..
ميثه : ااه قلبيه لا اتقولين جذه ان شاء الله كلنا في الكليه واتصد على ربيعاتها اللي كانن يتصايحن على فراق بعض .. امونه حبيبي عاده خلاص والله ازعل عليكم ..
امنه : ماروم اتخيل هليه يبوني احدر جامعة زايد ..
ميثه : لا هب على كيفهم اتيين ويانا الكليه اتيييين تفهميييييييين ولا والله بالهنعال بلا عبط عاده امووووون ..
امنه : ميثوه وهليه ..
ساره : بتخبرج منوه اللي بيدرس انتي ولا هلج ..
وخلاف يوهن البنات ربيعاتهن الباقيات اللي في الصفوف الباقيه ..
موزه تربع صوب ميثه وتحضنها : ميثووووووه بتولهه عليج وايد وايد ..
ميثه : احم احم بعرس انا
فاخره : جب جب يله ماتعرسين الين انا ماعرس ..
ساره : قصورج بعد يالرميثيه اتعرسين واتخيلنا ...
ميثه : عنبوكن هيدن عليه كلتني ..
فاطمه : اصلا اذا هي بتعرس نحن متفقين ناخذ اخون ميثوه كوني على قد الاتفاق ..
ميثه : هيييه ان شاء الله ماعليه زهبي عمرج انتي بس ..
فاطمه : طبعا بعد وخبرت امايه ..
ميثه : انجبن انجبن اللي يقول الحينه اكوه المعرس واقف عند الباب ..
موزه : يوم ماشي معرس انقلعن كلكن برع ولا تنسن اليوم الحفله مالت التخرج في بيت قوم حصه ..
ساره : تعالن اشمعنى يعني الحفله في بيتكم حصه .. ؟؟
فاخره : ماماتي حبيبي وين تبينها يعني في الفندق هييييه عسبة هلنا ايقصونها الرقبه بيت ربيعتنا وياله ياله بطلعت الروح من مكانها .. ومع شروط بعد ..
حصه : والله الغاليه ساره سوينا القرعه ويت عليه شسوي عاده .. ههههههه . .
ساره : يالهكشششششششششه اللي عليج ..
حصه : ههههههه حليلها كشتيه شو تبيها اتغارين منها ..
وخلاف صدن على صوت نوره اللي كانت تربع واتصارخ ..
نوره وهي يايه تربع صوبهن وهن ميتات عليها من الضحك : يلعكن بريل ان شاء الله مسودات الويهه اشعنه تتطلعن وتخلنيه اروحي في القاعه ..
ميثه : امييييييييييييييييييييييي ييييييين
والباقيات : اميييييييييييييييين
ميثه : لا لا مايستوي مابيكن الريل انا قلت اول شي مالي خص انا انا ..
فاخره : هههههههه محد قالج لازم يعني اتمين اخر وحده عنبوه تاكلين الورقه شووووو
امنه : نواااري الظاهر بتكتشفين الذره في الورقه ؟.؟؟ الا بتخبرج شو اكتشفتي ؟.؟
نوره : ماشي قومن نظهر تبن حد يطردكن يعني
فاطمه : هي والله شكلهن هن ناويات عالطرده اليوم ..
حصه : عادي ايهون ثره الا اخر يوم ..
موزه : صدقتكن والله انا صراحه ماتحمل القفطه ...
وظهرن البنات برع وكل وحده ركبت سيارتها وراحوا بيوتهن لانه موعد حفلة التخرج باجر بالخميس ... في بيت حصه ...


الساعه 12 الظهر
خليفه كان قاعد في الخيمه مالتهم وكان يطالع صوب بيت قوم شمه وخلاف شاف سيارتهم يت ووقفت وشاف ميثه مستاتسه تربع ..

خليفه : فديييييتها اكيد مستانسه لانها خلصت ..


ميثه : امااااااااايه اماااااااايه ..
شمه : بسم الله اشعنه اتزاعقين شو مستوي ؟؟؟
ميثه : امايه خلااااااااص خلاااااص خلصت افتكيييييييييييت وقامت اتفرر كتبها ..
المر : الحمد لله والشكر يابنيه اعقلي هب زيييييين ..
شمه : ليكون انتي من نزلتي من السياره وانتي تربيعين ..
ميثه : هيييييييه اشعنه ..
المر : عافان الله الحينه الولد بيغير رايهه وبيقول هاي خبله ..
ميثه : ابويه اي ولد ؟؟
شمه : محد منوه اي ولد .. مايطري حد ..
ميثه : انزين انا بسير ببدل ثياااابي وبرقد امايه لحد يوعيني لين مانش رووحي اسبوعين صارليه مارقد فيهم عدل .. ارقد ساعه ولا ساعتين بس لو سمحتوا يعني .. خلوني ارتاح ..
المر : سيري حد قابضنج ..
شمه : اتغدي انزييين قبل ..
ميثه : لا لا ماروم اتغدا ابا ارقققققد وخلاف يوم بنش بتغدا واليوم اتظهرينيه من البيت ملانه انا ..
شمه : وين اوديج ثرج باجر بتظهرين حفلة التخرج شو كل يوم عيدج ..
ميثه : لا امايه بروح المارينا باخذ بدله ..
شمه : يميييييع البدل عندج ماتشبعين انتي كل اسبوع بدله ...
ميثه : ابويه عاده شوفها اللي يقول يابنت غيث انتي اللي بتتدفعين الله يخلي المر فدييييييته انا ..
المر : طالعي الحينه الله يخلينيه هاه ؟؟
ميثه : افا عليك يابو هزاع الله يخليك النا طول العمر ..
شمه : ماعليك ابها هاي بياعت رمسه ..
ميثه : انزييييييين انزييين بسير ارقد انا يله ماماي بابي سي يوه .. ويوم بيي هزاعوه الحشره لا تخلونه يوعيييييني ..
شمه : انزين خلاص روحي لوعتي ابجبديه .. حشا هذرباااان اربعه وعشرين ساعه اتهذربين انتي ماتهلكيييين
ميثه : ههههههههه لا ماهلك مسمتنيه على يدتيه وتبيني اهلك لا ماهلكت الغاليه ..
المر : الله يرحمها امايه ماكنت ترمس جذه شراتج ..
ميثه : ابويه عاده الحينه الزمان غير كل ماطال الزمن كثر الكلام ..
شمه : هي روحي ارقدي وهذربي روحج ..
وراحت ميثه عنهم غرفتها تنام .....
المر: تعالي ماقلتيلها عن سالفة خليفه ..
شمه : لا والله عدني ماقلتلها ..
المر : واشعنه حليلهم من متى يتريون هم ؟؟
شمه : انا قايله حق امه بنرد عليهم يوم الجمعه يعني ان شاء الله ورا باجر ..
المر : يله ان شاء الله .. الله يفرحني فيها وفي اخونها ويطرح فيهم البركه ..
شمه: امييين يارب ..


في بيت فاضل القبيسي
خليفه : اماااايه
عزه : تعال انا هنه في المطبخ
خليفه : شو تسوين ..
عزه : ماشي قاعده اطالعهم شو يخبصون حق الغدا ...
خليفه : امايه انزين البنت اليوم خلصت امتحانات متى بيردووووووون ..
عزه : وانته شدراك انها خلصت امتحانات ..
خليفه : نوف خبرتنيه ؟؟
عزه : هاي نوف ام البلاوي .. عنبوه اتريا توك اتقول اليوم مخلصه امتحانات وبعدين خالتك قايلتلي بترد عليه يوم الحمعه واتريا مابقا شي الا بعد باجر ..
خليفه : لا لا ماروم اصبر صبرت وايد .. انا
عزه : عنبوووووه ياخلوف صبرت اسبوعين هب رايم انك تصبر يومييييين ؟؟
خليفه : لانيه صبرت اسبوعين وسكتت فماروم اصبر بعد يومين ..
عزه : خلووف يله عاده عن الخبال هاذا .. اشعنه قرصك نيي ؟؟
خليفه : لانج ماطبختييييييه عدل عسب جذه هو نيي
عزه : الغالي ولد فاضل اتحاول اتخفف دمك ؟؟
خليفه : امايه عاده اضحكي اشعنه اتحبطيييييني
عزه : والله ياولديه ماسمعت رمسه انا اتضحكنيه عسب اضحك ..
خليفه : هههههههه
عزه : روح روح الميلس فج الباب خلنا انودي الغدا حق الرياييل .
خليفه : ان شاء الله امرررره ماطلبتي يام زايد على هالخشم ..
وراح خليفه عن امه ..


المغرب الساعه7
ميثه كانت توها واعيه من النوم ودخلت عسب انها تتسبح وهزاع وصل من الكليه وحط راسه ونام . ولبس ونزل عند امه ..
هزاع : امايه ..
شمه : لبيه الغالي ..
هزاع : انا بظهر تامرينيه ابحايه ..
شمه : لا الغالي مايامر عليك عدو اتحمل على عمرك ..
هزاع : ان شاء الله ماطلبتي يالغاليه . الا امايه مارديتوا على قوم خالتيه عزه ..
شمه : لا ياولديه عدنا شو بلاك انته وابوك اليوم برمس البنت وبشوف رايها وبخليها تستخير ربها ..
هزاع : هي والله زين اتسوين خير اهم شي الصلاه يله اللي يوفقها ويوفقنيه بعدها ان شا الله ..
شمه : اميييين
وان ميثه توها نازله من الدري ..
ميثه : هزاعووووووووه
هزاع : اصغر عيالج مسودة الويهه ..
ميثه : ههههههههه شحالك ؟؟ ووايهت اخوها ..
هزاع : والله ابخير وسهاله انتي علوووومج ..؟
ميثه : ااااف مرتاااحه ومكيفه على الاخر ماصدقت اخلص وافتك هم والله انه هم ..
هزاع : يله نتريا النتيجه ..
ميثه : لا لاااااااااااا لا تيب طاريها من حد يطريها يمغصنيه بطنيه ..
هزاع : لا ان شاء الله ناجحه ورافعه الراس ..
شمه : شو ماسويييتي زين وعقب كل هالتعب ..
ميثه : لا امايه سويت بس انا سويت اللي عليه والباقي على الله ..
هزاع : يله عيل انا ساير عنكم..
ميثه : تعال وين بتسير ..
هزاع : انتي شو يخصج حرمتيه شوووووو؟؟
ميثه : شو تببباااااني ادق حق حرمتك اخليها هي تتخبرك..
هزاع : الا شحالها .؟؟
ميثه : ماعرف ايقولون مرقده في المستشفى ..
هزاع : يالجللللللللللللبه علج بدالها ..
شمه : وايه بالستر اشعنه تتدعييييييييييين عالبنت حليلها .. الله يعطيها الصحه والعافيه ..
هزاع : اميييييين
ميثه : عنبوه كلتوووني الا روضوووووووه
هزاع : لا كله ولا روييييييييض ... وظهر عنهم خلاف .. وقعدت ميثه عدال امها اتشوف التلفزيون ..
شمه : ميثه اباج في سالفه ؟؟
ميثه : لا اول شي متى بتوديني المارينا .
شمه : باجر الصبح بنروح انا مادنيها الزحمه باجر نشي من وقت وبنروح وخذي اللي تبينه ..
ميثه : امايه عاده ابا اظهر انا
شمه : بس عاده صكيها الدعنه اباج في سالفه ..
ميثه : اوف شوووووو ؟؟
شمه : خالتج عزه تباج حق ولدها ؟؟؟
ميثه وهي منصدمه : منوووووووووه انا ؟؟
شمه : هي انتي منوه يعني انا ؟؟
ميثه : ليكون حق يبوور هاذا الخقاق يهبي ماباه ..
شمه : ياره الله يابر بلاه ..
ميثه من سمعة امها ترمس عن يابر : ليكوووووووون هو اللي خاطبنيه .؟؟؟
شمه : لا هب يابر ...
ميثه اونها تستهبل واتقول في خاطرها والله ونفذت كلامك ياخليفه : منوووووووه عيل
شمه : ولدها خليفه ... هاه شو رايج ؟؟
ميثه : مااعرف والله يامايه بستخير ربي وخلاف برد عليج ..
شمه : يله ان شاء الله .. الله يوفقج يارب ..
ميثه في خاطرها : امييييين يارب .. فديته فديته والله اني اموت فيييييييييه ..
وراحت ميثه صوب التلفون اتصلت ابربيعتها نوره : الو
نوره : هلا ميثاني علووووووومج ؟.؟.
ميثه : بخير وسهاله انتي اعلومج ..
نوره: ابخيييير
ميثه : نوراي الحقي ..
نوره : رب ماشر شو مستوي ؟؟
ميثه : دعوتج استجاااااابت ..
نوره : لااااااااا ههههههههههه ياج ريل ؟؟
ميثه : هيه عاده نواري لا تسوين النا سي ان ان ..
نوره :افا عليج ياميثه اتحيدييييين نوره جذ ه .. ؟؟
ميثه : لا انا واثقه بس احب ااكد....
وقعدن ايسولفن وخلاف راحت ميثه غرفتها واتوضت واستخارت ربها وردقت ...

يوم الخميس ..
الساعه 9 الصبح ..
ميثه: اماااااااايه ..
شمه : تعالي انا هنييييييه
ميثه : امايه يله عاده متى بنروح ..
شمه : اعنبوج هيدي علينا حتى المحلات مافتحن ..
ميثه : لا امايه فتحن يله اماااايه عاده ..
شمه : لاحول ولا قوة الا بالله انزين سيري هاتي عباتي وشليتيه من فوق ولبسي وخلاف نزلي تحت يله عاده هب ترقدين لي فوق ..
ميثه : افا عليج يامايه دقيقه .. وتمت تربع عالدري
شمه : لا تربعييييين بطيييييييحين ..
ميثه : انزييييييين
ورراحت ميثه فوق ويابت عباة امها وعطتها اياها .. ولبست شمه عباتها وظهرن وركبن السياره وهن في السياره ..
شمه : ميثه
ميثه : لبيه
شمه : لبيتي حايه .. استخرتي ربج البارحه قبل لا ترقدين ولا لا
ميثه : الحمد لله
شمه : وشو خير ان شاء الله شو شفتي ..
ميثه : امايه شفت اني انا كنت قاعده في مكان وكنت قاعده اتحنى وكنت مستاااانسه وانتي كلكم كنتوا حواليه وكنت لابسه حجاب ابيض بعد ..
شمه : الحمد لله خير يابنتي الله مارادج لعبد الله ورادج لخليفه وريحج صوبه .. والحنا فرحه وراحه في الحلم والحجاب ستر للبنت الله يستر عليج ان شاء الله ...
ميثه : امايه بقولج شي بس اوعدييني انج ماتزعلين عليه .. وماتقولين لحد .. عن هالشي ..
شمه : انا ازعل عليج واقول حق حد افا عليج ياميثه اتخشين عليه ماحيدج ..
ميثه : امايه انا يوم بعبد الله تراني ماصليت استاخره انا ماكنت اباه لاني كنت اعتبره مثل اخويه وماتخيل في يوم ايصير ريلي لو حتى ضغطت على عمريه مابروم تتدرين ليش ؟؟؟
شمه : ليش ..؟؟
ميثه : لاني ابا خليفه ..
شمه : شوووووووووووووووو ؟؟؟
ميثه : امايه لا تعصبين يعني البنت اول ماتكبر منوه اتشوف جدامها غير ولد اليران والولد منوه يشوف جدامه قبل اي حد غير بنت اليران ..
شمه : صدقتي فالهشي .. يعني هو يبااااااج وانا مابزعل عليج بالعكس دامج صارحتييييييني اكيد ماصار شي ..
ميثه : امايه انا اسفه بس مااقدر اخذ الا الانسان اللي قلبي ارتاحله من اول يوم شفته فيه ..
شمه : والله يابنتيه انيه حاسه باحساسج وانا كنت اصغر عنج يوم بغيت ابوج وشفته وبغيته وبعد كان ولد خالتيه يباني بس مابغيته اخترت ابوج ..
ميثه : وانا اقول على منوه انا ظاهره ثرني عليج ..
شمه : لا بس خليفه هب ولد عمج .؟؟
ميثه : صح بس يعني ..
شمه : يله الله يكتب اللي فيه الخير يابنتي ويوفقح ويسعدج وياه
ميثه : امييييييييين
ووصلن خلاف ميثه وشمه المارينا ونزلن هناك وحدرن تمن يدورن هناك بس ماحصلن شي عيب ميثه وقالتلها انه تبا اتروح فتوح الخير اتشوف اورجيم .. وخلاف راحن مركز فتوح الخير وحدرت ميثه وعيبتها بدله مع هاي نك وخذتها وردن البيت ...

هزاع كان ويا ربعه في المارينا الصبح . في ستاربكس قاعدين .. وكان رايح يطلب من الكونتر ..
خليفه : مرحبا الساع ..
هزاع : حييييييبه القبيسي مرحبا ملاييين ولا يسدن ...
خليفه : المرحبا باجي اعلومكم
هزاع : بخير يعلك الخير ومن صوبك ..
خليفه : والله ابخير وسهاله مانشكي باس
هزاع : الا منوه وياك ..
خليفه : والله محد بس انا وبوسنيده الفلاحي وحميد عمك وعبدالله المري ... قاعدين هم هاك الصوب ..
هزاع : ياحيهم والله
خليفه : وانته من وياك ؟؟
هزاه : انا ونهيان الهاملي وعلوه الجتبي ريال من العين ويانا في الكليه ... تعال بسير اسلم عليهم ..
وراحوا خليفه وهزاع على طاولة قوم خليفه وسلم هزاع على الشباب..
هزاع : اشعنه انته اهنه ارواحكم ونحن هناك اروححنا ..
حميد : اشعنه امنوه ثره وياك انته ؟؟
هزاع : نهيان الهاملي وعلي الجتبي واحد من العين ..
حميد : والله نهيان ا علومه ...
هزاع : تعال هناك وبنقعد كلنا ارباعه وبتعرف اعلومه ..
خليفه : يله سرينا .. نقعد كلنا ارباعه اخير ..
وقاموا حميد وخليفه وراشد وعبد الله راحوا صوب طاولة قوم هزاع ..وقعدوا الشباب كلهم على الطاوله وخلاف ين بنتين وقعدن حذالهم
حمده : ودوووووووووم جوفي هاذا بو غتره حمرا محلاه ياويلي ايعق الطير من السما .. كانت تقصد خليفه
وديمه : يلعج العوق يا حمدوه اشتبيبهم يايبتني اهنه عسب اتقولينليه جذه ..
حمده : ودوووم حرام عليج من يوم كنت قاعده امشي فوق وهو عايبني ياويلي طالعي شعره ظاهر من تحت الغتره .. اف اف يالبييييييه ..
وديمه : هيه والله صدقج انهم مزايين طالعي كل واحد احلا عن الثاني .. وصدت وديمه فجاه ويت عينها في عين هزاع ويوم شافته قعدت تتطالعه وتتبتسم واتسويله حركات .. ويضحكن بصوت عالي ..
هزاع : بسم الله الرحمن الرحيم عافان الله هاي اشكال بنات عرب صدوا صدوا بالله عليكم طالعي خلصت الميك اب كله على ويهها ..
نهيان: شوووووو اول مره اتحطيييين مكياج .. صبوره هب عيون ..
خليفه : شو تبابهن خلهن ينقلعن ..
حميد : طالعوا قوية الويهه كيف تتطالع ..
راشد : ههههههههه طالعوا قصتها جنها مدرسه مجلوبه ..
عبدالله : ههههههههههههههههااااااااا ااي
وقعدوا الشباب يضاحكوووون عليهن ...
حمده : اشعنه يضحكوووووون
وديمه : ياربي طالعي هذاك بو غتره بيضا اليوم انا هب ظاهره من اهنه الا ويايبه رقمه ..
حمده : والله وانا بعد ياربي محلاته ودوم سمعي شو بقوله .. صوبناااااااا يالحلو ..
انصدموا الشباب من الحركه اللي سونها البنات ..
حميد : اقول شباب مشكله ثرهم اللوث ..
خليفه : مشكله وبس الا مشااااااكل .. عافان الله هاذا شكل..
نهيان : والله لو اتموتيييييييييين جدامي مادزيتلج ويهه ..
حمده : منوه قالك اني انا اباااااك وقعدت تتطالع خليفه ..
خليفه : انتي تتمنييين الارض اللي يمشي عليها تفهميييييين وقعد خليفه يطالعها باحتقار ..
حمده قفطت من نظرة خليفه الها وشلت ربيعتها وديمه وروحت عنهم ...
هزاع : ههههههههههه ياريال اخيرا اللوح حس ..


الساعه
6 المغرب
خلصت ميثه تعديل وكانت ماشاء الله عليها جميله .. ولبست عباتها وشيلتها وخلاف وحطت غشوتها على ويهها وظهرت مع الدريول والخدامه وراحت صوب بيت حصه اربيعتها .. وهي في الطريق كانت شاله تلفون امها معاها واتصلت بروضه ..
ميثه : مرحبا ملايين بالشيووووووخ
روضه : فديييت هاليويه يالصخله اشعنه قاطعه من اسبووووووع والبارحه خلصتي امتحاناتج اشعنه مادقييييييتي .. ؟؟؟
ميثه : عنبووه شو بلاج جذه جنج عيوز وسارقين عشاها عنها ؟؟ هيدي عليه ..
روضه : هاه هيدت عليج يله رمسي
ميثه : والله سمحيلي غناتي البارحه يوم وصلت من الامتحان تعبانه والله انيه حتى الغدا ماتغديييييته واليوم الصبح رحت المارينا وخلاف ييت البيت تغديت واربع ساعات وانا استشور شعريه واعدله ..
روضه : هيه صح ماشاء الله انتي شعرج يباله وقت .. اشعنه مارحتي الصالون جان خلصتي ابسرعه ..
ميثه : قولي حق عمتج ماطييع اونه لا شو يوديج الصالون وانا تعبانه وهب متفيقه استشوري اروحج .. واستشورته المهم مابطول الرمسه اتوقعي صار شي قوي ...
روضه : افااااااااااااااااااا شو صار ؟؟
ميثه : انخطبببببببببببت
روضه : شوووووووه منوه ليكون خلوف
ميثه : يالبقررررررره لا اتقولين خلوووف
روضه : هههههههههههه واشعنه اتقولينها بصوت واطي ... ماشي ماااشي قوليلي السالفه كيف صار وكبيف خطبج نحن نتريا هالشي من سنه الحييييييييينه ..
ميثه : اسكتي الله يخسج فضحتينا روميو وجولييت ويايه خلاف بخبرج .. .
روضه : ههههههههه دريولكم وخدامتكم هههههههههه .
ميثه : منوه عندي غيرهم.. وانا الحينه رايحه بيتكم حصه اربيعتيه عسب الحفله ..
روضه : ذكرتييييني باللي مضى ..
ميثه : هههههههه اقول يله انا وصلت وخلاف يوم برد البيت بتصلبج ..
روضه : تعالي يالعنننز ليكون انتي فاااااااجه شعرج ؟؟
ميثه : لا طبعا مااااااافييييني وبعدين تبين امايه تجتلني شووووووه
روضه : هي ماشاء الله انتي شعرج لين ركبج بعد تفتحينه عزات رحتي فيها .
ميثه : هي والله اعيون الناس ماترحم .. خلاص يله برايج اوكي ..
روضه : اوكيك غناتي باي ..
ميثه : باي ..


الصبح الساعه 10
يوم الجمعه
شمه : الوووووو
نوف : الوووووو مرحبا
شمه : مرحبا الساع هلا بنوف اشحالج فدييتج ؟؟
نوف : بخير الله يسلمج خالتيه اعلومكم انتوا
شمه : بخير وسهاله يعلني افداج .. الا امج حذالج ؟؟؟
نوف : لحظه الغاليه ..
شمه : ان شاء الله
وراحت نوف تزقر امها وكانوا قاعدين كلهم في الحوي ..
نوف : ا مايييييييه اماييييييه
عزه : خيييييير يانوف
نوف : امايه تعالي تلفون خالتيه شمه ..
عزه : ان شاء الله يايه ..
وخليفه من سمع طاري شمه اتخبل ولحق ورا امه
عزه : خيييييير اشعنه لا حقتيه الغالي
خليفه : كيييييفي امايه وبعدين اليوم الجمعه وخالتيه شمه متصله وانا هب مرتاح من يومين ابا ارتاح ابا شي ايرحينه انا مضايق مضايق ..
عزه : وايه بالستر واشعنه جذه تتحرطم جنك فقير عند باب المسيد يله تعال ورايه واتسمع
خليفه : طبعا يعني شو بسوي غير هالشي ..
وراح خليفه ورا امه وقعد حذالها ..
عزه : مرحبا الساع ..
شمه : هلا بام زايد شحالج ؟؟
عزه : بخير غناتي وانتي شحالج وشحال عيالج ..
شمه : بخير وسهاله الحمد لله ... وشحالهم اعيالي ..
عزه : بخير ونعمه ..
شمه : الا الغاليه انا مابغيت اطول عليج بس لانيه واعدتنج انا اليوم الرد بيكون ..ابو البنت موافق وهي موافقه والحمد لله صلينا استاخره والله يوفقهم ان شاء الله ..
عزه : امييين الغاليه ويطرح فيهم البركه ويرزقهم الذريه الصالحه ..
خليفه : من سمع هالرمسه طااااااااااااار من الفرحه وكانت فرحته ماتنوصف ...بس كان يحاوول انك يمسك عمره كثر مايقدر بس فرحته كانت اكبر .. وقعد يضحك في مكانه .. وقعدن ايسولفن اشويه وخلاف سكرت عنها
خليفه : هاه امايه شو استوا ؟؟
عزه : ماشاء الله على ولديه يستهبل .. امايه خبله انته ولا شووووووه بسم الله عليك توك من الصبح تضحك ومستانس وعلى مااظن سمعتنيه شو قلت حق خالتك ..
خليفه : لااااااه لاااااه اماااااايه قوووووولي ... فديتج يامايه انج اتقوليييييييييين
عزه : هيب قايله ونشت روحت عنه ...
وهو يلحقها ويتحرطم وراها ..
خليفه : اماااااايه
عاشه : شو بلاه هاذا اليوم
عزه : اشدرانيبه اتقولين هندي وهب بايع بضاعته ..
خليفه : انزيييين امايه
عزه : هاه يالوعت امايه هاه ..
فاضل : انته اشعنه قاذي امك قذا
خليفه : ويت ويت بابي ويت امايه ابا املج ..
عزه : اعوذ بالله منك يابليس اشعنه مستعيل.. لا لا ماشي اتريا شهر
خليفه : هاااااااااااااااق شهر لااااااااا منوه قالج شهر والله الاسبووع الياي مالي خص انا ترا والله مابعرس مول ..
نوف : وشو تبانا نلبس نحن ان شاء في الاسبوووووع ..
عفراء : والله الجااهز مايقول شي وبعديين دام الولد مستعيل خلووه يعرس اشعنه تمنعونه ..والحمد لله مافي شي عنده عسب يترياه ..
خليفه : عاشت بنت خاليه عاشت ..
عزه : لا لا يهبي منوه قاله ؟؟ اشعنه الشور شوره ونحن ماندري ..
خليفه : اماااايه عرسي هاذا شوووو هب شوري شور منوه يعني ؟؟؟ البنت وانتي اختاريتيلي اياها وعلى شورج خليني املج على شوري ..
فاضل : خلاص خلوه يملج وان شاء الله باجر فليل نحن بنروح نخطبها وبنحدد موعد الملجه من عند ابوها ..
عزه : والله الشور شوركم وانا اممره مايخصنيه بس جبديه لاعت منكم .. بس اقولك من الحينه يوم بتملج عليها ماتقول بشوفها ولا بكلمها ماشي عنا هالحركات واتقول حرمتيه تراك بتنضرب ضرب ..
خليفه : فدييييييييتج يامايه وحبها على راسها ... ههههههه انزين خلاص مابشوفها ولا بكلمها بس اهم شي وافقي ..
عزه : ان شاء الله
وخلاف راحوا الشباب يتسبحون وراحوا المسيد يصلووون ... وساف فاضل المر في المسيد وسلم عليه واتفق وياه انه باجر فليل بيسرون بيتهم .. عسب انهم يتفقون على كل شي ...


الظهر الساعه 2
في بيت المرحوم غيث

ام حمدان : يله سلطان قوم بنسير الجمعيه نشتري اشوية اغريضات حق البيت ...
سلطان : لا امايه انا ياي تعبان من المسيد هاذوه منصور خليه ايوديج ..
ام حمدان : قووووم يله قوم . نش اصطلب ابسرعه ..
سلطان : منصور شووووووف هاي النمبر قيني والله انها طر ..
منصور : هي والله ياخي هاي اجنننننن اقولك هاك اليوم شايف وحده صراحه ماعليها كلااااااام لونها ذهبي فاتح وعليها الجلد نفس اللون ياريال شو دلع ...
سلطان : امايه خلاص انا باخذ نمبر قيني
ام حمدان : شو هالعله بعد ..
ومسك سلطان يراوي امه الكتلوووووج : امايه هاي اللي في هالصوره ..
ريسه : عاده انته سلطان ماتشبع كل سنه سياره ..
سلطان : والله انتي تتدفيعن شي من جيبج.. ؟؟ وانا مادري
ريسه : هييييه توك تتدري
ام حمدان تسحب سلطان : يله يابويه اتاخرنا عاده
سلطان : لا لا مابا امايه اشتريلي اياها مالي خص ..
ام حمدان : انزيين بنسير اشويه وبنرد نشتريها حقك يله عاده حيرتنا ......
شمسه : هههههههههههه طالع والله مسوتنه ياهل اونه بنسير اشويه وبنرد ناخذلك اياها ..
العنتود : حليله .
سلطان : لا امايه حرام اباها
منصور : امايه تتدرين بكم..
ام حمدان : بكم ..
منصور : امايه بمليووووووووون
ام حمدان : ولقعة اليد سياره بمليون ..
وترد مره ثانيه تسحب سلطان من ايده اللي كان قاعد يتصفح الكتلوج ويباها ..
ام حمدان : يله عاده نش يابويه نش اللي يهداك ان شاء الله ..بشتريلك اياها ببيع المزرعه وبشتريها .. طبعا كانت تتطنز عليه ..
سلطان : يله انزين انروح ...
ريسه : الووووووو&#60;&#33;-- / message --&#62;
شمه : مرحبا بريوس علومج
ريسه : مرحبا شميم بخير وسهاله شحالج وشحال عيالج؟؟
شمه : والله ابخير وسهاله كلهم ابخير .. اسمع عنكم حشره شو عندكم ؟؟
ريسه : تعرفين انتي السيد سلطان قاعد يتشرط على امه يبا نمبر قيييييني وهي تبا اتروح الجمعيه ...
شمه : هههههههه حليله مسكين بيبطي الريال .. عيل وين امايه ؟؟
ريسه : يوم اقوله . اماااااااايه تعالي شميم تباج ..
ام حمدان : مرحبا بام هزاع ...
شمه : المرحب باجي يامايه علومكم ...
ام حمدان : بخير وسهاله علوم عيالج ..
شمه : والله الحمد لله كلهم ابخير ..الا امايه ادريبج بتروحين الجمعيه .. بس بغيت اخبرج انه خليفه ولد يارتيه عزه خطب ميثه وصلت استاخره والحمد لله ..
ام حمدان : والله زييييييين يله الله يوفقها ان شاء الله مدام الله ماسوى النصيب مع ولد خالها الله ان شاء الله يوفقها معاه ويسعدهم يارب ..
شمه : اميييين يامايه . يله عيل ابرايكم بتصلبكم اخلاف يوم بتيييين ..
ام حمدان : هيه والله عن لا يشرد عنيه ويخلني .
شمه : حليلج يامايه يله فداعة الله ..
ام حمدان : فحفظ الرحمن يابنتيه ..

ورسكرت ام حمدان ويرت سلطان صوب السياره وراحت الجمعيه . وهم في الجمعيييييه ..
سلطان : امايه امايه ..
ام حمدان : نععععععععم
سلطان : امايه شفي هالبنت كيف تتطالعني ..
ام حمدان : ابويه ثره الزين الا من عقبك عسب جذه تتطالعك وايه اتراب وسوتله مالت جدام البنت ..
سلطان : اااخ ويهيه طالعي البنيه تتضحك ..
وصدت عليها ام حمدان
ام حمدان : اشعننننننددددددددددج ؟؟ تضحكيييييييين ام وولدها ...
البنت وهي قافطه من ام حمدان نزلت عيونها وراحت عنهم ....
سلطان : امايه هاي اربيعتيه اشعنه اتسوين فيها جذه ؟؟ ؟
ام حمدان : هب انته اللي مخبر عليهاااااا ؟؟
سلطان : حليلها حلوه ...
ام حمدان : حلك حلول ان شاء الله انا يابتنك اهنه عسب اتغصص عليهه انقلع في السياره ...
سلطان : لا لا خلاص والله خلاص ..
ام حمدان : تنجب ولا تتكلم ولا كلمه ..
وخلاف لفوا صوب الدياي والسمج
سلطان : امايه شو هالسمجه .؟؟
ام حمدان : انته هاي ..
سلطان : انا سمجه ..
ام حمدان : شاله الغرشه مالت الكاتشب وتبا تضربه فيها ..
سلطاان : لااااااااااا ماما هيدي هيدي .. خلاص خلاص بنجب والله بنجب ..

وردوا خلاف البييييييييييت وشافوا ميره هناك .. وخبروها بسالفة ميثه وخليفه ..

في بيت حمدان
المغرب الساعه 7

ميره : حمدان تتدري انه بنت اختك ميثه انخطبت ..
حمدان : والله زييين مبروووووووك تستاهل حليلها مدام ولدج مابغاها ..
عبد الله انصدم كانه حد قبض روحه: تستاهل بنت عمتيه حليلها ..
ميره : يالله الله يوفقها ان شاء الله ..
روضه : اميييييين ...
ميره : ويسعدكم وويفقكم يارب العالميييييييين ..
عبد الله : امييييين يا امايه الا امايه اقوووووول ..
ميره : لبيه قوووووول .
عبد الله : امايه انا بغيت اخطب علياء بنت خالتيه صفيه ..
ميره : والله هاذا اخيرر راي من زمان اقولك وانا تبا بنت عمتك والحينه رديت تباها ربك انه نصيبك ايكون معاها ..
عبد الله : ان شاء الله
حمدان : ياحيها والله بنت محمد ماعليها كلام ...
روضه : صراحه علايه قمر ومافيها شي يعيبها ويسد انها تباك وانته تتدري بالهشي
ميره : عنلات اصداج اشعنه تفضحين البنت برايه ولو تبغيه هب غريب ولد خالتها انطمي يله ..
روضه : هييييهه بنت ختج ماترضييييين عليها
ميره : هي ماارضى عليها
عبد الله ساكت والكل كان ملاحظ انه حبه لميثه غير وان في شي صار وفرق بين ميثه وعبدالله لكن محد كان يعرف فيه الا عبد االله وروضه لانه قبل يوم كانوا ايبون طاري ميثه لو بزله بسيطه كان ايقوم عليهم القيامه والحينه علياء بالنسبه له شي عادي مجرد انسانه بيرتبط فيها وبياخذها وتكون بنت خالته ...

في بيت المر
فاليل الساعه 10

المر : شمممممممممه
شمه : لبيه الغالي
المر : يعلني افداج باجر بيمر صوبنا فاضل وعياله بيخطبون البنت وبيحددون موعد الملجه
شمه : حبااااااااهم الله خير ان شاء الله
المر : هالله هالله في الفواله اللي ترفع الراس
شمه : افا عليك يابو هزاع اتوصييييني انا على هالشي مايهمك ..
المر : ماعليج زود يابنت غيث . وخلاف راحوا شمه والمر يناموووون ..
ودقت خلاف ميثه حق لروضه ..
ميثه : الووووووو
روضه : هلا بالعروس
ميثه : يالخايسه لا اتقولين جذه استحي ..
روضه : واييييه بسم الله الرحن الرحيم منوه اللي يستحي انتي لا لا ماصدق بنتحر انا الا بتخبرج السيلانيات وين يستحن بعد ..
ميثه : جب جب اوكيييييييه
روضه : يالصخله بتعر سييييين قبلي يعني ؟؟
ميثه : اممممممم مادري هم بيونا باجر وبيحددون بس اللي سمعته انه خلوف مستعيل ..وبس سمعت ابويه ايرمس امايه . ويقولها انهم بيون صوبنا باجر ..
روضه : هب منه منننننننن
ميثه : يالخايسه جب جب اوكييييييه
روضه : اوكي جب هاه سكتنا ..
ميثه : سخيفه تتدرين
روضه : لا الشيخه مادري تعالي شحاله هزاع فدييييييته
ميثه : ابخييير اليوم روح الساعه اربع ..
روضه : حليله والله اف بقاله سنه ونص وايد ...
ميثه : ماادري منوه اللي مستعيل خليفه ولا انتي ؟؟
روضه : هههههههه حقيره انزين قوليلي شو صار ؟؟
ميثه : شو صار يعني مثل ماقتلج خالتيه عزه خطبتنيه وخلاف صليت انا استخاره والحمد لله ارتحت ورديت عليهم خبر والله يارويض ماتتصورين الراحه الللي كنت مرتاحتنها في الحلم ..
روضه : يله عساه دوم ان شاء الله والله لا يغير عليكم هالفرحه ..
ميثه : امييييييييييييييييييين
روضه : عافان الله من الخاطر
ميثه : طبعا شو تتحرين يعني ؟؟
روضه : قولي مبروك
ميثه : مبروك
روضه : عبود اخيرا رضا في بنت خالتيه علايه ..
ميثه : واللللللللله زيييييييييين يله اللي يوفقه ان شاء الله
روضه : اميييين يارب ..
وقعدن ايسولفن اشويه وخلاف راحت ميثه غرفتها ونامت .

العصر
ميثه كانت تتطالع خليفه اللي كان توه بيشغل سيارته وبيروح ..
ميثه : لا حول وين ساير هاذا بعد ..
وقعدت ميثه تتطالع حريم اخوانه اللي كانن يظهرن ويردن مع ريايلهن واتشوفهن مع عيالهن .. واتشوف حياتهم وكانت اتقول في خاطرها ..
ميثه : ياله يارب متى باخذه وبظهر وبروح وياه نحن كل شي ممننوع ومنقود . يارب انك اتوفقنا يارب يارب ..والله ياخليفه والله اني اصونك في غيابك قبل حضورك ..

وخلاف عقب ساعه شافت خليفه راد البيت ونزل من سيارته ودخل داخل وخلاف كمل ربع ساعه وظهر وطول الوقت كانت ميثه قاعده تتطالعه وخلاف ياها راشد اخوها يدق الباب ...
ميثه : هاه رشود شو تبا ..
راشد : امايه اتقول نزلي تحت المطبخ ساعديها ..
ميثه : اوييييييييه شت نسيت والله انه قوم خليفه بيون عندنا ياربيه يالفضيحه اللي يغربل بليسك ياخلوف الله يشوفك ينسى كل شي هالدنيا ..
راشد : اشعندج تتحرطميييييييييين
ميثه : ماتحرطمت خلاص انته انقلع والحينه انا باي ..
راشد : انقلعي انتي يلللللله
وتربع ميثه وراه عالدري وهو يربع بيروح عند امه في المطبخ ..
شمه : انا كمن مره قايلتلكم انتوا الاثنينه عن المرابع ؟؟؟ خيول شوووووه ؟؟
ميثه : ههههههههه
شمه : صه صه وتضحكين بعد هاي انتي البنت العوده جذه اتسوين بدال لا تعلمينهم ...
ميثه : امايه عاده شو سويت اشعنه ايقوليله انقلعي ...
راشد : امايه هي اللي قالت قبل ..
شمه : انتي حدري يله داخل سوي شي ترا حتى قوم خالتج عزه بيمرون صوبنا ..
ميثه : اف امايه يالقفطه لا لا ماروم ماروم ..
شمه : عيييييب ومنقود البنت اتقول مارو م الحرمه اترحب بالعرب ...
ميثه : ان شاء الله ادري كم تعلميني في هالكلام حفظته والله خلاص انا تربيت عالهشي بس استهبل .. جوفي انتي دوم اينج حريم منوه يرحب فيهن ويقويهن يوم انتي محد ..
شمه : ماعليج رمسه يابنت المر ..
ميثه : طبعا وبنت شمه بعد ..
شسمه : يام لسان طويل انتي يله روحي
ميثه : انزين
شمه : رشووود اشعنه تشرد تتحراني ماشوفك مسود الويهه يله رد داخل بسررررررررررعه
راشد : امايه بس دقيقه
شمه : انجب اخيرلك وانقلع داخل افتحلك كتاااااااب يله
راشد : والله يوم اخلص اظهر بتشوفيييييييييين
شمه : بسرعه اتحرررررررك
راشد : انزييييين
وراح راشد داخل وقعد يدرس وراحت شمه عند ميثه في المطبخ وخلصن شغلهن وخلاف راحن اتسبحن واتعدلن ودخنن البيت وقعدن يتريون العرب فتحوا الميلس حق الرياييل والصاله حق الحريم

عالساعه 8
وصلوا بيت فاضل بيت المر وحدراوا عندهم ...
فاضل كان ياي مع خليفه وزايد ونهيان .. وعزه كانت يايه مع عفراء وعاشه ..
فاضل : والله اليوم يالمر نحن طالبين منكم القرب في بنتكم
المر : والله والنعم الساع يافاضل افا عليك بنتنا هي بنتكم وامره لو هي ذبيحه ماتغلا عليكم وبتوصلكم ابعابتها ..
فاضل : ماعليك زود يالغالي وهاذا العشم فيك ...
المر : تسلم الغالي ...
فاضل : ونحن يايين انحدد وياكم الملجه الاسبوع الياي وان شاء الملجه عقب شهرين باذن الله ..
المر : افا عليك ان شاء يافاضل الله تامرون فيه بس قبل بنشاور الاهل وخلاف بنرد عليكم ..
فاضل : على خيرة الله ان شاء الله
المر : ان شاء الله وقعدوا ايسولفون وخلاف اتعشوا عندهم وردوا البيت ..

شمه : ميثه ترا هم محدديين الملجه الاسبوع الياي والعرس عقب شهرين شو قلتي ..؟
ميثه : امايه شووووه ليش جذه ابسرعه ..
المر : مادري عمج فاضل ايقول انه ولده مستعيل ويبا يعرس وكل شي جاهز ...
ميثه : والله مادري انتوا شو اتشوفون
شمه : والله ياميثه خلاص مادام الريال شارنج ويباج الله يسوي اللي فيه الخير خلاص يامايه وافقي واخير عن خليفه مابتحصلين ثرج ...
المر : وان اشهد ياميثه خليفه ريال وماعلينا نحن من هالرسميات كلها نحن نشتري رياييل وخليفه الف واحد يتمتى انه يناسبه ..
ميثه وهي مستحيه : على كيفكم وراحت عنهم غرفتها ..
المر : ماشاء الله يا شمه وين ميثه اللي البارحه انتي شالتنها على جتفج واليوم عروس ..
شمه : هاذا حال الدنيا يالمر ولا انته تبا طول عمرك شباب ..
االمر : لا الغاليه انا طول عمريه شباب ..جان الا انتي عيزتي شي ثاني
شمه : باين هههههههه... يله ان شا ءالله يخليك الهم واتشوف عيال عيالهم ..
المر : اميين ان شاء الله ..


الصبح
الساعه10
ميثه : امايه انتوا تبون الملجه يوم الخميس واليوم الاحد ومابقى شي غير 3 ايام وانا مابخلص فيهن ..
شمه : لا ان شاء الله بتخلصين اليوم بنروح اندورلج فستان وباجر اتحني واللي وراه ان شاء الله حطي مكياجج والملجه ...
ميثه : امايه مارووووووووم
شمه : لا الغاليه بترومين لانج انتي الللي تبينه ..
ميثه : امايه لا اتقولين جذه استحي انا عاده ..
شمه : ههه فديت اللي يستحي فديت بنتي والله كبرت واستوت حرمه والبارحه دقيت حق يدج وخبرنتها انج بملجين قعدت اتصبح حليلها ..
ميثه : فديتها والله
شمه : يله ميثه قوومي خليني الحينه انروح انجوف وان ماعيبنا شي بوديج دبي العصر وبنطالع شي زاهب ..
ميثه : انزين ان شاء الله ..
وراحن ميثه وشمه بوظبي مول والمارينا مول وماحصلن شي وخلاف راحن دبي الستي سنتر وحصلت فستان حلو لونه بني مع ازرق فاتح .. وخذته وردوا خلاف بوظبي ... ويوم الاربعاء يت الحنايه بيت قوم المر وحنت ميثه مع شمه

يوم الخميس
العصر الساعه 4
ام حمدان : يله اعنبووووووكم اتحركوا شو تتريون تاخرنا عليهم
ريسه : امايه انا مخلصه ..
ام حمدان : ووينها هند ..
هند : امايه عاده يايه صبري البس خلفون نعاله هيدوا دقايق ..
ام حمدان : محد قالج من الصبح قاعده يله ركبوا السياره ...
هند : امايه وشمسه والعنود وساره منوه بيبهن ...
ام حمدان : بيين مع ريايلهن فليل ..
هند : يله عيل انروح ..
ريسه : يله بسرعه والله مالت الصالون بتوصل ونحن عدنا ماوصلنا وهي اروحها يايه حقنا ..
ام حمدان : ترانا بنمر على روضه بنشلها معانا وخلاف امها فليل بتي مع حمدان ...
ريسه : انزين يله ارمسن في السياره ..
وركبن ام حمدان مع هند وريسه مع الدريول ومروا على روضه ووداهن الدريول بوظبي .. وخلاف وصلوا هل العين بوظبي ونزلوا واول مانزلوا شافوا وحده من صالون عروس الخليج يايتنهم .. البيت وحطت ميك اب حق ريسه وروضه وهند .. اما بالنسبه لروضه يتها عائشه المطوع من الشارقه وحطتلها الميك اب وسوتلها مالت عروس الخليج التسريحه ..
هند : شميم اشعنه ماحطيييييييييييتي ميك اب
شمه : والله ياختيه انا دقيقه ماعندي من الصبح مجابله المطبخ والله انيه هب متفيقه موليه
هند : الله يعينج ان شاء الله يله ترا هاذا كان حال امايه يوم عرسنا ..
ام حمدان : هيه والله والحين اجوف بنتيه وقامت ام حمدان ادمع عيونها ..
شمه : ياله يا هند جانج ملعوزتنها خلالص عاده يامايه ..
ام حمدان : خلاص ثرني انا ساكته ماقلت ولا حايه ..
ريسه : اشعندكم متيامعييين على ماماتي ...
شمه : ماشاء الله ياريسه قمر ثرج اليوم بتظوين على واحد من بوظبي
ريسه : لا لا انا ماداااانيهم شباب بوظبي ههههههههه لا لا ماقدر واحد من بوظبي لا لا بيبطي ..
هند : امحق ليل اشعنه تتمدحينها هاي ويهه مديح ..وانتي الود ودج بس تظوين على هل بوظبي ..انتي اللي بتبطييين هب هو
ام حمدان : صخن عن ريسه فديتها محد يطريها ..
ريسه : احم احم ..
شمه : الا روضه وينها ..
ام حمدان : تتخبرين عن روضه اكيد عند بنتج ميثه وين بتكون يعني ..
شمه : ههههههه حليلها والله انزين وينهم حريم اعيالج امايه ..
هند : كل وحده لاصقه بذيل ريلها وبتي معاه ..
شمه : هيييييييه حليلهن حياهن الله .. يله سمحولي بروح اتسبح واتعدل اشويه عن الريحه هاي مالت المطبخ ..

في غرفة ميثه ..
ميثه : لا لا رويض ماصدق ..
روضه : ههههه لا لا صدقي عادي فدييييتج والله انج قمر ياميثه ..
ميثه : رويض عاده بس خلاص .. ماروم استتتتحي
روضه : فديييت اللي يستحي انا فديييييييته ..
ميثه : رويض روحي ازقري خالتيه هند من تحت ..
روضه : من عيووني يالعروس
ميثه : والله اعطيييييييييييج كف
روضه : مالت عليج انتي ويهه مستحى ولا ويهه حشمه امحق ليل .. وراحت عنها تحت
روضه توها نازله من الدري وشافت هزاع جدامها . وهي تتحراه مانتبهه الها وتوها بتلف عنه بتشرد فوق مره ثانيه ..مسكها من ايدها ..
هزاع : ياحلو انته ..
روضه : فج ايديه والله كف عويهك ..
هزاع : عوذ بالله منك يابليس سلمي انزيييييين........ اشهد انج انتي الريال هب انا
روض : هازعووووووووه فجنيه والله انيه اصارخ وايمع البيت ابكبره عليك ..
هزاع : عادي بقولهم اني احبج .
روضه : اف تقهههههررررررني خاطري اذبحك..
هزاع : افداج
روضه وهي تعيب على هزاع : افداج ..
هزاع : يله نحن بعد الاسبووع الياي ... مالي خص بتشوفيييييييين
روضه : احلم اروووحك
هزاع : هي ماعليه بتحلميييين ويايه والله بتشوفين .. برمس امايه اليوم ..
روضه : هزاع عاده مايستوي ملجه سنه ونص اتريا ..
هزاع : اف خلاص بتريا ... يارب متى بخلص متى ...
روضه : اوكي بروح انا باي وروحت عنه ..
هزاع : وهو يصارخ قمممر قممر
ريسه : منوه انا شكرا ..
هزاع : بسم الله الرحمن الرحيم انتي من وين ظهرتي ..
ريسه : من هنيييييييييه من الصاله بعد من وين ..
هزاع : انزين انا بروح الحينه الميلس عند الراييل باي
ريسه : باي
وراح هزاع الميلس وراحت روضه وزقرت هند حق ميثه وطلبت ميثه من هند انها هي اللي تنزلها .. لانها ماتبا تنزل ابروحها .

في بيت فاضل القبيسي راحوا الشباب كلهم الملجه وخلاف عقب مالحريم اتعدلن واتزهبن راحن الملجه .. ووصل المطوع وطلب توقيع العروس وودلوها الدفتر فوق ووقعت ...

الساعه 9 ونص حطوا العشا
يابر: الوووو
نوف : هلا يابر ..
يابر : انتي وين ..
نوف : سؤال سخيف انا وين يعني في الملجه ..
يابر : اعرف انزين ا قولج انا الحينه باي صوب المطبخ واباج تغرفيلنا صينية عيش لانه العشا ماكفا الريايييل ..
نوف : خلاص ان شاء الله ..
ونوف توها بتظهر شافت روضه جدامها ووقفت تسولف معاها ونست يابر انه يترياها فكانت ريسه قاعده عن الجدور تغرف حق الحريم داخل ومحد كان معاها لانه الكل كان مشغول ويابر حدر المطبخ وشاف ظهر حرمه ويا صوبها وكان يتحراها اخته ..
يابر: بووووووو
ريسه صرخت صرخه من الروع
في نفس الوقت انصدموا هم الاثنينه وكل واحد ماعرف شو يسوي غير ان يطالع الثاني وهو منصدم وحاير ريسه منوه هاذا الله ياي يقولليه بو من وين ظهر ويابر منوه هاي معقوله اختيه نوف اتحولت جيه .. وخلاف انتبهت ريسه على عمرها اما بالنسبه ليابر فكان منصدم من جمال هالانسانه ونعومتها ويتذكر شكلها يوم صرخت كان ياهل يصرخ جدامه وهي خايفه ..وقامت ريسه اتغشت عنه ..
يابر وكان ايقول هالكلام وهو هب حاس بعمره ومنصدم : انتي باسكال مشعلاني .؟؟؟ انتي لا لا انتي قمر والله قمر ممكن المسج اتاكد انتي حلم ولا حقيقه معقوله انتي انسان ولا ملاك ..لا لا حلم حلم ..
ريسه : لو سمحت ابا طريق
ريسه ماكانت تقدر تخطف لانه هو كان واقف وراها ..
يابر : لا اسف اول شي ابا اتاكد ..
ريسه : انته ماتستحي .. على ويهك ..
يابر صدمته هالكلمه وماعرف شو يسوي : قالها انا اسف ماكنت اقصد بس شفتك وضاع الكلام ضيعت حتى الغزل اعذرني والله جمالك مخلا فيني عقل ..

نوف : اووووووو روضه سمحيلي نسيت اخويه استغفر الله دقايق وبييج وراحت تربع نوف صوب المطبخ ..
وخلاف سمعوا صوت حد ياي المطبخ فانصدموا هم الاثنيه وقعدت ريسه تتطالعه وهي فاجه حلجها : خسك الله يالهيس الحينه لو شفوني معاك شو بيقولون انقلع في الكبت انخش ..على اخر زمن انته اتخرب سمعتيه ..
يابر: لا بنقز من الجامه
ريسه : علك العوق انخخخش انخششششششششش .. عسب اتموت وابتلش فيك
وراح يابر وسمع كلامها وانخش في الكبت لانه كان فيه كبت كبير وفاضي في المطبخ مال الجدور وبما انه الجدور كلها برع قدر يابر انه ينخش ..
نوف : ريسه انتي هنيييييييه
ريسه : هيييه كنت قاعده اغرفلهم تتدرين الكل مشغول ..
نوف : ماياج اخويه ..
تمت ريسه ساكته ماتعرف شو اتقول وخلاف ظهر يابر من الكبت وهو يضحك..: خربتي كشختيه روعتيني وانا الخبله اسمع شورج
نوف انصدمت من اخوها شو خاشنك اهنيييه انته . وريسه منصدمه كانت اتظن انه نوف بتفهم شي مع انها ولا مره شافت هالانسان وماتعرفه ..وشردت عنهم داخل البيت ..
نوف : شووووووووووو تسوي هنيييييييه ؟؟
يابر: انا اقولج تعالي اطرشين لي هالبنت تستهبليين صح ...
نوف : ههههههههه نسيتك يايويهك
يابر: يالسباله انزيييييين
نوف: شو ليش ..شو استوا
يابر: انا ييت البنت من ورا جان اقولها باااو وخلاف يوم يت بتظهر سمعت صوت حد وهي خافت وخشتنيه في الكبت و و قعدت نوف تضحك تضحك حتى لدرجة انه الجحال اللي في عيونها ساح اشويه ..
يابر: هي يالسباله اضحكي اضحكي محد كلها الا انا وهال..........
نوف : هال....... شوووووه
يابر: هالقمر والله انها قمر ..
نوف : جب جب استح على ويهك وعطته صينيه من اللي كانت ريسه غارفتهن وراح يابر الميلس بس كل تفكيره كان عند اللي ريسه .. .وعلى جمالها اللي سحر قلبه ونظرة اعيونها يوم كانت خايفه ريسه وايد كانت طفوليه وكل شي في يبين الطفوله اللي مرسومه في ويهها وكانت تاخذ من ملامح باسكال مشعلااني وايد .. وراحت نوف واستسمحت من ريسه على اللي صار وقالتها كل شي وخلاف يوم سمعت ريسه الموضوع هدت اشويه ..


الساعه عشر نزلوا ميثه تحت ..
ميثه هالوقت كانت ايه في الجمال في الفستان اللي كانت لا بستنه والتسريحه الميك اب اللي كان وايد هادي وطبيعي واللي كان ايوضح ويبرز جمالها اكثر واكثر .. ونزلتها خالتها هند ..


ياحسنها من ليلة جميله غنت بها واتبسمت الالحااني
فيها بدت عروسنا المينونه بنت الحسب بنت النسب والشاني
عروسنا كل الضيا يكسيها حتى القمر في قربها مايبالي
لما بدت هلت بدر ضياها حورية فيها الحسن رباني
الله يانور تجلا في الظلام مقبل يمشي بها القد الحسين
مادري هاذا الصبح او بدر التمام ولا ربي جامع بين الثنين
هاذي من فيها الدجا والبدر هام شعر من ليل ووجه من لجين


<a target=_blank href="http://song1.6rb.com/ksa/rashed/rashed-alzaffa.ram" target=_blank>http://song1.6rb.com/ksa/rashed/rashed-alzaffa.ram</a>

وخلاف قعدت على الكرسي ويابت عزه العقد والساعه الاماس ولبسته ا اياها وباركولها الحريم وردوا الحريم ابيوتهم ...

في بيت فاضل القبيسي
الساعه 12
عزه : ماشاء الله عليها ميثه قمر والله انه الحريم كلها قامن بس يسمن عليها بالرحمن ..
نوف : طبعا من اختياري ميثه ..
خليفه : معقوله الحينه هي حرمتيه
نوف : هي حرمتك عيل حرمة امنوه
خليفه : انزين امايه ليش ماكلمها ولا اشوفها ..
عزه : عييييييييب منقود يله استح على ويهك ملجه وملجتوا بعد تبا اتشوفها يله يوم على الكوشه شوفها ..
خليفه : لا حول امايه عاده هي حرمتيه ..
عزه : انا هب هاك اليوم قايلتلك ان يبت هالطاري بتنضرب
خليفه : ريال بلحيتيه بتضربينيه اعنبوه
عزه : انا بسير ارقد اخير
خليفه مسك المخده وضرب نوف في ويهها : اف هاااااي حاله ؟؟
نوف : عله مينون اللي يقعد وياك انته اصلا انقلع عن وييييييييهي .. وراحت تنام عنه وتم قاعد خليفه ينحس حظه طول الليل .......


يوم الجمعه
الساعه 2 بعد الصلاه ..
شمه : ميثه ترا مهرج وصل والحينه مابنقعد في البيت موليه لانه العرس عقب شهرين ومافي وقت
ميثه : انزين امايه ...
شمه يعني يبلنا اشياء وايد ..
ميثه : انزين امايه كم عطوكم ؟؟
شمه : انتي بتخبرج بنت شحااااات ؟؟
ميثه : ههههههههه اشعنه ؟؟
شمه : يعني حالج من حال البنات 200 الف وبنسير دبي وبتيج هني خالتج هند وبتسيرين معاها
ميثه : شو بسوي فيهن هيله ..
هند : انا بخبرج شو تسوين هاتي ورقه وقلم
ميثه : انزيييين يله .. وراحت ميثه يابت ورقه وقلمم وكتبت كل اللي تباه

انتتتتتتتتهى الجزء
ظنكم منوه البنت اللي شافها سلطان في الجمعيه ؟؟؟
ظنكم منو البنات اللي شافوهن هزاع وخليفه في المول ؟؟
ظنكم بيصير شي بين ريسه ويابر ؟؟</p></font>

<font color='#8D38C9'><p align=center><font color=#ff0000>الجزء التاسع عشر
</font>

افراح القبيسي والرميثي

اللهم بارك لهما وبارك عليهما واجمع بينهما في خير
واغنهما بحلالك عن حرامك وهب لهما الذريه الصالحه

تتشرف

عائلة السيد عائلة السيد
فاضل بن هزيم القبيسي &amp; المر بن خلف الرميثي


بدعوتكم لحضور حفل زفاف نجليهما
خليفه على كريمة السيد / المر بن خلف الرميثي
وذلك في تمام الساعه الثامنه والنصف مساء
للرجال / يوم الاربعاء الموافق 5/7/2004
للنساء/يوم الخميس الموافق 6/7/2004
بجانب منزل هل العروس الكائن بمنطقة بين الجسرين /ابوظبي

ودامت دياركم عامره بالافراح والمسرات

خليفه : هاه امايه شو رايج في البطاقه ..
عزه : والله حلوه على شكل رساله ماشاء الله ذويق ولديه ..
خليفه : احم احم ..
نوف : وايه بالستر اشعنه راز ابويهك وتتحنحن اصلا انا اللي طالبتنها جذه لانه بنسويلكم مفاجأه في العرس انا والعروس .. عسب جذه طالبين البطاقه على شكل رساله مالت اول ...
عزه : ماشاء الله عليكن وانا اقول اشعنه مجابلات بعض اربعه وعشرين ساعه ثركن اتخططن ..
نوف : هيه والله جفتي عاده يعني بالله عليج البنت بتيكم بتقول انا ابا جذه وجذه انا اقترح عليها وهي توافق ... وانته طبعا تعرف ذوقي اخ خليفه وذوق حرمتك ماشاء الله عليها توب توب ..
خليفه : والله عاده في ذوقج ووووووع امحق ليل انا عارف ان كله ذوق حرمتيه ..
نوف : جب اسالها ..
خليفه: اه ياليت اقدر اسألها بس امج هب مخلتنا
عزه : مسودة الويهه هو اروحه ماينزاد وانتي اتشوقينه ازياده ....
نوف : هههههههههه عرفوا عوقك يالقبيسي ...
خليفه : انزين امايه انا اتصلت بخيام البداد وحجزت خيمتين وحده حق الراييل والثانيه كبيره طلبتها تقريبا بتشل المساحه هيج العوده اللي جدام بيتكم خالتيه ..
عزه : هي اخير انها اتكون عوده لانه ماشاء الله الكوشه اللي طالبتنها الاخت نوف هب كوشه مسرح ..
نوف : هب انا ميثه ..
خليفه : ابرايها لو تبا اعيوني بعطيها هب الا بس بسويلها كوشه عوده ..
عزه : طبعا من حقها يعلني افداها يسولها اللي هي تبغيه عروس .. انزين ابرايكم انا بوزع الكروت بالنصيفه امبينا وامبين قوم خالتك بنعزم نحنا وبيعزمون هم هلهم وقرايبهم ..
ونشت عنهم عزه واتصلت بشمه واتفقن على توزيع البطايق مالت العرس ..

يابر : حييييييبه المعرس
خليفه : الله يحيك
يابر : علومك
خليفه : والله مامن اعلوم . اعلومك انته
يابر : ضاع الفكر واصبح سراب ياخلوف اخوك ضاعت به الهيبه وراحت منه الخقه من شاف قمر في السما اروحه محد حذاله .. ؟؟
نوف فهمت ان يابر كان يقصد ريسه ..
عقد خليفه حياته وشل ايديه وحطها على راس يابر
خليفه : بسم الله شوبلاك انته اليوم ..مسخن ولا شي ؟؟
نوف : شو بلاكم انتوا طحتوا عليهم انته الخاله واخوك بنت اختها ..
خليفه : بسم الله هاي شو اتخربط ام الهيلان .؟؟
يابر : مادري ياريال انا شاك ابها صاحيه صبر صبر بابا شويشوي سوي مشان نحنا كلام هازا فيه انتي جلدي كلام ونحنا مافي والله معلوم انته شو في قول ..
نوف : حرمتك هاي اللي بترمسها جذه اوكيه .. يله انقلعوا هب قايلتلكم شي ..
يابر: اف افااااا يام الهيلان ويسحبها من كشتها
نوف : اااااااااي
خليفه : ياريال خلها قولي شو بتقولين ..
نوف : جب هب قايلتلكم
يابر : لا لا والله قولي خلاص
نوف : اتعرف البنت اللي انته الحينه تتطريها منوه ..
يابر يحمر عينه حق اخته نوف لانه ماكان يباها تطريها جدام خليفه : انجبي
نوف : عادي هاي تستوي خالة ميثه
خليفه : منوه خالة ميثه شو السالفه .. السالفه فيها طاري حرمتيه شو السالفه ..
يابر : والله يا بوحميد ماقص عليك وانته تتدري اني ماروم اخش عنك شي ابصراحه انا شفتها يوم الملجه وقال حق خليفه السالفه ..
خليفه : هههههههههه لعنت صيرك عيل هاه .. هاي شامسيه مابتسكت عنك بتاكلك اكل .. .. دزتك عيل هاه ؟.. ههههه
يابر : ااااااه اقولك هي ادزنيه وانا منصدم منها فاج حلجيه اطالعها اقولها بنقز من الجامه اتقوليله يعلك العوق .... يعلك انخشششش في الكبت .. والله انيه اصييييح اللليل اطريها .. الله يعلم شو سوت فيني ...اتخيل خلوف انا يابر الله البنات يموتن من حد يطرييييني وهي الوحيده اللي اتجرات انها ادزنيه واتسبنيه بعد.... في ذمتيه انها بنت الراييل .
نوف : والله انا يوم خبرنيه مت عليه من الضحك وخلاف رحت عند البنت وقلتلها السالفه حسيت انها ارتاحت لانها كانت تحراني بفهم السالفه غلط والله انيه استسمحت منها .
يابر: نوف كم عمرها .؟؟
نوف : انته ماتستحي على و ويهك اشعنه تتطري البنت وشو تبابه عمرها ؟؟؟؟؟؟
خليفه : ههههههههه
يابر : جب قووووووووولي
نوف : هب قايله والله ان مانجبيت بخبر امايه عليك عيب عليك هالحركات .. وراحت عنهم غرفتها .. وراح يابر وراها
يابر : نوف عاده قولي
نوف : انته اشعنه ماتحشم شو تبابها البنت .
يابر : انتي ماتتدرين ابحالتيه انا اول مره يستوي بي جذه حسي فيني ارحمي حالي ,,,
نوف : ههههههههه واللله انا هب مصدقه اخواني من اول نظهره ايموتوووووون
يابر : والله انيه ميت اول يوم شفتها لبستها ماكانت تتطريلي وايد الحينه والله انها دوم تتطري في بالي واقسسسسسسسم برب الكون كل ماسكر اعيونيه اشوفها جداميه وحتى ربيعتيه يوم اشوفها اتخيل ريسه جداميه
نوف : وانته اشعرفك في اسمها ؟؟
يابر : انتي روحج قلتيلها هاك اليوم ريسه شو اتسوين اهنيييه ؟؟
نوف : وايه ولين الحينه ثرك حافظ
يابر : حد يقدر انه ينسى جمالها ورقتها والله انها شرات اليهال شرا البيبي ماتعرف اتواقع .. والله يانوف اول ماشافتنيه وانا قاعد اطالعها ويها استوا احممر انا مت مارمت اوقف مكاني ..
نوف : ياويييييييلي عليك يايبور ثرك رياح فيها ..
يابر : من الخاطر بعد
نوف : تعال ماتذكر يوم من الايام انته كنت ظاهر وكانن ماعرف كم حرمه وووحده منهن اتخرطفت جدامك بغت اطييييح
يابر : لا ممممممممممم هيييييييييه هييييه هاك اليوم منوه هيله ؟؟
نوف : هي اللي كانت بطييييييييييييح
يابر : احلفي
نوف : والله العظيم
يابر : امنوه خبرج انتي
نوف : ميثه حرمة خليفه خبرتنيه بالسالفه
يابر : حليلها
نوف : يبور بس عاده انقلع عنيه ..
يابر : قوليلي كم عمرها
نوف : ثاني سنه في التقنيه اللي في العين بس خلاص ارتحت
يابر : يعني كبرج
نوف : هي كبريه
يابر : اجلبي ويهج يا م الهيلااااااان
نوف : ماعليه يالسبال هاذا اللي يقولك شي هب منك منيه انا اللي يقول اخواني كبروا ويفكرون ايعرسون
يابر: انا اعرررس بتبطين انتي
نوف : عيل اشعنه تتخبر عنها
يابر : بس جذه
نوف : مالت عليك
يابر : على ويهج وظهر عنها
يابر ماكان ايحب ريسه كان بس حب استطلاع وتفحص يبا يعرف منوه هالانسانه وبس وكيف اتجرات وسبتنه ودزته بس هو صدق انسحر من جمالها ورقتها ودفاشتها في نفس الوقت يوم كانت ادزه

الخميس
قبل العرس باسبووووووع
ريسه : ميثاااااني
ميثه : انا هنبيييييييه
ريسه : يلللللللللله نحن نترياج وانتي قاعده شو اتسوين .؟؟
ميثه : ااه ياربي اليوم البروووفه ..
ريسه : ونحن بعد بروفتنا اليوم ..
ميثه : الا ريوس بتخبرج عنود وشمسه وساره وين سون فساتيهن اشعنه ماسونهم وياكم ؟
ريسه : مااعرف هن راحن بوظبي عند واحد اسمه علي يمدحووووونه لكن انا من عرس منصور في خاطريه اسوي عن اروشي والحينه في عرسج سويت عنده ..
ميثه : ههههههه خلاص يله انا بلبس عباتي ونقابي وبييكم .. اقول ريوس
ريسه : ياكثر ماتقولين لا ترمسين يوم بتيين السياره رمسي خلاف
ميثه : اوكيه خلاص تبيني ارمس عن يابر جدام قوم امايه وهند ان شاء الله برمس عنهم جدامه
ريسه وهي منصدمه : منوه بعد هاذا يابر اللي هب غاسل ويهه
ميثه : هههههههههه لا الغاليه غاسل ويهه عددددددل جنج الا من حلاته نسيتيه ..
ريسه : ميثوووووووووه علج العوف امنوه تتطرين ؟؟ ... تتدرين هاالاسم هب غريب عليه ..
ميثه : هذاك الللي يوم ملجتيه دزيتيه في الكبت هههههههه
ريسه : هههههههااااااااااه منوه خبرج انتي؟؟؟
ميثه : ههههههه انا ميثه ماينخش عنيه شي
ريسه : لا والله اتقولييين
ميثه : نوف خبرتنيه
ريسه : هييييه حليله والله كسر خاطريه
ميثه : هههههههه اتخيل يبور في الكبت اسميه فاتني وعلى فكره تتدرين انه هاذا هو راعي الاكس فايف اللي هاك اليوم بغيتي اطيحين جدامه
ريسه : وااااايه يالفضيحه حلفي
ميثه : والله العظييييييم
هند : اعنبوووووووكن شو اتسون ونحن مطرشينج تزقرينها قريتي اتقرقرين معاها يله اتاخرنا الساعه 8والبروفه 10 متى بتوصلن؟؟؟
ميثه : هاه يله خلصت وظهرن وركبن السياره وخطفن على روضه وراحن كلهن دبي منها ايروحون البروفه ومنها يكملون زهاب ميثه .. ويوم وصلن دبي مرن اول شي اروشي وخلصن هند وشمه وروضه وريسه البروفه مالتهم اللي كانت عنده وخلاف راحوا عند هزار عسب ايشوفون بروفة ميثه وحدرت ميثه وقايست الفستان وظهر اوكيه عليها ولانها بتستلمه بعد يومين وهالبروفه اللي كانت عند هزار اخر بروفه لفستان العرس .. وهن في السياره

روضه : والله صراحه ميثاني الفستان روعه روعه اجنان ماشاء الله
ميثه : طبعا هاذا هزار هب حيله
هند : لا صراحه هزار معروف حتى عنا في بدع زايد ايعرفونه
شمه : يله الحينه وين تبن اتسيرن؟؟
ميثه : نبا مكان كل شي فيه
هند : والله انا لا تتخبروني عن شي بنتصل في شمسه راعية ادبي وبنتخبرها
شمه : هي والله اخير رايي
شلت هند تلفونها واتصلت على تلفون شمسه
هند : الوووووو
شمسه : هلا هند
هند : اهلين شحالكم
شمسه : الحمد لله بخير
هند : هاه ماشاء الله شو اتسون
شمسه : ماشي قاعدين انا وخلفان ولدج واحمد وغيث
هند : خلفون وياكم عيل اسميه ملعوز غيث فديته
شمسه : هههه حبيبي خلفون حليله قاعد يطالعه ايقولليه هاذا نونو فديته والله اندووج ومايرضى احمد ايدقه ايقوله لا لا بيبي بيبي
هند : ههههههههه
شمسه : هاتيله حليله حد يلعب معاه
هند : لا لا ياختيه انا العيال ماروم ماروملهم اتعرفيني انا واحد بطلعت روح وماشاء الله عليه عن اربعه لا لا ماروم يوم بيحدر الروضه بفكر
شمسه : اللله يهدييييج
شمه : انتي داقه اتهذربين
هند : اوه نسيت
شمسه : هههههه هاه خلصتن البرووفه
هند : هي خلصنا عاده الحينه اندور مركز في دبي ايكون فيه كل شي
شمسه : الستي سنتر وين بعد روحوله الحينه ظهر فاضي مافيه حد
هند : هيه والله صدقج اتصدقين انيه نسيته اندوج بتخبرج متى بيخلص فساتينكم
شمسه : والله هو باجر البروفه والتسليم عقب يومين
هند : هييه زين والله خلاص عيل غناتي ابرايج
شمسه : ماعليه الغاليه ربي يحفظكم مع السلامه
هند : مع السلامه

وراحن صوب الستي سنتر وحدرن اتغدن اهناك وخلاف حدرن المحلات كلها واتشرن كل اللي كان ناقص وخلصوا من كل شي ومابقالهم شي الا الاشياء البسيطه بس ... وردوا العين عالساعه 10....


يوم الجمعه
الساعه 4 العصر


سلطان : هاه العروس
ميثه : لا اتقول جييييييه
سلطان : اونها عاده تستحي
العنود : اشعنه انته مغصص على البنت .. ميثاني عيشي حياتج ترا هاذا ماينعطى ويهه
ميثه : هههههههه قرضوك هاه ؟؟
سلطان : امحق ليل طالعوا منوه بيقرضنيه مالت
العنود : عليك وعلى ويهك
سلطان : هههههههههههههااااااااي
شمه : يله عيل امايه فداعة الله
ام حمدان : ربي يحفظكم يابنتي وان شاء الله يوم الثلاثاء بنيكم
شمه : حيااكم الله الغاليه ولا تنسين اتوزعون الكروت
ام حمدان : هيه اعنبوه كيف بعد ننساهم لا حشا هب ناسينهم ولا شي
شمه : خلاص عيل ماعليه يله مع السلامه
سلطان : مع السلامه ماما شمه
ساره : عنبوك هالكبر وهالعرضه ماما شمه اونه
شمه : يسترجع ايام الطفوله ثره
سلطان : ههههههههه فديت طوليه وعرضتيه شبلااهم هب عايبينج
شمسه : امحق عرضه جنك جونقر
سلطان : انتي شعرفج في الجسم الرياضي روحي روحي بيعي طماط على شارع الامارات هههههه
شمسه : اعتزلت الشغله حقك ههههههههه
العنود : هههههههه وعدك واقف والله لو انا منك بضربها شرده هههههههه صون ماي ويهك .
سلطان : امايه سكتيهن ولا والله بيهن شي
ام حمدان : اعنبووك شو بلاك عليهم جان ريتي يا شميم نحن كل يوم على هالحنه حليلهن مايقولونله شي وهو طايح فيهن
سلطان : هيه امره موووول هيله اصلا ريه وسكينه وهاااااي وكان ياشر على العنود سحيله ام الخلاجيين
ميثه : ههههههههههه الله لا يبلينا باخو ريل شراتك
ريسه : هههههه امين بتفتكين والله
هند : سلطان انته اشعنه واقف ويا الحريم روح توه حرمه من ستار بكس متصله اتقوليله وينه سلطان مايا اليوم مطلوب روح ..
سلطان : هييييه بروح هاتي خلفون وينه بوديه ويايه
هند : اكوه عند الخدامه روح شله وياك فكنا من الصدعه
وركبوا هل بوظبي السياره وردوا بوظبي



الساعه 2 فليل
ميثه كانت في غرفتها وماكنت تقدر انها تنام وظهرت خلاف من غرفتها وراحت عند امها
ميثه : امايه
شمه : بسم الله شو بلاج اشعنه لين الحينه مارقدتي باجر بتروحين الصالون
ميثه : امايه ماروم اخاف
شمه : وايه بالستر شو بلاج يا ا مايه شو اللي يخوف
ميثه : امايه باجر النتايج وماعرف شو سويت امايه بموت بموت هب رايمه ارقد
شمه : لا ان شاء الله خير الحمد ا لله انتي درستي بمافيه الكفايه والله بيوفقج عاده ان شاء الله
ميثه : امايه لا ماقد ر متروعه
شمه : روحي غرفتج وصلي ركعتين وادعي وحطي راسج وارقدي واللي يهدي سرج يارب
ميثه : امييين يامايه امييييين
وراحت ميثه وسوت اللي قالتلها امها عليه..

الساعه 7 الصبح
قبل لايروح خليفه الدوام
نوف : بسم الله اشعنه قاعد على الكمبيوتر
خليفه : انتي ماتتدرين انه اليوم نتايج الثنويه العامه
نوف : هيييه ادري
خليفه : بشوف نسبة ميثه ..
نوف : هههههههههه ثرك من الحينه بالي عمرك ..
خليفه : لازم اطمن واشوف كم يابت
نوف : بس ماظني اظن اول شي ايحطونهن في الجرايد يوم دورنا عاده الحينه مادري جان الدنيا اطورت هاذا شي ثاني
خليفه : مادري والله بشوف انا قبل
نوف : وانته منوه خبرك
خليفه : البارحه يوم كنا قاعدين في القهوه ويالشباب خبرني واحد من الربع اخوه ثنويه عامه
نوف : امممممممم اها زين عيل انا بروح اتريق .. وان حصلت شي خبرنيه
وتم خليفه ايدور لكن ماحصل شي وخلاف ظهر من البيت وراح الدوام


ميثه كانت ناشه من الساعه 5
ميثه : امايه اليووووووووم اليوووووووم
شمه : يامايه ياميثه استهدي بالله لا حول الله ولا قوه
ميثه : لا اله الا الله
وتمت ميثه رايحه راده رايحه راده ماقعدت مكانها وكل ساعه كانت اطرش الدريول عند راعي الجرايد ورن تلفون بيتهم وربعت ميثه صوب التلفون تتحرا وحده من ربعها بتخبرها عن شي

ميثه : الوووووووووو
عزه : مرحبا الساع
ميثه : مرحبا خالتيه شحالج ؟؟
عزه : بخير يعلني افداج شحالج انتي
ميثه : ولله ياخالتيه ماعرف شو اقولج والله انيه متروعه هب عارفه شسوي
عزه : لا ان شاء الله ربي بيوفقج .. وين امج يعلني افداج
ميثه : لحظه غناتي ثواني بس
عزه : ان شاء الله
وعطت ميثه السماعه امها ..
شمه : مرحبا
عزه : مرحبا الساع شحالكم
شمه : بخير وسهاله يعلني افداج وانتوا اشحالكم
عزه : ابخير وسهااله حليلها والله ميثه متروعه عيل
شمه : ميثه اللي يقول الحينه مسوده ويها البارحه ياختيه ماطاعت ترقد متروعه وكل حين يتني امايه انا متروعه متروعه والحينه هاذي جدامج رايحه راده رايحه راده تتريا الدريول ايبلها الجريده
وشويه ان الخدامه شاله الجريده ويابتنها عند ميثه وميثه اول ماشافت الجريده ربعت وشلتها من ايد الخدامه وقعدت ادور رقم الجلوس مالها
شمه : حصلتيه
عزه : بشري يابوها ا لجريده
شمه : هي قاعده ادور
ميثه : هاااااااااااااه
شمه : بسم الله شو بلاج
مييثه : امايه امايه لحقي لحقي
شمه : وعلللله ياربي شووووووووو
ميثه وهي تضحك ومستانسه : ههههههههههههه امايه يبت 90.6
شمه : مسودة الويهه وبعد متروعه
عزه : شوه
شمه : الحمد لله 90.6
عزه : مبرووووك مبروووووك عطيني اياها اباركلها
شمه : تعالي هذيه خالتجج بتباركلج
ميثه : الو
عزه : الف الف مبرووووووك يعلني افداج تستاهلييين كل خير ..
ميثه : الله يبارك في حياتج ياخالتيه ..
عزه : يله ان شاء الله الفرحه الثانيه في عرسج يابنتيه ..
ميثه استحت وفرت السماعه على امها
شمه : ههههههههه اونها تستحي
عزه : فديتها والله خلاص عيل الغاليه ابرايج ماطول عليج بتصلبج ان شاء الله اخلاف
شمه : ماعليه الغاليه ربي يحفظج مع السلامه
عزه : مع السلامه

وراحت ميثه واتصلت بالكل وخبرته بنتيجتها واول شي بيت قوم يدتها طبعا ...ونوف من خبرتها امها بالخبر مسكت التلفون واتصلت في ميثه

نوف : الووووو
ميثه : مرحبا
نوف : مرحبا ملايين مبروووووك مبرووووووك الف مبرووووووووك
ميثه : الله يبارك فيج ان شاء الله
نوف : والله ابصراحه تستاهلين كل خير
ميثه : مشكوره يعلني افداج
نوف : العفو غناتي يله الحينه يوم بخبره بيستانس اتصدقين من اول مانش من الرقاد قبل لا يروح الدوام شغل النت بس عسب ايعرف نتيجج
ميثه : حليله
نوف : حليله ولا فديته ؟؟
ميثه : ههههههههه لا لا عاده فديته قويه
نوف : اشعنه قويه ريلج
ميثه : هههههه لا لا ماروم
نوف : ياويلي على اللي مايرمون انا .. الا تعالي بتخبرج
ميثه : هلا
نوف : رحتي البروفه قلتيلي يوم الخميس
ميثه : هي رحت
نوف : وشو الفستان
ميثه : ماشاء الله روعه روعه .. وانتوا فساتينكم خلصهم وليد عط الله ولا بعده
نوف : لا فديتج خصلهن وباجر التسليم ان شاء الله
ميثه : زيبببن والله عيل انا التسيلم يوم الاثنين
نوف : عاده سكتي انا مطقمه ويا الكوشه والقاعه نفس اللونين
ميثه : هههههههه زين عسب اتمشييييني
نوف : لا الغاليه روحج بتمشششييين
ميثه : ههههههه حرام عليج عن الاجرام
نوف : لا لا ماشي يله
وقعدن خلاف ايسولفن و يتفقن على الاشياء اللي كانوا بيسونها يوم العرس لانه ميثه كانت تقترح على نوف ويتشارون وخلاف اتروح نوف اتخبر خليفه وخليفه ايسوي كل شي


نوف : الووووو خلوووووووف
خليفه : هاه بشري
نوف : شو حاس اني ببشر عن النتيجه
خليفه : هي والله حاس
نوف : فديت الاحساس هيه نعم العروس نجحت واتوقع كم يايبه
خليفه : والله كم ؟؟
نوف : اتوقع
خليفه : يله عاد
نوف : 90.6
خليفه : ماشاااااااااااااء الله فديتها والله عطييييييييني رقمهم بس بباركلها وبسكر حرمتيه شوه
نوف : هههههههههه خلوف حلم ابليس في الجنه اجلب ويهك يله باي
خليفه : انتي ممنوع وامج ممنوع كرهوتوني حياتي اعنبوه حرمتيه ههااااااااي
نوف : لا لا لا
خليفه : اااااااف يله انقلعي عيل ..

انتههى الجزء&#60;&#33;-- / message --&#62;
</p></font>

<font color='#8D38C9'>&#60;&#33;-- / message --&#62;
<p align=center>

<font color=#ff0000>الجزء العشرون</font>


احبك عد مادق الخفوق ومارمشتلي عين احبك عد مانور غرامك عمري الكامل
غلاك بخافقي يكبر مع مرور الزمن ويزين ويزهر في وسط قلبي غصن قبله ورق يابس



الثلاثاء
الساعه 4 العصر
ميثه : اف اتصدقين والله انيه خلاص مرتاحه مابغيت اخلص صدق والله عذاب وتعب من الخاااااطر ..
روضه : هههههههه انتي افتكييتي الله يعيني انا عاده
ميثه : هههههههه اسميني بضحك عليج ضحك ..
روضه : يلعن شكلج ميثوه بتعرسين بتخليني روحي ماقدر لا لا بصيح
ميثه : جب لا اتقولين جيه ناويه تفتحينها مناحه انطمي
روضه : ههههههه اقولج وصلوا فساتينج اللي مسوتنهن في لبنان
ميثه : هي وصلن
روضه : وشووووو
ميثه : بتشوفينهم يوم بنرتب معاكم حق المكسار
روضه : هيه صح نحن يوم الاربعاء الصبح بنييكم البارحه سمعت امايه اتقول وقوم يدتيه بعد
ميثه : حياكم الله .. والله رويض انا هب مصدقه ان الانسان اللي انا حبيته بيكون معايه
روضه : الحمد ياميثه الانسان مايقول غير الحمد لله والحب في هالدنيا نصيب ياييصيب معاك ويايخيب معاك ..
ميثه : صدقتي والله الحمد الف مره هب مره
روضه : اتخيلي عقب كل هاذا انا وهزاع مايستوي من بينا شي دوم الانسان ينصدم لازم دوم يحط في باله انه الدنيا دوراه تجلبك من حال لين حال
ميثه : شووووووووو لا لا بسم الله عليكم انجبي لا اتقولين جيه اتخيلي خطفة ملك
روضه : بمووووووووووووت تتدرين انه هزاع هو الانسان اللي انا كبرت وانا احبه ولين وقت موتي بتم احبه
ميثه : انتي شو بلاج اليوم بسم الله عليج من الموت.. لا تجلبينها كدر تعالي بقولج نكته
روضه : ههههههههه شوه
ميثه : اعنبوج مسرع ماضحتي اتريني عدني ماقلتها
روضه : يله قولي
ميثه : يقولج 2 محششين واقفين جدام المنظره وقام واحد منهم قال حق الثاني قوم انسلم على هيله قاله الثاني يله روحنا وخلاف يوم نشوا قاله لا رد اقعد مكانك قاله ليش قاله هم ياين صوبنا بيسلمون
روضه : هههههههههههههه خسج الله
ميثه : هههههههههه رويض تذكرين يوم كنا في البر
روضه : ههههههههه هيه اذكر ياويهج
ميثه : الا اخبر هالسالفه خلوف
روضه : انتي مابيتم شي مابتخبرينه.. شكلج بتظهرين فضايحنا جدامه ..
ميثه : هيه نعم ريلي ولازم ايعرف كل شي عن حياتي
روضه : ماشاء الله ونعم الحرمه ..
ميثه : الا عبد الله كم سنه بقاله والله زين يوم فكر انه يكمل السنتين اللي بجايتله برع
روضه : بقاله سنتين تقريبا هي والله احسن شي فكر انه يسويه .. والله مستقبل الدراسه برع ..
ميثه : يله الله يوفقه ان شاء الله
روضه : امييييييين
ميثه : اقول رويض
روضه : هلا
ميثه : سمعتي اخر اغنيه
روضه : لا اي اغنيه
ميثه : سمعي وورقعت السماعه في ويههاااااا
روضه : والله انها حقييييييره وردت اتصلت في ميثه
ميثه : هههههههههههههه
روضه : والله مهما كبرتي بعده عقلج نفس نعالج
ميثه : هههههههههههههههاااااي
روضه : علللله ياربي وسكرت في ويهها
وخلاف راحت ميثه غرفتها اترتب اغراضها لانه خلاص مابقا شي عن يوم العرس الا يوم واحد ..


في بيت فاضل القبيسي
الساعه 6

نوره : نوف عاده خبرينا شو بتسوون يوم العرس ؟؟ وشو هي المفاجأه ..؟؟
نوف : هب امخبرتنكم
نوزه : هاي نحسه شو بتخبرج
نوف : حرام عليكم اشعنه احرق المفاجاه عليكم
نوره : انزين قولي عاده مابتحرقين علينا شي
نوف : مابرمس خلاف روحكن بتشوفن... تعالن يبتن فساتينكن
نوره : هي طبعا البارحه طرشنا الدريول ويابهن تتدرين فستان امايه روعه وحتى فستان شيخه ظهرن احلا اثنينه
علياء : ماشفتوا فستاني ايجنن خاطري الحينه يستوي العرس ابا البسه هههههههه
شيخه : تتدرون بشو اتذكروني ..؟؟
نوف : هههههه بشو
شيخه : باليهال يوم ايهم عرس ومايصدقون متى يستوي عندهم عرس ههههههه
نوره : ههههههههه حرام عليج
عفراء : الا اقول اليازيه وين حجزتي الميك اب
اليازيه : حجزت عند جويل
نوره : هيه والله جويل روعه هاك اليوم ربيعتيه ياببه صورها في عرس اخوها روعه روعه عاده الحينه مايستوي نحن حجزنا عند صوفيا بيوتي ..
نوف : لا بالعكس روعه مكياج صوفيا
شيخه : امممممم انا ماجربته بس مدام انها بتينا بنحط كلنا عندها ... وبنجربه
عفراء : نوف الا وين عمتيه؟؟
نوف : خاري هي ويابر وخليفه عن البعران والبقر والعنز
نوره : تتدرون الناقه اللي برع اللي اتذكرني ابوحده تتدرون منوه ؟؟
شيخه :بمنوه ؟؟
نوره : في طويز يوم كنا في ليوا
موزه : ماعليه يالسباله انا ناقه يالبقرررررررره
عفراء نحن دوم على هالمضارب ..
خليفه : السلااااااااااام عليهم .. شعندكم محتشرييييييين
اليازيه : اف ياخلووووف شو هالريحه
خليفه : هههههههههه لاوي على البقره
نوف : شو اتخيلتها ميثه شوووووووو ؟؟
خليفه : تخسسسسين الا انتي بقررره محد غيرج .. ومسكها من ايدها كله ولا ميثه تفهميييييين
شيخه : اعنبوووووووه توك ماعرست وجذه باجر شو بتسوي
عفراء : المفروض ان شيخه هي اللي تشم قبل لانها تتوحم
خليفه : ليش حامل ؟؟
شيخه : هههههههه هيه توك تتدري
خليفه : ماشاء الله هيه والله توني ادري اشعنه ماخبرتيييييني
اليازيه : وايه بالستر شو لك اتخبرك بعد
يابر : حوووووووه شو هالحاله حتى البققر ينعجبن فيني هب سادات البنيات ..لا حوووووووووووول
خليفه : هههههههههه شو استوا
يابر : هاي البقره تربع ورايه
نوره : تتحراااااك ثور .. ههههههههه
يابر : يالجلبه انتي ماتستحين اتقولين عن عمج ثووووووور يالهراس
عفراء : مسودة الويهه كله ولا يابر عمج هاذا يله عاده حدج
نوره : عوذ بالله منك يابليس ماقلت شي اتمصخر كلتوني مايسوى عليه ..
خليفه : ياويهك من حلاتك البقره تربع وراك كامل الاوصاف ..
يابر : هههههههه لا وين كامل الاوصاف وين انا ووين هو مايي صوبيه انا يابر القبيسي
نوف : امحق ليل منوه يعني الا يابر
يابر : انطمي انتي ام الهيلان
موزه : وصلتكم هاي ام الهيلان انتوا
وان عزه توها حادره الصاله : وانتوا ماتشبعون من كثر الضرايب حشا يابويه لوعتوا اجبودنا ..
اليازيه : نخلص من يابر ونوف نبتدي في يابر وخليفه ههههههه
عاشه : وفي كل الضرايب يابر وياهم ..
عزه : صدقتي يامايه ماقلتي شي غلط ..
يابر : هيييه حطوا عليه بسير اخيرليه اتسبح وبتعدل وبروح المارينا خلوف بتي معايه ؟؟
عزه : لا خله الريال معرس عنده حرمه لا تخربه
يابر : هو روحه خربان
خليفه : محد غيرك يالاسود
يابر : اونك عاده ابيض حبتين بتنفش ريشك علينا وانا بعدين هب اسود فدييييييتني حنطاوي لون الملوك تتمناه انته هاللوون
عزه : وايه بالستر صخوا شو بلاكم الا اقولكن
عفراء: هلا عمتيه
عزه : بتن عقب مانصلي العشا بنروح نتمشى في الفريج بنروح انا وشمه وميثه حد بيخاوينا
نوف : طبعا انا اول وحده لانيه متقفه وياميثه
خليفه : انتي اشعنه مجابله حرمتيه اربعه وعشرين ساعه .. وبعدين منوه قال ميثه بتروح تتمشى من متنها شووووه ؟؟ لا لا ماتروح
عزه : هاذا منوه عاطنه ويهه وقاله ابدي رايك
نوف : هههههههههههههههه
شيخه : حليله حرمته
خليفه : هيه والله حرمتيه
عزه : انطب انطب روح شوف خيمة الرياييل والحينه بيوون الهنود يركبون الليتات على المساحه مالت اليواله ..
خليفه : غربل الله بليس وهله ياله نسيت السالفه يله ابرايكم ابرايكم ..
عزه : هاه شو قلتن منوه بتخاوينا ..
شيخه : لاانا ماروم عالمشي تتدرون بالحاله ولا في خاطريه والله ...
عفراء : طبعا انا دومي موافقه ...
نوره : وانا بعد بروح ...
موزه : دامكن كلكن بتروحن بروح وياكن ..


عقب صلاة العشا ظهرن عزه ونوف وعفراء وموزه ونوره من البيت وخطفن على شمه وميثه وراحن يتمشن
عزه : هاه امايه ميثه خلصتي كل شي ؟؟
ميثه : هي خالتيه الحمد لله كل شي جهزته..
نوره : ميثه خبرينا شو بتسوون في العرس نوفوه اتقول بتسوون مفاجاه شو المفاجاه
ميثه : ههههههههه ماخبرتكن عيل خلاص انا بخبركن الله يسلمكن
نوف : لااااااااا لاااااااااااا تقولين خلهم ايشوفونها
ميثه : عنبوه اهلنا هيله هب غرب
نوف : اصلا احلا رد فعل من الفاجاه ردت فعل الاهل لا تخربين علينا
ميثه : خلاص ان شاء الله اصلا تتدرون محد يعرف بالموضوع الا انا ونوف وووووووو ... خليفه
شمه : وايه بالستر شو بتسون هب اتسودن ويهنا جدام الحريم
نوف : افا ياخالتيه ماهقيتها مافيج ثقه فينا
شمه : لا فيييني بس عاده انتوا بيظوا اويهنا
عفراء : داام ذوق ميثه ونوف ماعليه كلام صراحه ..
ميثه : تسلمييين يعلني افداج .. ..
وخلاف يت بورش كايين من وراهم ..
خليفه اف من الصبح ادورهن اخيرا حصلتهن الحينه هيله اللي جدام امايه وخالتيه شمه والهنتين اللي وراهن موزه واكيد نوره وهاي نوف واكيد الللي وياها حرمتيه فديتها والله فديت اللي لابس وردي انا فديته ..
ويا صوبهم وشغل الهن اغنيه اسكن عيوني مالت راشد الماجد ..

خليفه : اهداء حق قمر سمايه اللي لابسه وردي ..

اسكن عيوني يالغلا واجفوني اتغمض عليك
خذ ماتشى من دنيتي بس لاتقلل من غلاك
لو يعذلوني كلهم ماسمع كلام الناس فيك
انته الغلا وانته الهوا وانته الجوا وانته الملاك
شوفتك بالدنيا معي وابيع غيرك واشتريك
انته الوحيد بناظري ماترقب اعيوني سواك
نارك لليل العاشقين روحي مع النجوا تجيك
تتحرك اغصون الهوا في خافقي بنفحة هواك
محبتي لك صادقه من كل قلبي اهتويك
واحلا الليالي بالعمر قضيتها وانا معاك
مالك شريك بالحسن في خافقي مالك شريك
كلمة احبك قلتها ويازينها وهي من شفاك
انته المنى وانته الهوا وانته على روحي مليك
شوفتك تجلب راحتي وبعدك عن عيوني هلاك
حتى لو جالس معي اسجبك واولهه عليك
كلمة غلا لو جابها غيري تمثلي غلاك

<a target=_blank href="http://www.dubaimoon.com/songs/arshef/esken-3ouoyne.ram" target=_blank>http://www.dubaimoon.com/songs/arshef/esken-3ouoyne.ram</a>


شمه : وايه بالستر منوه هاذا ؟؟
عزه : منوه غيره ولديه الهيمان خليفه
خليفه : هاه شو حرمتيه
ميثه من سمعت كلام خليفه قفطت منه واتمنت ان الارض تنشق وتبلعها وبسرعه اتغشت عنه
خليفه : اشعنه تتغشين عنيه مايسدج انج حرمتيه وحارميني شوفتج .؟؟
شمه : ههههههههه ياحليله الريال والله معذبينه
عزه :وانته اشعندك تتحرطم جنك عيوز وماكلين عشاها روح روح البيت اللي يهديك
خليفه : امايه عيب اتقولين جذه جدام حرمتيه .. حرمتيه نزلي غشوتج ابا اشوفج اعنبوه ذبحتوني مايسوا عليه
ميثه : لا يسوا عليك هب منزلتنها
خليفه : اخييييييرا سمعت حسج ..
ميثه : امايه
شمه : مايخصنيه ريلج .. هههههههه
ميثه : خلاص برد البيت انا وقعدت تمشي بسرعه تبا اتروح ...
خليفه وقف حذالها بالسياره : يله ركبي .. والله انيه ماتحرك من هنيه الا يوم تركبين معايه بوصلج الين البيت ..
ميثه : مابا
خليفه : لا تبين
ميثه وهي متروعه : مابا مابا
خليفه : فدييييييييييت اللي يدلع يوم يقول مابا
وعزه وشمه وموزه ونوره وعفراء ونوف ميتييييييين من الضحك على ميثه وخليفه ..
عزه : بس عاده مسود الوييه انته انقلع .. لعوزت البنيه روح عنها اعتقها شو بيقولون العرب هاذا واحد يغازلهم
خخليفه : بقولهم سارقين حرمتيه ومايعطوني اياها اباااااااااااج تعالي
ميثه ساكته وماتعرف شو اتقول شويه وبتموت وكانت اتقول في خاطرها : ليييتني ماييت معاكم وكل شويه ادز نوف بوكعها وتتصاصرها خله ايروح استتتحييييييييي
نوف : بس عاده روووووووح
خليفه : ماعليه انا زعلان
عزه : ربي يحفظك
شمه : جان ركبتي وياه ريلج حليله
ميثه : امايه تتمصخرين انتي ولا شوه ؟؟
وخلاف راح عنهم خليفه : فديتها والله ياربي فديتها متى متى ياربي اف ابا اعرس خلاص

يوم الاربعاء
الصبح هل العين توهم كانوا واصلين بوظبي واول مانزلوا كانت الحنايه اهناك عندهم وقعدت اتحنيهم وميثه كانت قاعده في غرفتها مع الحنايتين اللي يايتنها من الساعه 10
هند : هاه العروس شو اتسوين
ميثه : اف لاعت جبدي تتدرين كملت ساعه الحينه وماخلصت
هند : ههههه يله كله عشان خليفه
ميثه : الله يخليج لا ذكريني فيه من اسمع طاريه يمغصني بطني
هند : ههههههه كلنا كنا نفس حالتج يله ماعليه الله يوفقج ان شاء الله
ميثه :امييييين يارب
هند : خلاص عيل ابرايج اكيد الحينه يا دوري
ميثه : الا روضه وييييييين
هند : ميره وروضه والعنود وشمسه وساره بيروحن يتحنن الحينه وبين العصر هنيه مع خوالج ..
ميثه : هيييييييه.. اف لو رويض هي اهنيه جان قعدت اتونس عليه بدال هالملل
هزاع : هاه العررووووس اجوف
ميثه : شو اتشووووووف
هزاع : محلاته الحنا اجنااااااااااان
ميثه : هزاعوووووووه بس عاده روحي لايعه جبدي ماروم اتم قاعده وايد
هزاع : امبونج انتي فيج دوده ماترومين اتقرين
هند : هههههههههه يله ميثوه اكيد ريوس خلصت بطرشها جداج ..
ونزلت هند تحت وزقرت ريسه اللي كانت مخلصه وخلاف راحت ريسه فوق عند ميثه وقعدت معاها وكانن ايسولفن عن يابر لانه ابصراحه يابر يسحر كل وحده اتشوفه بس ان ريسه كان اهتمامها مختلف بسبة كبريائها الخفيف يعني كغرور اي بنت ماكنت مهتمه فيك هذاك الاهتمام .. ريسه كان يابر كاسر خاطرها عالسب اللي سبته اياه .. ونزل هزاع وراح ايشوف الترتيبات اللي جدام الخيمه وراح يشوف مكان اليوله مع خليفه ويابر ونهيان وزايد والمر وفاضل ..
والعصر وصلوا باقي هل العين بوظبي سلطان كان ياي روحه في الرنج مالته ومنصور كان ياي مع حرمته في سيارته وشمسه وساره مع ريايلهن وميره كانت يايه مع حمدان وعيالها
وعقب اذان المغرب وصلوا اليويله مكان الحفله وقعدوا ايولون والشباب ايولون معاهم واندمجوا يابر مع سلطان في اليوله كل واحد كان يتحدى الثاني ويوهم الشيوخ يباركولهم
خليفه : يابس يابس
وقعدوا سلطان ويابر ايبسوووون وخليفه اييول مع منصور
يابر : عااااش المعرس عاش عاااااش
والكل ارتبش وقاموا الكبار والصغار وارتبشوا معاهم وقعدوا ايلوون...


في بيت المر
المكسار
ميثه كانت منخشه داخل في غرفتها وكانوا فاتحين الميلس مالهم وحاطين في زهبة العروس وكانوا يايبين المغنيه وفاء اتغنيلهم والبنات كلهن ريسه ونوف وعلياء نوره وروضه كانن متفقات من يوم الملجه انهن يلبسن هندي اما الحريم المعرسات كانن لابساان يشمك .. وخلاف حطوا عشا واتعشوا .. وعقب ماخلصت الحفله راح حمدان مع حرمته ميره وعياله الصغار وخلوا روضه في بيت عمتها ورحوا بطي واحمد ومنصور مع حريمهم العين وبيردون بوظبي باجر الظهر لانه مالت الصالون بتيهن في بيت شمه . وسلطان مع امه وريسه وهند باتوا في بوظبي

في بيت فاضل القبيسي ..
خليفه ويابر وهزاع وسلطان قاعدين في الميلس ..
يابر : صراحه يابومييد امررررررررره ماعليك رمسه في اليواله انا اتحرا اروحيه اليويل ثره في ناس ظهروا اخير ..
سلطان : ماعليك اقصور يايابر والله انك اجدييييييت بالقو بعد
وقعدوا ايسولفون وخلاف راحوا هزاع وسلطان البيت .
خليفه : ماشاء الله خال هزاع والله والنعم الساع ..
يابر : هيه والله ماشاء الله ماعليه اقصور حبوب ماشاء الله عليه راعي سوالف .. والله انيه انمدجت معاه ابسرعه وانته تعرفينيه مانمدج مع اي حد بسرعه ..
خليفه : هي اعرفك .. هههههههه خلاص عيل بروح ارقد انا باجر معرس
يابر خلوف في سؤال في بالي من زمان ودي اسالك اياه
خليفه : خيييير
يابر : البنت اللي انته كنت تباها وكانت في بالك اربعه وعشرين ساعه واللي رفضت بنت خالتيه عسبها ميثه صح ..
خليفه : اشلك انته في سوالف الكبار .. هههههههه
يابر : لا والله صدق خبرنيه
خليفه : هيه نعم ميثه
يابر : يعني الحمد لله الله حقق مناك
خليفه : والله يحقق مناك انته بعد في اخت سلطان
يابر : لا لاا شوه اصلا انا مابعرس
خليفه : عيل اشعنه تتخبر عن البنيه
يابر : بس جذه حب استطلاع ..
خليفه : زيين خلاص يله مع السلامه
يابر : ربي يحفظك ..

الصببببببببببببببح
الساعه 9
يوم الخميس } يوم العرس {


نوف : خلوف يله نش بسرعه ..
خليفه : لا حول ولا قوه خليني ارقد شو تبين ..
نوف : نش خلنا انروح الخيمه الحينه ترا هاي اخر الترتيبات خلاف انا مابروح قنش يله خلنا نشطب على كل شي
خليفه : اللي يقول انتي العروس
نوف : حرمتك اللي موصتني وبعدين انا ابا عرس اخويه يظهر غاوي .. نششششش
خليفه : يالقعتيه اليووووم هاه بنش بنش نشيت ..
وراحوا نوف مع خليفه وحدروا الخيمه وكلمت نوف اللي هناك ورتبوا كل شي وجهزت الخيمه على اكمل وجهه ..


الساعه 8

هزاع : امايه
شمه : لبيييييه يابويه انا هنيه البس عقديه . ..
هزاع : ياوووويلي محلاتها امايه .. ياويلي على هالبرقع الغاوي وهالفستان اللي ينضرب به المثل وانا اقول شو بلاه المر هب طايهع يتحرك من الحجره ثره عنده قمر ..
شمه : ههههه وايه غربل الله بليسك يلي ماتخيل ..
هزاع : هههههههههههه
شمه : اشعنه تزقرنيه شو تبا ؟؟
هزاع : خالتيه عزه متصله اتقولج تترياج في الخيمه
شمه : انزين يله انا جاهزه الحينه بنروح صوبها انا ويدتك .. وظهرت شمه من الغرفه وراحت صوب عزه في الخيمه وقعدن في الخيمه يرحبن بالحريم ..

في بيت فاضل القبيسي..
نوف كانت لابسه فستان بنفسجي مايل على الازرق وازرق مايل على البنفسجي وكانت مسويه تسريحه ورافعه شعرها علة فوق اما نوره وموزوه كانن لابسات نفس الشي فستان لونه بنفسجي فاتح وكانن فاتحات شعورهن شعر موزوه ونوره ماكان طويل تفريبا لين ظهرهن .. وعفراء واليازيه كانن لابسات فستان لونه تركوزاي بس الموديل كان غير .. وشيخه كانت لابسه فستان ذهبي .. وعاشه كانت لابسه فستان عنابي وعليا بنتها كانت لابسه فستان ازرق فاتح مع ازرق غامج وطبعا صوفيا كانت حاطتلهتن الميك اب على نفس لون الفستان .. اما اليازيه فكانت حاطه الميك اب عند جويل ..
نوف : يله روحنا
عفراء : يله امشن
عاشه : امايه في الخيمه
نوف : هي امايه من الصبح وياخالتيه شمه
وظهرن الحريم من البيت وراحن الخيمه .



في بيت المر الرميثي
ريسه كانت لابسه فستان برتقالي في ورد وكانت رابطه شعرها بورده من الورد اللي كانت فالفستان ياببتنها عالطرف وكانت صدق هالمره طالعه باسكال مشعلاني واحلا بعد وكان شعر ريسه لين بداية ريلها ... وميره كانت لابسه فستان بحري .. وشمسه وساره كانوا لابسات نفس الشي فستان لونه بني فاتح مع ازرق فاتح .. والعنود كانت لا بسه يشمك بما انها كانت حامل في الشهر الخامس وبطنها يبين فلبست يشمك وفتحت شعرها اللي لين تحت جتفها ولبست طاسه ومرتعشه .. وهند كانت لابسه فستان رصاصي .. وروضه كانت لابسه فستان بيج مع ذهبي مع طرحه على الراس .. وكانت ليندا خليفه حاطتلهن الميك اب ... بس هند كانت مع ميثه في صالون دولا فحطت دولا ميك اب ميثه وحطت كاتيا اللي مع دولا ميك اب هند ..
هند : يله روحن شو بيقولن هل العروس مايوا
ريسه : هي والله فشله ..
روضه : بموت انا ماروم على فراق ميثوه
العنود : رويض من الصبح اتصيحين ومالت الصالون حليلها اتعدلج الميك اب خلاص انسي الموضوع قولي اللي يوفقها ويله الفال لج ان شاء الله
وشويه ان هزاع كان ظاهر : ويايه ان شاء الله قولن امين ..
الكل : امييييييين
روضه شافت هزاع وقعدت تضحك : والله انك متفيج ..
شمسه : حليله هاذا دوم يحطمونه
هزاع : جفتي عاد .. وساعات انضرب
العنود : ههههههههههه مسكين عيل لاعبين فيك الدور هاه ..
هزاع : هيه والله الحينه انتن منوه بيوديكن ..
ساره : طبعا يانته ياسلطان ..
سلطان : لا اسف انا مواعد يابر في ستار بكس وخلاف يوم بيحدر المعرس بنيكم..
هزاع : يله ركبن.. هند مابتييين ؟؟
هند : لا هب يايه انا باي مع العروس ..في سيارة منصور
هزاع : خلاص غايته ..
وراحوا كلهم مع هزاع ..
الحريم في القاعه كانوا يطرن جمال البنيات ومخلن بنت من بنات قوم فاضل وقوم غيث مارمسن عنهن ومدحنهن ... الخيمه كانت في منتهى الروعه اللي يدخلها مايقول خيمه كانها حديقه من كثر الترتيبات اللي كانت فيها وكل الخيمه كانت بلونين اللون البنفسجي اللي على الازرق والازرق اللي على البنفسجي والشموع اللي كانت على كل طاوله والطاولات والكراسي اللي مسوينهن بكل ترتيب وفن والشموع اللي كانت على اطراف الممر اللي جدام الكوشه .. والكوشه اللي كانت اكثر من روعه كوشه من الخيال كوشة الف ليله وليله ... اللي كانت مظلمه اشويه وعلى اطرافها ليتات بلون البنفسجي والازرق اللي تتدور في كل مكان ..

الساعه 10 ونص
وقت زفة العروس .. في البدايه قبل لا تظهر العروس ظهرن حرمتين لابسات لبس الف وليله وسون عرض من عروض الف ليله وليله وعقب خمس دقايق سكروا الليتات وولعوا الشموع اللي كانت على كل طاوله والشموع اللي كانت على اطراف الممر اللي جدام الكوشه وحدرت الكوبي مالت منصور جدام باب الخيمه ووقفت ونزلت منها احلى عروس .. عروس ماظن حد شاف في جمالها بشر نزلت انسانه كانها قصه خياليه من جمالها وانوثتها ومكياجها الناعم والهادي اللي كان وايد مظهر طفولتها وشعرها اللي كان مفتوح وواصل لين ركبها مشت ميثه باروع الخطوات على انغام اغنيه عيضه اللي كانت معدوده فيها ومذكور فيها اسمها .. ميثه كانت تمشي بروحها محد معاها تعدل طرحتها بكل دلع ومشيتها وحركاتها اللي كانت ادل على صغر سنها ودلعها اللي كان عاطنها برستيج يجنن ..


اشرقت بالنور مابين الحضور
كنها شمس وكواكب بينها
من كثر ماربنا واهبها نور
يذكر الله من يناظر زينها
الله اكبر ماعلى مييثه قصور
كيف ولا والحسن كله يزينها
فيها كل الزين واحساس وشعور
كم تنمى الورد لمس ايدينها
يوم زفوها على نسل الصقور
طرزت الافراح كل اسنينها
والنجوم اتزف افراح وزهور
والهنا اقبل تعنى لعينها

<a target=_blank href="http://www.dubaimoon.com/songs/3ath/ashraqat-3ath.ram" target=_blank>http://www.dubaimoon.com/songs/3ath/ashraqat-3ath.ram</a>

والبنات نوف ونوره وموزه وريسه وعلياء كانن قاعدات على طاوله وحده اول طاوله عند الكوشه ..

وتمت تمشي ميثه على انغام الاغنيه لين ماوصلت على الكرسي وقعدت ..
نوره : اف رووووووووووووووووعه ماكنت اتوقع جيه والله صدق احس اني في قصه هب في عرس صدق والله انها احلى مفاجاه ييوم شفت هالحريم يتمشن انصدمت .. ويوم قعدن ايسون العرض فكره رهيبه
علياء : انا كنت حاسه انهكم بتسون جيه بس احساس يعني بنسبه بسيطه ههههه
ريسه : ميثوه ماخبرتيه ماتوقعت انكم بتسون جذه
روضه : والله حتى انا ماخبرتنيه بس صراحه مفاجاه حلوه
نوف : جفتوا هاذا كل ذوق حرمة اخويه..
وخلاف راحن البنات ايسلمن على ميثه وقعدن معاها نص ساعه على الكوشه وخلاف نزلن لانه خليفه كان بيحدر الخميه

11 ونص
حدر خليفه الخيمه مع المر وفاضل .. وخليفه كان متروع وميثه اللي كانت شويه وبتموت وكانت تتنافض ويا صوبها خليفه ورفع الطرحه عن ويهها
خليفه وهو يعض على شفايفه : ورب الكووووووووووووون قمر قمر وحبها على راسها .. واول ماحبها غمضت ميثه عيونها ونزلت راسها
روضه : هههههههههه زين ماماتت
نوف : الله يعينه على مستحاها ترا على فكره ميثه تستحي
ريسه : ميثوه وايد هب شويه .. الله يعينه ويساعده بعد
نوره : هههههههه حليلها
موزه : ياربي متى بعرس ؟؟؟؟؟؟؟؟؟؟؟
ريسه : اتصدقون الحينه ابا اعرس وانا بعد ..
نوف : هههههههههه تبين ريل اخويه يابر يدور حرمه
ريسه : ههههههههه سخيفه استحي انا ههههههههه
نوف : هب بس اللي ميثه ظهرت تستحي عيل ..
ريسه : لا والله ههههههه ..

وقعدوا ميثه وخليفه عقب مايوهم الحريم ايسلمون عليهم
خليفه : هاذا الملاك اللي جدامي لي انا .. اخيرا ربي عطاني اياج
ميثه : ..........................
خليفه : احبج موت
ميثه : ........................... وخلاف صدت عنه وخليفه كان متلعوز كل ماكان يصد عليها اتصد عنه وتمت قاعده عداله بس عاطتنه ظهرها يعني اشويه لافه عنه .... وكانت حاطه ايديها على الكرسي قام خليفه وحط ايده على ايدها وسحبت ايدها بسرعه عنه ..
خليفه : لاحول الله ولا قوة الا بالله خلاص مابلمس بس بطالع
ميثه : لا
خليفه : مابغيييتي ترمسيييييييييييين اخيرا اعنبوه حبيبي انا مابكلج ..
خليفه شاف بنت اخته عاشه ..
خليفه : خوله
خوله : هاه خاليه
خليفه : عطيني الورده للي عندج .
خوله : هاك
ونشت خوله وعطت خليفه الورده وعطاها حق ميثه
خليفه : وردة حبنا
ميثه : ابتسمت له ولفت عنه وشلت الورده حطتها عدالها ..

يابر وسلطان وهزاع كانوا واقفين خاري ..
سلطان : الووووووو
ريسه : هلا نعم
سلطان : لو سمحتي نبا ندخل
ريسه : انته ماتستحي على ويهك وين تبا ؟؟
سلطان : لو سمحتي الشيخه لا تكثرين كلاام بندخل انا ويابر وهزاع ..
ريسه : منوه بعد يابر ..
نوف : اخويه
سلطان: هاي اللي قالتلج اخوها ..
ريسه : مالي خص دق رمس شمه ولا امايه ..
ريسه : انجبي انقلعي روحي رمسيهم وشغليلنا اغنية شط الحشا لانه نحن متفقين مع خليفه انه نحدر هالوقت يله
ريسه : اف يالقذا انزين بروح ...
سلطان : ابسرعه يوم بتخلصين دقيليه تلفون اترياج
ريسه : انزين باي
سلطان : باي

وراحت ريسه عند قوم امها وشمه وعزه وين ماكنوا قاعدين وخبرتهم ..
شمه : حليللللللهم خليهم ايحدرون مساكين اشعنه مخلينهم برع ..
ريسه : خلاص بقولهم .. وراحت ريسه عند نوف المغنيه وقالتلها ايشغلون الشريط اللي عطتهم اياه ريسه ..
وخلاف راحت صوب نوف وقلتها اتروح اتلحف ميثه لانهم بيحدرون وخلاف راحت نوف ولحفت ميثه .. وقعدن نوف وعليا وريسه وروضه وموزوه ونوره واتلثمن كلهن وقعدن


شط الحشا من شطبه والقلب مني صوبه
واللي مريح ولادرى لي حلبي ماحلبه
حل بحشايه ياملا حب الحبيب وابتلا
والقلب دونه ماسلا شط الفؤاد وعذبه
عذلت قلبي ماصبر عن راعي الطرف الحور
يلي جبينه كالقمر يزهي بشلة حاجبه
ذوب فؤادي وملكه في وسط غزله شربكه
ياناس ماروم الحقه عوقي غبي من اسببه
عوده عويد الشادني مرباه داري ووطني
ياناس حبه صادني صيد الوحش في مجلبه
مجبور جبر المبتلي في حب خلي العذملي
يلي يلومني ياخلي لي حلبي ماحلبه

<a target=_blank href="http://uaefm.net/music/5a/5a03/uae/mee7ad/rm/mee7ad_sha6-al7asha.rm" target=_blank>http://uaefm.net/music/5a/5a03/uae/...sha6-al7asha.rm</a>








.. وحدروا سلطان وهزاع ويابر بكنادير بيض وغتر بيض وكل واحد منهم كان ايقول الحلاه الا من عقبيه بس طبعا يابر كان احلاهم .. وحدروا وهم ايولون وقعدوا ايبسون عند طاولة قوم نوف بما انها كانت اقرب طاوله للكوشه والبنات يطالعن ويصفقن وخلاف يت عين ريسه في عين يابر ويوم شافها اتخبل عليها وعلى عيونها ولانه شيلتها كانت خفيفه فكان ايبين ويها من تحت مات يوم شافها و عرفها من عيونها لانه هاك اليوم رسمها في خياله رسم كامل وابتسملها وخلاف غمزلها ريسه من سوا يابر هالحركه ماتت ريسه مكانها عرفت انه عرفها وخلاف لف صوبهم بس من بعيد ونزل على ركبه وحط ايديه على راسه وقعد ايبس مكانه وكانت عينه عليها وكان يسوي حركات بعيونه يعني انه الاغنيه اهداء الها ريسه كانت تتطالعه بنظرات انه هو وايد مصدق عمره يعني وكانت في نفس الوقت متخبله على حركات يابر ونوف يوم كانت تتطالع شافت سلطان وقالت في خاطرها ماشاء الله عليك وخلاف قعدت تتطالعهم كلهم بدون استثناء حد وقعدوا ايلون الشباب الثلاثه لين ماخلصت الاغنيه وظهروا ..

12 ونص
ظهروا خليفه وميثه من الخيمه وركبوا البورش وركبت معاها خالتها هند لانه ميثه كانت بس بتروح اتبدل واتشل شنطتها لانه خليفه كان حاجز الها في برج العرب ..

ودامت دياركم عامره بالافراح والمسرات

انتهى الجزززززء واتمنى انه يبعيبكم&#60;&#33;-- / message --&#62;



يالله ولاتقووولووون قصيييييييير<img src="http://oasis.bindubai.com/emoticons/wink.gif" border=0>

تحياتي





</p>&#60;&#33;-- edit note --&#62;
<div class=smallfont align=center>&nbsp;</div></font>

<font color='#728FCE'>مشكورة الغلا ....

اشهد انج موووووول ما قصرتي الغاليه...

نتريا التكمله ....

تحياتي...
</font>

<font color='#000000'><img src="http://oasis.bindubai.com/emoticons/017.gif" border="0" valign="absmiddle" alt=':f17'> &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; تسلميييييييييين الغاليه على القصه
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; الــــــحلــــــــــــووو وووووووووووووووه...
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ونتريااااااااااااا جديدج..........</font>

<font color='#000000'>تسلميين يالغالية على القصة الحلوه ...

وفديتج لا تتحيرين نزلي الجزء الي بعده بسرعة....


ومشكورييييين .....</font>

<font color='#8D38C9'><p align=center>الله يسلمكم كلكم وانشاءالله اليوم بنزل البارت

ومشكوووور لكل للي يتابع القصه


تحياتي </p></font>

<font color='#8D38C9'><p align=center><font color=#ff0000>الجزء الواحد والعشرون</font>


لو مثلي ينظرونك وبطيبك يحسون اكيد بيحبونك ياغايتي بجنون
شفت الهنا في كونك واصبحت بك مفتون لزما علي اصونك واعاهدك ماخووون


في البورش كايين
الساعه 1 وربع
ميثه وخليفه كانوا رايحين برج العرب بيباتون هناك اليوم و باجر طيارتهم حق تايلند ..
خليفه : ماصدق اني معاج ماصدق انه انا وانتي بس هب قادر اني اصدق انه القمر ابكبره حذالي.. انا الله وايد ايحبنيه انه عطاني وحده شراتج ادب واخلاق وجمااااااااال اه يالجمال في حياتيه ماقد شفت مثله .. تعااااااااااااالي هييييه صح واشعنه كنتي فاجه شعرج في العرس تبيييين يحسدونه حقيه ..؟؟؟
ميثه : ......................
خليفه : لاااا والله اكلم منوه انا ؟؟
ميثه : ه ه ا اااااه ...
خليفه : حبيييييييييييبي فديتج انا شو بلاج اتقطعييييين ؟؟ هههههههه
ميثه وويها احمر : بس عاد
خليفه : انزين كلميييييييييني لا تسكتيين انا ماصدقت اتكونين حذالي رمسي ..
ميثه لفت عنه الصوب الثاني وهي ترتجف وقام خليفه وحط ايده على ايديها وسحبت ايدها عن ايده
خليفه : هااااااااااه بسم الله اشعنه جذه ترتجفيييييين ؟؟ والله انيه مااكل صراحه ماقول غير الله يعيني على مستحاااااج ...
ميثه وبكل دلع : ابا امايه ..
خليفه : هههههههههههههههه
ميثه : ابااااااااااا امايه اباااااااااا امايه ..
خليفه : ماتحبييييييني ماتبييييييييييييييييني ؟؟ خلاص ماشي امايه مابوديج عندها ..
ميثه وشويه بتصيح : لا لا لا لااااااا ابا امايه اباها
خليفه : انزين انتي ليش وايد دلووووووووعه ؟؟
ميثه : ..........................
خليفه : حبيبي
ميثه : لا اتقوليله هالكلمه
خليفه : حبيييييييييييييييييبي حبببببببببببببببببيبي ..
ميثه : ياربيييي تبببببط الجبد اوف
خليفه : اون
ميثه كانت تضحك عليه وخلاف صدت عنه ..
خليفه : فديييييت اللي يضحك انا فديييييته محلات ضحكته كم تسوا ؟؟ تتدرين ميثاااني انا يوم جفتج عالكوشه ماصدقت عمريه كان في خاطريه ازااااعق ازاعق باعلى صوتيه واقول ان حرمتيه قمممممر قممممممر ..
ميثه:.........................
خليفه : ميثه
ميثه : لبيه
خليفه : لبيييييييتي حايه .. احببببببببج احببببببببببج
نشت ميثه وحطت ايدها على اذنيها عسب ماتسمعه ويوم شافها ضحك عليها وخلاف سوالها حركه بمعناة معاليه براويج
خليفه : اتغشششششي
ميثه : اشعنه ؟؟
خليفه : طيييييعي الشور
ميثه : ان شاء الله واتغشت منه
قام خليفه ونزل الجامه وصرخ باعلى صووووووته احببببببببببببببج احببببببببج احببببببببببببببببببببببب ج والشارع كان فاضي مافيه حد بس هو كان خايف انه حد يخطف عدالهم فجاه ويشوف حرمته .. ميثه من شافت خليفه فجت اعيونها وحلجها ..
ميثه : بس يالمينووووووون
خليفه : ههههه مينون فيج والله انيه مينون فيج .. وفي دلعج وفي جمالج ..
وحطت ايدها على الجامه مالته ورفعتها وخلاف مسككت ايديه عسب مايرد يفتحها . وخليفه طول الوقت بس فاج حلجه ويطالعها بنظرات اعجاب ..
ميثه : شو بلاك
خليفه : احم احم ايديه على ايديج ..
ميثه : هاه لاااااااااا وشلت ايدها بسرعه ولفت عنه ويهها الصوب الثاني .
خليفه : هههههههههههههههههههاااااا ااااي .. اموت فيج ورب الكووووووووووووون ..
وخلاف وصلوا برج العرب وحدروا السويت اللي كان عباره عن غرفه وصاله في الطابق 20
حدرت ميثه اتسبحت وظهرت وهو كان قاعد يطالع التلفزيون في الصاله .
خليفه كان يطالعها ويت وقعدت على الكرسي البعيد عنه ..
خليفه : احلفي انتي بس ؟؟
ونش من على كرسيه وراح قعد حذالها ..
ميثه : اف ياللزقه
خليفه : هههههه حرمتيه
ميثه : ...................................
خليفه : انتي وايد تسكتيين تتدرين انا ماسمعت منج اليوم الا 12 كلمه بس
ميثه : حاسبنهم ..
خليفه : طبعا من كثرهن ... وقعد يطالعها
ميثه : اشعنه تتطالعنيه ؟؟
خليفه : كييييفيه حرمتيه اطالع منوه يعني .. اوكي ماتبيني اطالعج بروح اطالع مالت الرسبشن اللي تحت ..
ميثه : لااااااااا
خليفه : اطالع
ميثه : ماعرف
خليفه : انا يوعان وانتي
ميثه كانت يوعانه بس كانت تستحي انها تتطلب منه اي شي : لا لا هب يوعانه
خليفه : لا يوعانه عيونج اتقول انج يوعانه
ميثه : ...................................
وخلاف اتصل خليفه بالرسبشن وطلب اكل وقعدوا ياكلون
خليفه : انتي يالصوصه الصغيرونه هب جذه ياكلون
ميثه : هههههه كيفيه عاده انا
خليفه : لا اتقولييييييييين كيفي بعطيج كف على ويهج
ميثه فجت اعيونها : هاااااااااه لا
خليفه : ههههههههههههههههههههااااا اااااااااااي .... تتوقعين منيه هالشي يعل يديه القص قبل لا اسوي هالشي ..
ميثه : بسم الله عليك لا اتفاول
خليفه : هههههههههه ليش اتحبييييييييني
ميثه وهي تبتسم : اممممم ماعرف وخلاف ربعت داخل الغرفه عنه وسكرت الباب وقفلته وراح هو غسل ايديه في الحمام اللي في الصاله وخلاف راح الغرفه قعد ايدق الباب ..
خليفه : اعنبوووووووووه فجي الباب
ميثه : لا هب فاجتنه
خليفه : وااااااااااااايه بالستر اشعنه ان شاء الله وانا وين ابات ...
ميثه : ماعرف مايخصنيه ..ولا اقولك حط راسك على الكرسي في الصاله .. ونام لين باجر ..
خليفه : والله اوكيييييييييه ماعليه يله انا بروح تحت ..
ميثه : لا لا تعااااااااال
خليفه : مابا بروح
وفتحت ميثه الباب وخليفه كان منخش عدال الباب وقعدت ادوره
خليفه : باااااااااو .. هههههههههههههه
وصرخت ميثه وخلاف حدر الغرفه : انا هنيه ببات جان تبين اتباتين برع باتي وادريبج انج اتخافين حتى من ظلج وان خفتي تعالي برقدج ..ومسكها من ايدها
ميثه : لا لا اب ااامايه ابا امايه
خليغه : لا حول ولا قوه وين امج وين نحنا ماشي امج انا من يوم رايج امج وكل شي
ميثه وعيونها فيها دموع : لا لا ابا اماااااااايه ابااا هدنيه لا ادقنيه لا تلمس يديه ..
خليفه : اعنبووووووووه ريلج انا .......... ههههههههههه .. حبيبي خلاص عاد .. والله خلاص مابلمس يدج خلاص ..
وراحت ميثه الغرفه نامت وخلاف راح خليفه ونام ..


الصبح . .
يوم الجمعه .. الساعه 10
شمه : الووووووو
عزه : مرحبا الساااااع
شمه : مرحبا ملاييين ولا يسدن اعلوووووممكم ؟
عزه : ابخير يعلني افداج وانتوا اعلومكم ؟؟
شمه : والله ابخير وسهاله ..
عزه :وشحالها امج حليلها تعبت البارحه اكيد من العرس ..
شمه: بخير يعلني افداج هاذي قاعده حذالي ..
عزه : سلمي عليها ..
شمه : ان شاء الله سلامن يبلغ..
عزه : الا اليوم عزيمة الغدا عندكم وان شاء الله اول مايردون من السفر عندنا ..
شمه :هييييييه نعم نحن متفقين عالهشي ..
عزه : خير ان شاء الله .. الا انتي منوه بيعاونج ..
شمه : والله خواتيه راقدات اترياهن ينشن وبنحدر معاهن المطبخ .
عزه : حليلهن خليهن ابرايهن راقدات انا بييج الحينه وبعاونج ..
شمه : لا الغاليه انا مابا اتعبج معايه ..
عزه : افااااااااااا ماهقيتها منج ياشمه نحن خوات واهل ..
شمه : تسلميين يعلني افدا روح حياج الله .
عزه : الله يحيج ويبجيج خير ان شاء الله ثواني وبييج ..
يابر : صباح الخير
عزه : ماشاء الله عليك ثرك واعي ..
يابر : اللي يقول انا رقدت من البارحه
عزه : نعم شو قلت ماسمعتك اشعندك اتوطي صوتك ..
يابر : ماشي اقولج بس شبعت من النوم .
عزه : خير ان شاء الله بروح انا الحينه عند خالتك شمه لانه قوم خوك بيون عالغدا ..
يابر : والله لو انا منه بطير بحرمتيه سيده شليه في العثره والدثره .
عزه : ياله عاده انته خلك يالمطيور .. يله ابرايك ..
يابر : امايه ..
عزه : لبيه ..
يابر : امايه وديييينيه معاج ..
عزه : وايه بالستر وين اودييييك ؟؟
يابر : معاج ..
عزه : ابويه روح ارقد اخيرلك شكلك هب صاحي وين اوديك بعد عن الحريم مسود الويهه .
يابر : انا من الصبح اتصل في سلطان وهزاع غالقين تلفوناتهم اكيد راقدييين ..
عزه : وانته اشعنه تغار روح ارقد ..
يابر : اقولج ماروم ارقد ماروم
عزه : بسم الله عليك شو بلاك .؟؟
يابر : مابلاني غير ذاك اللي بلاني .
عزه : عن الخريط هاذا الزايد يله ابرايك .. وراحت عنه . .
يابر : ااه ياقلبيه ليتج عندي ليتني اشوفج اربعه وعشرين ساعه .. اااااه ياقلبيه فديتها فديتها .. شو يا يابر ظوت عقلك وانته اللي ماتظوي عقلك ولا ابنيه .. لا لا .. شو لا لا قلبي طار صوبها .. خلاااص راح منيه .. ياويلي ياويلي من حلاتها ياويلي من اعيونها يايويلي ياويلي ..
شيخه : شوبلاك اتولول ؟؟
يابر : هههههههههه ماشي اولول من الرقاد اللي فيه ..
شيخه : انزين روح ارقد عيل اخيرلك ..
يابر : هيه بروح وخلاف راح عنها يابر غرفته ..


تميز في جمالن ميزه ربي.... و خذ منه الحلا أشكال والواني&#33;
اهو راحت هناي و بلسم جروحي .. يهلـيـبه فوادن فيه شفجاني&#33;




الساعه 11
في الفندق
نشت ميثه من النوم وجافت خليفه نايم
ميثه : فديييت هالويهه انا فديييت ريلي ..
وخلاف نشت واتسبحت وظهرت المغربيه مالتها من الشنطه ولبست وحطت ميك اب ولفت شعرها وراحت صوب خليفه عسب اتوعيه ..
ميثه : يالله الحينه كيف اوعيه ماعرف كيف اصارخ عليه ادقه ماعرف لاحووووول وتمت تتطالعه حايره كيف اتوعيه .. وسرحت في شكله وهو نايم ونست انها توعيه وخلاف وهو يتجلب فج اعيونه وشافها جدامه ابتسم الها بس ماردتله الابتسامه لانها كانت سرحانه في شكله وهو نايم وخلاف مد ايده وشل ايدها وباسها على ايديها ..
خليفه : صبااااح الخير ياحلى عروس ؟
ميثه وكانت ميته من الحيا ومنزله عونها في الارض : صباح النور .. مابتنش تتسبح وتروح اتصلي ؟؟
خليفه ان شاء الله من عيوني ..
ميثه : زهبتلك الاغراض في الحمام الله ايعزك ..
خليفه كان يطالعها بنظرات اعجاب : لو ادري انه العرس جذه جان من زمان عرست ...
ميثه : شو يعني بتاخذ وحده غيري ..
خليفه : حبيبي انتي نصيييبي من هالدنيا .. والله كتب انج اتكونين اليه .. وانا مابا حد غيرج .. لانه محد يسواج ولانيه ماحبيت ولا بحب انسانه مثل مانا احبج احبج ياميثه احبج ورب الكون احبج ....
ميثه : خليفه بس عاد ..
خليفه : فديييت اللي يستحي ..
ميثه : يله انزين نش عاده روح اتسبح بتوفتك الصلاه .
خليفه : ان شاء الله من اعيوني وخلاف راح خليفه اتسبح وصلى صلاة الجمعه وخلاف راحوا بوظبي ..

في بيت المر
الحريم كلهن كانن قاعدات في الصاله والراييل في الميلس . يتريون المعاريس .ووصلوا خليفه وميثه بوظبي وحدروا البيت
ميثه : خليفه
خليفه :اعيوووونه قلبه روحه فواده نصخه لبيييييه ياعيون خليفه انتي .
ميثه : بس عاد انته ماتشبع من هالكلام
خليفه :اللي يجوفج بيقول هالكلام واكثر عنه ولا عمره بيشبع ..منه
ميثه : ياله علييييييييك .. انزين انا بحدر الصاله وانته احدر الميلس ..
خليفه : خلاص ان شاء الله
ميثه : اتغدا عدل انزيييين ..
خليفه : فدييييييييته ياربي اللي يخاف عليه ويباني اتغدا عدل ..
ميثه :اسكت اعنبوووه حد بيسمعنا
خليفه : هييييه حرمتيه كيييييفيه
وتوهم واصلين عند باب المدخل فتح هزاع الباب لانه شافهم من الجامه ..
هزاع :حيالله المعاريس ..
خليفه و ميثه : الله يحييييييك ..
وخلاف سلمت ميثه على هزاع وراحت الصاله وحدرت وسلمت عليهم وقعدن يتغدن ..

في الميلس ..
فاضل : هاه خليفه ابويه متى طيارتكم ..؟؟
خليفه : اليوم العصر الغالي ..
سلطان : هااااااه على وين معزم ان شاء الله ..
خليفه : تايلند ان شاء الله
هزاع : زيين والله غاويه تايلند .. الجزر اللي هناك روعه .. وتقدر اتاجر جزيره تقعد فيها روحك ..
خليفه :عسب جذه اخترت تايلند ..
يابر : زييين والله عيل بتسااتنسووووون
المر : يالله ان شاء الله يهنيكم .
خليفه : امييييين ياعمي ..
وخلاف راح يابر حذال خليفه وقعد ..
يابر : هاه خلوف بشر شو العرس . ؟؟
خليفه : والله ابصراحه لو ادري انه العرس جذه جان من زمااان عرست .
يابر : احللللللف
خليفه : وقسسسم بلله
سعيد : لا عاده اذا الحرمه اوكيه بيكون غاوي واذا الحرمه ماتتشاهد انكد عنه تراه ماشي ..
خليفه : ههههههههه لا الحمد لله
يابر : خلاص عيل بعزم انا
خليفه :ههههههههه عزم يالله
سعيد : كل الناس اللي فهالدنيا بتعرس الا يابر ..
يابر : امممممم عاده بو عسكور في هاي صدقت ..



الساعه 10 بتوقيت الامارات وصلوا خليفه وميثه مطار بانكوك ...
ميثه : وووووووووع من حلاتها تايلند
خليفه : هههههههه صبري هب اليوم باجر بنسير الجزيره ..
ميثه : جزيره .. شو هاي .
خليفه : جزيره بتم ارواحنا فيها
ميثه : هاه لا شوه انا وانته روحنا لا لا مابا مابا اباا امايه .
خليفه : هههههههههههه .. ماشي امايه يله عن الدلع طوفي جداميه ..
ميثه : ابا ابا امايه انا
خليفه : هاه هاه حبيبي منوه تبين ؟؟
ميثه : ابا امايه انا
خليفه : تعالي تعالي .. وخلاف مسكها من ايدها وراحوا الفندق ناموا ونشوا الصبح وراحوا الجزيره ...
ميثه : وااااايه هنيه الجنااااااان روعه ماشاء الله روعه روعه
خليفه : قتلج انا
ميثه : وااااايه عليك ياخليفه ثرك ادل اماكن ياويلي طالع الزيتونه وين معلقه اممر في الشيره ماشاء الله اجنن هالجزيره ..
خليفه : وروحنا محد ويانا حتى لو تبين اتعقين شيلتج عقيها ..
ميثه : ههههههه وعباتي بعد
خليفه :طبعا ..
ميثه : انزييين نحن وين بنرقد ..
خليفه : اشرلها على بيت صغيروني صوب البحر .. هناك بنرقد
ميثه : يياي ايجنن صغيروني ..
خليفه : تتدرين منوه اللي يجنن ..
ميثه : ههههههه طبعا انا ..
خليفه : فدييييت اللي واثق من عمره فديييييييته احبه احببببببببه
ميثه : اصصصصصصص
خليفه : محد يسمعني ولو كل الناس بعد مايهمني ودي كل الناس تعرف انيييييييي احببببببببج احبببببج ..
ميثه : انزيييييين وانا بعد احببببببببببببببببببببببب ببك وخلاف قعدت تربع عنه عالبحر ..
خليفه : هااااااااه اخيراااااااا يعني والله اني امووووت فيج وتم يربع وراها على طول البحر لين ماتعبت وقعدت .. وياها خليفه وقعد جذالها
خليفه : تعبتيني
ميثه : هههههههههه خلاص خلاص ماروم اركض
خليفه : اتحبيييييني .. ؟؟ قولي والله انج قلتيها قوليها قوليها ماسمعتها ابا اسمعها ..
ميثه : احببك من اول يوم شفتك فيييييييييه وانته راد البلاد ..
خليفه : فديييييييتج فديييييتج .. والله العظييييييم وراس اميه الغاليه انيه احبج من هاك اليووووووم يوم شفتج وربعتي عنيه وسككرتي الباب في ويهيه . تتدرين ميثاني ..
ميثه : لبيه شو اللي ادريبه ؟
خليفه : شفتك ولا ظنيت بهواك .. ماهو بكيفي غصب عني ..
ميثه : ههههه تتدري اول شي اتحريتك هندي وخلاف يوم دققت في الملامح ربعت عنك .
خليفه معقد حياته ويطالعها .. : انا هندي حد ايقول عن ريله هندي ؟؟
ميثه :هههههههه ماقلت انا .. اتحريتك بس ..
خليفه : حلفي
ميثه : لا تتطالع انيه جذه اخاااااااااف
خليفه : تعالي بقولج شي
ميثه : هااااااه
خليفه : لا تعالي بقولج في ذنيييج .. قربي قربي
ميثه : شووووووووه .. هااااه
خليفه : احبج موت
ميثه استحت واستوا ويها احمر وخلاف نشت عنه وراحت تربع البيت
خليفه : ياناااس احبها احبها ياناااااااااااااس . .وراح وراها ..

واليوم الثاني

نشوا ميثه وخليفه
ميثه : لا تكشخ وايد ..
خليفه : ليش عاده
ميثه : بس اخاف حد يشوفك ..
خليفه : فدبيييييييييت عيونج الحلوه وانا مابا حد غيرج في هالدنيا بكبرها .
ميثه : اكيد
خليفه : امممممممم
ميثه : امممم بعد هاه نش نش زعلانه انا
خليفه : هههههههه فديتج انا مليوووووووووووووون اكيد ..
ميثه : انزين انا مابلبس عباه بس بحط الشيله عراسي
خليفه : اسف ماعندي حريم يظهرن جذه ...
ميثه : حرام عليك عيل خالتيه يوم راحت مع ريلها بس كانت تلبس شيله من دون عباه ..
خليفه : والله عاده انا ماعليه منه انا عليه منج انتتتتتتتتتتتتتتي انتي حقيه انا ومابا حد يشوفج يله عن لا غشيج بعد الحينه
ميثه : هههههههههه
خليفه : ماضحك وياج تبين اتجربين ..
ميثه : للللللللاااااااا
خليفه : امووووت في هواج اموووووووووت في قلبج امووووووت
ميثه : اصصصصص يله خلنا انروح حليله المرشد اكيد من الصبح يتريانا ..


وراحوا عند الموصلات اللي وين الجزيره لانهم كانوا بيروحون الجزر اللي عدال هالجزيره ركبوا الباص وخلاف راحوا ووصلوا جزيره كلها فيله .. ونمور
ميثه كانت تسحب خليفه من ايديه : هااااااه امايه لا لا انرد انرد برد انا اخاف ..
خليفه : ههههههههههه اشعنه اتخافين ..
ميثه : لا لا لا بياكلونيه ..
خليفه : ههههههههههههههههههههااااا ااااي .. اموت فيج والله حبيبي اموت فيج .. والله احلى شي يوم الواحد ياخذ وحده صغيرونه تتدلع دلع ..
ميثه : جب مادلعت انا
خليفه : شووووو جب جب الا انتي
ميثه معقده حياتها تتطالعه وماده بوزها شبر : انا جب يجبني
خليفه : حبيبي والله لا لا لا هب انتي انا انا انا .. يله تعالي تعالي بنروح نتصور هناك وراحوا خلاف ميثه وخليفه عن الفيله
ميثه : لا اخاف ياكلونك عنيه ..
خليفه : ههههههه ياغناتيه مايكلون هيله مايكلون ..
ميثه : انزين يله وتمت متقبضه فيه وطبعا خليفه ميت من الوناسه ..


وقضوا خليفه وميثه احلى ايامهم في اروع جزر تايلند وكل يوم كان ايوديها مكان .. خليفه كان ميت في ميثه وميثه كانت اكثر.. ميثه نست كل اللي في البلاد لانه قلبها عندها والانسان اللي طول عمره كانت تتمناه معاها وخليفه ماكان شي في باله غير حب ميثه وتفكيره كيف انه يسعدها طول العمر .. لانه هو اللي بغاها وتمناها وحارب هله في البدايه بس عسبها ..


في العيييييييين
يوم الخميس
الساعه 10 الصبح ..
ريسه كانت مع العنود في المطبخ
ريسه : ميري وينه الجبريت ..
ميري : انا نسيت ايقول مشان ماما ايجيب واهد جديد ..
ريسه : طبعا انتي جان ماتنسين عمرج يوم واحد .
العنود : ههههههه حليلها ميري تتذكرين يوم كنا نحنا في صغير اتودينا الدكان ..
ميري : ايه انا في دكر هازا انا يودي انتي معا ريوس دكان ايجيب بيبسي انتي في صغير واجد هلو بس هازا في ريوس جايده شيتان ..
ريسه : شيطان اللي في راسج انا شيطانه ..
العنود : ههههههه حليلها والله ماجذبت.. يله ميري ماماه روحي جوفي ولاعه في الميلس اكيد في ولاعه اهناك مالت ربع سلطان ..
ميري : جيين
ريسه : لا الله يخليج لو بتشوفها جدام اعيونها بتقول ماشفتها تمي انتي هنيه قطعي الطماط انا بروح ايبها ..
العنود : لا تتااخريننننن مافيني ايي ريلي من خاري ويشم ريحتيه مطبخ .
ريسه : وايه عليج .. قعدي انتي هب زين حق القمر اللي في بطنج اتمين واقفه .
الهنود : ههههههه ان شاء الله
وراحت ريسه الميلس وحدرت وشلت الولاعه وهي ظاهره شافت واحد متلحف وطاييح
ريسه : اعنبوه هاه سلطون شو مرقدنه في الميلس .. والله لا اروايه ..
وراحت عداله وخشت ايديها تحت اللحاف وكانت قاعده اتقرصه في ايديه ..
ريسه : ميااااو
وخلاف فج اللحاف عن يهه ويوم شافها تم فاج اعيونه يطالعها وهي منصدمه بالقووووووووو اشويه وبتموووووووت ..


انتهى الجزء ..
ظنكم منوه هاذا اللي شافته ريسه ..؟؟
ظنكم حياة ميثه وخليفه بتم حلوه على طول ؟؟&#60;&#33;-- / message --&#62;

</p></font>