العائله

<font color='#000000'><strong><font face=arial>انا كويتيه.. ولأني كويتيه حياتي غير .. حياتي مثل المسلسلات اللي تشوف فيهم احداث وااايد بوقت قصير . عايله سعود قاعدين يتريقون الام تصب الجاي حق الابو واهو قاعد يقره الجريده...دلال و عزوز قاعدين يتريقون .. بعد شوي دشت عليهم البنت الكبيره شيخه: صباح الخير, ردت عليها دلال: بونجور .. شيخه: حدج راهيه .. (عيل شلون عيل)
بنت الأدبي انا.. ردت عليي شيخه: وايد عليج يا بنت الأدبي .. دلال ما عجبها : يما شوفيها لا تقعد تستلمني جنه محد تخرج الا اهي شيخه : أي حبيبتي محد تخرج الا انا
وبعدين يبا انا وايد زعلانه عليك, الأبو : ليش يبا ؟ شيخه: الحين انا متخرجه والكل عطاني هديه بهالمناسبه الا انت الأبو: تدرين يبا انا شكثر مشغول .. حتى لو ما يصير انا بنتك العوده وأكبر حفيده ما استاهل هديه يعني .. الأبو : امري يبا شتبين هديه..( شيخه تبتسم): أبي اسافر بره ابي اغير جو عزوز: ايييي احسن شي قلتيه من ييتي انا بعد ابي اسافر ردت عليهم دلال: كلنا نبي نسافر منو بيقعد بجو الكويت الحلو بالصيف يعني, الأم: أي والله صاجه بنيتي.. شيخه تقاطع : ممكن أكمل كلامي الأم: كملي شعندج بعد شيخه: ولا شي ابي اسافر بس. الأبو : وين نسافر عزوز : ابي اروح لندن عند عمي ولهان على عيال عمي وايد .. صارلنا سنتين مو شايفينهم
دلال: لأ ما نبي لندن .. انا ابي اروح الهند ابي اشتريلي ساري وابي اشتري افلام واروح ابي اشوف اميتاب وشاروخ خان وابي وابي.. شيخه: نعم نعم حبيبتي أي شي انا شيخه بنت سعود اروح الهند ماكو شغل دلال : أي ماكو شغل .. الام : شيخه .. دلال بس عن الهواش وعوار الراس من الصبح شيخه : يمه ما تسمعينها شتقول بتودينا الهند هناك عند الهنود والدهن .. لا دلوله حبيبتي لمن انتي تتخرجين السنه اليايه روحي الهند انا هالسنه بروح امريكا عزوز: امريكا اممممممممم امريكا أي خوش ديره امريكا خلاص وافقت انا تقدرون تحجزون الأبو: اشوفكم اتفقتوا على كل شي وطلعتوني بره السالفه .. بعد شحقه اتحجى سوو كل شي بدوني الأم : سعود الله يهداك شفيك عصبت احنا قاعدين نتناقش بس واكيد الكلمه والأخيره لك انت بوالعيال... الأبو: والله يا عيال انتو تدرون اني انا ودي اسفركم واونسكم بالعطله قاطعته دلال: دام فيها ودي عيل ماكو سفره هي هي هي مسكينه شيخوه يالله ميخالف خيرها بغيرها.. الأبو: دلول صج ما تستحين شلون تقاطعيني وانا اتحجى يه عيب يبا ما يصير ردت عليه دلال: اسفه يبا
رد يكمل: أي لكن انا وايد مشغول هالفتره ومو بس شغل السفر يكلف وامريكا غاليه واحنا ماشالله وايد مو شويه من وين أييب تكاليف السفر كلها.. شيخه : يعني شنو يعني ما تسفرونا .. مابي والله كيفكم مالي شغل انا ابي اسافر. واذا ماكو سفر تييبونلي السياره اللي ابيها مفهوم وتقوم معصبه وبطلعتها ترقع بساره اختها توها قاعده من النوم صرخت عليها شيخوه:هي انتي فتحي عميه ساره ما تدري شسالفه بس تطالعها بعيونها ودخلت صبحكم الله بالخير الأم : هلا سارونه هلا حبيبتي يالله يما تعالي اكلي لج لقمه خل اشيل الريوق لي متى بعد الساعه 11 .. انشالله قعدت ساره: شلونك يبا الأبو: هلا يبا هلا ساره انا بخير الحمدلله
ساره : الحمدلله .. ها عزوز حبيبي شلونك مستانس بتلفونك يحليلك .. عزوز : ايي مستانس
اكيد مستانس انا اصلا الوحيد من ربعي الي عنده تلفون دلال: أي اكيد وحيد امك اكيد بصير عندك تلفون وانت لي الحين ياهل 8 سنين مو انا مالت على حظي تلفوني بيقطعونه ولي الحين ما عندي رصيد ساره: أي امي وابوي ينطرونهم يقطعونه عشان اييبونلج كرت وضحكت
الأم : الا ساره ما قليتلي ليش قاعده متأخر اليوم.. ساره: لا ماكو بس امس كنت سهرانه علىالتلفزيون شي ورا شي مسلسل ورا مسلسل راح عليي الوقت.. بس ما قلتولي شفيها شيخوه طالعه معصبه جذي عزوز: تبي تسافر وابوي ما يقدر مشغول ساره : امممم أي والله يبييلها سفره ضيقه خلق الأبو : انشالله اذا قدرت اسفركم .. بس عاد مو امريكا دلال: أي مو امريكا طبعا الهند قتلكم مساع الأبو ابتسم .. عزوز : يالله باي انا بروح غرفتي بشوف سبيس تون الأم : روح يمه روح دير بالك لا تركض تطيح تتعور عزوز: انشالله
انا بعد استأذن بروح غرفتي ساره: دلول وين رايحه تعالي قعدي معاي دلال: ما اقدر مشغوله
ساره : الله يخليج أي شغل اللي مشغوله فيه .. خلصي وتعالي الغرفه اقولج ساره: اوكي
الأم : دلول تعالي تعالي وين رايحه تعالي ساعديني دلال : نعم يمه شنو.. اساعدج؟
الأبو : أي تساعدينها شفيج مبققه عيونج اول مره يعني .. دلال : لا مو اول مره بس تونا قاعدين بسم الله شنو اساعدج ما مداني اقعد عشان اساعدج بعدين شحقه ما تقولين حق شيخوه ولااهيه على راسها ريشه الأم : لا مو على راسها ريشه بس انتي تعرفين شيخه ومزاجها انتي طيبه وحبوبه وما عندج هالسوالف والمصاخه من الصبح .. ساره : بس بس يمه لا تمدحين دلال ترى تذوب علينا الحين تعرفينها شكثر تحب الواحد يمدحها .. دلال: اووو انتي سكتي شتبين خليها تمدحني أي يمه كملي الأم : يالله عاد.. عطيناج ويه خلصي يالله تعالي ساعديني
انزين يمه راح اساعدج بس شوي لأني مشغوله اوكي على ما تخلص ساروه ريوقها الأم : انزين يالله تعالي...
(في غرفه شيخه)
يرن التلفون شيخه :الو ..ليالي: الو قوه شيوخه شلونج شيخه : هلا ليالي الحمدلله تمام انتي شلونج شلون امج وخالي خالد ليالي: الحمدلله بخير .. اقول شيخه اليوم بتطلعين مكان؟
شيخه : والله مادري يا ليالي يمكن أي ويمكن لأ على حسب .. ليالي: ايي مو ضايق خلقي قلت اتصل على بنت عمتي اشوفها بتروح مكان عشان اذا لأ ايي عندج .. شيخه: ايي تعالي شفيج حياج الله ما عندي شي انا فاضيه .. ليالي : صج يعني ايي؟ اخاف اضايق عمتي نوره.. أو اثقل عليكم شيخه : ليش انتي بتقعدين على روسنا بتيين تزورينا شوفي عيالي خالتي شريفه اربعه وعشرين ساعه اييون ما يستحون ولا شي ليالي: ويي قطع عيال عمتي شريفه يا كرهم . ما اواطنهم انا ولا حصوه هاذي اللي ذابحتنا فيها اختج دلال .. شيخه : شدراني عنهم كيفهم يولون
بس المهم انتي بتيين اليوم اكيد؟ ليالي: أي انشالله اكيد انا اتصل عليج العصر شيخه : اوووكي حبيبي ..ليالي : يالله باي.. سلمي شيخه : الله يسلمج باي
(في بيت خالد)
خالد: ها ليالي منو كنتي تكلمين ليالي: هاذي شيخه يبا خالد : أي يحليلها شلونها شخبارها ليالي :الحمدلله بخير خالد : شلون اختي نوره وسعود .. ليالي: كلهم بخير خالد :الحمدلله ليالي : يبا انا اليوم ضايق خلقي وما عندي شي ميخالف اروح عند شيخه ازورها ؟ خالد: أي يبا روحي ليش لأ انتي رايحه بيت عمتج بس قولي حق امج وروحي ليالي: مشكور يبا ما تقصر الله يخليك لي خالد: العفو حبيبتي ما سوينا شي
(مره ثانيه في بيت سعود تحديدا في الصاله )
دلال:ساروووه ويعه انتي شقاعده تسوين بالصاله؟ ساره: ايمع نمل.. شقاعده اسوي يعني
دلال:انا مساع شقايلتلج.. ساره: ما قليتلي شي دلال: يا حلوي مو قتلج خلصي ريوق وتعالي داري عشان اقولج بشنو مشغوله.. ساره : وييي نسيت سوري دلول دلال : لا خلاص ماني قايلتلج
ساره : واي دلال قتلج نسيت يالله تعالي نروح الغرفه . دلال: اوكي يالله.
(بالغرفه)
سمعي ساروه اليوم بدق على حصه بنت خالتي شريفه ابيها تيي تطلعنا ساره: وين ؟؟
مادري شدراني أي مكان المهم نطلع السينما مثلا .. ساره : صج صج صج ما عندج سالفه
شغل وشغل وأبيج بالغرفه عشان تقولينلي ابي حصه تطلعنا شسويلج يعني .. دلال: ساروه شفيج عصبتى.. حصه تطلعنا وهناااااك اواعد عزوز واشوفه على راحتي .. ساره: منو عزوز؟
دلال: اخوي ساره:@@ دلال: شدراني عنج :أي عزوز بعد رفيجي ساره: ايييي عزوز
أي أي دلول وانا اواعد يعقوب دلال: كيفج ساره: أي يالله دقي عليها الحين يالله شناطره
اخاف يشيله اخوها فهد مالي خلقه قطع ما يواطني وكل ما دقيت عليهم يحاجيني بنفسيه
ساره : اوو دلول خليه عنج مالج شغل فيه.. وما اعتقد يشيله اهو الحين بالنادي .. دلال: شدراج؟
فجر قالتلي ذيك المره انه فهد هالحزه يكون بالنادي .. دلال: اها اوكي عيل خل اتصل
(يرن التلفون في بيت أنور)
دلال: الو .. قوه منو؟ ... نعم شتبين؟
(دلال تأشر حق ساره هذا فهد).. ساره تقول بصوت واطي: عادي عادي طلبي حصه
دلال: شلونك فهد شخبارك.. فهد بنفسيه: شكو بأخباري انتي .. دلال ما عجبها: اسلم عليك يه مو ولد خالتي .. فهد : الله لا يسلمج زين وحذف السماعه .. دلال عصبت : هذا شفيه اطر منه السلام انا.. ساره : شحقه تسلمين عليه اصلا جان طلبتي حصوه على طول دلال : مو علشانه مالت عليه علشان أحمدو لأنه يعرفه رفيجه.. ساره:انتىوالله ما عرفنالج عزوز ولا احمد ولا محمد
دلال تضحك: كلهم ساره:دلول التلفون يبت طاري الصبيان ونسيتي عمرج دلال: ويي
الو الو الطرف الثاني: الو دلال: منو .. انا فجر شفيج ما عرفتيني.؟ دلال: هلا فجور شلونج شخبارج فجر:الحمدلله انتو شلونكم شلون ساره؟ دلال: زينه كاهي يمج تأشرلي تبي تحاجيج
فجر: أي خل اكلمها دلال: اول عطيني حصه بكلمها فجر: اوكي ( تكلم دلال حصه ويتفقون انهم يروحون السينما بالليل)..
(في بيت انور العصر)
فهد: حصه هاذي شتبي منج اليوم الظهر متصله؟ حصه: منو هاذي؟ فجر: قصده دلال
حصه: انت شفيك علىالبنيه ما تحبها شمسويتلك؟ .. فهد : ماحبها .. ما تستحي ولسانها طويل وما فيها حيا البنات كلش الأم: حرام عليك فهد دلال خوش بنت وعمري ما شفت منها عيب فهد : لالا انا ماحبها وبس جذي الله من خلقها وانا ماحبها . الأم: انزين فجر قومي نادي ابوج خل يشربله استكانه جاي قبل ما يطلع فجر: انشالله (وتطلع من الصاله) الأم:أي حصه وشتبي فيج دلال .. حصه تطالع امها ما تبي تتحجى جدام فهد قالت: ماكو تسولف بس الأم:اها
يرن موبايل فهد .. هذا احمد يالله يما الظاهر تأخرت علىالشباب انا طالع تبون شي الأم: سلامتك دير بالك وانت تسوق يمه فهد: يمه صارلي 5 سنين اسوق الأم: لو خمسين سنه همن بخاف عليك فهد يبتسم : انشالله يمه حاظر يالله باي الأم وحصه : مع السلامه
حصه: يمه انا ما بقيت اقولج جدام فهد دلال تبيني اطلعهم اليوم ضايق خلقهم واتفقنا نروح السينما.. لأنه ادري اذا قلت جدام فهد ما راح يخليني الأم: أي ومنو بيروح حصه: انا وفجور دلال وساره الأم : اوكي روحوا بس لاتتأخرون حصه انشالله يمه
(يرن موبايل ساره)
ساره: الو فجر:الو قوه ساروه . ساره: هلا فجر.. شعندج؟ فجر: اليوم بتواعدين يعقوب؟
ساره: أي شدراج؟ فجر : لا محد قالي بس قلت اكيد بتواعدينه ساره : أي انا شاريتله هديه عشان عيد ميلاده وابي اعطيه واليوم مناسب فجر:اها اوكي عيل خل اروح ابدل الحين واكشخ ساره: وانتي شكو حبيبي ولا حبيبج؟ فجر تضحك : لا بس همن لازم اطلع حلووه عشان يعرف انه ساروه عندها بنت خاله حلوه يضحكون اثنينهم.. ساره : يالله فجور اشوفج بعد ساعه لا تتأخرون فجر : اوكي يالله باي
(عقب ساعه بالسينما)
حصه: دلول هذا مو جنه عزوز؟ دلال: عزوز وينه؟؟ امبيه قلبي .. حصه : شفيج شفيج جنج اول مره تشوفينه دلال: واي شووووفيه قاعد يقرب يمنا حصه: أي أي ادري
عزيز: قوه دلال .. دلال : هلا عزيز شلونك. عزيز: انا من عرفتج وانا بخير دلال تبتسم
حصه تستأذن : انا اروح اشوف فجر وساره وينهم الفلم بعد شوي يبدي دلال: اوكي
عزيز: حبيبتي صايره حلوه وايد حلوه .. دلال: اكيد .. عزيز: اكيدين دلال: وانت بعد صاير وايد وايد.......جيكر تضحك عزيز: افـــا انا جيكر ميخالف مقبوله من حبيبتي دلوله, دلال: اتغشمر
وياك .. عزيز: لا مابي مابي. انا زعلت, دلال: عزيزان حبيبي تزعل مني انا من دلال عزيز: انا أزعل علىالعالم كله الا انتي حياتي. دلال: يا بعد عمري الله يخليك لي عزيز :ويخليج لي بعد دلال تبتسم.. وعزيز بعد..,عزيز : دلال شفيج شفيه ويهج تغير تونا نمدحج.. دلال هدته وقامت تمشي بسرعه بسرعه واهي تمشي لقت ساره وفجر مع يعقوب يضحكون ومستانسين .. جان تروح عندهم وتحاجيهم بصوت واطي: بنات شوفوا وراكم فجر: نشوف منو ؟ ماكو احد.. دلال: شوفوا عدل.. ساره: ويييييييي هذا فهد..
اعتذر منكم اذا طولت عليكم وهمن اذا ما كملت القصه بس تعبت <img src="http://oasis.bindubai.com/emoticons/smile.gif" border="0" valign="absmiddle" alt=':)'>
وانشالله اكملها بأقرب فرصه.. بس شرايكم قصتي لي الحين حلوه ولا لأ؟</font></strong><img alt="" src="http://www.ozq8.org/images/smilies/confused.gif" border=0></font>

<font color='#000000'><font size=5>شكلكم ما تبون التكمله,,,

ليش عااد؟؟؟

يلا عاد ردوووو</font></font>

<font color='#FF0000'>وايد حلوة وشيقه والله مب عارف اوقف<img src="http://oasis.bindubai.com/emoticons/biggrin.gif" border=0>



يلا نبا التكمله اذا تكرمت<img src="http://oasis.bindubai.com/emoticons/smile.gif" border=0>



وثاااااااااااااانكس برو</font>

<font color='#000000'><font size=4>صح انها طويله بس حلوة</font></font>

<font color='#000000'>

<font face=arial,verdana size=3>ما اقدر اقولكم الا مشكورين مشكووورين على تعليقاتكم وما تقصرون.. الصراحه وايد ونستوني
هذا الجزء الثاني من القصه(بالسينما)
ساره: شنسوي الحيــن ان شافنا فهد نروح فيها.. دلال: أي وعلشان لانروح فيها تعالوا ندش داخل الصاله ..فجر: أي يالله انا بعد اقول جذي,حصه تيي حق البنات: انتو هني وانا ادوركم يالله , الفلم ترى بدى...
(عقب الفلم)
حصه: بنات انا اقول ننطر شوي بعدين نطلع علشان لا يشوفنا فهد.. ,ساره وفجر: أي صح,دلال: لا شنو ننطر اكيد أخوج راح.. قوموا قوموا يالله,حصه: شبيصير فيج اذا نطرتي,دلال: كل شي.. بعدين اخوج راح صدقيني يالله قوموا بنات يالله (قاموا البنات واهم بره قريب يوصلون السياره.. حصه تسمع صوت فهد) حصه: هذا فهد يناديني بسرعه ركبوا,فهد: حصه حصه تعالي احاجيج انا,دلال: مو قتلكم خل ننطر شوي قلت ولا لأ لكن انتو مستعيليين مادري على شنو لو ناطرين داخل شوي بس جان ما شافنا كله منكم , حصه: دلوول صكي حلجج يالجذابه انتي اللي خليتينا نطلع كله منج انتي مو احنا( البنات يركبون السياره بسرعه ويردون البيت)
(في بيت سعود) الجرس يرن
الام:عزيز يما قوم بطل الباب انا قاعده اكلم خالتك,عزوز: okey,ساره: واااااي بسرعه يالله ساعه على ما تبطلون الباب,دلال: السلام عليكم,الام: هلا (وترد تتكلم بالتلفون),دلال: عزوز ,امي قاعده تكلم منو؟,عزوز: ليش اللقافه,ساره: خلص تكلم,عزوز:مادري,دلال:... امممم انا اسمع صوت قرقه عند شيخوه منو عندنا؟ عزوز: مالج شغل, دلال: اف انت ما تعرف تتكلم بأدب انا اختك الكبيره حاجني عدل,عزوز :مابي..,دلال: انزين منو عندنا؟ ,عزوز: مالج شغل قتلج, (دلال تطق اخوها وتنحاش)(تلفون ساره يرن) ساره: اوكي عيل اذا تبون شي انا فوق بغرفتي باااااي,دلال تطق الباب على شيخه: بطلي الباب,شيخه: شتبين؟,دلال: منو عندج؟ ,شيخه: ليالي(دلال تحاجي نفسها ويع وايد عليج):أي اوكي عيل اخليج,شيخه:ما تشوفين شر
(بغرفه دلال)
عزيز: دلال,شفيج اليوم هديتيني ورحتي جذي حتى بدون ما تسلمين,دلال: أي ها لا بس شفت ولد خالتي وخفت يشوفني معاك يسويلي فضيحه,عزيز:اها يالله مو مشكله بس مره ثانيه لا تعيدينها على الأقل تحجى قولي شي وروحي بس ما تهديني جذي اوكي؟ دلال: اوكي حبيبي..اقول عزوز عندي خط ثاني اشوف منو وأرد اتصل عليك.عزيز: منو متصل عليج هالحزه؟,دلال: امممم هاذي بنت خالتي اشوف شتبي وارد اتصل اوكي؟عزيز:اوكي حياتي انطرج باي. حصه: الو دلول,دلال: هلا حصه,: دلال هذا فهد ياي بالطريج ومتصل واهو حده معصب فيه شر يقول ليش احقره وامشي شسوي الحين,دلال: اوو حصوه عبالي عندج سالفه وشحقه خايفه جذي,حصه: أي انتي شيهمج مساع بالسينما ليش كان موجود حدج خايفه الحين انتي بيتكم ما راح يضرج شي انا البلاوي كلها على راسي,دلال:حصه انتي ترى وايد حاسبتله حساب وتخافين منه أول شي انتي هدي نفسج وبعدين قوليله أي شي رقعي قولي ما سمعتك او عبالي حصه غيري أي شي شحقه تقولين الصج؟ ,حصه: لا يعني انتي شايفه فهد يصدق هالحجي,دلال: يصدق ولا لأ المهم انتي قولي جذي وبس,حصه: اوكي خلاص بقول جذي, دلال: أي وبعدين اتصلي قوليلي شيصير معاكم. حصه: اوكي باي, دلال: باي... الحين شسوي مالي خلق عزوز أي خل اشبك شوي..(بالمسنجر) احمد: قوه دلال,دلال: هلا حمود شلونك, احمد : تمام بخير انتي ؟,دلال: تمام,احمد: شلون فلمكم اليوم؟,دلال: انت شفتنا بالسينما اليوم؟,احمد: أي شفتكم. ما سمعتوا فهد يناديكم اليوم؟
دلال: امبلى بس سوينا روحنا ما نسمع مالنا خلقه يفشلنا جدام الاوادم ,احمد: اها انااقول كان صوته واضح مو معقوله ما سمعتوه, دلال: أي سمعناه بس ياويلك حمود اذا قتله انا مادري شالله بلشني أول شحليلك اعرفك بالنت بس من عرفت انك رفيجه وانا مبتشله, احمد: بيييييه لي هالدرجه انا نحس,دلال: لووووول .لا مو نحس اهو النحس,احمد: انتو ليش ما تحبونه جذي,دلال: اهو اللي ما يحبني ولا يواطني هذا لو انا مسويتله شي جان شيسوي انا اصلا مادري شلون انت مرافجه, احمد: لا والله بالعكس خوش ولد فهد بس انتو ما تعرفونه عدل,دلال: ولا نبي نعرفه ,احمد: بس تبين الصج دلول اليوم كنتي وايد حلوه,دلال: مشكور..عيونك الحلوهj
( يرن تلفون دلال) اوووو هذا عزوز مالي خلقه كلش بحقره احسن..الأم: دلال..دلال تعالي ما تسمعين
دلال: احمدو برب ,أحمد:تيت, دلال: يمااااااااااااا شنو؟,الام: أي نزلي تحت واقفه فوق شنو شنو نزلي ابيج بموضوع,دلال: يما انا شابكه الحين بعدين,عزوز: دلول نزلي امي تقولج تبيج تقولينلها بعدين نزلي يالله
دلال: يما سكتي هالنزقه ترى فيني شر عليه,الأم: بس جب يالله مالج شغل فيه نزلي وانتي ساكته,دلال: انشالله,الام: عفيه على بنيتي.. قعدي يمه ,دلال: ترى انا اخاف جذي شنو شصاير قولي,الام تضحك:وعلى شنو تخافين ؟ ,دلال: لا بس حاسه في شي,الام: لا انشالله ماكو الا العافيه..مساع كنت اكلم خالتج نوال. دلال:صج ثلونها وثلون بنتها ثميه (تضحك بصوت عالي),الام: دلول .. شنو هذا ليش جذي مو حرام عليج . باجر لي يبتي عيال بيتحجون جذي,دلال واهي تضحك: يمه انا شكو اهي تتحجى جذي.. الام: حتى لو ما تقعدين تتمسخرين عليهم عيب دلال: انثالله يمه مره ثانيه ما اقول ثي اثكت(ترد تضحك),الام: دلوول ويعه شقاعده اقولج مساع صج منتي كفو احد يحاجيج.. دلال: يمه اثفه وتضحك..اوووو نسيت احمدو فوق يما باي اكلمج بعدين.. ا,لام: تعالي تعالي منو احمدو هذا؟ , دلال: واحد اعرفه بالنت رفيج فهد بعد.. يالله باي.. الام: روحي.. مادري هاذي شلون بتتزوج؟
( في غرفه شيخه)
ليالي: اقول شيخه اختج صج ما تستحي تشوفني زايرتكم ولا تيي تسلم ولا شي؟ هاذي حصوه بنت عمتي شريفه تلقينها مشيشتها.. تقولها لا تسلمين على ليالي ولا تكلمينها اذا شفتها تدرين بعد عقب السالفه اللي صارت بيني وبينها لي الحين ما نتحاجى,شيخه: ليالي السالفه صارلها سنتين لي متى ما تحاجون؟,ليالي: انا ما راح اكلمها اهي الغلطانه متى ما يت وتأسفت احاجيها.شيخه: ليالي السالفه قديمه انتو كنتو تدرسون بنفس المدرسه وتعرفون بعض من زمان حرام تخربون علاقتكم على هوشه ما تسوى,ليالي: حتى لو مابي اهي خل تعتذر, شيخه: كيفج.. خلينه من حصه الحين تعالي خل اسمعج الشريط اللي شريته امس عجيب حده,ليالي: يالله
(في بيت انور)
فهد يدش البيت معصب ويصرخ: حصوه حصه وينج؟.. (أنور وشريفه قاعدين بالصاله يسولفون)
الأبو: فهد شفيك تصرخ جذي شصاير وشفيها حصه؟,فهد: اليوم طالعه واشوفها بالسينما مع هالزفت اللي اسمها دلال واختها وانا محذرها انها ما تطلع معاها ولمن ايي اكلمها ما ترد تحقرني وتمشي ,الام: يمه فهد دلال بنت خالتها وبنت اختي وانا ما ارضى تقول عنها جذي جنك تتكلم عن اختي..فهد: حصوه وينها .. اذا ما نزلت انا اروحلها.. الأبو: فهد .. هد نفسك اول تعال اقعد خل اكلمك ,فهد: يبا ميخالف بعدين الحين انا متضايق ومنشحن الام: فهد .. اسمع كلام ابوك واقعد,فهد: انشالله الأبو: يبا حصه مو صغيره علشان تعاملها بهالطريقه واهي اكيد ما سمعتك او كانت خايفه تصرخ عليها جدام الناس وحصه تعرفها ما ترضى احد يفشلها جدام الناس انت كبير وتفهم يا فهد هاذي مو طريقه حق التفاهم.. شي ما عجبك بكل هدوء تكلم خل خواتك يحبونك ويتقربون منك اكثر.. ما تشوف عيال اخواني شلون علاقتهم ببعض وايد قريبه وما يخبون على بعض شي ما ودك انت وخواتك تصيرون جذي لي شافوك يتنافضون من الخوف صاير فرعون عليهم انا ابوهم ما سويت مثلك.. وحتى دلال خوش بنيه وحبوبه مادري ليش ما تحبها اهي مسويتلك شي قايلتلك شي يضايقك يخليك جذي حاط بقلبك عليها؟
(سامحوني ان طولت عليكم وانشالله اكمل لكم المره اليايه.. تواصلكم معاي ورايكم وايد يهمني </font></p></font>

<font color='#000000'><FONT color=#000000>


<FONT face=arial,verdana size=3><B>يلا عااااد ردوووو</B></FONT></P></FONT></font>

<font color='#000000'>

<font face=arial,verdana size=3>فهد: يبا دلال ما عندها سالفه الا انها تخرب..الام: تخرب؟؟ شقصدك نوره ما عرفت تربي بناتها يعني؟..فهد: لا يما انا ما قلت جذي بس هذول بنات ولهم سمعتهم , فجر ما قامت تحن على النت والموبايل لا لمن قامت تزورهم وايد ولمن زادت طلعاتهم مع بعض.. وحتن حصوه ذيك الايام اقتنعت انها تتحجب. لكن دلول فرت راسها خلتها تغير رايها شناويه على خواتي هاذي انا مابيهم يختربون وبحافظ عليهم,الاب: لا يافهد يتهيألك.. حصه يمكن غيرت رايها لكن مو معناته اني بخليها على كيفها..الحين اهي كبرت وانا اللي بخليها تتحجب , واذا على سالفه الموبايل والنت تعرف اليهال يحبون التقليد.. فجر تشوف دلال وساره عندهم موبايلات تبي اهي بعد, تشوف عندهم نت تبي تشبك اهي بعد.. ويحق لها يعني منو ما يشبك بهالزمن..؟,فهد:أنا ما قلت لا تشبك بس اهي بعدها صغيره واهي اذا شبكت ما راح تستخدم النت بالشي المفيد.. ما راح تشبك الا عشان الجات والمسنجر اللي لا يودي ولا اييب, انا امنع حصه؟ ما اقولها شي اذا شبكت بس فجر ما تفهم اذا شبكت بهالعمر تخرب كلمه توديها وكلمه تييبها ما تعرف مصلحتها.. الولد شايل عيبه لكن البنت لأ احنا ننطرهم يسوون الغلط عشان نتحرك ذيك الساع ما ينفع شي,الام: أي والله يا أنور , فهد صح كلامه, يعني احنا المفروض نحمد ربنا انه ولدنا يحب خواته ويخاف عليهم مثله ( فهد يبتسم)الاب: انزين يا فهد ميخالف انت تبي تحافظ على خواتك , ليش تبين كرهك حق دلال وما تعاملها عدل.. انت ولد خلوق وزين يت على دلال اللي بتكرها,فهد: دلال قاعده تسوي شي يضرني ويضر أهلي وانا ما ارضى بهالشي,الا: انزين وشرايك عشان ننهي الحقد والخلاف اللي بينكم تكلمها وتبين لها اللي مضايقك بتصرفاتها وبعدين خواتك عرفنا شلون نربيهم ونعلمهم الصح من الغلط لا دلال ولا غيرها بيخربهم,فهد : اللي تشوفينه يما. بس الحين عن اذنكم انا تعبان بروح غرفتي ارتاح تصبحون على خير(الام والاب): وانت من اهله.
(فهد يطق الباب على حصه)
حصه : منو..؟,فهد:انا فهد.. بطلي الباب حصه, (حصه تحاجي نفسها:وااي يايني لي الدار) فهد انا نايمه الحين كلمني باجر, فهد: ما راح اقولج شي بطلي الباب لاتخافين( تقوم حصه تبطل الباب)
حصه: ها فهد بغيت شي؟,فهد: راح اظل واقف بره .. يعني ما تخليني أدخل؟,حصه: أي.. امبلى .. تعال(يقعد فهد): حصه انا بس حبيت أقولج انه انا احبكم وايد انتي وفجر واخاف عليكم ومابي لكم الا كل الخير ويمكن انا كنت متوهم أو غلطان لمن كنت ماحب أشوفكم مع دلال او اعصب لمن تطلعون معاها,المفروض أثق فيج انتي وفجر وما أعصب على كل شي مابي منج الا انج تسامحيني اذا كنت اضايقج ولأني كنت السبب في خوفج مني حصه تبتسم: لا فهد شتقول.. انت مسموح بدون شي وانت اخوي الكبير وبحسبة ابوي احترمك واحبك مثل ما احترمه واحبه .. بس انت شوي شوي علينا, فهد: افا عليج من اليوم ورايح ما راح تشوفين مني الا كل الخير بس همن خلي ثقتي بمحلها مابيج تسوين شي غلط..,حصه: انشالله ولا يهمك(فجر تطل من الباب): يصير أدخل الحين.. ,فهد: تعالي فجوره .. ليش مو نايمه لي الحين,فجر : ما يتني النومه.. بس الحين أقدر انام وانا مرتاحه مو مثل مساع حاطه ايدي بقلبي( يرن تلفون حصه):الو,دلال: الو حصوه ها شصار ليش ما دقيتي عليي وانا انطرج...؟,حصه: ما صار شي بعد ليش اتصل ما صار الا الخير,دلال: يعني شلون ما فهمت؟,حصه:مثل ما قتلج ما صار الا كل الخير.. الحمدلله, دلال: زين اشوه يعني في تقدم,حصه تضحك: وايد,دلال: اوكي عيل انا بنام الحين يالله باي,حصه: بايات, فهد: منو هاذي؟,حصه: هاذي دلال تبي تعرف شصار بيني وبينك, فهد: اها اوكي عيل اخليكم الحين يالله تصبحون على خير, حصه وفجر: وانت من اهله( يطلع فهد من الغرفه حصه وفجر يطالعون بعض ويضحكون)
ثاني يوم الصبح..
يرن التلفون في بيت خالد..عزيز: الو.منو؟,عبير: قوه عزوز شلونك شخبارك؟,عزوز: الحمدلله منو؟, عبير: ما عرفتني انا عمتك عبير,عزوز: أي هلا عمتي,عبير: وين امك او ابوك؟, امي بالمطبخ وابي طالع تبينها؟,عبير: لالا مو مشكله عطني وحده من خواتك, عزيز: انشالله.,ساره ساره تعالي التلفون, ساره: منو؟, عزيز: عمتي عبير, ساره:الو.. هلا عمتي شلونكم شلون يدي ويدتي؟,عبير : بخير الحمدلله انتو شلونكم؟, ساره :تمام. عبير: حبيبتي ساره مااطول عليج بس بلغي ابوج انه اخوي طلال بيرد من لندن يوم الخميس . وبنسوي عزيمه في بيتنا بهالمناسبه.., ساره: صج؟ عاد انا وايد ولهانه عليهم, عبير : كلنا ولهانين عليهم اخليج الحين انا سلمي, ساره: يوصل انشالله, سلمي على يدي ويدتي,عبير: الله يسلمج يالله مع السلامه,ساره:باي( تيي دلال الصاله):ساروه منوكنتي تكلمين توج؟,ساره:هاذي عمتي عبير تقول انه عمي طلال بيوصل الديره يوم الخميس دلال: صج عاد انا وايد وااااايد ولهانه عليهم, ساره: ولهانه عليهم ولا على حمد ولد عمي, دلال: ساروه جب ترى انتي وايد ماخذه عني فكره شنو ششايفتني.؟,ساره: دلول أتغشمر شفيج احب اطفرج, دلال: لا صج, ساره: دلول والله اتغشمر ادري فيج خوش بنيه,دلال: انزين غشمرتج بايخه
( في بيت خالد الظهر)
خالد: سعاد متى بتيي بنتج وولدها تراني يوعان وابي اتغدى مليت وانا انطر, الام: يما ليالي اتصلي شوفي اختج متى بتيي ,ليالي: انشالله( يرن التلفون في بيت الاخت) الو,ليالي: الو.. قوه يوسف شلونك,يوسف: هلا ليالي بخير الحمدلله شلونج انتي؟,ليالي: انا الحين مو تمام طول ما لقاء لي الحين ما يت بموت من اليوع,يوسف: والله لقاء طلعت من زمان مع يعقوب ليش لي الحين ما وصلت؟,ليالي : لا والله لي الحين.. اهي موبايلها معاها؟,يوسف:أي اكيد معاها,ليالي: خلاص انا اتصل اشوفها, يوسف: أي وطمنيني بعدين مو تنسين,ليالي: انشالله, الام: ها ليالي وين اختج؟, ليالي:يوسف يقول طلعت من زمان.. مادري ليش تأخرت, الاب: اتصلي على الموبايل, ليالي: أي الحين بتصل...... الجهاز مغلق
(في بيت سعود)على الغدا
دلال: يبا اليوم عمتي عبير اتصلت الصبح وقالت انه عمي طلال بيرد الديره يوم الخميس,شيخه : يعني عقب باجر ,الاب: أي أي ادري وصلني الخبر, ساره: وبيسون عزيمه ببيت يدى,عزيز: الله وناسه وناسه عاد انا شكثر ولهان على عيال عمي,ساره: انت شكو, ماكو أحد كبرك حمد كبر شيخه وأسرار وجمانه اصغر مني بسنه على شنو مستانس؟,عزيز: حتى لو ما في احد كبري وكلهم كبار بس يحبوني احسن منكم حمد وجمانه كله يلعبون ويسولفون معاي, مو انتو كله تزفوني وتصرخون عليي, الام: يا بعد عمري انت حبيبي من اليوم رايح اللي يزفك ولا يطول لسانه عليك اطقه,عزيز: أي حتى انا اطقه,دلال: يحليلك هذا اللي ناقص .. عزوز الياهل يطقني ,عزيز:جبي, دلال: تحجى عدل لا أدخل الصحن كله بحلجك, عزيز: يما شوفيها كله تزفني ما تحبني,دلال: تحجى عدل.. صبي يتحجى جذي الحمدلله والشكر بنيه مقعده مو صبي,الام: يعني ياي على راس بنات لا عنده اخوان ولا شي اربع وعشرين ساعه مجابلكم,الاب: انتو بتفكونا ولا شلون ما تستحون طول اليوم هواش حتن على الغدا,شيخه: دلال الساعه جم بيوصلون؟,دلال: شدراني عقب باجر وبس
(مره ثانيه في بيت خالد)
ليالي: يما انا يوعانه ابي اتغدى, الام: كيفج روحي تغدي انتي وابوج انا قلبي ناقزني ماني ماكله الا لمن تيي اختج وولدها..الاب: يبا ماكو الا العافيه قومي اكلي لج لقمه ولقاء تلقينها بالطريج زحمه شوارع بس,الام: خالد قتلك مابي اكل لا لمن تيي..,الاب: كيفج( يرن التلفون)الاب: نعم.. أي نعم منو حضرتك؟شنو .. شتقوول؟ أي مستشفى(الام تشهق)الاب: خلاص خلاص احنا يايين بالطريج,الام(بنبره قلقه):خالد شصاير؟؟,الاب: لقاء سوت حادث والحين اهي وولدها يعقوب بالمستشفى,الام: شتقول, يما بنتي......
اكمل لكم انشالله بالحلقه اليايه.. رايكم وردودكم تهمني وايد.. شكرا<img alt="" src="http://ozq8.org/images/smilies/koenig.gif" border=0></font></p></font>

<font color='#FF0000'>مشكووووووووره نور السنا

يلا عاد مااقدر اتريا اكثر

اتريا التكمله</font>

<font color='#FF0000'>التكمله وين؟ <img src="http://oasis.bindubai.com/emoticons/sad.gif" border=0></font>

<font color='#000000'>

<font face=arial,verdana size=3>( في المستشفى)..
يوسف:ها دكتور بشر شلون لقاء ويعقوب الحين؟,الدكتور: اهي تعرضت لجروح ورضوض نوعا ما قويه في أجزاء من جسمها, لكن الحمدلله حالتها مستقره الحين,اما الولد مثل ما أنتو عارفين صغير في السن واللي بعمره عظامهم عاده ما تكون ضعيفه وطريه نسبيا.. ما تتحمل الصدمات القويه.الولد تعرض لكسر في ايده اليمين لكن حالته زينه احنا جبسناها وتقدرون تاخذونه وانشالله ماكو الا العافيه.,الام: دكتور أقدر اشوفها الحين؟,الدكتور: اهي الحين نايمه وتعبانه انتو ارتاحوا اليوم وباجر تقدرون تشوفونها وتطمنون عليها,الاب:انشالله.مشكور دكتور ما تقصر,الدكتور: العفو ولو هذا واجب علىالعموم انا موجود واي شي تحتاجونه انا بالخدمه بالسلامه انشالله وما يشوفون شر,يوسف:الشر ما اييك(يروح الدكتور)الاب: يالله ليالي يبا قومي خنروح البيت,الام:لا انا ماني رايحه بقعد هني,يوسف: عمتي الله يهداج شتسوين تقعدين هني ترى لقاء الحين نايمه ما تحس انت روحي ارتاحي بالبيت وباجر من الصبح انا بنفسي امرج واييبج عندها,الام: لا لا يمكن تقعد تحتاج شي تبي شي ,ليالي: يما في ممرضات عندها اهي مو بروحها,يوسف : بعدين عمتي لقاء زينه ما فيها الا العافيه ويمكن بعد جم يوم تطلع ترد بيتها انتي بس توكلي على الله الحين وروحي البيت أكلى لج لقمه ونامي انتي من الظهر مو ماكله شي,ليالي: أي يما خنروح البيت وباجر يصير خير,الام:يعني انتو شايفين جذي ,الاب: أي نعم ,الام: يالله عيل..
( في بيت سعود)
شيخه: يما,من الظهر وانا اتصل على ليالي محد يرد وينهم ؟,الام: وي وعليه عليهم ليالي وين وانتي وين؟ ساره: ليش يما شصاير؟,الام: مسكينه لقاء الظهر طلعت مع ولدها بتروح عند خالد تتغدى عندهم ودعمت والحين اهي بالمستشفى واهمه عندها,دلال: وييييي مسكينه ما تستاهل شلونهم الحين؟وليش ما قلتولي انا آخر من يعلم يعني؟,الام: وانا فاضيتلج علشان اقولج منو انتي علشان اقولج بعدين من قال آخر وحده ما تشوفيني توني اقول حق خواتج سكتي بس سكتي انتي الظاهر اذا ما طولتي لسانج يصير فيج شي,دلال: بهالبيت محد يعطيني ويه محد يعبرني انا لو أتزوج وايد احسن وأبركلي على الاقل القى اللي يجابلني ويحبني,الام: انتي خلصي الثانويه وأول وحده ازوجج انتي,دلال: أنزين خليج عند كلمتج ها ترى كلها سنه,شيخه: انزين شلونهم الحين,الام: والله مادري علمي علمج بعد شوي اتصل واسأل عنهم,دلال: انزين يما ترى انا ما عندي شي البسه حق عزيمه بيت يدي عقب باجر.ابي اروح السوق أشتريلي دراعه سنعه ولا شي البسه ابي اكشخ,الام: انتي والله فاضيه ما تحسين قدري الظروف شوي استحي على ويهج بنت خالج بالمستشفى وانتي تفكرين بملابسج والسوق مو العزيمه عند اهل ابوج خليه اهو يوديج ,دلال: اوو انا شقلت كل هذا على سوق بالطقاق زين ماني رايحه(وتقوم دلال معصبه من الصاله تروح دارها) الام: هاذي مادري متى بتعقل وتتأدب مادري شلون تقدر تنام يوم وانا مو راضيه عليها
(في غرفه دلال)
دلال: الو..عزوز شلونك حبيبي.اشتقتلك........................
اليوم الثاني(يرن التلفون في بيت أنور)
فجر: الو,فيصل : السلام عليكم,فجر: وعليكم السلام هلا عمي فيصل شلونك؟,فيصل:بخير الحمدلله انتي شلونج وشلون حصه وفهد,فجر: تمام,فيصل: وامج وابوج؟,فجر: كلنا بخير الحمدلله,فيصل:فجر حبيبتي ابوج وينه؟,فجر:ابوي بالمكتب أناديه؟؟,فيصل: أي والله ياليت.فجر: انشالله
(تنزل فجر تحت)
فجر: يبا يبا,فهد : شفيج تنادين ابوي شعندج,فجر:عمي فيصل يبيه بالتلفون(فجر تطق الباب على ابوها بالمكتب) الاب: تفضل,فجر:دام فضلك يبا عمي فيصل يبيك بالتلفون,الاب: خلاص يبا سكريه وانا اكلمه من عندي,فجر: انشالله,الابو يرفع السماعه:الو... وعليكم السلام يا هلا
( بالمستشفى)
الام: يما لقاء شلونج الحين؟,انشالله احسن؟,لقاء:الحمدلله على كل حال,الام: بعد شوي بييون شريفه ونوره يتطمنون عليج,لقاء: أي حياهم بس يما يعقوب وينه ابيه ابي اشوفه احاتيه,ليالي: لا تحاتين يعقوب مع ابوه يوسف عنده(شريفه ونوره يدخلون الغرفه مع العيال)سعاد: هلا والله تفضلو حياكم,شريفه:الحمدلله على السلامه الف الحمدلله على سلامتج يما,لقاء:الله يسلمج خالتي,نوره:ما تشوفين شر بس يعقوب وينه نبي نشوفه نتطمن عليه,ليالي: الحيين اييبه يوسف اهو قاعد عنده,لقاء: خالتي وين ساره وفجر ما اشوفهم معاكم؟,نوره:أي والله ساره عند عزوز بالبيت بعد ما أقدر اخليه بروحه وفجر عندها تونسها على ما نرد يسلمون عليج,لقاء:الله يسلمهم,دلال: اقول لقاء متى تطلعين من المستشفى,ليالي:ما ندري متى ما صارت زينه تطلع(دلال تحاجي حصه بصوت واطي): واااي يمه بموت من اللقافه يا كرهها,حصه تضحك,سعاد: مشكورين على الورد والحلو ليش مكلفين عمركم ييتكم وسؤالكم كافي نوره:ما سوينا شي يا ام لقاء لا كلافه ولا شي بالعكس هذا واجب
(في بيت أهل سعود)
ام سعود: هلا يما هلا سعود شلونكم شلون نوره والعيال؟, سعود:بخير الحمدلله كلنا بخير انتي يما شلونج شلون ابوي وعبير؟,ام سعود: كلنا بخير,سعود:الا وين عبير ما اشوفها؟ام سعود: عبير والله بالسوق تبي جم شغله حق باجر,سعود: متى الوصول انشالله؟,الام: باجر الصبح انشالله( يدخل ابو سعود وأخو سعود مساعد) يسلم سعود عليهم,سعود: وين كنتوا؟,ابو سعود: نصلي بالمسيد,زين انك ييت يا سعود حبيت أبلغك عن شغله,سعود: آمر يبا,ابو سعود: مثل ما انت عارف يا سعود انا كبرت ما أقدر أجابل المحل ومشاكله اربع وعشرين ساعه مثل اول عشان جذي انا سلمت الشغل حق اخوك مساعد اهو يدير باله على الحلال,سعود:بس يبا مساعد موظف وهمن اهو مشغول,مساعد: أي بس انا مو مثلك انت دوامك طويل بالبترول وساعات ما ترد بيتك تظل بالمصفاه , ابو سعود: ومساعد فاضي العصر وعشان تعرف اني ما أفرق بينكم بس لأني ادري انك ما تقدر على شغل المحل,سعود يضحك: لا يبا الله يهداك على شنو تفرق .انت صاج انا ما اقدر على شغلين اتعب
( على العشا في بيت أنور)
انور: اقول شريفه شلون بنت اخوج وولدها؟,شريفه: الحمدلله ما فيهم الا العافيه.بس انت ما قتلي شيبي فيك اخوك اليوم؟,أنور: بعدين اقولج,شريفه: لالا قول الحين ما عندنا احد غريب هذول عيالك,انور:قتلج بعدين,شريفه: لالا قول الحين ما فيها شي عادي,أنور:يبا يبي حصه حق ولده أحمد,( حصه ترفع راسها من الصحن):شنو,أحمد انا اتزوج أحمد شتقولون انتو&#33;&#33;,فهد: حصه بس بدون صراخ خلينا نفهم,شريفه: أي أنور وأنت شقتله؟,انور: قتله أكلم البنت وارد عليك وانشالله ما يصير الاالخير,الام: والله هاذي الساعه المباركه, أحمد والنعم فيه خوش ولد, حصه: انتو شقاعدين تقولون انا مابي أحمد مابي اتزوجه,فهد: ليش شفيه أحمد زين ويصير لج مو غريب شفيها اذا خذيتيه؟,حصه: ولاني اعرفه ويصير لي لازم اخذه انتو كله هذا تفكيركم مو لازم أعرفه ويعرفني أفهمه ويفهمني مو لازم احبه عشان أقدر أعيش معاه طول حياتي انا مستحيل اتزوج واحد ماحبه (تهد الاكل وتقوم معصبه)</font></p></font>

<font color='#000000'><p align=center><strong><font color=#3333cc size=4>وين التكملة؟؟؟؟؟<img src="http://oasis.bindubai.com/emoticons/mad.gif" border=0></font></strong></p></font>

<font color='#F52887'><strong><font face=arial>( في غرفتها)
حصه تبجي:ألو...عدنان,عدنان:هلا حصه شفيج شصاير ليش تبجين؟,حصه: عدنان امي ابوي...,عدنان: شفيهم فيهم شصاير؟تحجي,حصه: لاما فيهم شي بس امي وابوي بيزوجوني أحمد,عدنان: أي أحمد؟,حصه: ولد عمي أحمد,عدنان: شنو.. أحمد ولد عمي فيصل؟&#33;&#33;,حصه:أي,عدنان:أنز ين حصه بس سكتي لا تبجين أهلج ما يدرون انج تحبيني واني أحبج عبالهم علاقتنا كعيال عم بس وأكيد لي عرفوا بيفهمون,حصه: واذا ما فهموا وغصبوني أتزوجه؟؟,عدنان: لاتحاتين.احنا راح نفهمهم واذا على أحمد انا اكلمه..
( في غرفه دلال)
ساره:دلول شتسوين لي الحين قاعده؟ نامي باجر ورانا قعده من الصبح,دلال: ليش شعندكم؟,ساره: ما تبين تروحين السوق وعقبها الصالون حق العزيمه؟,دلال:اييي صح ذكرتيني بس انا مابي انام الحين ما تشوفيني مشغوله,تبين روحي أنتي نامي,ساره:بشنو مشغوله؟؟ اصلا انتي من متى صرتي مشغوله شغلج كله مسنجر وكلام فاضي,دلال: ساروه احترمي نفسج ترى انتي بغرفتي ها,ساره: انشالله عمتي,دلال: عفيه,الحين روحي نامي وخليني أخلص شغلي(عزيز يدش الغرفه) ., وبعدين وياكم أنتو الواحد ما يعرف يرتاح منكم ما تعرفون تسكتون دلال: ساره طلعي هالقزم بره غرفتي لا أحذفه من الدريشه,عزيز: لاااتحذفيني من الدريشه على أمي يصير خير,دلال تصرخ: واااي ماحبك اذلف بره اطلع,عزيز:انا مو ياي علشانج شبي فيج انا بقعد مع ساره,دلال: ساروه طلعي بره,ساره:انا شكو,دلال:طلعي بره علشان اهو يطلع,ساره: انزين انزين..يالله عزوز تعال خنروح نلعب بلي ستيشن,عزيز: اييييييي يس عاد انا شريت سي دي يديد يونس...........
(ثاني يوم)
شيخه:دلال... دلال..يالله قوومي ترى مو فاضينلج لا تأخرينا قومي,دلال: اوووو شتبين أبي انام,شيخه: كيفج انا مالي خلق الحنه والرنه مره وحده بس بتقومين ولا شلون؟,دلال:اوف انزين انزين انتي روحي وانا اقوم الحين,(تحت بالصاله)الام: ها شيخه قعدتيها,شيخه: أي يما تقول الحين تقعد,الام: جان نطرتيها لمن تقوم تعرفين اختج الحين ترد تكمل نومتها,قومي عفيه شوفيها مره ثانيه خلتنزل تتريق,شيخه: انشالله بس يما هاذي آخر مره انا مالي شغل فيها كيفها,(مره ثانيه فوق)شيخه:دلال قومي يالله وبعدين وياج,دلال تصرخ: واااي قعدت خلاص جم مره اوف شالبيت اللي ابتلشت فيه
(في بيت مشاري)
عدنان: يبا سمعت اللي سمعته؟؟,الاب: لا خير,عدنان:انا سمعت انه عمي فيصل خطب حصه حق ولده أحمد,الام: لا والله ..يالله بالمبارك يستاهل أحمد خوش ولد,الاب: وانت من وين سمعت؟ ,عدنان: ها..انا.. انا ايمان قالتلي,ايمان: انا؟&#33;,(عدنان يأشر حق ايمان),ايمان: أي أي صح تذكرت انا امس مكلمه حصه وقالتلي وانا قلت حق عدنان,الاب: يالله الله يوفقهم انشالله,انا تأخرت عن دامي عن أذنكم,الام: وانا بعد خل اقوم اشوف المطبخ وشغله,ايمان: عدنان ممكن أفهم شصاير؟,عدنان: حصه..حصه يا ايمان شكلها بتتزوج وانا بقعد اطالعها بس, ايمان: ليش شقصدك؟,عدنان:الكل موافق على زواجهم وماكو أي عقبه بطريجهم,وحصه حتى لو مو موافقه خوافه ما راح تقول شي أعرفها, ايمان: دام حصه خوافه وما تقول شي انت فيك البركه كلم أحمد قبل الباجي وانشالله ما يصير الا الخير,عدنان: الله يسمع منج
(في السوق)
الام: يالله بنات انتو روحوا تسوقوا واذا لقيتوا شي يعجبكم ومناسب أخذوه انا بقعد مع اخوكم هني بالمطعم ما فيني شده حق الفراره من محل لي محل,دلال: لا يما شنو تقعدين تعالي معانا, شوفي اللي آخذه زين مو زين انا رايج مهم عندي,الام: دلول انتي روحي خلصيني واذا شفتي شي عجبج اخذيه انا ذوقي ما يعجبج,يالله روحي فارجي عن ويهي خواتج راحوا وانتي لي الحين مجابلتني,دلال: جذي يعني تبين الفكه مني ,انزين انا بروح بس اذا شريت شي ما عجبج ولا على قولتج مو مناسب مو تقولين لأنه عاجبني باي,ساره: شيخه جان نطرنا دلال تيي معانا حرام الحين تمشي بروحها,شيخه: تبينها روحيلها انا مو فاضيه حق سخافتها(دلال واهي تمشي):شالمجمع لا محلات لا ملابس سنعه,الحمدلله والشكر(تسمع صوت واحد وراها):عفوا اختي تحاجين منو دلال: انتو شكو.. شكو راز ويهك شتبي,الشاب:لا مابي شي سلامتج بس كسرتي خاطري اذا ما عندج احد تسولفين معاه ترى انا موجود ووياي ربعي بعد,دلال:وويعه تويع صدام واهله انت ما تستحي على ويهك شوف وخر عني لااسويلك فضيحه هني أصرخ وايمع عليك خلق الله كلهم,الشاب: بس بس يبا هونا ما نبي نسولف معاج يه,دلال:والله حاله حتى الناس بهالمجمع أي شي,الله هالمحل منزل موديلات حلوه خل أدش اتطمش واشوفلي شي ,البائع: تفضلي مدام اهلا وسهلا بدك شي اساعدك بشي,دلال: لالا مشكور انا اشوف بروحي,البائع: اوكي مدام متل ما بدك
( في بيت خالد)
الام: يما لقاء تعال قعدي ارتاحي,ليالي روحي ايبي حق أختج قلاص ماي,الاب: لقاء يبا شلونج الحين؟,لقاء: الحمدلله وايد أحسن,يوسف:الحمدلله. يعقوب بابا تبي شي تبي تاكل شي,يعقوب :لا مابي,لقاء: شفيه يعقوب أحس انه مو على بعظه,الام: لا لاتحاتين ما في الا العافيه بس تعرفين ياهل وعقب الحادث متغير عليه الجو,لقاء:أها.. اوكي عيل يما الحين استأذن احنا نروح بيتنا ونخليكم ترتاحون,ليالي:وي يا لقاء انتي مو غريبه منا وفينا وبالعكس احنا نبيج نرتاح بشوفتكم,لقاء: تسلمين حبيبتي,بس همن البيت ورانا والشغل شكثره,الام: أي شغل ينيتي انتي توج طالعه من المستشفى أي شغل اللي بتشتغلينه خل البيت يولي الحين واليوم قعدي عندنا ومتى ما صرتي زينه وارتحتي روحي بيتكم,يوسف: اوكي عيل انا اخليكم الحين وباجر ايي آخذ لقاء ويعقوب,الاب: ليش اقعد انت بعد البيت بيتك, يوسف: لا عمي ما تقصر بس وراي شغل ضروري ولازم اخلصه اليوم,الاب: على راحتك .. ايي معاك عيل اوصلك,يوسف: يالله خالتي تامرين على شي؟,الام: سلامتك,يوسف: الله يسلمج وانتي لقاء؟,لقاء: ابيك سالم, حبيبي اذا قدرت تعال حزه الغدا تغدى معانا,يوسف: انشالله حاضر من عيوني,يالله يعقوبي مع السلامه باي حبيبي,يعقوب: باي
( مره ثانيه بالسوق)
دلال: أي قتلي بجم؟,البائع:80دينار,دلال: اوكي عطنياها,البائع: حاضر بدك شي بلوزه بدي معه؟ ,دلال: لالا بس التنوره( تطلع دلال من المحل ويلحقها واحد من الشباب): لو سمحتي... اختي تلفونج يرن صارله فتره,دلال: تعال رد عليه بعد؟,الشاب : يالله,دلال: طاع هذا وخر اهو عن ويهيي تلفوني ولا تلفونك شكو يرن ولا يحترق,الشاب: لا بس حبيت اقولج يعني يمكن اللي متصل عليج يبيج بشي ضروري,دلال: انزين مشكور خلاص روح,دلال ترد على التلفون: الو,هديل:الوو دلول حبيبتي رفيجتي وينج فيه؟؟,دلال: هلا هلا هديل.. شتبين؟؟ هديل: تعالي عندي اليوم,دلال: مو فاضيه اليوم انا ,هديل: شعندج؟,دلال: عزيمه بيت يدي نسيتي,هديل : اييي خلاص عيل تعالي باجر, دلال: انزين اقول حق امي واييلج, هديل :اووكي حبي يالله باي,دلال: باي.. انت لي الحين واقف نعم شتبي؟؟ التلفون ورديت عليه في شي ثاني؟,الشاب: في مجال؟,دلال: لا في أمن قاعده اشوفهم هناك تبي اناديهم لك,الشاب: ليش ليش الامن السالفه ما تستاهل خليها بيني وبينج( دلال تمشى وتشوف فهد بالطريج):ويي هذا فهد ..أسلم عليه ولا احقره... اخاف ما يعطيني ويه ويفشلني.. لالا خل اصير احسن منه واسلم عليه.. ,قوه فهد شلونك,فهد يبتسم: هلا دلال الحمدلله بخير انتي شلونج شلون خالتي وخواتج؟,دلال مستغربه: الحمدلله بخير, امم ياي بروحك؟,فهد: أي والله عندي جم شغله ابيها حق النادي والحين أنسب وقت,دلال:أها... فهد الله يابك شوف هالصبي لاحقني من اول ما دخلت أذاني . فهد: نعم.. خير أخوي شتبي لاحق البنيه؟,الشاب: وانت شكو؟,فهد: انا ولد خالتها انت اللي شكو تعرفها تعرفك شتبي منها ما تستحي على ويهك.,الشاب: ما نبي شي يبا,فهد: عيل فارج عن ويهي, دلال تضحك: زين تسوي في فهود مشكور,فهد: فهود بعد,دلال تضحك,فهد: شعندكم هني؟ ,دلال: مواليوم الفير وصل عمي طلال من لندن مسويين عزيمه بييت يدي على سلامته يايين هني نهجز,فهد:اهاالحمدلله علىسلامتهم ,دلال: الله يسلمك , فهد:هذا عمج اللي كان عايش بلندن؟ ,دلال: ايي هذا اهو مرته دكتوره هناك والحين خلصت كملت دراستها بيردون هني, ,فهد: دلال ليش ما تتمشين مع خواتج؟ ليش بروحج؟,دلال:اهمه خلوني وراحوا, فهد:لالا شوفيهم اهمه وين وخليج معاهم ,دلال: انشالله,فهد: اوكي عيل اخليج الحين سلمي على الاهل وديري بالج على نفسج,دلال: يوصل.(بعد شوي) ساره: دلول قبل شوي شفتج مع فهد عجيبه تسولفين معاه؟,دلال تضحك:مادري عنه اهو متغير بعد يسولف ويتحجى ما جنه فهد اللي أعرفه,ساره: زين الله لا يغير عليه,شيخه: هاذي امي متصله مساع تقول يالله اهي تعبت وملت واهي تنطرنا خنروحلها,دلال: ساروه شنو شريتي,ساره: نفنوف وانتي؟,دلال: شريت جنطه وتنوره.. شيخوه انتي؟,شيخه: اولا انا اسمي شيخه انا اختج الكبيره تحجي عدل, دلال: انزين انزين ششريتي؟,شيخه شريت عطر ومكياج,دلال: الله خوش موديل,ساره تضحك,شيخه: ما يضحك مو قتلج سخيفه, دلال: منو السخيفه انا .انزين مشكوره شراح تلبسين اليوم؟ ,شيخه: عندي دراعتي اللي شريتها من الامارات يديده ما لبستها.دلال: اها اييي مصيبه شكبر قلبها خشت الفلوس حق الاكسسوارات مو مثلي طيرتهم على تنوره وجنطه مالت عليي لو مسويه نفسها ولابسه دراعتي احسن وشاريه بهالفلوس ميك أب سنع بس شقول هبله ما أفكر , ساره: دلول شفيج تحاجين روحج؟؟, دلال: لالا ماكو شي قاعده أغني يالله يالله تأخرنا على امي</font></strong>

</font>

<font color='#F52887'>

<font face=arial,verdana size=3>(في بيت فيصل)
حنان:الو..,عدنان: الو..هلا حنان شلونج؟,حنان: بخير الحمدلله انت شلونك؟,عدنان: تمام..شلون عمي واخوانج؟,حنان: تمام..كلنا بخير,عدنان:الحمدلله.. أقول حنان أحمد يمج, حنان: أي لحظه شوي أناديه لك..( بعد شوي)أحمد:ألو هلا عدنان شلونك؟انشالله بخير,عدنان: الحمدلله.. أقول أحمد بغيتك بموضوع,أحمد: أي تفضل قول أسمعك,عدنان: لالا ما ينفع بالتلفون انا ابي اشوفك بره واحاجيك..اليوم انا عازمك علىالعشا.. شرايك؟ نتعشى بره وأقولك كل شي,أحمد: اللي تشوفه,عدنان: خلاص عيل امرك انا بالليل,احمد:اوكي.. مع السلامه,حنان: أحمد شيبي منك عدنان, احمد: اليوم نعرف...
(في بيت أهل سعود)
دلال:ساروه...ساروه أحاجيج انا,ساره: شتبين ترى أذيتيني,دلال:بنت عمي مساعد مضاوي أذتني لوعت جبدي مو راضيه تفج عني ( ساره تضحك):شتبي فيج؟,دلال: شدراني عنها قتلها جم نكته ومعيه تروح أذيه شوفي سويره أخذيها نصيحه من اختج (لا تعطين اليهال ويه كلش)ساره: والله ما اقول الا الله يعينها عليج,مضاوي: دلال..دلال يالله بعد قولي نكته يالله,دلال: مضاوي حبيبتي بعد جبدي انتي خلصوا النكت اللي عندي .انتي الحين روحي وباجر انا اتصل عليكم اقولج نكت يديده اوكي يالله روحي روحي,مضاوي: لالا مابي ابي تقولين الحين,دلال: اوف ساروه وخريها عني ولا تدرين شلون.. حمود..حمود؟,محمد: شتبين؟,دلال: انا بنت عمك الكبيره حاجني عدل...تعال,محمد:شتبين خلصيني ترى مو فاضيلج,دلال: اذلف زين انت كفو الواحد يحاجيك,عبير:هه دلال,محمد ما تستحون شكبركم وتتهاوشون شخليتوا حق اليهال,دلال: عمتي اهو ما يستحي ما يحترم اللي اكبر منه,عبير: سكتي عنه انتي موالاكبر سكتي الحين عمج وعياله يايين بالطريج قعدي معاهم,شيخه: عمتي عبير وين مرت عمي مساعد ما اشوفها؟,مضاوي:امي بالبيت مالها خلق تيي ,محمد: لا من قال انتو تاخذون الحجي من هالياهل امي تعبانه مريضه عشان جذي ما يت,مضاوي: لالا انا سمعتها تقول حق ابوي روحوا انتو انا مالي خلق ايي لا اهو اخوي ولا شي,عبير: اممم,ساره: اليهال فضيحه(تضحك)
سعود: مساعد شلون الشغل بالمحل؟,مساعد: الحمدلله كل شي تمام والشغل ماشي,سعود: سمعتانك بتسافر تييب بضاعه,مساعد: أي أي عدل انشالله عقب جم اسبوع,سعود: ومنو بيستلم شغل المحل؟, مساعد: سالم بدال ما يدوام صبح بس يداوم صبح وعصر على ما أرد انا ماني مطول كلها جم يوم,سعود: تخلي سالم الغريب يستلم الشغل ما تخاف على الحلال انت؟ ,مساعد: ليش يبا سالم نعرفه وصارله سنين يشتغل مع ابوي لاتظلم الريال ,سعود: ودوامك بالشركه؟,مساعد: آخذ اجازه انشالله,سعود: بالتوفيق
نوره: اقول خالتي الحلو اوديه بره ولا انطر لمن اييون؟,ام سعود: أي والله يا نوره طلعي بره خل يحلون مع الجاي,نوره: انشالله.... شيخه تعالي ساعديني,شيخه : انزين شمعنى انا يعني ليش شيخه شنو دلول وساره مو بناتج بعد,نوره: انتي يعني لازم تربربين وتتحلطمين لي طلبتج عمرج ما قمتي وانتي ساكته,شيخه: انزيـــــــــن حاضر,دلال:عمتي عبير انا قاعده اشوف اشكال غريبه وناس ما اعرفهم منو هذول؟,عبير: هذول اهلنا عيال عمي وعماتي وكلهم.. بعدين شنواشكال غريبه ششايفه,دلال: اها..لا بس ما اعرفهم انزين وين حاطين البوفيه؟,عبير: تحت بالسرداب ليش نطري الحين بتاكلين؟؟,دلال:لالا بس اسأل...
بو سعود يدخل الصاله ويدخل طلال وعياله,ام سعود: يا هلا يا هلا الحمدلله علىالسلامه الف الحمدلله على سلامتك يا ولدي( تقوم الام وباجي الاهل يسلمون على طلال وعايلته) الام: توه ما نور البيت,طلال: الله يسلمج يما شلونج شخبارج,الام: بخير يما بخير دام انت بخير,ابو سعود: حياالله طلال حيالله ولدي تفضلوا يبا تفضلو ارتاحوا داخل .. حيالله الانجليز(يضحكون)طلال: الله يحييك,مساعد: شلونكم شخباركم بهالسنتين سولفلنا ترانا مشتافين حق سوالفك
(في الصاله)نوره: شلونج طيبه شخباركم؟,طيبه: بخير الله يسلمج كلنا بخير,عبير: الحمدلله على سلامتكم, طيبه:الله يسلمج,ام سعود:تفضلي طيبه حلي مع الجاي,طيبه: لا خالتي مشكوره ما اعبر علىالحلو,ام سعود: على راحتج يما, عبير: أي طيبه شلونكم بعد شلون شغلج هناك وشلون عيالج ودراستهم,نوره: أي والله ترى سنتين ما ندري عنكم الا من عيد لي عيد.. شلون كانت الغربه معاكم؟دلال تحاجي ساره بصوت واطي: ساروه هاذي امي قاعده تخز تبينه نطلع برهوالله حاله الرياييل قاعدين بالديوانيه والحريم هني واحنا نطلع وين نروح وين نقعد؟,ساره: فوق راسي,دلال: مليقه. يا كرهج ساروه انا من صجي, ساره: تعالي نقعد علىالدري,دلال:أي شي لالا انا بقعد هني بسمع سوالفهم تونس,ساره: دلال امي شقالت لج بالبيت.. مو قالت لي قعدوا الحريم لا ترزين ويهج معاهم وقعدي مع عيال عمامج,دلال:شمعنى شيخوه يعني,ساره: دلول انتي وين وشيخه وين اهي كبيره اولا وفاهمه وراكده انت لأ شيطانه وتحوسين وايد هيلقيه يعني ,دلال: الهيلقي ويهج وشيفتج الشرهه عليي اللي قاعده اضيع وقتي معاج ذلفي عن ويهيي اهوو اروح اجابل اليهال ابرك لي ن مجابل ويهج,ساره: دلول تعالي قاعده اتغشمر(دلال تدش الغرفه):قوه.. يحليلكم اليهال كلهم هنيي.. وي حمدهني ,عزيز: شوفوا اختي افتشلت ( يضحكون),دلال: انطم واللي يعافيك,حمد:تعالي دلال ليش واقفه تعالي قعدي سولفي معانا مو مشتاقه حق عيال عمج؟دلال:ها.. أي,حمد: شلونج شخبارج؟ دلال (مستحيه):تمام..أنت شلونك؟,حمد: شفيج تحاجيني وعيونج بالأرض انا ولد عمج تستحين مني؟,دلال: لا مو مستحيه..عادي,حمد: لا امبلى. انا أعرفج انتي جريئه ليش مستحيه يالله رفعي راسج من القاع وسولفي.ترى اليهال دوخوني وما عندي أحد اسولف معاه,دلال: انشالله,حمد:وبدون رسميات بليز,دلال: انشالله...
نوره: شلون جذي؟,طيبه: أي والله يانوره هذا اللي صار,عبير: وانتي ما سويتي شي؟,طيبه: انا كنت بالمستشفى يوم صارت السالفه وعندي حاله,ام سعود: وطلال وينه؟,طيبه: حتى طلال ما يدري عن السالفه ما درى الا لمن ردوا العيال من المدرسه,نوره: وبعدين,طيبه:رحتلهم ثاني يوم من الصبح وكلمت ناظر المدرسه قتله شلون تخلون جمانه بصف بروحها طول الدوام وتمنعونها من الاكل بعد؟؟انا حتىالبجي بجيت عليها الا عيال عاد ما أرضى عليهم,نوره: والله كلنا ما نرضى على عيالنا بعد هالمره بالغربه,ام سعود: وشقال الناظر, طيبه: قال جمانه مشاغبه واحنا جذي نعاقب الطلبه المشاغبين بس و خلصنا على انه جمانه ما تتشيطن مره ثانيه,عبير: تبين الصج بنتج جمانه شيطانه عكس أسرار صج اهمه توأم والشكل واحد لكن التصرفات غير100%سبحان الله,ام سعود: شكبرهم الحين عيالج,طيبه: جمانه واسرار 14سنه وحمد 18 سنه,ام سعود:الله يخليهم انشالله ويتربون بعزكم,طيبه: تسلمين خالتي
ساره: أي أسرار وانتي شسم رفيجاتج؟,اسرار:مثل رفيجات جمانه انا وياها نفس الشي,ساره: ايي يحليلكم لايق عليكم الترف بنات لندن يحق لكم..ودلول مثل العيد مع حمد مستانسه طايحتله سوالف وضحك,دلال تضحك: زين تسوي,حمد: أي والله هالأشكال ترى ما يستاهلون تعاملينهم عدل تصدقين انا ما صدقت نوصل الكويت مشتاق حق الكويت حق ربعي واهلى ومشتاقلج انتي بعد,دلال تنزل راسهاوتبتسم,ساره: دلول الله يخليج بس لا تذوبين علينا, حمد مالك شغل فيها ترى هاذي ما تستحي بس تسوي روحها كلش جدامك تبي تعجبك اهي اصلا منالبيت واهي تتعدل وكاشخه كله عشانك,حمد: صج دلال, دلال ساكته,حمد:أي صح انا اشوفها صايره شحلاتها اليوم,دلال: حمد امم بتكمل دراستك هني عدل؟,حمد:انشالله..انا يوعان ماكو شي اكله؟,دلال: وانا بعد يوعانه بس مو مخليني اكل.....شرايك ننزل تحت بالسرداب محد يدري ناكل ونرد هنيي,حمد:صج وتوج تقولين وينج ما قلتي من زمان يالله يالله قومي,دلال: يالله,مضاوي:وين رايحين,دلال: شكو,حمد: احنا طالعين شوي وراديين,باي
(بالمطعم)
أحمد: أي عدنان, شنوالموضوع اللي كنت تبيني فيه,عدنان: انا سمعت انك ناوي تخطب حصه؟,احمديبتسم:انت دريت..أي نعم اللي سمعته صحيح,عدنان: بس يا أحمد,احمد: بس شنو؟,عدنان: الصراحه انا بدش بالموضوع على طول.. انا وحصه نحب بعض وكنت ناوي اخطبها عقب ما تخلص دراستها بس تفاجئت بالخبر وحصه بعد اتصلت عليي تبجي,احمد:هه..انت من صجك؟ شلون جذي؟,عدنان: احنا كنا مكتمين علىالموضوع ومحد يدري..احمد انت مستحيل تاخذ حصه مني انا وياها نحب بعض ومستحيل احد يفرقنا,احمد: الحين كل شي تم وصار وحصه ما بينت لي انها مو موافقه,عدنان: حصه ما تقدر تقول شي انا اعرفها,أحمد: عدنان هذا زواج مو لعبه وحصه تدري انها بتعيش حياتها كلها معاي انا اذا وافقت واذا اهي شايفه اني ما اقدر اسعدها جان قالت بس طول ما اهي موافقه وانا بعد اسمحلي ما أقدر اسويلك شي وانت لازم تحط ببالك انت الزواج قسمه ونصيب والله الله كاتبه بيصير,وبعدين كل شي جاهز وانشالله بعد جم يوم بنروح نخطبها رسمي ,الحين الحمدلله انا شبعت عن اذنك مع السلامه... (عدنان يظل قاعد يفكر)الحين شلون؟ وشلون امنع الزواج؟</font></p></font>

<font color='#FF0000'>مشكوره اختي ونتريا منج المزيد</font>

<font color='#F52887'><strong><font face=arial>(في بيت انور)
الام: انور ما تبي جاي؟,انور: أي والله جان زين, فهد: وين فجر ما اشوفها, حصه: فجر نايمه اليوم قاعده مبجر من الصبح,الام: والله وكبرتي يا حصه وبتتزوجين بتهدينا وتروحين,الفال لك يا فهد واشوفك معرس وافرح فيك فهد: لا يما انا مابي اتزوج,حصه: عن اذنكم انا بروح غرفتي,فهد: هاذي شفيها كله ما يبنا طاري الزواج هدتنا وراحت وكله متنرفزه,الاب: ميخالف خلوها اهي بس سالفه الزواج هاذي تخليها جذي تتصرف
(في بيت اهل سعود)
دلال: الحمدلله الحين انا شبعت,حمد: الحمدلله انا بعد شبعت يالله تعالي خنروح فوق ..السرداب يخرع شكبره وما في احد,دلال: أي احــسن جو رومانسي(تضحك),حمد: لا والله جو رومانسي مع الاكل قومي قومي لا يطلعج يني الحين,دلال: واي يمه الا اليني....(فوق) يرن تلفون دلال: عن اذنك حمد دقيقه بس خل أرد,الو.....ها عزوز شتبي؟,عزيز: شنو شتبي تحجى عدل لا كف على عينج,دلال: عزوز انا مشغوله الحين فبيت يدي ما اقدر اكلمك باي( تصك الخط بويهه) أي حمد نرجع حق محور حديثنا(يضحكون)
(في غرفه حصه)
حصه: منو؟,الام: انا امج بطلي الباب,حصه تبطل الباب: هلا يما تفضلي,الام: شقاعده تسوين؟,حصه: ولا شي اتقره بالمجلات اللي عندي,الام: حصه انتي شسالفتج؟ليش ما تبين احمد شفيه الولد.فاهم وجامعي وخلوق ما يعيبه شي وين بتلقين احسن منه وولد عمج بعد مو غريب بس قاضبه علينا ماحبه ماحبه مو شرط تحبينه كافي انه اهو يحبج وشاريج وبيعيشج احسن عيشه بعدين الحب ايي عقب الزاج مو قبله كنا تزوجنا زواج تقليدي خطبه يعني والحمدلله كلنا توفقنا بزواجنا ,حصه: يما اول غير والحين غير الحين كل شي تغير ولازم احب الريال قبل ما اتزوجه,الام: ومن قايلج جذي من قايبج هالحجي الفاضي لازم احب الريال استحي على ويهج(يرن تلفون حصه) حصه تقول بقلبلها: وي هذا عدنان ما اتصل الا الحين يعني ,الام:حصه..حصه,حصه: هلا,الام: شفيج تلفونج يرن ردي,حصه:لالا يما هذا..هاذي دلال مالي خلقها,الام: لا ردي عليها شوفي شخبارهم مع العزيمه,حصه:ها لا مالي خلق بعدين انا اكلمها( تسكر الخط),عدنان: هه هاذي شفيها صكته بويهي,خل ارد اتصل عليها,الام:عمج بيي يخطبج رسمي انشالله عقب جم يوم ولي طلعتي مع ولده وقمتي تقعدين معاه وقت اطول راح تفهمينه ويمكن تحبينه بعد قبل ما تتزوجون(يرن التلفون مره ثانيه) حصه: هذا شفيه ما يفهم,الام: منو؟,حصه: دلال,الام: عطيني خل ارد عليها,حصه:لالايما ماله داعي خلينا نكمل موضوعنا بعدين نكلمها(ترد تسكر الخط)عدنان: شسالفه؟ اكيد يمها احد,الام:ها حصه انشالله اقتنعتي بكلامي,حصه ساكته,الام:انا راح اخليج تفكرين عدل الحين وانشالله توافقين,(تطلع الام) بعدها بفتره يرن التلفون,حصه: الو..,عدنان:ممكن اعرف ليش ما كنتي تردين عليي وتصكين الخط بويهي؟,حصه: عدنان امي كانت قاعده معاي تبيني اكلمك جدامها يعني,عدنان: والا تسكرين الخط ولا ما تردين كلميني على اساس اني رفيجتج أي شي,حصه: لا لا ما اقدر..امي كانت راح تحس,عدنان: بعدين شنو امج من متى واهي عندج انا صارلي مده اتصل,حصه: أي انا كنت تعبانه شوي مالي خلق اكلم احد,عدنان: لا والله مالج خلق تكلمين احد وانا أي احد يعني ,اشوف طلع الحجي انا صرت احد الحين,حصه: عدنان لا تكبر السالفه واهي صغيره خلاص صار شي يعني انقلبت الدنيا, الحين أنا قاعده احاجيك ,عدنان: أي اي صار شي صارت اشياء والسالفه من متى كانت صغيره علشان اكبرها انتي من عمي كلم ابوج على سالفه زواجج وانتي متغيره عليي,شعبالج انتي مافي غيرج بالكويت..اغتريتي عليي ,حصه: انت شقاعد تقول لا تقعد تصرخ عليي وتتحجى بدون ما تحس انا ترى مليت مليت منك ومن اعصابك ما اتحمل اكثر من جذي مو بس الحين من اول وانا هاذي حالتي معاك تكبر السالفه حتى لو كانت تافهه وتبدي بالمشاكل,عدنان: والله محد اييب المشاكل غيرج انتي وتصرفاتج ولا انا ابي ارتبط بوحده عديمه الاحساس ما تحس ولا تعرف شي اسمه حب , حصه: زين يا عدنان خليك عند كلمتك(تصك الخط بويهه) وتبجي..
(في بيت اهل سعود)
سعود: يالله عزوز يالله يبا قوم تجهز خنروح البيت الوقت تأخر خل يدك ويدتك يرتاحون,عزيز: انشالله..بس يبا انا يوعان ابي آكل,سعود:ليش انت ما كليت معانا مساع؟,عزيز: امبلى بس همن يوعان,دلال: بل بل عليك هذا وانت ماكل مرتين جذي شنو انت بالوعه,شيخه: دلول وويعه ذكري الله هذا اخوج الصغير بدال ما تتحلين عليه فاجه عينج على الولد شتبين منه لو امي سامعتج جان والله ما تخليج,حمد: أي دلال حرام عليج اخوج مو متين عشان تقولين جذي ,دلال: لالا متين شوفو كرشته شكبرها(يضحكون),عزيز:هي جبي ماحبج يبا شوفها,الاب: بس يادلال يوزي عنه انا انطركم بالسياره لا تتأخرون,ساره: اوكي اسرار لا تنسين باجر انتي وجمانه معزومين عندي.اسرار:اوكي,ساره: يالله عيل باي مع السلامه حمد,حمد: الله يسلمج,ساره: يالله عزوز حبيبي تعال خنروح عزيز:انزين بروح اييبلي ككاو ايي,ساره: بسرعه,دلال: وانا بعد بروح ياله اسرار وجمانه باي ,مع السلامه حمد والله استانسنا معاك اليوم,حمد: وانا اكثر,سيخه: حمد ما قتلي انت بتكم دراستك بأي كليه؟,حمد:الطب انشالله,شيخه: ماشالله الولد وامه( تضحك) يعني معاي خوش صدفه حلوه والله,أي جذي زين ما اقعد بروحي,دلال (مو عاجبها):انزين انزينخلصي تأخرنا,شيخه:دلال انتي بتروحين كيفج مالج شغل فيني,دلال: انزين عيل باي,حمد: مع السلامه..الله معاج خلينا نشوفج,دلال: من عيـــــــوني,حمد: تسلم(تقاطعه شيخه)آآ حمد اذا تبي أي شي ترى حاظره لا تستحي,حمد مشكوره يا شيخه وما تقصرين,شيخه:العفو ولو يالله باي,حمد:باي
بعد جم يوم
(في بيت خالد)
الام: ليالي قومي شوفي منوعند الباب,ليالي: يما انا قاعده العب مع يعقوبي الحين خلي الخدامه تشوف منو,الام:الخدامه مشغوله مو فاضيتلج قومي خلصيني ,يوسف: خليها عمتي انا اقوم اشوف منو,فهد: السلام عليكم,يوسف: يا هلا وعليكم السلام شلونك فهد؟,فهد: تمام,يوسف: تفضل تفضل داخل,فهد: دام فضلك,لقاء: اهلين ياهلا فهد عاش من شافك وينك ما تبين,فهد: والله الدنيا ومشاغلها,شلونج خالتي,الام: بخير الله يسلمك انتو شلونكم امك وحصه وفجر,فهد: كلن بخير الحمدلله. خالتي هذا محروق صبعه حق خالي خالد امي متنقصته حقه تدري فيه وايد يحبه ,الام: لا ماله داعي ليش متعبين عمركم.فهد:لا خالتي ولا تعب ولاشي بالعكس يستاهل خالي الا اهو وينه؟,الام: والله طالع مشغول,فهد: الله يعطيه العافيه سلموا عليه وايد الحين انا استأذن,يوسف: وين رايح تعال اقعد معانا مو شايفينك من زمان مو سامعين سوالفك ولا مو عاجبتك القعده,فهد يضحك: لا شدعوه انتو اهلى وهذا بيتي الثاني بس والله تأخرت علىالنادي مره ثانيه انشالله,لقاء: بالتوفيق,فهد: اجمعين يالله عيل مع السلامه,الام:مع السلامه
(في بيت انور بالصاله)
حصه تنزل عند الاهل بالصاله: يما انا فكرت باللي قلتيه وانا موافقه ,الام: صج والله يا بعد عمري الف الف مبروك (تيبب),فهد: زيـــــن زين اللي عدلتي مخج هالعوي,حصه تبتسم,الاب: عفيه على بنيتي هاذي حصه اللي اعرفها المطيعه وتسمع الكلام,الام: والله ياحصه انحنا نبي مصلحتج وشايفيين سعادتج وراحتج مع احمد,فهد: الله يوفقكم مع بعض,حصه: انشالله,الاب: عيل اروح انا ابشر اخوي بهالخبر الحلو..,الام: انا بروح شوي مع فهد ابي يوديني مشوار وراديين,حصه: اوكي الله معاكم,(تقعد حصه بالصاله وتتصل على عدنان)عدنان: الو هلا حبيبتي هلا حصه تدرين اني طول الايام اللي طافت قاعد يم التلفون انطرج بس تتصلين حياتي انتي يا حصه والله احبج,حصه: عدنان انا وافقت على الزواج وراضيه بأحمد. عدنان يسكت,حصه: انا ما اقدر ارفض زواجي منه ,حياتي معاك مستحيله وعمرنا ما اتفقنا على شي,عدنان: حصه حصه انا احبج لا تقولين جذي,حصه:نسيت كلامك ذيك المره,عدنان: حصه كلام بس حجي تدرين فيني اذا عصبت,حصه: آسفه يا عدنان انا وافقت اصلا سواء وافقت ولا مثل اول ساكته لكن بقلبي مو موافقه الزواج راح يتم,وانشالله تلقى اللي تسعدك وتحبك اكثر مني مع السلامه(تسكر الخط)</font></strong>
</font>

<font color='#F52887'><FONT color=#f52887><STRONG><FONT face=arial>(في بيت مشاري)
الام: مشاري.. مشاري هد الجريده شوي واسمعني,الاب: آمري,الام: ما يامر عليك عدو,عدنان وايد كاسر خاطري وما اييني النوم بالليل بسبته أحمد و حصه صارلهم تقربيا 5 شهور متزوجين واهو طول هالمده ما يحاجي أحد ما يطلع مثل اول كله بالبيت كله بغرفته حتى الاكل ما ياكل عدل, تحرك سو شي كلمه انا عيزت وانا أفهمه انه كل شي قسمه ونصيب معيي يسمع الحجي,الاب: خليه عنج زين يتدلع يزعل يزعل ما رده بيرضى ,الام: انت الثاني الحين قاعده اقولك عن حالته تقولي خليه عنج ابيك عون تصير عليي فرعون شنو يتدلع الولد متضايق وزعلان,ايمان: اهو يحب حصه وايد محد يدري عنه شكثر يحبها غيري وبعدين جذي بهالسرعه تروح حق غيره أكيد ما راح يتقبل السالفه,الام: وانتي بعد مادري شلون صايره دام كنتي تدرين عن اخوج ليش ما قلتيلي ليش ما تحجيتي جان خطبناها له حاجيت امها بالموضوع سوينا شي توج تقولين عقب ما راحت البنيه منه,ايمان: يمه شفيج عصبتي عليي انا شكو مالي شغل مو أنا اللي قلت حق أحمد تزوج حصه يه,بعدين اهو ما كان يبي أحد يدري,الاب: يبا شسالفه خلاص الحين كل شي صار والبنت تزوجت,الام: وعليه عليك يا وليدي ما تستاهل..
<FONT color=#000000>(في غرفه دلال)
عزيز: دلال انتي شفيج عليي جني أطر منج الحجي ما تعرفين تتكلمين عدل,دلال: شنو شقتلك الحين, عزيز: علمي نفسج من رد عمج من السفر وانتي ولا على بالج ناسيتني ومقصره بحقي وايد,دلال: عزوز شتخربط شنو مقصره بحقك كافي اني قاعده اكلمك واطمن عليك من وقت لي وقت بعد شتبي, عزوز:انتي ما تحبيني صح؟ دلال:لا شنو من قال,عزوز: انا أقــول صح ولا لأ,دلال: لا عــادي أحبك,عزوز: لا تجذبين بسج جذب انتي من عرفتج وانتي بس تجذبين بس, دلال: لالا عزوز من قال انا احبك صج شنو ما تذكر ذيك المره لمن مرضت شلون كنت احاتيك و ما كنت انام بالليل عشانك ولمن صار عيد ميلادك وسويتلك المفاجأه وشريتلك العطر اللي تحبه ولمن كنت تتهاوش ما أرضى عليك واوقف بصفك شنو ماحبك شفيك اليوم انت مو صاحي أصلا لو ماحبك جان مو قاعده اكلمك الحين صج صدقني, بس الحين امي قاعده تناديني خل اروح اشوفها شتبي بـــاي(تسده) وي قطع شسالفته هذا شفيه اليوم ترى صج صج مالي خلقه ,ساره: دلول شفيج متضايقه؟, دلال: عزوز مادري شفيه يقول انتي ما تحبيني مادري شنو قاعد يخربط عليي انا ترى مليت منه اوف لي متى جذي,ساره: كلمي رفيجتج قوليلها,دلال: أي صح اكلم هديل واقولها,(يرن تلفون هديل): الو هلا دلول حبيبتي شلونج,دلال: موزينه سمعي هدول شوفي لج حل مع عزوز ترى لاعت جبدي ما صارت انتقام هذا اهو يهدج انا ابتلش ترى مليت وهمن ما يصير قاعده اقص عليه جذي حرام يكسر الخاطر لي متى أنا جذي معاه ترى انا ماحبه وما يصير أكلمه بس جذي,هديل: دلال دلال يعني شسوي مو انتي قلتي انا أساعدج يوم شفتيني بس أبجي ونفسيتي تعبانه والحين توهقتي شسويلج يعني ,دلال: انتي مو قلتي خليه يحبج بعدين هديه مثل ما سوه فيني خل يحس شوي يالله الحين اهو يحبني يموت فيني الحين بسده وادق عليه اقوله مابيك,هديل: وي كيفج انا مالي شغل فيكم الحين كل اللي يهمني انه يحتر ويموت قهر مثل ما سوه فيني وبعدين محد قالج تطولين معاه كل هالمده, دلال: عيل بالله شلون يحبني من اول ليله سكتي بس سكتي ياليتي ما سمعت كلامج يالله يالله مع السلامه,هديل:باي,ساره: ها شقالت؟,دلال: تقول مالي شغل فيكم,ساره: من صجج؟ صج ما تستحي على ويهها توهقج معاه وبعدين تقول جذي بعدين دلوله انتي غلطانه المفروض ما تدخلين نفسج بالسالفه,دلال: غبيه شسوي كسرت خاطري بس تبجي,ساره: الحين شراح تسوين.. تقولينله؟, دلال: لالا ما أقدر اقوله.. اممم بغير خطي وبس,ساره: لا دلول حتن جذي ما يصير تعلقين الولد,دلال: لا ما أعلقه اهو يفهمها, ساره: والله مادري عنج انا بروح الحين حطوا مسلسلي اللي اتابعه وانتي اللي تشوفينه صح سويه..دلال: اوف يا ربي شسوي الحين
(في بيت فيصل)
أحمد: حنان وين عادل ما اشوفه, حنان: عادل معزوم,أحمد: منو عازمه؟,حنان:رفيجه عبد العزيز اللي شفته ذيك المره تذكر, أحمد: أي أي عبد العزيز الضعيف ها؟, حنان:أي أي هذا اهو,حصه:امم.. منو هذا عبد العزيز؟ أحمد: هذا عبدالعزوز سالم رفيج عادل يدرس بنفس الكليه اللي كان يدرس فيها أخوج فهد على ما أعتقد,حصه: اها,أحمد: انزين عيل حنون انا وحصه بنتغدى بره لي وصلت الوالده قوليلها,حنان: انشالله... الله معاكم
( في المطعم)
حصه: لالا انا مابي اروح بروحي ابيهم اييون معاي, أحمد: حصه حبيبتي انتي الحين متزوجه مو مثل اول لازم بنات خالتج اييون معاج لمن تطلعين الحين انا موجود طلعي معاي انا,حصه: أحمد قتلك مابي اروح المسرحيه بدونهم أصلا خلاص انا الحين قتلهم واستانسوا بعدين شفيها الحين احنا من تزوجنا ولا مره طلعوا معانا يت على المسرحيه.,أحمد: بس يا حصه, حصه: لا بس ولا شي خلاص الحين اول مانخلص غدانا نروح نحجز حقنا وحقهم دلال وساره وفجر كلهم ثلاثه انا ماني يايبه العايله كلها,أحمد: انشالله اللي تبينه بيصير,حصه: أي هذا أحمد حبيبي اللي أعرفه...أقول أحمد شوف وراك هذا مو اخوك عادل,احمد: أي والله هذا عادل,حصه :ومعاه عزوز,أحمد: أي عزوز؟؟,حصه: لا لا بس انت قلت رفيجه عازمه عبدالعزيز,أحمد: أي أي صح,حصه: شوف كاهم يايين صوبنا,عادل: مساء الخير, أحمد: هلا والله هلا عادل, عادل:شلونكم؟,حصه: بخير الحمدلله انت شلونك ,عادل:تمام,عزيز: حصه شلونج؟؟؟(أحمد وعادل يطالعون حصه)حصه واهي مرتبكه: ها..هلا ,أحمد: انت تعرفها؟,عزيز: أي شلون ما أعرفها هاذي حصه بنت خاله دلال ,عادل: وانت شعرفاك بدلال؟عزيز يضحك: بعدين أقولك,عادل: اوكي عيل اخليكم الحين مع السلامه...
( بالطريج)
أحمد: حصه منو هذا وانتي شلون تعرفينه؟؟,حصه: من قال اني أعرفه لا أعرفه لاو شي,احمد: مو توه جدامج قال انه يعرفج,حصه: أي بس مو شرط اني لازم أعرفه بعد هاذي دلول شيطانه تلقاها اهي تعرفه ومره كنت طالعه معاها ومواعدته وشافني مو شرط انا اعرفه,أحمد:أكيـــــد,حصه: أكيدين (تقول في قلبها): الله يخسج يا دلول شكلج بتوهقينا مو وقته كلــش
( في بيت سعود)
دلال: قــــــــوه يما حبيبتي,الام:هلا دلول شعندج,دلال: يما تذكرين مره لمن قليتلي انج كلمتي رفيجتج خالتي نوال,الام: أي أذكر, دلال: بس نظرا لانشغالي في ذلك الوقت ما سمعتج شتبين تقولين فالحين قولي يالله شتبي رفيجتج؟,الام:ايي بييييه من زمان هالحجي,دلال: أي من زمان ادري,الام: وتوج يايه تسألين,دلال: توني أفضى,شيخه:الله يخليج,دلال:صكي حلجج لو سمحتي,الام: بس عــاد احترمي أختج الكبيره,دلال: انزين يالله شتبي رفيجتج ما تقولين,الام: نوال تروح دروس دينيه وقالتلي يعني تروحين معاها,دلال:ليش ليش يعني شنو شنو شسالفه شكو, الام:شفيج شوي شوي أعصابج,دلال: شنو يعني اشايفتني يهوديه ولا حاطتلي بقره بغرفتي واصلي حقها(ساره تضحك)الام:أنتي شنو ما تعرفين تتناقشين بموضوع الا بقله أدب جذي ما تعرفين تعدلين أسلوبج,دلال: انزين انزين شالمطلوب الحين,الام: وانتي يعني ليش مسلمه ما يصير تروحين دروس دينيه بالعكس تستفيدين,دلال: لالا يما الله يخليج انا الصراحه ودي بس ما أقدر انا الحين برابعه آخر سنه مابي شي يشغلني ما تبيني اييب نسبه انتي ولا شنو,شيخه تضحك,دلال: لحظه لحظه شيضحك انتي ويه ويهج على شنو تضحكين,شيخه: سلامتج,دلال:الله لا يسلمج..يما سلمي على رفيجتج وقوليلها: دلال تثلم عليج وعلى بنتج ثميه وتقولج آثفه اهي مثغوله عندها دراثه وثانويه عامه حظ أوفر ولاتدرين شلون عندج شيخوه وديها خل يعلمونها شلون تتوضى حق الصلاه(تضحك بصوت عالي)شيخه: يما شوفيها,الام: خليها عنج حقريها,الام: دلول انا شقايلتلج من قبل تحجي عدل لا تعيبين على خلق الله هذا يزاها المره بتفيدج وخايفه عليج,دلال: انا بروح اشبك سي ياااااااا
(في غرفه دلال)
منو دازلي مسج اممممممم هذا رقم حمد يحليله خل ادزله مسج( يرن تلفونها): واي يمه خرعني .. هاذي حصوه,دلال: الو . قوه حصه شلونج شخبارج شالدنيا فيج يالقاطعه ولهنا عليج تزوجتي ونسيتينا,حصه: دلال سكتي الله يخليج شنو نسيتكم وباجر بنروح مع بعض المسرحيه,دلال: أي ها صح (تضحك) نسيت,حصه: دلال انا شكلي بروح فيها منج,دلال: هاو انا شكو شسويتلج,حصه:اليوم شفنا عزوز بالمطعم مع اخو أحمد عادل طلع رفيجه ويه سلم عليي وهقني وقال انه يعرفج,دلال: وي وي وي هذا شناوي عليي شلون يقول جذي,حصه: مادري انا قتلج عاد الحين عادل يقول حق ابوه وعمي فيصل يقول حق ابوي,دلال: وابوج يقول امج وخالتي شريفه تقول حق امــــــــــي وي وي لأ امبيه باي حصوه باي خل أتصرف,حصه: ديري بالج باي..,دلال: زين يا عزوز تسوي فيني جذي يصير خير</FONT>

</FONT></STRONG></FONT></font>

<font color='#F52887'><strong><font face=arial>سعود:نوره عيالج وينهم؟,الام: شيخه عند ليالي ودلال وساره طالعين مع حصه وأحمد وفجور, سعود: شلون تخلينهم يطلعون معاهم&#33;&#33;,حرام عليج الريال بياخذ راحته مع مرته تودين هالبلاوي معاهم,الام: لا وي حصه اللي حنت ولزمت يطلعون معاهم بعدين وين رايحيين ماخذينهم المسرحيه ورادين,الاب: خوش, لا استانس الريال مع مرته...
(بالمسرحيه)
أحمد: حصه بتسكتين أختج ولا شلون, بسها قرقه,حصه: اوو الله يهداك أحمد شفيها ما فيها شي خو اهي مو قاعده تحاجيك,أحمد: ولا بخليها تحاجيني سكتيها صوتها عالي أزعجتني,حصه: سلامتك من الازعاج..فجوره حبيبتي وطي صوتج شوي(أحمد ينقز حصه):انا قلت سكتيها مو توطي صوتها,(ساره ضحك بصوت عالي) أحمد يهز راسه مو عاجبه: ساره يه شنو هذا عيب بابا ما يصير شلون تضحكين جذي انتي مو فبيتكم(ساره ترد تضحك بصوت عالي)أحمد: لا حـــول انا شالله بلشني وييت معاكم,حصه: أحمد المسرحيه كوميديه يعني تبيها تبجي خلها تضحك تستانس,أحمد: خل تضحك عليها بالعافيه بس مو جذي لا وجان زين المشهد يضحك,حصه: ميخالف ياهل خلها على راحتها,أحمد: والله أحسنهم دلول مالها حس كلش,دلال: انا بروح اييب لي ماي عطشانه,أحمد: اخذي معاج فجر وساره لا تروحين بروحج,دلال: لالا خلهم هني بروحه ابي الفكه منهم أنا,(دلال تقوم تحاول تطلع),ساره: اووو دلال وخري,دلال: اشششش وطي صوتج ،زين انا مو قاعده العب أبي اطوف,أحمد: اخ أي دستي على ريلي(حصه تضحك),دلال: وي أحمد سوري مو قصدي ظلمه خو,احمد: تضحكين انتي بعد
(بعدها بجم ساعه)
الام: ها أحمد انشالله استانستوا,حصه: أي والله استانسنا,أحمد: أي أي استانسنا وناسه اول مره أروح مسرحيه واستانس جذي,الام: يالله عليكم بالعافيه,حصه:الله يعافيج خالتي... عن اذنكم انا بروح غرفتي تعبانه وبنام تصبحون على خير,الام: وانتي من أهله
( في بيت سعود)
ساره: دلال.. شسويتي على سالفه عزوز؟,دلال: ما سويت شي ما فضيت الحين بسوي,ساره: شبتسوين؟,دلال: اكلمه وأزفه شحقه يروح يفضحني جدام ريل حصوه واخوه,ساره: ترىاذا وصلت السالفه حق ابوي رحتي فيها,دلال: ادري مو عشان جذي برقعها بسوي شي,(دلال تتصل على عزيز), محد يرد( هديل تتصل) الو قوه ,دلال: هلا,هديل: ترى ماني مطوله عليج بس بقول انه عزوز درى بالسالفه انج ما تحبينه ولا شي بس جذي تكلمينه انتقام ليش هدني(دلال توقف): ومن قاله شلون درى؟,هديل: شدراني انا بس عصب وقال يعرف شلون يردها لج بيفضحج جدام أهلج مو خايف منج ولا منهم,دلال: وانتي منو قالج؟,هديل: اهو قالي ... أي وقال بعد بغير رقمه.. يالله باي ( دلال تقعد على السرير تبجي),ساره: دلال بس لا تبجين سكتي خلاص,دلال: شنو خلاص هذا بيفضحني جدام الاهل شراح يسوون فيني اذا دروا( عزوز يدش الغرفه),دلال: شتبي انت بعد ترى مالي خلق أحد,عزوز: يدي مات, ساره: شنو شتقول؟,عزوز: يدي بابا عود ابو ابوي مات,عيل هاذي شحقه قاعده تبجي شعندج؟دلال تصرخ : مالك شغل جب ولا كلمه اطلع بره,ساره: ابوي وينه؟,عزوز: شدراني تبينه دوريه, ساره: قطع كل عزوز ماصخ( ساره ودلال يطلعون بره الغرفه)
(الام وشيخه بالصاله)
دلال: يما شفيكم شفيه يدي؟,الام: يقولون سكته قلبيه جذي فجأه طاح عليهم,ساره: أمبيه,,شيخه: وعليه عليه يدي يكسر الخاطر, دلال: انزين انزين عيونج لاتنفجر من البجي شوي شوي,الام: انتي ماعندج قلب ما تحسين ما تيوزين من سوالفج,دلال: امبلى مسكين يدي حرام انزين متى هالحجي؟الام: قبل 3 ساعات تقريبا, دلال: الله يعينهم
( بعد يومين)
دلال: أقول ساره انتي لي الحين تكلمين هذا اللي اسمه يعقوب,ساره: لأ,دلال: أي احسن لج لا تكلمين وانتي بهالعمر ترى اللي يكلم وحده بعمرج بس جذي يلعب عليها انتي لي الحين صغيره لا بعمر زواج ولا شي على شنو تكلمين وترتبطين,ساره: ادري(يرن التلفون) دلال: الو..,سعاد:الو السلام عليكم, دلال: هلا خالتي وعليكم السلام,سعاد: شلونكم؟,دلال: تمام زينين شلون خالي خالد؟, سعاد: الحمدلله بخير.. وين امج؟, دلال: امي بالعزا,سعاد: الله يعبنهم والله شلون ابوج وعمامج,دلال: والله صايرين مو شي أعصاب ومتنرفزين,سعاد: أي بعد ابوهم مو شويه..الله يرحمه سلمي على امج لي يت, دلال: انشالله
( في بيت فيصل)
حصه: أحمد اليوم آخر يوم بالعزا روح عزوا,عيب جذي, أحمد شسوي حبيبتي ما فضيت بس انشالله اليوم ما يعدي الا ورايحين نعزي انا وعادل,حصه: انشالله
(بالعزا)
مساعد:طلال انا ماشي عند الوالده انت وسعود فيكم البركه,طلال: ولا يهمك احنا موجودين تقدر تروح, مساعد:يعطيكم العافيه يالله اشوفكم علىخير انشالله,طلال: الله معاك,عادل:عزيز وين رايح؟, عزيز: راد بعد شوي نطروني,أحمد: والله يا عادل انت مادري شلون صاير عزيز شكو يايبه لا يعرفهم ولا شي,عادل: اهو اللي بقى ايي والله سألني وين رايح قتله عزا بين فلان قال بيي معاك ويبته,(بره) عزيز: عمي.. عمي,مساعد: هلا يبا, عزيز: عظم الله أجرك,مساعد: اجرنا وأجرك يزاك الله خير..آمر يبا بقيت شي مستعيل والله,عزيز: عمي اذا بقيت شي حاجه ترى انا موجود انا دلال قالتلي انك مستلم الشغل بمحل المرحوم فاذا تبي عون لا يردك الا لسانك( مساعد يرفع راسه)دلال؟؟ وانت شعرفاك بدلال؟,عزيز: عمي دلال اعرفها من زمان واحبها واهي بعد شوف عمي انا قلت اقولك انت قبل ابوها لأنها كانت تقولي عنك متفهم وطيب ودلال تحبني ما تقدر تعيش بدوني وحتى صورها عندي هذا غير الهدايا اللي كانت تييبهم لي,ادري انه الوقت مو مناسب حق الموضوع بس هاذي الفرصه الوحيده اللي قدرت اشوفك فيها واتعرف عليك واقولك اللي بقلبي,(مساعد يطقه طراق) صج ما تستحي على ويهك جليل الحيا استح شوف الظروف اللي احنا فيها وقدر شوي وخر عن ويهي أذلف,عزيز: مع السلامه,مساعد: الله لا يسلمك ولا يخليك أذلف.... ودلال هاذي أنا اوريها,عزيز: خلتعرف منو عزيز,سعود: مساعد شفيك تصرخ؟؟,مساعد :انا اقولك شفيني
(في بيت سعود)
دلال تبجي: يما هذا جذاب والله,الام: جب جب ولا كلمه شنو جذاب , أهو قايل حق عادل واحمد واهمه قايليين حق ام عادل واهي اتصلت بشريفه قالتلها ,ساره: وخالتي شريفه قالتلج,الام: يعني ما بقى أحد ما درى عنج اللي يسوى واللي ما يسوى فضحتينا فشلتينا ياللي ما تستحين على ويهج,دلال: انا مالي شغل,الام: اقولج جب لا تحجين عمه بعينج شراح يقولون عنه الناس شيقولون نوره ما عرفت تربي بناتها, طالعه معاه وتكلمينه وهدايا حتى صورج معطته من اهو عشان تعطينه صورج منو,شيخه: يما عفيه بس لا تصرخين وتحرين عمرج عليها وانتي قومي ذلفي فوق روحي غرفتج
(يدش سعود البيت معصب) وينها...... وين دلال؟؟</font></strong>
</font>

<font color='#F52887'>

<font face=arial,verdana size=3>( دلال تشهق خايفه وتركض فوق) الاب: تعالي.. تعالي يا جليله الحيا يالوصخه.. ,الام: بس سعــود خلها لا تحر نفسك انا زفيتها,سعود: نوره انتي مالج شغل لا تتدخلين,الام: شيخه أخذي عزيز وساره داخل,شيخه: انشالله
(دلال فوق)
حصه.. شسوي الحين ابوي بيطقني ,حصه: دلال سكتي هدي نفسج لا تسوين بروحج جذي,دلال: كان معصب وقاعد يصرخ,حصه: انزين بس لا تبجين.. لا تبطلين الباب لي يه,دلال: ما اقدر ما اقدر..قاعده اسمع صوته كاهو يه(تسكر دلال التلفون)حصه: مسكينه دلال ما تستاهل ابوها بيطقها,أحمد: لا تستاهل والله انا أعرفها دلال عايشه علىالترف والدلع وكل شي تبيه تسويه صح كان ولا غلط ولا نسيتي سوالف اخوج فهد عنها واللي كانت تسويه,حصه: هذاالحجي من زمان والحين فهد تغير وقام يعاملها عدل مو مثل اول وحتى دلال نفسها تغيرت وعقلت, أحمد: خليها هل تتأدب خل تعرف الصح من الغلط وكل وحده تسوي عمايلها تستاهل الطق,حصه: وأبوها ما درى الا الحين عقب وفاه المرحوم لالا انا ماعرف أقعد جذي لازم اروحلها,أحمد: هي هي تعالي وين رايحه,حصه: بروحلها,احمد:قعدي قعدي الله يخليج شكو انتي خلي السالفه بين الابو وبنته
(في بيت سعود)
سعـود بس ذبحت البنيه,سعود: نوره قتلج لا تتدخلين.. ما بقى أحد الحين ما تحجى عن سمعتنا وشرفها لا من اهلى ولا اهلج ياللي ما تستحين شقصرنا عليج فيه (يطقها) كل اللي تبينه يوصلج هذا اليزا؟؟ مابي اشوف رقعه ويهج طلعي بره بيتي لا انتي بنتي ولا انا اعرفج طلعي,, غيري والله يذبحج طلعي بره الله لا يوفقج لا دنيا ولا آخره(ساره وشيخه بره) ساره: امبيه ابوي طرد دلول بره حرام وين تروح,شيخه: أي والله مسكينه.. ليش سوت جذي ولا جان ما ياها كل هذا, ساره: شسوت ترى ما سوت شي, شيخه:انتي ما سمعتي خالتي شريفه شتقول تكلمه وتطلع معاه وهدايا ومادري شنو لا ومعطته صورها مو بس صوره وحده واحنا عايله شوي دينه مو كل شي عادي عندنا خصوصا اهل ابوي شلون تبينه يرضى على اللي سوته
(عقب أسبوع)
شريفه: ها نوره شلون بنتج الحين؟,نوره: الحمدلله احسن من أول بس والله مستواها كلش نزل بالدراسه وأهي بآخر سنه وايد احاتيها,شريفه: الله يهداه سعود بعد شوي زودها معاها,نوره: مو بس ابوها بعد انا قبله كنت زافتها و طاقتها, شريفه: مسكينه والحين شلون عقب ما طردها سعود من البيت وين راحت؟,نوره: ما راحت والله قاعده بغرفتها مو راضيه تطلع الاالصبح حق المدرسه,شريفه: شرايج اييبلها فجر وحصه يونسونها شوي,نوره: جان زين والله بس ما تبي تشوف ولا تكلم أحد
( يرن تلفون حمد)
حمد: الو...,دلال: الو حمد ,حمد بصوت عالي :دلال,دلال: أشش وط صوتك مابي أحد يسمع ,حمد: شلونج شخبارج شالدنيا فيج,دلال: حمد بروح بيت يدتي مابي أقعد هني اكثر ابوي ما يبيني بالبيت تعالوا خذوني من هني,حمد: ابوج؟؟, دلال: شفيه ابوي أقولك اهو ما يبيني اقعد هني يالله بتيي ولا اقول حق فهد ولد خالتي,حمد: اوكي اوكي يالله يايج الحين نطريني,دلال: يالله
(بالسوق)
حصه: أحمد شوف هالبدله شحلاتها,أحمد: تعالي داخل شوفيها واذا عجبتج حلال عليج,حصه تبتسم :يالله,(داخل المحل) ايمان: أقول يما شوفي هاذي مو جنها حصه وأحمد,الام: أي والله هاذي حصه شوفيها شوفيها شلون كبرت و تغيرت تعدلت عقب الزواج, تعالي تعالي خنسلم عليهم...(بعد شوي) أحمد: وانتي لازم يعني تسألين عن عدنان؟,حصه: مو ولد عمي,أحمد: واذا ولد عمج واذا شكو فيه, حصه: واي أحمد ولد عمي اسأل عنه شفيك, أحمد: وولد عمي بعد بس مالج شغل فيه لا تسألين عنه,حصه: انشالله مره ثانيه ما اسأل عنه
(مره ثانيه ببيت سعود)
الام: دلال.. دلال أحاجيج انا وين رايحه مع أغراضج؟,دلال ردي ما تسمعي(دلال تطلع وتصك الباب وراها) شيخه:ســـاروه قومي قومي شوفيها وين رايحه؟( بعد شوي) شيخه: ها وينها, ساره: راحت مع حمد بسيارته, شيخه: شنو حمد؟؟ شكو رايحه مع حمد شتبي من الصبي صج ما تستحي, ساره: شفيج معصبه اكيد موديها بيت يدتي,الام: ويعني ليش ابوج قالها طلعي من البيت راحت ما تبينا,شيخه: احسن أبركها من ساعه, ساره: واي شيخوه حرام عليج والله الطق اللي ياها مو شويه زين ما ماتت
(في بيت مشاري)
الام: اليوم شفنا حصه بالسوق مع أحمد,عدنان: حصه؟؟شلونها شخبارها,ايمان: صايره شحلاتها تهبل,عدنان: اهي من زمان تهبل مو بس الحين,الام: تسلم عليك,عدنان: حلفي.. حصه تسلم عليي, ايمان تضحك : ليش مو ولد عمها,عدنان: بعد شتقول,الام: بس ما قالت شي هذا اللي قالته,, يالله انشالله نشوفك معرس ونفرح فيك انت وايمان,عدنان: انا قلت من قبل غير حصه ماني متزوج,الام: وحصه تزوجت يعني شلون, عدنان: يعني ماني متزوج خلاص, ايمان تكلم امها بصوت واطي: عدنان لي الحين يموت بحصه شوفيه طول الفتره اللي طافت مو قادر ينساها,الام: لي متى يعني؟؟, ايمان: للأبد
(في بيت اهل سعود)
دلال تدش البيت تبجي,ام سعود: تعالي يما تعالي (دلال تقعد عند يدتها وتبجي): ماما مريم ابوي ذبحني من الطق شوفي حالتي شوفي جسمي كله مضرب ماني قادره حتى أتنفس,ام سعود: أدري يما ادري بس سكتي لا تبجين انتي الحين عندي من اليوم ورايح محد يقدر يحاجيج ولا يسويلج شي ,حمد: مسكينه يما شوفيها مو هاذي دلال اللي نعرفها,طيبه: بس يا دلال سكتي منتى قادره تنسين السالفه عورتي قلبي ترى قومي يالله قومي غسلي ويهج وارتاحي خل أييبلج لقمه تاكلينها صايره وايد ضعيفه وما فيج شده تتحركين, دلال: انشالله
(عقب جم ساعه)
سعود: يما وينها هاذي خلتطلع ترد معاي البيت يالله,ام سعود: بس ولا كلمه دلال هذا بيتها مو انت اللي طردتها وطلعتها من البيت شتبي ياي تاخذها ,ام سعود: تستاهل اللي سويته فيها وأكثر جليله الحيا, يما لا تتوقعين اني ابيها ترد معاي حبا فيها لا انا لو عليي جان والله ما اخليها تقعد معاي ولا دقيقه انا مابيها تثقل عليج وتأذيج عشان الاصول بس,ام سعود: انت لو تعرف الاصول ما سويت فيها اللي سويته يالله رد بيتك ودلال ما راح ترد معاك طول ما انا عايشه, سعود: الله يعطيج طوله العمر يما وعلى راحتج تبينها خليها عندج مع السلامه,ام سعود: الله معاك(دلال تطلع) الله يخليج لي ماما عوده,ام سعود: يالله حبيبتي قومي غيري جو طلعي مع عمتج عبير شوي,دلال: لا ماما مريم عندي امتحان باجر ما أقدر خليها بنهايه الاسبوع,ام سعود :..الله يوفقج
(ثاني يوم)
نوره: ودلال يعني ما تبي ترد البيت, سعود: ما تشوف شر,نوره: ياليت لو تعطيني فلوس حق شيخه مثل ما انت عارف اهي غيرت رايها وما تبي تدرس هني والحين طوفت كورس كامل عشان دراستها بره عطني فلوس خل تروح تشتري لها ملابس السفره قربت ,سعود: انشالله اسحب من البنك اليوم,نوره: وبعدين سعود انت شسالفتك لي متى ساكت عن حلالك؟, سعود: يعني شتبيني أسوي, أخوك مساعد قاعد ياخذ معاشه كمدير للمحل وياخذ حصته من الارباح هذا غير معاشه في الشركه ومعاش مرته لولوه يعني صاير مليونير وقاعد واحنا يالله يالله على معاشك وانا لا اشتغل ولا شي والحين بعد طلعت لنا هالأرباح من المحل و جان زين تكفي شي.. تحرك قوم احنا محتاجين الفلس عندك الحين شيخه بتروح بره ويبيلها ميزانيه وولدك بمدرسه انجليزيه وهمن مصاريفه وايد مو مثل طلال لا ديون لا شي ومرته دكتوره معاشها قوي ولا مثل اختك عبير مو متزوجه لا ريل ولا يهال ولا مسؤوليه,متى نخلص من الديون لي متى عايشين جذي روح عند طلال وكلموا كلمو مساعد قولوله خل يبيع المحل وكل واحد ياخذ حصته قاص عليكم بالارباح بس,سعود: انشالله يا نوره انشالله بس سكتي ترى دوختيني بهالسالفه, نوره: انا ابي مصلحتك, سعود: قتلج انزين.......</font></p>


<font face="ms sans serif,verdana" size=1>
</p></font></font>

<font color='#000000'>نور السنا حرام عليك ويييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييين التكملة مانى طالبه غيره <img src="http://oasis.bindubai.com/emoticons/biggrin.gif" border=0>السموحه<img src="http://oasis.bindubai.com/emoticons/biggrin.gif" border=0>&nbsp;&nbsp;&nbsp;&nbsp;&nbsp;&nbsp;&nbsp ;&nbsp;&nbsp;&nbsp;&nbsp;&nbsp;&nbsp;&nbsp;&nbsp ;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;


تحياتى لك<img src="http://oasis.bindubai.com/emoticons/smile.gif" border=0>&nbsp;&nbsp;&nbsp;&nbsp;&nbsp;&nbsp;&nbsp ;&nbsp;&nbsp;&nbsp;&nbsp;&nbsp;&nbsp;&nbsp;&nbsp ;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp; اختك&#92;اميرة القلب والسلام<img src="http://oasis.bindubai.com/emoticons/grinning.gif" border=0></font>

<font color='#F52887'>فديييتج والله محد يبي التكمله,, ماشوف ردود فآخذ راحتي في التكمله...</font>

<font color='#000000'>



<font color=#cc0000>تسلمين نور السنا على القصه ..
الله يخليج لا تتاخرين علينا يعنى (لا تاخذين راحتج)<img src="http://oasis.bindubai.com/emoticons/tounge.gif" border=0>
نتريا التكمله </font></p></font>

<font color='#F52887'>بكملها لكم بس الله يخليكم ابي ردوود بليييييييز,,,,</font>

<font color='#F52887'><p align=center><strong><font face=arial>&nbsp;(تمر الايام والشهور)
نوره: سعود ابي بنتي ابي اشوفها ابيها تعيش معاي تقعد معاي تسولف وتضحك وتطفر خواتها مثل اول ,لي متى زعلانه وقاعده عند يدتها أختها سافرت وساره كله بروحها ليش جذي اليوم أبيك تردها لي,سعود: والله يا نوره انا قتلج قبل جم يوم رايح لها ما تبي ترد قاعده هناك مرتاحه ومستانسه خذت على الجو ومعيه ترد والحين صارلها جم شهر هناك اهي اللي ما تبي ترد,نوره: لالا مو على كيفها شنو ما عندها بيت ما عندها أهل قوم قوم هد الجريده وقوم ودني لها يالله.., سعود: قعدي يا مره تعوذي من ابليس شلون اوديج لها هالحزه أكيد نايمه الحين,نوره: وانا شلون تبيني انام وبنتي مو بالبيت طول الفتره اللي طافت وانا بس أفكر فيها شلون عايشه متى تنام متى تقعد منو يوديها المدرسه لي احتاجت شي من اييبه لها .لي فضت منو يقعد معاها ويونسها ,سعود: بس بس بس وين قاعده بنتج اللي يسمعج يقول دلال بديره وانتي بديره ما جنها عند يدتها انتي الحين نامي وباجر من الصبح اوديج لها تصبحين على خير
(ثاني يوم الصبح)
ام سعود: يعني ملزم على بيعه المحل,مساعد: يما مو انا اللي ملزم اخواني ولا انتي مو شايفتهم شلون يحنون يبون المحل ينباع اليوم قبل باجر( يدخل سعود معاه نوره) سعود: السلام عليكم,ام سعود+مساعد: وعليكم السلام,مساعد: عن اذنكم انا استأذن عندي شغل..,ام سعود: مع السلامه سلم على لولوه والعيال,مساعد: يوصل انشالله, طيبه: الف الف مبروك يا نوره,نوره: الله يبارك فيج بس.. على شنو؟, طيبه: ليش انتي ما قريتي الجريده اليوم.. بنتج دلال قبلوها بالكليه اللي تبيها . الف مبروك,نوره:صج والله , الله يبشرج بالخير ويبارك فيج يا بعد عمري يا دلال على كل المشاكل اللي صارت ما قصرت ورفعت روسنا وينها؟؟,ام سعود: دلال طالعه مع عبير الحين راديين( عبير ودلال يدخلون)طيبه: عمركم طويل, دلال: يما..... انتي هني, نوره: أي يما تعالي سلمي عليي مو مشتاقه حق امج, دلال تبتسم : وايد,( بعدها بشوي) طيبه: بس عاد من البجي ترى بجيتوني بالعكس احنا بهاليوم المفروض نستانس انه كل شي تصلح وفوق هذا كله انا عندي خبر أكيــــد بيونسكم اكثر..
(في بيت مشاري)
الام: أي ايمان انتي شلونج شخبارج شلون ريلج معاج. ايمان: الحمدلله كل شي تمام و سالم وايد زين معاي,الام: الله يوفقكم ويخليكم لبعض واشوف اخوج معرس وافرح فيه مثل ما فرحت لج قولي آمين, ايمان: الله يسمع منج.. يما هذا جنه سالم وصل خل اروحله,الام: سلمي عليه,ايمان: الله يسلمج .. باي, عدنان: هذا كانت ايمان؟؟, الام: أي وتسلم عليك,عدنان: الله يسلمها شلونها مع الزواج, الام: الحمدلله مرتاحه ومستانسه مع ريلها.. وانت يا عدنان متى نفرح فيك, عدنان: يما انا قتلج غي حصه مابي أتزوج خلاص,الام: ما يصير يا ولدي حصه تزوجت وصارلها مده متزوجه لازم تنساها وتشوف نفسك وحياتك,عدنان: الحمدلله يما انا عايش أحسن عيشه معاكم ومرتاح مابي شي,الام:ولي متى ؟لي متى بتقعد بدون زواج عيال عمك اللي بعمرك كلهم تزوجوا واستقروا عادل وأحمد وفهد وحصه آخرتهم اختك ايمان,(يرن التلفون),الام: وعليكم السلام هلا والله بوعدنان.. أي أي..ليش؟ عاد سويتلك الاكله اللي تحبها وبعدين تقول معزوم..., يالله خلاص مو مشكله.. صج والله ,يالله بالمبارك...
(في بيت ام سعود)
نوره: الله يبارك فيج ,طيبه:أي بعد بتلقون احسن من ولدنا ( يضحكون),ولا دلال شرايج؟,دلال تبتسم,عبير: أي دلول هذا بعد ما فيها مستحاه,دلال: اللي تشوفونه, الحين عن أذنكم بروح داخل,ام سعود: وين رايحه؟؟,دلال: بروح اجهز أغراضي شنو ماني راده بيتي حبيبي؟ ,ام سعود تضحك: يالله يما روحي جهزي أغراضج..
(في المستشفى المغرب)
شريفه: الحمدلله على سلامتج يما,حصه:الله يسلمج, فهد: شفتوها شحلاتها, فجر: أي حلوه طالعه عليي(تضحك), لقاء: يحلاتها شبتسمونها ؟,أحمد: انا قايل حق حصه اذا الله رزقنا بنوته حلوه نبي نسميها دانه,لقاء:اللـــــــه خوش اسم ماشالله اسم على مسمى,حصه: تسلمين حبيبتي,حصه: خالتي نوره وبناتها بعد يووني وقعدوا شوي قبل ما تييون, الام: لا زين ما قصروا قالت نوره بييون بس ما دريت انه اليوم ولا جان ييت وقعدنا معاهم شوي,حصه: أي ودلول شحليلها مثل اول تضحك وتسولف ولا جنه صار شي, فهد: أي بعد السالفه من زمـــان اكيد بتنسى وترد مثل ما كانت, الام: بس والله لمن كنت اكلم امها العصر تقول عنها لمن ايي سعود كلش تسكت ولا كلمه لا تسولف معاه ولا تحاجيه مثل اول كله ساكته مثل ما تقولون يعني لي الحين خايفه منه,لقاء: مع الايام تتعود على ابوها وتردمثل اول اهي بس متأثره باللي صارلها يعني,فهد: أي مثل ما قتلكم.,فجر: وحصه متى تطلع من المستشفى,أحمد: كلها يومين وانشالله يرخصها الدكتور وترد البيت
(بعد اسبوع)
دلال: يما شيخه وينها مو المفروض تكون هني؟, الام: أي كاهي رداه مع ابوج من المطار وصلت بالسلامه,ساره:صج؟, زين واخيرا يت,عزوز: اووووشتبي ردت ابي غرفتها حقي وناسه حقي بروحي,الام: لا عزوز لاتقول عن اختك جذي حرام عليك,ساره: دلول بتتزوج( تضحك),دلال: سكتي,ساره: وييييي مستحيه عادي عادي كلنا بنتزوج في يوم ما(تضحك),(يدخل سعود مع شيخه),عزوز: هىىىىىىىى شيخه يت واخيرا وناسه وناسه,ساره: يالعيار توك ما تبيها,الام: يا هلا هلا والله بالزين كله الحمدلله على سلامتج يما, شيخه: الله يسلمج ويخليج لي,(تسلم شيخه على امها وخوتها ويقعدون)ساره: شلون لندن؟ شلون الدراسه بره, شيخه: سكتي سكتي الغربه مو شويه انا كل يوم كنت ابجي ما بقيت أتعود ولا تنسين الظروف اللي سافرت فيها كانت وايد صعبه,ساره: أي أي لا تذكريني,شيخه: أي يما انتي قلتيلي أرد عشان عرس دلال بس ما قلتي منو اللي بيتزوجها؟؟, الام: خل دلوله تقولج,شيخه: يالله قولو ترى حرقتوا أعصابي ,دلال: خلاص خلي بعد جم يوم تشوفينه بالعرس شرايج؟؟,شيخه: دلول قولي منو اللي بياخذج؟, دلال تبتسم: حمد, شيخه: أي حمد, عزوز: حمد ولد عمي طلال بعد منو؟, شيخه توقف: منو&#33;&#33; حمد ولد عمي,سعود: شيخه شفيج أي حمد شفيه شصاير؟, شيخه: لالا ماكو شي أي حمد خوش ولد بالمبارك تستاهلين دلال..(تبتسم) عن أذنكم انا بروح غرفتي تعبانه من السفر, دلال تكلم امها: يما شفيها شيخه لمن درت انه حمد اللي بتزوجه استغربت وجنه ما عجبها في شي بينهم وانا مادري,الام: يعني شنو في شي بينهم,ساره: شي بينهم وحمد اللي طلب ايدج انتي شنو غبيه, دلال: سكتي.. يما انا بروح لها فوق اشوف شفيها,( بغرفه شيخه) دلال: ممكن ادخل, شيخه: أي أي دلال تعالي,دلال: شيخه شفيج؟؟ ليش تبجين؟,شيخه: ابجي&#33;( تضحك) لا ليش ابجي, دلال: امبلى عبالج ما اعرفج بعدين تخشين عليي انا على اختج؟, شيخه: ما فيني شي,دلال: شلون ما فيج شي ليش ما عجبج لمن دريتي انه حمد اللي بتزوجه,انتي امي ما قالتلج قبل ما تيين؟شيخه: انا بالأساس كنت المفروض اكون بالكويت قبل اسبوعين مثل ما انتي عارفه الناس عطله بس أجلت سفرتي عشان ظروف الدراسه وانا بروحي متأخره, فلمن كلمت امي عيت تقولي منو اللي بياخذج لزمت عليها لكن ما قالتلي قالت تعالي اول وبعدين تعرفين وانتي اختي ما أقدر ما ايي زواجج..,دلال: وحمد شكو بالسالفه ليش تبجين وزعلانه.. انتي تحبينه عدل؟؟, شفيج سكتي وتطالعين الارض انت تحبين حمد صح ولا لأ, انا من اول وانا حاسه بهالشي تحبينه بس ساكته واهو ما يدرى عنج ولا حاس فيج كنت انا اللي في باله ويبيني.. عيل خلاص انا ماني متزوجه بسوي مثل الافلام الهنديه وبضحي بحبي عشانج( تضحك) بس اول سكتي لا تبجين ما نبي الزعل خلينا مثل اول شيخه: انتي اختي حبيبتي وانا ابيلج السعاده ومو معناته اني أحب حمد لازم اتزوجه انا راح ايي يوم اتزوج فيه اللي يحبني واحبه ويسعدني وراح انسى حمد بالعكس انا فرحانه ليش بتاخذين واحد مثله, دلال انا مابي اكون سبب نكد بالعايله كافي اللي يانا ,دلال: دام كافي اللي يانا عيل يالله قومي ونزلي تحت وخلي امي تشوفج تضحكين مستانسه يالله, شيخه: انشالله الحين انزل, دلال تقوم تطلع بره, شيخه: دلال, دلال: هلا, شيخه:آسفه على اللي صار,دلال تبتسم: ما صار شي يا حبيبتي هذا الحب وما يسوي ناطرتج تحت يالله,( بالصاله) الام: ها دلال شفيها اختج؟, دلال: ما فيها العافيه كاهي يايه.., ابوي وعزوز وينه؟؟, ساه: راحوا اييبون عشا, دلال: اممم انزين عيل دام الحين بروحنا وماكو مصدر ازعاج,الام: شقصدج بمصدر الازعاج.. عزوز ها, دلال: اكو غيره ماشالله عليه..المهم يما جان عزمتي رفيجتج نوال وحتن بنتها ثميه( تضحك), الام: ماني قايلتلج شي تحجي مثل ما تبين الحين غيـر واول غيـــــر,دلال: شنواللي غيـــر, ساره: قصدها بتتزوجين وبتروحين عنها وووو ما نخلص,دلال: اهـــا خوش عيل يعني أتدلع ها ( تضحك),الام: عزمتها لا تخافين عزمنا الكل,دلال: خوش ..أقول يما انا مو صغيره على الزواج&#33;&#33; ما سمعت هالجمله كلـــــش لا منكم ولا من أهل حمد بالعكس الكل يبيني اتزوج شنو لي هالدرجه تبون الفكه مني ولا شنو.., الام: دلوول شالحجي انتي ما تيوزين من قال يبي الفكه منج الحين ما قلنا شي بس هذا النصيب عدل ولا لأ وليش نرده تزوجي الحين وكملي دراستج ما فيها شي ,دلال: امممممممم, ساره: أي كلام امي عدل,دلال: لا مو عدل الزواج راح يلهيني عن الدراسه,شيخه: ما يلهيج على ما تدوامين بالجامعه الا صارلج تقريبا شهر ونص متزوجه تقدرين ترتبين امورج وتقسمين وقتج, الام: وبعدين اللي يسمعج يقول هذا كلش ميته على الدراسه,منو اللي قالتلي قبل سنه اول ما اخلص الثانويه بتزوج,(دلال تضحك) :بييه لي الحين متذكره,الام: أي متذكره, دلال: أي يما بعد ما شفتي أمس ببيت عمي طلال مو رحت أتعشى معاهم ,شيخه: أي أي قولي,دلال: يحليلهم والله خوش ناس وخالتي طيبه تهبـــل وايد طيبه معاي,الام: أي اهمه كلهم خوش ناس وأهل ابوج وايد زينين, دلال: يوم صارت السالفه ما انسى كانت خالتي طيبه كل يوم تيي البيت وتونسني ... مع حمد طبعا, ساره: حمد هالحمد اللي ميننج, دلال:انا بروح انام نسيتوا باجر عرسي انا شلون قاعده لي الحين,يما كل شي جاهز بليز تأكدوا مابي باجر أكتشف شي غلط, الام: لا تحاتين كل شي تمام , شيخه: الساعه7 حرام عليج, دلال: شيخه انا عروس تعرفين يعني شنو عروس ,ساره: انشالله انشالله روحي روحي نامي تصبحين على خير دلال: وانتي من أهله
ثاني يوم الساعه9 بالليل بصاله العرس
ليالي: شيخوه وين اختج تأخرت ترى..,شيخه: مادري عنها امي معاها الحين أكيد يايين بالطريج,ساره: وااااي فجور تعرفين يعني شنو دايخه حدي اليوم من الصبح قاعده ودلول هالدلوعه من الصبح واهي حوستها حوسه ,حصه: حرام عليكم البنيه عروس اكيد بتصير حوستها حوسه ولا فجور نسيتي انا شلون كنت بيوم عرسي,فجر: أي طبعا ما انسى,ليالي: يالله خل تيي العروس وعقبها المعرس خل يدشون الشباب احسن شي بالعرس الشباب( تضحك مع شيخه), ليالي: ساروه صايره تهبلين شحلاتج, ساره تضحك: وي يا بعد عمري ميرسي من ذوقج انتي بعد قمر,شيخه: هيي بنات وانا شنو مو صايره حلووه؟؟,حصه: امبلى شلون مو حلوه كلكم حلوين(بره) يما دلال نزلي يالله لي متى قاعده بالسياره؟,دلال: مابي مابي يما خل اخلص الايه,لام: جم مره تقرينها خلاص مره وحده بعد شنو,دلال: بقراها مره ثانيه,الام تضحك: دلول تعوذي من ابليس وقومي يالله تأخرتي على خلق الله داخل ينطرونج قومي قومي بس, دلال: انشالله...
داخل الصاله
دلال: يما تسمعين صوت الحريم اييببون, الام: أي شفيها فرحانين لج,دلال: ما اقدر خايفه مابي أدش,الام: لا عيل خليج واقفه هني لين ايي حمد.. شفيج يا دلال لا تصيرين خوافه جذي هاذي ليله عرسج وانتي تهبلين وحلوه ما فيج شي على شنو كل هالخوف تعوذي من ابليس ويالله دخلي,دلال: انشالله انزين بس خليج يمي وين رايحه,الام تضحك: مو رايحه مكان الله يهداج كاني ... ساره: فجور حصه شوفوا كاهي دلول دخلت,حصه: أي والله كاهي شوفوها,طيبه: وي يا بعد عمري هالبنيه تهبل.. الف الصلاه والسلام عليك يا حبيبي الله محمد ساره: اسرار, جمانه شوفوا امكم شلون تيبب وناسه صح يالله يالله يببوا معاها,ليالي: واي وناسه يا حظها دلول, شيخه:الفال لج ,ليالي: الله يسمع منج.. اللي كبري تزوجوا ويابوا عيال وانا لي الحين.., شيخه: ليالي قصدج حصه,ليالي: اكو غيرها, شيخه: الفال لج قولي آمين,ليالي: آمين, شيخه: الحين تعال خنسلم على اختي حبيبتي ,ليالي: يالله... حصه: الف الف مبروك حبيبتي دلول, دلال: الله يبارك فيج.., ساره: حبيبتي دلووووووول مبروك مبروك واي ابي ابجي, دلال تضحك: يالله وين الدموع ابجي خل اشوف دموع الفرح, الام تضحك: الله يخليكم لي يا رب, شيخه: ويطولنا بعمرج,الام: انشالله.. حبيبتي شيخه وخري اليهال عن دلال لا يخربون شكلها شيخه: انشالله يما.. على امرج... ( بعدها بساعه) .. الام: يما دلال وصل المعرس الحين بيدشون , دلال: وااي يما خايفه خايفه, الام: لا تخافين ولا شي ذكري الله وماكو الا العافيه يالله يما, ( المعرس يدش مع اهله)(دلال تقول بقلبها): كاهو حمد, يحليله طاع شكله غير بالغتره والعقال.. رزه.. أي اكيد رزه مو ريلي اكيد بصير رزه, وي قاعد يطالعني أكيد قاعد يمدحني بقلبه مثل ما انا قاعده اقول عنه الحين وي وي كاهو قرب دلول بسج طاع ويهج قاعده تحاجين روحج ركزي مع العرس ومع المعرس شقاعده تخربطين.....الام: دلول قومي سلمي على عمج قومي,دلال: ها انشالله ,طلال: بالمبارك..دلال الف مبروك ,دلال: يبارك فيك عمي ويطول بعمرك.......ليالي: شيخوووه شوفي شوفي هذاك شلون يرقص يونس مو قتلج الشباب احلى شي بالعرس يونسون,شيخه: ادري تقولينلي ,حمد: حبيتي مستحيه وما تحط عينها بعيني وين ايام الشطانه.,دلال: الشطانه ايام اول الحين كبرنا, حمد: تذكرين اول ما رديت من لندن اول ما طاحت عيني عليج وانا بس أفكر فيج, دلال:ايييي يعني حب من اول نظره, حمد: عدل,هذا اهو,دلال: عاد يقولون اللي يحب من اول نظره مو شي حبه كله يروح بعد فتره,حمد: من قال, دلال: اممممممم انا اقول( تضحك),حمد: بس انا غيــر انا حمد اللي احبها مو أي وحده اللي احبها حياتي دلول اللي كل ما اشوفها يزيد حبي لها, دلال: صج, حمد: صج, دلال:عيل مابيك تشيل عينك عني , حمد: احد قالج اني بشيلها, دلال تبتسم,حمد: يا حلاتهم والله,دلال: شوف حمد من الحين اقولك ترى انا غيـــوره ها أي وحده تحاول تاخذك مني أذبحها,حمد: ليش تعبين عمرج حبيبتي انا أذبحها قبلج,دلال: يا بعد عمري الله يخليك لي, حمد: ويخليج لي, ام سعود: وي يا دلال بسكم قرقه اول مره اشوف معاريس مثلكم بس يقرقون يالله يالله قوموا نبي صوره حق العايله بس, دلال: يالله.....المصور: جاهزين, حصه: لحظه لحظه خل اييب دانه لازم تطلع بالصوره بعد, ساره : انا واضحه؟؟؟, المصور : الكل طالع بالصوره, اسرار: انا بالطرف ليش؟؟ مابي شمعني جمانه بالوسط وانالأ,مساعد:تعالي يبا يمي تعالي, المصور: الكل جاهز 1-2-3 فلاااااااش</font></strong>



النــــــــــــــــــــــ ــــــــــهــــــــــــــ ايـــــــــــــــــــــه



</p></font>

<font color='#F52887'>أتمنى تكون القصه عجبتكم,,,</font>

<font color='#000000'>مشكوررررررررررررر ررررررررررررررررررررررررر ررررررررررررررررررررررررر رررة حبيبتى نور السنا على التكمله<img src="http://oasis.bindubai.com/emoticons/laugh.gif" border=0>&nbsp;انتى <img src="http://oasis.bindubai.com/emoticons/thumbs-up.gif" border=0><img src="http://oasis.bindubai.com/emoticons/thumbs-up.gif" border=0><img src="http://oasis.bindubai.com/emoticons/thumbs-up.gif" border=0><img src="http://oasis.bindubai.com/emoticons/thumbs-up.gif" border=0>كدا&nbsp;&nbsp;&nbsp;&nbsp;&nbsp;&nbsp ;&nbsp;&nbsp;&nbsp;&nbsp;&nbsp;&nbsp;&nbsp;&nbsp;& nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp; &nbsp;تحياتى لك<img src="http://oasis.bindubai.com/emoticons/smile.gif" border=0>&nbsp;&nbsp;&nbsp;&nbsp;&nbsp;&nbsp;&nbsp ;&nbsp;&nbsp;&nbsp;&nbsp;&nbsp;&nbsp;&nbsp;&nbsp ;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp; &nbsp;اختك&#92;اميرة القلب والسلام<img src="http://oasis.bindubai.com/emoticons/grinning.gif" border=0></font>

<font color='#F52887'>فدييتج ما تقصريين,,</font>