.:. ]|[ Cinnamon Stick بالبف باستري ]|[ .:.
- باكيت عجيبة بف باستري
- نص علبه حليب مركز محلى
- قرفه ( حسب الرغبه )
[ الطريقه ]
- تخرج شرائح البف باستري من الفريزر قبل الإعداد بمده يسيره بحيث لا يفك تجمدها تماماً
- نضع شريحة بف باستري
ثم تدهن بالحليب المركز بواسطة الفرشاه
ثم ترش بالجرفه ( ع حسب كم تبون وايد ولا اشوي )
( احنا سمدناه من خاطرنا :fa42: )
ثم نضع شريحه أخرى من البف باستري فوقه
- تقطع الشريحتان إلى أصابع
- نقوم ببرم كل اصبع
نكرر العملة مع باقي المكونات
ونصفهم في صينية تيفال مستطيله وبينهم مسافه بسيطه
ثم ندخلها الفرن حتى تنتفخ وتحمر من أسفل ونحمرها من الأعلى
- نخرجها من الفرن وتصف في طبق التقديم
وترش بالقليل من الحليب المركز والجرفه
وبالعافيه عليكــــم :fa37:
=)
رد: .:. ]|[ Cinnamon Stick بالبف باستري ]|[ .:.
تسلم لنا الايادي طير
و ان شاء الله باجر راح, صيف ما ورانا شي
رد: .:. ]|[ Cinnamon Stick بالبف باستري ]|[ .:.
يمييييييييييييييييي ,,,,
تسسسسلمين ع الاكله الحلووووه ,,,,,
جاري التجربه ,,,,بس باجر لووووول ,,,,,
رد: .:. ]|[ Cinnamon Stick بالبف باستري ]|[ .:.
السلام عليكم
هالسوييييييييت عجيب وينفع لوقت الأزمات وخصوصا للناس إلي يحبون السرعه و الجرفه :thumbup1:
سويتها من فتره والكل استانس عليها ....بس يوم صفيتها بصحن التقديم رشيت عليها كاكاو سائل عشكل خطوط
و طلعت لذيذه وااااااااااااايد :love:
تسلم إيدج يا شيف طير الغرام ....
أتريا يديدج بهالصيف :fa41:
رد: .:. ]|[ Cinnamon Stick بالبف باستري ]|[ .:.
عدنااااااااااااااااا
صح يا طير الغرام ...هالأكله أنا غيرت فيها شوي وسويت شرات البيف باستري إلي نشتريه من ( سي سايد) للحلويات
بدال طبقة الحليب المركز حطي زيت زيتون وزعتر أو جبن ...........يطلع يميميمييييييييي
رد: .:. ]|[ Cinnamon Stick بالبف باستري ]|[ .:.
رد: .:. ]|[ Cinnamon Stick بالبف باستري ]|[ .:.
مزن هتان
الله يسلمج
وإن شاءالله اتعيبج الوصفه
:
عهد الوداع
جربيها وخبرينا شو بيظهر معاج
حيــاج
:
حلم الطفوله
وعليج السلام والرحمه
اقتباس:
سويتها من فتره والكل استانس عليها ....بس يوم صفيتها بصحن التقديم رشيت عليها كاكاو سائل عشكل خطوط
كنت بحط عليها جوكلت صوص بس عقب غيرت رايي لنه كنا امسوينه عشان انوديه
المستشفى مع الفواله يعني اللي بياكلونه جيه ع الماشي عن يوصخون ايديهم بالجوكلت :whistling:
وإن شاءالله بجرب طريقتج مع الزعتر شكله يمي
اتعرفين انا قبل كنت اكره شي اسمه بف باستري كان بينا سوء تفاهم :whistling: بس الحينه كل شي تمام
يمكن اجرب طريقه يديده عليه اليوم بالبف باستري وبجوف شو بيظهر معايه
حيـــاج =)
رد: .:. ]|[ Cinnamon Stick بالبف باستري ]|[ .:.
طير الغرام .. حرام عليج .. ليش اتحبين اتسوين لي تعذيب ..
انا وايد احب السينامون .. ^_^!!
وما شاء الله عليج متفننه في تصوير السينامون ..
تسلمين على الطريقه بخلي الرضيعه اتسويلي ..
ومره ثانيه يوم بتسوين شي طرشي بيتنا لو سمحتي ^_^"
رد: .:. ]|[ Cinnamon Stick بالبف باستري ]|[ .:.
عـــــذاااااااااااااب
فنانه ما شا الله عليج
أبدعتي بـ وصف الخطوات
وينه CINNABON عنج .. اسميج خسرتيه :)
روعه يا الطير روعه
صحتين & عافيه
يسلموووونيشن طيرنا
رد: .:. ]|[ Cinnamon Stick بالبف باستري ]|[ .:.
رد: .:. ]|[ Cinnamon Stick بالبف باستري ]|[ .:.
^
أبــى أدش المطبخ وأنفع شوي ، ><"
بس من أيلس ع النت يضيــع كل وقتي ، ..
/
ماشالله عليج طير ~ شكلها لذيذ ويفتح النفس !
ووصفتها سهله !
تسلم لنا إيدج الغاليه ، ~
=)
،
.
.
رد: .:. ]|[ Cinnamon Stick بالبف باستري ]|[ .:.
رد: .:. ]|[ Cinnamon Stick بالبف باستري ]|[ .:.
السويت شكله لذييييييييذ يا طير تسلم الأيادي
اممم
بقولج
شوفي انا ما عندي خلفيه عن الطبخ غير الأندومي هيهيهيهي^^ وعندي تقريبا بس اسبوعين اتعلم نفس الناس
انا ما بي اقفز على العيش واللحم ابي اتعلم شوي شوي لوول
عسب جي الباف بستري هل هو النوع الوحيد الي لازم استخدمه في السينبون ولا في انواع ثانيه واذا فيه شو هي ؟
وبس
اتمنى الشف طير اتساعدني في مهمتي الطباخيه لوول XP ^-^
رد: .:. ]|[ Cinnamon Stick بالبف باستري ]|[ .:.
رد: .:. ]|[ Cinnamon Stick بالبف باستري ]|[ .:.
http://oasis.bindubai.com/bin/upload...1201028869.gif
ايه احبك
انتي تقصدين السينابون ولا هذا الستيك اللي حاطتنه فـ هالموضوع ؟!
لنه الستيك غير والسينابون اللي هو رولات السينامون غير !
الستيك يسوونه بالبف باستري عشان يكون هش
و السينابون انا اسويه بعيينه حتى فيه موضوع انا حاطتنه من زمان عن طريقة السينابون
وفي مره اتفلسفت وبقى من العيينه اشوي فـ سويت ابها ستيك صح طلع حلوو بس هب شرى اللي بالبف باستري
وطبعاً الستيك أسهل بوايد من السينابون لنه السينابون يباله عيينه وفرد ولف وقص
فـ كـ بدايه انصحج اتسوين الستيك
وموفقــه ان شاءالله =)
http://oasis.bindubai.com/bin/upload...1201028869.gif
