هدية سمو الشيخ خليفة للمواطنين فقط...

وصلني ايميل ..
وقلت بسألكم إذا هالكلام صدق ولا جذب ..
وطبعا المعلومه بتتأكد من الناس اللي عايشين في العين !

نص الإيميل ..

هدية سمو الشيخ خليفة للمواطنين فقط...

بسم الله الرحمن الرحيم.....




يسرني أن أبشركم بصدور أمر من صاحب السمو الشيخ خليفة بن زايد آل نهيان-طووووول الله بعمره- بمنح بطاقة صحية للمواطنين فقط...

امتيازات البطاقة...
تستخدم هذه البطاقة في جميع عيادات و مستشفيات الدولة الخااااااااااااصة
و يتم خصم 90% من سعر العلاج عند إبراز هذه البطاقة..يعني بس تدفعون 10%....يا بلاش والله...
و الشي الاروووووووووع عن هذا انكم ما تدفعون شي بالمره إذا استخدمتوها في مستشفيات و عيادات بوووظبي الخاصة....

مكان إصدار البطاقة....

في هيئة أبوظبي السياحية -منطقة عود توبه في مدينة العين -شارع البنوك-بجانب 711 للمفروشات...

الاوراق المطلوبة:
-صورة شخصية واحده
-نسخة من خلاصة القيد
-نسخة من جواز السفر
-بالاضافة الى جواز السفر الاصلي
-خلاصة القيد الاصلية..

و لا يشترط حضور الشخص نفسه يعني بامكانك اطرش اي حد



فنصيحة الحقوا قبل الزحمة..و عفكرة اكتشفت أنه ناس وايد مسوينها و ما نشروا الخبر...عافانا الله حسااد..

والعهده على اللي كاتب الإيميل :10:

أول مرة أسمع بهالشي :look:

انا بعد عشان جيه قلت بسأل يمكن حد ايعرف !

ربيع اخويه اتصله البارحه وقاله عن الخبر ,.,, وانه سار وسوا البطاقه ...بس في بوظبي والعين ...

و لا يشترط حضور الشخص نفسه يعني بامكانك اطرش ابوك او اخوك عادي..

:
.

السلام عليكم ..

اممم اظني الوالده قاريه الخبر ..
بس ما أذكر أي مجلة ولا أي جريده بالضبط .. !

يعني توكلوا على الله ^_^ ..

:

والمعذره ..

:.

هي سمعت انا عن هالسالفه ... الكل يرمس عن بطاقه التأمين الصحي ..!!

ربي يطوول بعمر الشيخ خليفه ما قصر :) ..

هالكلام صحيح،، وهذا هوه الخبر

http://www.emaratalyoum.com/CS/Artic...eadlineID=9219

حسب ما وصلني

البطاقه لمواطني امارة ابوظبي
و ممكن للمواطنين من باقي الامارات يطلعونه
:laugh:

:

أنا بنت عمي تداوم ف دايرة الصحه ف بوظبي ..

وقبل لا يعلنون عن الخبر كانت قايله لنا .. انه على اساس حق هل بوظبي بس ..

لكن تفاجأت من فتره أخوي يقولنا ييبوا جوازاتكم وجيه بسوي لكم بطاقات صحيه ..


طلع مودي أوراقه هو وحرمته .. ومسوي له ..

وشل أوراقنا أعتقد عشان يسوي لنا بعد :11:

بس طبعاً التأمين ما يشمل كل شي ..

يعني في كيسات يحددوا لكم مبلغ معين للعلاج واذا تعديتوه تدفعون الفرق :14:

:

الله يخلي الحكومه

ويحفظ بنا الشيخ خليفه ..

:inlove:

قرار انساني 3>>

الله يطول بعمره وفي ميزان حسناته :)

أحب بوووووووووووووظبييييييييي ييييييييييييييي والله شكلي بعيش في بوظبي 3>

ياليت يحسون فينا نحن هلدبي ويسون لنابعد <_>
انا اول مره اعرف عن هالبطاقه وذا صح الخير
ثانكس فور شيرنغ يا ما يهزك ريح ^^

ايه احبك

فديتج حق كل المناطق ...

بتريا ابوي الصبح !!
وبشوفه لو مو مسوي بسير اسوي اليوم
بروحي الحين من 6 سنين ما عندي بطاقه صحية

مشكورين اخواني ..على الردود ..
والله يخليكم اللي يطلع البطاقه يسأللنا اذا يستوي حق هل دبي ولا لأ ! ..
و وين بالظبط المكان .. ^_^

هلا مايد ..

هيه يستوي حق هل دبي ..

يوم الخميس أخوي سار يسوي لنا .. في العين ..

بس بسأله وين بالضبط سار ..

:biggrin:

اتخيل النحااااااااااااسه

أنا جوازي كان وياي على أساس كنت سايره البنك أخلص معامله وجيه ..

وأخوي شل جوازاتنا اللي عند أمي وجنسية الوالد ..

وشل جنسية أخويه ونسايبي وعيالهم وجوازاتهم :biggrin:

ترى يستوي تسوي حق غيرك ..

والصبح اتصل بي اونه ملاكوه وين جوازج قلت له وياي

قالي بارك الله فيج :biggrin: راحت عليج عيل .. ماشي بطاقة صحيه

كنت بصييييييييييييييح :fa43:

اذا سرت تسوي لكم مايد قولي بطرش جوازي وياك هع هع


:

فديته أخوي وصل هناك ثالث واحد وما كانوا فاتحين الباب ..

عقب شوي استوت الزحمه والناس يدزون بعض استغفر الله اتقول في الحرم ..

يوم سار هناك عطوه هالأرقام : 10 : 11 : 12 : 13 .. ويا دوره جيه ع الساعه 9

ويووووووم يا دوره .. قالوا له والله نحن ما نبا الجواز الأصلي ..

لازم صوره منها !!!

وما يصورون هم هناك .. لازم تروح المكتبه وتصور ..!!

وطاف عليه الدور يوم رد عطوه 100 وشي وثلاثين :k_puppyeyes: فديته تم يتريه وايد ..


ف من الحين أقولكم .. صوووووووووروووووووووا الجوازات والجنسيه ..

ما يبون الأصليات !!