هـل إتحادنـا ( إتحــاد)؟؟!!

الســلام عــليكم ورحمة الله وبــركاته

- تــحت مســمى [ دولـة الإمارات العــربيـة المتحــده ]

انـتبهو لأخـر كلمه

جميـعـاً نـدرك كـيف كان أتحـادنا إمـاراتـنا ، وجـميعـنا يـعلم كم هـي الصـعوبات الـتي واجهة قـادتنـا من أجـل تأسيس هذه الـدولـه

وبأذن الله ، وجـهد الشـيخ راشد ، والشيخ زايد ، رحمة الله عـليهم


قـام الإتحـاد فـ عــام 1971 ( قبـل يومين وحده تسـألني سنة كم كان اتحاد دولة الإمارات)

قــام الإتحـاد ، وتحــقق طـموح شـعب ، ورؤيـه حاكم ، و( الأزدهـــار ) هـو الشـاهد الحقيقي لـهذا الاتحـاد


ولكـــن !! حطـو خطيين تحـتها

هـل تـشعــرون في وقـتنا الحـالي ، بأن إتحـادنا لازال إتحـاد ، وعشــان مانبـالغ ، هــل اتحادنـا قـبل وفـاة الشيخ زايد الله يـرحمه ، هو نفس اتحـادنا الآن

أســباب كثـيرة دفـعتني أتـساءل وأكـتب عن هالموضوع مــثـلاً:

- أصدر صــاحب السمو الشيخ خليفـة بن زايد آل نهيـان بصـفته حاكمـاً لإمارة أبوظبي


- أصدر صـاحب السمو الشيخ محمد بن راشد آل مكـتوم بصفـته حـاكماً لإمارة دبي .....

وكـذلك

زيادة الرواتـب لإمارة دبي قــبل فــترة

وتـلتها زيـادة الرواتـب لإمارة بوظبي

وبـاجي الإمارات؟

والموظفين اللي يشـتغلون في الدوائـر الاتحاديه؟! وين نصيبهم من هالزيـادات؟!

مب من حقهم يـستلمون راتب شـرات المحليه ، ويمكن أكثــر لأنهم يشـتغلون بأسم الإتحـاد

وبغض النظـر عن إمارة الموظف ، أو هذا الموظف يحـمل جواز أي إمارة


هـذي أمثــله ، وفي أشيـا كثيره أنـا وانـتوا نعـرفـها

هـل هو واقـع ، أو أنـه شعـور يـراودني أنا بس !!


بأذن الله بيبقــى اتحــادنــا ( اتحــاد )


:1: :1:

اخـويه الفـارس 2000

وهـل يخـتلف 2 عـلى حبـنا وولائنـا لـهذا الوطـن ؟!

وهل يخـتلف 2 عـلى انه مـهما عـطينا فـهالوطـن بنظل مقصـرين في حقـه؟!

نحـن العـطـاء لـهذا الوطـن !!..

وأنا أثـناء طـرحي للموضوع ، ما كـنت أتكـلم من الناحيه الماديه

ولكـن !!

مـثـال لا أكثر ولا أقــل

أنـا اتكــلم بشكــل عــاام

ومـثل ماقـلت :

كـلنا الإمارت والإمـارات لنــا


تواجدكـ أســعدني

مشكورة أختي على الموظوع المهم.........

كلامج صح..المسأله مب مسألة رواتب...المسألة أستوت تفرقة عنصرية بين الأمارات....

ألحين سكان الإمارات الثانية ألي يشتغلون في دبي و أبوظبي ما يعاملون نفس أهل الإمارة نفسهم...

ويمكن ها الشي مب موجود وايد في دبي بس موجود واايد في أبوظبي...ألحين منو أكثرية ألي يشتغلون في أبوظبي؟....أكثريتهم من رأس الخيمة و الفجيرة والأمارات الشمالية...مساكين يظربون خط كل أسبوع لين أبو ظبي ودبي...هاذا كلة غير إيجارات السكن ومصاريف المعيشة....
يعني هم شالين الدوائر والحكومات على راسهم أكثر من أهل الإماره نفسها ومع ذالك يتقاظون رواتب أقل مع منهم...

بس نتمنى أن هاذا الشي ما يأثر على روابط المحبة والتسامح بين سكان الإمارات إلي عايشين على هاذي الأرض الكريمة كعائلة واحدة.....




والسموووحة....

دكـتور الحـب:
فـعـلاً يـاخويه ، أنـا يوم فـكرت أنـزل الموضوع ، أبد مافكـرت فـالناحيـة الماديـه ، ولكـن هـذا أقــرب مثــال !!..


وفي أشيـا كثـيره تـصير فقـط بـأسم الإماره


وعـن تـعاملهم مـع أهـل الإمارة أو اللي بــرع شخصيـاً ماعـرفـه ولكـن اذكر انه وحده من زميـلاتي ولد اختها مقـدم ع وظيفـة في بوظبي ، فـمن بدايـة المقـابلـة قـالوا له: الأولويه لأهـل الإمـاره

وعـلى الرغـم من هـذا وذاكـ بـتظل دولـتنا معـطاءة ونديـن لها بـالكثـير والكـثيـر ، ولكــن هـالأمر يثيـر حسـاسيـة من بينـا

وشكــراً ع المداخـــلــة

:1:

ما في مجال للشك بنسبه 0% بالنسبه لولاءنا لوطنا الغالي ,,, امارتنا غاليه ع قلوب الكل الكبير والصغير وبكل اماره من اماراتها ..

الي تكلمتي عنه شي صحيح ميه بالميه بس انا عندي نقطه احب اوضحها ...

مش غلط انه كل اماراه تحاول ترتقي بشعبها ومستقبله بشكل منفرد كل اماره رغم انتمائها لدولة واحده متحده... مستقله بحكومتها وادارتها الي تلزمها ان تتماشي مع التطور والتغيرات الي تطرأ على المجتمع والظروف المحيطه به ...

كلام مهابه صحيح
السالفه مب ماديه لكن توصل احيانا حتى في العيادات مثلا
وايد انا شفت ..يوم يستقبلون المريض انت من اي اماره ؟؟؟
ليش هل تفرق ..لو سال مواطن او لا عادي بس اي اماراه ما يهم
للملفات اوكيه بس يعد احس تفرقه ...وغير جيه وايد اشياء الحين حتى السيارات
نحن لياسن راس الخيمه ما نقدر نبيم السياره في اي مكان يمكن بس راس الخيمه والفجيره
خخخخخخخخ يمكن طلعت برع السالفه بس لاني مقهوره

وعسا اتحادنا يدوووووووووووووم دوووووم
وتسلمين الغلا

الجنيـه:

نـعم من حقـها كـل إمارة تـرقـى بشعـبها

نـعم من حقـها تـبدأ ، عسب تـشجع بـاجي الإمارات عـلى هالخـطوة !!

ولكـن

مب من حقـها تـحسسنا بهالــشي

شكـراً ع الـــمرور وإبداء الـرأي

دانـتنا:

اللي قـلتيه صح ، وأشيــا كثــيره بـعد

الله المسـتعـان

و عليكم السلام و رحمة الله و بركاته...

انا اتفق مع الاخت (الجنية)... المفروض كل امارة تحاول ترتقي بسكانها بحدود امكانياتها... واذا ع مسمى الاتحاد.. ترا حتى امريكا مكونة من ولايات كل وحدة لها سياستها و قوانينها الخاصة,, بس متفقين في السياسة العامة.. و نفس الشي ينطبق علينا الغالية :)

مهابه .. حبوبه .. تسلمين لطحج لهذا الموضوع المهم ..
صح كلامج ... وبعدين هب بس من ناحيه هذا الشي (( الرواتب ))
لا حبوبه هب من ناحية الرواتب الناس بس مظلومين .. من كل النواحي (( الاجتماعيه والاقتصاديه ))
وبعدين حبوبه على حسب الحكومه والشيخ ماشالله يعني نحن هنيه في دبي نلاحظ التطورات يوم بعد يوم وحتى بوظبي .. بس حبوبه انتي سيري الشارجه .. عيمان .. راس الخيمه .. ام القيوين .. الفجيره (( هذي مناطق نادر ما تلقين فيها التطور ..الشارجه بنقولن يمكن غير فيها كمن شي .. اوكيه المناطق الثانيه في ناس لين وقتنا هذا عايشين في بيوووت فضيييييييييعه .. ما اقدر اوصف شكل هذا البيت اللي يعيشون فيه .. الشوارع .. المحلات .. كلها على الشوارع .. (( على طاري مجالات الصحه والتعليم الصحه: ( المستشفيات مافيها اي تطور مافي اجهزه متطوره .. والتعليم :( المنهج : القديم قدرات المعلمات .............. الخ ..)) بس نحن ما نقول غير الحمدالله على كل حال في شعوب ثانيه هب لاقيه بيت تسكن فيه ولا لاقيه اكل تاكله ولا محصلين حد يرعيهم .. الحمد الله على كل حال

مــلانه:

لـيش نقـارن أنفسنا بغـيرنا

نحن ولله الحمد، أحسن من أمريكـا بمليـوون مره من بـعض النواحي

في جمله قريـتها من كتاب محمد بن راشد (رؤيـتي )

وبما في معـناه ، نحن مانعـرف الفشل ، ولكن نصنع نجاحنا من فشل الآخـرين

يعـني نستـفيد من أغلاط الغـير

وجـهـة نـظرج وأحـترمهـا أختيه

شـاكره لـج تـواجدج

أحلـى كشه:

فـعلاً أنا يوم رمسـت ماكنـت أطري الرواتب ، هـذا مثـال بس ، ولكـن أرمس بـشكل عـام

نحن مانقـدر ننكر الجهود المبذوله من أجل الرقي بالمناطق النائيـه ، والمشاريع اللي يسـوونها

ولكن كنت أرمس عن نواحي وأمور أخـرى

شـاكره لج تواجدج عـزيزتي

والسموحه منج

مهابه،،

تخيلي هالموقف الي صار من فترة لوحده خبروني سالفتها،،

يقول لج يا طويلة العمر انها ساكنه في بوظبي من 28 سنة ،،يعني عمر تقريبا،، والبلدية يعطون بطاقة التموين الي ياخذون العيش فيها من مركز توزيع الارز في ميناء بوظبي (يعني يبيعونه بأقل من سعر السوق)،، راحت وحليلها تشتري يونية العيش،، قالوا لها المرة الياية هاتي وياج صورة الجواز وخلاصة القيد مع البطاقة ،،
يوم رجعت مره ثانية تشتري العيش ، قالوا لها وين الاوراق الثانية يوم عطتهم ،،قالوا لها اسمحي لنا انتي جوازج من دبي ونحن بس نعطي الي جوازاتهم من بوظبي :ghostface:

:10: :10: :10:

ولا يوم الوحده تعرس اونه لازم تغير جوازها ويتبع امارة ريلها ،،يعني لو انتي من دبي وخذتي واحد من بوظبي لازم تغيرين جوازج ويصير دبي،،

شو اقول وشو اخلي ،،,وعلى قولت عبدالرحمن العقل((قلبه متروسة))

عيشي بلادي عااش اتحاد امارتنا ،،
عشتي لشعباً دينه الاسلام هديه القرآن ،،
حصنتك بسم الله يا وطن،،


والله يحفظ لنا بلادنا يارب وتسليمن الغالية على هالموضوع

الغالية مهابة

حبوبة ما كنت اقصد المقارنة لأني واثقة مليون بالامية انه اماراتي فديتها احسن بمليون مرة عن امريكا.. بس استخدمتها كمثال عشان اوضح وجهة نظري ^_^

مرحبــــااا ..


اللي ذكـرتيـه لنـا أختـي المهـابـة صحيـح ..
مو مسـألة حبنـا أو عطـاءنـا للـوطن .. هالـشي ماشي خـلاف عليـه .. لكـن سـالفـة التفرقـة العنصـرية
اللـي تسـويهـا الحكـومة بيـن أبنـاءهـا .. يعنـي مثـلا يـوم كنت استفسر عن المنـح الدراسيـة في إحـدى
الدوائـر الحكوميـة .. سـألونـي .. وأنتي جـوازج من ويـن..؟؟ .. لأن من الشـروط أن يكـون جوازج من
بوظبـي .. والحمدلله جوازي من بوظبي .. بس السـالفة اللي ما حبيـتهـا .. ليش هالعنصـرية ..؟!!


وبعـد السـالفة اللي ذكرتهـا لنـا الأخت الارستـقراطيـة .. أن وحدة تغيـر جوازهـا حسـب جواز ريلهـا ..
مثـلا أخوي جوازه من بوظبـي .. ماخذة وحـدة جوازهـا من دبـي .. بس اثنيـنهم يـالسيـــن فـي دبــي ..
لكـن للأسـف ما يقـدرون يطلبـون بيت في دبـي .. لأن جوازهـم من بوظبـي .. والحرمة بتتبـع ريلهــا ..
.
.


ووووعسـى الرحمن يجمع القلـوب بـروح وحـدة .. محبــة .. يـــااااربــــ ــ .. ^_^