اطلب السماح والمعذره من الجميع
السلام عليكم ورحمة الله وبركاته
أخواني وأخواتي الاعضاء
ما كتب هالموضوع إلا لأني حسيت اني وايد مقصر في حق الاعضاء
ويمكن يلاحظ الجميع هالشي من كثرة مجاملتي للأعضاء
لكن سامحوني
اتمنى من الخاطر اتسامحوني
مب قصدي اجامل عشان يمدحني الناس
فما ابغي حد يفهمني غلط اعزائي
انا يهمني انه محد يشيل شي عالمحاق لأنه ما يبغي شي من هالمكان
......
في دروس الرسم إلي كنت احضرها ويا اغلب المدرسين
كنت ما ارتاح لهم وذلك كان في بداية حياتي لما عندهم من النقد
القاسي إلي يخلي الانسان الحساس ما يفكر انه يرسم مرة ثانيه
إلا مدرس واحد
كان يعاملني مثل ولده
واذا حد قال شي عني جدامه يدافع عن اعمالي
وبفضل الله ثم بفضل هالمدرس
وصلت لما وصلت له ولله الحمد ( بدون تكبر وتعالي )
حاولت اني آخذ اسلوب هالمدرس في تعليمي للفن
في نصحي في ترغيبي لهذا الجانب الجميل
لكن اكيد انا تماديت في هالجانب فسامحوني وايد
مب قصدي اني اجامل عشان اكون غاش في حق الناس
ابغيكم اعزائي تفهمون هالشي
وإلي تامرونه مني انا حاضر
حتى لو اشارك برسمه وما اكتب موضوع
ما ابغي هالكلام إلي كتبته يثير الشفقه على كاتبه
ابغي الحق يكون موجود لا اكثر
وسامحوني ..سامحوني .. سامحوني
اخوكم
محاق
رد: اطلب السماح والمعذره من الجميع
رد: اطلب السماح والمعذره من الجميع
وعليكم السلام ورحمة الله وبركاته
اخوي المحاق المشتعل
وجودك ومشاركتك الأعضاء بالواحات سواء بمواضيعهم أو من خلال ردودك ما اعتقد فيه مجامله !
يعني الانسان لما بيحط بباله يدخل موضوع ويرد عليه كموضوع مب لأنه فلان كتبه لكن لأنه أسلوب فلان جذبه أكيد
فمشاركاتنا وياك بمواضيعك ما فيها نوع من المجامله ! وردك علينا نابع من احساسك وما اعتقد فيه مبالغه !
صدقني يا أخوي .....
هالاحساس جاس كل واحد فينا .... يعني أحيانا نحس إنا بالغنا بردودنا ! لكن نحن بشر بالنهايه:thumbup1:
خلك على طبيعتك ..... وكون دايما المحاق المشتعل إلي عرفناه بالواحات .... أخ فنان ومحاق مشتعل
موفق دايما:8:
رد: اطلب السماح والمعذره من الجميع
السلام عليكم والرحـمه:a070:
اقتباس:
في دروس الرسم إلي كنت احضرها ويا اغلب المدرسين
كنت ما ارتاح لهم وذلك كان في بداية حياتي لما عندهم من النقد
القاسي إلي يخلي الانسان الحساس ما يفكر انه يرسم مرة ثانيه
دائـماً الردود القاسيه التي تـكون بلا أسلووب جميل ولـبق؛ تـنفر الأشخاص من صاحبها وتـجعل النـاس تـأخذ عـنهم فكره غير جمييله لأنـها دائماً تـكون جارحـه ومحبطه وإن كانت صريحه ولكن الأسلوب لم يكـن لبق ؛؛ فـ دائماً ما يكونون هؤلاء الأشخاص ُمحبطيييين ُينفرون النـاس من حولـهم ؛؛ أذكـر على أيام الدارسـه كانت لـدينا معلمة دائماً لم يكن يعجبها شيئ نعمله لها وإن كان عـملاً متقناً وكاملاً ولـكنها كانت نـادر ما تـقول ممتاز أو تـمدح وإن كان يستحق عملنا المـدح ؛ فـ دائماً ما كـنا ننـفر منها ولـم نكن بـعد ذلك نـعمل بنفسيه جميله بل كـنا مجبرين :a052: ؛؛ بـ عكس بقية المدرسات اللواتي كـنا دائماً يشجعونا ويدعمونا وحتى عندما لم تكـن درجاتنا ممتازه يقفن معنا ويقـلن لنا انـه نستطيع ان نعمل ونعطي أكـثر :fa51: ؛؛
أنـا أراك فيك يا أستاذي النادر القدير :yes: الأخلاق العاليـه والأسلووب المـشجع اللبق والمرغب للرسـم :fa41: وصـدقني لولا تـشجيعك وتـواجدك الدائم لنا لما نـشطت واحة الفن التشكيلي التي كانت مـهجوره لفتره طويله :k_unlock: ؛؛
لا أرى أي مبالغـه في أسلوبـك أو تـعدي حتى :d014: ؛؛ ولربما انت قلت ما قلتـه في هذا الموضوع لأنـك انسان حساس وتخاف جداً على مشاعر من حولـك :a050: ولكن صـدقني كل مـا قـلته انا هناا ليــس كي أجاملـك بـل هي كلمة حق لأنسااان لا يستحق ما كتبه عن نفسه هـنا :d014: :fa44: :k_mad_argue: :k_nono: :rock: :bash: :pullhair: :a046:
رد: اطلب السماح والمعذره من الجميع
امممممم يمكن انا ما ازور وايد واحات الرسم وجيه بس اللي شفته انه
اسلوبك مع الاعضاء رائع .. وما اظن انك تستحق اللي اتقوله عن نفسك فعلا
مثل ما قالت تنينه انت بس حساسا
رد: اطلب السماح والمعذره من الجميع
طير الغرام
حلم الطفوله
تنينه
دانة حتا
اتمنى
اتقدم لكم بخالص كلمات الشكر من الاعماق
واتمنى يكون راي الجميع مثل رايكم
والله الكلام إلي قلتوه ريح بالي
بس اتمنى انه الكل يكون راضي عني وعن اسلوبي
والله السموحه منكم جميعاً
كل إلي اتمناه
انه لو في شخص
اذاه اسلوبي
انا بعوضه عن الاذيه إلي سببتها له
فارجوا انكم تدخلون وتبدون رايكم أكثر
وانا في انتظار ردودكم
....
اعزائي اصحاب الردود
والله لو ايلس اكتب في حقكم ما بخلص
لكن بكتبه في غير هالموضوع الكأيب ان شالله في يوم من الايام
يكفي اني اقول
انتوا تاج على راسي وانا ممتن بكل كلمه كتبتوها
ربي يعطيكم العافيه :fa41:
:fa41:
رد: اطلب السماح والمعذره من الجميع
لا بالعكس يالمحاق انت انسان صاحب قلب كبير و ذوق في غاية الحساسيه و احساس مرهف مثل جناح الفراشه الملكية
ما عندي وقت اكمل .. والا الي فخاطري اكثر و انت تستاهل
رد: اطلب السماح والمعذره من الجميع
يزاك الله خير اخويه وما تقصر هذا من طيبك
وسامحني على اي قصور كنت سببه بجهاله
محاق
رد: اطلب السماح والمعذره من الجميع
استاذي لا اتقوول جي عن نفسك
انت تدري كلامك في لوحة ( المحقق كونان ) شو سوابي
خلاني اعيد الرسمه اب كل اجزاءها كل هذا علشان اعدل الحلج ماادري الخشم
هيههيهي
لا يااخوي ... انتقاداتك بعض الاحيان تفيدنا ,,,
الانسان خاصة المبتدىء يوم يحس ان في ناس يشوفون رسمه يلتفتون فيه مع وضع بعض الانتقادات على رسوماته .. ما بقول انتقادات اقصد ملاحظاته ..
يتعلم ..
والانسان اللي يبي يرسم مني والدرب ما راح يتعلم الا مع وجود الملاحظات حتى لو كانت فيها طريقة لبقه في التعامل
,
.
.
اخوي المحاق
قارن واحة الفن من ثلاث سنوات مضن ولين يومك هذا .
راح اتحصل مثل هالجمهور ..
راح اتحصل مثل هالمشجعين
راح اتحصل مثل هالمبتدئين في الرسم
.
.
الواحه جدا جميله ..
كنت من المقلين في التواجد فيها ..
واصبحت ولا بد من ان اتواجد ..
.
.
والسموحه
اختكم/ الشوق
رد: اطلب السماح والمعذره من الجميع
السلام عليكم ورحمة الله وبركاته ...
مم انا اعتقد الي تطريه تشجيع وطبطه مش مجامله مثل ما قلت بالعكس اعتبرها لفته طيبه منك انك اتحفز واتشجع الي يرسم بالاضافه لبعض التوجيهات الي ممكن اتساهم في تطور رسم الشخص واسلوبه *_*
دائما وابدا متـألق بحضورك .. ربي يحفظك
رد: اطلب السماح والمعذره من الجميع
الشوق
أختي الكريمه
كلامج عالعين والراس
هو في الحقيقه انا ما احاول اني ما انتقد
لكن انا بنظرتي يوم يحتاي اني انتقد بانتقد
مثل ما سويت في لوحة ( كونان )
لكن إذا دخلت موضوع وشفت عضو سبقني بانتقاد
فأنا ما اعيد اكرر نفس الانتقاد عشان ما ازيد الوطأه على العضو نفسه
لأنه من المفروض ( تجنبني النصيحة في الجماعه ) والفنان في الغالب يكون حساس
إلا أحياناً يحتاي اكرر الانتقاد و نادر ما اسوي هالشي بس للتأكيد
مثل لوحة المحقق كونان كان لازم اتدخل فيها لسبب
انه قبل يوم كنت ارسم اشخاص
وهم جالسين امامي
اكثر المشاكل إلي نقع فيها هي اماكن الخشم والحلج والعيون
لأنه إذا شي اتحرك اشويه عن مكانه الشكل كله غير يستوي
وسبحان الله شوفي دقة خلق الله سبحانه إلي ما يقدر اي انسان يجاريها ابداً
انه لو خليتي الدرجة اللونيه لمقلة العين شفافه اقل عن العين الطبيعيه
بتلاحظين بتغير كامل في الشخصيه إلي رسمتيها
من جي في بعض الاحيان لازم يكون الانتقاد متواجد ( لكن بحدود انج ماتخلين المتلقي يكره الفن )
وفوق هذا
احياناً احصل رسمات يبالها انتقاد لكن دام اني اشوف الشخص مستمر
أخليه يستمر بدون انتقاد لأنه غلطته قابلة للتعديل الذاتي من نفسه مستقبلاً
وذلك بممارسته المستمرة فلا ابوح له بالانتقاد واشجعه اكثر
وهاي هي النقطه ...
الشوق الطيبه
شاكر لج روعة كلماتج
كلماتج الطيبه هذي عطتني كم كبير من العزم على رقي هذي الواحة بإذن الله
فتقبلي تقديري الشديد على كلماتك العطره
محاق
رد: اطلب السماح والمعذره من الجميع
الجنيه
امتناني الشديد على ردج الطيب المحترم
اضافتج مش كثيرة الحروف
لكن لها وقع كبير عالقلب
من الاعماق شكراً
محاق
رد: اطلب السماح والمعذره من الجميع
اخوي انا يديده بالمنتدى...
وحبيت امر واشوف شو صاير..
بس اشوف الكل يمدح فيك ويحبونك..
احس من ردودهم انك ....غالي عندهم ...وريال نشط ولك اسلوبك في المنتدى..
الله يوفقك...
السموحه...تراني قاعده ادور بين الواحات...
رد: اطلب السماح والمعذره من الجميع
لأ ... لأ .... لأ ... لأ
يؤ يؤ ....
أفااااااااااااااااااااا ............
بالعكس والله :::
هذي مش مجاملات ... ::::
انا اشوف انك تنصح وتنتقد بالمكان الصحيح ...
واصلن لو حتى انتقدت نقد جامد وقوي ::: أتقبله والكل بيتقبله مب عشان شي .. لا ..
بس لأنك راعي ذوق واحساس واسلوب جدا راقي ...
في فرق بين الاساليب يوم نتعامل مع الناس فيها .......
واسلوبك وااااااايد راقي ومرهف مع الكل ...
ردودك ولا اجمل منها ....
واحس إنه الواحه ما تسوى بدون محاق ...
"
"
"
وانا ماحبيت الواحه الا لانه فيها انسان محترم وخلوق يعرف كيف يتعامل مع الناس ...
"
........................ روح وكمل ...... والكل معاك .....
"
"
إحتــــــــــــــــــــــ ـــــــــــــــــــــــــ ــــــــرامي لفنك الغاوي
