][@][ كلمــات بدويــه عجيبـه فمعانيـها ][@][

][@][ كلمــات بدويــه عجيبـه فمعانيـها ][@][

طر وميغا ورقيص نفس المعنى = فناان

يعزول = بعر البوش (عزكم الله ) .

يعلك النفااد = يعلك الموت

يعلك العوق = يعلك المرض

اشكر فنك = انته اووكيه

اسمييك خوشما = انته ريال

نسيم السيح = ريال

عليه الشرط = حلفان طلاق (الي مايبا حرمته يحلف )

تيامن =خذ ع يدك اليمين

تياسر = خذ ع يد اليسار

لمعونه والرد عليها كفيت لمهونه ( تقال عند السلام ويوم واحد ماشاف

حد من زمان ))

فيذمتي (( هاي تنقال يوم الواحد يبغي يثبت انه صادق ويقرنها بذمته ))

أقرب (( يعني تفضل والرد عليها جرب منك الخير او جريب ))

الناموس (( تنقال لواحد حصل على جائزه او حصد مركز متقدم والرد

عليها الله يسهلك نصيب ))

ماحد لفانا (( تقال يوم حد يسال حد اذا جاءهم ضيوف فيقوله ماحد لفانا اي ماحد يا ))

عيني عليك بارده (( يوم انسان يسوي شي زين تنقاله هل الكلمه

لكي لا يخاف من النظل ))

تيمل (( معناها لو سمحت او ارجوك ))


سنقباسي (( اي الفتاه الجميله )) ويقول بروغه سنقباسي ناشل اراسي والهوى يلوي على ازلوفه خوروله ثوب مدراسي واستحى الخوار من يوفه يوم يشرب ماء من الكاسي من ترافه ينبه اتشوفه.

:

احلــى شـي اسميــك خوشمـا انـت ريــال خوشمـا حلوه وخيخيخ
ان شالله عيبـكم الموضوع ونرقــب الردود السنعـه هع


اختكمـ




همس الدماني

مرحبا الساع باختي همس الدماني

طاحت الحيه ... تعرفين لشو يقولونها

والرفجه ,....؟؟


المهم مشكوره ع الرد

مرحبن باجي اخوي

طاحت الحيا ؟؟؟(اخاف اتفلسف ويطلع غلط)

ورفجه اعتقد انها حلفه

والسموحه اخوي على ردي المتأخر

تسلم على المرور...

موضوعج رقيييص :k_smile2:

خخخخخخخخخ

تسلمن على المرور ...

مرحبا اختي

والرفجه يعني نفس الحلفه يعني اقول لربيعي والرفجه تسوي ها الشي يعني دخيلك سو هالشي

وطاحت الحيه ... يعني مثلا لو طحتي فمشكله وانا حليت المشكله وبقولج بما معناه لا تحاتين انا احليت الموضوع

والسموحه

تسلم على التوضيح

والرفجه انا كنت اعرفها
بس طاحت الحيا اول مره اسمعها


تسلم مره ثانيه على المرور..

مشكورة اختي همس الدماني ع الموضوع

ويسلموووووووو

الله على البدوية ..

ثانكس على الموضوع ..
ومنكم نستفيد .. ^__^

تسلمين بنوتة على المرور


:: الملهم ::

شفت عاد استويت بدويه مره وحده

وتسلم على المرور..

شكرا اختي ع الموضوع
تعيبني هاي الرمسه
استانس يوم ايلس ويا ريل خالتي واييبلي هالكلمات
ثانكس مره ثانيه

يعـلك النفاد
يـعلك العـوق
في ذمتيه
أقـرب
محـد لفـانا

هـذي كلـمات احسهـا شايـعه حـتى احنـا نقـولها
بس السنبقسيـه ومـا تـبعـها خخخ < مافـهمهـا>

تـذكرينيـه بـأم نسيبيـه من تبدأ تـرمس ، مافـهم عليـها ، اطالـعها وابتسم وانا مب عـارفـه شوالسـالفـه ؟،
يـرمسـون بسرعـه :)

السلام عليكم

همس ...يعني الحين ميغا مول ....يعني مركز فنان ! أكيد راعيييه بدوي ! يا حافظ عليييه

موضوع حلو ورقيص :)

هههههههههههه

حلم الطفوله اونه مركز فنان و راعيه ابدوي خخخخخ
راعيه واحد من القواسم P:

همس الدماني صدق انه موضوعج رقيص ..

قلوب ... شو دراني أنا إن زين ! يمكن مختار له اسم سبيشال ....