مكالمات لم يرد عليها = 1

بسم الله الرحمن الرحيم

كل عام وانتم بخير بمناسبة شهر رمضان المبارك ...

بعد طول غياب ها هو أسير الحب يعود إليكم وأتمنى أن أجد مكانا لي بينكم من جديد :shutup:

ويسعدني أن اقدم لكم هذا الموضوع الساخر وأتمنى أن ينال على رضاكم ....

مكالمات لم يرد عليها = 1

لوحظ في الأعوام السابقة استخدام طرق بدائية ومتخلفة وهمجية من قبل شبابنا وشاباتنا في مجال المغازلة وانخفاض معدل الترقيم عن المستوى الطبيعي وانخفاض قيمة فواتير الهاتف عن ما كانت عليه في الميزانية للعام السابق كل هذه العوامل ادت إلى توجيه إنذار شديد اللهجة من (( منظمة واعديني وأواعدج المتحدة ))
يحتوى على تهديد بالشطب من لائحة الدول المتقدمة في هذا المجال .

ونتيجة لذلك عقدت مؤتمرات دوليه لمحاولة تفادي هذه المشكلة وإيجاد حلول ناجعة وسهله الدهن …
وتم استضافه عده شخصيات هامه (( من الشباب والبنات واللذين لديهم باع طويل في مجال المغازله ))
وخبراء في مجال الدواره في الاسواق
ومتخصصين في اساليب الترقيم
وبعد اجتماعات مطوله وبدون تغطيه اعلاميه حيث وضعت مصائد خاصه للصحفيين للحيلوله دون وصولهم الى مقر الاجتماعات وبعد نقاشات حاميه تم اصدار البيان التالي:


أيها الشاب المغازل … الى متى وأنت تستخدم الأساليب القديمة …إلى متى؟؟
الى متى وانت مفشلنا جدام اوروبا والدول المتقدمة؟؟:m_afaker:
آن الأوان الآن لكي تصبح شابا يواكب التطور التكنولوجي ويواكب الثورة المعلوماتية ..
.كل شئ تطور واصبح بطرق سريعه وديناميكية. والمغازلة وأساليبها تطورت أيضا (( مع الخيل يا شقراء )).
ونظرا لتدني مستواك فقد قمنا بوضع بعض الخطوات لك تضعك على الطريق الصحيح لكي تصبح مغازلجيا محترفا ….عليك اتباعها حرفيا ولا تحيد عنها قيد أنمله .. (( ما طحت على كلمه أنمله إلا بعد الموت :boxed: ))..وفي حاله مخالفتك للاوامر فكل تبن وانثبر وخل غيرك يدور رزقه . . .

ما يجب عليك فعله قبل ان تتوجة الى المقناص :

1- تروح للحلآق:

مب أي حلاق من الهنود اللي يحلقونك بخمس دراهم…روح للحلاقين الغاليين ابو عشرين وخمسه وعشرين درهم من هاللبنانيين ولا الأتراك…
أول شئ خلهم يصنفرون ويهك بليفه مطبخ انت وحب الشباب اللي تارس ويهك
وبعدين يضبطون الشنب على شكل رقم ثمانيه,,,لامانع من إستخدام الخيط وشوية روج للشفايف وشوية مكياج (( تراها الموضه قسما بالله ))…:shutup:


2/ إلبس احلى كندوره عندك…

3/ شوف لا تكون جديم وتكتب اسمك في ورقه قاطعها من باكيت السيجاره ولا فاتوره تلفون.
.واكب العصر يالووح…

.روح واطبع لك كم كرت عليه صوره قلب احمر ولا منظر غروب الشمس…… عليه اسمك …(( اسمك الفني طبعا ))ورقم موبايلك (( شوف رقم موبايلك مب رقم البيت…تراني خبرتك ))..ولامانع من بيت شعر على ذوقك (( يبين انك رومانسي )):k_harhar1:

4/ صب على عمرك غرشة عطر…واذا كنت مستعيل ملطف الجو يمشي الحال.

5/ اياني واياك تروح للسوق على الكورولا ( تحمل ولا تقول ما قلنالك ) …

انت تبي تفضحنا..؟؟.
روح لواحد من ربعك عيال النعمه وخذ سيارته وياحبذا لو تكون ..كامري ((واحد اقصى طموحة كامري )) :a049:
لالالا تصدق…. شف لك رنج ولا مرسيدس ولا بورش .

**** ما يجب عليك فعلة وانت داخل محميّة الصيد (( السوق يعني )) :

1/ خلك ثقيل وبيّن للي حولك انك على نياتك …يعني سو فيها عبيط…لاتثير الشكوك حول نفسك تقعد تطالع في اللي رايحه واللي يايه...

2/ روح لاي محل يبيع اغراض رخيصه واشتر لك شوية اغراض وحطهم بجيس اونه عاد يالس تتسوق .

3/ خلك ماسك الموبايل بيدك ..بحيث يكون ظاهرا للعيان (( ذبحتنا هالمظاهر ))..واذا معك سماعه حطها في اذنيك.واقعد ارمس حتى لو ما فيه احد يكلمك.

4/ وزع ابتسامات هني وهناك . اللي تعرفه واللي ماتعرفه
وزع....... وزع...... لا تبخل على احد واذا شفت لك ياهل عطه من هالبوسه الغاويه على يبهته (( هذا يدل على انك بركان من الحنان )). :fa41:

5/ اياني واياك تطفى سيجارتك .
ابي اشوف الدخان في كل مكان ابي اجراس الحريق شغاله.
ومب أي نوع من السيجاره فيه انواع راقيه مثل كارتير ولاّ دوفيدوف…
المارلبورو موضه جديمه وفيه انواع بالنعناع والقرفه (( الله يقرفك )):fa54:

6/ عندما تشاهد الفريسه انشب في حلجها..ولاتخليها تغيب عن عينك دقيقه واذا حسيت انك بتضيعها ركز على لون الشنطه او شكل العبايه . (( كل يوم طالعين لك بموضه )) :h_negab:

7/ في حاله وجود وحوش مفترسه اخرى تزاحمك على الفريسه توجه الى اقرب سيكيورتي .

8/ اذا لم تعطيك الفريسه ويه , لا تستسلم استخدم جميع الطرق حتى لو (( صمتك بجوتيها )) على راسك فيجب عليك ان تعطيها خدك لكي تطبع عليه ماركه الجوتي .(( بهذه الطريقه تعرف الفريسه انك راعي نفس طوييل ولا منك فكّه )) :m_atmasha:

9/ اذا رفضت الفريسه ان تأخذ الرقم ما عليك إلا ان تحشر الرقم بين القراطيس اللي في يدها ثم اطلق ساقيك للريح .

**** ما يجب عليك فعلة بعد انتهائك من القنص :

اخرج فورا من السوق بلا تردد او انتظار …وعسكر عند موبايلك اربع وعشرين ساعه وإنتظر الفرج من الله ...
:fa54:

++++++++++++

الى هنا وينتهي البيان الموجه الى الشباب المغازلين ... والإجتماعات لآزلت جاريه وسيصدر بيان ثاني يخص البنات :k_shock_1: إنتظرونا وسنوافيكم بالبيان وقت صدوره .

حيا الله اسير الحب .. والله افتقدناك ..وافتقدنا سوالفك .. :fa42:
كمل البيان خلنا انشوف .. شو بيان البنات .. :k_harhar1:

اهلاً
مرحبا بعودتك

اقتباس:

---

المشاركة الأصلية كتبت بواسطة أسير الحب

4/ وزع ابتسامات هني وهناك . اللي تعرفه واللي ماتعرفه
وزع....... وزع...... لا تبخل على احد واذا شفت لك ياهل عطه من هالبوسه الغاويه على يبهته (( هذا يدل على انك بركان من الحنان )). :fa41:

---

:shutup:

انصدمت بسالفة المكياج
:crazy:
شكلي بركب رادار :b015:
((منظمة واعديني و أواعدج المتحده))
:k_shock_1:

في انتظار البيان الخاص للبنات
خف علينا :surrender:

اسير الحب
بيان مفيد للشباب ( محد بيخربهم الا انت)

وحليلهم في ازمه
ننتظر البيان الثاني
تسلم

السلام عليكم ..

وانت بخير ياخوي وحياك الله بينا مره ثانيه
بس ماأظـن احتكينـا ويه
بعض قبل

موضوعك ياحكي الواقع بس تعال لا يكون انت من المؤسسين
للمنظمة هاي أو عندك فيها أسهم وتبى السعر
يرتفع ، انزين كم الاشتراك
السنوي مب
حقي بس يعني اذا شفت واحد همجي يمكن اطرشه عندكم
تثقفونه شويه عشان يواكب التطور واللي لفت
نظري انه بعد كل هالخطوات
يلقى مسدكول
:fa56:

في انتظار البيان الثاني قبل العيد ونباك
تبدع فيه ولاتقصر
:thumbup1:

الاســـطـــوري
أخوكم

مـوضوع حلو

لي عوده

:fa41: المقاتل .. 0000000 .. ( شورايك فـ بطاقتي ؟؟ ) لوولز:fa41: :a010: :fa41: أما بصراحه الموضوع :thumbup1: عجيــــب .. :k_harhar1: بس شو اقولك نقعت من الضحكـ .. :a116: بس الله يحفظ البنات من سوالفك هيهيهي .

يثبــــت & Go head وننتظر البيان التالي ولا تحرمنا من إبداعكـ .. !!

.. المقاتل ..

LOoOL

تســلم عــ الموضوع ..

:thumbup1:

.
.
ســلام
امممم ماعتقد هذا حــال الشبــاب الحيــن
أحــس مغازل وخرابيــط مال أول
الحين الشبــاب لهم إتجاهات أهــم من هالســوالف
.
.

الـسلام عـليكم والرحــمـه ,,

شكلها المـنظمه واايد تـعبت ألين ما حـطت القوانيـن والشروط :k_harhar1: ,,


كـل الشكر لـ (( منظمة واعديني وأواعدج المتحدة )) لـغيرتها الشـديده على بنات البلاد وأمـهات المستقبل وعلى أعراضـهم وحبـها الشـديد لمصلـحة شباب البلاد و سمعـتهم ومستـقبلــهم القادم,, :sleepy: ,,


:8: على هـذا البيـان في انتظار القـادم :k_smartass:

هههههههههههه
أسميييك ما خليييت شي .. امـررره التـفاصـييييل الدقيقـه بعـد ..
بس انا بـعد انصدمـت بساالفـه الميكيااج والخيط ! معقووله ؟ ! :shutup:

:

نتريــا بيـااان منظمـه أوعديني وأوعدج للبنـــاااات ..
لا هنت

:

قرموشة
:fa41:

اقتباس:

---

المشاركة الأصلية كتبت بواسطة أمواج

.
.
ســلام
امممم ماعتقد هذا حــال الشبــاب الحيــن
أحــس مغازل وخرابيــط مال أول
الحين الشبــاب لهم إتجاهات أهــم من هالســوالف
.
.

---

ف يوم من الايام .. قبل اسبوع .. مسكوا 37 مواطن و اعتقد 14 او 15 وافد بتهمة المعاكسه :a049: ... و تقولين الشباب لهم اتجاهات اهم من هالسوالف ... الله يعين المغازلجيه و الخساير اللي يخسرونها



مشكووور الغالي عالموضوع الفنتك

اقتباس:

---

المشاركة الأصلية كتبت بواسطة شرجاوي

ف يوم من الايام .. قبل اسبوع .. مسكوا 37 مواطن و اعتقد 14 او 15 وافد بتهمة المعاكسه :a049: ... و تقولين الشباب لهم اتجاهات اهم من هالسوالف ... الله يعين المغازلجيه و الخساير اللي يخسرونها

---

انا ماقــول كل الشبــاب لهم إتجــاهات ثانيه غير المغــازل
بس نسبــة المغازلجيــه قبــل أكثــر بواايد عن الحين

الله يحييك اخوي مايهزك ريح ....

وانا افتقدكم بعد , بس الظروف والمشاغل :a116:

عموما لك الشكر والتقدير يالغالي على مرورك اللطيف وإن شاء الله البيان الثاني قريبا ...

يا ويلكم يالبنات :a049:

هلا بإختي مزن هتان ...

بالعكس اختي لا تنصدمين من سالفة المكياج ولا شي ... البعض من الشباب طبق مبدأ المساواه بين الرجل والمرأه طبق هالشي بالحرف الواحد ... يعني شوية جحال على شوية روج وشوية بلآشر عشان يورد خدوده :boxed: وركب عدسات عسليه ولا رماديه بعيونه .!!

الله يكون بالعون اختي وأشكرج على مرورج الكريم :k_smile2:


++++++++++++

حيالله دانة حتا :fa42:

بيني وبينج الشباب مب بحاجه لحد عشان يخربهم ... خالصين من زمان :cool:

وأشكرج على ردج اللطيف