رومانسي الأطباع.. و....سوى من الحبه قبـــه ....

الســـــــــلام عليكم ورحمــــــــــــة الله وبركـــــــــــاته

أحببت ان اقول ان مجتمعنا والمجتمعات الاخرى ..لا تخلوا من الحكم والأمثال ... التي نلمسها ونشاهداها ونراها بام أعيننا .. :daleel: سواء كانت في مجتمعنا او مجتمعات اخرى في زمننا الحال او في الماضي البعيد ...
لكن حين تتضارب الامثال ... وتؤثر في واقعنا هذا ما لا نرضاه ... وهذا ما سنتابعه من خلال برنامجنا مع الدكتور ((منقلب الاوضاع)).:cop: ..

معاكم الدكتور (( منقلب الاوضاع )) في حلقتنا الإذاعية ... من خلال برنامجنا الاسبوعي
(( سوى من الحـــبه قبــــه )) وعنوان حلقتنا لهاليوم[grade="8B0000 FF0000 FF7F50"]رجل كاره للنساء[/grade]]
=======
الشوق :د. منقلب الأوضاع : أهلا وسهلا :kcl:
د.منقلب الأوضاع : حياج يالشــوق :mar7aba:

الشــوق: اخوي عرفنا انك رجل تكره:narr: النساء فهل هي حقيقه ؟
د. منقلب الأوضاع : ما سمعتي عن المثل اللي يقول
(( البنيـــه بليــــه)) .. وانا أأيد هالمثل لان ابصراحه البنت ما اتييب الا عوار الراس .. ويوم الواحد يبتلش فيها فالله يعينه .. سواء لاهلها او لريلها ..
انسانه نمامه ، حشره ، اتحن واتزن :doh: ... وغير هذا مصاريفها ازيد عن الريال

الشوق: لكن هذا مب معناته انها سند الرجل ..
د. منقلب الاوضاع : اي سند اي خرابيطه فاذا سند فلعمرها في مثل يقولك لما قالوا لي ولد اشتد ظهري واستند ولما قالوا لي بنت انهدت الحيطة علي، يعني افضل اني اعتمد على نفسي ولا على الحرمه لانها في النهايه ما وراها الا المعاير ... وانا سويتلك وانا عاونتك .. شو فايدة السند اللي من عقبه معاير :kkk: .. يابوج افره ورى ظهري ..

الشوق: انزين بس لاتنسى تراها نصف المجتمع .
د. منقلب الأوضاع : حتى لو كانت المجتمع كله ترى في مثل يقول المرة لو طلعت عالمريخ آخريتها للطبيخ، :6a: لان مهما وصلت المرا ه لاعلى درجات من العلم فمكانها الطبيعي هو تربيه العيال والطبخ والضرب بالشبشب .. مب هاده بيتها تصلح مجتمعها وتهمل عيالها .

الشوق يعني انت الحينه تبيها اتعاملك بمنطق الســــي :waa: سيـــــد اللي هو .. تمسح اريولك من بعد ما ترجع من الدوام ،، ما تاكل الا بعدك ،، وما تطلع الا بشورك ،، واذا خالفتك او غلطت في الشي .. على قولتك :qor9anah: يا ويلها يا سواد ليلها ... :bow:
د. منقلب الأوضاع : الشوق يقولج المثل اسمع للمرة ولا توخذ برايها:unlock: ، لانها راح اتفكر انها تفرض رايها عليك وتنقص من رجولتك ..ودايما راح تحسسك انها فرضت رايها حتى لو كان صحيح .. وهالشي اللي الرجل ما يحب يحسه .. وثاني شي تفكيرها بقلبها يغلب عليها اكثر الاوقات ..

الشوق :بس حط في بالك ان زوجتك كاتمة أسرارك في خيرك وفي شرك :sad4:
د.منقلب الأوضاع : يابوج هاك ع ايام امي وابوي ويدي ويدتي الحينه مرة ابن مرة اللي بيعطي سره للحرمة .

الشوق : هل انت تؤمن بالزواج من أكثر من امراه
د.منقلب الأوضاع : انا وحده امكفتني اييب ثنتين ع راسي..:argue: يقولك المثل اذا بدك تجيب غراب البين اتجوز ثنتين .هذا الي ناقص وحده وترفع الضغط اكلها بالثانيه ما سمعتي المثل اللي يقول((اصبر على مينونك لا اييك الي اين عنه)) والحرمه الوحده عن 10 ميانين كيف اييب 2 ..
الشــوق : عيل شو اللي خلاك تزوج ..
د.منقلب الاوضاع سنة الحياه والواحد يبي يشووف عياله

الشوق: اوكي يا منقلب الاوضاع يقولك شو رايك في العيال .. هل تفضل الاولاد او البنات
د.منقلب الأوضاع : العيال زينه الحياه لكن احب يكون عندي اولاد لان الاولاد بيشيلون اسمي باجر... وهم راح يعتمدون على اعمارهم ما ينخاف عليهم لكن البنات هم ومثل ما يقولون (( هم البنات الين الممات:wheelchair: ))

الشوق: شكلك وايد شال عليهم هالحريم ..فالله يعين المجتمع منك
د. منقلب الأوضاع: لان هالأيام الواحد ما يآمن بالحرمه .. صرنا في زمن انشووف الخيانه ونسمع عن اشياء وايده والسبه الحريم .. غير الكيد اللي يكيدونه حق الرياييل فيقولج امن للحية ولا تامن للحرمه

من بعد ما طفرت الشوق من هالضيف الغريب العجيب اللي ما خلا شي وما علق على المرأه اب امثاله فحبت تنهي البرنامج ب....

الشوق : اخوي خلص وقت البرنامج عندك كلمه اخيره اتضيفها في برنامجنا الاذاعي
د.منقلب الأوضاع هيه نصيحه مني لج ودري عنج هاي الشغله منج .. وشلي عنج هالطحين اللي حاطتنه في ويهج تراج دايرة على حل شعرج لا رقيب ولا شياته

وتم قطع الأتصـــــــــــــــال :gof: طووووووط ...

.
.

====================
طبعا في نهاية موضوعي حبيت اشكر اخويه رومانسي الاطباع على سعة صدره لطرحي لهالموضوع .. وهو عباره عن امثال تراثيه قيلت عن المرأه وهناك الكثير والكثير ما قد قيل عنها ، وبغض النظر عما قد قيل من قبل اخونا رومانسي الأطباع في النهايه تراه زوج محب لزوجته بنت دبي .. واب لابنتان الله يخليهم له .. ومحب لبناته .. في النهايه ما كانت هذه الافكار اللا افكار من مخيلته فقط لتسهيل مهمه انجاح الموضوع .. وطرحه هنا
فهذا مجرد اعتراف .. عن ياكلونه البنات عقب ههيههيهي !!!! :11: :11:

لا تنسون ترى حقوق الطبع محفوظه حتى الأن عند الشــــــــوق :fa35: ورومانسي الأطباع
فقط في واحات بن دبي
12-8-2006

:hist: الصراحه الحوااار عجيب .. :doh: بس حاط على الحرمه مرررره .. مقطعنها :shock: الله يعين الحريم .

تسلمين يالشـــــــوق على الطرح الجميـــــل .. ونتمنــــى منج بأنج ما تحرمينـــا من يديدج

تقبلتي اضافتي البسيطه

.. المقاتل ..

اسلوب الطرح ولا أروع,,ماشاء الله عليكم
وحليل حاله الدكتور شكله شاايف اشياا,,وبنات سكر الحيااه,,ربي يسلمج ولايهينج
سلمت يمنااج عاللقاء الغاوي لاهنتي
ودوميه اسمع هذي الجمله حتى من الوالده"هم البنات الين الممات"ربي يطول بعمرها يارب وش سوينا حنا بالدنياا يا الله باليسر والستر

أسلوب الحوار حلو :)

تسلمين الغالية على الطرح المميز


ا ل غ ل ا

ماشاء الله تبارك الرحمن كل هذا فينا نحن حليلنا والله دايما مظلومات

تسلمين حبوبه ع الحوار الشيق والاسلوب الأروع ,,,

رومانسي الأطباع ... الله يخلي لك بناتك ويحفظهن وتسلم ع هالحوار الفنان والأمثال الحلوه

حــواار ممـتع الصراحه ,, وأمـثله ممتعه brgll: بالرغـم من قساوتها علـى المـرأه وشرات ما قلتي تؤثر في الواقع :yes: ,,

هـناك أمـثله يستخدمها البعـض ليماشي كلامه ويقنـع الطرف الآخـر ,, كـمثال ((اصبر على مينونك لا اييك الي اين عنه)) والحرمه الوحده عن 10 ميانين كيف اييب 2 ,, << يعني أهـنه هـو طبق هالمثل على النسااء وقال أن الحرمه الوحده عـن 10 مياانيين :boxed: ,, وبالرغـم من الـمثل مـا عـنى المرأه بالتحديد ,, شـرات مثل أللي يبى الصلاه ما بتفووته << هالمثل شكثر نستخدمه ,, ما أتصلت ف ربيعتي قالت لي هالمثل ,, أتأخرت عـنها قالت هالمثل ما سويت شي سمعت هالمثل :fa39: ,, بـس أساس تأليف المثل أعتقد :kkk: عـن الصلاه نفسها ,, وكـلن يستخدمها لمبتغاه :doh: ,,


اسـتمتعت بالمقابله جداً :fa35: ,, والله يـحفظج لنا الشوق ويحفظ الأخ رومانسي الاطباع هـو وحرمته وبناته :fa35: ,,

حوااار ممتع وحلو

رومانسي خف عالحريم شوي ^^

مشكووره اختيه عالمجهووود الي تبذلينه
ومشكوور اخونا رومانسي
استمتعنا باللقاء

حوااار ممتع وااايد ... اسميه قطع الحرمه تقطيع ..

المقـــــاتل :)

ان الأمثال والحكم هي اقاويل متبناه من معتقدات وافكار لمسناها في واقعنا وفي مجتمعاتنا
وكان للمرأه النصيب الاكبر من تلك الأمثله ...
بالرغم من الأمثله السلبيه اللي اتناولناه في موضوعنا المشترك بيني وبين اخوي رومانسي الأطباع الا ان هناك أمثله كرمت فيها المرأه .... وانصفتها
مثل : البنت المربية ذهبة مخبية
.
.
في النهايه يالمقاتل ان الموضوع عجبك .. واستمتعتوا بقراءته
واتمنى فهمتوا القصد من هالموضوع ...:harhar1:

هزايــــم ..
تدرين وين المشكله ..؟؟؟
ان الناس دايما يقيمون الأمور بالسلبيات اكثر عن الإيجابيات .. يعني الانسان ممكن يتذكر الشي الزين .. لكن عمره ما ينسى الشين . عسب جي اتشوفين الكثير والكثير ما قد قيل في حق المرأه من امثله سلبيه من اهانات وصفات سلبيه ..
لكن ايضا نجد انها تتمتع بالايجابيات مثل : المرأة الفاضلة تاج لبعلها، أما المخزية فكنخر في عظامه :harhar1:
شاكره لج وجودج يالغلا
تحياتي / الشوق

وجـان يحـطون عليــنـا .. لا بـس خـلاص وجـان أزعـل :bye2:

هههه سوالف ..

مـاشاااء الله اسلـوب حـلو في الطـررح واممره صفيتوا الامـثال كـلها ..لوول:ice:

انـزين ماشي أمـثال تنـقال عـن الرياااييل ! ؟ :kkk:

دمتي ياشــوق ودمت يا رومانـسي الاطباع المخـتــفي عـن الواحـات
والله يحـفظ لك عيالــك يارب :)

وجــــــــــان استانسسسسسس انااااا..

فديت خشمك والله ..

هي جي اباك تحط ع البنات لووووووووول..


موضـــوع حلوووووووووو.. وحوووارر عجيـــب

تسلم الايادي ..

ولاتحرمونا من يديدكم

مرحبا بج الغاليه
اشحالج؟
والله الموضوع عجيييييييييب
بس اسميه قطعنا
تسلمين الغلا وتسلم اخويه رومانسي الاطباع على الحط ..
واللح يحفظك لاهلك وبناتك

بنت الدلع :)
تسلمين يالغلا ع التواجد .. اهم ما في الموضوع هو ايصال الهدف للموضوع
واستمتاع الجمهور .. ومتعتكم هو اكبر نجاح بالنسبه لنا ..

اناستازيا :) يمكن يكون قطع الحريم ..
لكن المفروض نحن البنات ماانوافقهم على كل شي .. يعني مثل ما كل انسان عنده الايجابيات اميد في السلبيات .. سواء كان رجلا ام امرأه .. ومحد كامل في هالدنيا غير وجه الكريم

ولا تنسون مما قيل عن المرأة:
المرأة الفاضلة تلهمك ، والذكية تثير اهتمامك ، والجميلة تجذبك ، والرقيقة تفوز بك
لأن الفاضلة لا تأتي إلا بالخير .
ولآن الذكية تنقص أنوثتها .
ولأن الجميلة قطعة حلوى .
ولأن الرقيقة عملة نادرة !!

تحياتي

الجنيــــــــــه :- شفتي عاده
المشكله الانطباع العام ينقلب ع الجميع ..
لكن ما عليج ............ مهما انقال عنا فهناك امثه وحكم واحاديت قدرت المرأه وكرمتها ..
مثل حديث الرسول صلى الله عليه وسلم (( الجنـــــــــــــه تحــــــــــــت أقدام الأمهــــــــات ))
غير المثل اللي يقول (( بنات الأصول خير من المال والمحصول))
وتسلمين ع التواجد