عرض للطباعة
ما يهزك ريح ما يزيد سرعه الفريم في كل الحالات
يزيد السرعه في حالة D300 لأنك بتركب بطارية نيكون دي 2 اكس
و هالبطاريه الفولتج مالها اعلى من البطارية العادية فـ هالشي يساعد على زيادة عدد الفريمات
الفايدتين الاساسيات للقريب هي
1- تعديل مسكة الكاميرا و اعطائك هاندلينق احسن للكاميرا
2- زيادة الفتره الزمنية للتصوير لأنك بتكون مركب بطاريتين + لو خلصت بطاريتك تقدر تركب بطاريات AA
اها ..
يعني ما يفيدني انا ..
حاليا عندي بطاريتين .. فما عندي مشكله من هالناحيه ^_^
مشكور ذنيني
مسكة الكاميرا مع الـ grip شي ثاني ^^
جرب و بتعرف الي اقصده
و غير جي،، فيه ميزه حلوة و الي هي ان الgrip فيه فص شاتر ،، يعني تقدر تقبض الكاميرا بشكل عادي و تصور بالطول،، هالميزة وايد مفيدة
جربته في المحل .. المشكله انه يثجل الكيمره .. خصوصا اذا كنت مركب عدسه ثجيله ..
يبالي العب حديد .. عشان اتعود على الثجل ^_^
سؤال عن الشنط .. ابا شنطة اتشل الكيمره ويا العدسات ( خمس عدسات ) ..
شو آخذ حق السفر اللي بتواير ولا اللي على الظهر ..
صدعتك يا ناصر ..
انا عندي حاليا هالشنطه حق الطلعات الخفيفه ^_^
http://www.tamrac.com/5501m.jpg
http://www.tamrac.com/5501%20closed%20black.jpg
موقع المصور مارك - للمطااالعة :
http://www.markflemingphoto.com/
حلووو تصويـــره ...
حلوه صوره ~..
،
.
.
.
.
س. ســؤال !*
الـ Viewfinder هـ إلي يحطوون العين عنده ~ ..
أحســه متوصــخ وفيــه أشيــاء غريبــه ،!
خيط صغير مادري شوهاا !* كيف أخوزه ؟!!
ماآدري هـ الأشيــاء فيه ولا فـ مكــان ثاني !*
حاولت أنظف الكام شويه منيه مناااك بس هـ الشي ما تحرك !
><"
مب عارفه أخذ صور عدله !*
غامضتني كامي !*
شو أســوي !
،
.
.
ما يهزك ريح
سير محلات السلام،،
بتحصل ماركه اسمها لوي برو
loewpro
بتحصل عندهم شنط حلوة و على مستوى
مشكور يا ناصر .. ^_^
نصوووور
ب25 ألف
ابي كلكشن حلو وذوووووق
شو تنصح ؟
مجموعة انسان .. شو تبا بالضبط ما فهمت !
كاميرا مع عدسات وفلاش وترايبود
يعني كلكشن كامل وجديييد
يعتمد انته تبا نيكون ولا كانون .. ^_^
عندك النيكون دي 300 ب7000 درهم تقريبا ..
تاخذ وياها عدسة من نيكون 18-200 بـ 3500 (اعتقد) ..
و ماكرو ب3500 .. وايد انجل سيجما 10-20 بـ1600
ترايبود من مانفروتو .. او سليك تقريبا 500 درهم ..
شنطة اتشل العده في حدود الـ 600 تقريبا ..
فلاش من نيكون SB800 بـ 1600 ..
عدسة 50 mm ستاندرد بـ 500 اذا كانت 1.8 واذا كانت 1.4 بـ 1500 تقريبا ..
واللي احسن من الـ 50 هيه الـ 85 mm ..
( NIKKOR AF 85mm f1.4 IF-ED = 4525 AED - NIKKOR AF 85mm f1.8 IF-ED = 1670 AED) على حسب فتحى العدسة يفرق السعر !
تعال انا كم وصلت الحين .. احسب ويايه !
والباقي .. عند ناصر جان بيكمل ^_^
تقريبا 18 ألف وصلت
انا كنت مفكر في النيييكوووون بس بشوف شو الترتييب الحين
وان شاء الله من بتأكد من الفلوس بخبركم
اوكيه ^_^"
كلام كبييييييييييير
p=
لي عوده ...
انزين قروب بني آدم
اول شي،، انته شو ميولك في التصوير, ,, تبغي شي للرياضة ولا شي للتغطيات ولا تحب المناظر الطبيعيه
لأنك لو تبغي شي للرياضة بحطلك عدسة زوم فتحتها كبيرة و سريعة
و لو تحب الماكرو و هالامور الوضع في بيختلف و لو تبغي شي للتغطيات بعد الوضع بيختلف
المختصر العده المتكامله
Nikon d300
nikkor wide angle 12-24 or nikkor 12-24 f2.8
nikkor zoom 16-85 VR or nikkor 24-70 f2.8
nikkor 80-200 f2.8 or nikkor 70-200 f2.8 VR
or Canon 5D
Canon 24-105 IS + Canon 70-200 f2,8 + Canon 100 Macro + Extender ( if you want )
you don't need wide angel because its full frame
قروب بني آدم بقولك عن العدة الي انا اطمحلها شخصيا و ممكن تاخذ فكره عنها
حاليا عندي دي 300 = 8000
17-55 f2.8 و سعرها = 4000
فلاش SB-800 و سعره = 1600
و سعرهم 13600
الي اتمنى اني اضيفه للعدة
عدسة توكينا 12-24 و سعرها 2000 درهم من النت
او سيجما 10-20 و الي اعتبرها احد افضل العدسات الي جربتها و اعتقد سعرها من بعد الزياده وصل 1800
و ناوي كذلك على ماكرو 70 من سيجما او 50 ايضا من سيجما
لأني مب وايد ربيع الحشرات و الذباب و احتاج عدسة الماكرو لأعمال الستيل لايف المنزلية و لتصوير الورود لذلك مش محتاج عدسة ماكرو كبيره ( 105 ) و السعر ما بين 1000-1500
بالنسبة لعدسة التيليفوتو، كنت ناوي على 70-200 f2.8 بس غيرت رايي لأنها اولا وايد غالية و ثقيلة و ثانيا انا مب وايد ويا التصوير الرياضي لذلك ما اشوف انه لي حاجه فيها
لذلك باخذ البديل و الي هي عدسة 70-300 VR و سعرها اقل من 2000 في النت
بصراحه محمد بيني و بينك انا واااايد ندمان اني عققت فلوسي على التصوير
خلنا نكون واقعيين،، نحن نصور كـ هواية فقط وليس كـ احتراف و لهالسبب احس انه حرام تعق 25 الف على عدة التصوير،،
اهم شي انه العدة تؤدي الغرض
بالنسبة لي العدة الي تؤدي الغرض كالتالي،،
نيكون دي 300 = 8000
نيكور 16-85 vr =
نيكور 70-300 vr
سيجما 10-20 او توكينا 12-24
ماكرو 70 سيجما
و فلاش sb-800
بطارية احتياط
ميموري كارد 8 جيجا كميموري رئيسي و 4 جيجا ميموري احتياط
و لو تبغي اتم مع الكانون
40 دي
مع العدسة 17-85 IS على ما اعتقد سعرها 7000
70-300 IS او 70-200 f4
ماكرو 100
10-20 سيجما
و فلاش 580
و ما ننسى الكتكوته 50mm
كفيت و وفييت بو نصصرهاقتباس:
المشاركة الأصلية كتبت بواسطة ذنـيـنـي
بختصار نفس الكلام اللي في باالي
كنت طالب عده كامله يديده
Nikon d300
nikkor 70-200 f2.8 VR
NIKKOR AF-S VR 105mm f2.8G IF-ED
NIKKOR AF-S VR Nikkor 300mm f/4G IF-ED
و العده طلعت عليه اب 23 الف تقريبا
بس اخر شي ستهديت بالله و غيرت رايي و ما شتريتها
الـ D80 تكفي لكل احتياجاتي ولا افكر اغيرها
تصدق محمد،، اني من كمن يوم اتشاور ابيع الـ 17-55 او ابدلها بـ 18-200 + يزيدوني فلوس و افك عمري من اني اشل كمن عدسة
العدسة ممتازة بصراحه بس بيني و بينك مب فايج اشل وايد عدسات وياي
و خاصة في السفر
هيه والله يا ذنيني ..
انا الحين هاي مشكلتي ..
اني مب مخلي عدسة مب شارنها .. ويوم بيي اسافر .. لازم اشل شنطه خاصه حق الكيمره وعدساتها ..
لول حولنا الموضوع من خقه بالعدة اليديده الى فضفضات عن المخاسير
و عن كثرة الاشياء الي لازم نشلها
شوف مايد العدسة الاصلية الرينج مالها حلو حق السفر
18-135
و شل وياك الماكرو لتصوير الورود،، لأنك اذا ما بتصور الورود في سويسرا وين بتصورها !
و شل وياك الوايد آنغل
عندك بطارية زياده،، يبالك ميموري 8 جيجا عشان ما تتلعوز
يعني البدي + عدسة و عدستين اضافيات بتحصل لهن شنط صغيره و خفيفة للتنقل
في النهاية انته ساير للأستمتاع،، لا تلعوز عمرك بالعدة
في اقتراح ثاني و الي هو انك تشل كل شي وياك و تخليه في الفندق و يوم بتطلع شل الي يلبي حاجتك بس
يعني جان بتسير تحاوط و تتمشى اعتقد انه العدسة الاصلية اكثر من كفاية
جان بتسير متحف ولا بتزور قر ولا شي من هالقبيل اعتقد انه الوايد آنغل بتكون هي الانسب و هكذا
دمعة عين اسمحيلي اختيه توني اشوف استفسارج
هممم بالنسبة للفيو فايندر
يبالج فرشاه خاصة بتنظيفه،، بتحصلين هالفرشاه مع عدة تنظيف العدسات و السنسر
و غير جي مرات تكون المنظره الي داخل الكاميرا هي الوصخه و تحتاج الى تنظيف
مايد شوف هالشنط من لوي برو
ان شاء الله باخذ الي في النص للسفر
http://products.lowepro.com/catalog/Sling-bags,4.htm
بتحصلها في شرف ديجي
و بتحصلها في السلام
الحلو فيها انك تقدر تشل منها الكاميرا بدون ما تشلها عن ظهرك
انا عايبتني هاي حق الطياره .. وسهل اني اسحبها .. وتشل اللابتوب بعد ^_^
ما بحاتي شي .. تقريبا سعرها بـ700 درهم
http://products.lowepro.com/product/...AW,2023,17.htm
حلوة الشنطه بس ما تحس انها بتكون متعبة في التنقلات و في الرحلات ؟؟
ذنيني وبنت ناس وعرب
تسلمووون
بقولك شي
انا مستحييل اني بخسر فلووسي على عدسات غالية ولا عدة غالية
بس ان شاء الله هالفلوس بتكون كدعم لي
اكثر شي احتاجه اني اصور لمجله قاعدين نسويها الحين
وبعد للصور الجماعية
وصور عبيطه
بس حزة ما احصل الفلوس طبعا شي اكيييد نصور اول واحد بطلب رايه
ذكرتوني أنا أبا آخذالي شنطة تكفي كنونتي + عدساتي الهنتين
حق السفر عشان ما أتبهدل ويا العدسات
ثانكس على السايت يا شباب ^_^
انا ابى من هالشنطهاقتباس:
المشاركة الأصلية كتبت بواسطة مايهزك ريح
كنت ادور شراتها بس مالقى ..
حجمها كبير ولا زوين ..
لاني ما ابى شي كبير ..
؟
ناصر ..
اعتقد انها بتكون عوده بس ما عندي مشكله لأني بأجر موتر هالمره ..
وبتكون الشنطة في الدبه ^_^
ماشاء الله عليكم
كلكم يبون تصورون لنا المناطق اللي بتزورونها .. ^_^
:
.
:fa35:
مســـآآء الخيـــر ~ ..
يقولكم وأنا أحــوط فـ المواقع اليوم !~
شفت هـ الدرس عن سرعه الغالق ، ووايــد عيبني ، حسيته سهل
ويدش المخ !!~ واحيييييم وحق إلي مايفهموون وايد فـ الكيمره شراتي !!~
:fa38:
:
.
سرعة الغالق Shutter Speed
المقصود بسرعة الغالق Shutter Speed هي الفترة الزمنية لانفتاح او انغلاق الغالق
وبالتالي الفترة الزمنية لتعريض الحساس sensor للضوء المار. وبالطبع يمكن التحكم في
الغالق عن طريق الكاميرا فاذا كان الضوء كثير زدنا سرعة الغالق لتحديد الاضاءة وتقليل
التعريض والعكس صحيح.
http://hamasat.250free.com/shtr4.jpg
بتغيير قيم سرعة الغالق بامكانك تجميد الحركة Freez او اضافة الضبابية Blurred في الصورة
تتراوح القيم القياسية لسرعة الغالق بين 1 (بطئ) و 1/4000 (سريع)
http://hamasat.250free.com/shtr5.jpg
السرعات المنحفضة للغالق:
الحركة تكون غير واضحة او ضبابية Blurred ..
http://hamasat.250free.com/shtr1.jpg
مثلا الصورة السابقة استخدم المصور سرعة 1/3 sec وهكذا ظهرت الصورة ضبابية Blurred بعض
الشئ
السرعات العالية للغالق:
الحركة مجمدة Freez
بامكان المصور ان يحصل على لقطة مجمدة حتى في حالة الحركة السريعة. فيقوم بتسجيل لقطة
لا يمكن حتى للعين البشرية ان تلتقطها.
http://hamasat.250free.com/shtr2.jpg
http://hamasat.250free.com/shtr3.jpg
كلما زادت سرعة الغالق كلما زاد تجميد الحركة Freez وكلما قلت سرعة الغالق كلما زادت
الضبابية Blurring
المثال التالي يوضح التأثيرات الناتجة عن تغيير سرعة الغالق:
http://hamasat.250free.com/shtr6.jpg
يقوم المصور بتوثيق لحظة من الزمن وهذه اللحظة قد تكون صغيرة جدا (سريعة جدا) مثل:
نصوير ماء يتدفق من منبع بسرعة عالية او تصوير صقر وهو ينقض على فريسته وهذا النوع من
الصور يحتاج الى سرعات عالية للغالق حتى يكون الضوس الذي يصل الى الحساس sensor فقط
لوقت قصير وبالتالي تتجمد الحركة.
اما عند ضبط سرعة الغالق على سرعة قليلة فان اي حركة اثناء التصوير ستتسبب بنوع من
الضبابية اBlurring.
وعموما فان التأثيرات الناتجة في كلتا الحالتين ستعطي نتائج جميلة لا يمكن للعين
المجردة ان تراها...
ملاحظة هامة: عند اختيار سرعة غالق قليلة فيفضل استخدام حامل لتفادي ارتجاج الصورة
وبالتالي حدوث ضبابية Blurring غير مرغوبة
http://hamasat.250free.com/shtr7.jpg
ومن هذا نستنج ايضا ان سرعة الغالق لا تمكننا من التحكم بمقدار الضوء النافذ فحسب بل
انها تضع تأثيرات حركية للصورة ..~
/
تم بحمد الله !~
:fa46:
،
.
.
ناصر عندي سؤال .. شو احسن عدسه للتغطيات .. مثلا عندك حفله ..او تخرج .. وبتكون في قاعه ..
الإضاءه نوعا ما تعبانه ..
شو العدسة المناسبه .. اذا بتكون واقف بعيد .. وشو الإعدادات للكاميرا ..
امسات كانت عندنا حفله في قاعه ..واختبصت .. وما عرفت اصور عدل ..
فأحين ابا اعرف كيف ..
عشان احتمال اتكون في حفله ثانيه آخر الشهر .. لتخرج ولد الرضيعه .. وابا اصوره ..وهو على منصة التكريم ..!
واسمحلي حشرتك ^_^
بس اسميه امسات شفت مصورين في الحفله كلهم عندهم .. D3 .. ومادري شو من العدسات عليها.. بس صدق كانوا شي ..
خذت رقم واحد منهم اسكتلندي .. بشوف اذا بيطيع يعطيني lessons !
ما في شي من عقب الـ 70-200 VR حق المسارح و حفلات التخرج و المباريات و الاماكن الي الاضائة فيها تعبانه
و اذا تبغي شي حق داخل البيت،،
17-55 او 24-70 f2.8
بس طبعا الاسعار غالية
عندي 17-55 و وزنها مع الكاميرا كيلوين الا ربع
وزنتها على الميزان و طلع وزنها 1780 جرام
طبعا سيجما و تامرون يوفرون بدائل "جيدة" للعدسات المذكورة بأقل من نص السعر لو كنت تبغي شي يأدي الغرض بكفائة و بتكلفة أقل
http://www.bhphotovideo.com/
مايد جان بتشتري عدسات خذهن من هالموقع
طبعا محل B&H معروف بأنه أكبر محل لمعدات التصوير في نيويورك و عنده افرع ضخمه في كل الولايات المتحدة
عدستي 17-55 سعرها في المحلات الكبرى 5800 درهم
من هالموقع طلعت علي بـ 4300
و طلبت حق ناس ضمن نفس الطلبية عدسة 18-200 بسعر 2400 درهم
و سعر هالعدسة عندنا 3600 درهم !!
طبعا ضمان عدسات نيكور عالمي،، يعني لا تخاف من مسألة الضمان
دمعووووووووووووووووووووه
مشكوووووووووووووووووووووو ووووووووووووووووره فديتج ع الدرس الحلوووووووووووووووووووو
وايد عيبني
كثري منه دخيلج :k_harhar1:
حق اللي ما يعرفون شي ف أصول التصوير شراتي :fa46:
ناصر.. الأهل سايرين امريكا .. جان ما آخذ من هناك واطرش الأغراض على الشقه .. ^_^!!
انا الحين عايبتني وداخله مخي ..الـ 70 -200 .. 2.8 = 7055 درهم
وبعد ابا 24 -70 .. اليوم شفتها وطلعت هي نفس العدسه اللي شفتها عند المصورين .. وسعرها 7999 درهم
وحصلت الـفلاش SB800 ..بـــ 1450 درهم
بس تعرف انا حاليا ادور حد يعلمني .. اكثر .. محتاج دورات تدريبيه .. بس ما اعرف وين .. !