وحي : تنصحين بهل مسكارا؟ من فتره ادور مسكارا ... ماعرف شو اخذ مب عايبتني ولامسكره ... بس يبالي ايربها شكلها حلو p=
ايه احبك : حلوووووو .. انا احب كل سنه اسير القريه اللبنانيه اكود لي منهم ... عاد احينه موضه الneon وياحلات كل شي فاقع لول XD
عرض للطباعة
وحي : تنصحين بهل مسكارا؟ من فتره ادور مسكارا ... ماعرف شو اخذ مب عايبتني ولامسكره ... بس يبالي ايربها شكلها حلو p=
ايه احبك : حلوووووو .. انا احب كل سنه اسير القريه اللبنانيه اكود لي منهم ... عاد احينه موضه الneon وياحلات كل شي فاقع لول XD
تحفه
هيه وايد عايبتني .. خذيها :laugh:
^ انزين سؤال ممكن يكون خارج النص شوي ،
بس انتو كيف تحطون المسكارا ...! / صدق يعني كيف تمسكونها وتحركونها !
مادرري هل أنا اللي ماعرف أحط المسكارا عدل ، ولا اللي عندي ما يناسبني !
ما ابي اللي يطول ولا يغلظ بزياده ، بس ابيه يظهر كأني حاطه كحل بالجفن العلوي من الداخل ولفوق شوي !
:whistling: ..
أنامل قلب
هالفيديو فيه الطريقه
http://www.youtube.com/watch?v=gSj2E_iiCBc
شوفي شقايل تحرك يدها أول ما تحط المسكره
سوي جيه عشان يكون شكل الرموش أرتب :fa51:
امممم و عن طريقتج.. إذا تبين تتعلمين لا تحطين المكياج يوم عندج مناسبه بس
يوم ما يكون عندج شغل بعد حطي و بتتعلمين ؛)
^ إي أسويها أحيانا لمن أكون متملله =)
وصح جي ابيه يظهر خط الجفن ـ بمنبت الرمش ـ اللي فوق واضح وكأنها حاطه كحل !
+ ماعندي اللي استخدمته بالاخير ، اللي يرتب الرمش ، ممكن أحصله بمحلات المكياج ؟
تسلمين عالفيديو ، بجرب عقب وبردلج خبر P=
هيه بتحصلينه =)
خبريني عن النتيجه عقب *_^
^ الله لا يراويج لول ،
اوني متحمسه ، ويايه مركزه إني اوصل المسكارا لمنبت الرمش ،
بس جني تحركت بسرعه وانخشت المسكارا بعيني بالغلط =#
زين مانعميت P=
ووو لا صدق ظبطت هالمره اكثر
لأني ماكنت امسح راس المسكارا بطرف العلبه ، فكان يتكدس احيانا !
بس ابعد المسكارا قبل لاتوصل لطرف الرمش ..
تششششـــلمين ^^،
وشكلي بجرب آخذ من اللي عندج ، عايبني شكله :tongue: ..
الحمدلله عالسلامه.. مسكينه ههههه ما عليه ترا ما بتتعلمين إلا بالممارسه :fa42:
تعرفين تستعملين الآي لاينر؟ :fa38:
^ من الاساس قليل ما استخدم المسكارا + الآي لاينر ! من جي تلقيني ماعرفلهم ^^"
وعن الآي لاينر فحالتي معاه اسوأ من المسكارا P=
أحس يدي ماتثبت ! / بس انتي شو النوعية اللي تستخدمينها ..؟!
أنامل
ترا عادي جيه أنا كنت شراتج.. لازم ما بتعرفين للآي لاينر من أول كمن مره :tounge:
أول ما بديت أستخدم الآي لاينر خذت هالنوع من helena rubinstein
http://www.helenarubinstein.com/img/...ium/077013.jpg
استعماله سهل لانه طرفه مب فرشاة .. ماعرف شو بالضبط بس شرات الاسفنجه
عشان جيه ما كان يخيس الدنيا.. الفرشاه أقل حركه بها تخرب كل شي :k_special2:
استعمليه لين ما تاخذ ايديج عليه و تعرفين شقايل ترسمين الخط سيده
و عقب ردي عالفرشاة العادية شرات هاي اللى أستعملها أحين مثلا
http://www.yslbeautyus.com/images/ne...eyeliner-b.jpg
^_^
تسلميييــــــــــــــن وحي ، وزين انج سألتيني عن الآي لاينر P=
عندي اللي ابـ ريشه ، بس بجرب آخذلي الاول ، خاصه انا الرجفة بيدي تصير أحيانا شغله مأساوية ^^"
ما قصرتي حبابه ^_____^ ..
شريت هالبودره من سيفورا ...قالولي انها خفيفه ع البشره ...قلت بجربهااا ^_^
http://oasis.bindubai.com/bin/upload...1246902540.jpg
^قوليلي اذا زين هالكومباكت باودر ! cuz i am running low lol
وحي : أنا مرات جي يستوي بي لووول .. أتخبل و أتم بس اشتري ميك أب :fa52:
جربي الآي لاينر من ماركة CARGO من سيفورا .. أنا كنت أستخدم اتش آر و حلووو .. بس كارغو أحـــلــــى :wink:
قصايد
أول مره أسمع عنه
بشوف ان شا الله :tongue:
^ وحي ، فتحيلنا موضوع خاص بسوالف المكياج ،
بحيث يكون متجدد بمشاركات العضوات كلهم ..
الشغلات اللي يفضلونها ، جربوها ،
اي استفسار بخصوص هالامور ، ملفات فيديو والخ !
أنامل
انتي افتحي الموضوع و بشارك وياج فيه
فكرتج حلوه.. ما يستوي أسويها أنا :tounge:
لا انتي شكلج اخبر عني بهالسوالف ،
اعتبريني اهديتج الفكره وخلاص P=
انزين انتي ابتدي و عقب نحنى بنشارك
بس حطي شرح الفكره عالاقل :cool:
^ انزين ان شاااااء الله عمتي ، فالج طيب :tongue: /
بس لا تقولولي عقب شوفوها طرحت الموضوع ومالها ذاك التفاعل !
وبحط اسمج معاي ، وبقولهم انج بتمسكين الموضوع P=
الحين بيقلعوني بسبة السوالف ^^"
لاااااااا بشرد من الواحات أحين ههههه
لا تكتبين جيه
خلي الموضوع مفتوح
كل وحده تكتب شو تستعمل و بشو تنصح و شو أحسن الأنواع.. و هيك يعني :tongue:
اقتباس:
المشاركة الأصلية كتبت بواسطة تحفه
اوكي حبيبتي ..بجربه وبقولج :a010:
^____^ ..
شوبنغ مسابيح ! 3>
عندي حب اعما لشي اسمه مسابيح ! شي غريب شكلي وارثتنه من بابا :a100: لازم قبل كل رمضان اشتريلي :a049:
اليوم جلبت المحل فوق تحت ... بس ماطاع ينزلي سعر المسباح عن ١٨٠٠ :d010:
http://oasis.bindubai.com/bin/upload...1248365388.png
http://oasis.bindubai.com/bin/upload...1248365436.png
http://oasis.bindubai.com/bin/upload...1248365494.png
هاللي وصلو للنهائيات ههههه
http://oasis.bindubai.com/bin/upload...1248365576.png
الله أنا بعد أحـــــب المسابيييييح :fa41:
يعيبني المسباح في ايد ابويه .. غير يكون شكله الريال بالمسبااااح :yes:
وااااااااايد حلوين آخر 4 مسابيح
انا بعد احب المسابيح لكن ما احب الكرستال او اللي حباته كبيره ... ما اعرف اسبحبهم
من زمان ما شاركنا هني
اتهايززز انزل صور
تخيلو اليوم سايرة بس عسب اشتري هالشي
http://up4.m5zn.com/9bjndthcm6y53q1w.../pshglf3n9.jpg
و عقب خذت لي هالعطر بعد
http://content.nordstrom.com/ImageGa...3/_5423233.jpg
^ أول مرة أشوف هالعطر =)
http://s7d2.scene7.com/is/image/Coac...product_image$
Coach PoppY Collection
:heart:
IT's Soo Mee
كنت حاطة فبالي آخذها حق العيد واشلها اول يووووووم ><
بس قهرررررر واكبر قهرررررر اني راويت غيري وساروا خذوها قبلي ..!
لاانها كانت Out of Stock في دبي مول !
ساروا يابوها من برع ..!!*
وانا اللي موصية ياخذونلي اياها ><
...
بدور اللي احلى عنهـآ [ لووول ] ..:inlove:
في ناس عفانا الله ، ما عندهم قناعه .. !
^
هيه والله !
^ المشكلة شافوا شي ساروا خذوا انزين ليش !
ترا من نفس الكولكشن كمن شي نازل ..! اشمعنى هاي الشنطة يعني ><
ليش نظرتكم سلبيه وايد في هالشي ... يمكن شي عيبني و راويته شخص ثاني
و عيبه و خذااه ما فيها شي .. الله يهنيه ..
يمكن ما كان شايفنه قبل و يوم راويته شافه و عيبه
البضايع معروضه فالمحلات للبيع .. للكل بدون اسثناء
مب لاني شفت الشي اول يعني خلاص انحجز لصريـح و ممنوع حد يشتريه
انا اشوفها من ناحيه ثانيه .. لو انا راويت حد شي عيبني و عقب سار و خذاه
يعني ذوقي حلو فاختيار الاشيااء
:smile:
شو الفرق لو راويتو حد شي عيبكم و سارتو و خذتوه او شفتو شي عن حد و عيبكم و سرتو خذتوه ؟
يعني الواحد يحرم عمره من شي حبه لانه غيره خذاه قبله ؟
:14:
ما يخصه ..!
وليش فاهم الموضوع اني انا خذته من ناحية سلبية !
بـ العكس ..
انا يوم راويتهاا قالتلي سيري الحقي عليه او دوريلج حد اييبه
وما بينتلي انه عايبنها او شي !
لكن اتسير وتاخذه من وراي ليش .. شرات ما قلت مب مصنعينه حق رمش !
ومب معنااته يوم عيبني خلاص ما بتاخذه
بالعكس لو قالتلي انه عيبها .. بقولها اوكي بنطقم وبنلبس نفسه! ونحن دوم نلبس اشيا متشابهة
بس انا اطري انه الحركة اللي هي سوتها مب حلوة !!
اوووه يا صرييح .. شل قشارك و اشرد بتنضرب
:fa32:
بنسبه لي اشوفها حركه عاديه ..
سوا هالشخص خذ الشي من وراي ولا خبرني قبل ، عادي عندي
يمكن its a girls issues و احنا الشباب غير عنكم من هالناحية
:vertag:
و لا شو رايج ؟
:14:
لول ..!
كنت بقول هـ الشي مساعة :icecream:
انه يمكن انتوا الشباب عادي وياكم ..
بس لنا نحن as girlz نبا نكون غير .. وخاصة يوم العيد لووول :inlove:
...
لا ما عليك لا تشرد ولا شي .. [ لازم الواحد يتقبل وجهات نظر غيره ] :a050:
:heart:
اقتباس:
المشاركة الأصلية كتبت بواسطة رمــش الغـــلا
نااايس حبيتهااا :a010:
رموووووووووووووشه
كأنج حاسه إني محتاره ومحتاجه أتعرف على أذواقكم في الشنط
أناشاريه شنطة من بربري من جريب والحين أبا أشتري شنطه عمليه وكيوووت في نفس الوقت بس محتاره
أحس المحلات مب امنزله شي حلو أو يرزى !!
انصحوني ...
رمش : الله يهديج يوم انج ما تبين حد يكو مثلج .. مب لازم تراوين حد انتي شو ناوية تشترييييييين =)
و بإذن الله بتحصلين أحلى منهاااااااا :14:
==============================
ابعدوا عن المألووووف مثل : بعض شنط ال في ، و كللللل شنط غوتشي ، coach ، فندي ، بربري :k_harhar1: إذا ما تبون حد يطقم ويااااااكم بالصدفة