تــــويــــتر الــــواحــــات

عادي قولي له كلكلوووش :vertag:
متعودين على كلكلوووش، ما شاء الله عليه أحمد
متواجد دائما

الله يحفظه، دخلني مجال التطوع من 2006 :8:

السلام عليكم

اشحالكم ؟؟؟

مايهزك ريح للحين مادري إذا بنسافر ، احتمال لندن مب اكيد .. بس اظن ماشي حجوزات بعد عسب اولمبياد لندن


حد يعرف مكان يسون حفلة يوم الميلاد حق اليهال ؟؟؟

وعليكم السلام ..
واخيرا الخميس ..
لندن بدون شي زحمه وين عاد وعندهم اولمبياد .. ما بتروم تتحرك ..

مروان عندك بالريف مول، وين الالعاب
و اذا ما خاب ظني في مردف سيتي بعد في منطقة الالعاب

السلام عليكم

واخيررررررررررررررررا الخميس

صدقك مايهزك ريح ، زين بتسافر عقب العيد لانه هالفترة زحمه ولو الواحد يبغي يشرد عن الحر


مزن هتان، يمكن تقصدين fun city لانه نحن جربنا نسوي حق اخوها في العربي سنتر، مب شي ، كل اليهال اللي يايين منطقة الالعاب يفتحون الباب ويسون فوضه

سيراميك كافيه .. فنان اذا تبون اتسوون حفلة عيد ميلاد

مرحبا مايهزك ريح ، ماخطر على بالنا سيراميك كافيه يسوي حفلة ليوم الميلاد ! بس الرضيعه حجزت في زون اللي في وافي ، بخبرها عن سيراميك حق غير هالمره .. وتسلم :k_blush-anim-cl:

يسلمك غاليك اخويه مروان

اللهم انصر شباب سـوريا وارفع عنهم الظلم والطغيان
اللهم ارحم موتاهم وتقبلهم شهداء
اللهم اشف جرحاهم
اللهم اربط على قلوب من فقدوا آباهم وأبناءهم وكل عزيز لديهم
رحماك يا رب بشعب هب لنصرة الدين ورفع الظلم والطغيان

اللهم وانصر إخوتنا في ليبيا
وولي اللهم على بلاد المسلمين الأخيار وادحر زمرة الأشرار يا قوي يا عزيز يا غفار

وصل اللهم وسلم على نبينا محمد

#مجزرة_الحولة
ماكو بايدنا الا الدعاء

لا حول ولا قوة إلا بالله .. الله يعينهم ..

شو مستوي .. محد يرمس ..
على العموم .. have a nice weekend every one

you too mayed :8:

السلام عليكم جميعا

اشحالكم ؟؟؟

الحمدلله بخير انتو شو اخباركم

الحمدلله ، الله يعافيك

يبالنا مكان نسترخي فيه .. شبعت من المولات

:whistling:السلام عليييكم

المزوحي عليييك بالبحرررررر

:laugh: انا استويت اسود ملكي من الشمس والبحررر خخخخخ

ام بشاير كلش مالها حس، عسى المانع خير :fa41:

السلام عليكم

خيال انا سرت البحر ووديت اليهال بالمره ، انبسطوا الصراحه ويبون نكرر هالتجربه !

شو الاحوال ؟

مســــــآ الـــورد ~ ❀✿

اشحـــآلكـــم ؟

لكـــم وحشـــه

مساء النوووور ..
شو اخباركم .....

اخيرا يوم الخميس

مسا الورد ..

گيفگون ؟!

توحشنآگم برشآ برشآ ..

.


.


مزن :

موجوده يآختيه..
لگن مشآغل الحيآه وشويه ظروف خلتنآ نغيييب

توحشتچ يا بنت ..


.


اعلومكم ؟ واعلوم الجو الجمييييل وياكم ؟

هلا هلا، نوّرتي حبيبتي



على طاري الجو، من شوي مسوين لنا إخلاء حريق وهمي :boxed:
حرّ يا بو أحمد بننصهر و الحمدلله من شوي داخلين

هههه نحنا سوولنا هالسالفه بس كان ايام البرد ..

وشو اخباركم .. والصيف بدا والناس سافرو ونحنا السنه بنحرس البلاد ..
واخواني باجر بيسيرون امريكا .. ويغايضوني وانا ماعندي اجازه

النور نورچ مزن ..

مايهزك ريح :

انا بعد هلي الاسبوع الياي مسافرين واللي سافر ورجع واحنا صامدون ههه
بس انا احس هالسنه خاطري اسافر شهر ١١ ؛ ١٢ ع الاقل تكون الصغنونه كبرت شويه
واروم اشلها ..

هلا

على طاري الاخلاء نحن مروا عندنا من شهرين تقريبا وجسموا اسكريم عقبها :9:

مايهزك ريح ماقدر اقولك خذ إجازة بدون راتب :crosseyed:

لا ما ابا .. ابا اصمد مع الصامدون واسير عقب على شهر 10 او 11 ^_^!!

بعد يكون احسن عند زحمة الخليجيين :pullhair:

still @work, donno when we will finish

مســاگم ورد ..

مســـــآ الـ خ ـيــر ~ :14:

صباح الليل :m_m6awa3:

مســــآ العصــــر ~ :whistling:

اخر الأخبار .. استوالي حادث انا والأهل والحمدلله طلعت من الحادث مب امصدق كيف استوى ..

فيه رضوض وحرق في ايدي اليسرى من الايرباج .. بس الحمدلله على كل حال ..
قدر الله ما شاء فعل ..
لين الحين يتراوالي جنه فيلم رعب
صوت الإرتطام وانفجار الإيرباج .. واني اجيك على الأهل اذا حد استوابه شي .

بس الحمدلله عدى على خير ..
والقهر اني مب غلطان .. انا واقف وهو نطر لي من الشارع الثاني دعمني ويه بويه !

ألف لا باس عليك أخوي مايد، و خطاكم الشر انت و أهلك :a050:

ما يهزك ريح :: الحمدلله على سلامتكم يا خوي واجر عافية ان شاء الله والحمدلله يت في الحديدة وكلكم سالمين
الحديد يتعوض لكن خارة النفس ما تتعوض ..
ذكرتني بحادث صارلي قبل 4 سنين .. نفس الحالة الصغارية وياي وتقريبا السيارة فل .. ودعمني واحد انحرفت سيارته من الخط السريع .. وانا كنت ف الشارع الرملي ودعمني
كل شي صار بلحظة بدون سابق انذار بس الحمدلله طلعنا منها بالسلامة بفضل من رب العالمين والسيارة تكنسلت ..

الله يسلمكم من الشر اخواني .. :12:

خطاااك الشررر يالحبيب .. بالحديد ولا فيكم ..

الحمدلله انه محد تعووور

:6: الواحد لازم يحاسب من سواقة غيره بعد مب من سواقته وخاصه قوم بو هنااد الله يستر منهم

الحمدالله ع السلامه خويه مايهزك ريح

الله يكفينا شر هالحوادث ..

الحمدالله يت ع السياره ولت في شي ثــآني..


والله الحوادث صايره تخوف ..

الله يسلمكم ويبعد عنكم شر الحوادث اخواني

^

ألــف الحمـدالله ع ســلامتكــم يــآخويـــه !