دير دياري ~ يوميات

ملاحظه : اختي قصايد غلا ..
ولدكم ضحكني .. شكله مهضوم ^_^ ..

:
.

السلام عليكم ..

اممم اليوم : عساس انه الاثنين ..
المود: ....
الموضوع :

اجواء الجامعه أبدا ما تساعد ان الواحد يستمر ابها ..
وايد اشوف شغلات تضايق وتضيق معاه الخاطر والفكــــــــر ..
أحس مــــــــــووول مالي محل من الاعراب ..
ولا أصلا من الأساس أبي أكون معرفه ضمن بنات الجامعه .. :ohboy: !

متى بنوصل لاجازة الصيف ونرتـــــــــــــاح وأنال فرصتي ابـ ... ....... ....... .. !!
ان شاء الله بس يصير اللي ابـ بالي و ينزاح ... .. ...... .. ,، !!!!!!

:

توهم قبل شوي شلو قشهم قوم بنت عمي وعيالها .. صدق انهم كيوت ما شاء الله عليهم ..
اونه الوالد يسأل اصغر 2 بعيالها "من وين يايين" لأن بالعاده لازم يتحوطون قبل لايونا ..
جان يرد عليه الاول اونه انا ياي من الامارات ورد عليه الثاني يصححله ..
اونه لاء نحن يايين من شيكاغو :/
احليله بعده متأثر ..,، !

بس شــــــوو أحبـــــــــهم من الخــــــــــــاااطر .. :redface:
أحسهم مادري غير ..,،!

:

تمينا نلعبهم تركيب "بمختلف انواعه" وضعنا بالبالونات .. اللي قاعد ينفخ واللي يبط
واللي يايه صوبي اونه بتبط البالونه صوبي بما انهم يعرفوني خوافه .,!

بس ما شا الله عليهم .. فكرهم من الحين طيب تبارك الرحمن ..
صح انهم يقفطون وايد خاصه لمن لعبناهم الكلمات المجهوله ولعبة الفيسس والخ ..
بس يبقــــون حبــــــــابين ^_^..

اممم ختمناها بلعبة ديل اور نو ديل اللي يابوها معاهم "دي في دي" واختي غلبتهم لول .. !!

احليلهم ما بغو يروحون وهم نحن بعد كنا مستاسين بقعدتهم ..
مع انهم اجازه اسبوع مب مثلنا نحن عيال البطه السوده .. ,، !

:

وبالأخير ..

لازلت مشتـــــــــاقه ..,، !

:
:

.

..

اليوم الثلاثاء

المود : عادي

الموضوع : ملل الزحمة

أبد ماتنطاق الزحمة اللي في دبي وياها الشارجه بعد .. خلاااص ملينا من الاختناق المروري

يعني الواحد يبغي يقضي شغله، يتم في الشارع ساعتين، وهو المكان من بيتك ياخذ 10 دقايق

ربع ساعه بالكثير .. ساعتين اتم في الشارع عسب اتاطول شي، :h_negab:

الصبح،، من نظهر من البيت ونحن اتم في السيد لين نوصل راس الشارع العام، ومن عقبها

نبتدي أما ندعي او نقرأ على عمرنا من سواقة .......... اللي في الشارع ..

على كثر ماكنا نحب السواقه، كرهنا هالشي ... وكانت محاولاتي إني أدور أي مواطن في السيارة

كل ما أصد أشوف وووووووووافد ( غصب عنك ) ملل ملل ملل ملل صدقوني ملل :3:

ماشي احترام لاذوووق لا أخلاق في السواقه ..

وصلت الدوام وانا بإبتسامه عريضه :woot: وقلت بما إنه عندي موعد، خلني اطلب الريوق من وقت

اليوم .. تريقت وظهرت ... ورديت أحس كأني في شهر 8 من الحر، مادري ليش حسيت بــ هالجو

ووو

بس ما استوى شي يديد في الدوام، اكشن معين مثلا .. أبدا :doh:

العصر سرت الشارجه ياكره الدرب ... :h_negab: :h_negab: قهرررررررررررر مللللللللل وكل شي

رديت البيت 7:15 قلت ادخل الواحات ابرك لي من الظهره :vampire:

أنامل قلب قصدج ولدنا دفش :fa46:


اليوم : للأسف الأربعا:smile2:

المود : زويييييين :mf_leia:


الموضوع : قرّبت تخلّص اجازتنا

لو قالوا لنا ان هالاجازة حق الواجبات و البحوث جان فكونا ==> ما يسوى علينا ، من اجزنا و نحن نسوي اشيا تخص الجامعة :glare:

اليوم بسير عند ربيعتي لأنها من كمن يوم تتحرطم أونها متولهه عليه وعلى الخبال اللي يظهر يوم نتلاقى:12:

ودّي أظهر في الحوي أفتن على العمّال وأصفّعهم :a058: ، يوم يكون بيتنا فيه عمال يشتغلون يتحوّل بيتنا مطعم هندي

الأغااااااني الهندية شاله البيت والقهر انهم يشتغلون ورا حجرتي ==> يلا عاد يا قصايد عيشي في الهند و اذا فيج خير ارقدي:k_no:

افففففففففف منهم




المزوحي : الله يعينك لووول

شكلي ما بسوق بسبة الزلمات و الهنود و سواقتهم اللي تشرح الخاااااااطر :tounge: ...

دير دياري .. اسناني العقل ميننتنييييييي :<

اليوم // الأربعــاء .. ~
المــود // طول اليوم كان ولله الحمد عال العال .. ~
الموضوع // ..

اليوم وناسه من الخاطر .. لأنه بيكون آخر يوم نداوم فيه هالأسبوع .. وباجر الخميس إجازه ..~
^^" .. لول ..
وأهم شي .. رجعت داري .. وحق أهلي .. كنت متولهه عليهم من الخاطر .. خاصه أمايه وأبويه وعيال أخوي .. ~
فديتهم يارب ..~

بس يا فرحه ماتمت .. نسيت جرج اللاب وين كنت .. يعني ما بشوف هالجرج إلا يوم السبت .. ،
أخيييييه .. بتم أشحت الجراجات طول هالويكند .. آآهـ .. ربي يعيين والله ><" .. !

ماعرف أعيش من دون لابي .. وين بدق براسي .. ><" .. !

همسه // .. لا تشتري من حاولوا يخسرونك ، ولا تخسر اللي [ فكر ] بيوم ، يشتريك ..~
،
.
.

اليوم: صرنا بالخميس
المزاج: مش تمام

الموضوع
من يومي و أنا ما عندي رفيجات، بس أكتفي بـ علاقة الزماله
خلال الدراسه و تنتهي بـ انتهاء الكورس لين 19 و انا عـ هالحال.
بس مادري شو ياني و رافجت بنات الحول الاول و طقيت صحبه
معاهم، و هـ اليومين غادين شرى اليهال غيريّه و نقل حجي.
اللهم يا كافي حتى أميه و خواتي قالن لي اتركيهن دامهن جيه

صيحوني اليوم، وخبرت أميه ما خلت فيهن شي. أجدت فيهن
و بردت فوادي

ضايجه و مالي خاطري أسوي شي
ليتها سيرت العين كانت هـ الاسبوع

مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي

مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل

حد مثلي .. وما أمدح عمري ... ولكن ... الله يعيني .. :3:

اليوم : الاربعاء ، صح دخلنا الخميس ..

الصبح : صدق فيّه رقااد، قلت قوم احسن لك .. وراك دوام، ومب مشكلة باجر إجازة .. :look:

قمت وسرت الدوام، لكن كنت يوعان الصراحه، فقلت لهم قبل كل شي ابغي اتريق .. :fa56:

وعقب كنت مضغوط، وايد عندي شغل، بس حاولت اخلص كل شي :fa42:

ومع هذا كنت وااايد مستانس، من الخاطر ونشيط ... :a049: لكن آخر الدوام تنكدت ..

واحد عكر لي مزاجي .. :a046:

رديت البيت رقدت طشونه، وكنت معزوم عقب المغرب .. ورديت من شويه ..

اقتباس:

---

المشاركة الأصلية كتبت بواسطة المزوحي

مزن هتان أنا مثلج ماعندي ربع، ومب شرط العيب فيّه دام ماعندي ربع، ولكن مافي حد يستحق صداقتي
مب خقاق، لكن ما اتوفق في الاختيار .. مب قضية ادور صديق perfect بس وايد انصدم، فمن جيه ما احصل
حد مثلي .. وما أمدح عمري ... ولكن ... الله يعيني .. :3:

---

أنا أغبطك الصراحه مرتاح من الصدعه :smile2:
لا تدور لك رفيج، هلك:heart: يسدونك صدقني.
إلا تداري على مشاعر فلان، تحترم علان
و بالأخير يرمسوا عليك.

امحق رفجه :k_sadwalk:

واحد من هلي قال لي ... لازم تتقبل الغير بطريقتهم، بأسلوبهم، بتعاملهم وتتقاضى عن بعض الأشياء اللي فيهم

يقصد إنه انا السبب في إني ماعندي صداقات ( مع إني انسان اجتماعي، حبوب، فرفوش ) ومع هذا بتستغربين

كون ماعندي صديق ... والسبب مثل ماقلت لج قبل ...

اليوم : الخميس

المود : عادي

الموضوع : أبغي اغير جو

البارحه رقدت الساعه 3

وقمت الضحى .. مب شي الصراحه ... الجو مغبر .. في خاطري اظهر .. من زمان ماسويت جوله محترمه في البلاد

ووو اليوم إجازة .. وعندنا الجمعة والسبت كذلك ..

السلام عليييكم

ثانكس تحفه عالموضوع
لول يالسه ادوره في الفضفضه اخر شي لقيته هني

ويييه مي توووووو
من 3 اسابيع وانا اعاني من ضرس العقل >.<
خبلني

حاسه فيج =(

====

اليوم: الاربعاء (امس)
المزاج: كنت مستانسه بس في شي مب متأكده منه
الموضوع:

استوى تج بيني وبين ربيعتي على شي سخيف
وهي اصلا مادري بلاها منجلبه
so تولي و i don't care
عيل تيلس تقول الفااظ جدام النعمه واسكت عنها !!
عفان الله شي ناااس صدق ماتقدّر النعمه الي جدامها
مايخافون من الله هذيل !!

والعصر سرنا عند الـ special needs
هالمره كان غير شوي
مادري ماكنت وايد مرتاحه مع اني كنت مستانسه

ماي فرند اموووووله يت ويااااااااااااااااااااااا ي :a033:
وما سيس ان لو بعد

ومسّتنا وااايد استانست عليهم وحبتهم
في الكلاس انا واموله وايد استانسنا ويا البنات
وايد حبوبات
وحده منهم يت تبا تحضني :a050:
بس مادري وااايد خفت مع اني مابغيت ابيّن هالشي

جان تقول مدرستها: سااااره ردي مكانج

يحليلها شيز سويت بس مادري ليش خفت وابتعدت
اول مره اسلم عليهم واحتك وياهم جيه
والله هم واااايد سويييييت ويوم بغينا نسير اتعلقوا فينا:fa35:
يستانسون يوم حد يزورهم

واخر شي سوولنا حفله بمناسبة المولد النبوي

لول ونفس الي استوى ذيج المره
رقصوا
الولد يوم دش تقولون داش ملعب لول
حاط هالشال مال الوصل
ويمشي ويسلم عالكل
واحد مشهور لول

ويوم رقصوا
هههههههههه وااااايد كوووووووووووووول والله :fa56:

شي هالاولاد مال سبشل نييدز يالسين جدامنا بس بعاااد يعني
اونه واحد منهم يطالعني انا وامووله يوقف ويعق كابه وينزل راسه جيه bowing يعني
شو ماضحكنا علييه
والقروب الي كانوا ويانا كلهم تموا يضحكون على حركاتهم البريئه
اونه خلاص انعجبوا فيكم لول

حلو يوم نسير ونجتمع وياهم
لان مانحسسهم انهم اقل منا

صورت امس بس الصور عندي ربيعتي
اذا طرشتلي اياهن براويكم ^_^

==

واليوم بطوله اشوف لوست
خلاص ادمنت عليه
بعد شوي بسير اكمل

بباي :inlove:

بنت الدلع
أنا بالبدايه كنت أخاف منهم
بس الصراحه الحين وايد :fa41:
حتى اني الحين فـ خاطري أشوف
لاعبين و لاعبات نادي الفجيره والله اوحشوني

اليوم: الخميس
المزاج: عادي

الموضوع
اليوم ما رحت حفل التكريم، صايبني كسل
مابي أسوي شي، ماما تقول إرهاق. كل ما
أقرر أشترك تجيني هـ الحاله. أفكر باجر أروح
و إلا لأ، احتشرت و زعلت عليهم و الحين
أقول ماني رايحه. بسحب ختيه جان إلا رحت

بسير أرقد

اليوم :

~ دخلنا باليمـعه


المزاج :

رايقـه


الموضوع :


~ بداية اليوم كان جو البيت أبد هب حلو :k_no:، والوضع متكهرب نوعـاً مـا

غير اني ناشه من الرقاد ، ومادري شقا البعوضه لدغتني ، وانا عنديه حساسيه من أي حشره فـ الكون

فـ جسمي كان مورم ، إيدي وايد تعورني والله ، مستويه دبه ووارمه . . وريولي بعد :fa43:



أحلى مافـ اليوم طبعـاً ، خبالي فـ المطبخ مع عيال ختيه ، والله خبلوا بي ، انجب الماي الحار عليه بسبتهم ، شياطييييين:fa56: . . .


وعقب استوى نقاش ساخن بين خواتي الكبار ، وحده تباني أعرس والثانيه ماتباني لووول

وانا اسمع واضحك :fa46:

ع كيفـهن ، جني يالسه ع جبدهن انا :4:

بس احلى شي يوم ختيه دعت : اونه يارب ماتعرسين لين ماتخلصين دراستج . . .


ماعندهن سالفـة . .



وبـعد أسـتانست أكثر لأني رحـت ~ البحـــر . . .

احس اني من زمان مارحت ، ارتحت واااااايد ، وجان ألعب بالماي لوول ، دخلت انا وتيمون وبومبا وجان يوصلنا الماي لـ حد الركب ، عقب جان اخاف ، ظلااام وابويه وامايه ركبوا فـ السياره وخلونا ارواحنا ، فـ ردينا. .

بس الجو كان حلو نوعـاً مـا . . .

وطبعـاً انهزبنا شويه ، لأن السيارة توصخت بالرمل . . .

~ وبس . . .


ويمـعه مباركة ع اليميع :inlove:. .

:

السلام عليكم ..,،

اليوم : عساس انه الخميس ..
المود : ....
الموضوع :

اممم المفروض اني أنش من وقت اليوم لكن الله يسامحني ويسامح حبي للسهر >_< ..,، !
كنت حاطه ابـ بالي أخلص ولو شغله بسيطه من اللي عندي " من أمور الجامعه" ..
لكن ما شاء الله علي يعني حدث ولا حرج .. ما أقصر بالقصور ..

من كل النواحي .. :smile2: ,، !

:

قريب المغرب ظهرنا لابن بطوطه " وكنت الوحيده من بين اهل البيت اللي أول مره تسير له ! " ..
حسيته نايس وحلو بفكرته ما شاء الله .. لولا الزحمه اللي فيه ..

كلمن مجابل كيمرته .. اللي يصور واللي يبحلق واللي يسولف واللي واللي ..
عقولة ابوي محد ياي يتشرى .. :rock: !

ليمن مرينا صوب واحد متفيج من الخاطر
اونه قاعد يصور خلق الله "بفيديو الفون" اللي رايح واللي راد ..
ليمن تكرم ويا صوبنا >_< ..,، !

ونحن البنات مادرينا نضحك ولا نعصب لمن راح ابوي صوبه وهزبه ..
بعد ماعلمت عليه اختي الفاضله .. :fa36: ,، !
وانا بعد متفيجه .. أقول لـ خواتي اونه ياحيكم بشوف روحي اليوم بيوتوب لول ..
بسم الله علينا :/

والوالد دومه يدخلنا بأجواء الأكشن ..
طبعا نحن شردنا من القفطه لول .. :blush: + :fa46: .. !

:

وووو بس ..

... ,، !

:.

اليوم: الجمعه (جمعه مباااااركه جميييعااااا )
المزاج: جيه ريلاكسد بس متلخبطه لول
الموضوع:

جيه نشيت من وقت عالساعه 8 يمكن
بس كالعاده تميت ساعه كااااااامله لين ما اتفيج انش لول
وبعدين شفت عموه في بيتنا
يايبه بلاليط سبشل حق اخويا
لول شكله متوحّم :hysterical:
البارحه متصل بها اونه ابا بلاليط من ايدج


تريقت وبعدين يلست احنّي مرت اخويا :fa35:
بس عالروايب
احب ريحة الحنااااااا
انا امس تحنييييت :heart:


وبعدين يلست العوز اخويا اقوله سعيد مال مسلسل لوست يشبهك :k_harhar1:
نفس شعرك :vampire:
وهو يقولي انزين مبروك

لا يخسي سعيد يشبه اخويا :fa44:


وبعدين نشوا الصغاريه
و :hysterical: they r so funny
يحبون يغايضون اخويا واااايد
لو تشوفونهم بتقولون توم اند جيري

متخيلين كل هالاشيااااء استوت في ساعه ونص لول

واول امس بابا سافر :sad: i miss him
مب شي جيه يوم الجمعه كلهم يتبخرون ويسيرون المسيد وبابا مب وياهم
يرد بالسلامه ان شاء الله

والحين اف بسير اجابل دروسي الي ماتخلص :bash:

----------

مزن هتّان
احس بالتعوّد يخوز هالشعور
يعني بالنسبه لي مااااجد اتعاملت وياهم
واول مره يوم سرنا ما احتكينا وايد وياهم
اما ثاني مره اكثر

اليوم : الجمعة


حلووو البيت اليوم هدووووء ما فيه حد
بس زياااااغ
مادري يالسة اتخيل الاصوات ولا من الهدووء اسمع الاصوات اللي بره جي جريبة :k_icon9:
اول مرة اتم جي بروحي في البيت
و شكلي اخر مرة بعد :fa52: لول

و اللي مخوفني اكثر
جم مرة يرن التلفوون و محد يرد علي :k_icon9:

واييييييييد علي اشياء لازم اذاكرها
وايييييييييد وايييييييييييييييد
مادري كيف بخلص :k_no:

اليوم

دشينا السبت خلاص !!:yes:

اليوم الجمعهـ

الصبح ربيعتي متصلة 9 اونهـ يلا نشي بسج رقاااد!!:a058:

يعني هي ناشهـ بتظهر

انا انش شو اسوي !!:d014:

..

وعقب 11 نشيت واتعايزت انزل لانهـ لازم ابدل والبس وقايهـ:k_no:

لانه عمال فالبيت

يبنون مطبخ ثالث فبيتنا لول :tounge:

مادري شو لزمة هالمطبخ!!:fa44:

..

جان اخلي البشكارة اتيبلي الريوق فوق :a033:

وعقب تميت عالفراش سوالف مع خواتي >>:11:

لي سمع اختي اتقول ان قوم يدي وصلوا:k_nono:

ما توقعتهمـ ايون قبل الصلاة

وبسرعة بسرعة نشيت واتزهبت ونزلت:h_ttmasha:

وسرنا ويلسنا سوالف واتغدينا <<:yes:

فديتهـ اخوي وصل هو وحرمتهـ وولدهـ

والله

I miss them wayyyyyyyyed ^^:a054:

تميت لاوية ع ولده فدييييييييته والله مفتقدينه فالبيت حبيبي والله ^^:a054:

وعقب سرنا السوق انا وخواتي وماي سيس ان لو وخالوتي ^^

والمغرب

كنا يالسين برع مع خالو:a033:

انشوف سيارة داشة

والا خالي وحرمته وعيالهـ يايين:11:

وعقب يلسنا سوالف كلنا برع فالهواء الطلق لول ^^

بس صدق غييييير الجو كان برد

واتعشينا كلنا برع بين الملاحق والبيت

اول مرة نتيمع هاليمعة ونتعشى برع جيهـ

وتوهم من نص ساعة سايرين :yes:

:

اليوم : السبت ..
المود : .....
الموضوع :

اليوم "عساس ان الجمعه" اكتشفت اني صدق مضيعه ..
الله يسلمكم اختم أنامل قلب ففطت اليوم عدة قفطات شريفه :/

كنت بالمركز عساس نخلص شغلنا المعلق من فتره ..
وعـ وقت أذان المغرب كنت رايحه اروحي من السلم
وخواتي والوالده تمو ناطرين اللفت عساس نسير المصلى..
بما اني ماتفيجت أنطر + أوني عمليه .. وياليتني نطرت .. ,، :k_special2:

طبعا تميت أصعد وانزل السلالم .. حضرة جنابي ضايعه ماتدري المصلى بأي طابق >_< ..
وكل ما أنزل سلم أو أصعد سلم يظهرلي واحد بويهي وأسمي بالله من النقزه خخخ ..
خاصه ان كل اللي أصادفهم عمالقه ما شاء الله :/

آخر شي قلت بسأل مالي شغل لأن شكلي صدق غلط ..
مالحقت ألف الا واحد شامي طلع بويهي "مستعيل" بنص السلالم ..
طبعا سألته وقالي بابتسامه عريضه .. (( أهو يافندم المصلى )) لول .. أخيرا :tongue:

واهني عاده الطامه الكبرى ..
ترى اختكم الله يسلمها متعوده بالممرات أو اني لمن بدخل مكان"الخ" وحذاي أحد ..
لازم أخليهم يدخلون قبلي .. بس الـ هم عادة مايكونون رفيجاتي او بنات الاهل ..
بما اني يدوب من الجامعه للبيت ومن البيت لبيت الاهل والعكس .. !

تخيلو من فلااااحتي "ويمكن لأني متعوده !" ..
اوني فتحت الباب "اللي وراه ممر المصلى" والريال الشامي وراي ينطرني أدخل ..
اوني واقفه على جنب عساس يدخل قبلي >_< لا واقوله تفضل >_<

مادري شوووو يانييي نسيت اني مب بالجامعه خخخ
صدق صدق مـــــــــووول مب مركزه .. مادري أصلا بشو كنت قاعده أفكر ..
أو يمكن من الارتباك .. لأن المكان يزيغ واختكم خوافه :shutup:

لا واللي زاد الطين بله اني لمن انتبهت رديت استعيلت ودخلت قبله :boxed: ..
أكيد قال ابـ خاطره بلاها هذي الخبله ..

هذا غير الموقف الشنيع اللي صار عقب >_< ..

:

اممم ..

بعيدا عن القفطات ..
مب جني ليما الحين ما خلصت اللي علي من شغل الجامعه ..,، !!

بالأصح ما بديت فيه من الأساس .. !!

.. :fa55:

:.

اليوم: استوى السبت
المزاج: sleepy كالعاده بس :inlove:

الموضوع:

من شوي ردينا من العرس
it was soooooo nice
واايد وااايد كان حلو العرس

انا وماي سيس ان لو كنّا بنصييح لول
جيييه وااايد emotional

العروس دكتوره
والمعرس كان مريض عندها

سووو كيووووت هالشي

يوم قالولي اتحمست اني ايلس واشوف المعرس
ثنيناتهم كيوتين بس المعرس أكيت لول

والحلو ان طول العرس حاطين كلاسيك
ماشي صددددددعه

بس يوم يا المعرس حطوا اشيا حربيه

بس ات واز سو نايس والله :fa41:

اليوم السبت
المود مادري
الموضوع

توني من شوي كنت بنقز على اختي.. محد قالها تبدل القناه>_< لا بعد اختي الصغيره p=
شفت جي ياهل صغير وواحد خاش ابر في جسمه المهم شي مال قنس (حطو قناة سما دبي:k_harhar1:) وجان تي وتبدل القناه اونه اي اي اي ماروم اشوف هالاشياء:shutup:
قلتلها بهدوء ردي القناه ويوم ماطاعت سرت ونقزت من مكاني لين الغنف الى هي يالسه عليها وهدتتها واحاول اشل الرموت عنها:k_harhar1: وطبعا صريخ وحشـره xD
وآخر شي بدلت القناه:k_harhar1:
ابويه توه راد من السفر لو سمعنا ياويلنا لول بس الحمدالله يتسبح ف مايروم يسمع شي.. ان شاء الله بس هي تسكت وماتخبر ابويه شي ولا بنهزب:woot:

OMG واحد الحين مادري شو يسوي في جسمه كووووول xD

حطووو القناه وشوفوو
برد اكمل هالدايري بعديين


برب

هيييه هذا المطااااطي
اللي يدخل بطنه لين ظهره ومادري كيف
صح ؟؟؟

اليـوم : السبـت ..

المزاج : كشخـهـ ..

عندي اجازة هالأسبوع .. من الخميس اللي أورردي فيه اجاازة ليين السبت 29-3
بس الاحد مابدااوم لان عدنـا عرس يوم السبت فمـافيني أروح بوظبي واداوم يوم الاحد هع !

الويك اند كاان كشخه .. الخميس طلعـت كنت بدش السينما بس الدكتور أخرني وطافني الفلم )=
بس سرت المول تمشينا وتعشينـا وردينا البيت
أمس رحت moe بعـد .. اتمشيت ويا بنت اختي جي مستويين كبار نسوي shopping
أونـه خخخ
وعقب تلاقيت ويا ربيعتي وكزناتها .. تمشينـااا طشونااات
بعدين تعشينـا وظهرنــااا ..
\
اليوم مافي شي مهم .. ظهرنـا انا وبنات اختي هنتين .. يلسنـا نحووط ونحوووط ونحووووط
مني مناااك .. وردينـا والحين يالسة عـ النت !
\
هع عنـدي اجاااازة [ وناااصـه } - - - !
\
همصهـ ]|

آاااتشجـع .. وألملم كل مافيني
وأجـي بكـل [ قوه ] أبي
أصرخ
أبي
أقووول
" ماا أبييييييك "
ولا جيت أبنطقهـاااا
أنكسـر وأرجـع
أناااديكـ

مجموعة انسان
هيه هااا.. كشخه صح.. اسميني ضحكت من الخاطر

الشـين
انا عندي هالاجازه بعد.. بس مادري ليش يسمونها اجازه لو انا تقريبا كل يوم في الجامعه:crazy:




اوني بكمل ماي دايري
كل ما اكتب رد امسحه
المهم
ماعندي شي اقوله:crosseyed:

انا ما قهرني غيييييييير هذا اللي معلق مليووون حلق في جسمه



...
يلله
بسير اتعشا وبروح العين

البارحه كنت مصدعه وطول الوقت راقده ~,~

اليوم :
حلمت حلم مزعججججججججججج نشيت ونا متضااااااااااااايجه ولين الحين متضايجه و حزينه =/ ان شاء الله خير والله
الموهيم

اليوم يونا ظيوف 3> حمدلله كنت احتاج تغييرر

هاه !!! ليش تغير مكان الموضوع O-o

لووول المهم
اليوم السبت وباجر الأحد
بتاريخ نهاية الشهر يعني وقت الفقر لوول XP
قبل كل شي اشتقت للواحات ^_^ يحليلي والله
المهم الحمدلله انه العرس خلص والحمدلله انه تحفه شرفت صدق كنت شويه وبرقص من الفرحه انها حضرت العرس XD
احس تعبت وايد هم الفستان والمكياج والحاله حاله والتصوير والغربال كله خلص وفتكيت ..لأول مره احس انه تجيهزات العرس استيرس مع انه دوم اتكون ممتعه بس هالمره كانت منرفزه -_-
ما علينا باجر دوام ما بقي الأ اسبوعين مادري 3 اسابيع يالله شقايل الوقت مر بسرعه
ما حسيت يعني تقريبا 7 اسابيع انا هاجره الواحات XP مب ورك بليسمنت ها
والمشكله لو يعطوني شغل مثل الأوادم بقول ما عليه كله ديزينغ -_-
ما عليه بنجب وبسكت لين اخر شي عشان القريدز
ليش جي الواحات هاديه يبالها خرخشان XP

اليوم : الأحد

المود : عادي

الموضوع :

اليوم أول يوم دوام لنا من عقب الاجازة الحلوة اللي كلها shopping و عزايم :icecream:

و الحمدلله داومي كان خفيييييييف و حلو اليوم

أول كلاس ما درسنا فيه شي:a033:
عقب كان عندي بريك ساعه شربت عصير و كلت كورن :yes:
وعقب كان عندي كلاس انجلش "أحلى كلااااااااااااااااااااااس و الدكتور وايد وايد وايد فناااان وطيّب ، حليلهم السودانيين والله طيبين لووول"
و آخر كلاس تكنسل و هذا أحلى شي
خلاف ظهرت من الجامعة و سرت ويا ماما فصلت لي عباتين
و رديت البيت صليت و رقدت على طوووووووول لييييييين الساعه 2 وشي
نشيت تغديت ويا أميه و أبويه صالونة شعري يمي يمي لذييييييييييييييييييييذه


أمس موووول ما رقدت من الزيغة لأني أحاتي شو بيقول الدكتور عن البروجكت و الحمدلله كل شي عدّا على خير ، وشيبة النخرة قال لي برافو برافو :fa44: ويا ويهه ما أحبه أبا أعطيه بكس:fa32:

الأحد
المود...عادي


قلت اجرب اكتب دايري ما انه ما شيء انترستنغ...ارهاق وكسل...ابا يمر هالأسبوع بسرعه عشان لاني انتظر شغله خاطري تتحقق...كان الويك اند روعه وامس خلص

اقتباس:

---

المشاركة الأصلية كتبت بواسطة ايه احبك

المهم الحمدلله انه العرس خلص والحمدلله انه تحفه شرفت صدق كنت شويه وبرقص من الفرحه انها حضرت العرس XD

---

لووووووووول !! من متى انا ما احظر اعراس العايله؟ :a032:بس تصدقين كنت مب متشجعه لاني كنت مخططه اتمكيج عند هاستي من زمان ويوم عرفت انكم حجزتوها انصعقت :ghostface:
بس الحمدلله يوم يبت مارلين حبييييييتها وحبيت استايلها :m_mar7ba:


يله عقبال ما احظر عرسج ... وحفلة التخرج ;>

آمين يارب

عاد من زينها هالهيستي ضغطنا ارتفع لين ما شرفت الصالون نحن يايين من الساعه وحده وهي رضت علينا وشرفت الساعه 6 المغرب ولا بعد مب كلنا ضبطت الميك اب -_- بس وايد حبيبت ميك اب مارلين وايد اليقنت ولأول مره استانس على رسمة عين اختج لنه اول مره حد يضبطها ما شالله ول دن قايز
عن التخرج الله كريم والعرس الله يحينا لين هذاك اليوم XP

اليوم الأحد جان محد يعرف XP

بالعكس هاستي وااااايد زينه خاصه حق الي ملامحهم يايه على لبنانيه XP يالله بالعافيه عليجج

وماعليج الايام تركض باجر بيستوي الويكند p;

اليوم الاثنين
المود مضغوطه
الموضوع

أول مره جي احس عمري سترسسد ومضغوطه من الدراسه..آخر مره حسيت اني جي مضغوطه كان في المدرسه!

نص موادي بروجكتس والنص الثاني امتحانات
المشكله انه البروجكتس ماخذين كل وقتيي.. عندي مدتيروم يوم الاحد.. ولا دقيت الكتاب ولا درست وماعندي وقت ادرسـله حتى ..
كل يوم & ويك اندز وانا في الجامعه.. واذا مب في الجامعه عند الشركه...احس عمري خلااااااااااااااااااص!!!!!!!! !
استويت مارقد عدل.. يوم ارقد تيني احلام فضيعه =s من كثر ما احس اني مضغوطه طول الوقت تشوفوني اتحرك ولا امشي O_o لاحظت اني امشي على البيت يمكن خمسين مره في اليوم.. في نفس الوقت زين لانه رياضه p=

كم من بنت في الجامعه نرفزونييي.. بس مب كثر ربيعتي الكلوس في الجامعه..
صدق رفعتلي ضغطي لدرجه قلتلها اني مابرمسـها.. لكنها صدق سخيفه اونه قالتلي باااي شمعووه للابد وهي تضحك.. ولا حتى رديت عليهاااا.. لفـيت عنها ومشييييييت وسرت لسيارتي وسويتلها اكبر طاف >_<
لا بعد بعدين ادش المسن وترمسني وانا اسويلها طااااااااف.. اونه ردي علييه الحينه.. سيري لااا صدق مب متفيجتلج :hysterical:

افففف قهرتني

http://oasis.bindubai.com/bin/upload...1206383991.jpg


صدق مب متفيجه لـ سوالف البنات السخيفه والدراامااااا.. الشي الكشخه اني بطريقه ما وايد مستانسه اني مابرمسها xD محتاجه بريك منها :fa46:
وفي نفس الوقت خلها تتأدب:glare: عشان المره اليايه وماتسولي هالحركات السخيفه والبايخه الى مالها معنى

اليوم: الثلاثا
المزاج: تماااام، مروّقه

الموضوع
أحس انه بالي خاااالي مابه شي يعكر لي مزاجي
مستانسه نهاية الويكند بتعب شوي بس ان شاء
الله كل شي يكون تمام أنا و أختي بروحنا نروح العين!!
خالاتي بيلحقنا و بابا يجهز لنا الاشيا اللي راح نحتاجها
من البارحه اونه عن السرعه و اذا ضعتي دقي لي.
أخوي يقول لي لا تروحن البيت بيكون ملل فديت أخواني

من يسافرون قوم ماما و بابا و خواتي بغلق مبايلي
مو معكر لي مزاجي الا العلاقه بين ربيعاتي كل
وحده شايله بخاطرها عـ الثانيه، صفوااااا النيّه يا عالم.

عدنا أعضاء أتلوم فيهم الصراحه، و هم وحده من الأسباب
اللي تخليني أحدر المنتدى دوم و الشاهد ربي

اليوم : الثلاثا :fa35:

المزاج : ما أقدر أوصفه أحس اني غادية شرا الخبيصة لووول "دلالة كثرة التقلّبات التي تطرأ على مزاجي":biggrin:

الموضوع :

حليلي والله ميهودة و هلكااااااااااانة و احس إني امخررررررررفة بمعنى الكلمة

و بعدني تحت تأثير المنوّم اللي في دوا الحساسية :Oo:

يوم أمرض أخرّررررررررررف من الخااااااطر لدرجة إني أرمس و أقول أشيا ما أعرف شو هي وما لها معنى و استيعابي يكون بطيييييييييء هههههههه الله لا يبليكم :hysterical:


اليوم و أنا نازلة من الدري في الجامعة بغيت أندبغ لوووول ، تزحلقت و جاان ارفع ايديه و كفخت اليدار و تقطّعت ايديه بس الحمدلله ما طحت و لا جااااااان احترق ويهي :smile2:


و قبل شويه قلت لربيعتي ماداني اللي يخلي عمره ذيل ، ما أعرف ليش انتي اموطية راسج لفلانة

وجاااااااااان تزعل "ويا ويهي صدق صدق صراحتي تكون زايدة عن اللزوم و أكون دفشة مرات لدرجة إن أميه اتم تطالعني عشان أصخ و أنا أكمل كلامي:fa46:"



و أحس اني مستانسة و متفائلة مادري ليش :14:==> حلو هالاحساس

فديت ضحكة عيون الاهل .. طعم احلى من العسل 3>

اليوم الثلاثا
المود الحمدالله وايد وايد احسن D:
الموضوع: و أ خـ يـ ر اً

نشيت من الرقاد 7 :fa56: اول مره انش هالوقت من يمكن سنتين؟؟
كان عندي اجتماعين اليوم الصبح وعدو على خير الحمدالله... والشركه ماقصّرت وايد ساعدونـا..
بعد الهزاب الى حصلوه قروبي مني البارحه.. اليوم كلهم شكروني
واخيرا بدو يفهمون الى أقصده وأقوله وبدو ينفذونه (الحمدالله x 100000000) واخيـراً
بس مع هذا
خذت leave من البروجكت لمدة 4 أيام.. وحطيت لدير في مكاني لهالكمن يوم! بشوف شو بيستوي.. قلتلهم من اطلع من هالباب ياويلكم لو احصل شي منكم حتى لو ان شاء الله مسج في الليف ماليp: وحطيت وحده محد توقع اني احطها ليدر في مكانيxD
أحس انه بعد هذا كلحد بيقدر شغل الثاني.. اسبشلي الضغط الى هم يحطوني فيه

بعديييييييين
طلعت ربيعتي في ويههي وسويتلها طاف.. ( حشا نقعت تليفوني البارحه من كثر ما تتصل.. والشي الى ضحكني انها ما يت ترمسني حتى بس تمت اطرش ناس يرمسونيxD عبيطه) ..كنت وايد يوعاااااانه ف سرت واشتريتلي كوفي للريوق ودونت لربيعتي بعديييييين شليت ربيعتي الثانيه وسرنا جوكواا نشتري كم من شي .. بعدين اتجهنا لـ الخوانيج عشان اراويها كم من شي بعدين سرنا بيت ربيعتنا الثانيه في مردف.. صلينا الظهر وتغدينا عندهم.. بعدين سرنا رباعه لـ فيستفال ستي وشلينا كزنتها ويانا .. كل ها عشان ناكل آيس كرييم.. بعدين ركبنا هالقارب وخلينا الحرمه تصورنا واشتريت الصوره.. كنت احلى وحده في الصوره:k_devil2:
بعدين نزلت وحده من البنات عند اختهاا في القاردنززز عند بن بطوطه وفي الرده باباتي اتصللللل 3> .. رديت البيت على آذان المغلاب و سيده سرت عند ماي فاااثررر وخبرته عن كل شي وراويته الصوره مال القارب لول:fa56:

الحين بسـير ارقد لاني خلاااااااااص منتهيه.. وباجر وراي نشه من الصبح للجم =s اسميني بنهزب.. وايد كلت اشياء غلط اليوم:fa56:


تصبحون على خير

:
.

السلام عليكم والرحمه ..,،

اليوم : عساس انه الاربعا ..
المود : ...
الموضوع :


اممم اليوم تفاجأت بشغله مرت ابها ربيعتي .. صدق الله يكون بعونها ومن مر ابـ مثل موقفها .. ويبعد عن البنات جميعا هالأمور .. !
أحيدني انا على شغله صغيره شلون انقلب حالي .. فـ كيف لو مريت بنفس اللي مرت به .. عادي أنتحر >_< ..,، !

اممم تحوطنا اليوم وايد .. والجامعه حشـــــــره وزحمـــــــه وخنـــــــقه .. :fa46: !
ووو الحلو باليوم ان مادرسنا شي تقريبا .. :glare: !!!!

عقبها رحت اجابل شوه لمقتطفات من الأنايم ..
ونسمع لواحد ياباني له علاقه بافلام الأنايم "اظني مخرج" مع اخت صديقتي وربيعتي بنفس الوقت ..
استحيت الصراحه اني ماسير من زود ما قالولنا احضرو .. بس بعد ماتوقعته جي ..
يعني عندهم جانب طيب من التفكير .. ولو انهم لوعولي بجبدي شوي ابـ بعض المقاطع لول .. !

زين ما قلعوني برا .. أحس كنت حاشرتنهم كل شوي أضحك وأعلق :/
أقول حق ربيعتي اونه احس لو حطيت اي حروف عشوائية عند بعض بتظهر كلمه يابانيه ههه ..

+ كل شوي أقفط لمن اييني مسج والكل صاخ .. من صوب عندي ريبورت لازم اسلمه ..
ومن الصوب الثاني صديقتي ادزلي تسأل اذا كان عندي كلاس او شي جي ..
ومن الصوب الثالث مجابله الشوه .. :fa46: !

ظهرتلها .. واوني بشلها معاي عشان اعرض الريبورت ..
عشان أكتشف بالنهايه اني مانتبهت للساعه عدل .. وطلع لازم اعرضه عقب ساعه ..
ادري مانفهم شي :mf_leia: .,، !

:

اممم ..
أحس اليوم كان يضحك على غريب على حلو بجانب و يزعل + .... بجانب .,، !

وبس ... .

:.

اليوم :

~ الخميس . .

المزاج :

~ رقاد هـَل الكهف فيَـه

الموضوع :


~ كان يوم وايد وايد وايد حـلو ! . .

ومتعب بنفس الوقـت ~ . .


ضحكنا وايد ، غنينا وايد ، وإيدي عورتني من زود ما أصفق

أحلى شي يوم تكون فـ بيتكم ملجة ولا عرسه ، احس صدق ربشه ، رغم اني كنت واصله البيت العصر ويايه تعبانه من الخط وجيه ، بس أحلى طااااااااف~ . .


لـون خدك يشبه ورودك صـايرن ~ وردي على وردي == > أغني لـ عمريه لوول . .


شي واحد ضيج بي شوي

اني نتفت شعريه من الخاطر ، حراااااااااااام غمضني كاان طويل للأسف ~ . .

بس بعد جيه حلو

يقولون تغيير


من زمان مب قاصه شعريه ، يمكن من سنتين تقريباً وللحين امايه مانتبهت لـه ، يعني بحصل هزبه محترمه من الخاطر لوول ~ . . .


والحين بحط راسي وبنخمد ، الله يستر باجر متى بنش ، على الله بس ما أسمع صوت شخير عروستنا لووول

^
لول حتى نحن عدنا عرس .. والدق كان شي عجيييب . . . وباجر وورا باجر مستمرين فـ العطاء..نحن والعالم في خطر > خيبه من زمااان ماقلتها هاي خخخ ..
و انا بعـد بقص شعري ورا باجـر وبنتفه من خاطري من عقب 19 سنه وهو طويييل .. ههه
قتلج انا وانتي شي بلانا ويا بعض خخخخ . . .

^
السـالفـه فيهـا إن ~ . .
تـدرين
انـا هذي مسوتلها سالفه وايد ، لانه ماعندي غيرها خلاص ، إلا أنـا ~
أول ملجة فـ بيتنا تكون جيه ، جنه عرس والله ~ لوول . .
فـ أستغل الفرصه صح
وبعدين ع طاري الشعر ، انا كذا مره أوصل الصالون وأيلس وعقب أغير رايي وأروح ، عقب شفـت اني لازم اغير وجيه ، وجان أقصـه ، حلـوو التغيير والله

بيعيبج :p

اليوم : الجمعة

الموضوع : -

المود : confused

صدق مب عارف شو أبغي، لازم الواحد يكون له هدف في الحياة، مشكلة يوم أعيش هالحالة ..

قمت الصبح، وين أسير وين أسير، سرت مول الامارات، قبل الزحمة، ومابطيت، لكن يوم ظهرت كيف

الزحمة، رديت البيت وعقب سرت أصلي ... هيه خذت لي بيتزا من بيتزا اكسبرس ...

وشربت اورنمين سي :fa42: تميت في البيت وفي ربوع الواحات .. بس ماشي يديد

في الواحات، الناس اللي متواجدين، ماحركوا شي ولا ردود، هالكثر يقرون :fa56:

ونفس المواضيع من البارحة، ودخلت اليوم ..

قلت بظهر العصر ومتكاسل .. الصراحة الصراحة .. في شي مب عايبني .. مالي دخل فيه، لكن

عكر لي مزاجي .. تعشيت .. وييت الواحات .. بس باجر يبالي جولة حلوة ..

بدلع عمري ابا :a049: