اللي في بالك ... ( سوالف ...... )
المهم حلو التجديد ... بس ما يخصني باخذ من افكارك حق حجرتي ..
تخيل بس انته تشقى وانا على البراد ...
عرض للطباعة
اللي في بالك ... ( سوالف ...... )
المهم حلو التجديد ... بس ما يخصني باخذ من افكارك حق حجرتي ..
تخيل بس انته تشقى وانا على البراد ...
المزوحي ..
فالك طيب ..
البارحة حصلت تصميم .. ويلسنا انا والرضيعه انعدل عليه ..
بس نصيحة .. حدد من الحين شو تبا الأرضيه ( رخام ولا باركييه ) ..
لأنها اكثر شي بهدلني .. بصراحة .. وسالفة التكسير بعد مشكله ..
والحمام .. انا لو اقدر اكسره جان سويته .. رخام كامل .. اريح ..
http://oasis.bindubai.com/bin/upload...1210737568.jpg
http://oasis.bindubai.com/bin/upload...1210737568.jpg
http://oasis.bindubai.com/bin/upload...1210737568.jpg
http://oasis.bindubai.com/bin/upload...1210737675.jpg
http://oasis.bindubai.com/bin/upload...1210737675.jpg
فالك مايخيب مايهزك ريح،،،
الحمام الأولي عيبني .. يعبني هالاستايل
وحجرة النوم وااااااو ... بس تدري أحيانا يعتمد على مساحة البيت ...
انا ربيعي يبغي يدخل باركيه في بيتهم اليديد
المزوحي .. انا بعد عايبني اول حمام .. اللون الفاتح يبين المكان واااااااسع
وغرفة النوم .. صح المساحة تلعب دور ..
بس بعد اذا بتحط باركييه غامج لازم الصبغ ايكون فاتح .. وما فيه وايد خرابيط .. عشان ما تبين الحجرة ضيجة !
أحس هالحمام حلو، بس ما تعيبني مغسلة بــ الطريقة هذي
http://www.utopiainteriors.co.uk/images/bathrooms1.jpg
هنيه الشاور كشخة
http://www.utopiainteriors.co.uk/images/bathrooms13.jpg
مرحبـا..
ممممم أحتـاج شوية مساعدة!
قررت أكسر حجرتي وأغيرها كلها.. أبـا شي مودرن علىzen على fung shui.. يعني حجرة بسيطة جداً ومودرن.. وبكسر حمامي واباه شرات حمامي في لندن.. يكون رخام بيج ويا خشب بني غامج..
الى أباه..
أسامي محلات للحمامات < بس ترا مابا هالمحلات مال طلبية وتريو مادري كم من شهر.. أبا كل شي جاهز مال بسرعه بسرعه
وأبا اسامي لـ مصممين.. بس مابا ناس غاليين وايد! مابا اخسر وايد على حجرتي لانه بس بتم فيها سنتين ..
حالياً عندي مصمم مادري مصممه؟؟ المهم انه هالانسان مب في البلاد حالياً.. وانا الصراحه مافييه صبر.. أبا أتخلص من حجرتي..
شكراً
^
اذا حصلتي قوليلي لأنه انا عندي نفس المعاناه .. !
سيم سيم هير
بيتنا بيخلص في شهر 5 او 6 و انا الين الحين ما عندي ولا نص فكرة عن الي بسويه في غرفتي و حمامي
بس اخترت الالوان الاساسية و الي هي غرانيت او خشب باركيه بلون بيج فاااتح
و اخترت اللون الأزرق او اللون الازرق البحري "ازرق مخضـّر" و يمكن أخلطهم بشوية بنفسجي
http://www.housetohome.co.uk/imageBa...H0504-108a.jpg
أو مثل هالالوان بس على اغمج شوي، لني حسيت هالدرجات شووي "مال اطفال" لول
http://bedzine.com/blog/wp-content/u...7/05/blue1.jpg
يللا يا شطار ساعدونا
انا و مايد و شمعة امل محتاجين مساعدتكم
^^
ذنيني .. عن الحمامات .. مر على المتحده اللي عدال الشايع عندهم افكار حلوه ..
وس س لوتاه .. وفي واحد ثاني اسمه اعتقد العربيه عدال جمعة الماجد وانته نازل من جسر المكتوم ..
يبيع ماركة غالا .. GALA
http://www.clickbathrooms.co.uk/images/logos/gala.gif
http://www.gala.es/default.htm
واذا عندك بيزات زياده ..
فيلوري اند بوخ .. موجود عند محلات سارا ..
http://www.villeroy-boch.com/en/us/h...-wellness.html
أنـا سرت عند سارة اليوم!
وحجزتلي أشياء من villeroy and boch .. طلع الريال الى اتعاملنا وياه نفسه الى كان يبيع الصحون.. هو تذكرناا على قولته انتو زبايني من زمان وعطانا احلى ديسكاونت.. خذت الأشياء الى مايبالها طلبية كم من شهر.. وخذت مغسلة نفس مغسلتي في لندن:thumbup1: وعطاني سامبل للرخام.. كنت أفكر أحط خشب بس امي ماخلتني قالتلي خشب ماينفع في هالجوو.. فـ مادري شكلي برد أحط رخام
عندهم شاوور.. يعني هالغرفه مال الشاور بس الأرضية مالته طلبيه.. فـ أفكر اييب حد يبنيلي الشاور بس انه يكون زجاج .. ممم مادري
أنا عبالي الحمامات اغلى عن جييي.. بس الحمدالله حصلت الى اباه
وسرنا الفطيم بعد ومكان ثاني.. بس ماحبيتهمم
ماشاءالله كلكم بتنتقلون.. ونحن بعدنااااااااا.. خذ منا تقريباً خمس سنين للتصميم >_< ومأجلينه بعد فـ يقولون بيجهز بعد سنتيـن >_< يقولوووون! الحمدالله على كل حال
انزين
حد عنده رقم انيريور ديزاينر؟؟؟؟؟؟؟
مايد مب مشكلة لو كان الحمام اغلى
لأني ما بسوي غير حمامي لول
يعني لو الفرق 2000-3000 مب مشكلة
لأني ابغي شي زين،، ما ابغي كل يوم و الثاني اييب البايفيتر يصلحلي شي في الحمام
اقتباس:
المشاركة الأصلية كتبت بواسطة ذنـيـنـي
ياخي لوشويه بس تغمج اللون بتصير نفس غرفة ولد اختي، ياخي انت يبالك
مثلا لون اسود ماتنفع لك الرقة والنعومة والهداوة
يبالك لون حار أكثر
:fa32:
انتوا كل واحد على حجرته مب ملحق عيل انا الله
يعيني عقب فترة شكلي
بتخبل
:k_nono:
^ الأسود ما ينفع.. كمن مره أسمع أنه بسرعه تلوع جبدهم منه خصوصا إذا كان فالحجر :fa46:
الاسطوري
تراني كنت ناوي اتخبل
كنت ابغي اخلط اللون الاحمر و يا الرمادي
مع اثاث من الخشب الاسود
بس عقب غيرت رايي
خاصة انهم قرروا يعطوني جناح من غرفة و صالة و في هالحالة هالالوان ما تنفع :whistling:
قلت بحط الوان هادية و قابلة للتغيير بسهولة عسب اذا استوا الي بالي بالك تكون الخسائر التعديلية و التكسيرية اقل :fa52:
بيج حلو وملوكي .. الستاير دخل فيهم مارون اوذهبي او اخضر
سارا احس به غالي على الفاضي، نحن خذنا من عند المتحده + جرانيتي وبشكل عام الواحد يوم يسير يسأل شو
الموجود وشو يحتاي طلبيه، يعني على حسب، وصح الواحد ياخذ كوالتي في الحمام .... لأنه في أماكن يبيعون صيني
درجة أولى على قولتهم ويقولون نفس الايطالي ...
في محل يديد يسون دعايته من سنتين فتح من جريب أظن اسمه كازا شي والله ماذكر
بس مكانه جريب من جسر المكتوم، عقب جمعه الماجد وانتريرز .... بتحصلونه ... هناك .. نحن كنا نترياه يفتح بس وايد اتأخر
في اعمال الديكور، فاضطرينا نختار من مكان ثاني .. يعني مادخلناه ...
شمعة أمل نحن يايبين مصمم ديكور وظهر اخرطي حتى افكارنا نحن اللي ماعندنا خلفيه طلعت احسن عنه، بس يمهط
من هالفلوس ويسير ...
اقتنعت اكثر و اكثر بالبيج و الازرق الفاتح
البارحه شفت غرف فندق اتلانتس و عندهم غرفة ارضيتها بيج و جدرانها بيج و باقي الاشياء باللون الازرق الفاتح و شووي احمر،، وااايد عيبتني
^ السماوي + الأحمر + الخشب ==> حلوييييييين ويا بعض وااااااااايـــــــــــد
لأني شفت حجرة في بيت ربيعتي حلووووووةةةةة
أنا مقترحة عليها اللون السماوي لأنه من ألواني المفضلة =)
صابغين الحجرة بالسماوي الفاااااااااااااتــــــــ ــــــــــــــــــــــــح "أفتح من هذا" طالع رووووووعــــــة + حاطين اكسسوارات لونهم أحمر + سماوي
و في بيت عموه حجرة لونها بيج + هالسماوي الفااااااااااااتــــــــح طالعة الحجرة حلوة يعني مووول ما ينمل هاللون و يريّح الأعصاااب
حد يعرف مكان يسون كبتات غير الخزائن المبتكـرة؟؟؟ لانه ينرفزووون و*غير* مبتكرين
ليش ماتسيرين عند منجره نظيفه، ياخذون القياسات، يعني انت تعطينهم فكره معينه وتركبين الرفوف من ايكيا او من هاردوير
السلام عليكم..
شمعه..
الغرفتين اللي سويتهم في بيتنا هذا و هذاااك.. كانوا كلهم من عند سارا.. واحد حطيت فيه بانيو من villeroy and boch و الثاني شور..
..
وبعد في البيت ماخذين من عند الشايع للحمامات و الارضيات..... اما المغاسل وهالسوالف و الخلاطات فأحسن اللي شفته هو Roca من عند حمد الشامسي.. واااااااايد زينين وما يتغيرون.. يتمون جنهم يداد..
..
ناصر..
عيبتني الالوان اللي اقترحتها..حتى الوان قصايد حلوه..
..
صح ع طاري الفندق.. حلو ..؟؟ في الصور شكل الغرف ما اتشجع وايد ..!!
شوق القلوب
انا شفت الصور في النت و حجزنا حق ولد عمي غرفة لمدة يومين في الغرفة ام السمج
عرسه في شهر واحد و قال بيتم يومين في البلاد قبل ما يسافر
غرفهم ستايلاتها متنوعة
الغرفة الي عيبتني الوانها هي نفسها ارخص وحده عندهم "ما فيها اطلالة الاكواريوم"
بالنسبة للحمامات و انتوا بكرامه
قررت اني اسوي الحمام بلون ابيض مطفي بدون اي ديكورات و خرابيط
يعني كل شي بيكون ابيض في ابيض بس قطع السيراميك المستخدمة بتكون قطع صغيرة 10سم في 10 سم
الالوان قررت اني اخليها في الاكسسوارات الي في الحمام مثل الاكواب الي تنحط فيها فرشات الاسنان و هالي يحطون فيه الصابون و غيرها من خرابيط الحمام
و طبعا غرفتي نفس الكلام ينطبق عليها
الارضية غرانيت بيج فاااااااااااااااااااااااا ااااااااااااتح اقرب للأبيض بحجم كبير نسبيا "80 في 80 سم"
الجدران نفس الشي،، ورق جدران باللون البيج الفاتح الاقرب للأبيض "على قولتهم حليبي"
السبب الي خلاني ويا هالالوان هو انه هالالوان تركب مع ايييي لون
يعني لو غرفتي زرقا بيطلع حلو و لو بغيت اغير الى اي لون ثاني بعد بتم الالوان متناسقة مع بعض
ما ابغي اسوي شي عشان ارد اخربه عقب سنه او سنتين " لو استوت المصيبة "
البيت ما شاء الله ما بقاله شي
تقريبا خلصوا من صف الطابوق
بس باقي الملحق
هيه صح
الوالده وكلتني رسميا في اني اسوي ديكور البيت
اخترت للميلس ألوان الطاووس !!
http://animals.nationalgeographic.co...24/peacock.jpg
شو رايكم ؟
حسيت انه درجة الازرق هذه وايد فخمه و جي حسيتبها ملكية لول
حتى قمت افكر بهالالوان بشكل جدي لغرفتي
ذنيني..
الوان الطاووس.. حلوه.. بس قويه لغرفه النوم..
كل ما كانت الغرفه هاديه .. كل ما كانت اريح لنفسيه الواحد.. وخصوصاً لما تبا اتخلي الاجواء رومانسيه و الاضاءه خافته.. تطلع أحلى بوايد مع الالوان الهاديه.. بس مووول ما اتخيلها مع الالوان القويه..
..
مره دخلت حجره ربيعتي.. كانت معتمده على اللون البطيخي.. بصراحه.. حسيت انه الغرفه كلها حنااااان.. ما ادري كيف.. مع اني ما احب هاللون وايد.. بس صدق لون ينفع للهدووووء..
..
و فكره البيج واااايد حلوه.. لانه صدق مرات تبا اتغير من استايل الحجره.. ما اتروم وايد لانه تضطر اتنسق على نفس اللون.. وما يكون التغيير وايد..و في هالفتره كل مره جرب لون .. او حتى لونين مع بعض.. مثل الرمادي او الفضي مع البنفسجي المخملي.. ، تركواااز و برتقالي.. ، الاخضر العشبي.. ، يعني.. من هالالوان الجريئه.. و خل الهدوووء.. لبعدين.. عشان صدق اتحس بالتغيير.. ^_^
..
صح اتذكرت شي.. بخبرك عنه بعديــــن.. بس ذكرني فيه جان نسيت اطرشلك اياه.. :whistling:
حصلت مقاول!! بيسولي كل شييييييي!
من الحمام لـ أرضية الحجرة لـ الكبتات:biggrin: أنا الى عليه اشتريلي شبريه + ادور حد يسولي ستاره
بسير الشوو رووم ماله باجر + يالس يسوي بيت في فريجنا فـ قلت بسير أجوف شغله هناك بعد
انا حجرتي مستويه مشكله كبيره فيها.. عشان جي لازم أجلع كل شي.. كنت في البداية زعلانه وقلت في خاطري شو هالنحاسه.. بس الحين مستانسه لاني أقدر أغير كللللللل شييييييي:biggrin:
حصلت مكان في شارع شيخ زايد اسمه كاسا ميا.. عندهم كلكشن حلوو وغريب.. عيبني شي هناك! فـ الحين انا بينهم وبين ساره.. بس بعد عيبتني مغسلـة عند آرت كازا.. مدورة من رخام بني وبيج
اخترت ستايل لـ حمامي.. المقاول بيطرشلي ديزاينات حسب ذوقي.. بتوصلني عقب كم من يوم.. عقب ببدى في الكبتات!
ان شاء الله خلال عشر أيام بالكثـير بيبدون يكسّرون كل شييي:biggrin: متحمـسة!!
شووق
انا قالولي خلاطات عند grohe .. بس الصراحه شفت وحده وايد حلوه ايطاليه.. بس مادري جان بيخلوني آخذها
السلام عليكم
لو سمحتوا بغيت مساعدتكم
أبا ستاير
وين ممكن أحصل ستاير حلوة وناعمة :) ؟
شوق القلوب
هيه صدقج اللون وايد "صاخب" يبالي اتم ويا الدرجات الهادية من الالوان
كله ولا غرفة الرقاد لول
حصلت محل يبيع ماترسز في تايم سكوير
نفس الماركه الي يستعملونها في برج العرب
أغلى نوع فيهم تقدرون تعدلون فيه درجة ليونه الماترس !
سعر الماترس 210 في 210 "كينغ سايز" تقريبا 65 الف درهم
النوع المتوسط بالضبط نفس الي فوق لكن الفرق انه ما تقدرون تتحكمون بمستوى الليونه او القساوة فيه
سعره 50 الف درهم
الوالدة حلفت علي اني ما ادش البيت لو خذته لول
طبعا ما باخذه بس كنت اسولف وياها و ابغي اشوف ردة فعلها
بس كلمة الحق تنقال،، الماترس مرييييييييييييح جددددددددا
===============
بغيت اسألكم
في حد جرب الماترس مال ايكيا ؟
شو احسن مال ايكيا ولا اخذ من عند سايلانت نايت ؟
===================
ولا زالت رحلة البحث عن الافكار مستمرة
http://images1.activehotels.com/imag...470/470417.jpg
http://www.classicadelaide.com.au/as...xe_Room_LG.jpg
انا الحين توني بادي اعدل ..
خذت لي ارضيه جرانيت اللي يشوفها يقول رخام crema marble ^_^
وشكلي خلال هالأسبوع بتحول غرفه ثانيه في البيت عشان يبدون يركبون .. وبعدني اتشاور على الصبغ ..
لأنه في انواع يكون wall paper يركب وعقب يصبغون فوقه .. والرضيعه يحليلها متبهدله ويايه
اتسوي بيتها .. واتسوي غرفتي .. ^_^
الأثاث ..
خذت الـBed من ID design هادية وايد .. لونها خشب غامجwenge oak wood
مفكر انه الغرفه اتكون كلها بيج .. وبني ..
والرضيعه اتقول انها بدور لي على لون يدخل وياهن .. يا برتقالي يا تركواز ..اممممممم مادري
اشتريت الليتات من هوم اوبشنز .. وبعد ابا اخذ الستاند مال التلفزيون ..
وما حصلت لين الحين مكتب يناسب !
اللي لقيته جلد كامل .. ما دخل مزاجي ..
وبعدني ادور ..
يمدحون محل في العين اسمه فريد unique في العين مول بسير اشوف يمكن احصل شي عندهم ^_^
ويوم بخلص بقولكم !
بالنسبة لبيتنا لازم اختار كبتات الحمام، وطريقة الدريسنغ، لانه ركبوا الارضيه ... في الحمام والحجره
وآخر شي طبعا أثاث الحجره، بس للحين مافكرت شو بسوي
قصااايد
نصيحة... لاتستخدمين فشوري اذا بتسوين ستاير..
المزوحي
اذا الحمامات صغار لاتحط كبتات.. بس حد رفوف.. يعني كل شي مفتوح.. بس اذا الحمامات كبار عادي
واذا بتاخذ فكرة الرفوف خل البوردر خشب والرفوف من زجاج وعليهم سبوت لايت.. بيكون وايد حلوو .. حمامي في لندن جي.. وتوني طالعه من اجتماع ويا مصمم وقالي نفس الكلام
المصمم الى بيسوي حجرتي يوناني.. وايد حبيت شغله وافكاره.. وايد وايد:fa41: فهم ذوقي وستايلي وتفكيري في لحظه.. وبنى كل شي على هالشي!
الحمام شبه مخلص.. هالويك اند عندي اجتماع وياهم..عشان نخلص كل شي.. بعدين بيسوولي 3D version وبيبدون شغلهم.. وعقب ببدى في حجرتي:biggrin:
مصيبتي الكبرى اني أقنع أبويه بالبدجت..
شمعة أمل حمامي صغيروني ...
نفس الحاله هنييي
اذا تستخدم كبتات مبندة بيصغّر المكان وايد
أنا عندي أفكار للستاير ، بس أبا حد يطبّق لي شي في بالي :yes:
بس لو ما لقيت حد يطبق لي اللي أباه بستخلف الله ، و بدوّر شي ناعم
+
أبا ستاير حق الشبرية ==> أبا شي حلو :k_special2:
اذا تبين حد (يضبط) الشي عدل عدل... لازم تسيرين هالمحلات الصغيرونه مال اي كلام.. شي شارع صوب حياة الريجنسي كله محلات ستاير.. المحلات جي قرمبعه مال سطوه بس من ناحية الشغل.. توب! بس لازم تراقبينهم عدل..
لكن لو تسيرين محلات راقيه مال ستاير.. كجره يخربولج كل شيي .. انا وايد وايد عانيت ويا فشوري
حبيت محل Bo Concept تقدرون تكبرون الاشياء ولا تصغرونها ولا تغييرون اللون
من الشباري الى حبيتهم هي في النقطه الرابعه.. الحجره البيضه.. بس باللون الأسود!
http://www.boconcept.ae/Default.aspx?ID=72394
شمعة أمل ..
اذا يعيبج شي عندهم على طول خذيه لا تسوين مثلي ..
كل يوم أاجل .. لين ما طار الTV stand اللي كنت اباه والحين يالس ادور .. شي للغرفه اللي اشتريتها >_<
حتى الكراسي اللي كانت عايبتني عندهم طارن لأنهم كانوا مسوين تنزيلات في رمضان .. !
^
لا عادي... ترا يستوي تطلب من عندهم D: يعني مب شرط اذا الشي مب موجود ماتروم تحصله نفس باقي المحلات.. هم يقدرون يسولك واحد يديد.. بس لازم تختاره من الكاتالوق مالهم
الشبريه الى انا اباها مب موجوده في الشوو روم.. بس الحمدالله عندهم في الستوك فـ مب لازم اتريا
بس نحن بناخذ سوفا من عندهم بس بنكبـرها وبنزيد شي عليها.. فـ هذا طلبيه شهرين
ومب أكيد آخذ هالشربيه فـ شبريتين بعد حبيتهم.. بس اتريا اشوف تصاميم حجرتي من المصمم وبعدين بختار شو يناسب
سؤال 1
من وين أقدر اشتري (ورق جدران) (wallpaper )؟ ويكون في مكان هم يركبونه
سؤال 2
لاحظت انه شي (trend ) .. تشترون سيراميك (كاشي) وتركبونه ويطلع شكله رخام؟.. شفت في Arte casa يبيعون panels كبار.. ترومون تحطونهم.. فـ ماشي فراغ بين الكاشي والثاني
مشكلتي.. ماحب الكاشي.. لانه ماحب يوم الكاشي شكله كاشي.. يعني المربع يكون محدد وجييه! .. بس ابا شي مات (مافيه لمعه) ..*ارمس عن الحجره مب الحمام* .. ولاحظت انه الأشياء المات تكون كاشي ومب رخام.. الا لو حصاه
سؤال 3
شو ممكن أحط عـ اليدار غير صبغ ولا ورق جدران ولا خشب؟؟ حد فيكم جرب شي؟؟
سؤال 4
شو رايكم في الشباري الى بدون headboard .. انا متخبله عليهم! بس امي مب مقتنعه فيهم
شمعة أمل ..
المشكله انه كل اللي انا اباه وقفوه .. عشان جيه ما اقدر اطلبه .. !
السؤال الأول .. بسأل وبرد عليج لأني انا طالب صبغ مب ورق جدران !
السؤال الثاني ..
انا شاري منه من محل اسمه التجهيزات المتحده .. في شارع المرقبات عدال الشايع ..
اتقولين له ابا جرانيت ( اللي يشبه الرخام ويكون زيرو جوينت ) وبيطلعلج اياه .. تقريبا الأسعار من 70 إلى 100 درهم للمتر !
انا اللي ماخذنه يشبه الكريما ماربل بس فاتح اشويه .. !
السؤال الثالث ..
واحد من الصباغين اللي سووا لي كوتيشن عنده شي يديد .. يحط ورق خاص مثل ورق الجدران .. ويصبغ عليه ألوان
فيه مثل النقشه ..
وبعد مري على ID Design عندهم صباغين داخل وصبغهم رسم .. !
السؤال الرابع ..
اذا بتحطين الشبريه بدون هيد بورد .. لازم اتكونين امسويه حركة في اليدار اللي بتكون عليه الشبريه ..
مثلا جلد مع خشب على شكل مربعات .. ويكون لين الصقف .. او مخمل مثل شباري The one ..و Home option
مري على هالمحلات ..
The One (مول الإمارات او شارع جميرا )
Home Option (الكرامه في نفس شارع البريد )
2XL
في ( uptown مردف أو مركز الغرير )
Unique ( العين مول )
بتحصلين وايد افكار واشياء يمكن تعيبج .. من ورق جدران .. اصباغ ..
انا الحين عندي خبره في الأثاث لأني يالس القط حق حجرتي .. ^_^
وفي محلات ثانيه بس السعر مبالغ .. يعني شبريه بخمسين ألف ..او اشويه اقل !
- quattro ورى مفروشات الملكة في زعبيل عنده اشياء غريبه !
- يلسه ( عدال بنك الإسلامي وين لامسي بلازا
وعداله فندق عود .. بس انمسح اسمه من مخي مع اني اطوف عليه دايما ) >> تذكرت الفندق اسمه موفنبيك كيف نسيته !
افكار ..
http://www.homegallery.ae/eng/items.asp?category=2
ID Design تقصد الى في مول الامارات ولا الثاني الى صوب المطار؟؟
the One يته فتره استخف كل شي أسود في أسود بس الحينه يايب اشياء حلوه.. شفت شبريتين حلوين عندهم
ID design في مول الإمارات ^_^
وعلى طاري الأسود تراه الموضه احين في كل مكان لازم اتحصلين اسود .. او اسود واحمر