مــجـــلـــس الـــســـيــارات

هي 400

احيد كانت عندنا يوم يديدة وكانت مب منتشرة ... وعلى أيامها سم

جماعة الفتكات موديل 2004 و 2003 على كم ؟
وصرفية البترول كيف ؟

ألم ترى.. اهداء لك

http://jalopnik.com/assets/images/ga...ce5f9a61_o.jpg

يعني لو خيروك بين ألتيما وبرادو شو تختار .. بغض النظر عن النيسان !

تدرون، لأني شفت واحد عنده ألتيما، باعها وخذ برادو ..

EML

كفو والله كفووو
هاذيل هم الي يعرفون كيف يطلعون جيمة السيارة و يستغلون قدراتها
اتوقع انها ديزل D=

والله انه هاك اليوم واحد ما طاع يقلص ربيعه في البر،، اونه ابويه قالي انه الجير بيخترب لول لو قلصت حد
خخخخخخخخخ



المزوحي

سؤالك صعب شوي لأنك تقارن بين سيارتين مالهم علاقة في بعض
الالتيما تتقارن مع الاوريون و الكامري

و البرادو مع الباثفايندر و النيسان باب واحد

المهم لو كنت انا الي بختار،، جان خذت البرادو طبعا لأنه فورويل

ذنيني حلاة السؤال صعب، عسب نشوف الرد

انا شو اللي خلاني أسأل، مب لأني انا ابغي اشتري موتر ومحتار

بس لأني شفت اللي عنده ألتيما تمت يمكن عنده سنتين والحين خذ برادو

انزين المزوحي بغيت اسألك عن الباجيرو الي عندك

اي مكينه عليها،، كم سعتها يعني
و شو رايك باستخدامها
كيف مشيها،، و بشو ممكن تقارنها من ناحيه القوة
واجهتك مشاكل وياها؟

سألتك لنه ربيعي يبا باجيرو كوبيه و ما اعرف حد عنده الكوبيه غيرك

الباجيرو اليديدة حلو شكلها الصراحة مغيرينها ويوم نزلت شفتها في الوكالة ...

لكن ماقدرت اشتريها لأنه موتري كمل سنة وكنت بسوي بيمة، وكنت افكر اغيرها ..

الموتر اللي عندي 3.0 وشي مكينة 3.8 اللي هي اقوى طبعا ..

لأنه رقم واحد فيها ليتات زينون .. خشب .. فتحه .. وكراسي يلد ومكينتها 3.8 بس شو .. موتري فنان والحمدلله

ماواجهتني مشاكل فيها .. لكن العزم شويه يباله .. لكن في البر فنان ..

وسعره هاذيج الايام 80 ألف .. اللي أغراني السعر الصراحة بالنسبة للي في السوق .. وإنها فورييل

ولو إنه وايدين قالوا لاتاخذ باجيرو مب شي والقطع غيار غالي ...

بس ياباني احسن من الكوري والصيني اللي طاحوا به بعد ..

يعني إذا ربيعك بياخذها سيارة حق المدينة والبر وصغيره ... وحليوه .. والقرار الاخير له ..

ويقدر يجرب سواقتها بعد

http://www.caradvice.com.au/wp-conte....thumbnail.jpg

شباااااب
أخوي يبي ياخذ موتر .. يعني ب180 او اقل ..

هو محتار الحين يبي ياخذ ال ألنفنتي اللي اكثر البنات يسوقونها الفورويل
او بياخذ النيسان مال اخوي العود .. ؟؟

شو رايكم

وفي موتر مثل الأنفنتي ...
يعني فورويل صغير

ما انصحه بالانتفنتي اللي تقصده ...

ليش؟؟

زين شو تنصح

سيارة فخمة أول ماتشوفها ويوم تسوقها تستانس عليها، لكن سيارة ممله مع الوقت .. يعني وايدين

اشتروها وردوا يبيعونها .... صح في شباب يحبون التغيير .. لكن عاد هالموتر بسرعه يغيرون عنه ..

ومن غير صرفية البترول، حتى لو بتقول وايد سيارات تصرف بترول ..

ضيجه من وراء .. وعلى هالسعر في بديل لها ..

أما على النصيحه عندك الجماعه مابيقصرون وياك ..

بس هو قبل كل شي يبغي سيارة أوربية وإلا يابانية وإلا أمريكية .. صالون وإلا فورييل ؟؟

ومن عقبها ممكن ننصحه بسهوله ...

الـ انفينيتي حلو و النيسان لا غبار عليه
موتر الكل يشهدله بالكفاءة "بغض النظر عن وجهة نظري الشخصية فيه"

خله يصلي استخارة و يلف على الوكالات
و يشوف السيارات الي بهالسعر و يختار الي تناسبه

بالنسبة لي اختيار السيارة مثل اختيار الحرمه،،
لأنك بتعيش ويا هالسيارة و بتكون فيها اكثر مما تكون ويا اهلك !
لهذا السبب افظل انه الواحد يسير و يشوف السيارة بروحه و يقتنع فيها بنفسه لأنها في النهاية بتكون سيارته، مب سيارة الي شاروا عليه
بس هالشي ما يمنع انه الواحد ياخذ راي الاخرين

المزوحي مشكور على ردك

راويته كلامك و يقول انه بياخذ الـ 3.8
بيصلي استخاره و ان شاء الله خير

هذا عنده مشكله
ما يقتنع بسرعه
وعادي باجر بيدخل بسيارة

..

الحمدلله زادوا راتبه واللي كان بياخذ الدراجه الأسبوع اللي طاف

ذنــيني 3.8 طبعا أقوى .. بس يقدر يختار 3 مواتر ومن عقبها يحدد، عسب مايستعيل ..

الشكل اليديد انتشر مثل ما الجديم منتشر بشكل كبير .. حتى السودء خبال، لكن تعرف مشكلتها !

لون العودي فنان ...

مجموعة انسان .. هزرك مايبغي اللاند اليديد ؟؟؟

بعد عشرة 5 سنين ويه الصالون صرت من مؤيدين الفورويل
وخاصة مكاين V8 الجبـارة ،، لكن لابد في
يوم بيرد الصالون ياخذ مكانه
كـ سيارة ثانية
:h_daleel:

مجموعة إنسان عند اللكزس Gs موتر فخم وحلو وقيمته فيه

المشكله
يبي فوروييل
وبعد
عدنا gs و is وال es
و lx

عسب جذي بيغير ...

شكله شكله اخر شي بيااخذ نيسااان ..

ما انصحه في النيسان

خله ياخذ شفروليه تاهو أو جمس يوكن

أو يترياا الكروز الشكل اليديد ..

يااااااااااااار الله هوندتي

امس دقت مكينتها =(
اليوم دخلتها الكاراج و قالوا ما تتصلح،، لازم ابدل مكينتها
يبالي 2.2 فيتك P=

سلامات ماتشوف شر السيارة ،، ماحيدك راعي خرشه في السواقه كيف دقت .. ماعليه الخير في اللي حصل
بس أحس السيارة من تتغير مكينتها ماتترقع ودايما تطلع فيها مشاكل يعني الله
يعينك في الفترة اليايه على الخطه اللي
بتمشي عليها

السالفة مب سالفة خرشة
الي صار يا طويل العمر انه السيارة طلعت تليّك آيل
لبق عندي ليت الآيل و قلت بوديها المحطه عسب يشوفون شفون
بس انا من هيازتي قلت بوقفها الحين و باجر بوديها،، ما ادري انه الايل تم يتسرب طول الليل !
يوم مشيتها قامت تنتفظ بشكل مب طبيعي و عقب شميت ريحه شي يحترق !
قلت اقرب شي لي حاليا هو سيتي سنتر عيمان و سرت وقفتها هناك،، من دخلت دخلة السيتي بندت السيارة لول

قبل شوي راد من الكاراج،، حصلت مكينتين مستعملات،، باخذلي و حده و ان شاء الله خير

نصور .. سر اي سكراب من سكاريب الافغانيه .. بتحصل مكاين هوندا مزوده ع كيفك

شرجاوي

وين يا رياااااال
مابا مكينه مزوده
ربيعي عنده مكينه 2.2 فيتك قالي شلها ببلاش، قلت ماباها
أدري بعمري اني لو ركبت مكينه قوية بتعيبني السالفة و بيلس ازود لول

حصلت مكينه نظييفه على 1800 درهم
خلاص خذتها و باجر الصبح بيركبونها

قبل أقل من شهر مريت بنفس الحالة كنت طالع وقضيت كم شغله ومره وحده ولع لي ليت وكتب لي ان الايل
ناقص مع انه اول مره يظهر لي قلت عادي تصير في بعض السيارات انه ينقص شويه
وقلت بزيده وانا راد البيت المهم الموتر مره وحده حسيته
يسحب ومشيه اوكيه
وعيبتني السالفه يلست ادوس وانا راد جنه حد يلحقني ومن وصلت المحطه اشوف دخنه تظهر من السيارة
المهم وقفتها بسرعه ونزلت ولا السيارة من تحت كلها آيل والدخنه تظهر من الايل
اللي ياي على الاقزوز وشليتها بونش ووديتها
الكاراج وطلع الآيل بمب
خربان غيرته واضطريت اغير التايم بلت مع اني مغيرنه من سنه وشي وكانت آخر مره أصلح فيها السيارة
والحمدلله بفتك من شي إسمه تصليح وكاراجات الفترة اليايه ،، على العموم
مبروك عليك المكينة اليديدة تتربى في عزك
وهالله هالله فيها اول
فترة اونك عاد مرنها عشان تحس انك مسوي شي يديد وتهتم في السيارة شويه بس في شي لازم
تاخذ احتياطك فيه إنك بتحتاج تغير وايد قطع في المكينة اليديدة وأقصد القطع
اللي تتبدل بشكل دوري عشان ماتعبك
وياها عقب

السلام عليكم ..
انا ابغي ابدل تواير موتري .. واخوي شار عليه بتواير ميشلان .. شو رايكم في هالتواير .. !!!!
انا مجرب يوكوهاما ودنلوب و بريجيستون على الموتر القبلي ..
بس اخويه قالي انه الميشلان اهدى وأحسن ..
الحين ابا أعرف هل الوكيل عنده ورشه يبدل فيها التواير مثل ورشة دنلوب اللي في بردبي مالت القرق .. ولا لأ ..
واذا هيه وين مكانها ..
افيدوني ..

هو السبب لأنها تليك آيل، وإلا إنه مابدلت الآيل في الموعد ؟

ولازم اتدلعها السيارة عسب ماتعذبك ..

شوف الرابط

http://www.traidnt.net/vb/showthread.php?t=402798

مايهزك ريح انا على موتري تواير الوكالة اللي هي يوكوهاما

وخلال تصفحي النت شفت استشارة عن الاطارات، شوف الرابط، وبنشوف رد الجماعة


http://www.gulf4cars.com/vb/t701.html

مشكور اخوي المزوحي ..
وبشوف رد الباقين ..

تواير ميشلان بالنسبة لي من افضل الاطارات على الاطلاق
ميشلان و بيريلي

انا كنت مركب على الاكورد تواير ميشلان،، بدون مبالغه استعملتها سنه و نص و لعنت خيرها الين ما تسحتت و مع هذا ثباتها كان مب طبيعي و كانت متماسكه جدا على المنحنيات

و يوم بدلتها بتواير بريجيستون اصبحت السيارة مش متماسكه شرات قبل و رديت ركبت ميشلان مره ثانيه

المزوحي على فكره هالمنتدى منتدانا و انا مشرف في القسم الفني لوول
بتحصلني خبير الانظمه الصوتية

=========

المهم

بالنسبة لسيارتي لا مبدل الايل من اسبوع
بس الظاهر انه شي ضرب السيارة من تحت،، خاصة انه الكفر الي تحت المكينه عندي مب موجود اصلا من يوم سويت حادث فيها آخر مره

"ذنيني"

وياك إن الميشلان يعيش تخيل اخوي ركبهم على الاستيشن ومشى فيهم أكثر من 90 ألف حوالي
سنتين ونص لثالث وبعدهم الشكل الخارجي أوكيه والثبات جيد بس طبعا
عمرهم الافتراضي انتهى من زمان فبدلهم
عشان ماتحلو السالفه
أكثر

بس شوف كل سيارة وكل استعمال له تواير تناسبه يعني انت ترتاح في الميشلان وانا كنت في سيارتي
ارتاح في اليوكوهاما ثبات وهدوء ويتحملون سرعات عاليه وعندك البريدجيستون
في انواع بوتنزا وتورنزا وكل نوع له سرعه وتحمل وهدوء
وجيه بس من أخس الانواع الدنلوب
مال كلك بصراحه

سلامات نصووور ..

بصرااحة من وجهة نظري حسن شي الميشلاان ..

سياارتي عليها ميشلان من الوكالة وبصرااحة ما فيها حشرة وثاابتة
والبارحة بدلت توااير الاستيشن وحطييت ميشلان بعد .. احس انه الموتر تغير لول

يعني هدووء وثباات ..

والدنلوب ماااا عليه كلااااااااااااااام لوووول ... 5 شهووور واسمممع الاصوات من كل مكااان .. ما ينفع لشي هالتاير

مشكورين اخواني .. على الردود الحلوه ..
بس وين وكيل ميشلان .. او ..وين احسن مكان عشان ابدل التواير .. فيه .. ويظبطون الميزانيه ..و ما يبهدلوني .. !!!! :ohboy:

خطاب .. الدنلوب ما ايواحيلك اتركبه إلا والأصوات تطلعلك .. من كل صوب .. :fa44:
صدقه الأسطوري .. تواير مال كلك .. :k_no:

اليوكوهاما .. مركب على الموتر من الوكاله .. مول ما ينفع ويايه .. مادري وايد ايطلع اصوات .. وحشره .. فعشان جيه ابغي ابدله ..وفكرت في الميشلان .. :whistling:

ما يهزك ريح .. احسن تواير للومينا .. تويو .. صدق فيهن ثبات مب طبيعي .. و ما تقول لا اذا اخترشت و بغيت اتشم ريحة دخان .. اخوي مركبنهن من سنتين تقريبا و لين الحين اوكي والله .. الدنلوب كجره مثل ما قالوا .. البريدجستون كجره بعد .. يوكوهاما اوكي .. ميشلان مول مب شي للومينا .. ما انصحك بالميشلان .. يا تويو يا تمشي عالرنقات ههههههههههه

شكلك بتحتار مايهزك ريح والحين عندك إطارات ميشلان وإلا يوكوهاما .. ودام إنه بتبيع موترك جريب، ليش تغير التواير

تواير الدنلووب تنفع يوم تبون تسوون ملعب ..
تحددووون الملعب بتواير دنلوب

مرحبا شرجاوي ..
الموتر عليه يوكوهاما 235/45 ZR 17

بس كملن جريب السنتين على الموتر .. وانا كل يوم اظرب خط جبل علي واتعرف .. ما اقدر امشي شوي شوي .. كل شويه احس انهن بينفجرن من سواقتي .. عشان جيه ابا ابدلهن .. >> زايغ يموت في الشارع الأخ ..

هيه والله يالمزوحي .. صدق محتار .. ارد اركب مره ثانيه يوكوهاما نفس اللي على الموتر .. ولا آخذ ميشلان ..

مجموعة انسان ضحكتني والله ..
..
ومشكورين اخواني على الردود .. ان شاء الله عقب العيد بسير ابدل التواير