اعتـــرافاتنا .. مع عيال زايد

بتخليني أرد الخاصيه بس عشان خاطر هالانتقادات ^_____^ ..

بس صدق اتكلم ، لو عندك ملاحظات أخوي تراني برد الخاصيه مؤقت ،
يعني لو ماكنت حاب تطرحها إلا عن طريق الرسائل الخاصه ..

كنت ناوية أنزل موضوع لهذا الغرض أساسا ..

اعتررررررررررف

اني معصبه ف الوقت الحاااالي

اعترف

اني مااحب البروود

اعترف
مااحب الانسان يكتم مشاعره ويخليهن ف خاطره

اعترف
ان محد ف الواحاات

آعتــرف :

لــي زمآآن مآ حدرت الوآحآت ,,

شــي مآل آووول لوول ,,

أعترف :
لمن تتوقعون شي سيء كان أم حسن ، وتلقونه صار ..!

أعترف :
مادري شلون ..

~

أعترف :
الود ودي أوقف الزمن شويه ، بس شويه ،
وأتم بروحي من غير أي شي ، ولا حتى نفسي ..

أعترف
اني مستانسه اليوم:biggrin: استلمت أول معاش في حياتي:biggrin:

أعترف
انه ماشي صدمني من داومت غير شي واحد! الريايل واااااااااايد وااااااااااااااااايد واااااااااااااااااااايد حساسييييييين!!!! مادري ليش يقولون الحريم حساسات ويزعلون بسرعه طلع العكس صحيح:boxed:
يزعلون على أشياء سخيفه الصراحه.. يضحّكون

أعترف
عندي وايد اشياء اسويها.. بس ماعندي وقت .. مول ماعندي وقت -_-

أعترف

بأن الأمس كان يوما عجيبا ..... والغد يوم لن أدرك ما يحمله لي إلا إن عشت لحظاته !!!

( أعـترف ) :

آنـي تعـبـآنه مب رآقده من امس غير سـآعتين ، خّـلوفي حشره ماشاء الله عليه

( أعترف ) :


25 - 11 -2009

~ كـآن يـوم مخـتلـف ، وصـل " خليفه " بـالسـلأمه وصـآرت آختيه " آم "

ورّب العـآلمين خذ آمانه انسـآن غـآلي جداً عليـنآ كلنا ، الله يرحمه ويغفر لـه

وهذي الدنيـآ آخذ وعـطى


( أعـترف ) :

هالـعيد كـآن غير لآني كنت عند ختيه ف المسـتشفى ، مـآحسيـت بـه



~ كل عـآم وانتـوو بخير =) " أدري انها متأخره " لـكن مثل مايقولون : للظروف آحكـآم

أعترف / الواحات عندي تصير أحيانا مادري شلون ،
بطيئة وتعلق الصفحات ..

~

أعترف / لمن نصادف شي جميل وقبيح بـ آن ، عند الشخص نفسه !.
بالأخص لمن يكون الشي الجميل قريب جدا للنفس ، والقبيح بغيض جدا إليه ..

مو مهديني غير الجانب اللي ما أملك الإستهانة به ،
لأن القبيح منه صدق أعتبره شي يفتقر للحياء والاحترام ،
ووقاحة ما تعدلها وقاحه ، شي ما أستوعبه أصلا ..

بس أظلني ما أقدر أقلل من قدر شي يستحق كل احساس خير ومعزه وتقدير ،
جدا شي غريب ، واحساس أغرب ، وحزن ..

~

أعترف / كله أقول لعمري ، ياربي شوللي فيج يستنكره عليج غيرج وانتي ماتدرين !.
تعرفون يعني ، كلن منا يشوف شغلات يعتبرها مثلا ما تليق ولا سلبية عشان يكون اللفظ شامل للمعنى ،
فأكيد بالمقابل كذلك الناس تشوف فينا شغلات بالمثل يعتبرونها مثلا ما تناسب ولا نرجع ونقول سلبية ..!

وبالأخير ، احتمال كل هالايجابيات والسلبيات تكون مجرد آراء شخصية ترتبط بأصحابها ،
ويظل الأجمل في كل ذلك لمن ناخذ ونعطي بهالأمور بسلاسة من غير أي ظنون سلبية ..

وبالأخير أعترف بإني تفلسفت وايد ..

أنامل ... حبيبة قلبي ... تفلسفي على كيف كيفج :)

أعترف ... أمس كان يوم أروع من الرائع .... الحمد لله

=]

عساها وناستج دايمه اختي ..

أعترف // وايد قمت أسأل ، ليـ متى ~ .!
وأرد أقول ، ليـ وقته ، وأرد أعاتبني على اللي مالي علم فيه ..

~

أعترف // أهو خير ، لكن النفس ماتحبه ،
أهو شيء مالنا بد منه ، وما نريده ..!

~

أعترف // على كثر الكلام ، لكنه يظل قليل جدا ،
مقارنة بما يغيب عنا من كلام كثير كثير لا نبوح به ..

وأعترف بالأخير // بإني مليتني !.

,

اعترف
باني سئلت امس وايد ،،

اعترف
باني غلطت بشي وهالغلط خلى شي يستوي مايعيبني

اعترف
انصدمت فيهم

اعترف
اني احبهم واغليهم ومكاانتهم بـ قلبي عااااليه وغاليه

اعترف

صح كانت الاجوبه مولمه بس كنت حابه اعرف

اقتباس:

---

المشاركة الأصلية كتبت بواسطة حلم الطفوله

أنامل ... حبيبة قلبي ... تفلسفي على كيف كيفج :)

---

والله صدق اتفلسفي ..

فضفضي ..

ارمسي ..

اكتبي ..

لا تكتمين اي شي ..

سواء كان رأي أو شعور ..

و خلي الي يقول يقول ..




ترى في ناس ماعندها ما تكتب عندها ما تشاغب