دير دياري ~ يوميات

http://oasis.bindubai.com/bin/upload...1231791297.gif

اليوم : السبــت
المود : http://oasis.bindubai.com/bin/images/mood/Fine.gif

الموضــوع :

برمس عن الويكـ اينــد
وبالتحديــد من ليلة الخميــس
فـ هاليوم اربيعتيــه يــت السكــن أخيــرن وخلصت امتحاناتها والصراحه من زمان ماقعدنا مع بعض ومتولهين ع بعــض http://www.swalfdubai.com/vb/medals/emi/wub.gif
ع السـاعه ٢ ونص فليل قالتلي مافيني ارقاد قومي نتمشى ،، انا ع طول قلتلها اوكي >> وهيه كانت تتوقع اقول لا http://www.swalfdubai.com/vb/medals/emi/smailes94.gif
المهم يينــا بنظهــر من الشقه سمعنا اصوات وحشــره يوم جيكنـا من البلكونه إنه مطــر وصبييييب ماشاءالله
نزلنا تحت وماشاءالله البنات متيمعــات تمينا اشوي عن خاطرنا ويوم خف المطر تمينا نمشي تحت المطر لين مابردنا وردينا الشقــه http://www.swalfdubai.com/vb/medals/emi/laugh.gif ،، وعقــب كملــنا يلســه فـ البلكونه اشوي اسميــه غــرق السكــن ليتها الجامعــه بعــد http://www.swalfdubai.com/vb/medals/emi/smailes94.gif

http://oasis.bindubai.com/bin/upload...1238273493.jpg


المهم انا واربيعتــه عندنا مخططــات إلا ونظهــر لنه من زمان ماظهرنا والقهر يوم الخميس بنرد البيت [ بوظبي ]
بس منوو يقول إنه ما بنظهــر هههه ،، والله من صباح الله خيــر يوم العرب يروحون الدوامات انا وهيه ناشات غصب >> شو حادنكن هههه
المهم نشينا ٨ وشي لين ما اربيعتنا اللي من دبي يــت مع ادريولهم ووصلهــا الدوام
وعقب مــر علينا >> عادي عندنا تصريح معاها ،، يانا تقريباً ع التسع [ وحليلها اربيعتنا تبا اتروح معانا بس قلنالها انتي عندج دوام ماشي http://www.swalfdubai.com/vb/medals/emi/smailes94.gif ]
وماشاءالله الجو كان رهيـــب وعيمــان غرقانه !

http://oasis.bindubai.com/bin/upload...1238273493.jpg


اونه اربيعتيــه اتقولي قومي بنغيــر وانروح حمــدان سنتــر اتقول اهناك فيه كوفي وبنتريــق >> احنا مشكلتنا ما اندل شي فـ عيمان غير السيتي http://www.swalfdubai.com/vb/medals/emi/smailes94.gif
المهم سرنا حمدان سنتــر >> الصراحه ما جفت غير محلات عبي
وحصلنا الكوفي امسكر ،، ويوم سألنا حد من اللي يشتغلون اهناك قالولنا اليوم اتأخروا وشكلهم بيبطــون عشان الامطار
>> احنا اللي مستعيلين ويايات من صباح الله خير هههه
المهم غيرنــا الوجهـه وسرنا صوب السيتــي قلنا ابركـ من انه يضيع يومنــا http://www.swalfdubai.com/vb/medals/emi/smailes35.gif

سرنا اهناك وماشاءالله نص بنات الجامعه اهناك وبـ اللاب كوت يايين بعد http://www.swalfdubai.com/vb/medals/emi/smailes39.gif ماعندهن سالفه
عاده انا واربيعتيه يعنـا من متى نبى نتريق قلنا بنسير ستاربكس بس الصراحه كان فيه وايد شباب
آخر شي قلتلها قومي انسير ناكل سينابون أبركـ والمكان فاضي اهناكـ

http://oasis.bindubai.com/bin/upload...1238273493.jpg

والصراحه شبعنــا http://www.swalfdubai.com/vb/medals/emi/icon13.gif

اتمشينا اشوي ف المحلات وعقب اتريينا وحده من ربعنا تمينا معاها اشوي فـ السيتي وبعديــن ظهرنــا معاها وردينا السكــن

وبس باقي احداث هاليوم كانت عاديــه

واليوم الثاني اليمعــه
ظهرنــا مع خالتيه سرنا المول منه انه انظهر العيال يلعبون ومنه انه انروح نتشــرى
حيــاتي سيف كان مريــض

http://oasis.bindubai.com/bin/upload...1238274119.jpg



وروضــه ههههه وحليلها عندها ضرس يرتقل وهب طايع يطيــح حاولت امطــه بس حسيت بيعورها قلتلهم ودوها عند دكتور اسنان احسن

http://oasis.bindubai.com/bin/upload...1238274119.jpg

لعبنــا اليهال ،، وعقب خلينا البشاكير معاهـم واحنا سرنا نتشــرى

http://oasis.bindubai.com/bin/upload...1238274119.jpg

عقب ماخلصنــا شوبينــج سرنا نتعــشى

http://oasis.bindubai.com/bin/upload...1238274351.jpg


الصراحه ماحصلنا مكان حيذا الويــه زحمــه !

أنا حبيــت هالشي وااايــد

http://oasis.bindubai.com/bin/upload...1238274351.jpg


أسكريم جيــز كيكـ


المهم فـ المكان اللي قعدنا فيه كان جدامنا بنيه ومعاها ياهل >> انا من النوع اللي ما احب اطالع الناس !
وفـ نفس الويه اتم اتلفت يمين يسار عشان ما احب حد يطالعني وانا آكل http://www.swalfdubai.com/vb/medals/emi/smailes94.gif
جان اتقولي ختيه جوفي جوفي هاي اللي جدامنا هب جنها تشبه فلانه اربيعتــج
انا لفيت اشوي جفتها ع ينب بس وقلت مادري يخلق من الشبه اربعين وختيه مصره هيه يعني هيه
وعقب يوم قامت البنيه جنه سارت تييب الطلبيه انا جفتها وقلت هيه والله وايد تشبهها
جان اروح واطرش مسج حق اربيعتيه وقلتلها هلا ،، اشحالج ؟ اقولج انا امشبهه ع وحده فـ المول ليكون انتي http://www.swalfdubai.com/vb/medals/emi/smailes94.gif
[ للعلم هاي اربيعتيه من ايام المدرسه وماجفتها من اسنيييييين وبينا بس مسجات ]
دقايق ويت البنيه وخالتيه وخواتي يالسين يجوفونها قالولي ها ها اكيه يت ،، مسكت التيلفون ،، تقرا المســج ،، ها ها اكيه يالسه اتجوفج ههههه ضحكوني والله

وسبحان الله ظهرت اربيعتيه وحليلها جافتني قبل وعرفتني بس استحت اتحرتني اتجاهلها افاا والله افاا انا هب من هالنوع

ردينا البيت ع الـ ١٢ امايه اشوي احتشرت علينا عن خاطرها ههه >> خواتيه اللي كانن يسوقن سرنا بـ سيارتين
واستوالنا موقف عند خدمه صف السيايير احتشروا علينا العرب لنه اتأخرنا اشوي وعرقلنا السير >> مافيهم صبر
+ وحده من خواتيه انشحفت سيارتها واتقول انه اكيد اللي ساقها هو اللي شحفها تمت محتشره بس يله شو بنقول ،، مكتوب !

:

واليــوم سوينا سربرايز حق اخويه [ اصغر واحد ،، بس هو ثانويه عامه ]
عيدميلاده

http://oasis.bindubai.com/bin/upload...1238274351.jpg

واحنا مشتطين وانولع شموع آخر شي ظهــر راقــد
وعقب سارت ختيه اتوعيــه واتقوله تعال ابســرعــــــه ،، وإلحـــق شو مستوي
الولد زاغ وفز من ارقاده

ويوم جاف الكيكــه ،، جان يعطينا ذيج النظــره ورد كمل ارقاده ولا جنه شي
>> هذي يزاتنــا الله يسامحكـ http://www.swalfdubai.com/vb/medals/emi/smailes94.gif لا وعقب يوم نش قال انا اصلن ما احب هالكيكه
اصلن الحرمه اللي سوينا عندها الاوردر كانت امخرفه قلنالها ماربل ،، وسوتلنا جوكلت

وبــس هاي أهم الاحداث فـ الويكـ اينـد
والحينــه الجو يخوفـ الصراحه http://www.swalfdubai.com/vb/medals/emi/smailes101.gif وانا روحي اربيعتــه محــد ،، الله كريـــم

>> ادري واااايد رمســـت

http://oasis.bindubai.com/bin/upload...1231791297.gif

اليـوم :

الآحـد


المـزاج :

فـآيـن

المـوضـوع :

الجـو مسـتوي غـرآم ، واللـه مب جـو دارسـة أبـد ، جـو حواطــه وبس ! . . .

حظهـم هـل التقـنيه أجـزوا فـهالأجـوا الحـلوه ..


امس وآنـآ يـآيه من العـين ، جآن اتذكر مـزن ، فقـلت لآزم اصور لـهـآ صوره

http://oasis.bindubai.com/bin/upload...1238328840.jpg

بدع بنت مسعـود كان زحمـه بـكل ماتحمله الكلمة من معـنى ، مافي جانس نـآخذ راحتنا فيـه ، بس كـآن وايـد وناسـه

والاجواء حلـوه ، خبـآل ، لكن اكتفينـآ بالمطالعه من بعيد بس :(

~

اليوم : عساس الأحد ..
المود : جدا .... .. ...... ~ !
الموضوع :

قمت اليوم عـ حشرة اختي واهي تقولي بإن أخوي اللي مر عليها اليوم ، يعني ما بنقدر نلبي طلب اختي الثانيه !
بغت نمر عـ أي مركز ونتشرالها لـ شغله محتاجتها بس شكلها بتنطر زياده ^^"

وووو تأخرنا اليوم عالوالده ، بس ان شاء الله باجر اهي بتينا ، ووووووووووو باذن الله يستوي اللي ابـ بالي ~
كانت قعدتنا اليوم غريبه ، سوالف الحريم صدق غير لول ^^" / تمو يدخلون بنقاشات مادري كيف وصلولها =/

مره عن زواج أصحاب البشرة المتناقضه ، وكلن يطرح رايه ، وعني أنا تفاجأت ابـ بعض الآراء صـــــــــــدق !!!!!!!!!!!؟
حتى من الحماس الزايد خاصه لمن اشوف راي موووول ما أأيده ، تميت أطرح شوي من آرائي بكل ثقه
وعقب انتبهت على عمري و استحيت عـ ويهي لول / صدق قفطه =#

وبعديييـــــــن يابو طاري جامعة العين والانتقادات اللي اسمعها دوم !
مادري اشمعنا جامعة العين بالذات ، وايد وايد وايد يحطون عليها ، حتى أهلنا بالكويت صدموني =$

,

اممم ، من يومين أحس نظامي بدا يتخربط فوق ماهو مخربط / ابـ شغله بالذات ..

,

قبل أكثر من نص ساعه مسكره عن رفيجتي اللي تمت بالأخير تحن علي ليمن أكدتلها إني بردلها خبر بعد ربع ساعه !
احليلها والله ، صدق صدق صدق وايد أحب لمن أقعد أناقشها بشغلات وشغلات وشغلات / جدا نستفيد ~
وعقب كلمت الوالد عساس اني بروحلها جامعة الشارجه باذن الله ، وأكدتلها بعد ما بطت جبدي بالحنه لول

بس وربي أحبــــهم كلهم ^__________^ ..

وووو صح نسيت أقول ، من كمن يوم باباتي ملزم إن اهو اللي يطبخلنا الغدا ،
يعني متهنين بطباخ أبوي ما شاء الله من كمن يوم ، صدق طباخه حلو ما شاء الله ..
الشغله الوحيده اللي ماحبها باللي يحضره ، إنه يحب يقطع الخضروات بأحجام كبيره ،
حتى مره وأهو يحطلي "أونه يبي يوزعلنا عـ كيفه" أقعد أتحرطم أونه مابي هذا
حجمه عود ابي ذاك والخ الخ / ليمن عصب ^^"

وهيييـــــــك :fa38: ~

http://oasis.bindubai.com/bin/upload...1231791297.gif
^

يحيـــكم :k_smartass:

:

اليوم : الاحــد
المود : http://oasis.bindubai.com/bin/images/mood/Fine.gif

الموضــوع :

اليــوم كــان يـــوم حلــو من بــدايتــه ،، وماشاءالله أمطــار الخيــر كانت تفتــح النفــس
>> بس ماكان جــو دراســـه :14:

و جفــت شي حلــو
وزين لحقــت عليــه وصورتــه بس هــب لين اهنــاكـ الصــوره

http://oasis.bindubai.com/bin/upload...1238361799.jpg

قوس قزح Rainbow


http://oasis.bindubai.com/bin/upload...1231791297.gif

طيـرآلغـرآم

جـدا ً ممتعـه يـوميـآتـج
^^
آستمتعت وانا آقـرآ عيشتيني آلجـو
:)

http://oasis.bindubai.com/bin/upload...1231791297.gif

^

تسلميــن والله ^ـ^

http://oasis.bindubai.com/bin/upload...1231791297.gif

TO Dear diary
Someone is dead exhausted from the uni pressure


:3:

اليوم :


~ الخميس

بـدآيـه ويك إنـد حلـوه

المـزآج :

عـآل العـآل


المـوضـوع :


اليـوم يـآيـه ومـزآجي آلعـب مع اليـهـآل وبس ، اتصلـت ف ختيه ، ظهري عيـآلج بمر عـليهم ،قـآلت لآ

ومب لآبسين ومـآ آدري شـو ، قلـت لهـآ برآيـهم ، آمـر عليهم يـعني آمر مايخصني :4:

مريـت عـليهم وسحبت حـمآده من عـند آمه وهـجوم عـبقـري فـ الحوش ، سـوينـآ حشره مابعـدهـآ حشره


http://oasis.bindubai.com/bin/upload...1238707570.jpg

قـآعده آقـول لـهم يالله بصوركم ، وشـوفوا عـبودي ~ شو قـآعد يسوي:fa46:

http://oasis.bindubai.com/bin/upload...1238707570.jpg

حمـآده قـلبي بـآجر بيكمل سنه ، آو خلـونا انقول بآنه كمل بمـآ انه دخلـنا فـ يوم اليمعه

قـآعد يـرآكض فـ ميلسـته ع طـول الحوش ، خبلـوبي شويه ، آيود مـنوه ولآ منوه ، طلع لـنآ ولد عـميه من بلكـونة غرفـته يوم سمع زعـيجـنـآ :fa56: ، آقول لـه حيـآك فـ بيـتنـآ ، يقـول آنا مب خبلـه آرآبـع يـهـآلوه

قلـت روووح مب منك يالخقـآق

خلآف يـتني فـكره جهنميه آلا وهي

http://oasis.bindubai.com/bin/upload...1238707570.jpg

آنـآ ماسـويت شي بس ركبـته فـوق سيـآره آبويه وخليـته يحبي عـليهـآ ، زين آنه ماشـآفني ابـوه :4:

http://oasis.bindubai.com/bin/upload...1238708097.jpg

مـآخذ رآحتـه الآخ واايد

عـقب مالعـبنـآ وعيـزنـآ وقـرب يأذن المغـرب وتـرجع آمايه ، جـآن اسحبهم الملحق ، مافيـَه تشوفني جيه مسوتبهم ، آونه يـهـآل مايقـهرون الله يرحم آيـآم ماكنـآ آنطيح ونـتكسر وننفلـع :k_harhar1:


http://oasis.bindubai.com/bin/upload...1238708097.jpg

وتـبقـى " دوم " ~ متـميز / يـآ ( عـبدالله )
ودآيـم غيــر :fa41:


http://oasis.bindubai.com/bin/upload...1238708097.jpg

آنـا في دآخلي " طفلـه "
~و آمـوت بضحكة " الآطفـآل "

:fa41:

أحبـــــهم


الله لآيحرمنـي منهم ، والله هم الوحيدين اللي لو كـآنت هموم الدنيـآ فوق رآسي ، شوفـتهم تـريحني وتطيب خـآطريه:fa41:

اليوم : اليمعه 3 \ 4\ 2009

المزاج : آحـآتي وخآيفـه

بـدآيـة ويك آنـد حزينه

امس كان عندي مدتيرم الحمدالله ظهرت من الامتحان مستانسه ،، خطفت وخذيت ريوق لخواتيه
ومن نحااستيه اندعمت السيارة والدريول يااابرروده افف قهرني

رديت وتريقنا وسولفنا من زمان مايلسنا رباعه ،،
عقب يوا خوانيه ومستانسين لانهم بيروحون العزبه ويا ربعهم وبيلعبون بالبقي والدراجات ،،
تمنيت اروح عنـدهـم
:sleepy:

/

وقعدت اطالع مسلسليه لين ساعه 5 وعقب رقدت شويه لين المغرب ،،
جـآن اتي ختيه توعيني وتقوليه اخوج سوا حـآدث ،،
انا ماستوعبت ورديت رقدت وعقب اسمع الحشره وتلفوني احترق ،،

جـآن آنش وادق لبويه وانا مش مصدقه وخبرني بالسالفه وقالي ان اخوج فـ الـعنايـه
:(
وانا خلاص مصدومه متحطمه ،، ابا اشوفه تولهت عليه ابا اطمن عليه
فدييتهم كلهم كانوا رايحين مستانسين وردوا ناقصيين ومهمومين
الحمدالله ياربي هذا ابتلاء من الله بس الله يعافيه ويقومه بالسلامه

\

كـآن آصعب يوم في حياتي
والأسوا من هذا كله أني انا اللي خبرت اميه
:(
الله يعاافيه ياربي دعواتكم

http://oasis.bindubai.com/bin/upload...1231791297.gif

^

الله يعافيـــه ويقــومـه بالســلامـه إن شاءالله !
وربي يفـرج همــكم بإذنه تعالـى

http://oasis.bindubai.com/bin/upload...1231791297.gif

^ اللهـ يعافيه ان شاء الله

ويقوم لكم شرآت قبل وأحسن أختي =)

اللهم آشفي عـمــر وعافه واعفو عنه اللهم رد اليه عافيته وازل عنه البلا ياسميع الدعاء ،،اللهم انا نسالك له الشفاء العاجل اللهم انت اللطيف بعبادك

طيـر الغرام و رمش الغلا

يزاكن الله خير خواتي
ومشكـورات
^^
والله يقومه بالسلامه

^
ماعليه بأس ان شاء الله


الله يقومه بالسلامه ، ويرجع لكم شرات قبل واحسن ..

^
يسلمـج يـ آالغاليه
ويزاج الله خير

الله يعافي لكم أخوج يا دمعة شوق

والله حاااااااااسة فيــــــج .. حسيت بهالشعور يوم أخويه سوا حادث


الله بيرده لكم مثل ما كان و أحسن إن شااااء الله