.
.
آمـَس سرت المجـَرودي
وخذيت " عينـآك يـآحمـَده " . .
.
.
عرض للطباعة
.
.
آمـَس سرت المجـَرودي
وخذيت " عينـآك يـآحمـَده " . .
.
.
دمعووو
استمتعي فيها
انا من اخذت رواية للحزن خمسه اصابع لين الحين ما قريتها
بدييت اقرى استمتع بحياتك للدكتور محمد العريفي ,,
وياسه اطاالع راوية صاحبة السمو الملكي اتشااور اقراها الحين
او يوم اخلص من كتاب استمتع بحياتك
اريد عينااك يااحمده ماا لقيتها :(
من زمان ما قريت شي :fa41:
شكلي انا بعد بمر المجرودي وباخذ ( عيناك يا حمده )
باخذ لج كوبي منها شواقه :fa47:
:
ابي أقرا كتاب حق غازي القصيبي ..
حد ينصحني بشي معين ؟
تــدرون . .
كنـت حاطه فـي بــالي فـ هالاجازه أقـرأ نص كـتاب عـ الأقــل كـ العاده يعني
لـكن ! منوه يقـول ؟
ولا مسيـت طشه
اصلاً هالاجازه كانت أسـتثنائيه ، كنت مسويه طاف للنت ، للفون ، للكتابه ، للقرايـه
لـكل شي . .
حاليا أقرا من الكمبيوتر الجزء الأول من كتاب [ وحي القلم ] لـ مصطفى الرافعي + رواية [ سيدة المقام ] لـ واسيني الأعرج .. >
> بما ان روحة المكتبة ابدا مو سهله بالنسبه لي لسبب بسيط جدا ألا وهي إن محد يحب إيي معاي المكتبة بحجة إني لمن ادخل ما اظهر !
وبالتالي صاير عندي ادمان عـ تحميل الكتب من النت ، منه اكتشف كتب يديده ، ومنه الحق آخذ فكره عن الكتاب واشوف اذا يستاهل اني آخذه !
وبعد ما أصف لستة الكتب اللي اباها أسير آخذهم مره وحده ، حتى لو قريتهم من عالكمبيوتر !
بس فعلا فعلا فعلا ، ماكنت متوقعه إني بحب هالكتابين لهذا الحد ، أصلا ماني مصدقه اني ما قريتهم للحين !
أنصح كلمن ما قرا هالكتابين [ وحي القلم بأجزاءه الثلاث + رواية سيدة المقام ] ان يلحق يقراهم بأقرب فرصه ،
وكأن المرء لا يملك إلا أن يسكر بـ نثرهم ~ ! // ما شاء الله ، وربي يرزقنا !!!!!!!!!!!!!!!!
:
هممم بنفس الوقت اقرا كتاب [ صحيح الحفاظ ] مما اتفق عليه الأئمة السته للدكتور عواد الخلف ،،
+ توني بديت بكتاب [ الواضح في أحكام التجويد ] للدكتور محمد عصام القضاة ..
بالنسبة لكتاب صحيح الحفاظ ، أنصحكم فيه ، وأهو يضم الأحاديث ـ مثل ما سبق وقلت ـ اللي اتفق عليها الأئمة السته ..
احس مادري من المفروض نكون مضطلعين على هالأحاديث وغيـــــــــــــــــرهم ، عالأقل بالقراءه // خاصه للي مقصرين مثلي !
بتحسون بشغلات كثيره وانتو تقرون الكتاب ، ما يحتاي أقول مفيد // أنصحكم به أكيد ..
مجزئنة بشكل يسهل على القارئ البحث ، واكتفى بالكتاب بمجرد لملمة هذي الأحاديث من غير الشرح والتفاصيل الأخرى ..
+ كتاب أحكام التجويد بعدني ما قريت منه غير المقدمه ، بس مبين عليه حلو !
يعني احسه صايغ الكتاب بشكل ميسر ، به مخططات ، صور ، أسئلة ،، ووووهيك .. !
,
سکون
من وین حملتیهم.
عطینی اللنک لو سمحتی
إمبلا أسمح ^^"
كاهي الروابط :
كتاب وحي القلم 1 //
كتاب وحي القلم 2 //
كتاب وحي القلم 3 //
رواية سيدة المقام //
وووو علمني اذا ابهم خلل ،
لأني حملتهم مره ثانيه للموقع !
,
قراءة طيبة ~
سؤال :
أحد قرا رواية شيفرة دافنشي [ دافنشي كود ] .. ؟!
وايدين يمدحونه بالنت ، بس أذكر لمن بديت فيه (من زمان)
ماعديت كذا صفحه ووقفت [ ماحبيت اكمله !
مادري هل لأني كنت اقراه قبل لا انام ، وبشكل عام اعتبر خوافه + احتمال اكون شوي مسطله مع اني احب القرايه قبل النوم !
ولا لأنها فعلا ممله ومعقده عالفاضي لول ^^" // اصلا خذتها من شفت العنوان ، ومافكرت فيها وقتها اذا كانت بوليسية ولا شسمه !
يمكن ماتجاوزت الـ خمسين صقحه ، وبالغصب [ هذا قبل اكثر من شهر ] ..
حسيته معقد ، مع انه معروف ويمدحونه وايد !
,
في مقطع استغربت منه //
اونه يروح يلحق مادري منو وجتله ، عقب يصلي لربه ويدعيه انه يغفرله ،
وبعدين يبدأ يعذب نفسه جسديا بحديده يربطها مادري شي جي ،
ويخليها مرات فتره اطول اذا اذنب اكثر لول استغفر الله
وانا مو عارفه شو السالفه لول
,
^
انا أحس روايات دان براون مــعقده! لازم تحجين راسج وتقرين الجابتر كمن مره عشان تفهمين >_<
انا مافريت شفيرة دافينتشي بس بديت بـ angels and demons وصلت ربع الكتاب بعد عذااااااااب عقب وقفت، لانه وايد معقد..
لازم نحن نكون فاهميـن وايد اشياء دنيويه خصوصاّ الاشياء المسيحيه وقصص ورا لوحات فنيه عشان نفهم شو يقولون! لانه احيد يوم كنت اقرى كانو يقولون اشياء حسيته غلط دنيوياّ احيد كنت اقرى وفي خاطري اقول استغفرالله استغفرالله!
بس بعد مازرت الفاتيكان وفهمت قصص كم من شي لو ارد اقرى هالروايه بالذات كون معظم تصويرها في روما بفهمها هالمره
اها ، هيك يعني // طلعت اغلب رواياته جذي :nerd: !
اشوه عيل ، قريب كنت باخذله كتاب ثاني بس زين اني هونت //
بما اني تذكرت تجربتي المره مع كتابه دافنشي كود :fa46: "
إي صح مثل ما تقولين ، حتى حاطه ابـ بالي في حال فكرت ارد له ، برجع اقراه من البداية لأني بكون = !!!!!
المشكلة إن فعلا صعب نستوعب الكتاب صـــــــح بدون ماتكون لنا خلفية عن الشغلات اللي يطرونها ..
اممم ، ماحب أوقف قراية كتاب لسبب إنه معقد او اني مو قادره استوعب // مو عارفه شو السالفه // قفطه :fa55: !
,
وووووو تسلميم عالاضافه شمعة ^^
~
هيه حتى انا ماحب أوقف لاني ماكون فاهمه
بس ويا كتبه هذا احس لازم يكون عندنا خلفيه
اممم أمس بديت ابـ رواية خلصتها اليوم !
بصراحه الله لا يبلاكم ابها ، ولا بأمثالها !!"
أحس إني لازلت بحالة ذهول .. !
,
,
لأول مره أفكر أقط كتاب ..
:glare:اقتباس:
المشاركة الأصلية كتبت بواسطة مزن هتان
يمكن نفسها الروايه اللي تقولي عنها سكون
^ يمكن والله ، لأني صدق فكرت أحرقها !
تدرين شلون لمن تكونين مقبله على مرض ، كيف تحسيبه جسمج يصير !
انا من قريت هالرواية أحسني جي ، واليوم عـ وقت الصلاة ناشه حاسة إن جبدي لايعه =[
صدق صدمه ، وكأني ثابته عـ هالحاله [ :k_shock_1: ] طول ما انا اقرا الكتاب !"
فعلا فعلا فعلا ربي لا يبلاكم والله ، انقرفت من الخاطر ..
,
في فضول داخل بطنييييي ... ابااااا اعــرف شو اللي قريتـوه !!!
^ مادري اذا اهمه نفس الكتاب ، بس صدقيني اللي عندي صدق صدق صدق = :oh: + :boxed: + :fa55: + :oh: + :k_nono: + :smile2: !"
والبلوه إن الكاتب عربي آااااااخ ويهي للحين مو مصدقه كيف شريت هالكتاب عالملأ ،
مع ان الاسم + الملخص مووول ما يوحون بإن الكتاب ممكن يكون قبيح لهالدرجه =[
كنت بنزل موضوع بكبره أوصف لكم فيه شعوري بسبة هالكتاب ><"
للحين جسمي يعورني + بطني + منقرفه + اتم اذكر فقرات وشغلات قريتها وارد :fa55: !
ثاني يوم انام فيه [ من بعد ما قريت الكتاب ] وانا مزهبه لوازم حالات [ لوعة الجبد والاستفراغ ] من حولي !!
حتى للحين مادري كيف كملت قرايه ، اوني بشوف لوين بيوصل الكاتب وشلون بتنتهي الرواية وياليتني ما جازفت !
+ في شغلات ما فهمتها سألت ربيعتي عنهم ، وووووتميت انقلها بعض الاحداث وإهي :wacko: !
ااااااااااااي والله ابي اظهر هالاشيا اللي قريتها من فكري =$
وسووووووووري لأني وايد اتحرطم ، بس معذروه وبقوه :glare: :glare: :glare: !"
,
لا يكون قريتي لإحسان عبدالقدوس ؟ لول
انزين بعدج ما قلتي شو اسمها الرواية ؟
مرحبااا
ماشاءالله عليكم .. تحبون القرايه ^^
سكــون
بسم الله قولي اي روايه هاي عن نروح وبلغلط نشتريها !!!
ههههه بس ترا صدق حالتج ماتنحسد ^^
بطلب منكم طلب .. اناا خاطري اقرا روايه بالأنجليزي ..
بس اخااف اشتري شي وتكون صعبه علييه ..
لأني ماجد قريت شي بالانجليزي ..
تنصحوني بشي سهل اروم اقراه واستوعبه .. !!
والله يعطيكم العافيه
خيتو العجيبه ، لا مو اهوه وما بقول شسم الكتاب =#
ما اتجرأ الصراحه ><"
..... :m_m7tar: ،
اختي همس ، إي والله حالتي ما احسد عليها =$
وووو عن الطلب ، فـ اممم بصراحه ما سبق وقريت [رواية] بالانجليزي ،
+ احتمال تفيدج اختي شمعة أمل أكثر ، أظن بيكون عندها فكرة أطيب عن الكتب الأجنية =]
وووو اسمحولي حشرتكم ^^"
سكون
كاتب و الا كاتبه ؟
انا الرواية اللي اعنيها لـ كاتبه
:: :: ::
بلشت بـ كتاب استمتع بحياتك لـ محمد العريفي و
توقفت عن القراءه فعلا ماني لاقيه وقت
^ لا اللي عندي كاتب ! والحمدلله انه كاتب !!"
ماتخيل تكون كاتبه ، كنت بنجلط مرتين لول ..
+ حلو كتاب استمتع بحياتك =]
سكـــون
هههههههههه معنى الفضول ذابحني اعرف اي روايه ^^
ياالله عيل في انتظار من يفيدني ^^
اقتباس:
المشاركة الأصلية كتبت بواسطة همس الوجود
اذا تسيرين المجرودي.. سيري قسم الـ teens وبتحصلين روايات مب صعبه ولا سهله يعني في النص.. وخذيلج شي يعيبج.. اقري الكفر من ورا :)
يقولون anne of green gables حلوو بس ماجد قريته
اخر كتابين خذتهم
The Art of War
:a058:
و كـ تثقيف للفترات الياية خذت
Good Husband, Great Marriage
:tounge:
شمعة امل
angels and demons امس شفت دعايته في السينما
اتوقع انه بينزل عندنا خلال اسبوعين
who will cry when u die
Robin S. Sharma
شدني.. مع اني ما أقرا كتب انجليزيه
قاريين رواية شيكاجو !
آخـر شي قريتـه أمس
http://www.adabwafan.com/content/thu...ma_alshedi.jpg
حفلة الموت - فاطمة الشيدي ....
امممم هالمـرة حولت على الروايات العمانية ، وبديت بهذه ....
القصة اقدر اقول اني سمعتها وايد من العمانيـات .. وخاصة بنـات ولاية نزوى
تدور حول الموت الفجأة اللي يعتبروه تغييـب لعالم الجن ، والجثة الموجودة عندهم مجرد جذع شجرة !!!
ما ادري أحس العمانيين يؤمنـون بهذه القصة ، وفيه قبور للمغيبين وقبور للناس اللي وفاتهم عادية،
وعندهم فكـرة انه ممكن المغيـّب يعود، وفي نفس الوقت يـتكلمون عنه بأنه مغيّب !!! يعني حتى لو المغيب رد بيعتبروه شي غير مرغوب به ..!!
اتوقع ايمانهم بسالفة التغييب هذه ، خلّت هالشي يصيـر واقع وحقيقي ....
اسـلوب الكاتبــة جدا جميل ... تشبيهـات واستعارات بزيــادة، تحسسكم وكأنكم في قلب الحدث تشوفـون اللي شافته!
حبيـت القصـة كتيـر كتيـر ...
شمعة أمل
ممم وين هذا المجرودي .. اناا حدي مكتبة دبي خخ :fa46:
هيييييييه اعرفهاا احيد عطونا اياهاا على ايام الفاونديشن فالكليه .. :k_special2: وامتحنا فيها بعد يبت 100 خخخ ^^
بس ان شاءالله باخذ على نصيحتج وبروح مكتبة الكليه وبشوف لو عندهم قسم TEENS
تسلمين غناتي .. :inlove:
المجرودي
موجود في فستيفال ستي و ديرة ستي سنتر
اهاا يعني ف دبي .. بس اناا من الشارجه .. ماضني حد يتفيج يوديني دبي .. :(
مشكووووره حبيبتي ^^
أمس كنا بالفستفال ، وكنت حاطه ابـ بالي ما أخطف صوب المجرودي ، من نقاط ضعفي !
بس اختي كانت ناوية تاخذلها كتاب ، وانا ما حبيت أقولها لا P=
آخر مره الوالده شافت كتاب [ رواية شيكاغو ] مفرور بـ غير مكانه ، عطتني محاضره =#
كل مره تشوفني أمر المجرودي آخذلي كمن كتاب ، ليمن وصلت لمرحلة إني أملك كتب للحين ما قريتهم !"
بس مــــــــاااقدر شوفو الاغراء .... ~ !
http://up2.m5zn.com/photo/2009/3/13/...5d33bd.jpg/jpg
استانسنا صدق ، لولا إن اليوم انقلب لـ فاجعة ، قبل لا ندخل المكتبة كان المركز ابـ شكل ، ولمن ظهرنا لقينا شكل ثاني :glare: !"
صدق صدق فجأة المركز انقلب زحممممــــــــــه ، والله لا يبلينا ولا يبلي أحد :glare: :glare: :glare: !"
,
اووووووو من الآخر ، خذتلي كتب فنية لا غير ، وان شاء الله بستفيد منهم كثر ما أتأمل =]
~
http://up2.m5zn.com/photo/2009/3/13/...m5huqo.jpg/jpg
http://up2.m5zn.com/photo/2009/3/13/...erukpo.jpg/jpg
وايد مستانسة عليهم :yes: ~
سككووون
اذا سرتي المكتبه اليابانيه في دبي مول شو بتقوليييين؟! رووووووووووووووعه 3> بس ناقصنهم كوفي شوب لول
انا آخر مره قريت روايه من فتره وايد مشغوله بالدراسه :( بس كانت لـ دانيل ستييل ونسيت اسمه بعد! لكن بس خلصت اول جابتر =s
من أحلى المواضيع و دايماً اقرا الردود بس ولا مــرة شاركت :icecream:
عموماً ان شاءالله يكون تفاعلي فالموضوع فعّال و نفيد و نستفيد ..
(1)
http://www.anaweeen.net/mimages/14/shekago.JPG
الاسم: رواية شيكاغو
الكاتب: علاء الاسواني
مكان الشراء: دارالشروق - القاهرة - ستي ستارز مول.. موجودة ايضا في دبي (المجرودي و مكتبة دار الحكمة)
الرواية حلوه، تتكلم عن يوميات و قصص شباب من مصر سافرو لأمريكا بغرض الدراسة والمواقف الي صارت ... الرواية تتكلم عن المصريين و هموم المصريين لكن اسلوب الكاتب جدا مشوق يخليك تندمج في القصة .. خذت مني حوالي 4 ايام عشان اخلصها ..
انصح بها .. :a042:
(2)
http://www.emirates-islands.org.ae/images/PICS/01.jpg
الاسم: رواية سهيل
الكاتب: الدكتور عبدالله الطابور (باحث في التاريخ الإماراتي)
مكان الشراء: مكتبة دار الحكمة - شارع الضيافة
الرواية حلوه، تتكلم عن أول شهيد إماراتي (قصة حقيقية) استشهد في أول يوم لإحتلال جزيرة طنب الكبرى .. اسلوب الكاتب حلو لكنه مايقارن بإسلوب علاء الأسواني، بس الفرق ان الرواية تحسبها ثرية بالمعلومات والمفردات المحلية و تفاسير لبعض التصرفات الإماراتية و عادات أهل الإمارات ..
خلصت الرواية في جلسة وحده ... حلوه و ايضا انصح بها .. :fa54:
(3)
http://images.amazon.com/images/P/07...1.LZZZZZZZ.jpg
الاسم: Richard Branson, The Autobiography (هذا مختصر للإسم)
الكاتب: Richard Branson
مكان الشراء: المجرودي
هممم،، الكتاب قديم وحلو.. يتكلم فيه عن حياته و مغامراته .. اسلوبه حلو و خباله يعيبني عشان جيه قريت عنه و عن قصته .. حلو الكتاب
(4)
http://ecx.images-amazon.com/images/...500_AA240_.jpg
الاسم: Princess
الكاتب: Jean Sasson
مكان الشراء: المجرودي
هممم، الكتاب ماعيبني وايد احس فيه اشيا غلط عن المجتمع السعودي ... الكتاب حلو للقراة فقط
---
حالياً أقرا
http://www.alriyadh.com/2008/09/04/img/049842.jpg
الاسم: عيناك ياحمدة
الكاتب: الغدير العذب (آمنة المنصوري)
مكان الشراء: دار الحكمة (شارع الضيافة)
الرواية إماراتية والكاتبة إماراتية .. القصة حلوه لين الحين تقريبا وصلت النص .. ان شاءالله يوم بخلصها بعطيكم رايي النهائي
و هذا كل شي للحين .... لي عودة ان شاءالله عشان اكمل :inlove:
عيناك ياحمدة
^ حياك الله أخوي ، وزين انك ذكرت رايك ابـ كتاب شيكاجو !
بعدني ما بديت فيه ، مريت بس عـ كذا صفحه وشكلي بكمله قريب ^^
وووو استفدنا من اضافتك ..
,
خيتو شمعه ، الحمـــــــدلله عيل إني للحين ما خطفت صوبهم ،
مع انج حمستيني لهم وايد ، بس مافيني لازم أقطع روحة المكاتب لفتره =#
~
يوم تقووولين شيكاغوو تقصدين الكتاب الى لماح حاطنه؟!
وانا تفكيري رااح بعييييييد! لانه شي مسرحيه اسمها شيكاغو موجوده عالميـاً ويابوها دبي من اظني ممم اربع سنين! والقصه عن سجينات الا ذابحه ريلها والى مادري شو مسويه p; عشان جي استغربتتت
من قتره كنت ماخذه هالكتابين
من دبي للتوزيع
http://oasis.bindubai.com/bin/upload...1237191821.jpg
الكتاب الاول اسمه: المريخ والزهرة معا إلى الأبد
للكاتب: جون جراي
الكتاب يتكلم عن الرجل وامرأه
وكيف يتفنون في التعامل فيما بينهم
الكاتب يعرض مشاكل حقيقيه او بنقول سوء تفاهم حصلت بين الزوجين
وبعدين يتطرق الى حل هذا الخلاف
جدا مفيد للي مقدم على الزواج
بس انا حسيته ان اكثر شي للمعرسين او الي قريب بيعرسون
بس قرايته وايد ممتعه
--
الكتاب الثاني: لغة الجسد
"كيف تقرأ أفكار الآخرين من خلال ايمائاتهم"
اول مابديت اقراه واايد شدني
يتكلم عن كل حركه يسويها الشخص وشو معناتها
واكثر شي لفت انتباهي انه ذكر عن الفقاعه الي نحن نعيش داخلها
وهذي الفقاعه تعتمد على المكان الي نحن نشأنا فيه
ان كنا في الريف او في المدينه
يعني مانسمح لأي حد انه يتعدى هذي الفقاعه ويتقرب منا وايد
واذا تقربوا وايد نحن بنحاول نرجع على ورا وهالشي بيسبب التوتر في الحديث
بس بصراحه !
وايد كرهته
لاني واايد قمت الاحظ الشخص الي جدامي وشو يسوي وقمت افسر واطبق الي اقراه
احس انه يخلي الانسان في حالة وسواس وشك !!
عسب جيه ودرته وماقمت اقراه
====
حاليا اقرا كتاب اسمه Best of Enemies
لثلاث كاتبات
http://oasis.bindubai.com/bin/upload...1237191971.jpg
شدني العنوان والملخص
بس في صفحاته الاولى كله يتكلم عن البزنس !
لانه ريل هالحرمتين رجل اعمال معروف
ويتكلمون عن شركته في البدايه
بدايته ممله جدا لان ماعندي ميول في البزنس
بس اتوقع الاكشن بيي قريب
دام ان فيه حرمه اولى وثانيه :icecream:
ما قـرأته بعد حفلة الموت ...
ملامـح ، لـ زينب حفني - سعودية
احس اني ضيعت وقتي في هذه الرواية، واللي كان يخليني اكمل، النهاية ... انتظر نهايتها ... التي جاءت مملة وروتينيه بوفاة بطلة القصة ثريا بسبب المرض والشيخوخة
وثريا هذه عاشت طفولة بائسة كما تعتقد لانها تنتمي لعائلة فقيرة نوعا ما! فكانت تتطلع لحياة الغنى والثراء
تزوجت زواجا تقليديا فكان زوجها يحمل نفس الطموح ، فحققوا مبتغاهم بطريقة أبخس من البخس نفسه .. باعوا شرفهم وكرامتهم
في النهاية خسروا الحياة الآمنة المستقرة، بعد طلاقهم ، و ولدهم الوحيد تركهم ( برغبة منهم في البداية ) وبعدها برغبة منه هو ...
بالمختصر ... حياتهم كانت تافهة ... وطريقة سردها المملة والروتينية المصحوبة بأوصـاف مقززة في بعض المقاطع تحسسك كأنك تشوف فلم اباحي :crazy:
باختصــــار : روايـــــة تستحق كل الانتقادات اللي وجهت لهـا ، وانا لين يومكم مستغربة من قواة عين الكاتبة
اللي شفت لها مقطع في اليـوتيـوب تقول عادي ما فيها انحطاط او انحلال خلقي :/
بنظـري ...... الرواية ممكن تفتح اعين الناس لأشياء ما كانت على بالهم ، وحب الدنيا والمال والبعد عن الدين
أمور ممكن توصلهم للتفكيـر بنفس طريقة ثريا وزوجها للوصول للثراء والمـال والرفاهية :wacko:
الروايــة الثانيــة
كنت ادور لها صورة وما لقيت... اذا لقيت برجع احطها :k_harhar1:
كتابج بنت الدلع : لغة الجسد ، خذته السنة اللي طافت كهدية ، بس قبل ما اوديه تميـت اتصفحه يمكن ليومين ..... حلو ويشـدج في البداية مثل ما قلتي .... لكن بعدها لاحظت اني بديت اراقب الناس فـحمدت ربي ما قريته ولا تمعنت فيه !!
كتـاب شيكـاجو اللي طرته سكون وبعدها لمـاح ، ما قـريته ، بس علاء الاسواني ... كاتب يستاهـل نقـرا له ... :k_smartass: