اسأل وفكر بصوت عالي !

مرحباااا

اسمحوولي عالتأخير يا حلوين
كنت مسافره في هالفتره
واليوم ان شاء الله برد بشكل عام على الاأسئله المتكرره

اول شي بخصوص سؤال الاخت دمعة شوق
شو الاحسن توفل ولا ايلتس

التوفل امريكي
والايلتس بريطاني

التوفل مايقيس مستوى ذكائج لانه غبي
الايلتس يقيس مستوى الذكاء ويعتمد على الاشيا الي خذناهم في المدرسه والي بتاخذينه في كلاسات الجامعه

اغلبية الجامعات يبون score التوفل 500
والايلتس 5.5

التوفل فيه 3 اقسام
Listening, Grammar, Reading
اول قسم 25 دقيقه وثاني قسم ما اذكر
واخر قسم 45 دقيقه ويضم 5 فقرات كلهن قرايه

الايلتس هممم على حسب علمي 5 اقسام
Speaking, listening, Reading, writing
وو شي رايح عن بالي

التوفل مافيه كتابة essay
اما الايلتس فيه ولازم تكتبين موضوعين

التوفل اصعب من الايلتس بشكل عام

سعر التوفل يتراوح بين 200 الى 300
والي يبا يسوي توفل كمبيوتر الي هو الـ IBT
سعره يا 700 او 750

الايتلس سعره 750
وممكن تمتحنونه في المعهد البريطاني "برتش كاونسل"
أو
في كلية تقنية الشباب الي في دبي
ومكانها في الرويه عدال جامعة زايد


هالاشيا الي عندي بخصوص التوفل والايتلس
ادري طولت بس عشان تاخذون فكره عامه عنهم

وعن سالفة الاصعب والاسهل هالرمسه من آراء البنات الي درسو وامتحنوا الاثنين

والله يوفقكم ان شاء الله

الـ AUS
يبون score التوفل 530 لشهر 9

وشو فايدة التوفل ؟

اذا من اول مادخلتي الجامعه وانتي عندج شهادة توفل
بتطوفين سنه كامله
الي هيه سنة الانجليزي
مثلا في جامعة زايد
عندهم شي اسمه الـ Readines Program
وهالبرنامج الفاصل بين مرحلة المدرسه والمرحله الجامعيه
ويتكون من levels
من 3 لين 8
ويتم اختيار لفل الطالبه على حسب معدلها في السيبا
وعلى حسب كم يابت في التوفل
وكل لفل له سكور معين عشان تعديه
ويوم توصل لفل 8 لازم اتيب الـ 500
فاذا البنت اوريدي عندها شهادة التوفل مابتحتاج لهذي الخرابيط كلها
بس مثلا لفل 8 يهيء الطالبه على الدراسة الجامعه يعني منه فايده

اذا من اول مادخلتي الجامعه وانتي عندج شهادة توفل
بتطوفين سنه كامله
الي هيه سنة الانجليزي


^^ هالكلام نفسه في جامعة الامارات ولا ؟!

no idea

يمكن خيال الحب يقدر يفيدج بخصوص جامعة الامارات

بنت الدلع
الحمدالله على سـلامـتج :)
مشكوره فديتج وماتقصرين
شكليه الا باخذ الايلتس

\\

العجيبـه
ربيعتيـه ماخـذ الايلتـس ويابت فيه تقريبا ً 6
وقالت انها بتدرس تأسيسي وبيحطونها لفل 3 وبتاخذ مادة من التخصص

بنــت الــدلع ..

وإذا دشيـت جامعـة زايــد .. وحطونـي في إحـدى الـ levels ..
وأنـا بنـص المرحلـة .. خـذيت شهـادة التـوفل ..
ساعتهــا .. بيعـدوني ع بـاقي الـ levels .. ولا بتـم أكمـلها لأني تـأخرت عليهم بـشهادتنـي ..؟!



ووومشكـورة الغـاليـة .. ^_^

دموع قلم
خله نفترض انج لفل 6
وقبل لاينتهي اللفل انتي يبتي الشهاده
بيخلونج تكملين لفل 6 وبعد ماتخلصين بيسوون لج امتحان لفل 8
الي اسمه الـ chaleng
واذا عديتيه بيدخلونج جنرال على حسب عاد في اي سمستر
الجنرال عادة في 20 اسبوع
ممكن تاخطينه مكثف في 10 اسابيع او اذا في بدايته بتدرسينه في 20 اسبوع واللي هو الافضل

واذا ماعديتيه ممم مادري شو بيسوون لج

يا حلووييين انا ابي اسألكم عن جامعة مدل سكس
هل هي معترف فيها او لاء
او اذا هيه شو نسب الثانويه الي تقبل بهم
واذا نسب منخفضه شو التخصصات الي عندهم
وسلامتكم ^_^

^
هي معترف فيها في لندن لكن هني لا
يعني
هي جامعه معترف فيها وتييج شهادتج من لندن .. يعني بينكتب في شهادتج انج انتي دارسه في لندن مب دبي لانها فرع جامعه بريطانيه .. ف شهادتج تيي من عندهم .. يعني شهادتج تكون أقوى من لو كانت معترفه في الامارات .. لانه لو اعترفو فيها هني بيكتبون في شهادتج دبي بدال لندن

عن النسب ماعرف وبصراحه ماشوف انه مهم بس انصحج تاخذين التوفل ولا ايلس عشان يطوفونج الانجلش واذا انتي اكبر عن 20 مادري 21 بس تدرسين 3 سنين باكلوريوس
غير انج انتي مواطنه .. ف بيسوولج اكسبشن لانه هم يبون مواطنين زياده
والتخصصات .. بزنس ويا انواع البزنس
ميديا ويا انواع الميديا
كمبيوتر
وسايكولوجيي الى اظني تسمونه علم نفس بالعربي؟ لول ماعرف

بنـت الدلـع ..


اممممم ..
ليـش في 20 أسبـوع هـو الأفضــل ..؟!
عشـان مايكـون ضغـط عـلي ولا ..؟!

20 اسبوع = سمستر واحد في جامعة زايد
لو تسوينه بهالطريقه بتكونين منظمه وتعرفين بالضبط متى بتتخرجين .. يعني بتتخرجين في اخر سمستر ومب نص سمستر .. غير انه مجموعة البنات اكثر ف بيكون عندج خيارات اكثر من ناحية كلاسات وجي عن الى يبدون في النص

انتي خذي التوفل وسيده دخلي جنرال عشان تفتكين .. غير انه بتتخرجين في 4 سنين .
الردنس بهدله و *ملل* .. وبياخذج وقت اكثر عشان تتخرجين

شكرا شمعه
يالله ايوافق عليها

أقووولكم

حد يعرف شي عن الجامعه الكنديه في دبي الى ورا شارع شيخ زايد وعدال french bakery ؟

هيه الي عرفته انها يديده وشهادتها ومب معترفه
وتوهم ما خرجو دفعات
لاحد يجازف

انا مافكر أسيرلها بس مستغربه .. مووووول محد يرمس عن هالجامعه .. توني ادري انه عندنا هالجامعه في دبي p=