تــــويــــتر الــــواحــــات

شوق القلوب ،، ممكن اعضاء يداد يشاركون، بس المواضيع ماتكون فيها حماس أو حتى محد بيشارك منكم، لأنه

في ناس يديده، لكن مواضيعها كوبي بيست من النت



مايهزك ريح كلامك صح، انا يوم اطلع ما احب ارد على المسجات إلا إذا شي ضروري، مب حلو الواحد يتم دوم اموخي

او إذا كنت مع شخص مب حلوه اتم تتطالع الموبايل وهو وياك، عاد إلا إذا هو تم يتعبث بموبايله، بنتم نحن الاثنين

كل واحد يلعب في موبايله ولو ما طلعنا احسن

^
هههه حلوه التوحد


احسسس هالبلاك بيري ماسوو خير ف الاوادم

انا هالجهاز للحين مششش مقتنعه فيه ولا داخل مزاااجي..



دام في كم عضضضو يدخل خير ونعمه ..

مهابه انا خذته من شهر تقريبا مب وايد وياه الصراحه ولا مقتنع منه، مع إنه الكل يقول بالعكس يقرب وايد ناس منك وتكونون على تواصل، يعني الحين البلاك بيري هو اللي فيه خير

وعندي كذلك الآيفون واحلى عن البلاك بيري ، وعندي جهاز ثالث بس عادي

مســـــآكــمـ و ر د ~ :h_ttmasha:

الموضــوع كله يبالـه أفكـآر يديــده وتـعاون مشتركـ بين الأعضـآء الجدام عشان يتحمسـون الأعضـآء اليــداد !
ولازم قبل كل شي وسيلـة دعايـه عشـان نجذب أعضـآء يـداد ،، وهـذا كله مايقدر يسـويه عضـو ولا كمن عضو !

المزوحي :

وانا ما احب اختلط ويا الناس
ع قولتهم فالبيت : وغده لووول

عسسب چيه ماخذته ، حلو الواحد يعيش حياته بخصوووصيه بين اهله وبس
اما ف البي بي تعرررف كل شي عن كل حد وهالشي ما احبه

ع قولة مادري منوه:

وش علي انا من الناس
وش على الناس مني




طير :

آحس الواحات مابترد شرا قبل
اعضاءنا شوبّوا خلاااص

وماصاروا الناس يشتركون ف المنتديات شرا قبل
احين فيس بوك و تويتر ووو

لعبت بالاي باد و الاي فون و اصابعي اضعفت من البيبي "و عيوني ولّت منهم"
بس بعدني ماصبر عن الواحات الا فالشديد القوي، و ربي لا يغيّر عليه =)

حيّ الله الخميس، و نهاية أسبوع سعيدة للجميع بإذن الله تعالى

السلام عليكم

اشحالكم ؟؟؟

مهابه انا لو عندي بلاك بيري ما احط التفاصيل، الشخص هو بنفسه يقدر يختار اللي يباه صدقيني، يعني ان سرت الكوفي على سبيل المثال، ممكن اصور لكن مب شرط احط الصوره في نفس الوقت

او اكتب انا وين، في ناس على كل حركه بيقولون هم وين سايرين


مزن مبروك عليج الخميس


طير الغرام او اللي عنده فكره، ربيعي عنده canon 450D ويبغي عدسة ماكرو، فهو كان يسألني، قلت له بسألك ( على أساس الواحات ) يقول حصلها بألفين، انتوا تتعاملون مع حد معين او السعر يكون أرخص

وقال شاف في موقع كام فور سيل ، بس ياليت تفيدونا

وشكرا

^

وعليكــم الســـلام والرحمــه ،،

يعتمـد شو العدسـه اللي يباهـا سيجما ولا كانون
عن نفسي أستخـدم عدسـة السيجمـا 105mm لـ الماكــرو
وإذا يبى عدسـة ماكرو من الكانون نفسهـآ أنصحـه بـ Canon 100mm f/2.8

وبخصوص الأسعـآر الكيمرات وأغراضهـا يتهـم فتـره وأسعارهن غلن
ومن تجربـه شخصيــه محل الفلك اتحصـل عنده أحسن الأسعـآر مقارنـة بـ المحلات الثانيـه
وبعـد كام فور سيل أسعارهـم حلوه بس يفضل الواحد قبل لا يطلب منـه يجوف كم الفرق اللي بيوفـره إذا خذ من برع ومن اهنيه مرات يكون فرق ١٠٠ فـ أحسه مايرزى
وفي مواقـع ثانيـه إذا حب يطلب أشيا ثانيــه

http://www.bhphotovideo.com/

http://www.adorama.com/

أنا جربت الموقع الأول

^_^

مسا الخيررر

شحالكم يا ال الواحات عساكم الا بخيرررر

واخيرا ... اليوم الخميس ..
وجان احجز للسفر حق شهر 3 .. وبسير المانيا وبلجيكا ^_^!!
اسبوعين كله حواطه .. اففففففففف احس اني من زمان ما سافرت ..

هي اتصدق يا مايد.. حتى انا حسيت انك من زمان ما سافرت.. كنت دايما ماشاء الله بين فتره و الثانيه اتسافر،،

عساك تستمتع في هالرحله ان شاء الله

السلام عليكم

اشحالكم ؟؟؟

مايهزك ريح enjoy brother


شو اليديد بعد ؟

ان شاء الله استمتع ولو انه استوالي شي بايخ ومنقهر وكنت بكنسل .. بس هديت اعصابي ..

شهر 3 كل حد بيسافر ><

سويسرا ولندن >< من الحين موزعين عيالهم لول


بالسلامه يا خوي

مساء الخير :fa35:

لاتطرررولي السفر. قلبـــي يعوووورني

بيساااافرون وبيخلووووني انا وبيشووو الروحنـا =(


اغلبهم بيسافرون باجازه المدارس والجامعه ، اهلي بيروحون الصصصين ، وحد العمره
و بــعلي بيروح لندن لـ مهمه مايعررف مدتها كم :(


وبتم مهـابه الروحها ، لولا انه بنتي بعدددها صغيره چان سرت ويا اهلي

.




مزن :

مساچ جوري

من زمااااان ما سمعت اغاني بس قبل فتره بومبا سمعتني اغنيه راشد الماجد - قدر

وع طوووول يييتي انتي ف بالي، اسمعيهااا


.




.

السلام عليكم

واخيررررررررررررررا الخميس


هممم

كل مره

لكن بغيت اعرف حد متحمس هالشهر حق الراتب ؟؟؟؟


حاطين في بالكم تصرفون جزء منه حق شغله معينه ؟

وياكم الاحد يا المزوحي !!
خبرنا شو سويت ؟

انا في اول يومين صارف 15 الف .. بعدني مب مصدق .. !!!!
وياليتني اشتريت وايد اشيا ..

السلام عليكم

هيه والله شوق القلوب ويانا الاحد، الجمعه ظهرت مع الربع كان يوم جميل الصراحه اما

امس مايهزك ريح سرت ابدل تواير الموتر، اوني بسير اسوي روتيشن وهم يشوفون التواير اكتشف

الموظف مسمار ، قلت بدال ما ارقع التاير ببدلهم كلهم

بس تعال كيف تصرف 15 ألف ، والله ادري إنه الفلوس بسرعه اتطير، ما اقولك لا

وهذا وانته تكون مب مخطط تشتري شي، عيل كيف لو تقول ابغي الشي الفلاني

بس يحتاي تدخل في جمعيات :vampire: مع إني انا ما احب اشترك في جمعيه ومرتين بس اشتركت

المهم سو لك حساب توفير وخله ، وانساه بعد

انا كنت ابغي اشتري لبس حق الصيف

شو اخباركم بعد ؟

مهابتي، وصل اهدائج :inlove:

يقولوووون في وحده زعلانه مني ...!

وهذي حقها :a074:

حقج علي خيتووووو

مادري البيزات كيف تنصرف .. دايما ما احسب.... بس هالمره لأنه ورى بعض حسبته ..راسي عورني ..

مايهزك ريح انا وياك والله، والواحد مابيبخل على عمره لو في خاطره شي،

بس اول حركه تسويها اول ماينزل الراتب جزء منه خله دايركت في حساب ثاني

سواء نفس البنك اللي ينزل منه الراتب او حساب في بنك ثاني

وعقب اصرف اللي تباه وبعد لو تقدر تخلي جزء في نفس الحساب

يعني لاتبخل على عمرك وفي نفس الوقت حاول تيمع

مادري انا افكر افتح في بنك ثاني بعد

اصرف ما في الجيب ياتيك ما في الغيب
و مثل ما يقولون السعاده تنشرى بثماني
:m_atmasha:



اقول العيشه في بوظبي ممله جدا نفس الشعور في سنه 1995
و الحين ردينا لها للاسف هههههه

ما يهزك ريح: الله يعينك ><

أنا من الناس اللي أصرف 50% من المصروف و أكثر في أول يومين من الشهر على أشياء مب لي >< يعيبني أشتري للغير أكثر عن عمري


الواحد ما يقصر على عمره بس مرات لازم يحاسب (يحاسب ما قلت يستوي بخيل) و لو دققنا في مشترياتنا بنكتشف إنه نحن غالبًا نشتري أشياء ما لها داعي و الدليل إني شارية أِشياء من سنة و شي وما استخدمتها ولا مرة و تامة بكراتينها و أجياسها ==> لو بس نحط في بالنا إنه كل فلس بنتحاسب عنه، بنخاف شوي و بنفكر قبل لا نشتري شي

والحمدلله ديننا موضح لنا كل شي حتى أمور الصرف .. الله سبحانه و تعالى قال في كتابه : "وَلاَ تَجْعَلْ يَدَكَ مَغْلُولَةً إِلَى عُنُقِكَ وَلاَ تَبْسُطْهَا كُلَّ الْبَسْطِ فَتَقْعُدَ مَلُومًا مَّحْسُورًا "

^
صح اختي قصايد اللي صرفته مب لي للأسف ..

المزوحي .. انا لو ما اسوي اللي انته اتقوله اني احول بيزات على الحساب الثاني ولا جان لين آخر الشهر انا على الحديده

السلام عليكم

الخميس



صريح شو السالفه ؟؟؟ اطلع من بوظبي وتجول في الامارات الثانيه وخلك عنك موضوع العيشه

قصايد غلا .. صح كلامج .. المشكله انه الواحد من يطلع من البيت ويتجه للسوق كل شي يبغي يشتريه، بس الواحد يحاسب

نشتري شغلات بالدرزن، ونحن عندنا من اللي خذناه

مايهزك ريح الله يعطيك العافيه

اخويه ما يهزك ريح: تعرف شو الحل لهالطبع "المشترا للغير" الحل الوحيد انه نؤجل هالمشتريات (المب ضرورية) لين اخر الشهر ، يوم اسوي جذه احس انه هالشي احسن و أريح لأني ما بحاتي كم باقي عن الشهر



المزوحي: للأسف أنا أحط في بالي اشياء بشتريها و يوم اطلع اشتري اشياء ثانية، بس زين لأني احيانا استفيد من هالاشياء لو احتاجها فجأة ألقاها موجودة عندي من قبل

اليوم الأثنين ... ماشي يديد .. بس دخلت اسلم ^_^

الله يسلمك

انا امس مريت سانت ست مول في جميرا .. وعقب مريت على مدينة جميرا اجواء المطاعم حلوه

هلا والله ... شخباركم...؟؟؟

حلو هالمول المزوحي ..؟ بعدني ما سرتله... بس جنه فيه كم محل عبي !!

فيه شي مميز عشان انسير له المزوحي ..

السلام عليكم

اشحالكم ؟؟؟


شوق القلوب + مايهزك ريح ( مافي شي يستاهل لحد الآن ) لأنه اغلب المحلات بعدها مافتحت

بس لأني مار نفس الشارع ، قلت بنزل أشوف، بس مايستاهل العنوه .

شوق القلوب هيه في محلات عبي ..

صباح الخير :11:
و أخيرا الخميس

السلام عليكم و رحمة الله و بركاته


وين الناس :fa54: ؟ عسى المانع خير

وعليكم السلام والرحمه
مرحبا اختي مزن ..
نحنا هنيه ندخل ونطلع

السلام عليكم...

شخباركم اخواني ...؟

يالله كيف الجو مستوي هالايام... الله يعينا على هالغبار...

والله الواحد قام ياجل مواعيده بسبته...

المهم... شو يديدكم ؟

ما يهزك ريح & شوق القلوب

عساكم بخير، احس المكان يخلى شوي و احيانا اكو حس
طير الغرام و المزوحي مالهم حس عسى المانع خير

باجر الخميس :fa41: خالتي مع اهل زوجها بياخذون عمره و رفيجتي السعودية
كذلك باجر طيرتها لمكة بياخذون عمره ربي يسهل عليهم عمرتهم و يتقبلها منهم

:fa36: وين الجمااعه لاحس ولاخبررر

انزين لو منخشين في مكاان خبرونااا بنروح وياكم

ترا حشررر مع الناس عييد:3: