-
<font color='#000F22'><div align=right><strong><font size=3><font face="tahoma, arial, helvetica, sans-serif"><font color=blue>العيد عقب اسبوع والكل يتجهز ولو ان الفرحه بيكون لها طعم ثاني في غياب رب البيت...خالد كان اليوم المغرب طالع..
خالد: انا طالع امايه تبين اييب شي من السوق...
ام هزاع: هات اللي بتييبه الكريم ما يسأل بس لا تنسى الدخون...
خالد: من عيوني الثنتين..
نوره: الظاهر ان نحن هالعيد ما بنلبس شي يديد...والظاهر بس ابويه الله يرحمه اللي كان يهتم لنا ومن صرت يتيمه محد فكر يقول لي تعالي بوديج اشتري لج شي...
امتلت عيون ام هزاع بالدموع ..ووقف خالد ما عرف شو يقول وده الارض تنشق وتبلعه ولا يسمع اخته الصغيره ترمس هالرمسه اللي تقطع القلب...
كانت نوره واقفه عند الباب وكانت تتكلم وفجأه بدون أي مقدمات وهي ترمس دموعها طايحات بغزاره على خدودها وقرب منها خالد وضمها حيل لصدره..
خالد وهو متأثر: نواري شو هالرمسه محد بيقصر وياج ويالله سيري لبسي عباتج وتعالي وياي..
وتمت نوره تصيح بحضن خالد...
نوره بصوت متقطع وهي تصيح: خالد هالعيد بيكون غير...ابويه محد..خالد انا صرت يتيمه..
ام هزاع ما قدرت تتحمل كلام نوره وتعبت وايد بس مسكها خالد ويسلت على اقرب كنبه بالصاله..وتم خالد مسند راسها على صدره وهو روحه يحس ان وده حد يخفف عليه...
ونزلت شما من فوق...
شما باستغراب: بسم الله شو فيكم..ليش امايه تصيح...نواري حبيبتي شو فيج..؟؟
خالد: ما شي يا شما ..خذي نوره وديها حجرتها...
شما قربت من نوره..اللي كانت ساكته بس منزله راسها للارض...ويوم رفعت راسها شما..على طول انهارت وتمت تصيح...بحضن شما..
نوره: ما نريد نعيد هالسنه...ابويه مات يا شما...
انصدمت شما وكأنها اول مره تسمع ان ابوها توفى..وحضنت نوره بقوه وطلعتها حجرتها فوق...نفسية نوره كانت محطمه ..ومرت عليها فتره تخاف ترقد بروحها...وصارت ترقد ويا شما...المهم شما حاولت قد ما تقدر تهدي نوره اللي كانت تصيح من الخاطر...
شما: نواري حبيبتي انتي اقوى من جي..المفروض لو تحبين امايه ما تمين كل شوي تذكرينها في ابوي الله يرحمه..وبعدين غناتي الموت من عند الله وما لنا أي اعتراض عليه ..وانتي يوم تصيحين جنه مب عايبنج اللي الله يسويه..نوره امايه حرمه كبيره بالسن واي صدمه تأثر عليها..وانتي بنت صغيره بعدج قويه وايمانج بالله قوي..مفروض انتي اللي تساعدين امايه وتفرحينها بشطارتج بالمدرسه ..وتفرحين بالعيد وتلبسين وتسيرين تفصلين وعادي ولا كأن شي صار..
تقاطعها نوره: بس ابويه مات ليش البس واتعدل محد معبرني..كل الناس عندهم ابو وانا ما عندي...ليش ابويه انا بالذات..
شما: استغفري ربج يا نوره هذي مب رمسة نوره اللي ابويه رباها...استغفري ربج يا نوره..وكلما ضعفتي وتمكن منج الشيطان قومي وصلي ركعتين واستغفري الله..يالله يا نوره وباجر الخميس بنستغل خلودي وبنسير بوظبي مول..وبنتشرى على كيف كيفنا...
تبتسم نوره بعدما ريحتها شما شوي..وقامت وغسلت ويهها ويلست شوي تقرا قرآن..
ام هزاع في الصاله تمت شوي تعبانه عقب سارت حجرتها ورقدت ..والله العالم اذا كانت راقده ولا جفاها النوم مثل كل ليله يطري فيها ابو هزاع على البال...
..........................................
الليله هي ليلة العيد...ام هزاع يالسه تبخر البيت..ونوره يالسه تساعد شما وحصه وهم يرتبون اثاث الصاله..وفطامي ومهاري يلعبن في الصاله..ويدخل هزاع ويتم يساعدهم..وبعد شوي يوصل خالد ومب قادر يتحرك من كثر الاكياس اللي شالنها وركضت نوره وفاطمه بنت هزاع عسب يساعدنه..
فاطمه: انا بشل اكبر كيسه لاني كبيره...وقويه..
نوره: ههههههههه سيري جلبي ويهج..
فاطمه: عمي خالد شوفها تقولي جلبي ويهج..
خالد: ههههه هيه صدج جلبي ويهج يالدبه..
فاطمه وخلاص قربت تصيح: والله لسير اعلم ابويه عليكم...
وتصارخ فاطمه في الصاله: ابويه هزاع ابويه هزاع...ابويه هزاع...تعال شوف عمي خالد وعمووه نوره ..يواجعوني...
هزاع: من اللي مضيج بفطيم يا ويله مني بمسح فيه بلاط المطبخ..
خالد: هههههههه ارحمنا يا خالد بنتك خربت ميزانية الدوله ..خلها تخفف اكل شوي..
ام هزاع: اذكر الله يا خالد....بسم الله على البنيه..
ويضحك كل من في الصاله...
هزاع: هاي عمتك يالهرم..
خالد: فطيم تعالي شوفي شو يبت لج...
وتركض فطامي صوب عمها خالد...اللي يطلع لها من الكيس عروسه اكبر من فطيم نفسها..وما تقدر تشيلها...وتركض مهاري صوبهم..
وبكلام طفولي متقطع..
مهره : و..ا انا ..وين..مالي..
يشلها خالد ويتم يبوسها على خدودها... ويصارخ في الصاله بصوت عالي: انتي روحج اكبر عروسه في الدنيا كلها...فديييييييتها...هزاع بعدك اذنك تسمحلي اكلها...
يضحك هزاع..
شما: لا دخيلك اذا يوعان خذ لك اكل من عند فطيم فيها مخزون يكفي افريقيا كلها...مهاري وحليلها ضعيفونه...
ام هزاع: اشبلاكم علىالبنيه اذكروا الله عليها...شاللي ياكم الليله طايحين بها...
حصه: يغارون يا عمتي لانها احلى وحده فيهم...
نوره: هههههههههههههههههه امحق حلى يا حصه لا عيون ولا خشم دبه على الفاضي تقولين يابانيه...
وتموا يسولفون لين ما سار كل واحد حجرته عقب ما رتبوا البيت يستعدون لباجر..
وفي غرفة خالد...
يطرش مسج لميثا....
( تدري اني من عرفت العيد بكره رحت في مليون فكره..شو ابهدي من هديه..والله اني لو هديت الروح لعيونك شويه..)
وتم خالد يقرا كتاب ..ودقت عليه شما باب الحجره..
خالد: تعالي يا شما..
شما: بغيتك في موضوع ضروري...
خالد: بسم الله الرحمن الرحيم..مواضيعج المهمه تفلخني...
شما: اسمعني هالرمسه من عند ميثا مب من عندي..
انتفض خالد مكانه وتم مهبت ما عرف شو يقول ...
شما: اعصابك يا مزيوون..
وخبرت شما خالد السالفه كلها..عن روضه وعقب ما خلصت..فر خالد الكتاب من ايده..وعصب وتم يصارخ...
خالد: بكسر راسها هذي بأي حق تتصل في ميثا...والله يا رويض اذا ما جلبت بوظبي كلها فوق تحت ع راسج..لا تسميني خالد ولد محمد..
شما: بسم الله شوفيك هدي اعصابك السالفه مر عليها اكثر من 3 اشهر ما ادري اربعه..ليش محرج..
خالد: كيف ما تبيني احرج وانا قلت تصافينا وتي هاللي ما تتسمى وتسوي سواتها..والله جتلها حلال..
شما: ما شي فايده ..عصبت ما عصبت انت خسرت الثنتين...ميثا جريب خليفه بيملج عليها..وروضه خطبها ولد سهيل بن حابس..
خالد: في احلامج انتي وخليفه انه ياخذ ميثا...
شما: ارجوك لا تضحكني...يا خالد خل عنك هالقوه في البيت..ومن تظهر ويا خليفه ولا كأن الموضوع يعنيك..
يجلس خالد مكانه ولا يتكلم..
شما: انا بروح الحين بس حبيت اوصل لك رمسة ميثا...
خالد: وليش تبيني اعرف ..وليش قالت لج تقولين لي..شو الحكمه..
شما: بصراحه ميثا ما تبي تقولك بس انا اجبرتها..لان روضه قالت لها لو طلع الموضوع من بينهن بتستوي مشاكل بينا وبينهم...وما قالت لك ميثا..
خالد: الله ياخذها هاي والله لأدبها وبتشوفين محد بيعرف يسنعها غير منصور اخوها..
وتخرج شما من غرفة خالد..لتتركه ينام وتذهب للنوم هي ايضاً....
........................................
يتبع....</font> </font></font></strong></div></font>
-
<font color='#000000'><p align=center><font face="times new roman, times, serif">ابدعت الكاتبه المتألقه
شوق بوظبي
في كتابه هالقصه الرائعه
<img src="http://oasis.bindubai.com/emoticons/015.gif" border=0>
كل الشكــر لج الغاليه على النقل الطيب
ويعطيــج العافيه</font> </p></font>
-
<font color='#728FCE'><font size=4>مرحبا....
تسلم ايدج اختي.....نتريا التكمله....
</font></font>
-
<font color='#8D38C9'><p align=center><img src="http://oasis.bindubai.com/emoticons/mad.gif" border=0><img src="http://oasis.bindubai.com/emoticons/mad.gif" border=0>مب جنكم طولتوااااااااااا
يالله عااااد نتريا التكمله </p></font>
-
<font color='#728FCE'><font size=2><font color=#3300ff>مرحبا اختيه</font> </font><span id=normalname><font color=#0000ff size=2>نونو الصغيره
نتريا التكمله .....بلييييييييييييييييييز...
تحياتي ...هتان المنتدى</font></span></font>
-
<font color='#000000'><p align=center>تسلمين اختي على نقلج للقصه الحلووووووووووووووووووووه و الراااااائعه <img src="http://oasis.bindubai.com/emoticons/fa42.gif" border=0>
و نتريا التكمله </p></font>
-
<font color='#3BB9FF'>تسلمين حبوبه
القصه اكثر من رووووووووووووووووووووعه
ونتريا التكمله
<!--><img border=0 src=http://oasis.bindubai.com/emoticons/wink.gif><!--><img border=0 src=http://oasis.bindubai.com/emoticons/wink.gif></font>
-
<font color='#000000'><p align=center><font face="courier new, courier, mono">السلام عليكم ورحمة الله وبركاته
القصة واااايد حلوة بس بليييييييز عيزت وانا اتريا التكملة،حشا ما صارت هاي قصة كل القصص مب كاملة ترانا والله مليييينا من كثر ما نتريا...<img src="http://oasis.bindubai.com/emoticons/fa32.gif" border=0>
أتمنى اني يوم أدخل مرة ثانية ألقى جزء يديد
تحيــاتي
عيــون عبـااااادي</font></p></font>
-
<font color='#000000'>تسلمين الغاليه على هذي القصه الرووعه الي اكثر من روعه ونتريا البااقي بس لا تبطين علينا
</font>
-
<font color='#3BB9FF'>
يعني ما بتكملون القصه
والله اني اتريا التكمله
بليييييييييييييز
<img src="http://oasis.bindubai.com/emoticons/sad.gif" border=0><img src="http://oasis.bindubai.com/emoticons/sad.gif" border=0>
</p></font>
-
<font color='#000F22'><p align=center>تسلمون الغاليين على ردودكم والحلوه وتعقبكم للموضوع ...
وهذا كله من ذوقكم ماقصرتوا
واسمحولي على التأخير بتكملة القصه ...
والحين بكمل القصه ......
</p>
<div align=right><font face="tahoma, arial, helvetica, sans-serif"><font color=blue><font color=red>الحلقه السابعه والعشرون</font>
اليوم هو يوم العيد وريحة البخور تملأ ارجاء البيت..الكل مشغول بالترتيب..حصه وام هزاع ...واستيقظت شما معهم وسلمت على والدتها وحصه..بينما هزاع وخالد ذهبا ليؤديا صلاة العيد في مصلى العيد...نوره لا تزال نائمه هي ومهره ابنة هزاع ..بينما فاطمه نزلت للمطبخ مع جدتها والبقيه...
البيت مرتب ونظيف ...عاد خالد وهزاع..وفي الصاله فاطمه يالسه تتنطط على الكنب ملبسينها ومعدلين شعرها...واول ما شافت عمها وابوها ركضت صوب ابوها وتعلقت في رقبته...وشلها هزاع وسار صوب الصاله الثانيه و شاف امه يالسه تبخر الممر اللي جدام حجرة ابوه الله يرحمه...وحس شي قبضه في قلبه..وتنهد..وقرب منها ..وحاول قد ما يقدر انه يبتسم ولا يخلي خاطر الوالده يتكدر ولا تتذكر شي..
هزاع: السلام عليج يا اغلى انسانه بالدنيا كلها...
لفت ام هزاع صوبه واول ما شافته قامت و لوت عليه وسلم عليها حبها على راسها..وتمت حاضنتنه ولا حاول ابداً انه يهدها او يبعدها عنه..لان اللي كان خايف منه استوى..وعرف ان امه ..عرف ان جنته بالدنيا يالسه تصيح بصمت بحضنه..بس ام هزاع حاولت انها ما تكدر العيد على عيالها...
وبصوت مخنوق بالعبره ابتسمت...
ام هزاع: مباركٍ عيدك يا وليدي..
هزاع: عساج من عوادة العيد يا اغلى ام بالكون كله...
ام هزاع: متى رديت من الصلاة ..؟؟
هزاع: توني الحين راد وقلت اول شي اصبح على احلى ويه بالدنيا كلها...
وفي الصاله فاطمه بنت هزاع تركض صوب عمها خالد اللي كان واقف يرمس تلفون..
فاطمه: عمي خالد..يدوووه تصيح...
وبند خالد التلفون وسار بسرعه صوب الممر اللي امه واقفه ترمس هزاع فيه..ويوم وصل شاف الموضوع عادي وامه كانت عاديه..وسلم عليها ولوت عليه وتموا يسولفون ويضحكون لان المكان اللي خالد موجود فيه مستحيل يكون مكدر..بأسلوبه وخفة دمه ما يخلي أي مجال للزعل ولا حد يتذكر أي شي يكدر الخاطر...
ويتهم شما وسلمت على هزاع وخالد...وبعدين طلعت شما فوق توعي نوره عشان يتريقون مع بعض اليوم...وسار هزاع يسلم على حرمته وبنته مهاري ويلس وياهم شوي...ونزلت نوره وسلمت عليهم...واول ما قربت صوب هزاع شي اهتز في نفسها ..لان هزاع شكلاً وهيئه كان اقرب واحد للشبه من المرحوم..طبعاً نوره ما قدرت تمسك عمرها ..ويوم عرف هزاع انها بتصيح طالعها بنظره حاده شوي..ولو انه ما وده بس عشان كل شي ولا يضيج بخاطر امه..وعلى طول خافت نوره وتمت كاتمه بقلبها..وعقب ما تريقوا تبخر هزاع وخالد وتلبسوا عسب يسيرون على عمهم سالم...ومعارف ابوهم...وبعض اهلهم وخوالهم...
وفي بيت سالم ....
سوالف وضحك لين ما قربت تمر عليهم نص ساعه وهم يالسين عقب استأذنوا انهم بيسيرون يسلمون على اهلهم الباقيين...وقبل يطلعون...
هزاع: حميد سير ازقر روضه ولطوف بنسلم عليهن..
وطلع حميد وتم خالد وهزاع بالميلس...
خالد: على كيفك تناديهم محد له شور الا انت..ومن قالك اني ابي اشوفهم
هزاع: بسم الله شياك ما تبي تسلم هذا عيد وواجب ان نحن نزقرهم عسب نسلم..وبعدين شو ما تبي تسلم على حمده...؟؟؟
بس انا ما ابي اقول سير ازقر اختي ولا اسلم على خواته..ولا انت ما شي مذهب..
خالد: الله عليك يا راعي المذهب ما ادري من متى والله اني ادري انك بس تبي تغيض بي..بس ما عليه مردوده يا بو فطيم..
وشوي الا وحميد يدخل الميلس ومحد وياه..
حميد: تعالوا الصاله في رياييل بيدشون هني ..ادخلوا صالة البيت..
وقام هزاع وخالد وساروا صوب صالة البيت اللي داخل وسلموا على حرمة عمهم ..ويتهم روضه بس متغشيه ولطيفه وياها بس مب مغطيه ويهها..
هزاع: السلام عليكن يا بنات...وعيدكن مبارك..
روضه: وعليك السلام مباركٍ عيدك يا هزاع..
هزاع: شحالج يا روضه ربج بخير...
روضه: بخير ربي يعافيك...
هزاع: وين حمدووه..
روضه: سرت لها فوق ابى اقولها انكم هني ودقيت وما فتحت الباب الظاهر بعدها راقده...
هزاع: على راحتها حتى حمد محد شافه اليوم..
روضه: هيه بعدهم راقدين ما نشوا للحين...
ويقاطعهم خالد...
خالد: شحالج يا روضه..
روضه: بخير الله يسلمك...
خالد: من العايدين ان شاء الله..
روضه: من الفايزين..
لطيفه: مب جني هني بنت البطه السودا..
يضحكون كلهم..
هزاع: لا لا يالطوف من قال ...؟؟ انتي شيخة البنات كلهن..
لطيفه: بدينا بالخريط...
خالد: عساج من عواده يا لطيفه..
لطيفه: هذيل الناس اللي تسأل من خاطرها..عساك من عوادة العيد يا خالد..
هزاع: ولا تزعلين شحالج يا احلى لطوف بالدنيا...
وتموا واقفين يسلمون وسوالف قصيره عن الدراسه والعيد...ولكن في شي يصير من تحت غشوة روضه...كانت نظرات خالد كلها نار وغضب..ومع ان روضه ما كانت تتوقع ان خالد يعرف شي ..بس كانت حاسه ان فيه شي وحست ان نظراته كلها شر وقهر ووده على شي يسويه فيها...بس ما اهتمت كالعاده وغرورها كان مسيطر على كل شي...
وروحوا خالد وهزاع يسلمون على باقي اهلهم...
..............................
وفي بيت حميد ابو ميثا..
طبعاً الحبيبه يالسه تتعدل بحجرتها ولا هامنها شي وعقب ما خلصت نزلت الصاله وسملت على اهلها..ويلست بالصاله واتصلت بشما ..
ميثا: السلام عليكم..
شما: هلا والله وعليكم السلام ..مباركٍ عيدج يا ميثووووه سبقتج...
ميثا تصارخ: لا والله انا اللي داقه ولج ويه تقولين سبقتج...
شما: ههههههه شحالج غناتي..
ميثا: بخير والله شحالج...
شما: بخير والله علومكم انتوا..
ميثا: شو اجواء العيد عندكم..وشخبار خالوه ونواري ..
شما تتنهد: عيد مبين من اوله زفت مزفت...بليا طعم والله يا ميثا ..
ميثا: اوهوووه انتي جي كله متشاءمه افرحي واضحكي وانسي الهموم...
شما: الله يعين..الا اقول اكيد الحبيبه كاشخه الحين...
ميثا تضحك: اكيد كيف تبيني ارمس اغلى ربيعه بالدنيا وما اكشخ...وانتي بعد اكيد تهبلين كالعاده..
شما: بصراحه انا كنت متعدله وتلبست وعقب ما ساروا اخواني وطلعت حجرتيه غيرت ولبست مخور ونزلت به الصاله..
ميثا: مالت عليج..سمعي عندي لج مفاجأه حلوووه..
شما: والله ...شو هي بعد مفاجأة ميثاني..
ميثا: ضحكتيني لو قلت لج ما بتصير مفاجأه...
شما: ميثا بخليج الحين امايه تبي التلفون ..
ميثا: اوكي سلمي عليها..
وتغلق شما الهاتف...ويدخل ناصر على ميثا ويسلم عليها... بس ويهه شوي كان متغير يعني مب مستانس...
ناصر: تعالي الميلس الثاني اللي ورا صالة الرياييل..خليفه هني يبي يسلم عليج...
ارتبكت ميثا وما عرفت شو ترد وسارت فوق ولبست وقايتها...ونزلت للميلس...
وفي الغرفه..سلمت على خليفه ويلست شوي بعيده عنه وتم يسولف وياها ولكنه كان شوي متغير وحست ميثا انه متضايج..
سكتت ميثا ولا سولفت وياه بس خافت وحست في شي خليفه مخبيه ويبي يقوله..بس ما قدرت تسأله..
خليفه: ميثا بغيت اقولج شي يمكن يضيج بخاطرج او العكس بصراحه ما اعرف شو اقولج..
ميثا......؟؟!!!
خليفه: لا تطالعيني جي بصراحه ما اعرف شو اقولج..
ميثا: شو مستوي ..!!؟؟
خليفه: المفروض اني ما قولج هالرمسه بالعيد ولكنها خلاص بتصير قريب ولازم تعرفين كل شي..
ميثا: ممكن ترمس الله يخليك حرقت اعصابي...
خليفه: ميثا اعذريني يمكن تكون هاي اخر زياره بيني وبينج..
ميثا حست ان في شي قبضها بقلبها وخافت ما عرفت تقول شي ..حست بخوف غريب ..وما رمست ابد..
خليفه: ميثا ابويه رمس عمي حميد عشان.............
ميثا: شفيك ارمس عاد تراني بطلع والله قلبي يعورني..
خليفه: ميثا سمعيني انا رمسة ابويه ..وخلاص بينتهي اللي بينا..يعني ما شي خطبه ولا عرس...وتقدرين تصيرين حره من اليوم..لا انتي مخطوبه ولا شي ..وكل هالاجراءات بتصير عقب العيد..
ميثا انصدمت وما عرفت شو ترد على خليفه..وما قدرت ترمس ..ونزلت دموعها بدون ما تعرف شو السبب..
خليفه: ليش تصيحين مب انتي اللي كنتي تبين هالشي..
ميثا.!!!!!
خليفه: ميثا حتى لو ما صار النصيب من بينا انا وانتي عمرنا ما حبينا بعض كزوجين..بس بنتم للابد اخوان..وصدقيني اني اتمنى لج من كل قلبي كل الخير مع اللي
بياخذج...
وتمت ميثا تمسح دموعها اللي اقدر اسميها دموع فرح وحريه وتخلص من كابوس تم جاثم على قلبها اكثر من سبع سنين..
بس بعد خليفه غمضها..وما درت كيف تقوله انها اسفه على كل اللي صار..بس طلعت رمسه منها لا يمكن لاي حد يتوقع انها تطلع من ميثا..
بعد ما صارحها خليفه بكل شي..
خليفه: ميثا انا ابويه كان جابرني على كل شي ..ومب يعني اني سمعت كلامج ان نحن ننهي اللي بينا ..اني ما حبج او انج ما تهميني..
بالعكس وقلت لج اياها من قبل اني احبج كأختي الوحيده بالدنيا..وسمعي يا ميثا انتي الف من يتمناج ومعروفه بين كل اهل القبايل انه ما بقى حد ما خطبج من العين وبوظبي ولين دبي..ولو سمعتي اني عرست ولا خطبت انسانه حبيتها لا يتكدر خاطرج بس ادعي ان الله يسعدني واعتبريني مثل ناصر اخوج ولا عبدالله وسلطان وسعيد..
ميثا ساكته ولا تكلمت...
خليفه: ممكن اسمع اللي بقلبج قبل اطلع الله يخليج ريحيني..
بس والله ميثا ما ريحت خليفه وطلعت كل اللي بقلبها واعترفت لخليفه بكل شي وبدل ما تريح قلبه هزت روحه وخلت الدنيا تنجلب فوق تحت على راسه..
ميثا: مثل ما قلت كل اللي بقلبك انا بقول لك شي بسيط بس ما ابيك تتحرى شي ثاني بس بقولك كلمتين يا خليفه..انا طول عمري مثلك ما اعرف شي وتميت حاطه ببالي اني مخطوبه لولد عمي من سنين وما بيكون الا هو من نصيبي ..لين ما كبرت وفهمت الدنيا ولين ما صار اللي صار...
يا خليفه انا هني ما اتجرأ واتواقح عليك او اقول لك كلام ابيه يخرب من بينا..انا احترمك واقدرك و كبرت فعيني يوم كنت صريح وياي...وانا بعد بكون صريحه وياك ولو ان هالشي صار مستحيل ..وعسب جي انا بقولك ياه...
خليفه وهو مرتبك: هاه رمسي يا ميثا والله لو شو ما كان ما تظهر الرمسه من بينا..
ميثا: خليفه ..في انسان تم معاك بكل لحظه وكل شده وانت بنفسك قلت لي هالكلام قبل يوصلني من غيرك..وكان الوحيد اللي يسمعك ويقترح عليك..وكان بعد الوحيد اللي اقنعك تخطبني ..وقال لك يمكن انك مع الايام تحبني وما اظن يا خليفه تقدر تنكر فضله..
خليفه: والنعم فيه والله وافتخر به ..
ميثا: يا خليفه هالانسان ..اللي اسمه خالد..ما كان يعرف ان اهلي مقربين باهلك..وحبني من كل قلبه وعمره ما تجرأ يسوي شي ولا حاول يسوي اللي كل الشباب يسوونه رغم اني في بيتهم اربع وعشرين ساعه..وربيعة اخته الروح بالروح ..بس ما فكر بأي طريقه نفس طرق الشباب بالتعرف والسوالف البطاليه ..وياب ابوه واهله واخوه وخطبني من اهلي على طول..بس ردوه مثل كل اللي ردوهم..
خليفه لو اقول انه كان مصدوم بيكون شويه عليه..وانتفض من مكانه وتم مهبت ولا عرف يرد على ميثا..ووده يقول لها قولي ان كل شي جذب..بس ميثا كانت تزيده وتزيده...
وكانت بتخبره عن شما وسالفتها وياه..بس ما قدرت وعرفت ان شما مخطوبه لولد عمها وخلاص..واصلاً مستحيل ياخذها خليفه لانه مولع في بنت خاله...
ميثا: ما قولك هالرمسه ابيك تفكر ان ربيعك نذل او يخدعك..بس حبيت اهنيك على هالصديق اللي ما شي منه..واقول لك حافظ عليه..وابيك تعرف كم ضحى عشانك وتم ضاغط على نفسه وانت ترمس عني له ..وكم ساعدك وشد على ايدك..وهو يحترق من داخل...
خليفه صارخ في ويه ميثا لاول مره: بس ممكن تسكتين....!!!
ميثا خافت ووقفت مكانها ما عرفت شو تقول...
خليفه تدارك الموقف: اسف ما كان قصدي بس والله صدمتيني..لاول مره احس عمري بدون احساس ولا قيمه..
ميثا: لا عادي..بس الحين ترى مستحيل شي يصير من بينا..لان كرامته انجرحت من اهلي ومستحيل يرد يخطبني منهم..وحتى لو اصلاً امه مصره الا ياخذ بنت عمه..وبس هذي هي الدنيا يا خليفه..
خليفه: ااااااااخ يا قلبي...والله احس بالموت...
وطلع خليفه من عند ميثا وانجلب العيد في عيونه لهم وغم ورد العين ولا حتى مر على بيت خالد ولا سلم عليه...وقطع عنه فتره طويله..
...............................
... يتبع ...</font> </font></div></font>
-
<font color='#000F22'><div align=right><font face="tahoma, arial, helvetica, sans-serif"><font color=blue>ميثا تمت خايفه من ردة فعل ابوها واخوانها وعرفت ان اهلها بيردون يتزاعلون بسببها..وثاني يوم من زيارة خليفه..كانت ميثا في غرفتها...
ودق عليها عبدالله الباب..ويوم سمعت صوته ماتت في ثيابها من الخوف..
ولا رمست عسب يتحراها راقده..وتم يدق ولا فتحت...ويوم طول يدق قامت وبطلت الباب...واول ما فتحته...ياها ذاك الكف الزين اللي طيرها لين اخر الغرفه...و صك باب الحجره بالمفتاح..وسار صوب التسريحه مالتها ومسك تلفونها اللي حاطتنه عليها وفتحه وطلع منه البطاقه ومسكها وكسرها نصين..وفر التلفون بكل قوته في الطوفه..وتكسر وصار مثل الملح متنتف في الحجره..
ميثا ماتت من الخوف وتمت ترتجف بطريقه غريبه من كثر ماهي خايفه منه ..وقرب منها ومسكها من ايدها وضربها ضرب وهي تصارخ ولا شي فايده لانه استغل ان اهله طلعوا غياثي عسب يسلمون على خواله..
وتم يسبها ويضربها بدون رحمه...ويصارخ في ويهها..
عبدالله: يالخايسه يا مسودة الويه لعن الله هالراس...يبي لج تربيه من اول ويديد...سودتي ويوهنا بين العرب..تري والله لوما الفضيحه جان جتلتج بايديه هاييل..
وميثا تصيح وتصارخ..
ميثا: مالك شغل فيني هدني يا للي ما تستحي...انا شو سويت للك..
وكانت ميثا ما تدري شو استوى ولا تعرف ليش عبدالله يتصرف جي وليش يضربها..
وطاحت من ايده من كثر ما ضربها..ومع هذا ما حس فيها وتم يرفسها بريله..ويواجع..
عبدالله: على اخر عمري ما بقى غير ان الناس يقولون بنت حميد صارت تعقد وتطلق من عندها ولا للرياييل شور في بيتها...صرتي بنت نفسج وسودتي ويهي الله يلعن يومج ياللي مالج رياييل يربونج..انا اللي بربيج يا........
ميثا عرفت ان خليفه فسخ الخطوبه..وما قدرت ترمس وتمت تصيح ...وسحبها من شعرهاوقبضها بقوه وكان يهزها هز جنه يبيها تموت في إيديه.. ومسكها من كتوفها وعقها على الشبريه بدون رحمه..وعطاها كف لين ما تم خشمها ينزف دم..
وما شي دقايق الا وحد يدق باب الحجره بقوه ..وقف عبدالله ضرب وسار صوب الباب..وفتحه الا وناصر في ويهه..و سار ناصر يربع صوب ميثا وعبدالله طلع من الحجره..
و شلها وهي خلاص شوي وتموت من الصياح وشاف ويهها خلاص مخيس بالدم من خشمها و قبضها من ايدها ووداها صوب المغسله وخلاها ترفع راسها وتغسل ويهها بالماي عسب يوقف الدم..
ويلس وياها شوي وهو شوي وينفجر من النيران اللي كانت بداخله..واخته جدامه ترتجف منهاره..وحاطه راسها بحضنه ..وما قدرت تسكت من الصياح..وهو يحاول يقوم يبي يبرد قلبه في عبدالله ..بس ما خلته يظهر من عندها وكانت خايفه يرد عبدالله...بس ناصر ما سوا لها سالفه وخلاها بالحجره وصك الباب عليها..ونزل الصاله ولقى عبدالله بكل برود يالس يقلب قنوات التلفزيون..
ومسكه بدون تفكير وتموا يتضاربون..ويتاصفعون بدون حشيمه لبعض...حتى البشكاره اللي دقت تلفون لناصر يوم سمعت ميثا تصارخ ويا من عند الشباب زاغت وشردت بيت
جيرانهم..وسمعت ميثا الصريخ وطلعت من حجرتها ومن فوق تمت تطالع وهم يتضاربون و خافت وتمت تصيح ما قدرت تتحمل كل هاللي يصير بسببها...
وعبدالله يصارخ..
عبدالله: انت مب ريال اصلاً...لو فيك غيره على بيتك واهلك ما بتوقف ويا مسودة الويه نزلت روسنا الارض..وشوهت سمعتنا..
كانت ميثا تتقطع وهي تسمع هالرمسه وتمت تتمنى تموت وما قدرت تسمع اكثر..
ناصر وهو ماسك عبدالله من ايده: ميثا اشرف عنك وعن عشره من اشكالك..اول شي ربي عمرك وعقب تعال ارمس..يالنذل..لو انك ريال ما مديت ايدك على بنيه..بس يخسي تكون فيك ذرة رجوله...
عبدالله: يوم بتسمع رمسة الناس عقب بتعرف شو يعني اللي سويته..وهذا شويه والله يا ناصر اني متحلف فيها ولا اكسر البيت فوق راسها الضايعه اللي مالقت من يربيها..
ناصر بعد ما ابتعد شوي كان يتنفس ويتنهد بقوه من كثر ما تقابض ويا عبدالله وبكل عصبيه تم يصارخ و بدا يهدد: والله ياناصر لو بس اسمع انك مديت ايدك عليها ولا حتى رمستها..
لا اسوي شي تتم العرب كلها ترمس عنه لو انفضحت والله يا عبدالله لو اجتلك ما يهمني لو عقوني في مخيرز..طول عمري..
عبدالله حس ان ناصر يرمس من خاطره..ولو انه كان منفعل بس لاول مره حس بهالشر اللي في عيون ناصر الطيب المسالم..وحسه يرمس من جد..وخاف وشل عمره طلع برا..ولا رد عليه باي شي...وطلع وراه ناصر اللي محد يدري وين سار..
.......................................
شما في بيتهم ما تعرف أي شي وتمت تتصل بميثا وانشغلت عليها..بس ما وقفت وتمت تدق بدون فايده وتلفونها مغلق طول الوقت..واجازة العيد بعدها مطوله يعني ما في أي طريقه تعرف بها شما أي شي عن ميثا..وتمت تدق على البيت بس محد يشله ..شما ولو انها كانت خايفه بس طمنت نفسها ..
" عادي اكيد ما في الا كل خير..اكيد ساروا بيت خوالها في غياثي.."
و أذن المغرب وسارت شما حجرتها فوق..وصلت المغرب ويلست شوي تقرا قرآن ..وشوي الا تدخل عليها حمده..وقامت بسرعه وسلمت عليها..
شما بفرح: يا هلا والله فديت عمرج شو هالمفاجأة والله ونستيني..متى ييتي..
حمده: ما مداني والله توني داخله الصاله وما لقيت حد وقلت بمر عليج اكيد بالحجره..
شما: هيه امايه سارت بيت ام سعيد..ونوره وحصه وبنات حصه سارن حديقة المشرف..
حمده: وانتي هني لروحج...؟؟
شما: لا عندي خالد بس سار المسيد يصلي..
حمده: يالله تلبسي وانزلي تريني مب لروحي كلهم يايين ويايه..
شما: قولي والله..وليش ما ترمسين من الصبح نسير نحط الفواله..
ولبست شما وتعدلت ونزلت عند عمتها وبنات عمها بالصاله..ويلست وياهن ...وحطوا القهوه والفواله..وسوالف وضحك لين ما يت ام هزاع من بيت ام سعيد..
وعقب نص ساعه وصلت نوره وحصه وبنات هزاع..ويلسوا يسولفون ويضحكون..وطلعت روضه من ميلس الحريم وسارت صوب المطبخ بتشرب ماي وقامت وياها نوره..
وهن يمشن لين المطبخ ويسولفن شافت روضه صورة عمها محمد معلقه في الممر..وجن شي قبضها بقلبها..
وبدون ما تحس الا ودموعها يطيحن مثل المطر..بس ما حبت تبين لنوره هالشي ولو ان نوره انتبهت بس ما علقت...
ويوم ردن ما لقن حمده وشما..وعرفت نوره انهن سارن فوق بس ما تدري ليش...؟؟
....................................
وعقب العشا طلب حمد من حرمته حمده تزقر امها وخواتها عسب يسلم عليهن هو ومنصور وحميد...ويوم سارت تزقرهن..لبست شما عباتها ووقايتها وتغشت..ولحقتها ام هزاع
ونوره..للميلس..وسلم عليهن منصور واخوانه...كان حميد ينتفض والدنيا مب شالتنه..وصار عيده عيدين...وطلعت ام هزاع وتمت شما واقفه ويسلت نوره على اقرب كنبه عند الباب وعيال عمهن كانوا بعيد شوي بطرف الميلس...
حمد: شحالج يا شما ربج بخير..
شما: بخير الله يعافيك..شحالك يا حمد...
حمد: الله يسلمج ويعافيج..
منصور: ما شاء الله يا شما عروس..
استحت شما ولا ردت وكان حميد ساكت ولا رمس وحس ان وجوده والعدم واحد ..حتى ما قدر يسأل شما عن حالها..
وكان خاطره متضيج..وما درى ليش لاول مره يحس ان شما تكرهه من خاطرها...وكيف ترمس اخوانه..وهو الوحيد اللي شرا الطوفه ولا كأنه موجود..
بس قطع السوالف صوت شما..
شما: شحالك يا حميد..عساك بخير..
انتفض حميد جن شي قرصه...وارتبك ما عرف يرد..
حميد: بخير الله يسلمج ويعافيج..علومج يا شما عساج الا بخير..
شما مبتسمه من تحت غشوتها: الله يسلمك ننشد عنك..
هني حميد ما قدر يمسك عمره وتخبل ..كان وده تنشق الارض وتبلعه ..من الفرحه مع ان شما ما قالت له شي..
وحست شما بفرحته ولو انها ما بينت له بس استانست من داخلها..
وحست شي غريب بقلبها هالليله..
ما تدري بس ما قدرت ترقد وكان حميد طول الوقت على بالها...
" يمكن حبته من يدري!!! "
... يتبع ....</font> </font></div></font>
-
<font color='#3BB9FF'>
<font face="courier new, courier, mono">مشكوووووووووووره حبوبه عالقصة
ونتريا التكمله
لا تبطين علينا
بلييييييييز</font></font>
-
<font color='#000F22'><div align=right><font face="tahoma, arial, helvetica, sans-serif"><font color=blue><font color=red>الحلقه الثامنه والعشرون</font>
وعقب ليلتين من زيارتهم..في ميلس الرياييل في بيت بو هزاع...كان منصور وحمد وحميد وخالد وهزاع وعمهم سالم موجودين..
وسوالف عن الشغل والعمال والمزرعه...والدنيا والعيد وكل شي..
لين ما دخل الموضوع في الجديه..ورمس ابو منصور..
ابو منصور: يا هزاع الحين الكلمه كلمتك والشور شورك..وانت ريال البيت بعد الوالد الله يرحمه..
هزاع: لبيه يا عمي...انت امر بس..
ابو منصور: والله بغيت ارمسك بسالفة حميد وشما..الولد شاري البنيه ويبي يخطبها بأسرع وقت..
هزاع وهو مرتبك: والله اللي تشوفه يا عمي...
وهني خالد ما قدر يمسك عمره وتدخل بسرعه...مع انه مب معارض لزواج حميد من شما..
خالد: والله يا عمي شما ابويه الله يرحمه رمسها وقالت له اللي تشوفه..بس عن سالفة الخطبه الحين اقول خلنا نشاور البنيه اول..
ابو منصور: بس البنيه مالها شور..وابوك الله يرحمه قبل يتوفى بيومين مرمسني بالتلفون و رحب بنا بأي وقت..
هزاع : ما عليك من رمسة خالد يا عمي ..انا برمس شما اليوم..وبرد لك خبر جريب بإذن الله..
ابو منصور : على خير ان شاء الله..
............................
وفي الليل عقب ما ساروا اهلهم ..كل واحد طلع حجرته..وسار هزاع غرفة شما ويلس وياها...
هزاع: شما عمي سالم اليوم رمسني ..وخطبج لحميد...
شما ارتبكت وما درت شو تقول..
هزاع: ليش ساكته..انا قلت لهم بسأل شما وعقب برد لكم خبر..
شما بتردد: شو تبيني اقول..؟؟
هزاع: والله يا شما انا جي اعطيج فرصه تقررين...
شما: سواء قلت هيه ولا لاء..جي ولا جي بتخلونه ياخذني الحين ولا بعدين..
هزاع: شو افهم من هالرمسه..انج موافقه وما في داعي للتأجيل..
شما: ممكن تعطيني فرصه شوي افكر..
هزاع: على راحتج يا شما..مع اني سمعت ان ابويه رمسج وانج وافقتي..
شما: هيه رمسني وقلت له الشور شورك..بس يا هزاع ما ادري احس بشي غريب..
هزاع: يا شما يا حبيبتي ..حميد والله شارنج بنور عيونه..ومستعد يضحي بكل الدنيا عشانج والله..انا لو مكانه حميد هذا ما بفكر فيج ولا باخذج..وانا احس انج ما تبيني..بس شوفي هو كيف متعلق فيج ولا هامنه شي..
شما: ادري..
هزاع: انا يا شما كنت احب حصوه قبل اخذها وكنت ادري انها تحبني..وتبيني..بس والله ما احس عمري حبيتها كثر ما احس حميد شارنج..ويحبج..
مع انه متأكد مليون بالميه انج ما تبينه ولا تحبينه..
شما تبتسم: والله ما ادري شو اقولك يا هزاع...
هزاع: فكري بالموضوع وعقب ردي علي بس بسرعه ما ابي اعلق عمي اكثر عن جي..
وطلع هزاع من عند شما ..اللي قامت على طول صوب دفتر جديم وطلعت منه ورقه كان حميد عاطنها لحمده عسب تعطيها شما عقب ما توفى ابوها...ومع ان لها وقت طويل بس حمده ما عطتها شما الا يوم العيد..وكانت قصيده طويله وايد..بس كان اكثر شي يعجب شما فيها هو ..
مقطع من القصيده..
يا شيخة الزين كله جيتك لملمي همك***ابعدم هموم قلبك وانحر احزانك..
قصــــايدي بين كـــل الورد بتشمـــك..***شقاوتك..ضحكتك..ر تك وجنانك..
تهون كل الجروح ان يــــــــــات يمك***ويشرف ابواب صدري زلة لسانك...
انا حبيبك..ولد عمك..ابوك..امك***ابخسر الكون كله واكسب احزانك..
يلست شما تفكر مع نفسها..وحست بحب حميد الكبير..ومر طيف خليفه جدامها وحست انها بس يالسه تضحك على عمرها..
وحست كيف ولد عمها شارنها..وبدت شما تحس بإحساس غريب صوب حميد ما اقدر اقول انه حب..بس يمكن استلطفته..ورحمة حاله..ولو انه بين فتره وفتره يشغل بالها..
وخصوصاً كلما قرت هالشعر يكبر حميد بنظرها وتحمد الله ان حد يحبها هالكثر في زمن انعدم فيه الحب...
بس بعدها متردده وما تدري بشو ترد على هزاع..!!!
..................................................
في ليلة الخميس في اخر ويكند قبل المدارس تبدا وتنتهي اجازة العيد..كان خالد بيفجر تلفون خليفه وهو ما يرد عليه ..هني خالد حس ان في شي وطرش مسج يقول فيه..
( ما اعرف شو مستوي بك بس تراني ياي العين اليوم)
وبسرعه قبل يمسح خالد التقرير اتصل به خليفه..
خالد: ما شاء الله ساعه يالس ادق ويوم طرشت لك اني بيي مسرع ما دقيت عشان ما ايي..
خليفه: السلام عليكم..
خالد: وعليكم السلام..
خليفه: شحالك..
خالد:وليش جي ترمس بدون نفس..وجن حد مصفعنك وبتفج حرتك فيني..
خليفه تم ساكت ولا عرف كيف يرد على خالد وحس انه منقهر منه ووده يمسكه ويصفعه لين ما يقول بس..
مب عشان أي شي بس عشان برود خالد ..واللي حارقنه اكثر كيف خالد يقدر يخبي بقلبه كل هالفتره....وقرر خليفه ان يتم ينغز خالد بالرمسه يمكن يحرق دمه ويرمس..
خليفه: متضايج..
خالد: من شو لا تقول من سالفة بيت عمك ..جبدي لاعت والله..
ابتسم خليفه وتم يمثل على خالد الضيجه: هيه والله..طفروني..خلاص انا كنت هالفتره محطم عسب جي ما دقيت لك..
خالد مرتبك: ليش شو استوى..
الحين خليفه بدا يحس بأي شعور يخبيه خالد لانه صار فاهم السالفه...
خليفه: اففف ابويه جابرني ..وخلاص قرروا كل شي جريب بإذن الله..
خالد بصوت شوي مرتفع: شو اللي جريب..؟؟
خليفه: ليش معصب..
خالد استحى وما درى شو يقول: لا عادي والله ..
خليفه: بملج عليها الاسبوع الياي..والعرس في شهر 7..
سكت خالد..وخليفه تم مبتسم..وهو يقول في خاطره..
" طول هالوقت وانت مخبي بخاطرك واونك قوي...خلك قوي وبشوف شو اخرتها معاك"
خليفه تم ينغز خالد بالرمسه..لين ما بند خالد من عنده وهو محترق..ويلعن اليوم اللي حب فيه ميثا..
............................
ميثا كانت عايشه في جو ما تنحسد عليه ..من الخوف والرعب..وما قدرت تظهر من حجرتها ولا تشوف أي حد وما كانت تبطل الباب الا لاخوها ناصر..اقرب انسان لها بالدنيا واكثر واحد فاهمنها...وفي عصر يوم الجمعه وباجر المدارس..دخل ناصر على ميثا ولقاها يالسه ترتب فايلاتها...
ناصر: شحالج ميثوه..
ميثا مبتسمه: بخير الله يسلمك...
ناصر: هاه ان شاء الله النفسيه مرتاحه..
نزلت ميثا راسها وما عرفت شو تقول..ورفع ناصر راسها بإيده وتم يكلمها ويسولف وياها وكان من كل هذا يبي يوصل لشي ..
ناصر: بعد كل هذا ابي اقولج..شي وودي تكونين صريحه وياي..
ميثا : زين..
ناصر: ممكن افهم سالفتج ويا خليفه من اولها لاخرها..
ميثا: ما شي ..ليش هو شو قالكم..
ناصر: ما شي بس عمي سلطان يا عند ابويه وقال له جدام عبدالله وسعيد واخوان خليفه ان ميثا ما تبي خليفه ومب مرتاحه له وهو بعد ما قدروا يتفاهمون..وبس ..
ميثا: شو قال ابويه..؟؟
ناصر: ما شي بس سكت وقال خير ان شاء الله..بس ما تضايج من عمي ولا تكدر خاطره ابد وعرف ان السالفه قسمه ونصيب..
ميثا: عيل ليش عبدالله سوا جي فيني..
ناصر: تنك ما تعرفينه يعني..بس للحين ما رديتي علي شو سالفتج ويا خليفه..؟؟!!!
ميثا: كل اللي قاله خليفه صح ميه بالميه..ولا قال كلمه وحده جذب..
ناصر: زين زين..تحريتج قلتي له شي ما شيات..
ميثا: مثل شو..؟؟!!!
ناصر وقد نهض من مكانه...: لا ماشي...
وقبل ان يخرج من غرفتها ..
ميثا: ناصر ..
ناصر: لبيه..
ميثا: انت بتوديني الجامعه باجر..
ناصر: من عيوني ..ليش جي زايغه مستحيل اخلي هالغبي يوصلج..
ابتسمت ميثا ..
ميثا: فديت روحك يا ناصر ويعلني ما خلى..
.......................................
خالد تم يدق على ميثا ويطرش مسجات ولكن بدون فايده خصوصاً عقب ما عرف من شما ان البنت انقطعت اخبارها..وهني قلبه وقف من الزيغه عليها..وتم يحاتي ويحاتي بدون فايده...وقال بخاطره ما شي امل الا باجر وبشوف شماني شو تييب لنا من اخبار من الجامعه...
وشوي وهو يرمس عمره الا تلفونه يدق...
" غريبه هاه رقم حميد الخبل شيبي هذا بعد.
خالد: هلا والله...
حميد: يا حيه المهلي ..
خالد: علومك حميدوه..
حميد: علوم خير ..انت وين..؟؟
خالد: امم انا فوق جبل حفيت..
حميد: خيبه تخيب العدو..وانا اقول انك هني ببوظبي..
خالد: لا اقص عليك والله انا هني في بوظبي شرا الخبل ادور في الشوارع ما ادري وين اسير..انت وين وانا بييك..
حميد: لا تييني ولاشي الحين بسير اصلي المغرب عقب بسوي لك تلفون..
خالد: وين الاقيك..؟؟
حميد: امم ما ادري والله..شو رايك على شاطي القرم..
خالد: اوكيك..اشوفك هناك عقب الصلاه..
وسار حميد يصلي ..وخالد نفس الشي...وكان حميد اقرب للمكان اللي قال لخالد عنه..واول ما خلص الصلاه سار ويلس هناك يتريا خالد لين ما وصل..وسلم عليه وتموا يسولفون..وضحك ولو ان حميد كان شوي متكدر..وحس خالد من شكله هالشي..
خالد: بلاك جي !!! ويهك مب عايبني شفيك ليش متضيج..
حميد ما يدري من وين يبدا: ما اعرف شو اقولك..
خالد كان يرمس وهو يمزح يبي يطلع حميد من جو الضيجه اللي كان فيها: ارمس وما عليك انا راعيها يا حميد..نسيت اني خالد شيخ مزايين بوظبي..واي وحده مب طايعه لك انا اييب لك راسها..
حميد: والله انك متفيج.. مالت عليك انت وكل البنات الا اللي في بالي..
خالد: ههههه العوق فيها ...هذي هي اللي في بالك شو سوت بك..
حميد: ما تباني يا خالد ما تباني..وش اسوي بحياتي ودي انسى واهاجر من البلاد وارد والاقيها معرسه وعندها درزن عيال..عسب افقد الامل ولا اتم جي معلق..
خالد يستهبل : افا منو هاي اللي ما تستحي..خبرني وعطني رقمها بأدبها لك..
حميد: ادب نفسك اول وخل عنك هالسوالف البايخه ادري انك فاهمني عدل..شو اسوي بك..
خالد: اوكي شو تبيني اسوي لك يا حميد..هاي احاسيس ومب قادر اقنع شما فيها وانت عارف هالشي..واذا كنت يايبني هني عسب هالسالفه ما عندك سالفه..شو تبيني اسوي اسير عند شما واقول لها حبيه غصب طيب..
هني حميد ما قدر يتحمل وقام وشكر خالد على اسلوبه الحلو..وتم يقول في نفسه.."انا الحين ياي عنده ابي اخفف على نفسي واسمع كم كلمه طيبه وما دريت اني جي بسمع هالرمسه..الله يسامحك يا خالد تحريتك بتحس فيني.."
....................................
..... يتبع ....</font> </font></div></font>
-
<font color='#000F22'>
<div align=right><font face="tahoma, arial, helvetica, sans-serif"><font color=blue><font color=red>تابع الحلقة الثامنة والعشرون</font>
اول ما رد خالد البيت لقى الكل في حجرهم..ومر وسلم على امه وطلع فوق..وعقب ما بدل ثيابه سار حجرة شما ولقى نوره راقده وشما تقلب في اوراقها وتتسمع لها اغاني في اللابتوب..وناداها من بعيد عسب ما يزعجون نوره..وقامت له شما وظهرت برا الحجره..
خالد بهمس: تعالي حجرتي عقب ما تخلصين..
شما: بيي الحين خلصت خلاص..
خالد: سيري بندي اللابتوب..
شما: شعليك انت يالله تعال وين تبينا نسير..
خالد: اممم شو رايج نسير المارينا كافيه ..ولا اقول هافانا كافيه احسن..
شما: الله فكره حلوه..
كان خالد يتمصخر على سؤال شما " وين بنروح" وهي بعد تمت تستهبل..
خالد: يعني وين بنروح اكيد حجرتي ..يعني انا ما ظهرتج الصبح بطلعج الحين انصاص الليالي..
وساروا حجرة خالد..وتموا يسولفون وطروا ميثا..وكيف خالد يالس يحاتيها..
شما: وليش اللقافه انت ليش حاشر عمرك البنيه بتعرس..
خالد: انتي جب ولا كلمه..من قالج بتعرس..اصلاً خليفه ما يبيها..
شما: وانت شدراك...
خالد: هو قالي..الا على طاري خليفه نسيت اقولج شي ..اليوم كنت ويا حميد..
ابتسمت شما: والله انك.......الحين شدخل حميد بخليفه ..؟؟
خالد: هاه شو هالابتسامه ليكون وانا ما ادري.........!!!
شما: شو كنت تسوي ويا حميد..
وخبرها خالد السالفه كلها...بس تفاجأ من ردة فعلها وانصدم..يوم شافها حرجت واتوحشت عليه..
شما: انت بأي حق ترمسه جي...تتحرى الريال ما عنده مشاعر واحاسيس..ولا ما فيه قلب..ولا تتحرى بس انت اللي تعرف تحب..ليش جي تعامله ..وتشوه صورتي بعينه..وتخليني اكون جدامه انسانه بدون احساس..ليش يا خالد ...؟؟!!!
خالد مب قادر يرمس من الصدمه ولا عرف شو يرد عليها ..وتم يطالعها...وهي منفعله وما سكتت ابداً..
شما: والله صرت تألف من عندك..انت ما تخاف ربك..الحين الريال بيتم سهران طول الليل يفكر..وقلبه محروق ..والله يا خالد اول مره تكون بليا احساس..
خالد وهو مصدوم: حوووو خبله ..شو ياج..تعالي عطيني كف بتأكد انا صاحي ولا نايم..يمكن انا احلم وانا ما ادري...سبحان مغير الاحوال..شو ياج..!!
تري عادي اقوم ابطل الدريشه واعق عمري من فوق...شمووه الخبله من متى قمتي تحسين بحميد..الريال استوى له اكثر من ثمان سنين متخبل من يوم عمرج 12 سنه ..وعمرج ما سألتي ..وبين ليله وضحاها تتغيرين ..لا اكيد السالفه فيها إن..
شما و خدودها مورده..ومب قادره تركب جمله وحده: يا غبي السالفه مب سالفة حب ولااي شي ثاني ..بس حرام مهما كان انت جرحته وحطمت قلبه..
خالد يتمصخر: ااااخ يا قلبي...
شما: والله انك سخيف..شو هالحركات والله زعلتني منك...
وطلعت شما من عند خالد بس ما كانت زعلانه ..لكن حال حميد حاز بخاطرها...وتركت الف علامة استفهام في راس خالد اللي تم طول الليل يفكر شو سالفتها...
................................
اول يوم دوام بعد العيد...شما يالسه في الميلس بالجامعه تتريا ميثا لين ما توصل..وعقب ساعه بيبدا كلاسها هي وميثا..وشوي الا والحبيبه شرفت..
وسلمت على ميثا..
شما: انتي وين عنبو دارج اسبوع كامل ما رمستج..
ميثا مبتسمه: أي اسبوع الا هم ثلاثة ايام..
شما: لا والله وهاه شويه..
ميثا: قدرتي تصبرين عني اكثر من ثمان شهور..والحين تستكثرين علي ثلاثة ايام..
شما عورها قلبها يوم سمعت رمسة ميثا ..وحست انها تنغزها بالكلام وتلومها ما عرفت ليش فتحت هالسيره مره ثانيه..
شما: شو دخل هالرمسه الحين..
ميثا: سوري والله مب عارفه شو اقول اعذريني مب مركزه والله..
شما: شوفيج عسى ما شر...
ميثا: تعالي بنسير مكان فاضي..
شما: يالله بنسير z-auditorium ..فاضي ومحد فيه.. (z-auditorium./ يعني مسرح الجامعه)
ميثا: اوكي يالله..
وسارن هناك..ويسلت شما وميثا يسولفن..لين ما تخبرتها شما شو سالفتها وليش قطعت يومين وليش ويهها متكدر..طبعاً ميثا مستحيل تخبي على شما..وخبرتها كل شي من يوم رمسة خليفه قبل العيد ويوم زارها لين ما وصلت عند عبدالله يوم ضربها ..
هاللحظه بس شما ما كانت ويا ميثا وحست كبر الحب اللي تحبه ميثا لخالد..وكيف تضحي وتتحمل..في وقت وزمن الناس كلها فيه تقول نفسي نفسي..
وتمت شما مبتسمه وعقب قالت لها..
شما: تأكدي يا ميثا دام الحب بقلبج وصل لهالدرجه عمر خالد ما بيفرط فيه..ولو شو ما صار انا يا ميثا اللي مستحيل افرط فيج ..ومستحيل في انسانه في هالكون كله تستاهل خالد اخويه غيرج..
ميثا: شما انا خبرت خليفه بكل شي وقلت له ان خالد يبيني...
شما : وشو كانت ردة فعله..
ميثا: اكيد انصدم..
وتمت شما تخفف على ميثا وتوعدها ان كل شي مستحيل يضيع وان حبها لازم يوم من الايام يتم بطريقه ترضي كل الاطراف..ولو ما وفق الله بينهم..بس بيتخلد كل اللي بينهم..وطلعن يتريقن بعدما طيبت شما خاطر ميثا...
.........................................
.... يتبع ....</font> </font></div>
</font>
