>< لول هيه صح صح فرعهم الثاني !!
هيه اكيد تخبريني :)
عرض للطباعة
>< لول هيه صح صح فرعهم الثاني !!
هيه اكيد تخبريني :)
اليوم : الاربعا
الساعة : 08:01 صباحا بتوقيت كمبيوتر الدوام
المزاج : الحمدلله، كويس
الموضوع
مرتاحه كثير نفسيا الحمدلله يارب و من الحماس ودي اسحب على الدوام اليوم
الساعه 11:35 بتوقيت الكمبيوتر، ماكو وقت أكمل أكتب !!!
اليوم : الاربعا
الساعة : 07:19 صباحا بتوقيت كمبيوتر الدوام
المزاج : مرتاحه و لله الحمد
الموضوع
ملل ! ما شبعت أمس من خواتي "دوده و داوي" طالعه باسم يديد حق ام سيف :a068:
أون مزن ما لقيتي أحلى من دوده هههههه قلت لها دوده متينه انتي "على وزن الاسم اللس نناديها فيه"
اتذكر شيء بطني يعورني، أوقات احس انه مخي يدق و يخف الحمدلله ع نعمة العقل
صايره سودوه من البرد خصّه ايدي مره وحده تغمج عليّه أم سيف اونه بسم الله مزن
اظن الدم نازل هاليومين
ابغى أعزم خالاتي و عيال خوالي و خالاتي كلهم بس ما عرف وين ؟ هالمره بختار على ذوقي
مره عزمتهم على اتلانتس و مره جوني كارينوز على ذوقهم كان "وايد أحب العزايم و اللمات"
ياليت عدنا لينوتر كنت بعزمهم باليمعه عالريوق، كـ تغيير و أرخص بيطلع عليه :fa56:
اذا انتي مو قد العزيمة لا ادحين الصدر و تقولين بعزم :a0360:
مسويه شي و مستحيه خخخخ لابسه قفاز عن البرد اصابعي تعورني والله
اطقطق عالكمبيوتر و ارجع ادس ايدي تحت الطاولة اخاف حد يشوفني و يضحك
امس ما داومت، احمممم على اساس كنت لازم اكون بالكويت امس الصبح و ارجع المسا
لمهمة بس صار شي !
حلوه الحياة بوجود خواتي :heart:
08:42
بسم الله عليّه !! امس الاربعا خووش والله
اليوم : الثلاثا
المزاج : الحمدلله
الساعة : 07:41
الموضوع
أصبحنا و أصبح الملك لله، أكو راديتر منطر "ريحه خايسه" من أول الصبح كفو عليه :h_negab:
طلعت متاخر اليوم بس بعد ما شفت أبوي مو بالعادة يتاخر بالقعده و الحين اتصل به تلفوناته مغلقه
حتى امي و امون بنت اخوي ما شفتهم
08:47 اتصلت ع تلفون البيت رفعت السماعه موني البطه فديتها عيون عماتها
عسل هالبنت فديت من يابها و من رباها، ودكم تاكلونها و تقطعون خدودها
الا تخربط عالتلفون و ما تقول الا عمّه و اطرش هالبوسات
حبيبي أبوي تو متصل يقولي امريني، راسك سالم يا أبو فاطمة بس ما شفتك الصبح قلت
اتطمن عليك :fa41:. امووووت في امي و أبوي ما صبر عنهم "ربي يحفظهم لنا و يطول عمارهم"
^
الله يخليهم لج يارب ~
اليوم : الاثنين
لمزاج : الحمدلله
الساعة : 10:22
الموضوع
شفت موضوعي اللي نزلته العام قبل لا اروح العمره، ربي يكتب لنا عمره قريبه هالفترة
امس امي هددتني بتاخذ الاي باد عني :glare: انزين ليه اماااه
عشاني ما ارقد الظهر و فوق هذا اسهر لين 1 طبعا طول الوقت ماسكه الاي باد
رجعت خدمة البيبي بس ماكو فايدة ما عندي وقت له :b015:
اليوم دسيته في مكان سري و الحمدلله اصلا اهي اليوم مشغولة طالعه من الصبح
من شوي واصله البيت و اكيد نست
هالويك اند شدينا بالكلام أنا و أبوي كله عشان موضوع سيارة
اريد سيارة يا رجل، و ما عجبه الكلام :smile2:
اليوم : الاحد
لمزاج : الحمدلله
الساعة : 08:05
الموضوع
:b050: ناشه متاخر اليوم، صليت و سبحت و تلبست كل ابـ 25 دقيقة
وقت قياسي جدا. الحمدلله وصلت قبل 7:30 هذا اهم شي
حلمت بشيء "ما ينطرى" ياربي شلون صحت بالحلم
بس الحمدلله تضايقت شوي عقب دحرت الشيطان لا يقعد يوسوس لي و يخترب يومي
اليوم شكله ماكو شغل وايد التقييم و خلصنا منه يوم الخميس
و صديقه بعد اليوم مو موجوده
امس كنت طالعه اتصلت فيني ماما تسألني مزن شنو تبين عشا قلت لها لا
تحسبين حسابي و سكرت قلت في خاطري مابا لاني كنت متغديه
وصلت ملتقى العائلة قلت باخذ لي لقيمات و بطلع صديت على حرمة المره الاولى
يوم رحت المتلقى شفت عندها زحمه طلعت تسوي خبز رفيع مش رقاق
سألتها قالت فلزي قلت لها سويلي بيض و جبن مع مهياوه، رديت البيت اكلته
وصلت غرفتي و الا جسمي متهيج :a058: استغفر الله يمكن حوبت عمي لانه يحب
الفلزي هاي المهياوه ما تيوز لي بس الا اكله دوم على هالحال
يستغربون مني في اشياء وايده ما اكلها، حد يتحراني اتدلع :a0360:
ما عدنا بنات يدلعون "كف"
08:42
اليوم : الاثنين
لمزاج : الحمدلله
الساعة : 11:52
الموضوع
نرفزني موظف خلاني اعصب يستهبل عليّه شافني احترمته و قدرته قال بوقف فوق راسها
هذيل هم الهنود تعطيهم ويه يمصخونها، دام اني ماشيه معاك سيده خلك سيده تراني ان جلبت عليك
ما بيعيبك :k_mad_argue: اوني عاد معصبه انا لا تكلموني :birgits_giggle: ساعات تيني غصه ليه اني ماداوم فالمبنى الرئيسي
والله كنت بروح له لين مكتبه و بشخله شخال
عيل مو تارسه عينه يروح يتصل في فلان و علان و الشغله عندي، مالت عليه الا مالت عليه
بخلص لك الشغله بسرعه اونه انا ما عرف انها عندج يالجذاب و من شهرين منو اللي يتصل فيني كذا مره
ابوي لااااه نرفزني فضل عنه انا البارده الثلاجه انت تحرني براويك يا رفيق
يوعانه انا اليوم، صح !
ما تريقت :surrender:
12:06
اليوم : الثلاثا
لمزاج : الحمدلله
الساعة : 11:20
الموضوع
يوم الاحد كان في مقابلات، فـ كنت بقرية البوم السياحية، و امس ما داومت
زجمانه و ايدي اليسار تعورني احس منفجه من الجتف
متملله اليوم من الصبح، ما كلمت امي للحين =(
اليوم : الاحد
لمزاج : الحمدلله
الساعة : 10:42
الموضوع
ما قمت افكر أبدا، مادري الافكار تجمدت و الا أنا مو قاعده اشغل المخ
لا في شغل و لا بيت و لا اي مكان ثاني، بس ادور وقت اكون فيه فاضيه و ارقد
كلش ما اهتم و الا اعور راسي :sleepy: اظن الشعب السوداني ساكن فيني
من الاسبوع اللي طاف منطحنه على وحده، قالت لي حناج مو حلو 1 كيفها صح هذا رايها
بس انها تقولي غيري هالصالون اللي تتحنين فيه و دزيانتهم وحده هاي مهب من حقها
و اروح اكتشف انها المره الاخيره كانت متحنيه بالصالون نفسه اللي دوم اروح له
و قالت جدامي انها صج اول مره تحس عمرها متحنيه !!! ما قالت لي وين متحنيه
خبرتني زميله معانا، مريضه برايها قلت لها انزين انتي ليه متضايقه انا عاجبني
اسكتت لان مو متعوده اني ارد عليها
01:51 اقل من عشر دقايق و يخلص الدوام
اليوم : الثلاثا
الساعة : 09:36
المزاج : not bad
الموضوع
بطني يعورني من أصبحت، عندي موعد مع دكتور الاسنان
كملت سنة صار لي مو مراجعه، الله يعيني على دكتور خالد !
امس كلش ما نمت عدل :smile2: نشيت مرتين، يوم اكون ضايقه يبيّن عليه
اختي حسّت عليه اونه شفيج، انا ماده البوز شبر و أقول ماشي
"أحتاج إلى صديقة مخذوله، كيّ نضحك سويا على خيباتنا ":k_sadwalk:
^^ بهدلت الدكتور و كرهته في مجاله، بس بالاخير
خلع لي ضرسي :bash:
اليوم : الاثنين
الساعة : 11:53
المزاج : الحمدلله
الموضوع
يوم الاربعا خالي و ولد خالتي سوا حادث هذا المسا "طالعين من كويت رايحين السعودية"
يوم الخميس اختي سو لها جراحه بعينها من 3 شهور كيس دهني بعينها و ما تبي تشيله
ما داومت بالخميس كنت معاها بالمستشفى، و امس ما داومت كنت تعبانه شوي
"الدنيا سجن المؤمن و جنة الكافر"
الجنة دار السلام، ربي يكتب لنا السكن فيها :fa41:
.^
الحمدلله على سلامتهم .!!
وسلامتج :)
يسلمج ربي من عذابه يالغالية
اليوم : الثلاثا
الساعة : 07:53
المزاج : الحمدلله
الموضوع
الانسان مش ملاك و لكن انا لو اكره شخص مستحيل اقول اني ااكره انسان
الناس راح تاخذ عني فكره انه هالانسانه قلبها اسود، كرهي للشخص بيني و بين نفسي
و اتوقع لو كرهت شخص ماظن راح ادعي عليه !! اتضايق لمن اسمع انه حد يقول
انا اكره هالانسان و يقعد يتحسب عليه. ممكن اقول انا ما تقبل هالشخص ماحب احتك فيه
بس اني اكره ؟ لا حرام. انا ما اقول نافقوا و جاملوا بس احتفظوا بهاي المشاعر بينكم و بين
انفسكم عشان ما تخسرون اللي حولكم.
مقصره في حق كثار من حولي, اتعلث انه ما عندي وقت
قالت لي ربيعتي يالله مزن عرسنا و بعدنا ننشد عنج و زعلت
بس صج والله فكرت فيها صح كلامها ما شاء الله ربي يحرسهم رفيجاتي
تزوجوا و عيلن و لين اليوم هم اللي ينشدون عني و الا انا لو ما يتصلون
عادي اسحب عليهن.
يوم السبت دزتلي رفيجتي مري عليه انا بيت امي ماخذتلج حاجه قلت لها اوك
لين قبل حزتها بساعه اتصلت تعذرت و انا ما كان عندي شي ضروري بس جذه ماحب
قالت لي ما عليه مري خلاف بخليه عند اختي و لين اليوم مارحت
اقعد 05:40 اداوم من 07:00 لين 02:00 اوصل البيت 02:12
اصلي و ارقد و احيانا اتغدى 04:10 تقريبا 05:00 اقعد افرفر في هالتلفزيون
و احاوط فالبيت فالحوش و المطبخ غرفة امي و ابوي و الصالة و غرف خواتي
اسوي لي كوفي و العب لين 09:00 عاد اجهز نفسي للنوم مع انه في مسلسل
اتابعه الحين الساعه 10:00 و ارقد بعدها
"قمت اتابع مسلسلات" من الملل الشديد و من فترة شهر و شوي وقفت قراءة
10:44 بتوقيت الكمبيوتر،،، :fa36: باقي وايد عالدوام
اليوم : الثلاثا
الساعة : 08:45
المزاج : الحمدلله
الموضوع
املل شي اليوم من اول الصبح، ثنتين مش مداومات ماكو من يشاركني
طولة لساني =)، و حتى ماكو ريوق تكبرت على ريوق بيتنا امي قالت لي
اتريقي قلت لها بتريق بالدوام :ohboy: الحين اتصلت فيها تجيب لي ريوق
قالت لي مابي ههههههه. امس سوت لي رفيجتي طوق ياسمين :k_blush-anim-cl: احببب الياسمين
و هاي موسمه و حاطه شوي من الياسمين المنثور بزجاج فيه ماي عالمكتب.
اوكو وحده معانا تسوي رجيم و تجيب خيار، و انا جذي :fa39: يا حرمه لا تجيبين
خيار "نسيت نفسي اتحرى المكتب باسم ابوي". استغفر الله العظيم
اليوم : الخميس
الساعة : 12:27
المزاج : الحمدلله / احباط
الموضوع
مسؤولي يقول اني بردت بالشغل، وايد تضايقت !
الله المستعان
اليوم : الثلاثا
الساعة : 08:20
المزاج : الحمدلله بجميع الاحوال
الموضوع
سلامتج يالدوحة، سلامة البلاد من أولها لآخرها "خطاج الشر يا قطر"
اللهم أحفظ قطر و أميرها و أهلها و شعبها من كل مكروه و أبعد عنهم كل سوء
ربي يحفظ كل غالي علينا بديرة بو مشعل :fa41:
اليوم : الاربعا
الساعة : 11:32
المزاج : الحمدلله
الموضوع
آخر أسبوع من رمضان يمكن أطلع اجازه، ارتب المكتب من الحين و الاسبوع
الجاي راح اجهز الـ Hand Over :h_daleel: لرفيجاتي :). ربي ييسر جميع اموري !
وَمَا ذَلِكَ عَلَى اللَّهِ بِعَزِيزٍ. [فاطر:17]
يالسة أقرا كلامج يا مزن من شهر 2 و اشوفج تقولين بسير ملتقى العائلة ==> قلت في خاطري والله زين مجدمينه وايد السنة :surrender:
عقــب استوعبت انه كلامج هذا من 7 شهور :4:
يااااالله بالستر الواحات مهجووورة :crazy:
اليوم : الخميس
الساعة : 2:20
المزاج : متملل
احس بالملل .. مع انه ويك اند .. بس ما اعرف وين اسير
كل يوم ارد البيت وما اطلع مكان .. اجابل الكمبيوتر .. وكل شويه ادخل سايت لين يأذن المغرب اسير اصلي وارد ايلس ويا الأهل لين اذان العشاء .. اصلي اتعشى وارقد ..
كملت اسبوع على هالحاله ..
اليوم : الاحد
الساعة : 12:37 مساءا
المزاج : الحمدلله
الموضوع
همممم استغفر الله العظيم، شو أسوي ؟! يا رب يسّر و لا تعسّر
مدمنة ايباد درجة أولى صرت، امي و خواتي ودهم يكسرونه :)
والله من الفراغه :k_sadwalk:
^ مزن: انا بقدم لج اقتراحات =p عشان يخف ادمان الآيباد
في هالأيام حاولي تشغلين عمرج بأمور العيد .. تقضين شغل البيت أو خواتج حق العيد
يوم تردين من الدوام تلاقي ويا ربيعاتج اذا يومج طويل
يلسي ويا اهلج
سيري الجمعية بدال اللي يسيرون يشترون أغراض البيت
بسرعة بيطوف الوقت و بيي وقت الرقاد و في هالوقت عاد اقري قرآن أو تصفحي النت بالتلفون و اقري لج أشياء مفيدة ليين اييج الرقاد
أهم شي يخشون عنج الآيباد >< .. أنا أكره الآيباد :fa52:
أرد من الدوام متكسره :)، اني اتجهز للعيد همممم
خوالي و خالاتي و حد من عيالهم كلهم مسافرين و الاهم من ذلك
ليلى مسافره :glare: و المخاوير جاهزه بس امر اطلعهم من العين
و الجمعية ؟ يحب هاي الشغله و خواتي يستطفلوا !
خلاص يمكن اخف هاليومين بصير بيبي ستر حق شواق اختي
بس كيف ما تحبين الايباد :fa41: احسن عن الهذربان
و شوفة التلفزيون اللي ما منها فايدة
السلام عليكم..
مذكرتي العزيزه..
كان يومي جدا هادي...
لكني اكتشفت حقايق يديده..
محزنه..
للاسف..
الله يعين..
احتاح لفترة نقاهه، احتاج لسماع النداء الاخير في المطار ، على رحلة معينة
اليوم: الاربعاء
حالة طفرة من كل شي
روتين الشغل ذبحني
ابحث عن حل ثاني
اليوم : الاثنين
الساعة : 08:11
المزاج : الحمدلله
الموضوع
بنفجّر من الادارة اللي أداوم فيها، مصالح عفانا الله و اياكم !
لو انه 5 دقايق عن بيتنا كرهته، أقول حق امي اداوم بجبل علي
بس اهم شي مدير يقدّر و ما يقط كلام اهو مو عارفنه
الشره على اللي وصلوا الكلام يوم انكم ما قلتوا شي طيب شكو توصلون
حجي يغثني، من القهر امس صحت امي و خواتي مستغربين مو للدرجه هذي
يا مزن ! امبلا يوم يقول فاطمة دوم تاخذ اجازات و انا حتى اذن خروج ماخذ
الا للضرورة و مره بالشهر لازم بتضايق -.-
يالله وردة روز منو تقترح عليه من مدراء، مابا DP كرهوني حياتي
اليوم : الاثنين
الساعة : 07:31
المزاج : الحمدلله :fa41:
الموضوع
ماعرف شو اكتب بس حسيت اني ابي اقول أي شي
فيني طاقة ماعرف ايجابية و إلا سلبية بسم الله عليه
الشي الوحيد اللي احسه بعد كل هالفترة برامج التواصل الاجتماعي
ما عوضت عن المنتدى، احس هني غير سبحان الله
كأني في بيتنا :14: ما أحاتي اقط كلمة مني و الا مني
و حد يزعل و مادري من هالخرابيط، في انستغرام
الواحد ما ياخذ راحته :fa46: و تويتر آخر فترة ما ياز
لي فصكرت حسابي هناك و طبيته هممم هيه الواتس
اب و البي بي للضرورة و سناب :shutup: الحمدلله و الشكر
يخليك خبل ليس إلا :a100:
وييييييي أهم من هذا كله الواحات عرفتني على انسانه
والله لو اقول فيها من اليوم لي باجر صح ما تستاهل
حجي حلو بس والله صرت ما اصبر عنها ههههههههه
:hysterical: والله أكتب البوست و انا اضحك
اصلا هي مو ويه حجي حلو، بعد سنة ان شافت هالكلام
بتقول لاااا مزن فضحتيني :k_harhar1: سيري لاااااااااااااااه
على فكره كنت منغشه فيها اونها هني حبيبتي و عزيزتي
و الحين تناديني بشي ثاني و اهلي حاليا منغشين فيها
و يحبونها
ليش تتحرشين (˘˘̯)اقتباس:
المشاركة الأصلية كتبت بواسطة مزن هتان
انزين .. إلا انا .. هاي سوالفكم .. بس .. حرام يعني مزن تكتب فيج معلقه و انتي تكتبين كلمتين (( تويتر مأثر فيج )) قطعيها :d014: اقصد اذكريها بالخير ههههههه
الله يحفظكم و ألف مليون الحمدلله عالسلامه
خير الكلام ماقل ودل طال عمرك ودي اكتب قصيدة هجاء فيها بس داخله من الفون عفسه (˘˘̯)اقتباس:
المشاركة الأصلية كتبت بواسطة خنفروش
والله يسلمك ويحفظك .. شكرااااا
عفوا ؟! شكو مقتبسه ردي
حد طراج لا سمح الله ؟!
بوسي ايدج ويه و قفى و صلي ركعتين شكر انه الدنيا عرفتج عليه
تقصدين قصيدة مدح و ثناء في فاطمة :inlove:
اقتباس:
المشاركة الأصلية كتبت بواسطة الا انا
حنيت للواحات .. 3>
يا حيا الله بأهل الواحات
اليوم سويت فحوصات لعيوني عشان الليزك .. الي مسوي يفيدنا بتجربته
خلاص نبا نطلق النظارة
^ أخاف أخوض هالشي مع اني رحت الفحص بس تميت متخوفة ..
ان شاء الله فالقريب العاجل بحاول أتشجع وأخوض لها .. ملينا من العدسات والنظارة ..
^^ انا بعد سويت الفحص ولكني استخرت قبل لا اسير وسبحان الله قالوا بنتصل فيك نحدد لك موعد العملية ولين يومكم محد اتصل فيني ،، واكيد خيرة اني ما اسويها
اللهم عوضّ شبابه بالجنة
و يمسح ع قلب والدينه و قلوبنا
توفى ولد عمي يوم السبت أثر حادث
رحمة الله عليك ابراهيم عيسى صنقور
الله يحفظنا و إياكم من شر الحوادث
رحمة الله عليه اختي
عظم الله اجركم واحسن الله عزاءكم
الله يرحمه ويغفر له ويسكنه فسيح جناته ويغمد روحه الجنة
تقبل الله طاعتكم ومباركن عيدكم
وكل عام وانتو بخير يالطيبييين