تكرر الرد ..
بتلقينه تحت هيهيهي
عرض للطباعة
تكرر الرد ..
بتلقينه تحت هيهيهي
السلااام عليكم ..
اسمحيييلنا اختيه الجنيه ع التأخير .. كتبنا النا عوده .. والحين عدنا .. بعد ماقرينا القصه ..
طبعا باقلي اخر جزء ماقريته هيهيهي ..
بس بدايه موفقه اختيه ..
وعندي لج كم ملاحظه ان شاء الله بيكون بينا رسايل ع الخاص وبقولج وجهة نظري..
مب خقاااااقه انا هيهيهيهي بس كون اني مريت بتجربه سابقه ..
وماشالله اخزي العين مب مخليه روايه فحالها ههههه .. اما القصص اللي ع النت
ما قمت اقراهم وايد ..
لكن ان شاء الله اقدر اساعدج لو شوي ..
وسلطان خاطري اعرف كيف بيتصرف وبيخبر وعد !!!
الله حيهم..
ثانكس عالجزء بنتضار الجزء اليديد
مشكوووووووووووووووووووووو وووووووورة على القصة الرائــــــــــــــــــــ ــــــــــــعة
وفي الإنتظار..
أختج عاشقة الريم
مشكوره اختيه على القصه الرائعه
ونحن بنتظار يديدج
اختج
خيماويه
مشكوووره اختي عالقصه الحلوه ..
وننتظر يديدج انشالله ..
وكملي القصه لانها واايد حلوه
شخبارررج الجنيه
موكنك تاخرتي علينا هالمره ^^^ادري بتقولين طراره وتتشرط ههههه^^^
بس هم بتريااااااااااج
##########تحياتي لج##########
في الانتظار
على واحات بن دبي
ماشا الله عليج يا الجنيه
خيالج واسع
بس أبسألج ؟؟؟
ليش سميتي الأبو بو سلطان
وخليفه أكبرهم ؟؟
مشكورة اختي الجنيه عالقصة بصراحة انا للحين
ما قريت الجزء 13
و14 بس اوعدج اني اليوم اكمل القصه
بتقولين ليش لاني كنت مسافره وامس راده
قمازي :inlove: :unclesam: :fa51: :fa42: :fa34: :heart: :oh: :tounge: :ohboy: :huh: :fa52: :fa43: :Oo: :alien: :fa35: :fa54: :fa44: :fa36: :blush: :vampire: :fa37: :fa45: :fa55: :laugh: :rock: :crazy: :wacko: :sad: :look: :fa56: :shocked: :woot: :crosseyed :fa38: :fa46:
حاطه كل الربع عشان محد يزعل ههههههههههه
الريم
العفو حبوبه ... أسعدني تواجدج
المزيوووووونه
مسموحه غناتي ,,, المهم أنج رجعتي صدق طولتي عليه بس ماعليه حصل خير وبالعكس يشرفني أتنوريني بنصايحج مثل ما أتعرفين هاي تجربتي الأولى في كتابة القصص وأدري أنه في أشياء وايد ملخبطه بس ما عليه ومنكم نستفيد وانا بانتظار تعقيبج ونصايحج بس لا تبطين أخاف أتخلص القصه :fa56:
العفـــــــــــــــــــــ ــــــو حبايبيريم العين ،،، عاشقة الريم ،،،،خيماويه ،،، الجامعيه 11 تسلمين الغاليه
الريم88
بخير وسهاله الله يسلمج
بلى تأخرت بس كمبيوتري كان مزجم مثل راعيته عشان جذه تحيرنا أشوي بس فالج طيب الحين بحط لج الجزء الـ 15
زلووخ
ان شاء الله ما راح يطول الانتظار
ديج الفريج
تسلم على الاطراء
الله يسلمك أنت لو قريت الجزء الـ الثاني بتعرف السبب بس بختصر لك اياه
لأن خليفه كان عنده أخ توأم مولود قبله بدقائق وتوفى بحمى بوصفار ويوم ياهم ولد ثاني اللي هو سلطان بعد سموه على الي توفى ...
هلا والله الحمدلله على سلامتج
قمازي
وين صوغتي :fa43: خلاص أنا بكون كريمه ولأنج تستاهلين أهديج هالجز ء ؟؟
أموت أنا في حبهم
الجزء الـ 15
عبدالرحمن : ها أميه أشوفج شلتي أيدج ؟؟؟
موزه : الحمدلله شبعت
هند : شبعتي والا ولهتي على ناس
موزه وحمرة الخجل صابغتنها : جب أنزين
عبدالرحمن :وأنتي شو حارنج برايها ريلها أنتي شو تبين ؟؟
هند مبوزه : عافاني الله ما يسوى علي كلمة قلتها شبيتوا بويهي
سهيل : هههه وأنتي ليش أتحطين نفسج فمثل هالمواقف يعني وحده توها مالجه لا زم بييها الفضول تتعرف على شريك حياتها لو هو من أهلها وأتعرفه جان ما يخالف بس هذا أنسان غريب عنها ومحتايه تعرفه ويعرفها ويتفاهمون من الحين وأنتي لا أتمين أتعايرينها بهالشي تراها ماسوت شي غلط شرعاً هذا ريلها ومحد له الحق يمنعها عنه ...
هند: ول خيييييييييييييبه حشى الحين هالمحاضره كلها عشان قلنا كلمتين خلاص بنطم وبسكت أخير
رويه : دواج عيل أشلج في البنيه منغصه عليها العيشه
عبدالرحمن : فديت اللي يغارون خلاص باجر بييب لج خطيب وبيوزج منه شو رايج ؟؟؟
هند :وي باسم الله علي حشى علي لا غيره ولا شي بس أبي أغايضها
عبدالرحمن : لالالا خلاص أنا من بونهم عرب خاطبينج بس أنا اللي للحين ما رديت عليهم خلاص ألحين بقرب بهم
هند مصدومه : ها شو أنا منو ؟؟؟؟ ليش ؟؟ متى وكيف ؟؟؟
رويه : عوذ بالله من هاللسان عنبو فنصخ واحد مليون سؤال ؟؟؟
موزه : هههه مب مصدقه
هند: جب أنزين من الصبح بالعه لسانج وساكته ما بغيتي ترمسين الا الحين
موزه: بعد ربج رايد جذه
عبدالرحمن : هههه موزان وأنا أقول أنتي العاقله الفاهمه
موزه: ههه أبويه خلني بنتقم منها
سهيل : ههه زين أتسوين فيها
نوره :حرام عليكم لا أتزعلونها بعدين منو بيلاعبني
هند :يا ويهج صدق مصلحجيه ما أدري طالعه على منو ؟؟؟
نوره :لا حرام حرام والله مب مصلحجيه
سهيل : عاد كله ولانوره مره ما يخصج بها
هند : خلاص أنت قلتها بنفسك ما يخصني بها يعني مب لازم ألاعبها
نوره : خلاص برايج أنا بسير عند مهره وبتم عندها هي أتحبني وايد ووووووووووايد
سهيل : منو هاي مهره ..؟؟؟
رويه : هي ماشاء الله عليها وايد أتحبها ودوم تتنشد عنها
عبدالرحمن :هاي بنت بو ميثا ؟؟!!
رويه : هي بنته ماشاءالله عليها راعية واجب أدب وأخلاق وجمال
هند :أحسن من أختها العودة هاي الوغده ميثا
عبدالرحمن : عيب يا أميه مب زين أتقولين جذه عن الحرمه
هند :أبوي أنت ما أتعرفها هاي شريره وايد
سهيل : برايها شريره حق عمرها ليش ترمسين عنها وتاخذين ذنوبها
هند: أف فف أنا بروح حجرتي أحسن كل ما قلت شي ما عيبهم
عبدالرحمن :أفا عليج يا بنت بوسهيل لا أتكدرين جذه وين موزان ؟؟؟
هند: ههه ما صدقت أنشغلتوا عنها ربعت تتصل بالقلب
سهيل : عوذ بالله منج ما أتوبين أبد عنبو توج مهزوبه والسبه هالرمسه بعدج ما أتيوزين
عبدالرحمن :بوطبيع ما أيوز عن طبعه
هند مبوزه: خلاص برايكم أنا محد يحبني ولا تعيبكم رمستي
سهيل يسحب أيدها عشان تيلس : أفا عليج أنتي الغلا كله تعالي بس لا تزعلين
هند :هي وأنا أقول البنت طالعه مصلحجيه على منو ثرها طالعه عليك
نوره : خلاص عمو أنحنا بنروح عنكم اليوم بعدين لا تتصلين أتقولين تعالوا دبي
هند: لا أرجوج ما أقدر أعيش من دونج حرام عليج لا أتسويبي جذه
نوره : ههههه بابا شوفها
سهيل : أشوفها خسفه صح
نوره :ههه صح ..
وهني رن تلفون سهيل ... الملقوفه يتصل بك ..... وطول وهو يرن
عبدالرحمن : سهيل رد عتلفونك حشرنا يا أبويه ..
سهيل : ان شاء الله ،،، ألو
سلوى : السلام عليكم أشحالك
سهيل : بخير الله يسلمج ... أشحالج أنتي والصغاريه ان شا ءالله بخير
سلوى : الحمدلله طيبين وأنتوا للحين ما رجعتو من دبي ؟؟؟
سهيل : لا بعدنا بعد صلاة العصر ان شا ءالله خير في شي ؟؟؟
سلوى : سلامتك بس مريت بتغدى عندكم ولهت على نوره ... وبعدين أنتوا للحين ما ييتواالعين نوره عندها مدرسه باجر
سهيل : أدري وكل أغراضها زاهبه ...
سلوى: هي زين عيل عطني بكلمها أشوي
سهيل : ان شاء الله وناول التلفون لنوره
نوره :ألو السلام عليكم أشحالج خالوه
سلوى: بخير الله يسلمج أشحالج أنتي شو مسويه شو أخبارج
نوره :الحمدلله بخير
سلوى :ها متي ناوين ترجعون العين ؟؟؟
نوره :ان شا ءالله العصر
سلوى: زين خلاص عيل بمركم المغرب سلمي على عماتج ويدتج
نوره :ا ن شا ءالله ... وسكرت ... التفت عليهم : أتسلم عليكم خالو سلوى
رويه : الله يسلمها وينها سكرت ؟؟؟
نوره : هي
عبدالرحمن : أشفيك يا سهيل ليش مضيق بروحك
سهيل : سلامتك يالوالد مافيني شي
رويه : نوره أمايه نشي ويا عمتج هند سيروا شوفو الخدامه خليها أتي أتنظف السفره
نوره : ان شاء الله يلا عموه أنروح ؟؟؟ تذكرين قلتي بتراويني موقع باربي على النت
هند: ممم بفكر
سهيل : عن الخراط وأسمعي كلامها يلا بسرعه
هند: حشى طراط ويتشرط أحمد ربك بخلي هالمفعوصه تلمس لا ب بوتبي
سهيل : مب منج من الفقر اللي فيج والا الاب توب استوى عند الهندي اللي يغسل المواتر مب بس أنتي
رويه : هند قومي نشي وعن اللغوه الزايده يلا
هند: ان شاء الله
أول ما طلعوا من غرفة الطعام
رويه : سهيل شو فيه ويهك غادي جذه ؟؟؟؟
سهيل :سلامتج الغاليه ما فيه شي هذا ويهي الطبيعي
عبدالرحمن : خل عنك ... شو فيك أشوف أعتفس حالك من رمست هالذيبه
سهيل : هههه والله صدقت أسميها ذيبه ... أنا ما أدري هي شو مصلحتها من اللي أتسويه
رويه : ماعليك منها أنت طيع الشور وخلها علي
سهيل : ما أعرف
عبدالرحمن : شو السالفه أشو عنج أنتي ويا ولدج؟؟؟؟
رويه : الله يسلمك أقوله يطيع الشور وياخذ بنت بو ميثا
عبدالرحمن : يا سلام يا زينه من شور ... كلمك عمك حميد ؟؟؟
سهيل : هي أمس في المغرب كنت وياه
عبدالرحمن :و ان شاء الله أقنعك
سهيل بابتسامه : ههه وليش عمي حميد يوم يحط شي فباله حد يقدر عليه
عبدالرحمن : هههه والله قدها بووعد ،، عيل نحن تعايينا وياك وأنت ميبس هالراس وما تسمع الرمسه
سهيل : أفا عليك يالغالي حاط بخاطرك عليه ؟؟؟
عبدالرحمن : لايا أبويه بس مب عايبني حالك وأنت بيدك تصلحه
سهيل : يصير خير ان شاء الله
رويه : يعني موافق أنجس النبض أنشوف جان عوشه بتطيع؟؟؟
عبدالرحمن :وليش ما أتطيع الحمدلله الولد ما قاصرنه شي ...
سهل : هههه الله يهداك يالوالد مافي شي بالغصب يمكن البنيه ما تبا
رويه : عاد أنا ما عليه منك بسير صوبهم باجر وان شفت أنهم ممكن يوافقون بتصل بخبرك ويوم الخميس بنروح نخطب ها شو قلتوا
عبدالرحمن :شورج وهداية الله
سهيل :خيبه بهالسرعه ؟؟؟
رويه :أنت أسكت ما لك دخل في الموضوع أبد ...
سهيل : ان شاء الله كله ولا زعلج
....
سرحانه وما تسمع كلمه من اللي يقولها ... الحمدلله أنه ربي رزقني بريل مثله ولا جني من يومين أعرفه الله لا يغيره علي وان شاء الله أنتم جذه طول العمر ...
منصور : موزان ؟؟؟ وينج ؟؟؟
موزه أنتبهت :ها وياك وياك
منصور : الله أكبر الحين أنا من الصبح أهذرب وأنتي هب ويايه شو شاغلنج عني ؟؟؟
موزه : لا والله وياك بس أشوي سرحت
منصور : فمنو ؟؟؟ أعترفي بسرعه
موزه :لا ماشي بس جذه
منصور :وراس الغالي منصور أتقولين بشو كنتي أتفكرين
موزه "فخاطرها : على كيفه " : ماشي بس كنت أقول يعني سبحان الله نحن ما أنعرف بعض الا من يومين وأحس كأني أعرفك من زمان ووايد أرتحت لك
مصنور : يا ويل حالي منو قدي صدق بعق عمري من الدريشه
موزه : وي باسم الله عليك
منصور :موازن أبا
موزه : آمر شو بغيت ؟؟؟
منصور :مايامر عليج ظالم أبي أيي عندج ولهت عليج خاطري أيلس وأسولف وياج
موزه مرتبكه : ها ما أدري عراحتك
منصور : راحتي هي راحتج اذا أنتي ما عندج مانع بييج والا اذا أتحسين أني أضغط عليج عادي خبريني والله
موزه :لا عادي برايك اذا بتي
منصور : أتقولينها من خاطرج ؟؟؟
موزه : أكيد
منصور :خلاص عيل عشر دقايق وأنا عندج
موزه : ها شو عشر دقايق حرام عليك شو ناوي أتي بصاروخ
منصور : هههه لا بس أنا أصلا في دبي وقريب من بيتكم
موزه تتطالع عمرها فالمنظره :لا شو منصور حرام عليك أنا مب جاهزة ولا سويت شي
منصور : ما أبي شي أصلا ً أنا ياي بطلعج ويايه يعني يكفنج عشرين دقيقه لين أسلم على أهلج وبعدين بنطلع
موزه : منصور شو نطلع ما يستوي
منصور :الله !!! وليش ما يستوي ان شاء الله ؟؟؟
موزه: ها ما أدري يعني لازم أشاور أبويه
منصور : أستريحي مشاورنه قبل لا أدق لج وقالي هاي جرمتك ومافي مانع بس لا تتحيرون
موزه : متى مشاورنه ؟؟؟
منصور : ليكون مب مصدقتني ؟؟؟؟
موزه :لا والله محشوم بس يعني أنت ما خبرتني
منصور :ترا أنا قلت أول بشوف أنتي شو رايج بعدين بخبرج
موزه : أها
منصور :أنا وصلت عند بيتكم
موزه : لا منصور شو
منصور : شو لا بعد ما يخصني يلا عندج عشر دقايق تجهزين وتطلعين لي
موزه : ها أأأ
منصور : يلا بخيلج عشان تجهزين
فهالوقت أنفتح الباب ووايجت هند براسها : مواز ريلج عند الباب
موزه :هي أدري الحين بيي
هند :عنبو جي تبين تطلعين له!!!!!! تكشخي حطي من الحمر والخضر أشوي حشا بتروعين الريال بيقول غشوني فيها هههههههههههههههههه
موزه : جبي أنزين
منصور :قوليلها ما يخصج وما أبيج أتحطين ميك أب وايد أبيج طبيعيه
موزه :أصلا أنا ما أحط غير جحال وغلوس خفيف
منصور : فديت قلبج هاجذه أباج يلا فمان الله بنزل أسلم على أبوج
موزه : خلاص برايك ... باي
هند : حشا على التلفون وواقف عند الباب شو ها يني ؟؟؟
موزه :عوذ بالله منج لا تحسدينه
هند: وع أحسده على شو
موزه : هندوه قلبي ويهج بسرعه أبي أتجهز
هند أنزين
موزه :هناد حبيبتي تعالي ساعديني شو ألبس ؟؟؟
هند : توج رايغتني وتبيني أييج ؟؟ ماعرفنالج أرسي عبر
موزه وهي تفتح باب الكبت : فديت روحج هناد يلى بسرعه تعالي شو رايج ألبح هالقميص والتنوره ؟؟؟ والا ألبس هالمخوره اللي مستونها لي وفا ؟؟؟؟
هند :مممم شورايج بهالبدله ؟؟؟
موزه : وين هندوه تبيني ألبس بنطلون وقميص ؟؟؟ أحس ما بيعيبه
هند : يالهبله شو ما يعيبه القميص طويل واصل للركب والبنطلون وسيع وبعدين بتلبسين عباه صدقيني روعه ولونه يجنن
موزه : لا هندوه توه الناس على هاللبس بلبس المخورأخير
هند :شو هالرمسه اللي أتلوع بالجبد البسي وعلى ظمانتي ما بيقولج شي وان ما عيبه مره ثانيه لا تلبسين
موزه : أنزين شو رايج ألبس المخوره قبل وبعدين يوم بلبس عباتي ألبس البدله الثانيه
هند :أفففي أنت ماتفهمين ؟؟؟
دخلت عليهم رويه : ويدي موزان بعدج ما جهزتي منصور برع يترياج يلا أمايه الدهديه ألبسي عباتج وتعالي
هند :يعني على طول بتطلع ؟؟؟
رويه :ويدي عيل تبينها أتريا شي ؟؟؟
هند :لا أقصد يعني أتي وهي لابسه عباتها
رويه : أستغفر الله من هالبنت موزانه تعالي بسرعه يترياج
موزه :ان شا ءالله
هند : يالغبيه صدق ترفعين الضغط ألبسي البدله بسرعه وتعالي بحط لج ميك أب
موزه بعد ما لبست وطلعت من الـ Dressing room ما أبي وايد ميك أب
هند :أدري وأنتي ما شاء الله عليج من بونج حلوه بس حطي أشويه جحال من داخل العين وغلوس وردي خفيف بيكون شكلج طبيعي ميه ميه
موزه بعد ما خلصت : ها هنود شو رايج
هند وهي أتصفر :واااااااااااااااو جنان الصراحه أختي أنتي حلوه وأنا ما أدري
موزه : ههه يا راسج عطيني الدبله هكي على الطاوله وراج
هند : أندوج يلا تغشي
موزه : ما بتغشى تدريبي ما أقدر أتنفس ورا الغشوه
هند : الله يعينج
,,,,,,,
فبيت خليفه
العنود : بخير الله يسلمج أشحالج أنتي وشو أخبار العيال ؟؟؟
ميثا حايسه بوزها : الحمدلله تمام ماشي حالهم باجر مدارسهم بتبدى
العنود : حليلهم الله يعينهم
ميثا : أقول ترا خليفه يقول شركة المقاولات مالت أبوج ما أدري شو مستوي فيها الريال المسؤل فيها مشغل عمال من دون ويز وأظني في السجن هو يا العمال ومطلوب منج أتسددين مبلغ المخالفه ولازم أتروحين المركز
العنود : أنا أروح ؟؟؟ ميثا الله يخليج خليه يشوف لي صرفه غير روحة المراكز
ميثا :والله ما أدري بشوفه شو يقول
العنود : يزاج الله ألف خير
ميثا : شو فيج ؟؟ أحسبج متغيره ؟؟؟
العنود : ماشي سلامتج بس تدري اليوم بعد ما رجعت من بيتكم لقيت خالي وحرمته وعياله كلهم هني عندي
ميثا : أففف شو يبا بعد ليش أيي ليكون يايب لج شيبه ثاني يباج تاخذينه ؟؟؟
العنود :ههه لا الظاهر قام سوقي يباني آخذ ولده
ميثا : أي ولد فيهم
العنود :ضاحي
ميثا : وكم عمره ؟؟؟
العنود : ههه 23
ميثا : ها خالج خبله أيوزج أنتي له عنبو أنتي كبر أمه
العنود بقهر وإحساس بالذل : ما أدري شو ياه
ميثا: والا تدرين خذيه ما فيها شي على الأقل ظل راجل ولا ظل حيط وبعدين فرق العمر مب وايد الا هن عشر سنين
العنود :مشكوره يا ميثا ويزاج الله ألف خير ما قصرتي مع السلامه
ميثا وهي ماسكه السماعه : أندوك هاي زعلت وأنا شو قلت ؟؟؟
خليفه اللي سمع الرمسه : ههه ما قلتي شي أمره أبد ما قلتي شي
ميثا : باسم الله الرحمن الرحيم أنت من وين طلعت لي ؟؟؟
خليفه : الله يهديج يا ميثا ,, خبرتيها عن اللي قلت لج عنه ..؟؟؟
ميثا : قلت لها بس تقول ما تقدر أتروح المركز فضيحه
خليفه وهو معصب : منو قالج أتقولين لها لازم أتروح المركز أنتي أتخبلتي والا شو سالفتج ؟؟؟
ميثا : ها عيل شو بتسوي
خليفه :عوذ بالله منج من حرمه أنا قلت لج قوليلها بمر عليها خليها أتوقع لي على الأوراق وأنا بنفسي بخلص الموضوع
ميثا : وين أتمر عليها ؟؟؟
خليفه : وين فبيتها طبعاً
ميثا : يا سلام وبأي صفه أتمر البيت عندها
خلفيه راص على شفايفه : أستغفر الله أنا بسير بيتها بس خليها أتطلع لي الخدامه أتودي أوراق الوكاله أتوقعهن وأتردهن لي أنا الحين بسير
ميثا : بس هي زعلت ما أدري جان بترد علي
خليفه :الله يسامحج ليش أتسوين بها جذه حرام عليج
ميثا : وأنت ليش أتدافع عنها ان شاء الله ؟؟؟
خليفه : شوفي أنا توني ناش من الرقاد ومصدع خليني فحالي أخير لج
ميثا : وأنا شو قلت أنت بس تبا الحجه عشان أتحاربني شو ماكله حلال أهلك أنا
خليفه وخلاص بينفجر من الغيض : ميثــــــــــــــــــــــ ــــــا
ميثا: ....................
خليفه : ما أقول غير لا بارك الله فيج .. ذلفي عن ويهي قبل لا أذبحج
ميثا : أوه أنا بسير بيت أم ثاني أخير لي
خليفه : خلج أنتي وياها بنشوف آخرتها وياج ... خليفه شاف سهيل نازل من فوق
سهيل ... شو أتسوي .؟؟؟
سهيل : ماشي بس بشوف الدريول عشان يوصلني بيت يدي
خليفه : زين عيل روح حجرتي بتلاقي ملف أصفر على الشبريه خذه وتعال ويايه بنسير مشوار صغير بعدين بوصلك .... بترياك في السياره
سهيل : ان شا ءالله
,,,,,,,
فبيت بو محمد
حمد : ما بتأخر برجع بسرعه
عذيجه : خلاص برايك روح
هزاع : ليش أتخلينه يروح ؟؟؟
عذيجه : برايه بيرجع بسرعه ما بيتأخر
هزاع : اذا عارف درى بيسويها قصه
عذيجه : ما عليك منه ... ها جنه ولدي يصيح
هزاع : أحيد حمدوه ورواض عنده
عذيجه : خلها أتييبه
هزاع : ان شاء الله ... دخل غرفتها وقال لروضه أتودي فهد لأمه في الصاله وهو ياي بيطلع زقرته حمده
هزاع : ها شو تبين ؟؟؟
حمده :هزاع تعال ويايه حجرتنا أشوي
هزاع :خير حمدوه شو تبين ؟؟؟
حمد وهي تفتح باب حجرتهم : تعال أدخل بخبرك
هزاع : وهاذي يلسه شو عندج ؟؟؟
حمده : هزاع أنت أتعرف ربع حمد ؟؟
هزاع : طبعا ليش السؤال ؟؟؟
حمده : هم ناس أوكي والا ؟؟؟
هزاع : شو السالفه رمسي
حمده :هزاع لا أتخبر عارف ترا حمد يدخن والسجاير اللي يدخنها غريبه
هزاع: شو أنتي شو عرفج ؟؟؟
حمده : البارحه روضوه شافته مندس ورا البيت ويدخن بطريقه غريبه
هزاع : خبرتوا حد ؟؟؟
حمده : لا قلنا بنخبرك أحسن
هزاع : زين سويتوا خلاص أنتوا أنسوا الموضوع أنا بتصرف
حمده : هزاع ليكون حمد مدمن
هزاع :لا الله لا يقول ما عليج أنتي لا أتحاتين ان شا ءالله ما بيصير شي
حمده : انزين عارف وينه ؟؟؟ نبا أنروح المكتبه وايد أشيا ناقصتني
هزاع :خلاص ألحين بدق له وبشوفه بس مثل ما وصيتج لا أتيبين طاري هالسالفه لحد
حمده : ان شاء الله
...
في العين
سلطان : هلا مزنه شو صار فاضل رجع ؟؟؟
مزنه :لا بعده صارله أكثر من ساعتين وبعده ما رد
سلطان : خلاص دقايق وبكون عندج
مزنه : أوكي
أول ما نزل من موتره شافها تمشي بسرعه صوب باب الكاراج
مزنه :فاضل فاضل ؟؟؟ وينه عبدالله شو ياه .. مشت خطوتين بعدها تخرطفت وطاحت بسبة اللعبه اللي عند اريولها
سلطان ربع يمسكها ويرفعها عن الأرض : مزنه أشوي أشوي ... تعورتي ؟؟؟
مزنه والدموع مخرسه ويهها :لا ما تعورت
سلطان : شو أتسوين برع في الحر تعالي ندخل داخل ...
قبل لا يدخلون من باب الصاله شاف سياره فاضل داخله البيت وصلها لداخل ورجع عنده يتطمن على عبدالله
عبدالله أول ما شاف أبوه بدى يصيح وتعلق برقبته بالقو : بابا الدكتول دلباني أبره " بابا الدكتور ضربني ابره "
سلطان: خلاص حبيبي أنا بضرب الدكتور ولمس مكان الجرح يعورك ؟؟؟
عبدالله : وايد
سلطان : خلاص تعال أنروح عند ماما بعدين بعطيك دوا عشان يخف الويع أوكي
عبدالله : أوكي
فاضل : أنت شوأتسوي هني ؟؟؟
سلطان : أعتبر هالشي غباء والا استهبال ؟؟؟
فاضل : ههه والله أعتبره مثل ما تبي
سلطان وهو يخوزه عن دربه :فاضل خلك بعيد عني ولا أتحاول تتدخل بحياتي
فاضل : لا حبيبي ما عندي هواية تخريب البيوت وأنت الله بياخذ بقضانا منك
سلطان دخل الصاله وهو شال عبدالله وصل عند مزنه ويلس عركبه وقرب عبدالله منها
مزنه وهي تمسح دموعها : حبيبي عبادي شو صار لك ؟؟؟
عبدالله وهو يمسح دموعها : ماما لا أتسيحين مافيني سي بس شوي طلع دم " ماما لا أتصيحين ما فيني شي بس أشوي طلع دم" ثوفي أنا أبر مان قوي " شوفي أنا سوبر مان قوي "
مزنه وهي تاخذه بحضنها : فديت روحك
عبدالله : ماماتي بابا هني
مزنه وهي تبتسم : هي هني ... سلطان تغديت ؟؟؟
سلطان وهو ييلس مجابلها : لا ما تغديت ولا حاس بيوع
مزنه: لا يا سلطان لا تهمل صحتك يلا نش تغسل وبحط لك الغدا
فاضل : أنا بروح
مزنه : وين ؟؟ خلك تغدى ويانا
فاضل : سدوا نفسي ما أبا
مزنه : فاضل اذا ما تبا تتغدى برايك ومالها داعي هالرمسه
سلطان :ما عليج منه
فاضل : بنشوف يا سلطان لين متى بيتم الحال جذه
سلطان : فاضل اذا عندك شي اتقوله أرمس والا أجلب ويهك ولا أتم أتهدد مب أنا اللي أخاف من أمثالك
مزنه : سلطان دخيلك أسكت عنه خذ عبدالله وتعالو غرفة الطعام
فاضل : بتندم يا سلطان
سلطان :لا أتحاتي يوم بندم مابيي أشكي لك
طلع فاضل وهو معصب وسكر الباب وراه بكل قوته من القهر والغيض ....
وهم يتغدون رن تلفون سلطان وشاف الاتصال من وعد حط التلفون على السايلنت وكمل غداه وعبدالله مستانس من وجود أبوه وتم يسولف له عن كل شي ويهذرب
عبدالله : بابا اليوم برقد عندك
سلطان : انزين
عبدالله : وعد ؟؟؟
مزنه :عبدالله كل وأنت ساكت
سلطان : لا برايه خليه يسولف لي ... هي بابا وعد
مزنه وبنظره رجى :سلطان ترا ما بيرقد اذا رحت عنه
سلطان : لا اتحاتين ببات هني اليوم
مزنه بفرحه :والله
سلطان :هي وبعد الغدى بنطلع نتمشى
مزنه :مشكور يا سلطان
سلطان : ما يحتاي تشكريني هذا واجبي وأنا أدري أني مقصر فحقكم
مزنه : سلطان أنا من زمان بخاطري رمسه أبي أقولها لك بس ما لقيت الفرصه المناسبه
سلطان :خير شو عندج آمري
مزنه :سلطان أنت مش ملزوم فيني اذا تبا أتطلقني ما بمنعك ولا أتخلي الشفقه أتردك
سلطان :مزنه أنتي شو أتقولين مستحيل أطلقج أو أتخلى عنج أنتي أم ولدي ولج الحشمه يمكن أكون مقصر فحقكم بس أنتي أدرى بالظروف محتاي أشويه وقت عشان أضبط أموري وأوعدج أول ما تتصلح الأمور باخذكم ويايه
مزنه :لا سلطان ما أبي أخرب عليك حياتك وعبدالله تقدر أتشوفه متى ما بغيت
سلطان : مزنه من فضلج غيري الموضوع ...
مزنه :ان شاء الله ...
.......
موزه ومنصور بعد ما طلعوا قرروا يروحون البحر المكان اللي يحبونه أثنيناتهم
منصور : ليش ساكته ؟؟؟
موزه : ها ماشي عادي
منصور : أنزين أنا هني ليش تتطالعين برع
موزه مستحيه : ههه أدري
منصور : تدرين أنج محلوه
موزه :شكراً
منصور :والله صدق يعني ما أعرف شو أقولج
موزه :ههه
منصور :شو فخاطرج ؟؟؟ أحس تبين أتقولين شي بس ساكته
موزه : لاماعندي شي
منصور :أحلفي
موزه :هههه ما أقدر
منصور :يعني عندج شي
موزه :مو مهم
منصور :لا مهم من اليوم وسايرأي شي يكون فخاطرج أبيج أتقولين لي عنه لازم أتشاركيني بكل شي
أنتي شريكة حياتي أنا عن نفسي ناوي أشاركج بكل شي
موزه : ان شاء الله
منصور :انزين قولي الحين شوفيج ؟؟
موزه : أدري أنه ما يحق لي أسأل هالسؤال بس أبي أعرف اذا ما عندك مانع
منصور :حياتي يحق لج تسأليني اللي تبينه ومافي شي بخبيه عنج
موزه : كنت تطلع وياها ؟؟؟؟
منصور :منو ؟؟؟ ....
موزه : .....
منصور :تطرين زوجتي السابقه ؟؟؟
موزه : هي
منصور : هي طلعت وياها يمكن مرتين او ثلاث بعده طلقتها ,, ليش ؟؟
موزه :ماشي بس بغيت اعرف
منصور : أتغارين علي ؟؟؟
موزه بحيا واضح: ما أدري
منصور :ماتدرين !!!! الله يسامحج يعني ما أتغارين علي خلاص أنا زعلان
موزه : منصور
منصور :عيونه يا قلبه انتي آمري تدللي
موزه أحمرت وأختبص حالها : ما يامر عليك عدو ... تسلم العين وراعيها بس الحين بيأذن المغرب وما أبي أتحير على البيت
منصور يمرر ايده على ذقنه أونه يفكر : أها يعني مليتي مني وهاي روغه دوبلماسيه
موزه: حرام عليك والله ما أقصد بس
منصور يبتسم : والله أدري يا غناتي أنتي ليش تتروعين بسرعه أسولف وياج خلاص مب مشكله بوصلج البيت عندي كم شغله بخلصهن وبرجع أتعشى عندكم
موزه: تمام يلا سرينا
منصور :يلا
......
في العين مول
سلطان : ها عبادي بسك ؟؟؟
عبدالله : أبي ألعب هاي الطياره بعد
سلطان :ههه بابا بسك ما تشبع من اللعب خلاص الحين بيتسوي فليل
عبدالله : آخر مره بس هاي
سلطان :أوكي أنت ألعب أنا بشوف ماما وبرجع لك لا تتحرك أوكي
عبدالله :أوكي
سلطان وصل عند مزنه اللي يالسه على الكرسي القريب من منطقة الألعاب تترياهم يخلصون
سلطان وهو ييلس عندها : شو رايج أنروح البيت والا نتعشى بمطعم ؟؟؟
مزنه: مشكور وما أتقصر تعبناك ويانا ما يحتاي المطعم بنروح البيت عشان ترتاحون
سلطان :مزنه أنتي ليش أتعامليني كأني غريب عنج الطلعه وياكم ردت في الروح مب العكس وبعدين أنا أحاول أعوضج وعبدالله عن غيابي الدائم أقل شي أتشارك وياكم هاللحظات اللي ما تنسى
مزنه بألم : سلطان وجودك يريحني وايد بس أخاف نتعود عليه وأنت ما تقدر أتكون ويانا دوم
سلطان : ليش أتقولين هالكلام مزنه أنتي لج معزه خاصه فقلبي والله الشاهد باللي فخاطري صوبج بس ظروفي صعبه هالفتره وان شاء الله أقدر أصلح كل شي وأنعيش كلنا بهنا وسعاده
مزنه: الله يسهل عليك ويفرج همك ويبعد عنك الشر
سلطان وهو يمسك أيدها : وياج ان شاء الله ... يلا بناخذ عبدالله وبنروح نتعشى
مزنه: يلا
في الفتره اللي كان الحوار داير بين سلطان ومزنه كان واقف يراقبهم من بعيد والصدمه شاله حركته مب مستوعب اللي يشوفه هل أنا في حلم او في علم معقوله هذا سلطان أخوي ولد أمي وأبوي ؟؟؟ ومنو هاي الي وياه وهالياهل من يكون ؟ ؟؟ ؟ لا لا هذا يمكن واحد يشبهه ما أصدق
يعرب : سواف شو ياك عنبو من متى أرمكس وأنت لاحياة لمن تنادي ؟؟؟
سيف أنتبه لربيعه يعرب : ها خير شو قلت ؟؟؟
يعرب : الحمدلله والشكر أشفيك مبهت ومتصنم قم خلنا نلحق على صلاة المغرب
سيف يبتعد بجسمه بس نظراته معلقه صوبهم وفكره عندهم : هي صدقك يلا سرينا
,,,,,,,,,,,,,,,,,,,,,
بيت بوسلطان
أم سلطان : سعيد يا أبويه خل الخدامه اتدق على حرمة أخوك من تغدينا وهي مب على بعضها
سعيد : الله يهديج يا أميه يمكن تبي ترتاح
أم سلطان: ما عليه يا أبويه خلني بتطمن عليها
سعيد نش وزقر على الخدامه عشان أتدق الباب على وعد واتخبرها أنه أم سلطان تباها
بعد صلاة المغرب ,,,
وعد : مساكم الله بالخير
أم سلطان : مساج بالنور والسرور أشحالج غناتي
وعد باين عليها التعب :الحمدلله بخير وعافيه
سعيد : ها أم سعيد شو أخباره سعود ليكون مطفر بج ؟؟؟
وعد تبتسم بغصب : هه ههه لا أتحاتي بيطلع مؤدب ومطيع على عمه
أم سلطان ملاحظه تهرب وعد من نظراتها : وعد خير شو فيج؟؟؟
وعد: ماشي سلامتج عموه ما فيني شي
أم سلطان : أفا يالغاليه أتغبين عني ؟؟؟ سلطان قالج حايه والا زعلج بشي ؟؟؟
وعد : لا أبد فديتج بس أشويه كنت حاسه بصداع بس الحين خف
أم سلطان : الله يعطيج العافيه
وعد: الله يسلمج وتلتفت على سعيد ... سعيد عندك شي الحين؟؟؟
سعيد :لا والله فاضي مافي شي خير شو بغيتي ؟؟؟
وعد: ماشي بس عندي شنطه فوق الكبت بغيتك أتنزلها اذا ما فيها كلافه عليك
سعيد : أمره فالج طيب
وعد: فالك ما أيخيب ... سمحيلنا عموه بدليه مكان الشنطه وبرجع لج
أم سلطان: برايكم .. وعد فديتج وأنتي يايه يبيلي هالمرهم مال عوار الريول
وعد: ان شاء الله من عيوني
أم سلطان : تسلم عيونج ...
في صالة وعد
سعيد : خير وعد شو فيج ؟؟؟؟
وعد: ها أأأ
سعيد : وعد أنا أدري ليش زاقرتني مب عشان الشنطه في شي شاغل بالج ومضايجنج صح
وعد وهي تتنهد : سلطان يا سعيد من ظهر صوب العين وأنا ما أدري عنه أتصلت به مليون مره بس ما رد علي
سعيد : أفا عليج ليش تشغلين بالج يمكن أنشغل ويا ربيعه والاحايه أنتي لا أتحاتين ان شاء الله ماعليه شرألحين بدق له
وعد بترقب : زين اتسوي ان شاء الله يرد عليك
سعيد :ان شاء الله .... يرن ويرن ويرن يرن وفي الأخير
سلطان : هلا سعيد
سعيد : مرحبا أشحالك ؟؟؟
سلطان : بخير طاب حالك ,,, خير
سعيد: أنت وين ؟؟؟
سلطان : أنا هني والله عند الربع
سعيد : وأشعنه ما أترد على تلفونك؟؟؟
سلطان : والحين منو الجني راد عليك؟؟؟ سعيد شو فيك شو صاير؟؟؟
سعيد : والله تخبر عمرك دوك رمس حرمتك ... ناول وعد التلفون
وعد بصوت مرتجف: ألو
سلطان أرتبك لأنه مزنه يالسه عداله وعبدالله مسوي حشره : هلا أقول أنا مشغول بتصل بعد أشوي أوكي
وعد: أنت بخير؟؟؟
سلطان :هي يلا فمان الله
يلست على أقرب كرسي منها وحطت راسها بين أيدها ودموعها هماله على خدها .... سعيد ما يعرف كيف يتصرف حاول يكلمها بس ما ردت عليه ,,, تم واقف يترايها تهدى عشان يستفسر منها ....
بعد فتره عشر دقايق تقريباً .
سعيد : وعد استهدي بالله ما فيه الا العافيه
وعد رفعت راسها وعينها محمره من الصياح : ان شاء الله ,,, سعيد ممكن تاخذ هالمرهم لأمك أنا بيي بعد أشوي
سعيد : ان شاء الله بس اوعديني قبل ما بتصيحن ،، والله مافيه شي بس منشغل ويا الشباب
وعد: ان شاء الله .... نشت عنه ودخلت غرفتها
أنا حاسه أنه فيه شي بس ما أعرف شو ... قلبي قارصني عليه يا ربي أتصبرني لين يتصل وأتطمن عليه ...
سعيد وهو يناول أمه المرهم : أندوج أمايه تبيني أفكره على ريولج؟؟؟
أم سلطان :عيل وينها وعد ؟؟؟
سعيد : ما أدري قالت الحين بييك
أم سلطان: سعيد وينه أخوك سلطان ؟؟؟ من الظهر وهو محد أخافه مزعلنها بشيء؟؟؟
بوسلطان وهو يحدر الصاله : السلام عليكم ... منو هالي مزعلنها ؟؟؟
أم سلطان وسعيد : وعليكم السلام والرحمه
أم سلطان : سلامتك الغالي محد مزعلنها بس أقول سلطان من طلع الظهر ما رد
بوسلطان : ساير العين أظني
سعيد : هيه أبويه توني مكلمنه ووتطمنا عليه
بوسلطان: هي خير ان شاء الله ,,, خلوها عراحتها
أم سلطان : ان شاء الله ....
نهاية الجــــــــــــــــــــــ ـــــــــــــــزء الـــــخامس عشر
:alien: السلام عليكم :alien:
جنيه ...
قولي الصدج
هاي قصة حقيقيه
ولا من وحي خيالج
ماشاالله لا قوة الابالله
ديج الفريج
وعليك السلام ورحمة الله وبركاته
الله يسلمك ويطولي بعمرك القصه من وحي خيالي ترى خيالي جناوي
بس بعده يبالها اشياءات عشان تطلع بالمستوى المطلوب وان شاء الله بحاول
اختي الجنيه.. انا بديت اقرا القصه من اولها من كنتي فالجزء ال11.. .. بس الحينه وصلتلج..وماشيه وياج.. وانتظر الجزء اليديد..
الجنيـــــــ الحلوة ــــــة http://smileys.smileycentral.com/cat/36/36_22_24.gif
ثانكس عالجزء بانتضار اليديد
الجنيه الحلوه
ياهلا ومرحبابج غناتي ،،،
ريم العين
العفـــــــــــــــو وان شاء الله الجزء الــ 16 بنزله قريب
:inlove: مشكووووووووووووره اختي الجنيه على القصه خباال واااايد حلوه بس واااايد تاخرتي علينا على التكمله نتريااها بفارغ الصبر يلا لا تبطين علينا وتسلمين:inlove:
:inlove: مشكووووووووووووره على الجزء خبال وااايد حلو نتريا الجزء اللي بعد:inlove:ه
:inlove: مشكووووووره اختي على التكمله ونتريا الباقي:inlove:
ربوع البلاد
العفو حبوبه وان شاء الله الحين بحطه لكم
أموت أنا في حبهم
الجزء الـ 16
موزه في المطبخ
موزه: هندوووووووووووه بسرعه الله وياهالراس والله ان احترق بذبحج
هند: أئيه أنتي أتحيديني بشكارت ريلج عشان اتزاعجين عليه
موزه: أففف هنوده والله ترفعين الضغط خلاص مشكوره ما أبي شي منج
هند: هههه خيييييييييييبه مواز شو استوى عليج عنبو ما أحيدج جبريت اتشبين على الدقه والا خلاص الوحده من اييها الريل اتيها العصبيه وياه ؟؟؟!!!
موزه باستنكار : ههه ما أتنكتين يلا بسرعه طلعي الكيكه وبعد ما تبرد حطي التوفي عليها بسير اسبح
هند: سيري سبحي شو عليج ترى منيصير يوم خطبج خذني بشكاره لج
موزه: جب وبعدين منصور مب أصغر عيالج فاهمه اسمه منصوووووووووور عمج يالسخيفه
هند: طع هاي صدق عاطتنج ويه زياده عن اللازم
رويه وهي داخله المطبخ : عوذ بالله من لسان هالبنيه أنتي شو ؟؟؟ ما تخيلين حشا أنا عيزت منج
هند: هي ترى أنا بنت الخدامه كل شي أقوله والا أسويه مايعيبكم
رويه :خدامه محد غيرج مسودة الويه تقولي خدامه
موزه تتقرب من أمها بدلع : أمايتي فديتج ماعليج منها ... شو بغيتي ليش يايه صوب المطبخ لو زقرتي عليه بييج وبشوف طلباتج يالشيخه
هند: بس حق دهان السيور محد احسن منها
موزه اتغايضها : تبين أعلمج؟؟؟
هند: جب ما أبي شي منج وكيكتج ما بقرب صوبها يعلها الحراق ... طلعت من المطبخ وهي معصبه
موزه تتطالع أمها : أويه هاي صدق زعلت باسم الله ما ادري شو مستوي فيها مستويه عصبيه وايد
رويه :الله يهديج يالموز تحيدينها من أستوت ملبق
موزه: هههه راحت وأنا توهقت
رويه :لا توهقتي ولا شي سيري تجهزي أنا بيلس هنه بشوف الكيك مالج
موزه وهي تبوسها على خدها : مشكوووووووووره حبيبتي والله
رويه : الله يسعدج يا بنيتي ,,, وقبل لا تطلع موزه من المطخ ردت زقرتها ... الموز
موزه :لبيه
رويه : لبيتي حايه ... بسألج أنتي مرتاحه ؟؟؟
موزه بخجل : الحمدلله يا أميه لا اتحاتيني
رويه :الله يديم عليج السعاده قولي آمين
موزه :آآآآآآآآآآآمين
.........
بو سلطان : بتخاويني يا أم سلطان ؟؟؟
أم سلطان : على وين العزم ؟؟؟
بوسلطان : يطولي بعمرج بيت عوشه بنت يابر
أم سلطان متعجبه : عوشه ...؟؟ خير عسى ما شر
بوسلطان : بنات خويه بسير اتخبر عنهن وبالمره بشوف شهد بشو ترد
أم سلطان : هي زين عيل بييب عباتي وبلحقك
سعيد : أوديكم أنا ...؟؟؟
بوسلطان :جانك فاضي قم
سعيد : ان شاء الله بس ببدل وبييكم
بوسلطان : الدهديه يا بويه مانبي نتحير عليهم
سعيد : ان شاء الله دقايق بس وأنا عندكم
بوسلطان : وأنت ساير حجرتك شوف الخدامه خلها تزقر لي وعد
سعيد : ان شاء الله
حاسه بثقل الدنيا تسمع دقات على الباب بس مب قادره تجاوب أو توقف عريولها حاسه بتعب رفعت راسها وهي ترجع شعرها ورا ذنيها حاولت اتنش حست بريولها ترجف والدنيا تدور حولها ... الدق على الباب مستمر ... غمضت عيونها تحاول تستجمع قوتها عشان تنش ... وقفت مشت خطوتين ناحية الباب بس رجعت يلست عركبها ما تروم اتنش
بوسلطان عند باب غرفتها : وعد ...يا وعد وينج يا أميه
سوزن (الخدامه ) : مافي فتح باب انا دقي من زمان
بوسلطان : روحي زقري سعيد
سوزن : جين بابا
سعيد وهو يلف السفره عراسه : خير يالوالد عسى ما شر ؟؟؟
بوسلطان والخوف بادي على ويهه : وعد ما تتياوب من متى أندق الباب عليها ما ردت سر شوف أمك خلها أتييب المفتاح الاحتياطي لغرفة سلطان وأتشوفها
سعيد وهو يبتعد صوب حجرة أمه :ان شاء الله ما عليها شر
أم سلطان : اللهم اجعله خير ... ما أذكر يا بويه وينهن المفاتيح ؟؟؟ أضني في الكبت هي هالصوب
سعيد : وهو يتناول المفاتيح ..هاذن ها ... ويسند أمه وهي تمشي
أم سلطان أتفر المفتاح فقفل الباب بيد مرتجفه : يالله بالستر .. وعد وعد وينج يا أميه اشفيج ما تردين
سعيد : أتصل فيها على تلفونها بس ما ترد
أم سلطان بتوتر : وينه مفتاح حجرته يا ربي ... أففف
بوسلطان : أشوي أشوي طولي بالج يربي هالمفتاح
أم سلطان : هيه هذا هو فتحت الباب ودخلت أول ما دخلت شافتها يالسه ضامه ركبها لصدرها ومنزله راسها شعرها متبعثر وعيونها محمره ...
أم سلطان : وعد أشو فيج باسم الله الرحمن الرحيم ... تقربت منها تهزها
وعد حست بايد ام سلطان على جتفها رفعت راسها : ها مافيني شي
أم سلطان تحط ايدها على يبهتها : وين مافيج شي وأنتي شابه ضو نشي بوديج الدختر
وعد: لا ما يحتاي أنا بخير
أم سلطان : لا اله الا الله قومي يا بنيتي شوفي ويهج كيف غادي
وعد: مافيني شي عموه بس حاسه بدوخه اشوي
أم سلطان : أنتي ما تغديتي ؟؟؟
وعد: لا
أم سلطان : مب زين يا بنتي الحين أنتي لازم أتدارين عمرج زين وتاكلين عنج وعن هالي فبطنج حرام عليج أتسوين بعمرج جذه هذوا عمج ماكل فواده عليج من أمسى نشي بوديج الدختر
وعد: مابي عموه والله مافي شي بس أشوي دايخه الحين باكل لي لقمه وان شاء الله برد شرا قبل
أم سلطان : لاحول الله أنزين نشي غسلي ويهج بخلي سوزن اتييب لج شي تاكلينه
وعد: ان شاء الله ... نشت وهي مستنده على أم سلطان تمشي بخطوات غير متزنه فكرها عنده ما تقدر أتقول لحد عن الي حاسه به ولا اللي بخاطرها كيف ترتاح ويهنا لها بال وهي حاسه بشي ما تعرف شو هو ... بعد ما تغسلت شربت عصير برتقال فرش وكلت ربع سندويجه والباقي ماقدرت عليه ما تحس برغبه في الأكل ... بعد اللي صار أم سلطان تمت عند وعد وبوسلطان سار بيت أخوه سلم عليهم وخذ جواب شهد واللي كان الرفض طبعاً ,, حاولت عوشه بكل الطرق تقنع بنتها بس بوسلطان حلفها أنها ما تضغط عليها وأتخليها براحتها ....
أما فبيت عبدالرحمن ... بعد ما تلبست وتعدلت لبست جلابيه مخوره لونها عيناوي عشان منصور يشجع نادي العين حاطه أي شدو بنفسجي خفيف وجحال من داخل العين وكملت عليهم بغلوس وردي فاتح يلائم اللبس والميك أب .. دخلت الميلس وفي أيدها المدخن بس تفاجأت بوجود منصور ومن الصدمه طاح المدخن من أيديها بالضواللي فيه وبسرعه حاولت تتدارك الأمر وشلت الضو بيدها وردته للمدخن ..
منصور يزاعج ويسحب أيدها : مواز شو أتسوين
موزه :مرتبكه ها ما أدري أنت متى ييت
منصور : ماعليج مني تعالي ...سحبها وحط ايدها تحت الماي البارد
موزه تتملل في ايده : خلاص منصور ماصار شي
منصور بضيج: شو ماصار شي حرقتي أيدج الله يغربله من مدخن جان خليتيه يولي وبعدين الارض سيراميك يعني ما كان بيتحترق شي لو تريتي أشوي
موزه : ماأدري أصلا تفاجأت بوجودك ما كنت أدري أنك هني
منصور : أنا آسف ،،، صليت العشا في مسيدكم وأنا طالع شفت أبوج ويينا رباعه
موزه: ماعليه ما صار شي ... دقايق بروح أغير الضو وبرجع
منصور وهو يسحب المدخن من ايدها : ما أبيه ومره ثانيه مابيج أتقربين صوب المدخن مفهوم
موزه : ان شاء الله
منصور :تعالي يسلي عندي
موزه تيلس بعيده أشوي
منصور يرفع حياته : لا والله ؟؟؟؟ شورايج بعد تيلسين برع مب أحسن
موزه فخاطرها هذا ليش جي معصب : أنت شو فيك ؟؟؟
منصور :ماشي سلامتج
موزه تبي أتلطف الأجواء : أنزين شو تشرب ؟؟؟
منصور : مابي شي
موزه :أنت ليش معصب شو فيك ؟؟؟
منصور : تسأليني ليش معصب !!! ليش يعني ما تعرفين ليش معصب ؟؟؟ الصراحه ما كنت متوقع أنج ما تعرفين تتصرفين ... قبل كنت أفكر نسكن فبيت روحنا بس الحين أحس ما أقدر أتم مرتاح اذا سكنا روحنا
موزه : منصور ماصار شي والسالفه ما تحتاج كل هالتعقيد وبعدين أنت كيف تاخذ عني فكره من مجرد موقف سخيف صار ؟؟؟؟
منصور وهو يعلي حسه :الحين أتشوفين هالموقف سخيف ؟؟؟؟؟ ياسلام باجر يوم بيحترق البيت عراسج بعد قولي مجرد موقف سخيف ...
موزه والدموع مغرقه عيونها : منصور ... كانت الكلمه الوحيده اللي قدرت تنطق بها لأنها خلاص ما قدرت تتحمل زعيجه عليها والرمسه الي يقولها موزه حساسه ورقيقه مب متعوده حد يكلمها بهالاسلوب ويزاعج عليها عاقله ورزينه وتعرف أتدبر أمورها بس اللي صار وياها اليوم كان شي خارج عن ارادتها يعني تفاجأها كان السبب بالي صار ورمسة منصور حزت فخاطرها ومهما صار ما توقعت فيوم يعاملها بالطريقه الهمجيه ...
منصور يتقرب منها بعد ما حس بغباءه واسلوبه البايخ وياها :مواز آسف حبيبي والله ما قصدت أنتي تدرين بغلاتج عندي ولو ما أني أحبج ما كنت أهتميت ولا كبرت الموضوع موزان أنتي شرا الماسه بالنسبه لي أبي أحافظ عليج وأبعد كل شر عن طريجج أدري أني ما عندي أسلوب وغبي فتعاملي وياج بس الله الشاهد أنه اللي أسويه من محبتي لج ولا ودي أضايقج بشي
موزه تمسح دموعها وتحس أنه جرحها بس ما حبت أتكبر السالفه : خلاص ماصار الا الخير
منصور : سامحتيني ؟؟؟
موزه : هي
منصور : من خاطرج ؟؟؟
موزه :هي
منصور : أكيد ؟؟
موزه : خلاص منصور قلت لك أكيد
منصور : يعني طاح الحطب ؟؟؟
موزه بابتسامه باهته وهي متجهه صوب الباب : طاح ... بخليهم يحطون العشا ...
منصور : أوكي بترياج لا تتأخرين
موزه : ان شاء الله ...
......
بعد ما رجع بوسلطان لقى العايله الكريمه مجتمعه في الصاله وبلغهم برفض شهد طبعاً أم سلطان كانت واثقه من هالشي وسعيد نفس الشي ... الوحيده اللي ما توقعت الرفض كانت وعد أستغربت من هالشي ، اللي هي أتعرفه أنه شهد منجذبه لسيف وماعندها مانع أتكون شريكة حياته بس شو اللي غير رايها ؟؟؟؟ بس توقعت يكون لميثا يد برفض أختها لسيف ...
الساعه 11 ونص
تلفون سلطان يرن ويرن ويرن وفجأه : ألو
وعد بطلت عيونها على الآخر : منو
الطرف الثاني :عدالله
وعد: هذا تلفون منو ؟؟؟
عبدالله : بابا
وعد تتطالع شاشة التلفون تتأكد من الرقم اللي داقه عليه : وين سلطان ؟؟؟
عبدالله : بابا تفون
سلطان كان يبدل وترك تلفونه على الغنفه في الصاله وهو طالع من غرفته شاف عبدالله ماسك التلفون ويقوله بابا تفون تجدم وخذه وهو يقوله هههه بابا أسمه تلفون ليش تاكل نص الرمسه ... هاته ما يلعبون فيه باجر بشتريلك مثله زين ؟؟؟
عبدالله :زين
وعد كانت تسمع الحوار اللي دار بين سلطان وعبدالله ما بغت أتفسر الأمور على كيفها وتظلم سلطان فسكرت وردت تتصل عشان أتعرف منه السالفه
سلطان منسدح على الارض مندمج يتابع مباراه وانتبه لتلفونه اللي يرن .... ألو
وعد : السلام عليكم
سلطان أعتدل فيلسته : وعليكم السلام والرحمه هلا والله
وعد : أشحالك ؟؟؟
سلطان : بخير الله يسلمج
وعد: وينك أنت من الصبح ؟؟
سلطان :ماشي كنت مشغول وياالريال
وعد: والحين وين ؟؟؟
سلطان : هني فبيته
وعد: مب ناوي ترجع ؟؟؟
سلطان :لا والله بعدني ما خلصت باقي لي كم شغله بخلصهن وبرجع باجر العصر
وعد تسمع عبدالله يقلد أبوه و يزاعج قوووووووووول:منو هالياهل ؟؟؟
سلطان مرتبك : ها هذا ولد أخته
وعد :هي ,, خلاص برايك عيل بخليك الحين
سلطان : فمان الله وسكر التلفون
يمكن يكون صادق وأنا الي أشك فيه من دون سبب ... بس ما أدري كيف أحسبه متغير أففف أعوذ بالله منك يا أبليس ... بس هو يدري أني ما أعرف أرقد روحي ولاياب طاري السالفه ولا كأني أهمه ولا حتى تنشد عن أهله .. أستغفر الله العظيم لا مب سلطان اللي يخدعني مستحيل خله يرجع وأنا بتفاهم وياه ...
,,,,,,,,,,,,
من يومين حاس بضيقه ومب عارف سببها يفكر فيها باستمرار متوله عليها ومب قادر يسيطر على مشاعره وأحاسيسه .. أدري أن اللي أسويه غلط ومب من حقي بس والله موبيدي صارلي فتره وأنا على هالحال مب قادر أشيلها من بالي والله حاس بكره لنفسي كيف افكر فيها وأخون ربيعي ..ياربي أنك أتساعدني وترحم حالي والله ما أعرف كيف أتصرف أففف ... تقلب في فراشه فتره طويله بعدها حس بتعب وقرر يطلع من الغرفة عشان ما يزعج محمد اللي وراه نشه من الصبح ولازم يسير بوظبي لأنه ما نقل عدبي ...
يمشي على اطراف أصابعه وهو يسكر الباب حس بحركه في الصاله الصغيره اللي قسم المرحومه أمه .. ما أهتم للحشره طلع الحوي يتمشى يمكن أييه الرقاد وهو يتمشى يسمع شوشرة يايه من نفس المكان هالمره قرر يروح يشوف مصدرها لأن القسم مهجور تقريباً من توفت أمهم وهو عباره عن غرفتها وصاله صغيره تابعه للغرفه ومن توفت بومحمد نقل أغراضه لغرفه الضيوف اللي ملاصقه الميلس ومحد أمتلك الجرأه الكافيه أنه يستخدم غرفة أمهم ...
بدى يميز الأصوات اللي يسمعها كل ما يتقرب من المكان
هزاع :يا حيوان سو اللي تباه بس مب هنه فاهم ...
حمد : هههه أنا حيوان ؟؟؟ أنزين أي نوع
هزاع :حمد والله لو يدري عارف بيذبحك الله يلعنك مالقيت غير حجرتها أتسوي عمايلك السوده فيها
حمد: ياخي أنت ليش مكبر السالفه هي وماتت شو تبا بالحجره وهي في القبر
هزاع اللي نفذ صبره ودز أخوه بكل قوته وخلاه يرتطم باليدار وييلس على الأرض من قوة الضربه ..
عارف مصدوم من اللي يشوفه ...هزاع الملتزم يسب ويلعن ؟؟؟!!!! أكيد في شي مب هين صاير
أول ما فتح الليت شاف حمد في غير وعيه يبتسم ويضحك ويتكلم ببلاده ولامبالاه صد على هزاع اللي الخوف مسيطر عليه يبي يستفسر منه عن حال أخوه بس النظره اللي فعيونه جاوبته على أسئلته من دون لايسأل تقرب من حمد وحط أيده عجتوفه يبي يرفعه عشان يوقف عريوله ..
عارف :حمد شو فيك ؟؟؟
حمد يبطل عيونه ويسكرها بطريقه غبيه : منو ؟؟؟
عارف :حمد : قم نش أوقف ورمسني شرا الرياييل شو أتسوون هني أنت وهو
هزاع يحاول يستر عليه :ماشي عارف هو قام يمشي فرقاده وصل لهني أنا باخذه وبنروح حجرتنا الحين
عارف يمنع هزاع أنه يوصل لخوه : خله بينش روحه ...حمد يلا قم سر غرفتك
حمد يتساند على اليدار ويتمسك فيه عشان يمشي : ههه طبعاً بسير غرفتي عيل بسير غرفتك
عارف : حمد أنت صاحي ؟؟؟
حمد: لا حاصي ههههه
عارف يتقرب منه ويمسكه من كم كندورته وأول ما تقرب منه شم ريحة خايسه عنده : أنت شو ماخذ؟؟؟ على طول لف على هزاع ... شو ماخذ هالحيوان ؟؟؟
هزاع يحاول يفج حمد : ماشي أنت خله عنك أنا بوديه
عارف يتصبب عرق : هزاع لا تجذب علي هذا شو مسوي شو ماخذ ؟؟؟ أرمس لا أدفنك وياه هني فهالبقعه
هزاع : عارف انت خله الحين والصباح رباح
حمد :هههه ااااااااااااااااااااااااي حلوه هاي منو رباح ؟؟؟ ليكون بنت صباح
عارف بعده ماسكنه من كم الكندوره وسحبه لين وقف ودرزه بكل قوته على اليدار ومن قوة الضربه بدى الدم يسيل من خشم حمد ... يا حيوان شو ماخذ الله ياخذك بدى يضربه بوحشيه وقهر أنت شو جنسك ما أتحس يالحقير نحن بشو قصرنا بحقك والا تربيتك عشان تاخذ هالسم ؟؟ تبي أتموت أنا اللي بذبحك ليش متعب عمرك وتاخذ هالسم ... كله من ربعك اللوث لكن أنا اللي بربيك بخليك أتعرف منو عارف
هزاع تفادياً لأي خساير في الأرواح ركض لغرفة محمد يوعيه عشان يساعده ...
محمد وهو يفرك عيونه : عروف ودره بتذبحه ,,,قم عنه
عارف :خلني بربيه خليني يا محمد
محمد يمسكه من خصره بالقو وطبعاُ لأنه أضخم من عارف قدر يسيطر عليه وهزاع أخذ حمد لغرفتهم وعلى الحشره اللي أستوت نشن البنات
عذيجه : شو فيكم شو صاير ؟؟؟
روضه وحمده عارفين كل اللي صار
محمد: ماصار شي سيروا أرقدوا
عذيجه : روضه ، حمده سيرن أرقدن يلا
روضه وحمده : ان شاء الله
عذيجه وهي تتقرب من عارف : شو فيك ؟؟؟ ليش معادي أخوك يا عارف
عارف وهو يفج عمره عن محمد : سلامتج مافيني شي وهالاخو اللي ترمسين عنه تراه مدمن
عذيجه مصدومه : عارف يوم أتحيد عمرك بتغلط لا ترمس لو سمحت
عارف : أغلط !!! لين متى بتمين أتحايزين عنه يتراوالج أني عدوه .. والله يا أني أذبحه ان شفته جدامي والله
عذيجه : استغفر ربك لا اتحلف
محمد: عارف تعال أيلس
عارف : مب يالس ولا بتم فهالبيت .... طلع وهو معصب بس رجع خذ مفتاح السياره وطلع من دون لا يكلم حد منهم ...
عذيجه وهي شاله فهد تحاول أترقده : محمد
محمد بنظره كسيره : لا يا عذيجه لا أتحاتين حمد أخويه وأنا مسؤل منه والوالد مافيه شده على تحمل هالمسؤليه أوعدج أني أرده حمد القبلي وأخير
عذيجه تمسح دموعها اللي خرست ويه ولدها : بس ليش ؟؟؟ ومن متى ؟؟؟ أنا مستغربه حمد العاقل يسوي جذه وهو أكثر واحد عارف عواقب هالشيء ... تعتقد وفاة " حست بحرقه وغصه منعتها تكمل اللي بدته "
محمد بتفهم :ماعليج يا أم فهد أنتي لا أتحاتين ان شاء الله ما عليه شر
عذيجه :يا ربي تلطف بنا وترحمنا برحمتك أبوي لو درى ما أدري شو بيصير عليه
محمد: ألحين هو مب شاغل باله غيرج
عذيجه باستفهام: أنا؟؟؟!!!!
محمد: عذيجه مبارك كلم أبويه ماأدري وين أو كيف بس اللي عرفته منه أنه وايد متضايق ومب قادر يواجهج باللي في خاطره .. عذيجه وغلاة المرحومه ترجعين لبيت ريلج
عذيجه دموعها تنزل بغزاره : برجع له يا محمد والله برجع بس أبي أشوي أحس أنكم تقدرون أتدبرون عماركم من دوني ,, البنات ما أقدر أخليهن ألحين خصه روضه أنت ما تدري أشكثر شاله في خاطرها وماترمس ليومك هذا ما تقرب من حجرة المرحومه أحسبها كابته حزنها عليها للحين وهالشي مب زين
محمد: روضه خليها علي أنا بتصرف وياها المهم أنتي
عذيجه : لا أتحاتي باجر برجع بيتي بس عندي شرط
محمد: ومن الحين أقولج موافق على شروطج كلها
عذيجه : أبي أرجع بيتي بس ماأبي أشوفها
محمد: ان شاء الله الحين بدق له يكون لين الصبح تدبر أمر سكنها بعيد عنج وعن بيتج
عذيجه : خلاص عيل "فهد حاله حال المواليد اليدد يعني الليل عندهم نهار والعكس صحيح " وأنت ليش تناغي
محمد: مستانس بيشوف أبوه
عذيجه :ههه الله والأبو !!!! اللي يسمع ماجنه هذا هو الأبو اللي ما فيه صبر يشوف ولده وتزوج على أمه
محمد: عذيجه شو هالرمسه الله يهداج أنا خبري فيج وايد أعقل من جذه
عذيجه: بذمتك !!!
محمد: هههههههههه لا مافيني آخذ الذنب بس تدرين أنا ما كنت قريب من أي واحد فيكم
عذيجه: أدري وايد كان ودي أقولك هالرمسه بس كنت أخاف من ردة فعلك عشان جذه كله كنت أتجنبك
محمد: بس الحين غير أوعدج أكون لكم الأم والأبو ولا أقصر عليكم بشيء
عذيجه: الله يخليك لنا ويديمك ذخر ,,, محمد
محمد : لبيه
عذيجه: لبيت حاي قول آمين
محمد: آمين ،،، خير شو بغيتي ؟؟؟
عذيجه: أتعرف شو آخر أمنيات أميه ؟؟؟
محمد يعقد حواجبه : شو ؟؟؟
عذيجه : أتعرس وتستقر
محمد يبعد نظره عنها ويركز جهة الباب : ويتراوالج اللي مثلي يحق له ؟؟؟
عذيجه وهي تناوله فهد: ليش لا يا أخوي أنت مب قاصرنك شي وكل بنت تتمناك
محمد يحس كأنه أنطعن فقلبه ... يحس بمرارة رفضه آخر مره تقدم فيها لبنت يرانهم ورفضوه بسبة سالفة أبوه
حلو الواحد يتمنى ويحلم بس بحدود الخيال لا أكثر أنا شو اللي سويته والا بشو أخطيت عشان آخذ ذنب غيري لا شو ذنب غيري أبوي بريء وأنا أكثر واحد عارف هالشيء ,,الظاهر الغلط فيني لأني للحين أحمل أبويه مسؤليه العيشه اللي نحن عايشينها .. لازم أبدى بنفسي وأغير من نفسي عشان أقدر أغير الغير وطريقة تفكيرهم
عذيجه : محمد !!!!
محمد انتبه لها : هلا
عذيجه : وين وصلت ؟؟؟
محمد: الحدود
عذيجه : وبعدين ؟؟
محمد: ماشي لحقتي عليه قبل لا أدخل بلاد ثانيه ما تقدرون أتطالبون فيني فيها
عذيجه : ههه الحمدلله والشكر اللهم سكنهم في مساكنهم "أتوجه كلامها لفهد" الظاهر خالك استلبس علينا
محمد: هههه الله يسامحج ,,, طع الهرم يضحك عليه
عذيجه : محمد لا أتغير الموضوع شو قلت؟؟؟
محمد : شو شو قلت منو هاي اللي تباني صدقيني بنرفض وبنجرح مره ثانيه وأنا ما عاد فيني قدرة أتحمل
عذيجه : وان يبت لك وحده بترضى فيك من دون شروط
محمد والانتباه بان عليه : صدق ؟؟؟
عذيجه : صدق يا محمد كفايه حزن كفايه ألم وجراح خلونا نستانس أشوي خلونا أنريح المرحومه فقبرها طول عمرها تتمنى أتشوفك معرس وأتشوف عيالك ....
محمد: صدقج يا أختي أحس الفرح غير دربه عن دروبنا و البسمه علينا بالحسره
عذيجه : خلاص بإذن الله بيعود لنا ولا بيفارقنا بس محمد دخيلك لا تتخلى عن حمد ساعده سو أي شي بس رده عن اللي هو فيه وعارف
محمد يقاطعها: ماعليج من عارف الحين بيرجع وحمد خليه عليه بوديه مصحه يتعالج فيها من الادمان خلي كل شي عليه وأنتي ريحي بالج وحاولي تسترجعين ريلج وترجعين حياتج مثل ما كانت
عذيجه: ان شاء الله ...
محمد: خلاص عيل يلا شلي ولدج وسيروا أرقدوا
عذيجه : ان شاء الله ,,, تصبح على خير
محمد وهو يطبع يبوس راسها : وأنتي من أهل الخير
عذيجه حست بشعور غريب حست بالأمان والطمأنينه لوجود أخوها يمها وما قدرت أتعبر عن فرحتها باللي تحس به الا بدموع أحترمها محمد ولا حاول يزعجها بعد ما حست براحه شلت راسها عن صدره وخذت ولدها ودخلت غرفتها تدعي ربها يسهل عليها ويساعدها تتخطى اللي هي فيه من حزن وألم على حياتها الزوجيه ..
محمد مثل ما وعد أخته أتصل بمبارك وبشره برجعت أم ولده وخبره عن شرطها اللي تقبله مبارك بصدر رحب ..بعد ما سكر عنه طلع برع البيت يشوف عارف بس ما لقاه وأول ما دخل شاف ظل شخص في الزاويه اللي مقابله غرفة أمه وهو يتقرب بدى يميز اللي يالس .... ...
محمد يلس عدالها : رويض شوفيج ؟؟؟ ليش يالسه جذه ؟؟؟
روضه ترجف بالقو وأسنانها تصتك ببعض موجهه عينها لغرفةأمها
محمد تقرب منها أكثر وخذها بحضنه وتم يربت على ظهرها يحاول يهديها : خلاص فديتج ماصار شي تعوذي من ابليس ... بسسس ششششش رواض ... حس بجسمها يرتخي وتتصبب عرق ورخت قبضة أيدها بعدها عنه وخلاها أتجابله : تعالي ويايه نش ومد أيده لها عشان تلحقه ...
روضه لا ارادياً تعلقت بيده ونشت وراه ... تتبعه .... وـــــــــ
محمد: ليش وقفتي تعالي أمشي ويايه
روضه :لا ما أبي
محمد: أنا وياج ليش أتخافين تعالي ما بيستوي شي
روضه : لا لا لا ما أقدر
محمد لف أيده عليها من خصرها ومسكها : قلت لج تعالي مابيستوي شي أنا وياج يلا سمي باسم الله
روضه تمشي وياه بخطوات بطيئه تحاول قدر الأمكان تتفادى المكان اللي سايره له
فتح الباب وبطل الليت تجدم قبلها ودخل الغرفه يلس على أقرب كرسي حس بقلبه يتقطع تمر ذكرياتها فباله كأنها موجوده يحس بريحة عطرها ويسمع حسها يوم تناديه كل أربعاء
أم محمد : فديت روحك وصلت
محمد يتقرب منها ويبوس راسها : الله الله شو هالحلاه شو هالجمال ها كله عشاني ؟؟؟
أم محمد : طبعاً عشانك وانا كم محمد عندي
محمد يحضنها بالقو : فديت قلبج يعلني ما أخلى منج
أم محمد : غانتي كسرت ضلوعي
محمد: هههه كيفي أمي ما يخصج أنتي
أم محمد : ههههه اذا السالفه جذه خلاص أنا ما لي دخل ما بتكلم
محمد: لا ياعمري انتي اللي تتكلمين تامرين وتنهين ... شبيك لبيك بوجاسم بين أيديج
أم محمد : محلاها من ثمك
محمد : أحم أحم أخاف يغار الشيبه
بومحمد وهو يرفع حياته : لا والله زين يوم ذكرت أني موجود
محمد : ههههه خييييييبه وأنا أقول من وين هالدخان ثره الغالي هنه ... يتجدم منه ويحبه على راسه
بومحمد :الحمدلله على السلامه ... ليش متأخر
محمد :الله يسلمك ... فديت روحك تأخرت لأني كنت أوصل واحد من الربع العين موتره مجيم وأبوه حلف عليه أتعشى عندهم ,,, قول زين الله ستر والا جان ماييتكم هالاسبوع حلف عليه أبات عندهم وأنا قلت له عاد ما يصير ضناك عندك وتحرم هلي مني
أم محمد : وأنت قدها ؟؟؟ أتسويها يا حمود
محمد : فديت اللي تغار عليه
بومحمد : يوم أنتي مبزتنه هالكثر شو خليتي حق حرمته
محمد: برايها خليها أتبزيني على كيف كيفها ويوم أتي الحرمه بعد بتبزى بزياده فديتني شو أسوي يوم يحبني
أم محمد: هي عاد يوم بتي الحرمه شو يسألك عنا!!!!!
محمد: أفا وأنا أقدر عفراقكم ... بعدها ما أنولدت اللي تاخذني عنج فديت قلبج
أم محمد : يالعيار أنته عرس وبنشوف اللي بيصير ,,, الحين سير بدل ثيابك وتعال بعشيك
بومحمد : يعني توه يقولج متعشي بعدج تبينه يتعشى بسه ماشاء الله عليه مستوي جثه ما ينرام له
أم محمد :الله أكبر ،، فحياتي ماشفت أبو يحسد ولده برايه خليه يستوي أنا عايبني جذه
محمد : أفا عليك يا بومحمد صح متعشي بس مخلي مكان عشان اتعشى وياكم
بومحمد : هي عايبنج جذه باجر اللي بتاخذه بتقوله سو رجيم عشان ما تتفشل منه
أم محمد : مالت عليها جان بتتفشل منه والله يا أني أيوزه غيرها أن سوتها
محمد: ههه أنتوا يوزوني وطلقوني على كيفكم أنا بسبح وبزهب العشا وبييكم
أم محمد :الله يحفظك
نزلت دمعه على خده ... وأنتشلته حرارة الدمعه من ذكرياته ..رفع أيده يمسح دموعه شافها تمشي في الغرفه تتلمس كل ركن منها بيدها وقايه ماسكتنها بكل قوتها وصلت عند الكبت فتحته وبشكل تلقائي طلعت الصندوق الصغير اللي متعوده أول ما تدخل غرفةأمها تفتحه عودتها أمها تاخذ منه شي غالي على قلبها أتحب يكون عندها وهي في غرفتها .... مررت أيدها عليه تتلمس كل جزء منه قبل لا تفتحه وتاخذ اللي فيه وقفت عند المنظره أتشوف عمرها وهي لابستنه تتذكر كلامها
أم محمد : فديت العروس
روضه : فديت أم العروس هههههههههههههههه
أم محمد : باجر ان شاء الله يوم تعرسين بلبسج اياه في عرسج
روضه : أمايه مب تعطينه حمده والله بزعل
أم محمد : أفا عليج هاي المرتعشه لج أنتي وحمده في شي ثاني لها
روضه : شو ؟؟؟
أم محمد : هي ماأتعرف ولا أنتي أتعرفين بس يوم أتعرس بتعرفن واذا الله ماكتب لي أحضر عرسها بوصي عذيجه تعطيها إياه
روضه وهي أتدس راسها فصدر أمها : الله يطول بعمرج ويخليج لي ليش أتقولين هالرمسه والله بموت لو يستوي فيج شي
أم محمد : أستغفري ربج ولا أتقولين هالرمسه الموت حق وأنتي تدرين المرض هاد حيلي وما أدري متى ربج بياخذ أمانته ... ما أوصيج يا رويض ديري بالج على أخوانج وأبوج ولا تصيحين علي اذا كنتي أتحبيني
روضه وهي تشهق من الصياح : لا ما أبي أنا بموت قبلج لا أتقولين جي أمايه الله يخليج
أم محمد : روضه أنا ما بكون هنه ما أبيج أتزعلين أبوج وأتمرضين عمرج وغلاتي عندج ما أتصيحيني يوم أموت
روضه : أمي أنتي شو أتقولين ليش أتقولين هالرمسه ان شاء الله ما عليج شر
أم محمد : هالصندوق واللي فيه لج ولعلمج محد يعرف باللي أتسوينه الحين غيري أنا وأنتي وربج قبلنا
روضه : يعني ألحين هالسنين كلها محد يعرف ؟؟؟
أم محمد : مب أنا قلت لج هذا سرنا أنا وأنتي ؟؟؟
روضه : هي بس كنت أتحسبج أتقولين هالرمسه عشان ما أأذيج
أم محمد : هههه كح كح كح كح
روضه تركض صوبها وأتشربها ماي : صحه
أم محمد : على قلبج ... أنتوا ثلاث كل وحده منكن لها صندوق ولي وياها سر ما يعرفه غيرنا
روضه : أمايه قولي آمين
أم محمد : آمين
روضه : عسى الله لا يفرقنا ولا يبعدج عنا
أم محمد وهي تاخذ المرتعشه ترجعها للصندوق : يلا سيري رديها داخل قبل لا أيي حد
روضه بفرحه : ان شاء الله ...
حست برعشه وأستوعبت اللي يصير ... هي فغرفة أمها اللي تركتهم وراحت ... لفت وراها أتشوف محمد يتطالعها وعيونه تدمع مد أيده لها عشان تيلس عنده استسلمت ويلست عنده بدت أتصيح بصمت لفتره طويله بعد ما حس أنها طلعت اللي بخاطرها وما عاد فيه مجال للشك أنها تكبت شي من الحزن فقلبها رفع راسها وبعد شعرها عن ويها : روضه خلاص ترحمي عليها
روضه : الله يرحمها ,,, محمد وايد أتوله عليها أبي أشوفها بس مره وحده بس
محمد نش وتقرب من طرف الشبريه خذ الصوره اللي في البرواز وناولها لها : خليها عندج هي وياج فقلبج وهالمهم لا أتسوين بعمرج جذه ولا أتزعلينا أتعرفين غلاتج عندها دوم كانت أتوصيني فيج ما أبي أزعلها لا أتخلين شي يضايقج ... الموت حق والله رحمها يوم ماتت بنفسج شفتي أشكثر تعذبت وتألمت عشانا وبسبة مرضها خليها ترتاح فقبرها .. أتعرفين الصياح على الميت يعذبه ؟؟؟
روضه تهز راسها : هي
محمد : خلاص باجر الصبح أتين أتنظفين الغرفه وأتدخنينها مثل قبل ماأبي أشوف باب الغرفه مقفول مره ثانيه خليها مثل ما كانت أتحب بابها مفتوح دوم وريحتها عطر وعود
روضه : ان شاء الله ...
محمد: يلا نشي غسلي ويهج صلي الصبح وأرقدي
روضه: ان شا ءالله
محمد : العصر بوديكم العين أنتي وحمده وهزاع وحمد أوكي
روضه : انزين
محمد : ما تبين ؟؟؟
روضه : بلى بسير
محمد: وعي الدبه حمدوه عشان أتصلي
روضه : تصبح على خير
محمد : ههههههههه أصبح بعدج تبيني أصبح ؟؟؟ الصبح طلع والشمس أشرقت
روضه : هههه الله أكبر توه مأذن الصبح ,,
محمد : يلا أنا ساير بوعي الوالد وبنروح المسيد
روضه : تباني أسويلك ريوق ؟؟؟
محمد : ليش ما بترقدين ؟؟!!
روضه : لا أصلا أنا ما أرقد عقب صلاة الصبح
محمد : غريبه ليش عيل ما تطلعين ؟؟؟
روضه : ما أدري عشان مافي حد واعي أيلس في الحجره أقرى قرآن
محمد : بارك الله فيج ,,, خلاص سويلنا ريوق محترم تراني ميت يوع
روضه وهي سايره حجرتها : ا ن شاء الله بسويلك أكل تاكل أصابعك وراه
محمد :ههه لا يا أبوي خلي أصابعي لي ...
روضه : ههههههههههههههههه
........................
يدور في الشوارع مايعرف وين يروح حاس بضيقه وده يفضفض عن اللي فخاطره بس مب لاقي اللي يفتح له قلبه ,,, بعد مامرت ساعه وهو يتفرفر في الشوارع لقلى نفسه واقف عند بيتها ... سمع المؤذن ينادي لصلاة الصبح توجهه للمسيد على طول بعد الصلاه يلس فركن يقرى قرآن يستغفر ربه يدعي لهله وأخوه بالأخص الي سواه كان رد فعل طبيعي بس اللي في خاطره أكبر من جذه ما توقع أخوه يطيح ضحيه هالسم الفتاك لكنه وعد نفسه ينتشل أخوه من اللي فيه ويلحق عليه قبل يلا يغرق..... حس براحة وطمأنينه رجع المصحف مكانه وطلع
سعيد : سواف ها ما جنه عارف ؟؟
سيف : وينه .... هي بلى بس ها شو يايبنه هني ؟؟؟ بيتهم وايد بعيد ؟؟!!!
سعيد : أمش بنسلم عليه
سيف يسبقه يلا : السلام عليك
عارف يلتفت له : وعليكم السلام والرحمه ... ويتوايهون
سعيد : هلا والله أشحالك
عارف : بخير الله يسلمك ,,, علومكم ان شاء الله مرتاحين
سيف : الحمد لله يسرك حالنا ،،،
سعيد : ماشاء الله أشوفك صوبنا ؟؟؟
عارف : ها أأ هي ماياني رقاد وكنت أحاوط وصلت هالصوب وأذن عاد نزلت أصلي
سيف: عسى ماشر ؟؟
عارف : مامن شر بس الظاهر مافيني رقاد ...
سعيد : اللي ماخذ عقلك
عارف : ههه لا ماخذ عقلي ولا شي عادي
بوسلطان : السلام عليكم
عارف ،سعيد و سيف : وعليكم السلام والرحمه ...عارف تجدم يتوايه وياه
أشحالك عمي بوسلطان ؟؟؟
بوسلطان: بخير يعلك الخير ، شو أخبارك وأخبار أهلك عساهم مرتاحين
عارف : بخير ونعمه ويسلمون عليك
بو سلطان : الله يسلمهم ... أقرب يابوي
عارف : تسلم ما أتقصر والله
بوسلطان : أنزين أقرب بتتقهوى
عارف : مره ثانيه ان شاء الله , بروح البيت عن يحاتيني الوالد
بوسلطان : وأنت هب ياي من البيت ؟؟؟
عارف : لا ،، كنت عند الربع وتوني طالع
بوسلطان :زين بارك الله فيك سلم على الوالد وخله يزورنا
عارف :ان شاء الله
سيف ملاحظ التناقض اللي فرمسة عارف وحس ان السالفه فيها إن تباطأ فدخلته للبيت عشان يسأله
سعيد يتثاوب : يلا أبوي سمحولي أنا بسير أخمد أشوي قبل الدوام
عارف :مسموح فمان الله
سعيد : سلام
سيف :عارف
عارف : هلا
سيف: خير شو في خاطرك ؟؟؟
عارف : ها ماشي
سيف :عارف هالرمسه مب علي عدني أخوك الصغير وأفتح لي قلبك والا ماشي ثقه ؟؟؟
عارف :أفا عليك محشوم
سيف: يعني في شي ؟؟؟
عارف يتنهد : هي خلها على الله ...
سيف : ياخوك كل مصيبه ولها حل
عارف : والله ما أعرف شو أقولك ،،
سيف: يا ريال ما مبينا هالكلافه خذ راحتك أبدى من وين ما تبا
عارف :اوكي تعال بنتمشى في الموتر
سيف وهو يفتح الباب : يلا
عارف : أخوي مدمن
سيف فاج ثمه :شو ؟؟؟؟؟؟ ؟منو وكيف ؟؟؟
عارف : حمد
سيف: متأكد ؟؟؟
عارف : هي متأكد عشان جذه طلعت من البيت بعد ما ضاربته
سيف: لا يا عارف لا أتصلح الغلط بغلط وانت اذا صدق تبغي أتساعد أخوك وده وحده من هالمصحات عشان يعالجونه وخلك يمه لا أتحسسه أنه منبوذ بسبة اللي سواه كلنا نغلط
عارف : ما أعرف ياسيف وين اوديه ؟؟؟
سيف: ماعليه يا عارف أنا عندي واحد من الشباب تعالج فمصحه بتنشده عنها وبرد عليك خبر بس انت لا أتشيل هم وأي شي تباه أنا حاظر تحت أمرك
عارف : مشكور يا سيف وما قصرت والنعم فيك
سيف: أفا عليك اذا الأخو ما يساعد أخوه منو بيساعده
عارف : ماعليك زود ... أشوفك على خير
سيف: دير بالك على نفسك
عارف : ان شاء الله وسلم على سلطان
سيف بإشمئزاز : ان شاء الله
عارف :ليش حايس بوزك شو ياك ؟؟؟
سيف يتصنع الابتسام : هههه لا ماشي بس جذه
عارف : تمام يلا فمان الله
سيف: وداعة الله ...أتمنى ينال إعجابكم
مشكوووره.. وبانتظار يديدج.. عاد لا تطولين علينا..
مشكوره اختيه الله يعطيج العافيه
مشكوووووووووووووووورة على الجزء الرائع..
وفي الأنتظار الجزء الجديد
هلاا والله ..
اختي الجنيه .. ممم قريت القصه بااااجلي اخر جزء نزلتيه
بقراه ان شاء الله بس حبيت ارد عليج واعطيج علم عن متابعتيه لج ..
مممم احلى ما في القصه انه فكرتها يديده .. موفقه اختيه ..
الله حيهم
السلام عليكم ورحمة الله وبركاته
السموحه منكم خواتي وأخواني أدري أني وايد تحيرت عليكم بالجزء بس والله وايد مضغوطه بحاول قدر الامكان أخلص الجزء بسرعه بيني وبينكم الجزء جاهز نصه من اسبوع بس مب لاقيه وقت اكمله ان شاء الله في الويكند بحطه لكم...
والسموحه مره ثانيه ...
مسموحه الغاليه..برايج بس لا تخيسينا وايد..
الجنيه الحلوه .,,,,
السموحه حبوبه ادري خسيتكم بس ان شاء الله بحاول انزل الجزء الحين
على غكره توقيعج حلو ...
خيماويه
العفو ,,, الله يعافيج
عاشقة الريم
العفو حبوبه وجودج الأروع
مزيونه
وأنا بانتظارج حبوبه
أموت أنا في حبهم
الجزء الـــ 17
ابتسامه مرسومه عشفاتها وملامح ويها هاديه تدل على نومها باطمئنان وهدوء ... يلتفت لولده اللي راقد عصدره ببراءته وهدوؤه يشبه الملاك يحس بشعور غريب أحاسيسه متضاربه يحس بالشوق والحنين لها وبنفس الوقت حاس بفرحه وشعور ما ينوصف بالجو اللي عايشنه .... أنا ظلمتها ,, صح أني تسرعه وتزوجتها عشان أستر عليها بس بعد ما أنكر حبي لها .. عمرها ما قصرت ويايه بشي ودوم تسهر عراحتي وأنا الي ظلمتها وحرمتها من أبسط حقوقها وهالطفل المسكين شو ذنبه يعيش كأنه يتيم وأنا موجود ..... لازم أتصرف لازم اعترف لوعد أنا متأكد أنها بتتفهمني وبتقدر شعوري تدري أني أموت فيها بس مزنه كانت فحياتي قبلها ومن حقها أتعيش مثلها تحت ظلي ويربى ولدي عندي ... خلاص أتخذت قراري بأسرع فرصه بخبرها أما مزنه وعبدالله فبعوضهم عن اللي فات ...
حست بحركته المتواصله فنادت عليه : سلطان
سلطان : هلا ،،خير مزنه في شي ؟؟؟
مزنه تلتفت عليه : سلامتك بس حسيت أنك مارقدت بغيت أتطمن عليك ،،،
سلطان :مشكوره ما أتقصرين تطمني ماياني رقاد,,,,, أ أأ ممم كنت أفكر فيكم
مزنه : فينا ؟؟؟!!!!
سلطان :هي فيكم أدري أني ظلمتكم أنتي وعبادي ويايه بس ان شاء الله أوعدج أني أعوض عليكم
مزنه تحس بقربه منها : لا تهدم حياتك بيدك
سلطان يتقرب منها أكثر : أنتوا حياتي وألزم ماعليه راحتكم
مزنه : ما أعرف شو أقولك
سلطان وهو يضمها : مزنه أبيج أتقولين لي عن كل اللي فخاطرج مافي حرمه تسكت عن الحاله اللي أنتي فيها
مزنه ودموعها تنزل بتلقائيه : صح مافي وحده تسكت على هالوضع غيري ,, أنا أدري أنك تزوجتني عشان تستر علي وأنا لليوم ما بنسى وقفتك ويايه بس يا سلطان أنا أحبك وأنت تدري هالشي وأحياناً أحس أنك أتحبني بس ما أتبين هالشي صدقني كنت أتمنى أقولك هالكلام من قبل بس ما لقيت الفرصه المناسبه سلطان زواجك مني كان لمصلحتي ومب من صالحي أحس بزواجي منك أنكتب علي الشقا كم تمنيت أكون يمك وأتعيش ويانا أتشوف ولدك يكبر تحت نظر عينك أتحسسني بالأمان أتخليني ما أحس بحاجتي للأي حد أنت ما قصرت وياي مادياً بس معنويا أنا محتاجتنك يا سلطان وايد سكت بس أنت اللي أجبرتني أتكلم سلطان أنا حياتي مظلمه من دونك ......
سلطان متفاجأ من ردة فعلها ما توقع أنها شاله بخاطرها عليه لهدرجه ,, ما لقى الجواب اللي ممكن يخفف به عنها فضل السكوت وأنه يخليها على راحتها ,,
سلطان : خلاص يا مزنه أوعدج أني ماأتخلى عنج ولا أخليج فيوم تندمين على زواجج مني .. بس محتاي أشويه وقت وأوعدج حياتج كلها بتتغير ,,,
,,,,,,,,,,,,,,,,,,,,,
تتقلب في الفراش مب قادره ترقد ,,, أتخاف أتكون روحها متعوده على وجوده يمها وحاسه بفراغ كبير من غيابه من شوقها له رقدت مكانه محتضنه مخدته أتحاول تجبر نفسها على الرقاد بس مب قادره ...
آآآه يا سلطان وينك عني خليتني روحي ولا حتى أفتكرت تدري أني أخاف أرقد روحي بس ما عليه دواك عندي .. خذت تلفونهاوطرشت له مسج
" محبوبي يا ناس ناسيني ،، تجاهل وجودي يمكن لقاله غيري ثاني "
المسج الثاني " ياجرحي الشادي رحماك بفوادي ,,لهموم عاثت بي وتناثر رقادي "
مرت عشر دقايق قبل لا أييها الرد
"أغيب بس إني على العهد باقي ... يردني شوق على الود لازال"
"لاتزعل اذا ما سألنا هذي همومنا تشغلنا ولكن معزتك الله يعلمها ترانا ما تغيرنا "
وترد أتطرش له مسج " صح أبد ما تغيرت ... واضح مخلني روحي ويالس عند ربيعك .. تدري أني أخاف أرقد روحي لكن ما همك "
سلطان " حبيبي والله غصبن عني ومب حلوه الريال محتايني أقوله ما أقدر "
وعد " هي الريال محتاينك وأنا واللي فبطني أنولي "
سلطان "عمري لا أتقولين هالرمسه والله مشتاق لج حييييييل "
وعد" ههه ما أتضحك "
سلطان " يالدبه والله متوله عليج "
وعد" تصبح على خير "
سلطان " أفا أهون عليج؟؟!!!"
وعد" اذا أنا هنت عليك عادي أتهون علي "
مرت فتره قبل لا يرد عليها باتصال ...
سلطان : يالدبه
وعد: نعم ؟؟؟!!!
سلطان :حبيبي بس عاد
وعد : أخوي أنت شكلك غلطان
سلطان : وعدوه يا راسج ،،، سمعيني ... والله مشتاق لج حيييييييييييييييييل بس الريال عنده كم شغله بساعده فيهن باجر وبرجع لج
وعد: كيفك سو اللي تباه
سلطان : أفا كيف بعد سو الي تباه ،، أنزين بذمتج ما ولهتي علي ؟؟؟
وعد: عادي
سلطان :وعووووووووود يالدبه مليون مره قايل لج لا أتردين علي بهالطريقه
وعد : أبي أنام ممكن أتسكر
سلطان :يالجذابه أنتي ما أييج رقاد روحج
وعد: توك تدري
سلطان : حبيبي والله غصبن عني شو أسوي
وعد وهي أتصيح : خلاص سلطان لا أتسوي شي بخليك مع السلامه وسكرت التلفون وأغلقته
...................................
بيت بو محمد
عذيجه وهي ترجع السياده لمكانها" ياربي ساعدني أرجع حياتي للي كانت عليه ما أبي شي غير أنه أبوي يرتاح من همي ولا يفكر فيني ... مبارك جرحني ولا فيوم ممكن أسامحه ,, معقوله الغلط مني ؟؟؟؟ بس أبي أعرف أنا بشو قصرت عليه بشو ؟؟؟؟وفهد شو ذنبه يتربى فبيت انسان ماله قيمه عندي وفقد احترامه ومكانته بقلبي !!! يارب أنك تصبرني عليه وترحم حالي ... غطت فهد عدل وأنسدحت عنده تحاول ترقد وتبعد الأفكار السوده من بالها بس ما قدرت فطلعت للصاله
في الصاله
محمد: الله ما كنت أدري أنج طباخه ماهره
روضه : ههههه الحين بيض وطماط وبلاليط خلوني استوي طباخه ماهره عيل لو أسويلك البشاميل وشوربة الدياي بالكريمه شو بتقول ؟؟
محمد: يا سلام عيل عشانا اليوم عليج ...
روضه: لا باسم الله علي ما فيني على العباله وحماده الساحره ما أتطيع أتساعدني
محمد : على طاري حماده هاي ما نشت أتصلي ؟؟؟؟
روضه : هههه يحليلك أنت ما تدري هاي أول وحده ترقد في البيت وآخر وحده أتنش ,, صلت وردت أتكمل رقادها ....
محمد: خييييييييييييييييبه حشا كل هذا رقاد؟؟!!!!!
عذيجه وهي داخله الصاله : قول ماشاء الله بتحسد البنيه ... صباح الخير
محمد: صباح الورد يا ورد هلا والله بالغاليه أم الغالي ...كيف أصبحتي
روضه : ههه خليه يحسدها عشان أتخف من هالرقاد
عذيجه : بخير وعافيه ... أطاعو منو يرمس سكتي الله يخليج أشوف نسينا ما كلينا يا آنسه روضه
روضه: هههه أنزين بس عاد عن الفضايح
محمد: فضايح الشو بعد ...؟؟؟
عذيجه : خلي الطابه مستوره أحسن
محمد : لا الحين لازم أعرف شو السالفه ..
روضه: بلييز لالالالا والله حرام عذوج وراس فهد مات أتقولين
عذيجه : باسم الله على ولدي من حلفانج ما يخصج فيه وبعدين السالفه تافهه ليش أتكبرين الموضوع ؟؟
روضه منحرجه: عذوج بليييز
محمد يلوي عليها : فديتج رواض عادي ما فيها شي أنتي تدرين أنا طول الأسبوع في العين وما كنت أنزل الا يومين يعني ما أعرف عنكم وايد الصراحه خليني أعوض اللي فاتني
روضه : انزين عفصتني خوز عني
محمد: ههه صدق ما فيج خي رعيل في وحده في هالكون ما ودها بحضني ؟؟؟
روضه : طع هذا صدق ماخذ مقلب فعمرك
محمد: برايه خليني آخذ مقلب أنا راضي لاأتغيرين الموضوع
عذيجه: ههه السالفه ومافيها أن الآنسه روضه رقدت في المدرسه حصتين والأبله جكتها ومن ذاك اليوم حرمت تسهر وايد عشان ما ترقد في الحصص فصار رقادها قلييييييييييييييييييل
محمد : ههههه يالفضيحه حد يرقد في الصف خخخخخ
روضه مبوزه :أنزين كنت مريضه
عذيجه : خل عنج لا مريضه ولا غيره الا قولي من السهر
محمد: ثرج مب هينه والله
روضه: هههههه
عذيجه : محمد
محمد: لبيه
عذيجه: لبيت بمنى ان شاء الله ... عارف ما رجع للحين ؟؟؟
محمد تغيرت ملامحه وأختفت ابتسامته " الظاهر نسيت المصيبه اللي حلت علينا ونسيت أنه ما يحق لي أعيش بسعاده" وفجأه انتبه لعذيجه الي ردت تسأله بعد ما حست بشروده
محمد: لا بعده ما رجع الحين بتصل أشوفه وين
عذيجه : تمام وأنا بروح أبدل لفهد قبل لا ينش ويبدى يصيح
روضه: خليه أناببدل له
محمد: تقدرين والا بتعورينه ؟؟؟
روضه: أقدر أنزين ولا تستخف بقدراتي الأمويه
محمد: أمويه والا عباسيه
روضه : ماعليه باجر يوم بتعرس بتقولي تعالي يودي عيالي
محمد: باسم الله عليهم منج
روضه : انزين يلا باي
محمد : أقول رويض لا تسنين أتسكرين الباب قبل لا تدخلين
عذيجه : باسم الله الرحمن الرحيم شو فيك عليها خلها أتروح
محمد : يعني هي ما همتج كل همج هعالمفعوص ولدج
عذيجه: ودك بواحد مثله
محمد: أنزين لا أتخقين وايد
عذيجه : على طاري العيال محمد شو سويت بالموضوع ؟؟؟
محمد: أي موضوع ؟؟
عذيجه معقده حياتها : عن العبط
محمد: ههه ما أستعبط شو تبيني أقول لج ؟؟
عذيجه :سلامتك لا أتقول شي بس أنا اللي بتصرف
محمد: هههه ان شاء الله تصرفي ،، توكلي على الله
عذيجه : حلو أعتبر الموضوع منتهي ولا تنسي أتطمني على عارف
محمد ان شا ءالله,,,
تفرقوا الأخوان كلن بصوب ومحمد راح لغرفته عشان يتصل بعارف ويتطمن عليه
فغرفة هزاع وحمد
يالس في الزاويه ضام ريوله لصدره يحس برعشه رغم دفا الجو تقرب منه وغطاه بس الرجفه بعدها مثل ما هي ...ياربي شو أسويبه ما أقدر أفج الباب أخاف يكون عارف هني ان شافه بيذبحه ... تقرب منه وحاول يناديه للمره العاشره : حمد .... حمد
حمد وهو يئن من الويع وبصعوبه : ها
هزاع أرتاح : شو فيك ؟؟ شو أتحس ؟؟؟
حمد: ها ماشي
هزاع: كيف ماشي وأنت شاب ضو من الفليل وأنت تون ... بتروح العياده ""
حمد :لا روحي بستوي بخير
هزاع : ليش يا حمد ليش أتسوي جذه ؟؟ مب حرام عليك ؟؟؟
حمد دموعه على خده تسيل: هزاع والله مب قصدي بس ما أدري كيف
هزاع: ياما نصحتك تبعد عنهم بس ما كنت أتطيع الشور
حمد: ندمان يا هزاع والله ندمان ما أدري ليش سويت جي صدقني حاولت أودر هالسم بس ما قدرت أحس بروحي تطلع مني والله حاس بنهايتي قربت
هزاع: تعوذ من ابليس واستهدى بالله ما بيصير الا الخير
حمد: والله يا هزاع محتقر نفسيوحاس بإشمئزاز من عمري .... آآآآآآآآآآآآآآآآآآآآآآآآآ ه
هزاع يحط راس أخوه فثبانه : شو فيك شو صار .؟؟؟
حمد يشد على أسنانه : بمووووووووت يا هزاع بمووووووووت
هزاع : باسم الله عليك يا خوي لا اتقول جي ... حمد ........ حمد ...
أيده بدت ترتجف حس ببروده جسم أخوه يحاول يوعيه بس ما يرد عليه ومن الخوف ربع لحجره أخته يبي حد يساعده يسوي أي شي المهم أخوه ما يروح من أيده
هزاع عذيجه دخيلج تعالي بسرعه حمد ما يرد عليه ما أعرف شو فيه جسم بارد مثل الثلج عذيجه تعالي شوفيه بسرعه الله يخليج بسرعه ,, أول ما ألتفت عشان يرجع غرفته شاف أبوه وراه مصدوم وحركته مشلوله يسمع اللي يقوله بس نظرته مجمده صوب حجرتهم
تجدم منه ومسك أيديه أبويه شو فيك ؟؟؟؟ أبويه ....
على حشرته طلع يشوف اللي صاير وأول شي لقطه صورة أبوه وشكله ... وصل عندهم وحاس بقلبه بيطلع من بين ضلوعه ... شو صاير ؟؟؟ هزاع شو فيك
هزاع بعد ما شافه خلاص تبيرد وحس براحه حس أنه في حد غيره يقدر يساعد أخوه كل اللي قدر عليه يأشر صوب غرفته ...
محمد فهم الموضوع وعلى طول ربع الحجره وأول ما دخل شاف منظر حمد يقطع القلب ....
شفايفه مزرقه وعيونه مبطله على الأخر أيديه الهنتين ضامنهن لبعض ومتكور على نفسه ... محمد عرف أنه مختنق فقام باللازم رغم خوفه بس لأنه ماخذ دورة اسعافات أوليه قدر يساعد أخوه ويخليه يرد يتنفس
حمد" كح كح كح ... وبتعب شديد "
محمد: حمد تسمعني .؟؟؟ حمد رد علي اذا تسمعني .... اذا ما تقدر حرك ايدك بس
حمد يحرك أيده بببطء
محمد نادى هزاع وخذو حمد للمستشفى ... بومحمد بعد ما تطمن على ولده يلس في الصاله وذهنه مب وياه دموعه تسيل على خده والخوف باين عليه... ما يتحمل صدمه ثانيه كفايه أنه فقد شريكة حياته ....
الساعه 12 رجع محمد وهزاع وحمد ... الدكتور شخص حالته أنها إرهاق وأنها حاله نفسيه سيئه واحساس بالذنب محتاج أشويه رعايه وما عليه شر ...
عذيجه رجعت لبيتها بعد ما تطمنت على أخوها ....
بيت عذيجه "العصر"
مبارك شال فهد : نورتوا البيت ... تستاهلون سلامة حمد
عذيجه من دون ما أتشوف صوبه : الله يسلمك
مبارك : ولهت عليكم
عذيجه :........
مبارك : لا تقسين عليه جذه
عذيجه : عطني الولد بغير ملابسه
مبارك : لا أرتاحي أنتي أنا بغير له
عذيجه :مب محتايه حد يساعدني فرعايته أو تربيته
مبارك :أفا عليج ألحين أنا صرت أي حد ؟؟؟
مشت عنه من دون لا أترد عليه حاسه بمشاعر متناقضه مستانسه لشوفته وكارهه وجوده خافت تفضحها مشاعرها وأتقوله ولهت عليك ففضلت الانسحاب من دون اي رد فعل على اللي يقوله أو يسويه ... دخلت الغرفه أنصدمت من اللي شافته ... الأثاث متغير .. لون الغرفه ... الأثاث الأرضيه .. رفعت راسها للدريشه ...
مبارك : كبرتها مثل ما تبين .. والاثاث نفسه اللي عيبج في أيطاليا ,,, لون الغرفه اللي يعجبج والسيراميك بعد
عذيجه حاسه بداخلها بنار تشتعل ما تعرف شو أتقول أو كيف تتصرف معقوله في انسان يناقض نفسه لهدرجه ؟؟؟؟ هذا هو مبارك اللي تزوج عليها بنفس اليوم اللي زفت له خبر حملها ... هذا نفسه مبارك اللي أبتعد عنها ولا سأل شو هدفه لشو يبي يوصل ؟؟؟؟؟
تقرب منها وحط أيده على جتفها : عذيجه حبيبتي أنا آسف
تمالكت نفسها وأعصابها وببرودة شلت أيده عن جتفها تبعده عنها ...
مبارك بنظرة أستعطاف : دخيلج لا أتعامليني بهالطريقه ... أعترف أني خطيت بحقج بس حاولي تفهميني والله يا عذيجه أنا بنفسي ما كنت عارف شو اللي صار فيني وليش تعلقت فيها ... ورحمة أمج يا عذيجه أني ما أعرف شو اللي صار لي لين أمس أكتشفت أنها مسويه لي عمل والله يا عذيجه صدقيني الله يخليج خلينا نرجع لحياتنا الأوليه ما ولهتي لها ؟؟؟؟
عذيجه : بس يا مبارك خلاص اللي بينا كله أنتهى لا أتحاول تقنعني باللي تقوله أنت ماض فحياتي وأنتهى واذا أتظن رجعتي هاي تعني شي فأبشرك رجعتي بس عشان خاطر أبويه ولا تظن فيوم أني ممكن أرجع عذيجه المغفله الأوليه من اليوم وساير بتشوف عذيجه ثانيه ,,, عذيجه اللي تعلمت درس عمرها ما تنساه عذيجه اللي عمرها مابتثق فيك أو تعتمد عليك بشي .... أنت زوج بالاسم وأعفيك من مسؤليتي كامله أنا وولدي ...
مبارك : عذيجه أنتي أعصابج تعبانه ريحي اشويه وبعدين بنتناقش في هالموضوع ...
عذيجه : مافي شي أسمه بعدين من الحين أبي أحط النقاط على الحروف ... أنا وولدي بنسكن في الغرفه الثانيه وأنت سو الي تباه ماعدت تعنيلي شي .... تجدمت منه وخذت ولدها وراحت للغرفه الثانيه ....
الساعه 5 العصر ...
أم سلطان : سلطان هب جنه طول في العين ؟؟؟
وعد: ما أدري عنه قال بيرجع اليوم
أم سلطان : وأنتي ما كلمتيه اليوم .؟؟!!!!
وعد تتهرب من نظراتها :لا هو مشغول ويا ربيعه بس أمس خبرني أنه بيرجع اليوم
بوسلطان : طلع من العين وعلى وصول
سعيد :كلمته ؟؟؟
بوسلطان : مكلمنه الضهر وقالي بعد الغدا بيطلع
أم سلطان :الله يحفظه ان شاء الله ,,, بويه سعيد وينه سيف ؟؟؟ من أمس ما شفته
سعيد : عمره طويل هاذوه ياي
سيف يحب راس أمه : فديت اللي تسأل عني أشحالج ,,, تجدم من أبوه وسلم عليه
أم سلطان :حبتك العافيه وينك يا بويه من أمس مالك شوف
سيف: شو أسوي يالغاليه أمس سرت العين ويا وليد
أم سلطان : أنتوا شو عندكم في العين ؟؟؟
سيف: ههه أنغازل
أم سلطان : والله ما أتخيل عويهك
سيف يلوي عليها : هههههه خليني أعيش شبابي باجر بعرس وبنحرم
أم سلطان : أمف عليك
بوسلطان : أمس أدور عليك قلت بخبرك برد شهد
الكل التفت لبو سلطان
سيف: هههه ليش أتدور علي بعد ما يحتاي الاجابه معروفه طبعاً موافقه
بوسلطان : لا يا بويه البنت مب موافقه
سيف: نعم شو يعني البنت مب موافقه جي هو بكيفها ؟؟؟؟ أصلاً نحنا الغلطانين هاي ما تنعطا ويه أنا الحين بيسر عند عمي بملج عليها الحين
بوسلطان عصب : سيف .. أحترم نفسك وثمن كلامك اللي ترمس عنها بنت أخوي لا أنت ولا عشره من أمثالك يقدرون يمسون شعره منها من دون رضاها فاهم ... ولا تعلي حسك علي
سيف : السموحه منك يالوالد بس والله يعني مب من حقها ترفض
سلطان وهو يحدر الصاله : السلام عليكم ورحمه الله وبركاته .... سيف وطي صوتك
سيف التفت له والشرر يتطاير من عينه : أنت تسكت مالك خص جب ولا كلمه ما أطيق أسمع حسك
بوسلطان :سيف أحترم نفسك هذا أخوك العود والا أنت خلاص صرت ما أتحشم حد.؟؟!!
سلطان : خله يا أبوي هذا من يومه مذيع المذهب
سيف: بعدني أكون أحسن منك بألف مره والا أنت ناسي سواد ويهك ؟؟!!!
وعد ماتحب حد يغلط على سلطان وخصوصاً في حضورها يوم شافت الوضع جذه نشت وطلعت عنهم ما تقدر تتدخل ولا ترضى حد يغلط على سلطان حتى لو هو غلطان ...
سلطان ما قدر يمسك نفسه على طول مسكه من كم كندورته ورفعه لفوق وهو معصب : أحترم نفسك لا تعتقد أني ساكت خايف منك محترم ومحشم اللي أكبر مني والا تراني بنزل لمستواك وبعلمك من يكون سلطان
أم سلطان : سلطان أستهدى بالله أتركه عنك
سعيد : نش يحايز مبينهم .... سلطان تعوذ من ابليس وأتركه سر شوف حرمتك نشت متضايقه خله عنك
بوسلطان :خلصتوا يا عيال مانع والا تم شي فخواطركم ....
سلطان انتبه لنفسه وترك سيف اللي أول ما ودره هجم عليه بس سعيد لحقه قبل لا توصله أيده
السموحه منك
بوسلطان : سلطان سر شوف وعد وبعدين تعال عندي بغيتك بموضوع
سلطان : ان شاء الله ...
أول ما دخل الغرفه شافها يالسه على الشبريه تهز اريولها بعصبيه .. تقرب منها ... أشحالج حبيبي ؟؟؟
وعد : .....
سلطان : حياتي شو فيج ؟؟؟ ماعليج منه خليه يولي
وعد: .....
سلطان : عمري بعدج زعلانه مني ؟؟؟
وعد: مافي شي يزعل
سلطان :عيل ليش هالعصبيه ؟؟؟
وعد : سلامتك بس تدريبي ما أتحمل حد يغلط عليك
سلطان : هذا ما أدري شو بلاه أستخف من درى أنه شهد رفضته اللي يشوفه يقول من زود الحب
وعد: سيف عمره ما يغلط على حد الا اذا شايف شي عليه
سلطان : شو قصدج ؟؟؟
وعد: سلامتك,,, أسأل نفسك ؟
سلطان : أنتي شو فيج ليش جي متغيره ؟؟؟
وعد: مافيني شي بس أنا بروح بيت أبوي
سلطان : أنزين ما يبالها كل هالزعل أنا بنفسي بوديج له
وعد: مشكور ما أتقصر أبوي الحين ياي في الدرب
سلطان : بس أنا كنت ناوي أطلعج نتعشى
وعد: ماله لزمه
سلطان يتقرب منها : حبيبي له لزمه خلاص أنتي سيري الحين وبمر عليج الساعه 8 بنتعشى وبنرجع البيت
وعد: أنا بسير أتم عند أبويه كم يوم
سلطان متفاجأ : نعم ... ؟؟؟ أتمين كم يوم ؟؟؟ وأنا ؟؟؟
وعد: شو أنت .؟؟
سلطان :أتخليني روحي ؟؟؟
وعد : أنت ما تحتاجني
سلطان : وعود أنتي شو أتقولين ؟؟؟ شو صار؟؟؟
فهاللحظه يت الخدامه أتدق الباب واتقولها أنه أبوها وصل ويترياها ... خذت الخدامه شنطتها وودتها للسياره
سلطان : وعد شو فيج ليش أتسوين جذه بس عشان أمس يعني ؟؟
وعد تلبس عباتها : أبي أتعود أكون روحي لو سمحت لا تنسى أتودي أمك العياده الساعه 7 موعدها ... مع السلامه ...
مرت الصاله سلمت على عمتها وسعيد ... وصلت عند سيف ...
اذا شهد رفضتك هذا ما يعني نهاية العالم ... مع السلامه
سيف : وعد ... أنا آسف
وعد: مايحتاي تعتذر أنا ما لي خص باللي يصير بين الأخوان
أم سلطان : متى بترجعين ؟؟؟
وعد : مابطول ان شاء الله
أم سلطان : أحسبج زعلانه وطلعتج اليوم من البيت ما أتطمن
وعد : لا تطمني مافيها شي بس أبي أتم عند أبويه كم يوم
أم سلطان : الله يحفظج ...
وعد: فمان الله ....
سلطان بعده مب مستوعب اللي صار ... وعد تطلع من البيت !!! أول مره من عرسوا أتبات برع البيت شو صار لها ليكون درت ؟؟؟؟ لا مستحيل تدري وتتصرف بكل هالبرود ... سيف شو كان يقصد ؟؟ يمكن لالالا مستحيل كيف وأنا ,,لالالالا مستحيل ما أبي أعرف شي ..... ما أبي ...اعرف اي شي يمكن الحمل متعبنها وعشان جي نفسيتها تعبانه ...
نهاية الجزء الــ 17
السموحه منكم على التاخير ,,, واسمحلولي اذا ماعجبكم الجزء لأني أحسبه مخربط اشوي كتبته على السريع وان شاء الله بحاول اخلص القصه باقرب فرصه ,, قبل رمضان اذا الله راد
ههههههههههههههههه
السلام عليج اختي الجنيه
اشحالج عساج الا ابخير ؟؟
اعلومج عساها طيبة
انا بصراحه صارلي فترة متابعه قصتج وانا وياج على الخط والحين من حظي الحلو انج اتنزلين الجزء وانا موجودة وقاعده اقراه بس جيه خطافي لازم اتمعن فيه وبقطع عليج الحين
وتسلمين وايد على القصة الحلوة وربي يحفظج من كل عوق ومكروه عندي شي اتسلابه الحين بدل جتب اليامعه اللي اقراها
يالله انا تحت وياج ورا الكواليس وما بعلق بشي بس حبيت اتعرفين اني وياج واشجعج
ودمتي بود
السلام عليج اختيه الجنيه
الحمدالله انج عطيتنا ويه ونزلتي القصه
مشكووووووووووووره ودمتي سالمه
عاد لا تبطييييين علينا
اختج خيماويه
السلام عليكم..
شخبارج اختي الجنية؟؟
عساج بخير..
مشكورة على الجزء ودمتي سالمة..
وفي الأنتظار الجزء الجديد..
:fa42: :fa42: :fa34: :fa42: :fa42:
مزيونة الشمال
وعليكم السلام ورحمة الله وبركاته...
الله يسلمج ويسلم غاليج حبوبه وأسعدني تواجدج ...
خيماويه
وعليج السلام ورحمة الله وبركاته
فديتج من زمان عاطتنكم ويه بس أشويه ظروف منعتني أنزل الجزء
وان شاء الله باقي جزءين وأتخلص القصه ...
تفضلي هالجز ء لعيونج الحلوه
عاشقة الريم
الله يسلمج أنا بخير دامكم بخير ...