رد: سطو مسلح على مركز وافي اليوم .. . .
السلام عليكم
كييف جيي !! يدشون المركز بالسيارة و يصرقون المحل
لا و بعد يحرقوون السياير و محد وقفهم !!
عيل شو خانت السيكيورتي في المراكز :fa52:
المفروض يكونون مهيأيين حق هالمواقف و يعرفون يتصرفون
حتى لو كانوا مسلحين شي الف طريقة ثانية يوقفونهم
انزين و بعدين عقب كل ها ,, محد فكر يلحقهم لين ما الشرطة يوون !!!
صدق كيييف جي ,, جنه فلم مب صدق :wacko:
هالعصابة ترا سوت كل اللي تبيييه بكل سهوووولة
الله يستر ما يسوون باجر شي اكبر .. !!
حمدالله ان الله منعم علينا بالامن و الامان في هالبلاد
ولا موول ماشي احتياطات
واللي قاهرني اكثر ما حطوا شي في اخبار الامارات :fa52:
رد: بعض الأسئلة بخصوص السطو المسلح إلي في وافي
في خلل كبير في السالفة ...الصراحة هالعصابة غرضها يمكن اكبر عن السرقة يعني عصابة تسرق وهي على علم انه في زوار في المركز والله حفظ الي كانوا موجوديين
توقعت يكون في خبر في اخبار الامارات بس لا تعليق
الله يحمي بلادنا...
رد: سطو مسلح على مركز وافي اليوم .. . .
قد تكون هذه السرقة على علاقة بالحادث الي صار من فترة ، يوم سيارة تسوقها حرمة دخلت في المركز (اونه بالخطأ) بمعنى ثاني ، يمكن الحركة الي صارت هذييج المرة تكون تدريب وتحضير للعملية الي صارت امس ، يبون يشووفووون ردة الفعل واجراءات الامن المتبعة في المركز خاااصة انه مركز وافي معروف انه مركز الماركااااااات ،،
والله اعلم
رد: بعض الأسئلة بخصوص السطو المسلح إلي في وافي
إن من الذكاء الأمني هو تفادي وقوع المشكلة وليس إنتظار وقوعها حتى يتسنى انا إيجاد الحلول.
رد: بعض الأسئلة بخصوص السطو المسلح إلي في وافي
لان مركز وافي مب مشددين عليه السيكيوريتي
وهذي مش اول مره يتم السطو على مركز وافي
رد: سطو مسلح على مركز وافي اليوم .. . .
معقوله ما سووا حادث .. :k_harhar1:
معقوله شردوا بدون ما يستويبهم شي .. ول عليهم والله .. :a046:
نحنا نمشي شوي شوي ونكون محاسبين والحوادث على الكيف .. :6:
كيف هاذيلا شردوا في مكان مزدحم وما استوا بهم شي .. :k_devil2:
انا بعدني موب مصدق .. :a116:
والمشكله في هالوقت انا كنت قريب من هالمكان .. وما شفت شي .. :a108:
رد: بعض الأسئلة بخصوص السطو المسلح إلي في وافي
بسم الله الرحمن الرحيم ..
هلا خوي ..
طبعآ اجوبتك يبيلها واحد متخصص ف هالمجال وبدون فلسلفه اكيد ! ..
المهم والأهم هو ليش ما حطوا ف اخبار الإمارات عن هالموضوع ؟ ..
فهل حطوا الموضوع او شو بالضبط لئنهم بعد الأعلان حطوا مسلسل !؟ ..
الله يحفظنا ويستر علينا ..
رد: سطو مسلح على مركز وافي اليوم .. . .
الخبر هذا كـ الصاعقه علينا صح ؟
عيل اللي بتسمعون عن هالموضوع بعدين اشد منه !
:5:
رد: سطو مسلح على مركز وافي اليوم .. . .
ألم ترى .. عندك شي .. قول لا اتخلينا جيه .. :fa52:
رد: سطو مسلح على مركز وافي اليوم .. . .
رد: سطو مسلح على مركز وافي اليوم .. . .
رد: بعض الأسئلة بخصوص السطو المسلح إلي في وافي
اممم ..
بالنسبة لأخبار الإمارات أظني >> مع وضع خطين تحتها ..
إنهم ما أذاعو الخبر لأن بالعاده هالأمور يتم التعامل معها تحت غطاء أمني مشدد ..
ومثل ماأسمع دوم .. >> " مايبون يروعون الناس " .. !
ويكتفون بالتعامل مع الأمر بدون تدخل الشعب لول .. : )
.
.
احليلي أحاول أستنتج !!
وربي يحفظنا ويصبرنا .. ويستر علينا ..
رد: بعض الأسئلة بخصوص السطو المسلح إلي في وافي
مشكور عـ الموضوع أخوي.. وانا بتكلم عنه بعيد عن راي الناس
والجرايد،، والإشاعات اللي طلعت يوم قيّموا الخساير رغم انه ما
في اي تقييم رسمي لين أحين
::
::
1) من أين حصل هؤلاء على الأسلحة؟
هذا لـ حد الآن مش معروف،، والتهريب مب شي صعب لأنه يحصل
في كل دول العالم
::
::
2) كيف تشكلت هذه الخليه وخططت وتشكلت ولم يكن لأي جهه أمنيه أدنى فكرة ؟
الجهات الأمنيه شاكه في الموضوع على انه فيه ناس مرتبينها غير المسلحين لأن/
- ما وصل أي بلاغ على هالسالفه من الموجودين او ادارة وافي
- اول بلاغ وصل انه فيه سيارتين تداعموا ودخلوا المركز،، واول دوريه وصلت كانت دورية مرور !
- البضاعه المسروقه عبارة عن قطع غاليه وايد،، فـ كيف تنحط هـ القطع في الواجهه
المفروض تكون داخل ومحفوظه في مكان آمن !
- السرقه تمّت في دقيقتين،، يعني كيف شخص ما يشتغل في المحل عارف اماكن القطع؟
::
::
3) كيف يتم كسر بوابة المركز ولم يصل رجال الامن " علماً بأن هناك أنطمة أمنيه متصله بشكل مباشر بمراكز الشرطة " ؟
ما في أي نظام انذار متصل بالشرطة في وافي،، رغم انه هذي مب اول سرقه استوت ! :yes:
::
::
4) عندما كسر الباب لماذا لم يهرع رجال أمن المركز ؟
هذا حال السكيوريتي،، اغلبهم غير مدربين ولا تنسى انهم مب مسلحين ! فـ لازم يخافون
::
::
5) إذا هرب المسلحون إلى زعبيل ، فكلنا نعرف بأن زعبيل مقر الحكم واغلب أفراد الأسرة الحاكمة فيها إذاً أين كاميرات المراقبه وأين دوريات الأمن في زعبيل؟
هذي مشكلة الشرطه.. عدد الدوريات قليل قليل قليل !.. ونعاني من نقص في العدد
6) هل نتوقع سرقات مشابه في المستقبل وهل ستتحول دبي إلى سان فرانسيسكو ؟
اليوم قريت في الجريده عن ضاحي خلفان،، يقول:
"مدينه يقيم فيها هذا العدد الكبير من الأجانب ويقصدها قادمون من
مجميع أنحاء العالم ومن دول فيها منظمات اجراميه ومافيات تنتقل
من بلد الى آخر لتنفيذ جرائم متنوعة، من المتوقع أن تحدث جريمة
كهذه في دبي"
::
::
والسمووحه منكم
رد: بعض الأسئلة بخصوص السطو المسلح إلي في وافي
السلام عليكم..
ع طاري أخبار الامارات.. النسخة الانجليزيه منها و اللي تنعرض على قناة One Tv .. حطوا تقرير عن اللي صار.. و بصفه عامه النسخة الانجليزيه وااااايد فيها اخبار يهملونها في النشره العربيه..!! مع انها اتكون احداث قريبه منا..
و اذا ع السالفه اونه فيها تحفظ أمني.. جان ما حطوا الخبر في الجرايد و اتكلموا عنه..
