مجلس الأصدقاء ،،

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


صباح الخير يا اهل الواحات
شو الاخبار مرتاحين ان شاءالله

وين الاعضاء اشوف الميلس فاضي من يومين

تحياتى

والله الموفق
المفتاح

وعليكم السلام ورحمه الله


وصباحك نور ..^^



نحن بخير يا المفتاح .^^


اخبارك انته ..؟!

بسم الله الرحمن الرحيم
اللهم صل على محمد و اله الطاهرين
السلام عليكم ورحمة الله وبركاته


اهلا اختى الكريمة الا انا
:1:
كيف الحال بخير ان شاءالله وشو اخبار الدراسة

:1::1:
انا بخير والحمدالله رب العالمين

صباح الانوار والورد والياسمين
:1::1::1:

موفقة يارب العالمين

والله الموفق
المفتاح

هلا بك ..


انا بخير الحمدلله

الدراسه تمام بس متعبه وايد ..^^

..

ويوفق الجميع ان شاء الله

مساء الخير ...

مساج نور ..^^

جمعه مباركه على الجميع

سؤال ؟؟؟؟


بالنسبة للي سافر أوربا

شو أحلى بلاد في نظره

باريس - النمسا - سويسرا - ألمانيا

^ إن شاء الله يفيدونك الاعضاء ..

/

هممم ملل ، !

ناطره تلفوني ينشحن ،
ماروم انخمد بدونه / ما بقوم !

+ ناشة اليوم من وقت ، وللحين متكسره !
شو هالفيروس المنتشر عدنا !؟!؟!؟!

,

غريبه شلون يحس الإنسان بالفراغ والملل ، حتى وأهو شاغل نفسه بشغلات يحبها .. !

كله لأني تحمست بزياده ، وعقب ظهرتلي شغله خربت علي الجدول الذهني اللي عساس بمشي عليه !؟
إذا ما رديت كملته ، ما بيخوز عني هالاحساس اللطيف :bye2: !!!!!!

أبي أبدأ به الحين من أول ويديد ، بس لاااازم أنام ، أخاف اليوم بعد ما أنش للصلاة :sad: ..
والله الاحساس يكون كريـــــــــــــــه لمن أنش بعد الوقت ؟!

احليلها عساس رفيجتي بدق لي + بحط لي 3 منبهات !

صدق صدق صدق تعقدت ، لازم اعدل نظام نومي ، ومادري اذا ينفع اقول عن نفسي [ احليلي ] !"
جي مغيره رنة الموبايل + رنة المنبه لـ سورة النساء ، بس وقت ماكون نايمه عشان أنش مصحصحه ..
+ مسكره فوني عـ صفحة الرسائل النصية وكاتبة [ فاليستجيبوا لي ] .. ~ !

والله صدق ، لازم نستشعر مكانة صلاة الصبح عدنا ، نأديها صحيحه سليمه ، تكون أحب وأقرب صلاة لنا .. !
وقتها بنقدر نصلح كل شي تالي ، كل شـــــــــــــــــــــــي ...

,

هممم ، أظن خلاص كفايه عالفون ربع ساعه ^^"

واسمحولي عالهذره ..

,

همسة لـ اختي مزن ،
عيبتني النشره جدا ، بس تمنيت لو كانت أطول
+ بموضوع خاص عساس يلاقي الاقبال المطلوب ..

فعلا محتاجين لهالمواضيع من أمثالكم ،
وربي يكرمج باللي يحبه قلبج =]

..

أحب صوت وتلاوة أخوي القارئ العجمي //
ما شاء الله عليه ، ويجزاه ربي عنا كل خير ~

,

المزوحي : من هالاربع سويسرا 3>

انا ملانه
راده من عرس وراسي بينفجر فيـّه رقاااااااااد .. بس مابا ارقد :(

اممممممم



صباح الليل


><

مي 2

ابغي انخمد بس فيني صداااع فظيع

مب رايمه انام ><

صباح الخير

كيف الحال

الياه : همم سويسرا اغلاهم اظن :)

زين وايد متحمس على السفر ...

منو منكم يبغي خمير .. اليوم احس به غير لذيذ ...

ابغي اسير وافي الحين بس مادري شكلي بكسل وما بظهر ...

~ مسـاكم جـوري . . . *


~ المزوحي : انـا شـراتك من الصبح اتشـاور اروح اميرتس مول قبل لا اروح العـين ولا

أبـا آروح لأني مب مخلصه أغـراض الجامعه

ومـابـا آروح لآني ما بـا أطلع العصر من البيت ، واروح المول وخلاف اروح

أبـا اظهر العشـا

بس مضطره اروح مب شــاريه نص أغـراضي وباجر دوامات مافي جانس

اهلين مهابه .. بغيت اظهر ماقدرت .. خليتهم يغسلون الموتر في البيت اليوم ... يمكن اسير القريه نغير جو ...

محد منكم بيسير القريه اليوم ...

ماعرف اذا هو صباح او مساء عشان جذه اسلم اخير *_*

السلام عليكم ورحمة الله وبركاته

اشحالكم ؟؟؟ عساكم طيبين

مبروكه علينا وعليكم امطار الرحمه *_* وايد نايس

المزوجي اتمنى انك ما رحت القريه عشان ما تتلعوز ويالمطر وسالفه السياره انت مثل ربيعتي اقول لها العصر لا اتودين موترج الغسيل يمكن تمطر الدنيا قالت انتي دوم اتقولين جذه وما تمطر وطبعا بعد ما امطرت السما ع قولتها يلست اتباغم موتري خاس *_*


وسلامتكم

^ اناكنت نآوية اخليهم يغسلون لي الموتر

بس نسيت السالفة

ومن شفت المطر امس فليل

قلت زين ما غسلوهاا لول ..!

.
.

اليوم بيغسلون لي اياااه ^__^