شوفتكم تفرح القلب ... مستانسه بمروركم ^ـ^
عرض للطباعة
شوفتكم تفرح القلب ... مستانسه بمروركم ^ـ^
ترددت وانا اكتب واتنقى الكلمات لكن بالاخير فكيت اسر اناملي لتكتب بما تجود.. من بعد التلفون والايباد والتطور الي حصل انجبرت ارجع للكومبيوتر ولابتوب بالاخص.. فتحت اللابتوب لغرض ما ولكن اول موقع حبيت ادخله كان بن دبي.. واندهشت ان لازال البعض اوفياء لهذا المكان .. ومثل ماتفضل البعض وقال ان هذا المكان جمعنا مع بعض باوقات نحن لها ونسترجع فيها زمن نتمناه..
قرات بعض الردود السابقه لهذا الموضوع بس افضل ماقرات هو انني قرات اسماء اصحاب الردود.. وهي نفس الاسماء التي كنت ولا زلت اشوف انها اطيب واوفى من كان في هذا المكان..
كل شخص تكونت له حياه خاصه لكن.. يبقى الي يجمع الجميع شي واحد.. وهو هذا المكان واجمل الاوقات..
لين الحين ما اعرف ليش دخلت بس حبيت اشارككم..
هذا منتدى " الطيبين"
السلام عليكم
ما اعرف كم مره قريت اضافتك الجميله،،، سعيده بوجودك و بردك و الحمدالله ان الظروف خلتك تفتح كمبيوترك و تكتب لنا،،، طمنا عليك دكتورنا،،، و كيف الحياه وياك ؟
الواحات،، متعلقين فيها ،، لانها مثل العبق الجميل ،، ترجعله متى ما ضاقت انفاسك من هموم الحياه ،،، هي منها ذكريات و اوقات واشخاص ترتاح لها ،،،
الحمدالله على سلامتك ،، وخلك متواصل :)
الجميل في الموضوع إني امتلك لاب توب من 9 سنين تقريبا .. وهاللاب توب ما استغني عنه ، وبمجرد اني افتحه لازم ادخل الواحات ،، اللاب توب بنفسه يذكرني في الناس الطيبين في هالمنتدى الرائع
والمنتدى من ادخله واشوف إنه لا زالت هناك مشاركات نقول الحمدلله ، ونطمن على اخواننا الي اجتمعنا فيهم في هالمكان .. اسأل الله أن يكون الجميع بخير ..
والله أسامي كثيرة في بالي ما أبا أكتبها لأني اخاف انسى حد .. بس كلهم كانوا نعم الأخوة والأخوات .. اسأل الله لهم التوفيق جميعا ..
وطمنونا عليكم بين فترة وفترة في هالمنتدى .. خلونا نشوف مشاركاتكم ..
الهيثم ، الحساس ،نجمة دبي ،طير الغرام ،مزن هتان ، شوق القلوب ، صريح ، طير الحب ، قرموشة ..
الله يوفجكم ويحفظكم وين ما كنتوا وأشكر لكم وفاؤكم واخلاصكم واتمنى تزورون الواحات بين فترة والثانية ..
(زوروني كل سنة مررررة حرااااام تنسوني بالمررررة)
:smile::blush:السلاام عليكم
سلاام على الماضي الجميييل
وعلى قلووب جميله
..
كنا هنااو سوف نكون باذن الله فالجنه
ماشالله مررت السنين وفتحت المنتدى
ورئييت حنيين الماضي لماضيه..
بارك الله فيكم وجعل ايامكم سعيده:fa35:
حتى الفيسات لها ذكراا
مرحبا، كل عام و انتوا بخير
الحمدلله على عام مضى بحلوه و مره و عسى ان يكتب لنا الافضل بالسنه القادمه
بحتفل براس السنة فالكويت :) :fa41:
المسا بكون بالكويت
ولهت عليكم فردا فردا، الله حافظنكم وين ما كنتوا
كل عام و انتو بخير جميعا :)
السلام عليكم
وعليكم السلام
مرحبا الهيثم
اشحالك عساك طيب
كيف الحال جميعا ؟
لويسكرون خدمة الانستقرام وتويتر وسناب شات
في الامارات متأكد الكل بيرجع الواحات
انا كل ما ابغي ادخل هنيه اقول يمكن ماحصل حد
فياليت ماتنقطعون عن المكان اللي جمعنا
السلام عليكم..
صبحكم الله بالخير و السرور ^ـ^
وعليكم السلام
صبحكم الله بالنور
الصيف شكله مستعيل هالسنه ..
شو مب مستعيل... بعدنا في فبراير... الله يعينا ع الحر السنه... بس يقووووولووووون انه في منخفض ياي في الطريج.. والله آعلم !
:m_mar7ba:
مراحب .. ^__^