.. يمعتنا يا محلاهـــــــا ..

مهـآبـه ~

آحم آحـم
طبعن كالعاده راداراتي يقبضنج وانتي قاعده على اللاب توب P=
الاسبوع اللي طاف كنتي في المبنى وعلى اللاب توب وانا كنت مستعيله ولا كنت بييج ^^

المزووحي
بس اليوووم تهاايزت ولا امس هلكت عمرري ^^"

لا صدقني مجموعة انا ما بمدح عمري، لكن كله يقولون لي اول مره نشوف مواطن يشتغل، ومايهمل

يعني واااايد ماخذين فكره بايخه عن المواطنين، وانا اثبت لهم العكس

بس الشغل عندنا مرات يكون وااايد لدرجة إنه مانروم نرمس اي حد وهالايام الشغل نقدر نخلصه حتى خلال ربع ساعه

بس للأسف ماتقدر تظهر بكيفك، لو حتى انته ملتزم ومخلص الشغل، يبونك اتم تحرس المكتب ..



بس قول كيف يطوف الوقت ؟؟؟؟

شكلي الحينه باخذ لي بلاك بيري عشان يطوف الوقت لوووول


انامل يبالج تغيرين جو لو ماقدرتي تظهرين اسبوع من الدوام

^ ع طاري البلاك بيري ، ذبحوني فيه ،
وايد انسئلن عن البن نمبر او شي جي ، مادري فيه ..

ماتصدقون اشكثر ماحب هالفون ..

امممم أخوي هواجيس ، مشكلتنا نحن ماعدنا هالسوالف ،
مانظهر هالطلعات ، أول وآخر رحلة أذكرها للبر كانت من 4 سنين تقريبا وبالكويت مو عندنا اهني ..

حتى لو بغير جو ، لازم أفكر بطريقة تناسبني أكثر ،
ممكن أجرب الممزر ، اتشاوف مع ربيعاتي ، اظهر الجيم ،
هالشغلات يعني ..

مادري أساسا إذا كنت محتاجة اجازة من الدوام ،
ابي اجازة من كل شي متكرر ، حتى درب الدوام مرات أحاول اغيره ،
مره ضعت ووصلت دبي مول ، مره كنت بوصل بوظبي ، ومرة كنت طايفه صوب طريج حتا ..!

مع إن ما يخصه دوامي ابـ هالأماكن ، صدق هبله ..

كان على اسااس بااجر اجاازه وبنرررقد نفس النااس
:sleepy:
لكن هيهاات الجامعه تخلي الواحد يرتااح :"(
مااحبهاااا كررريهه الجاامعه

ألمزوحي
نحن شغلنا في فرن درجة حرارته 3500 تخيل انت
وكله كهربا وااايل و هلاااك
وبيكون دوامنا شفتات بعد

ترا قلت انت مرتبظ بنظام ولازم تلتزم فيه

ترا في واحد كان في الشركه طلع اثناء الدوام الرسمي وسوى حادث
منو بيكون المسؤول ؟
تعرف حتى تكاليف العلاج هو تحملها لان طلع بدوون اذن

يبييلج بس الممزر كله شباب

سويلهم عزيمه في مطعم ولا اطلعي مع اهلج لمظعم ولا مكان
اقترحي عليهم موو غلط

هههههه أنامل ، أنا من ايام اسوي نفس الحركه اغير طريج الدوام، حتى ربيعي يقول ليش تسير من درب ابعد

اقوله من الاوادم اللي اشوفهم في الشارع، وايد ماخذين راحتهم في السواقه ... غباااااااء

فأحاول قد ما اقدر اتجنب تصرفاتهم !

...


دمعة شوق الله يعينج ...


مجموعة انسان الله يوفقكم ... بس انا اقصد نظهر بأذن منهم، يعني يكون الدوام فلاكسبل هاليومين

يعني مب لازم اتريا لين آخر دقيقه ، لو ظهرت قبلها بدقيقتين يحاسبوني ، بس قلت لك بغض النظر

حتى لو مخلصين الشغل لازم نتم .... شو نسوي الله كريم

افرص انك ظلعت وصارت شعله !!!


نحن ما ننعطى ويه لو خلو الدوام فلكسبل ما بنداوم
نحن مزاجييين وااايد

.... I C

خيو هواجيس ، ما اقصد الممزر من داخل اطري الكورنيش ،
بس بعد مثل ما قلت ، الكمن مره اللي رحت فيهم الكورنيش
ولا مره منهم كان الوضع فيه طبيعي ، لازم بتلقى شغلات عجيبة !.

اخوي المزوحي ، حلو حلو ، بس الفرق بيني وبينك انك تختار دربك ،
بس اختك تمشي عالحظ ، حتى لو تسئلوني وين كنت ما بعرف احدد الشارع =$

تسلم عالاقتراحات أخوي مجموعة إنسان ، ما تقصر =)

يالله اتوكل ،
أراكم على خير ..!

انااا دوووووم امسي عالسبحانية تراا هههههه


احلى شيء يوم ضييع ههه


انا من 10 سنين في بوظبي ولين الحين ما ادل فيها شيء ههههه

نشوفكم على خير

في مان الله أنامل


مجموعة احيدك تقدس النوم ليش واعي ؟؟؟؟؟



يالله انا بعد بخليكم

تصبحون على خير

اشوف مهرجان الجنادرية
عقب برقد يوم اسطل

حد هنه

لا ما في حد ههههه


باجر دوام الساعه 8 ومافيني رقااااااد

يا حليلك ..وراااك نشه غمض عيونك وعد لين الاف ههههههههه

هههه

لا بعدي
خل يخلص مال جنادرية عقب


شخباركم بعد؟

^ اخيييييج دوامك 8 !!
اخس شعووور
مي توووو 8
مأساااااااااااة
مايتم حد في البيت ما يوعيني
من كبييرهم ليييين الـ helper
كل خمس دقايق يدش علي واحد وايوعيني
وانا في عااااالم ثاااااني
عالمي الوردي احلم لول

ههههه

بالعكس حلوو دوااام 8
انا انش 6 واقعد قوم امي بعد وعقب اطلع
بس باجر بخلص 10 هيهيهيهيهي




احب اشوف الناس الصبح
اللي يثاوب واللي تتعدل والصغارية رقوود في الباصات


من اوصل على طوول عند دانكن دونتس اخذ كافيه لاتيه
احسن شيء ان في الكلية موجود

انته تدرس ولا تشتغل ؟

ادرس
بعدي صغيير انا
توني 12 سنه هههههه

السلام عليكم و رحمة الله و بركاته

صباحكم ورد، صباح نهاية أسبوع سعيده
من البارحه و اهل امي مرتبشين نتريا شييييي :fa41:

اكييييد بيظلع لكم كنز هههههه

صباح الويكند ههه
شخباركم؟ اييش متريقين ؟

كنز امممم، لالالاأغلى من الكنز
و يا هالراس

تريقت ماي و كوفي =)

‏​‎​       
‏​‏​‏​‏​‏​‏​‏​‏​� �​‏​يٱٱ ريحة الصِبح / مَعَ فيروز لٱغنت
[ نسم عَليّنآ الهوى مـَنٌ مفرق الوادي ]
        
مُِٱ عاد فينـــٍي صبر ،، ۈّالعين مُِٱ ظنت
غيرك يجيها بگل الصدق | ۈّ .. ينـاآدي
        
گل النسايم أحس إنها مَعَي حنّت
قَآلت دخيل الهوا : [خذني عَلىَ بلادي]
        
¸.•´¸.•*´¨

السلام عليكم

اش حالكم

اليوم شو ياحلوين ؟؟؟؟

وعليكم السلام والرحمه ~

آليوم آلخمـيس وآخـيرا ً ~

اليووم يالله يالله بنش من الصبح عندي قروب ميتنق ..
والحين قاعده على النت عشان ماارقـد s:

علومكم

الاعضاء راقدين ودوامات الله يعينـكم ~
:redface2:

آلمـلتـقـى آلمسـآء آن شآءالله يـوم آلكـل يتجمع ويصحصحون
:redface2:

مرحبا دمعة شوق لالا مب راقدين انشغلنا شويه

يقولكم الفستفل فاضي اليوم شكلهم الجماعه سايرين مردف ستي سنتر

^
عيل شكلهم يحـوطون ~
آن شآءآلله نخطط يـوم ونسـيرلـه ^^

صباح الخير


اشحالكم ؟؟


شو كان يومكم أمس ؟؟


السديس يخطب و يؤم الناس لصلاة الجمعة ، ستقام الصلاه في مركز المعارض في مطار دبي اليوم 19/3

^ يا حظهم اللي بيسيرون !.

~

الحمدلله نحن ابـ خير ،
وأمس كان امممم ، ماعرف ،
المهم التهينا فيه وقريب العشا مالقيتني غير طخيت ..

غصب تميت قابضة عمري عن أنام ، بس من يقول ،
بالأول غفيت بالميلس ، حتى ما حسيت ابـ عمي متى طلع ومتى ردو الأهل البيت ،
ولا كنت مصلية العشا ، بس مادري منو وعاني ـ ما أذكر ـ جي عالعشر ونص اظن ،
جان أقوم وأرد أكمل النومه بداري ، ولا صليت العشا استغفر الله ، قضيته اليوم ..


وعن الدوام ، فـ اممم احس سوالفه ماتخلص ..

مرحبااااا

شخبااااركم؟ شو مسويييييين؟
وينكم مالكم حس اليوووم ؟

شكلهم محد يقر بالبيت بالويكند !.

بالعكس
انا لين الحين مافي مخطط طلعه
وعلى الأغلب بتم في البيت اليوم


يلله على ريحة المشواااااي تفتح النفس

وانا مدري ، كله أقعد أقول بطلع وبطلع ،
بس ما شفت من هالـ [ بطلع ] شي !.


بالعافية عليكم ،
عني للحين شبعانه من الريوق اللي كلته ..

وحاليا قاعده بالواحات ،
+ أفكر أشوف فلم اونلاين ..

السلام عليكم


مجموعة بالعافيه عليكم المشاوي، وإلا هاي ريحة مشاوي اليران ؟؟؟


أنامل الجمعه المولات زحمممممممه، بس الشوارع فاضيه !

وعليـكم السـلام ..

شحـــالهم؟! شخبــارهم؟!
بنــات العــايلــة متيمـّعين .. كل ويكـ إند نسـوّي جـو سينما ونطالع موفي ^^~
الحيــنــه يالسيــن يرتـّبون المكــان ويجهـّزون السمـّاعات =)