أذكر ايام ما كنا نلحق نقرا المشاركات .. والحين ............. الله المستعان
عرض للطباعة
أذكر ايام ما كنا نلحق نقرا المشاركات .. والحين ............. الله المستعان
:)
ما اقول غير الله يسامح من كان السبب !!
،،
كل عام و انتو بخير ولو انها متآخره شوي
كيف كان عيدكم ؟
كل عام وأنتم بخير
لكم وحشه :)
و انت بخير و صحة و سلامة :)
شو اخباركم
الحمدالله .. ربي يسلمك و يعافيك
مزن شلون الواحات، اول سؤال انسأله من العضوات اللي متواصله معاهم برع الواحات
تيني ضيقه الحين يوم أحدر لأني أعرف ما بحصل حد
الله يحفظ الجميع
السلام عليكم
اشحالكم ؟؟
كتبوا مواضيع ونحن بنشارك
ذنيني على طاري الضو ، اسميها انتشرت
الهيثم شدوا حيلكم وردوا للواحات
شوق القلوب وانتِ بخير
راي الزعامه خلنا نتواصل في الواحات
مايهزك ريح مرحبا اخويه ، كيف الحال ؟؟؟؟
سرت ستي ووك والا بعدك ؟ ������
مزن لاتحاتين، قولي لها الواحات ردت مثل أول
السلام عليكم...
المزوحي... ع طاري السيتي ووك... وين مكانه و كيف ندخله.. و شو فيه ؟
اشوف وايدين حاطين عنه في الانستقرام ...
مرحبا شوق
بعدني ماسرت له ، فيه محلات وكوفيات
اذا كنتِ يايه من صوب معبر الخليج بتاخذين
جسر المركز المالي كأنه سايره صوب جميرا
وين بنك الامارات دبي الوطني قبل التقاطع
الكبير وقبل محطة اينوك، بتحصلين دخله
على اليسار ؛ في مواقف وراء
واذا ماعرفتي خبريني بشرح لچ من صوب ثاني
صح وايدين حاطين على الانستقرام؛ كل يوم يزيدون كم صوره
:)...
هلا...
المزوحي... ثاني يوم كنا سايرين جميرا... و عقب ردينا بندخل شارع الشيخ زايد... صدفه مرينا من صوبه... ما نزلنا كان ورانا مشوار... بس المكان شكله حلو.. خصه في هالجو...
انا كله ع بالي انه عندال دبي مول... ثرا طلع صوب جميرا..
..
المهم سؤال ثاني... شو من الحدايق حلوه للصغاريه... يعني زحاليق و مريحان... و من هالسوالف ؟
هو لو كنتي يايه من معبر الخليج ومريتي على دبي مول كأنج سايره جميرا بيستوي على ايدج اليسار
بالنسبه للحدائق بتكون الحدايق اللي في الفرجان
أو حديقة وومشى ند شما الليفي راشدية دبي
شو اخباركم .. اليوم جميل ومطر
بدا يتغير الجو وهاليومين احس حر في النهار
ابغي اغير الروتين ، تراني افكر بصوت عالي :)