مبروك عليكم الرحمة اهل العييين
كل هذا استقبال لقوم الجامعه خخخخخ
يستاهلون مساكين
عرض للطباعة
مبروك عليكم الرحمة اهل العييين
كل هذا استقبال لقوم الجامعه خخخخخ
يستاهلون مساكين
^
حتى فـ العيــد يانــا يوم الخميــس
جــو العيــن غيــر !
:
كيــف كــان الويكـ إينــد معاكـــم ؟
صبـاحگم تفآؤل ..
وعآم درآسي موفق للـي بيداومون اليـوم ..
مزززن :
انـا احسسس من زماااااااااان ماگلمتج ..
=(
طير :
الويك إند گان اوگـي ولله الحمد..
.
.
ماعرف شو اللي موعني من غبشه..
محد فالييت عسب ايلس وياه ولا عندي شغله
شگلي برد ارقد يلين موعد عيادتي
فديت اللي واعين من غبشه، منوّره الواحات
السلام عليكم اهل الواحات ..
شو اخباركم ..
خلص عيد الفطر .. يلا ابتدوا تشترون حق عيد الأضحى ما شي باقي الحق ما تلحق ..
واللي يبا يسافر .. يحجز من الحين .. ^_^!!
الواحد يبي يرتاح شوي مايد، لا تطري العيد
عالاقل اسبوعين نرتاح فيهم
هههههههههه .. ماشي راحه .. هذا ورى هذا والميزانيه رايحه على الآخر .. ^_^
مســـــــا الخيـــــر ~
:
روتينــي اليــومــي صــار ممـــل ! :a116:
الله يعينج اختي طير الغرام ..
ويعيـــن الجميـــــع :redface:
هــاي المفعوصــه امونستنــي وايـــد أحبهـــا واااااااايد
مادري ليش ما اتداني حــد غيري من عقــب أمهــا يوم ايونــا وكـله خالتيــه اتقولي شو الســر ليش عندج ما اتصيـــح :fa34:
http://oasis.bindubai.com/bin/upload...c76c8f1b95.jpg
عــاده لا تسإلوني شو اتســوي بالفــون هههه أتوقــع إنها مستانسـه ع الشخصيـات اللي يظهرن
لني حاطتلها برنامـج فيه أصوات جلاب وقطاوه بس يسجلون كلامنا عادي ع نبره غير اشوي وهي أظني اتبوسهــم :4:
الله يحفظها، كلهم الصغاريه يتونسون على هذا البرنامج مال الاصوات
طير ناس تتشكى من الراحه و ناس لايعه جبدها من الكراف
مززززززن :(L )
مايهزززك ريح :تخيل اليوم التاريخ ١١ واللي بـاقي مابيسد لـ نص الشهر لووولاحسس هالشهر بنقتصد فالطلعات والحواطه ، يندحونها يلسة البيت واكل البيت گمان لووول
....عقب ماطعت عنكم الصبح رقددددت وتاخرت عن الموعد بـ نص ساعه بس الدكتوره طلعت طيبه وماقالت شي
....طير :هذي لعبه كل الصغاريه لوووول افتقد يهـال بيتنا لووول هنيه انـا اصغر وحده لوووول =p
تراني اقولكم الميزانيه راحت هالشهر ..
انا اول مره استخدم الكرديت كارد ..طول الوقت كانت بس شكل ..
هالشهر لعنت خيرها .. ^_^
الله يعيني .. على الدفع آخر الشهر ..
السلام عليكم
حد يتكلم عن الفلوس ؟؟
حــم
الله يعينكم الصراحه
وحتى اسعار التذاكر مرتفعه حق ايام العيد
وبعد الناس بتسافر
شو بيسون مساكين ، يعني الواحد يجتل نفسه !!!
العيد بإذن الله 6/ 11 بالأحد ورتبوا لكم مكان تسيرون له
ماشي فايده وقفة عرفه بالسبت .. والعيد باالأحد بيعطونا يمكن الأثين .. وباقي الأسبوع دوام ..
ايلس في دبي احسن لي ..
مع انه كان في خاطري اسير ميلان ..
انا نسيت موضوع إجازتكم
لو سافرت عيد الفطر الاجازة اطول ، مب مشكله معوض
رتب على شهر 12 لو يستوي ، هذا لو مب زحمه على اساس راس السنة + اللي يبغي يلحق على الكرسمس
ياعيني على ميلان :ohboy:
هيه والله يا عيني على ميلان ...
خاطري اسير اغير جو آخر سفره كانت شهر ٥ المانيا والحين احس بضيج ;_;
السلام عليكم... اخواني و خواتي...
شخباركم...؟ لكم وحشه قد الكون ....
ماشاء الله هالسنه وايد ناس سافروا على اجازه العيد... الوقت حلو و الجو زين للسفر... وانا بعد في خاطري اسير مكان بس ماجلتنها لين شوي كتاكيتي يكبرون شوي... ابا اسير و استمتع.. مب اتبهدل وياهم...
وشوووو اخباركم بعد ؟
إن شاء الله بتسافر مايهزك ريح .. :m_m7tar:
مرحبا شوق القلوب .. اليهال متعبين ماشاء الله، بس نادر ماتلقين يهال يستكينون .. اتحطينهم في العربانه .. وتمشين بهم وين ماتبين .. وتشلين اكلهم وياج :fa56:
ان شاء الله ..
شو اخباركم اليوم .. ^_^!!
شــرات أمــس وكــل يـــوم :whistling:
:
وشــو عنكـــم ؟
لا جديد يذكر :ohboy:
واصل الدوام متأخر .. احس بتانيب الضمير يوم اوصل متأخر ..
استغفر الله عيل انا شو اقول مايد، تقريبا يوميا لازم اتاخر بين الخمس الى عشر دقايق
اليوم ما قدرت انش، دزيت مسج حق المدير اني بتاخر ساعتين "داومت 9"
مسـا الورد ..
گيفگووون ؟
واخبـار الدوامات ؟
ابا اششششتغل لووول بس ماعرف وين اقدم تخصصي كريه لوول
اليوم عندي ضيييف ' خلافي ' ولد ختيه
ماماته عندها مراجعه ومخلتنه عندددي ، ماشاء الله عليه شيطااااان
مايهزك ريح ،، اهم شي ماتفر الشغل وأتم جيه، دام إنه تسوي شغلك بضمير وتأخرت في السيره .. تقدر تعوض :police:
مزن هتان .. والله تستوي .. مرات يوم احس بعمري اتأخر ساعه عن الدوام، فأخليها ساعتين وأسوي أذن خروج ساعتين ، بس بحيث اطرش مسج واقول إني بتأخر :whistling:
مهابه شو التخصص يمكن نساعدج :1:
الحمدلله خلصت كل اللي عليه عشان ما احس بالذنب اني تاخرت ..
الحمدلله .. انا جيه،، اقول مافيّه اخلي شي، حتى لو في شغله تتأجل لليوم الثاني ، خاصة إن تأخرت
بـــرافو بــراذر :m_atmasha:
السلام عليكم
اشحالكم ؟؟؟
واخيرررررررررررررررا اليوم الخميس :a049:
اخيييييييييييييييييييرا .. بنرتاح اشويه
مســا الخيـــر ~
أخيــراً امــس غيــرت اشوي من روتيني اليومــي الـممل وسـرت عنـد اربيعاتيــه المستشفى قيـّـلت عندهــم
وبالمـره احتفلنــا بـ عيدميــلاد :happybday: اربيعتيــه الكلــوز
وناســه والله :a049:
واليــوم رديــت ع طيــر يلي :ohboy:
صبـاحكم ورد
تبون فلافل لوول ؟
المزوحي:
انا تخصصي اقري بززززنس وهو مايعادل يعني الهندسه الزراعيه ..
طير :
تخيـلي انا انششش من الصبح ..
واتم فاااضيه ، اخلصصصص تنظيف وارد ارقد وانش وبعد الوقت مايخطططف
ابد
من الفضاوه صرررت اسير العزبه وياهم هههه
امسسس اقولهم بتخبل لو يلست فاضيه اكثر من جذه
السلام عليكم...
هلا اخواني...
مهابه... حبيبتي اشبعي فضاوه.. باجر بدورين هالدقايق...
وايد امور في بالي ابا اسويها .. بس ماشي وقت...! و ان فضيت ابا افتح النت و ادخل الواحات ^ـ^
وعليكـــم الســـلام والرحمـــه ،،
أنــا بمــوت من الفــضاوه والمــلل
قمــت أرقد وأنا مافيـه ارقــاد بس أبا الوقت يمـر ويردون من دواماتهــم وأحس إنه في حـد معايـه
صح أمايه موجوده بس أكثر الأوقـات عند يدتيـه ولا يظهــرون السـوق وزيارات
وصايبني اكتئاب من الجامعــه مالت عليهـم مادري متى بيخلصـون تعديل الشهـاده ع قولـة أمايه جنهـم يصبونهـا ذهب ههههه
الله يعيـــن ويرحـــم
^_^
السلام عليكم
مهابه بتحصلين شغل في الوزارة :whistling:
شوق القلوب والله فيج الخير تدخلين الواحات :ohboy:
طير الغرام باجر بتشتغلين وبتملين بعد، بني آدم ماعنده قناعه :fa56:
^
وعليكـــم الســلام والرحمــــه ،،
صــح انزيــن أنا دوم أقول جيــه
يلسنــا فاضيـن ملينـا وماعيبنــا ،، اشتغلنــا اتشكينـا وتعبنـا وبعد ما عيبنــا :whistling:
لـو حــد معايــه فاضــي كبري عادي مابقـول شي :4:
شوق :
لووول
المزوحي:
اتصلولي عشان المقابله لكن هاك اليوم مارمت اروح ..
يا الهي !!
الواحات وايد راقده
وين البقية الباقية ؟؟
كل ما اختفي وارجع القى الواحات مثل ماهي
انزين سؤال في مخي
وين باجي السمايلييييز ؟؟؟ "اللي نحطهم في الرد"
هلااااااااااا... بنت الدلع...
شو انسوي.. كل حد لاهي من اهل الواحات...
و انت لييييييييييش تدخلين مره في الشهر...؟؟!!!!