التجهيزات لسفرة الصيف

ما قصرتي اختي الياه على الرد، يعطيج العافيه ... حتى لو ما بتبطين هناك، بس المهم إنه عندج فكره من قبل ..

اخر كلام

بنسير اوروبا نفس العام يوم سرت ويا ربعي
بس هالمره ويا الوالده و اخواني الـ ٣

بننزل في باريس و منها بنسير جنيف و ميلان و فينيسيا و زيلامسي و سالزبورغ و ميونيخ و فرانكفورت و بنرجع باريس مره ثانيه

رحلة سعيده ذنيني ...

مــرحبا ... ماشاءالله وايدين بيسافرون السنه :icecream:

هممم بالنسبة لسفرة الصيف ..

عقب اسبوعين ان شاءالله بسير بانكوك ويا اربيعي، 3 ايام في جزر من الجزر و 4 ايام في بانكوك نفسها..

تقريبا في نهاية سبعة بداية ثمانيه، 3-4 ايام المالديف (يعني ويك اند و يوم او يومين زياده) ويا ربعي و يالسين نحجز الحين .. برد و عقب عندي خيارين يا اسير ويا اهلي يا ويا ربعي ..
اهلي لين الحين ماخططو بس احتمال لبنان ... لكن احتمال كبير اسير ويا ربعي، جنيف و ايبيزا (اسبانيا) :fa42:

الجزر احلى عن بانكوك نفسها، وانا في خاطري اسير المالديف

همم لبنان ما حبيتها .... مادري ليش

ادري سايرلها من زمان، الجزيره احتمال تكون بوكت ... لكن بانكوك لأنه عندنا شغله هناك نبا نخلصها ف لازم نيلس فيها ..

حاولت احجز عال A380 بس ماحصلت و عقب ماحجزت حصلت فيها لول

الله يوفقكم وتنبسطون هناك ....

و عن المالديف اتصل بشرف للسفريات اطلب واحد اسمه الوكا ... هذا دايما نتعامل وياه و يسويلنا باكجز حلوين للسفرات خصوصا للأماكن الصعبه مثل المالديف و افريقيا ....الخ

عندي شباب سارو تنزانيا عن طريقه، اسميهم استانسو و بيردون يسيرون في شهر 10، و يبوني اسير وياهم .. اذا رمت بحاول انزل صورهم يوم كانو هناك ....

:b050:

في منهم يرتبون رحلات اوكي ... ما تقصر لمّــاح ....

لندن - دبي- لندن - آييرلند - لندن - دبي p; وفي النص يمكن بارييس!


لماح
يوم سرنا بوكيت قبل خمس سنين تمينا في الـ بنيان ترييي هوتل.. كان حلو :)

اقتباس:

---

لماح
يوم سرنا بوكيت قبل خمس سنين تمينا في الـ بنيان ترييي هوتل.. كان حلو :)

---

شمعة أمل .. بشوف صور الفندق و اذا اوكي بحجز، ابغي فعاليات لأنه بنكون شخصين بس فلازم انسويلنا جدول حلو..

أول ما اخلص الجدول بقولج شو بيكون .. :fa52:

نايس بتستانسوون!
نحن بيكون صيفنا active in irealnd اظني بنتم في نفس فندق على شكل مزرعه!

هالنوع من الفنادق اذكر شي منها في كاردف في ويلز اذا ماخاب ضني، و آسكوت فيها بيوت بهالطريقة بعد لكن كلها مملوكه مب فنادق..

اهلي كنسلوا السفر
و ساروا مصر امس اسبوع و بيردون و عقب بيسيرون لبنان

انا ما بسافر وياهم
قلتلهم يا اسير بلاد عدله و ولا ما بسير لول

الشباب ما عندهم اجازات فـ شكلي بسافر في العيد

ذنيني ولو حتى شخص واحد تسير وياه أوربا - ؟

في هالوقت ما بسافر لأني عانيت الين ما لغيت اجازتي

شكلي بسافر في العيد
بقضي اخر يومين من رمضان في باريس لول

نحن سفرنـآ عقب بـآجر ان شاء الله لـ تآيلاند ^__^

رمش الغلا وين بتسكنون بإذن الله


رحلة موفقة وتردون بالسلامة :fa42: ( لاتنسون الصور )

مـآعرف وين بسكن ولا اعرف شي لول ..

أكيد من برد بعطيكم الصور والتفاصيل كلهـا

انا من 3 ايام بس خبروني عن السفرة ما كنت أدري ><

وامس عرفت عن وقت السفرة بالضبط

فكل شي استوا بسرعة بسرعة .. وان شاء الله التفاصيل كلها عقب ما أرد ^__^

تخيلي بس ما تعرفين .. المهم .. أكيد انت آخر العنقود ... :)

المهم بنتريا تقرير الرحله

لا لا مب آخر العنقود ^__^

.. لأنه كنت مشغولة بـ حفلة التخرج فما كنت أشوفهم مول فالبيت !

والكل كان يدري الا اانا [ لوول ] ..

المهم اني عرفت واقدر الحق ازهب عمري قبل السفر :)

رمش الغلا أبوي بعد سفرته بعد بكره لـ تايلاند

ابوي بيقعد اسبوع و الا 10 ايام بيرجع
بيرد يسافر اهو و أمي و خواتي الزغار مصر بيقعدون 3 اسابيع

شرآتنــآ يعني ^__^

يمكن ويانا عـ نفس الرحلة =)

نحن طيارتنا الصبح ان شاء الله ...

على فكره ربيعي تبهدل عسب ويزة لندن، قلت له لو انا ما بسير بلادهم، مذله ...

^
خله ياخذ خدمة الـ VIP احسن له عشان ما يتبهدل ..
ادفع زياده واتعزز .. بس لازم ياخذون بصماتك !

هذا يعني متعمدين يسون جيه، عسب ياخذون هالخدمه، ادري بها الخدمه، بس ماداني يوم يسون جيه ..

ربيعي الثاني اليوم يخبرني إنه السفارة الفرنسية سوت لهم سالفة ليش بتسيرون، مع إنه ضارين

يعطون جوازاتهم اي مكتب سفريات ويظهرون الشنجن ... فأخوه بيسير بيظهرها من السفارة مادري القنصلية الالمانيه

عسب الاجراءات تخلص بسرعه لأنه سفرهم جرب خلاص ...

انا خذت الشنجن من الألمانيه ... 3 ايام بس ما يتأخرون !
و الفرنسيه وايد ياخذون وقت .. ويبون معلومات ازياده اعتقد !

زين انا الحين في الدوام_ وربعي يتكلمون عن السفر _ ويوم قريت ردك _ انه الشنجن من الالمانيه 3 ايام
قال ربيعي عيل بسير

المكتب اللي يستلم الطلبات موجود عدال فندق كابيتول في شارع الظيافه ..
بس لازم ايكون مسوي تأمين صحي ..
له وللي بيسيرون وياه .. عن طريق مكتب السفريات انا دفعت 1900 حق 4 اشخاص !

بعض التفاصيل ..

سفرتنا بتكون مدة 3 اسابيع تقريبا وحجزنا سيارة Mercedes Benz Vito
حقنا وحق الشنط
اول شي بنسير ميونخ وبنتم فيها يومين

بعدين بنسير سالزبورغ وبيكون في خيارين
1- نيلس في مزرعه وكله طبيعه حوالينا
المنطقه الي بنسيرلها بيكون فيها وايد avtivities
من horse riding , pony carriage ride و غيره

2- نيلس في resort
وبيكون في شوبينغ + طبيعه .. عندهم بحيره وايد حلوه هناك على قولت السكرتيره: with crystal clear water
وفي نفس المنطقه بيكون فيه ice cave

ومن بعدها اظن بنسير زيلامسي .. واخر شي بنروح زيورخ وبعدين بنرد ميونخ

ان شاء الله يوم الجمعه مسافرين =)

ما يهزك ريح ... يوم قلت إنه لازم يكون تأمين صحي، حد اتصل به وقال نفس الرمسه، فهو كان يقولي التأمين ياخذ

في حدود 400 درهم .. مثل ما قلت انته 1900 عن 4 اشخاص

بلاهم السته ... ..

بنت الدلع رحلة موفقة ... تسيرون وتردون بالسلامة


...

في احتماليه نسير سويسرا ، فإن سرنا وين تنصحونا نسير ... من 3 سنوات زرتها وسرنا انترلكن روعه الصراحه

وطبعا مرينا جنيف ...

سويسرا بكبرها حلوه ..
المناطق اللي لازم اتسيرلها .. بازل + انترلاكن + لوسيرن + لوزان +مونترو + جنيف (عادة اتكون زحمه )
وانا سرت منطقه اسمها لوجانو .. فيها outlet كله حق المشاري وفيه كل الماركات .. اسمه foxtown
والأماكن الثانيه مثل sankt gallan و sankt moritz كلهن حلوات !

واذا تبا معلومات ازياده انا حاظر ..
بس انصحك انك اتسوق سياره وخذها جير اتوماتيك لأنه البلاد كلها صعدات وبتتعب من الجير العادي وحاول تحجزها من دبي لأنه هناك صعب اتحصلها بالراحه !
ولازم ايكون عندك GPS عشان تفتك من الخرايط "^_^

مرحبا مايهزك ريح ربيعي سار عند النابودة للسفريات عندهم تأمين صحي، وأظن الاسعار تختلف حسب المدة .. :fa46:
سويسرا زرتها سرت جنيف وانترلكن خبال لكن ما اذكر لو سرت لوقانو وإلا لا ... لأنه سرت مع اختي وريلها وعيالها
بالنسبه لــ foxtown من ايام شفت الموقع وخبرت اختي وقالت والله ؟؟؟ الواحد حلو ياخذ معلومات قبل ما يسافر
عسب يعرف، وتحس كل ماركه بوتيك روحه مب مثل الاوت لت مالنا ( في دبي ) مب شي ...
بالنسبة لحجز الموتر مب احسن يورب كار ؟؟

تدري ربيعي العام مدحت له اوربا ، قال لاااا انا احب شرق آسيا .. لكن يوم سافر العام مع هله ألمانيا عيبته وبيكررون
الرحله بس هالمره بيمرون على لندن، وخلاف بيسيرون أما ألمانيا او سويسرا ..
و الــgps مايكون من اول في السياره ؟؟؟؟
الحلو في الايجار إنه ممكن نرد الموتر اي مكان وفي باركات المطار .... يعني ما يحتاي ناخذ تكسي، نحن نوصل عمارنا
وإذا في اي بسألك، ادري بك ما تقصر ... :m_atmasha:

^ المزوحي اذا بتسيرون صوب جنيف لا تفوتون ايفيااان
مدينة هادية و حلوة
و annenecy بعد حلوة و جريبة من جنيف

ع فكرة الـ fox town موجود في اكثر من مكان في سويسرا
شي واحد عقب مونتركس بس شو اسم المنطقة ماذكر ..

اللي في زيورخ صغير وما ينفع - عدال المطار !

بس اظني اكبر واحد في لوجانو !
هذا هو .. اللي سرناله !

http://www.foxtown.ch/cometrovarci.p...ntro=mendrisio

وفي لوجانو .. swiss miniature كل مباني سويسرا بس مصغره ^_^

http://www.swissminiatur.ch/index.asp?page=18&index=9

عفاريتووو .. كنت افكر في ايفيان ... خالتي سارت لها العام .. يلسوا فيها هناك ...

..

مايهزك ريح يوم فتحت الموقع وشفت الصورة بس هذي -

مادري تحمست اسير

http://www.foxtown.ch/include/mendri...ano_Zurigo.jpg



مشكورين

موجود فوق بس يمكن انته ما انتبهت له ^_^

http://oasis.bindubai.com/bin/upload...1245842094.jpg

انتبهت للصوره بس اقصد انا بمجرد ماشفت الصوره وفيها اللوحات _ اتحمست :)

أبغي معلومات عن لبنان


فنادقها والسياحه فيها وأهم شيء أهم شيء أسواقها !!!

للخبراء فقط :)

اممم صيــفـــي مميــز مــع مدهـــش :woot:

اممم ناوي اروح الامارات سياحة 4 ايام في آخر سبــعـــة ’,,
يوم في بنــي ياس ، ويوم في بدع زايــد ، وآخر يومين في بني ياس وبوظبي
يقولون بأنها حلوة .. او انها جنــــــــــــــــــــــة :inlove:

وطبعـــاً الشردادت يايه في أي اجازة :fa51:

..

وما اعرف حق ليش مسوين حشرة على سويسرا وخاصة جنيــــف :Oo:

وانتبهوا من الوحش في المانيـــااااااا .. يتحرش في كل اماراااااتي :fa46:

تحياتي

منـــ9ـــوري